តាមដានជាមួយយើង៖ Million Times

អ្នកនាំ​ពាក្យ​សាលា​ដំបូង​ខេត្ត​កំពត បាន​បង្ហាញ​ពី​វឌ្ឍនភាព​នៃ​ចំណាត់ការ​នីតិវិធី​របស់​សាលា​ដំបូង​ខេត្ត​កំពត ដូច​ខាងក្រោម៖

១. បាន​សម្រេច​បង្កក​គណនី​ធនាគារ និង​គ្រឹះស្ថាន​មីក្រូ​ហិរញ្ញវត្ថុ​ចំនួន ១០៦ គណនី ។

២. បាន​សម្រេច​បង្កក​អចលនវត្ថុ (ដី) ចំនួន ២.០១២ ក្បាលដី ស្មើ​នឹង​ទំហំ ២ ២៨៨ ៧៩៦.៨ (ពីរ លាន ម្ភៃ​ប្រាំបី​ម៉ឺន ប្រាំ​បី​ពាន់ ប្រាំ​ពីរ​រយ កៅសិប​ប្រាំ​មួយ ក្បៀស​ប្រាំបី) ម៉ែត្រ​ការ៉េ​មាន​ទី​តាំង​ស្ថិត នៅ​ខេត្ត​កំពត, រាជធានី​ភ្នំពេញ, ខេត្ត​កណ្ដាល និង​ខេត្ត​កែប។ សាលា​ដំបូង​ខេត្ត​កំពត ក៏​កំពុង​តែ​ស្រាវជ្រាវ​ស្វែងរក​នូវ​អចលនវត្ថុ និង​ចលនវត្ថុ​របស់​ជន​ត្រូវ​ចោទ ដែល​ពាក់ព័ន្ធ​បន្ត​ទៀត​ផង​ដែរ។

៣. សាលា​ដំបូង​ខេត្ត​កំពត បាន​នឹង​កំពុង​ពិនិត្យ និង​សិក្សា​លើ​អចលនវត្ថុ ដែល​ត្រូវ​បាន​បង្កក ដើម្បី​ជា​មូលដ្ឋាន​ក្នុង​ការ​រក​ដំណោះស្រាយ​ជូន​ជនរងគ្រោះ និង​ដើម​បណ្ដឹង​រដ្ឋប្បវេណី។

៤. សាលា​ដំបូង​ខេត្ត​កំពត បាន​នឹង​កំពុង​ពិនិត្យ​ស្រាវជ្រាវ​នូវ​កម្ចី (បំណុល) របស់​ជនរងគ្រោះ និង​ដើម​បណ្ដឹង​រដ្ឋប្បវេណី​នៅ​ធនាគារ និង​គ្រឹះស្ថាន​មីក្រូហិរញ្ញវត្ថុ​ទូទាំង​ប្រទេស ដែល​ជាប់​ពាក់ព័ន្ធ​នឹង​ក្រុមហ៊ុន ជា សារ៉ន រៀលធី ឯ.ក ។

ក្នុង​នោះ អ្នក​នាំ​ពាក្យ​សាលា​ដំបូង​ខេត្ត​កំពត​បន្ថែម​ថា សាលា​ដំបូង​ខេត្ត​កំពត បាន​កំពុង​បន្ត​ឃុំ​ខ្លួន​ជា​បណ្ដោះអាសន្ន​លើ​ជន​ត្រូវ​ចោទ​ឈ្មោះ ជា សារ៉ន និង​បក្ខពួក ហើយ​នឹង​បន្ត​ចាត់ការ​សំណុំ​រឿង​ពាក់ព័ន្ធ​នឹង​ក្រុមហ៊ុន ជា សារ៉ន រៀលធី ឯ.ក របស់​ជន​ត្រូវ​ចោទ​ឈ្មោះ ជា សារ៉ន ប្រកប​ដោយ​ការ​យក​ចិត្ត​ទុក​ដាក់​ខ្ពស់ ដោយ​ភាព​ត្រឹមត្រូវ ច្បាស់លាស់ តម្លាភាព និងយុត្តិធម៌ដោយអនុវត្តតាមច្បាប់ និង​នីតិវិធី​ជា​ធរមាន។

