តាមដានជាមួយយើង៖ Million Times

សេចក្តីប្រកាសព័ត៌មាន បានឱ្យដឹងថា រាជរដ្ឋាភិបាលកម្ពុជា បានសម្រេចផ្អាកការធ្វើដំណើរចេញ-ចូលទាំងស្រុងនៅតាមច្រកទ្វារព្រំដែនកម្ពុជា-ថៃ ចាប់ពីពេលនេះតទៅ រហូតដល់មានការជូនដំណឹងជាថ្មី ដោយយោងលើការវិវត្តនៃស្ថានភាពព្រំដែន ដែលភាគីថៃបានកំពុងឈ្លានពានដែនអធិបតេយ្យកម្ពុជា ដោយវាយប្រហារតាមគ្រប់ទម្រង់មិនរើសគោលដៅ បណ្តាលឱ្យប្រជាជនកម្ពុជាស្លាប់ និងរបួស ព្រមទាំងប៉ះពាល់ដល់ភូមិឋានប្រជាពលរដ្ឋ និងហេដ្ឋារចនាសម្ព័ន្ធរូបវន្ត។

ការសម្រេចនេះ គឺដើម្បីធានាសុវត្ថិភាពប្រពលរដ្ឋកម្ពុជា និងប្រជាពលរដ្ឋថៃ ព្រមទាំងជនបរទេសគ្រប់ជាតិ សាសន៍ពីគ្រោះថ្នាក់ពេលធ្វើដំណើរ ជាពិសេសការធ្វើដំណើរឆ្លងកាត់ព្រំដែន។

ក្រសួងមហាផ្ទៃ បានបញ្ជាក់ថា ក្នុងន័យនេះ ប្រជាពលរដ្ឋកម្ពុជាដែលកំពុងស្ថិតក្នុងប្រទេសថៃ ត្រូវបន្តរស់នៅ និងធ្វើការក្នុងប្រទេសថៃជាធម្មតា។ ដូចគ្នាដែរ ប្រជាពលរដ្ឋថៃដែលកំពុងរស់នៅ និងធ្វើការនៅកម្ពុជា ត្រូវបន្តស្ថិតនៅកម្ពុជាជាធម្មតាដែរ រហូតបទឈប់បាញ់ត្រូវបានអនុវត្តពេញលេញ។ វិធានការនេះ គឺដើម្បី ធានាសុវត្ថិភាពប្រជាពលរដ្ឋកម្ពុជា និងប្រជាពលរដ្ឋថៃ កុំឱ្យមានគ្រោះថ្នាក់ពេលធ្វើដំណើរ ពិសេសការឆ្លងកាត់ តាមព្រំដែន។

ក្រសួងមហាផ្ទៃ នៃរាជរដ្ឋាភិបាលកម្ពុជា បានណែនាំរដ្ឋបាលខេត្តជាប់ព្រំដែន និងអាជ្ញាធរគ្រប់រាជធានី-ខេត្ត បង្កើនការយកចិត្តទុកដាក់ផ្តល់ការគាំពារគ្រប់បែបយ៉ាងអស់ពីលទ្ធភាពដល់ប្រជាពលរដ្ឋថៃ និងជនបរទេសទាំងឡាយ ទាំងអ្នករស់នៅតំបន់ព្រំដែន និងទូទាំងប្រទេស ឱ្យបានដូចគ្នានឹងប្រជាពលរដ្ឋ កម្ពុជាដែរ។

ជាមួយគ្នានេះ ក្រសួងមហាផ្ទៃនៃរាជរដ្ឋាភិបាលកម្ពុជា ស្នើក្រសួងមហាផ្ទៃនៃរាជរដ្ឋាភិបាលថៃ ផ្តល់ការគាំពារដល់ប្រជាពលរដ្ឋកម្ពុជា ដែលកំពុងរស់នៅក្នុងប្រទេសថៃ ដូចគ្នាដែរ៕

អត្ថបទ៖ វីរៈ រូបភាព៖ ក្រសួងមហាផ្ទៃ

The post កម្ពុជា សម្រេចផ្អាកការធ្វើដំណើរចេញ-ចូលទាំងស្រុង នៅតាមច្រកទ្វារព្រំដែនកម្ពុជា-ថៃ appeared first on Millions times.

