តាមដានជាមួយយើង៖ Million Times

កិច្ចសន្យា​ផ្ដល់​ជំនួយ​នេះ ត្រូវ​បាន​ចុះ​ហត្ថលេខា​នៅ​ថ្ងៃ​នេះ ដោយ ឯកអគ្គរាជទូត​វិសាមញ្ញ លោក អ៊ូអ៊ិណុ អាត់ស៊ូស៊ី និង​ពេញ​សមត្ថភាព​របស់​ប្រទេស​ជប៉ុន​ប្រចាំ​កម្ពុជា និង​អ្នក​តំណាង​ស្ថាប័ន​ទទួល​ជំនួយ សម្រាប់​អនុវត្ត​គម្រោង។

រដ្ឋាភិបាល​ជប៉ុន នឹង​ផ្ដល់​ថវិកា​សរុប ៦៦៥ ១៨៦ ដុល្លារ ដល់​ស្ថាប័ន​ទទួល​ជំនួយ​មួយ ក្រោមគ្រោង​ការណ៍​ជំនួយ​ឥត​សំណង​សម្រាប់​គម្រោង​អង្គការ​ក្រៅ​រដ្ឋាភិបាលជប៉ុន។ កិច្ច​សន្យា​ផ្តល់​ជំនួយត្រូវបានចុះហត្ថលេខានៅថ្ងៃនេះ ដោយ ឯកឧត្តម អ៊ូអ៊ិណុ អាត់ស៊ូស៊ី ឯកអគ្គរាជទូតវិសាមញ្ញ និងពេញសមត្ថភាពរបស់ប្រទេសជប៉ុនប្រចាំព្រះរាជាណាចក្រកម្ពុជា និងអ្នកតំណាងស្ថាប័នទទួលជំនួយ សម្រាប់អនុវត្តគម្រោង។

នៅ​ក្នុង​គម្រោងនេះ អង្គការ JMAS(ចេម៉ាស) នឹង​បោស​សម្អាត​តំបន់​ដែល​មាន​គ្រាប់​បែក​ចង្កោម ១៧០ ហិចតា និង​បង្រៀន​មជ្ឈមណ្ឌល​សកម្មភាព​កម្ចាត់​មីន​កម្ពុជា (CMACស៊ីម៉ាក់) អំពី​វិធីសាស្ត្រ​ដែល​មាន​សក្ដិ​សិទ្ធភាព និង​សុវត្ថិភាព ក្នុង​ការ​បោស​សម្អាត​គ្រាប់​បែក​ចង្កោម។ មិនតែប៉ុណ្ណោះ គម្រោង​នេះ​នឹង​ផ្ដល់​ការ​អប់រំ​ពី​ការ បញ្ចៀស​ពី​ហានិភ័យ​គ្រាប់មីន ដល់​ប្រជាជនមូលដ្ឋាន និង​បណ្ដុះបណ្ដាល​កសិករ​អំពី​ការ​គ្រប់គ្រង និង​បច្ចេកវិទ្យា​កសិកម្ម។

គួរបញ្ជាក់ផងដែរថា ជំនួយ​ឥតសំណងសម្រាប់គម្រោងអង្គការក្រៅ​រដ្ឋាភិបាល​ជប៉ុន បាន​ចាប់ផ្ដើម​នៅ​កម្ពុជា​ក្នុង​ឆ្នាំ ២០០២ ដើម្បី​គាំទ្រ​ដល់​សកម្មភាព​របស់​អង្គការ​ក្រៅ​រដ្ឋាភិបាល​ជប៉ុន ក្នុង​កិច្ច​ខិតខំ​ប្រឹងប្រែង ដើម្បីជួយដល់ ការ​អភិវឌ្ឍ និង​ស្ថាបនា​ប្រទេស​កម្ពុជា​ឡើង​វិញ​នៅ​កម្រិត​មូលដ្ឋាន។ ចាប់តាំងពីឆ្នាំ២០០២ មក រដ្ឋាភិបាល​ជប៉ុន​បាន​ផ្ដល់​ថវិកាជាង ៦០ លាន ដុល្លារ​អាមេរិក ដល់​គម្រោង ១៧០ ដែល​ផ្ដោត​សំខាន់​ទៅ​លើ​វិស័យ​អប់រំនៅកម្រិតបឋមសិក្សា វិស័យសុខាភិបាល វិស័យ​កសិកម្ម និង​សកម្មភាព​បោសសម្អាត​មីន​ក្នុង​ប្រទេស ​កម្ពុជា៕

អត្ថបទ៖ ឆដា, រូបភាព៖ ស្ថានទូតជប៉ុនប្រចាំកម្ពុជា

The post ជប៉ុនសន្យាផ្តល់ថវិកាជិត ៧០ ម៉ឺនដុល្លារ សម្រាប់ការបោសសម្អាតគ្រាប់បែកចង្កោម ១៧០ ហិចតា appeared first on Millions times.