ជា​មួយ​គ្នា​នេះ អ្នកនាំ​ពាក្យ​សាលា​ដំបូង​ខេត្ត​កំពត​បាន​អំពាវនាវ​សូម​ឲ្យ​បងប្អូន ប្រជាពលរដ្ឋ សាធារណជន មេត្តា​សហការ ដោយ​រក្សា​នូវ​សន្តិសុខ សណ្ដាប់ធ្នាប់​ល្អ ដើម្បី​សាលា​ដំបូង​ខេត្ត​កំពត បន្ត​ចាត់​ការ​សំណុំ​រឿង​នេះ ប្រកបដោយ ប្រសិទ្ធភាព និង​រក​ដំណោះ​ស្រាយ​ជូនភាគី ដែល​មាន​ការ​ពាក់ព័ន្ធ​ទាំងអស់​នា​ពេល​ខាង​មុខ៕

អត្ថបទ៖ មេរ៉ា, រូបភាព អ៊ីនធឺណេត

The post សាលាដំបូងខេត្តកំពត កំពុងពិនិត្យដីជាង ២០០ ហិកតា ធ្វើមូលដ្ឋានដំណោះស្រាយឲ្យជនរងគ្រោះ ក្នុងសំណុំរឿងអតីតឧកញ៉ា ជា សារ៉ន appeared first on Millions times.

សាលាដំបូងខេត្តកំពត បានឲ្យដឹងថា ក្រោយបានស្ដាប់ចម្លើយដើមបណ្តឹងរដ្ឋប្បវេណី ចំនួន ៥,៦៨០នាក់ និងសាក្សីជាអាជ្ញាធរចំនួន ២៤៩នាក់ តុលាការបានសម្រេចឃុំខ្លួនជនត្រូវចោទចំនួន ១០នាក់, បានចេញដីកាបង្គាប់ឱ្យចាប់ខ្លួនជនត្រូវចោទចំនួន ៩នាក់ ប៉ុន្តែ មកដល់ពេលនេះមិនទាន់ចាប់ខ្លួនបាននៅឡើយទេ និងបានចេញដីកាបង្គាប់ឱ្យនាំខ្លួនជនត្រូវចោទចំនួន ៤០នាក់ និងបានចេញដីកាបង្គាប់ឱ្យចូលខ្លួនលើជនត្រូវចោទចំនួន ១០នាក់ ដោយកំណត់ឱ្យចូលខ្លួនគិតចាប់ពីថ្ងៃទី២៩ ខែមេសា ឆ្នាំ២០២៤ ដល់ថ្ងៃទី០៩ ខែឧសភា ឆ្នាំ២០២៤ ព្រទាំមបានចេញដីកាចាត់ឱ្យស៊ើបសួរជំនួស ដោយបង្គាប់ស្រាវជ្រាវរកអត្តសញ្ញាណរបស់ជនពាក់ព័ន្ធផ្សេងទៀត និងទ្រព្យសម្បត្តិរបស់ជនត្រូវចោទដើម្បីចាត់ការតាមនីតិវិធីច្បាប់។

នៅក្នុងសេចក្តីប្រកាសព័ត៌មានដដែល សាលាដំបូងខេត្តកំពត កំពុងចាត់ការហើយនឹងបន្តចាត់ការសំណុំរឿងពាក់ព័ន្ធនឹងក្រុមហ៊ុន ជា សារ៉ន រៀលធី ឯ.ក របស់ជនត្រូវចោទឈ្មោះ ជា សារិន ដែលមានគោរមងារឧកញ៉ា ប្រកបដោយការយកចិត្តទុកដាក់ខ្ពស់បំផុតដោយភាពត្រឹមត្រូវ ច្បាស់លាស់ តម្លាភាព និងយុត្តិធម៌ដោយអនុវត្តតាមច្បាប់ និងនីតិវិធីជាធរមាន។

សាលាដំបូងខេត្តកំពត បញ្ជាក់ថា ដោយសារតែសំណុំរឿងនេះមានភាពស្មុគស្មាញ មានជនជាប់ទាក់ទិន និងមានជនរងគ្រោះច្រើននាក់ ហេតុនេះតុលាការត្រូវធ្វើការស៊ើបសួរទៅលើបុគ្គលដែលមានការពាក់ព័ន្ធ ហើយនឹងកំពុងតែបន្តចំណាត់ការលើអ្នកពាក់ព័ន្ធផ្សេងទៀត ដើម្បីស្វែងរកការពិត ដោះស្រាយជូនជនរងគ្រោះ ដើមបណ្តឹងរដ្ឋប្បវេណី ទាំងអស់តាមនីតិវិធីច្បាប់៕

អត្ថបទ៖ សាង តេជៈ

The post សំណុំរឿងក្រុមហ៊ុនឧកញ៉ា ជា សារ៉ន តុលាការសម្រេចបង្កកគណនីធនាគារ ៩៥គណនី និងបង្កកដីជិត២ពាន់ក្បាលដី appeared first on Millions times.