តាមដានជាមួយយើង៖ Million Times

ត្រង់ចំណុចនេះ ឯកឧត្តម ជា ធីរិទ្ធ បានបញ្ជាក់ថា «ខ្ញុំសូមបញ្ជាក់ឡើងវិញថា ជាជំហររបស់សម្ដេចតេជោ លោកបានបញ្ជាក់យ៉ាងច្បាស់ថា កម្ពុជា មិនទៅអង្វរ មិនទៅថោកអង្វរ សុំឱ្យថៃបើកច្រកព្រំដែនកម្ពុជា-ថៃ ឡើងវិញទេ ទោះបីជាថៃបិទ ១០០ឆ្នាំទៀត ក៏កម្ពុជាមិនទៅអង្វរ ឬក៏ថៃធ្វើទៅតាមចិត្តខ្លួនឯងទៅ»។

អ្នកនាំពាក្យសម្ដេចតេជោ បានបន្ថែមថា ប្រទេសកម្ពុជា មិនបន្ទាបខ្លួនទៅអង្វរថៃបើកច្រកព្រំដែនវិញនោះទេ។ ដូច្នេះ ការលើកឡើងរបស់អ្នកនាំពាក្យក្រសួងការពារជាតិថៃខាងលើនេះ គឺជាការមួលបង្កាច់ និងបំភាន់មតិសាធារណជន ទាំងសាធារណជននៅក្នុងប្រទេសរបស់ខ្លួន ផង ហើយនិងសាធារណជនទូទៅផង ដែលជាព័ត៌មានប្រឌិត ហើយមិនឆ្លុះបញ្ចាំងពីជំហររបស់សម្ដេចតេជោ ក៏ដូចជាជំហររបស់កម្ពុជា ទេ។

ឯកឧត្តម ជា ធីរិទ្ធ គូសបញ្ជាក់ថា ជំហររបស់សម្ដេចតេជោ ​និងជំហររបស់កម្ពុជា គឺគ្មានការប្រែប្រួលទេ ដូចអ្វីដែលសម្ដេចតេជោ បានបញ្ជាក់កន្លងមកហើយ៕

អត្ថបទ៖ វីរៈ រូបភាព៖ បណ្ដាញសង្គម

The post អ្នកនាំពាក្យសម្ដេចតេជោ បដិសេធការលើកឡើងរបស់អ្នកនាំពាក្យក្រសួងការពារជាតិថៃ រឿងបើកច្រកព្រំដែន appeared first on Millions times.

តាមដានជាមួយយើង៖ Million Times

កាសែត The Nation ដកស្រង់សម្តីអ្នកនាំពាក្យការិយាល័យនាយករដ្ឋមន្ត្រីថៃ លោក Jirayu Huangsab បានឲ្យដឹងថា លោកស្រី Paetongtarn បានប្រាប់លោក Macron ពីស្ថានភាពព្រំដែនកម្ពុជា-ថៃ ដោយរំលឹកឡើងវិញថា ប្រទេសថៃប្រកាន់ខ្ជាប់នូវគោលការណ៍នៃដំណោះស្រាយដោយសន្តិវិធី មានចេតនាស្មោះត្រង់ឈរលើទំនាក់ទំនងមិត្តភាពដ៏រឹងមាំរវាងប្រទេសជិតខាង ឯកភាពអាស៊ាន និងច្បាប់អន្តរជាតិ។ 

លោកស្រីជឿជាក់ថា ការចរចាទ្វេភាគីគឺជាមធ្យោបាយដ៏មានប្រសិទ្ធភាពបំផុតក្នុងការស្វែងរកដំណោះស្រាយប្រកបដោយស្ថាបនា និងផ្តល់ផលប្រយោជន៍ទៅវិញទៅមក។