សេចក្តីប្រកាសព័ត៌មានក្រសួងការបរទេស និងសហប្រតិបត្តិការអន្តរជាតិ បានឲ្យដឹងថា ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេសកម្ពុជា និងលោក UENO Atsushi ឯកអគ្គរាជទូតជប៉ុនប្រចាំកម្ពុជា នឹងចុះហត្ថលេខាលើលិខិតប្តូរសារ និងឯកសារពាក់ព័ន្ធ ស្តីពីការផ្តល់ហិរញ្ញប្បទានឥតសំណងរបស់ជប៉ុន ដែលមានទឹកប្រាក់ចំនួន ១,០០២ លានយ៉េន សម្រាប់អនុវត្តគម្រោង «កម្មវិធីអភិវឌ្ឍន៍សេដ្ឋកិច្ច និងសង្គម» គឺ គម្រោងលើវិស័យនគរូបនីយកម្ម នៅថ្ងៃទី២៦ ខែធ្នូ ឆ្នាំ២០២៤។

ក្រសួងការបរទេសបញ្ជាក់ថា ហិរញ្ញប្បទានឥតសំណងនេះ គូសបញ្ជាក់ពីការគាំទ្រឥតងាករេរបស់ជប៉ុន ចំពោះកិច្ចខិតខំ ប្រឹងប្រែងរបស់រាជរដ្ឋាភិបាលកម្ពុជា ដើម្បីលើកកម្ពស់ការអភិវឌ្ឍសេដ្ឋកិច្ច-សង្គម។ ក្រសួងបន្តថា ជំនួយនេះក៏នឹងរួមចំណែកក្នុងការពង្រឹង និងធ្វើឱ្យកាន់តែស៊ីជម្រៅបន្ថែមទៀត នូវភាពជាដៃគូយុទ្ធសាស្ត្រគ្រប់ ជ្រុងជ្រោយរវាងប្រទេសទាំងពីរ។

គួរឲ្យដឹងដែរថា ការអភិវឌ្ឍនគរូបនីយកម្ម គឺផ្តោតទៅលើការអភិវឌ្ឍអចនទ្រព្យ និងការអភិវឌ្ឍសំណង់លំនៅឋាន ពាណិជ្ជកម្ម សេវាកម្ម ឧស្សាហកម្ម ហេដ្ឋារចនាសម្ព័ន្ធរូបវ័ន្ធ និងបរិស្ថានទីក្រុង ដែលកំពុងមានកំណើននៅក្នុងប្រទេសកម្ពុជា។ កាលពីដើមខែធ្នូក្នុងឆ្នាំនេះ ក្រសួងរៀបចំដែនដី នគរូបនីយកម្ម និងសំណង់កម្ពុជា និងក្រសួងដីធ្លី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ជប៉ុន រួមគ្នាបង្កើតវេទិការដ្ឋ-ឯកជន កម្ពុជា ជប៉ុន លើកទី៥ ស្តីពីការអភិវឌ្ឍនគរូបនីយកម្ម ក្រោមប្រធានបទ “ទីក្រុងឆ្លាតប្រកបដោយសុខដុមរមនា” ដែលមានក្រសួង ស្ថាប័ន និងវិស័យឯកសរុបចំនួន ៦០០នាក់។

ក្នុងវេទិកាបានពិភាក្សា និងចែករំលែកចំណេះដឹង បទពិសោធន៍ អំពីការរៀបចំដែនដី នគរូបនីយកម្ម សំណង់ លំនៅឋាន ការអភិវឌ្ឍទីក្រុង និងការអភិវឌ្ឍអចលនទ្រព្យ ដោយផ្តោតលើ ប្រធានបទ “ទីក្រុងឆ្លាតប្រកបដោយសុខដុមរមនា”។ តាមរយៈវេទិកានេះ អ្នកចូលរួមមកពីវិស័យ ឯកជន និងអ្នកជំនាញវិជ្ជាជីវៈនៃប្រទេសទាំងពីរ នឹងមានឱកាសបន្ថែមទៀតសម្រាប់ជំនួបធុរៈកិច្ច ដើម្បីពិភាក្សាជំរុញការវិនិយោគនៅកម្ពុជា ជាពិសេសការជំរុញឱកាស ធុរៈកិច្ច និងវិនិយោគពីប្រទេសជប៉ុនមក ប្រទេសកម្ពុជាលើការអភិវឌ្ឍន គរូបនីយកម្ម ដោយផ្តោតលើការអភិវឌ្ឍទីក្រុងឆ្លាតនិងការអភិវឌ្ឍ អចលនទ្រព្យ៕

អត្ថបទ៖ សាងតេជៈ រូបភាព៖ បណ្តាញសង្គម

The post ជប៉ុនផ្តល់កញ្ចប់លុយឥតសំណង ៧.២លានដុល្លារឲ្យកម្ពុជាអភិវឌ្ឍន៍វិស័យនគរូបនីយកម្ម appeared first on Millions times.