លោកស្រីនាយករដ្ឋមន្ត្រីបានគូសបញ្ជាក់បន្ថែមថា ប្រទេសថៃនៅតែបន្តគាំទ្រការងាររបស់គណៈកម្មការព្រំដែនចម្រុះថៃ-កម្ពុជា (JBC) ដែលទើបនឹងបើកកិច្ចប្រជុំនៅភ្នំពេញ ហើយសង្ឃឹមថា ប្រទេសបារាំង ក្នុងនាមជាដៃគូអន្តរជាតិដ៏ជិតស្និទ្ធនឹងដើរតួក្នុងការគាំទ្របរិយាកាសអំណោយផលដល់ការបន្តកិច្ចចរចាទ្វេភាគីរវាងថៃ និងកម្ពុជា។ 

ជាការឆ្លើយតប ប្រធានាធិបតី​បារាំងលោក Macron ​បាន​ទទួល​ស្គាល់​បំណង​របស់​ប្រទេស​ថៃ ហើយ​នឹង​ពិចារណា​លើ​ការ​សម្របសម្រួល​កិច្ចសហប្រតិបត្តិការ​ជាមួយ​កម្ពុជា។

សូមជម្រាបថា គិតមកត្រឹមថ្ងៃទី២៨មិថុនានេះ គឺមានរយៈពេល ១ខែហើយដែលកើតឡើងនៃជម្លោះព្រំដែនកម្ពុជា-ថៃ ដោយទាហានថៃចូលទឹកដីខ្មែរ ហើយធ្វើបាញ់ទាហានខ្មែរបណ្តាឲ្យពលីជីវិតម្នាក់នាពេលព្រឹកព្រលឹមស្រាងៗថ្ងៃទី២៨ ឧសភានៅតំបន់មុំបី ស្រុកស្រអែម ខេត្តព្រះវិហារ។ ភ្លាមៗ កម្ពុជា-ថៃ បានចល័តទ័ពរៀងៗខ្លួន ទៅតំបន់ជម្លោះ និងតាមបន្ទាត់ព្រំដែន ខណៈកម្ពុជាបានដាក់ពាក្យបណ្តឹងប្តឹងទៅកាន់តុលាការយុត្តិធម៌អន្តរជាតិ ICJ រួចមកហើយ ប៉ុន្តែភាគីថៃមិនមានការឆ្លើយតបនៅឡើយក្នុងការឡើងទៅតតាំងក្តីនៅ IJC ដោយថៃធ្លាប់ចាញ់ក្តីកម្ពុជាម្តងរួចមកហើយរឿងប្រាសាទព្រះវិហារ៕

The post មិនឡើងតុលាការ ICJ៖ នាយករដ្ឋមន្រ្តីថៃ អួតប្រាប់ប្រធានាធិបតីបារាំងថា ចង់ដោះស្រាយជម្លោះព្រំដែនជាមួយកម្ពុជាដោយការចរចាទ្វេភាគី appeared first on Millions times.

សេចក្តីប្រកាស​ព័ត៌មាន​របស់​ក្រុមការងារ​ចំពោះ​កិច្ច​គ្រប់គ្រង​មូលនិធិ​កសាង​ហេដ្ឋារចនាសម្ព័ន្ធ​តាមព្រំដែន​ នៅថ្ងៃទី១ ខែមេសាបានឲ្យដឹងថា គិត​ចាប់​ពី​ខែធ្នូ ឆ្នាំ២០២៤ ដល់​ដំណាច់​ខែ​មីនា ឆ្នាំ២០២៥នេះ ដំណើរការ​កសាង​ផ្លូវក្រវាត់​ព្រំដែន​ជាមួយ​ឡាវ និង​វៀតណាម​សម្រេច​បាន​ប្រមាណ ៣៩.៩២ភាគរយ​នៃផែនការ ក្នុង​នោះ ខេត្តមណ្ឌលគិរី​សម្រេច​បាន​ប្រវែង ៤៤.៩០គីឡូម៉ែត្រ ស្មើនឹង ៤២.៤៥ភាគរយ និងខេត្តរតនគិរី​សម្រេច​បាន​ប្រវែង ៣០.៣០គីឡូម៉ែត្រ ស្មើ​នឹង ៣៤.២៦ភាគរយ។

តាមដានជាមួយយើង៖ Million Times

ជាមួយគ្នានេះ ការងារ​បោសសម្អាតមីន និងយុទ្ធភណ្ឌ​មិនទាន់ផ្ទុះ​សម្រេច​បាន​លើ​ផ្ទៃដី​ទំហំ ២ ៧៥២ ៥០០ ម៉ែត្រការ៉េ ស្មើនឹង ៤៤ភាគរយ​នៃ​ផ្ទៃដី​សរុប​ដែល​គ្រោង​រាវ​ទំហំ ៦ ២៥០ ០០០ម៉ែត្រការ៉េ។ បើតាមសេចក្តីប្រកាសព័ត៌មានដដែល គិតត្រឹមពេលនេះ ការងាររុករកគ្រាប់មីន និងយុទ្ធភណ្ឌមិនទាន់ផ្ទុះតាមផ្លូវក្រវាត់ព្រំដែនបានរកឃើញគ្រាប់គ្រប់ប្រភេទចំនួន ៧៩គ្រាប់ ក្នុងនោះ ៣៥គ្រាប់ ជាគ្រាប់បែកចង្កោម។

បើទោះបីជួបឧបសគ្គយ៉ាងណា ក្រុមការងារកសាងហេដ្ឋារចនាសម្ព័ន្ធតាមព្រំដែន បានប្តេជ្ញាសម្រេចការកសាងផ្លូវក្រវាត់ព្រំដែនទៅតាមផែនការ ដែលបានគ្រោងទុក ពោលគឺត្រូវបញ្ចប់ការសាងសង់ជាស្ថាពរនៅមុនពេលភ្លៀងធ្លាក់ជោគជាំនារដូវវស្សាខាងមុខ។ ក្នុងន័យនេះ ក្រុមការងារបានអះអាងពីការបន្តជំរុញការងារបោសសម្អាតមីន និងយុទ្ធភណ្ឌមិនទាន់ផ្ទុះ ព្រមទាំងត្រូវបន្តជំរុញល្បឿនកសាងផ្លូវក្នុងរដូវប្រាំងដោយធានាគុណភាព បច្ចេកទេស និងភាពធន់នឹងអាកាសធាតុ។

គួររំលឹកថា បន្ទាប់​ពី​បើកយុទ្ធនាការ​ឲ្យប្រជាពលរដ្ឋមានឱកាសចូលរួមចំណែកជាថវិកាដល់ដំណើរកសាងផ្លូវខ្សែក្រវាត់ព្រំដែន ​អស់​រយៈពេល ៦៦ថ្ងៃ នៅថ្ងៃទី៣១ ខែតុលា ឆ្នាំ២០២៤ រាជរដ្ឋាភិបាលបានប្រកាសបិទបញ្ចប់​មូលនិធិ​កសាង​ហេដ្ឋារចនាសម្ព័ន្ធព្រំដែន​ដោយ​ទទួល​បាន​ថវិកា​សរុប​ជិត ២៧លានដុល្លារ។

សម្តេច ហ៊ុន ម៉ាណែត នាយករដ្ឋមន្ត្រី បានអះអាងថា សម្តេចនឹងយក​ថវិកា​ទាំងនេះ​ទៅ​ប្រើប្រាស់​ក្នុង​ការ​កសាង​ផ្លូវក្រវាត់​ព្រំដែនប្រវែង​ប្រមាណ ២៥០គីឡូម៉ែត្រ ស្មើ​នឹង​ជាង១៨% នៃផ្លូវខ្សែក្រវាត់ព្រំដែន ដែល​នៅសល់​មិន​ទាន់​សាងសង់​ប្រមាណ ៥២% ប្រកប​ដោយ​តម្លាភាព៕

អត្ថបទ៖ សាងតេជៈ រូបភាព៖ ផេកមូលនិធិ​កសាង​ហេដ្ឋារចនាសម្ព័ន្ធព្រំដែន

The post ដំណើរការកសាងផ្លូវតាមខ្សែក្រវ៉ាត់ព្រំដែនកម្ពុជាជាមួយឡាវ និងវៀតណាម សម្រេចបានជិត ៤០% appeared first on Millions times.

ការដឹកនាំមន្រ្តីជំនាញពាក់ព័ន្ធចុះពិនិត្យផ្ទាល់នៅថ្ងៃទី២៣ ខែកុម្ភៈម្សិលមិញរបស់អភិបាលខេត្តពោធិ៍សាត់ ដើម្បីជំរុញដំណើរការបើកច្រកព្រំដែន «ច១-ឆាំរ៉ាក» ឱ្យទៅជាច្រកតំបន់ពាណិជ្ជកម្ម និងដើម្បីឆ្លើយតបទៅនឹងបំណងប្រាថ្នារបស់ប្រជាពលរដ្ឋ និងអ្នកវិនិយោគប្រទេសទាំងពីរ ដែលកំពុងទន្ទឹងរង់ចាំ និងចង់ឃើញការប្រែក្លាយច្រកព្រំដែននេះ ជាព្រំដែនដែលមានកិច្ចសហប្រតិបត្តិការពាណិជ្ជកម្ម និងទេសចរណ៍ល្អយ៉ាងឆាប់រហ័ស។

តាមដានជាមួយយើង៖ Million Times

លោក ខូយ រីដា អភិបាលខេត្តពោធិ៍សាត់ បានឱ្យដឹងថា ច្រកទ្វាតំបន់ព្រំដែន ស្ពានជ័យជំនះ «ច១» ដែលស្ថិតក្នុងភូមិឯកភាព ឃុំថ្មដា ស្រុកវាលវែង ខេត្តពោធិ៍សាត់ និងច្រកព្រំដែន «ឆាំរ៉ាក» ដែលស្ថិតក្នុងភូមិឆាំរ៉ាក ឃុំលែមក្លាត់ ស្រុកមឿង ខេត្តត្រាត ត្រូវបានប្រមុខរាជរដ្ឋាភិបាលប្រទេសទាំងពីរ ស្រុះស្រួល និងឯកភាពគ្នា ឱ្យដំណើរការឡើងវិញ ទៅជាច្រកតំបន់ពាណិជ្ជកម្ម។ ជាមួយគ្នានោះអភិបាលខេត្តត្រាត លោកក៏បានចារឯកភាពរួចរាល់ហើយដែរ ជុំវិញការទទួលស្គាល់ និងយល់ព្រមតម្លើងច្រកនោះ។

ដោយឡែកសម្រាប់ភាគីខេត្តនឹងខេត្ត ពោលគឺខេត្តពោធិ៍សាត់ និងខេត្តត្រាត ក៏បាននឹងកំពុងត្រៀមជួបពិភាក្សាគ្នា ដើម្បីបង្កលក្ខណៈ និងបង្កើនភាពស្និទ្ធស្នាលឱ្យកាន់តែប្រសើរឡើង ក្នុងការឆ្លើយតបឱ្យបានឆាប់រហ័ស តាមបំណងប្រាថ្នា នៃការបើកច្រកតំបន់ពាណិជ្ជកម្មនេះ។ លោកបន្ថែម។

លោក ខូយ រីដា បានថ្លែងថា «ជាពិតណាស់ដំណើរការ នៃការបើកច្រកព្រំដែន គឺមិនមានភាពងាយស្រួលនោះទេ ក៏ប៉ុន្តែបញ្ហាទាំងនោះ យើងមិនអាចដាក់ជាបញ្ហាធំចម្បង ដែលធ្វើឱ្យរាំងស្ទះនោះឡើយ។ កត្តាដែលសំខាន់ ច្រកព្រំដែន អាចដំណើរការទៅបាន ទាល់តែមានការចូលរួមពីគ្រប់ភាគីពាក់ព័ន្ធ ហើយកិច្ចការងារខ្លះ ក៏ត្រូវមានយោគយល់ និងចូលរួមពីសំណាក់ប្រជាពលរដ្ឋផងដែរ។ ជុំវិញបញ្ហាផ្លូវតាមខ្សែបន្ទាត់ព្រំដែន ដែលរងការខូចខាត ដោយទឹកភ្លៀងហូរច្រោះ រាជរដ្ឋាភិបាលកម្ពុជា ក៏បានត្រៀមកញ្ចប់ថវិកាក្នុងការស្ថាបនាជួសជុល នឹងឈានដល់ការសាងសង់ហេដ្ឋារចនាសម្ព័ន្ធនៅតំបន់រដ្ឋបាលច្រកផងដែរ»។

ជាមួយគ្នានោះ អភិបាលខេត្តពោធិ៍សាត់ ក៏បានណែនាំ និងដាក់បទបញ្ជាយ៉ាងម៉ឺងម៉ាត់ ដល់អាជ្ញាធរស្រុក ក៏ដូចជាអាជ្ញាឃុំថ្មដា ត្រូវបំផុសចលនាប្រជាពលរដ្ឋ ឱ្យចូលរួមទប់ស្កាត់ភ្លើងឆេះព្រៃ ព្រមទាំងសម្អាតបរិស្ថាន អនាម័យ និងរៀបចំសណ្តាប់ធ្នាប់ តាមទីសាធារណៈ ក៏ដូចជាមុខផ្ទះឱ្យបានល្អប្រសើរ ជាពិសេសគ្រប់គ្រងរៀបចំទុកដាក់សំរាម និងទប់ស្កាត់រាល់ការសាងសង់សំណង់អនាធិបតេយ្យ ដែលមាននៅក្នុងឃុំ ឱ្យមានប្រសិទ្ធភាពខ្ពស់៕

អត្ថបទ៖ សាងតេជៈ រូបភាព៖ រដ្ឋបាលខេត្តពោធិ៍សាត់

The post មន្ត្រីចុះពិនិត្យទីតាំងគ្រោងសាងសង់ច្រកព្រំដែន«ច១-ឆាំរ៉ាក» ទៅជាច្រកតំបន់ពាណិជ្ជកម្មដែលមេដឹកនាំកម្ពុជា-ថៃ ឯកភាពឱ្យបើកឡើងវិញ appeared first on Millions times.

ប្រកាសបង្កើតមូលនិធិនេះឡើងដើម្បីផ្តល់ឱកាសឱ្យប្រជាពលរដ្ឋខ្មែរគ្រប់មជ្ឈដ្ឋានទាំងក្នុង និងក្រៅប្រទេស បានចូលរួមចំណែកដោយផ្ទាល់ជាមួយរាជរដ្ឋាភិបាលនៅក្នុងបុព្វហេតុការពារ និងអភិវឌ្ឍជាតិ ក៏ដូចជាការជំរុញការអភិវឌ្ឍ នៅតាមតំបន់ព្រំដែនឱ្យបានកាន់តែរឹងមាំ និងប្រកបដោយចីរភាព។

ភ្លាមៗក្រោយរាជរដ្ឋាភិបាលប្រកាសបង្កើត«មូលនិធិកសាងហេដ្ឋារចនាសម្ព័ន្ធតាមព្រំដែន» ក្រុមហ៊ុនខ្នាតយក្សរបស់កម្ពុជាចំនួន ៣ បានចេញមុខបរិច្ចាគខ្ទង់លានដុល្លារក្នុងមួយក្រុមហ៊ុន។ ក្នុងនោះក្រុមហ៊ុន ជីបម៉ុង គ្រុប របស់មហាសេដ្ឋី លាង ឃុន បរិច្ចាគ ១លានដុល្លារ, ក្រុមហ៊ុន រ៉ូយ៉ាល់ គ្រុប របស់មហាសេដ្ឋី គិត ម៉េង បរិច្ចាគ ១លានដុល្លារ និងក្រុមហ៊ុន ទ្រី ភាព គ្រុប របស់មហាសេដ្ឋី ទ្រី ភាព ចូលរួមបរិច្ចាគចំនួន ១លាន២សែនដុល្លារ។

«មូលនិធិកសាងហេដ្ឋារចនាសម្ព័ន្ធតាមព្រំដែន» ដែលប្រមុខរាជរដ្ឋាភិបាលទើបប្រកាសបង្កើត កំពុងទទួលបានការគាំទ្រ និងចូលរួមយ៉ាងផុសផុលពីសំណាក់ប្រជាពលរដ្ឋគ្រប់មជ្ឈដ្ឋានទាំងក្នុង និងក្រៅប្រទេស៕

អត្ថបទ៖ សាងតេជៈ រូបភាព៖ បណ្តាញសង្គម

The post ក្រុមហ៊ុនខ្នាតយក្សចំនួន៣របស់មហាសេដ្ឋីចូលរួមបរិច្ចាគខ្ទង់លានដុល្លារដល់ «មូលនិធិកសាងហេដ្ឋារចនាសម្ព័ន្ធតាមព្រំដែន» appeared first on Millions times.

នៅថ្ងៃទី៣១ ខែឧសភា ឆ្នាំ២០២៤ លោក សៀក សុជាតិ រដ្ឋលេខាធិការ ក្រសួងការពារជាតិ ប្រធានក្រុមការងារទី២ នៃគណៈកម្មការចំពោះកិច្ចដោះស្រាយបញ្ហាដំណើរចេញចូលរបស់ពលករខ្មែរតាមព្រំដែនកម្ពុជា បានបើកកិច្ចប្រជុំដោះស្រាយនៅអគារទីស្នាក់ការច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ។

តាមដានជាមួយយើង៖ Million Times

ក្នុងកិច្ចប្រជុំនេះ លោក សៀក សុជាតិ បានដាក់ចេញនូវវិធានការដោះស្រាយបញ្ហានូវចំពោះមុខ ដោយណែនាំអាជ្ញាធរសមត្ថកិច្ចនៅច្រកទ្វារព្រំដែនត្រូវសហការ ការពារមន្ត្រីភ្នាក់ងារគយ ក្នុងការប្រមូលពន្ធជូនរដ្ឋជៀសវាងកុំឱ្យមានឥវ៉ាន់គេចពន្ធ តាមរយៈរូបភាពនៃការអូសរទេះដែលធ្វើឱ្យបាត់បង់ចំណូលថវិកាជាតិ។

លោកក៏បានណែនាំឲ្យធ្វើការទប់ស្កាត់ និងបង្ក្រាបមេឈ្មួញទុច្ចរិត និងស្រាវជ្រាវរកមេខ្យល់ ដែលនាំឥវ៉ាន់គេចពន្ធតាមរយៈកម្មករអូសរទេប្រគល់ជូនសមត្ថកិច្ចអនុវត្តច្បាប់ជាធរមាន និងចូលរួមសហការឱ្យបានជិតស្និទ្ធជាមួយអាជ្ញាធរភាគីថៃទប់ស្កាត់ឈ្មួញទុច្ចិរិត មិនឱ្យមានការនាំចេញទំនិញគេចពន្ធចេញពីប្រទេសថៃចូលមកប្រទេសកម្ពុជា តាមរយៈកម្មករអូសរទេះបន្តទៀត។

លើសពីនេះ ត្រូវចុះស្រង់ស្ថិតិកម្មករអូសរទេះ ដើម្បីណែនាំផ្សព្វផ្សាយ អប់រំពួកគាត់ឱ្យបញ្ឈប់ធ្វើសកម្មភាពអូសរទេះនាំឥវ៉ាន់គេចពន្ធដែលនាំឱ្យមានការរំខានដល់ភ្ញៀវទេសចរណ៍ឆ្លងកាត់តាមច្រកអន្តរជាតិ។

អត្ថបទ៖ សាង តេជៈ រូបភាព៖ ក្រសួងការពារជាតិ

The post ក្រសួងការពារជាតិ ដាក់ចេញវិធានការដោះស្រាយបញ្ហាកម្មករអូសរទេះនាំឥវ៉ាន់គេចពន្ធនៅច្រកទ្វារអន្តរជាតិប៉ោយប៉ែត appeared first on Millions times.