របាយការណ៍ក្រសួងទេសចរណ៍ បានឲ្យដឹងថាក្នុងរយៈពេល០៣ថ្ងៃនេះ រាជធានី ខេត្តដែលទទួលបានភ្ញៀវច្រើនជាងគេទាំង៥  រួមមាន៖

− រាធានីភ្នំពេញ ២.៨៦៣.៩២២ នាក់

− ខេត្តសៀមរាប ២.៧៥២.៨១៨ នាក់

− ខេត្តកំពង់ចាម ២.៧៤៨.២២៨ នាក់

− ខេត្តព្រៃវែង ២.៣៩៤.៣៤៣ នាក់

− ខេត្តបាត់ដំបង  ១.៧៤១.៧៩៥ នាក់

តាមដានជាមួយយើង៖ Million Times

ក្រសួងបានបញ្ជាក់ថា ការបូកសរុបស្ថិតិភ្ញៀវទេសចរ និងបងប្អូនប្រជាពលរដ្ឋ ដែលបានធ្វើដំណើរកម្សាន្តទូទាំងប្រទេសរយៈពេល៣ថ្ងៃនេះ គឺត្រូវបានគណនាដោយ រាប់បញ្ចូលចំនួនភ្ញៀវទេសចរដែលធ្វើដំណើរកម្សាន្តនៅតាមរមណីយដ្ឋាន និងគោលដៅទេសចរណ៍នានាទូទាំងប្រទេស និងចំនួនបងប្អូនប្រជាជនដែលបានចូលរួមលេងកម្សាន្តនៅតាមទីតាំងសំខាន់ៗដែលមានការរៀបចំកម្មវិធីសង្រ្កាន្ត និងព្រឹត្តិការណ៍ទេសចរណ៍កម្សាន្តផ្សេងៗ។

បើតាមក្រសួងទេសចរណ៍ ចរន្តភ្ញៀវទេសចរដ៏ច្រើននេះ បានបង្កើតជាផលប្រយោជន៍សេដ្ឋកិច្ចដ៏ច្រើនទាំងនៅថ្នាក់ជាតិ និងនៅតាមមូលដ្ឋាន។ បណ្តាសណ្ឋាគារនិងសេវាស្នាក់នៅទេសចរណ៍ ភោជនីយដ្ឋាននិងអាហារដ្ឋាន និងរមណីយដ្ឋានទេសចរណ៍នៅស្ទើរគ្រប់ខេត្ត បានទទួលភ្ញៀវស្ទើរពេញស្ទើរ ១០០%។ វិស័យឯកជនមានក្តីរីករាយ និងបានបង្ហាញនូវសុទិដ្ឋិនិយមខ្ពស់ចំពោះការអភិវឌ្ឍន៍លើមាគ៌ាដ៏ត្រឹមត្រូវនៃវិស័យ ទេសចរណ៍កម្ពុជា។

អត្ថបទ៖ សាងតេជៈ រូបភាព៖ ក្រសួងទេសចរណ៍

The post ពិធីបុណ្យចូលខ្មែរ ៣ថ្ងៃ ភ្ញៀវទេសចរ និងប្រជាពលរដ្ឋ ធ្វើដំណើរកម្សាន្តទូទាំងប្រទេស មានចំនួនជាង ២៣លាននាក់ appeared first on Millions times.

នៅថ្ងៃទី១៤ ខែមេសា ឆ្នាំ២០២៤នេះ លើបណ្តាញសង្គមហ្វេសប៊ុកផ្ទាល់ខ្លួន លោក ចូ បៃដិន និងភរិយា (លោកស្រី ជីត្រេសុីចាកូប បៃដិន- Jill Tracy Jacobs Biden) បានផ្ញើសារអបអរសាទរ និងជូនពរចំពោះប្រជាជនដែលកំពុងមានការជួបជុំប្រារព្ធពិធីបុណ្យ វៃសាគី (Vaisakhi), ណាវរ៉ាទ្រី (Navratri), សង្រ្កាន្ត (Songkran) និងចូលឆ្នាំថ្មីក្នុងសប្តាហ៍នេះ សូមឲ្យមានភាពកក់ក្តៅ និងរីករាយក្នុងសហគមន៍។

តាមដានជាមួយយើង៖ Million Times

ទន្ទឹមនឹងនេះ លោក បៃដិន ក៏បានប្រកាសអបអរសាទររីករាយក្នុងពិធីបុណ្យចូលឆ្នាំខ្មែរ, ឡាវ, ភូមា, នេប៉ាល, ស៊ិនហាលេស (Sinhalese), តាមើល (Tamil), ថៃ និងវីស៊ូ (Vishu)។

យោងតាម​សេចក្តីណែនាំ​ស្តីពី​ការរៀបចំ​ពិធីបុណ្យចូលឆ្នាំថ្មីប្រពៃណីជាតិ​ ឆ្នាំរោង ឆស័ក ព.ស. ២៥៦៧ គ.ស.២០២៤ បាន​ឱ្យដឹងថា ពិធីបុណ្យចូលឆ្នាំថ្មី​ខាងមុខនេះ មានរយៈពេល៤ថ្ងៃ ប្រព្រឹត្តទៅតាមដំណើរ​សង្ក្រាន្ត​ គឺថ្ងៃសៅរ៍ ជាថ្ងៃចូលឆ្នាំរោង ឆស័ក, ថ្ងៃអាទិត្យ​ ជាវារៈវ័នបត, ថ្ងៃចន្ទ ជាវារៈវ័នបត្រ និងថ្ងៃអង្គារ ជាវារៈឡើងស័ក គម្រប់ ៤ថ្ងៃ។

ក្នុងអំឡុងពិធីបុណ្យចូលឆ្នាំថ្មីនេះ នៅតាមបណ្តារាជធានីខេត្តក្រុងខណ្ឌ វត្តអារាម សាលារៀន តាមភូមិ គឺមានការរៀបចំពិធីសង្រ្កាន្តអបអរសាទរយ៉ាងផុសផលក្នុងឱកាសពិធីបុណ្យប្រពៃណីជាតិដ៏ធំដែលមានប្រវត្តិដ៏ឡុងណាស់មកហើយមួយនេះយ៉ាងអធិកអធម៕

អត្ថបទ៖ សាង តេជៈ

The post ប្រធានាធិបតីអាមេរិក ចូ បៃដិន ប្រកាសអបអរសាទរក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ appeared first on Millions times.

រដ្ឋបាលរាជធានីភ្នំពេញ បានឲ្យដឹងថា ការរៀបចំដឹកជញ្ជូនតាមរថយន្តក្រុងសាធារណៈដោយមិនមានការបង់ប្រាក់រយ:ពេល ០៦ថ្ងៃ ដើម្បីជួយសម្រួលដល់ការចំណាយជូនបងប្អូនប្រជាពលរដ្ឋក្នុងការធ្វើដំណើរទៅលេងស្រុកកំណើត ជួបជុំបងប្អូន ក្រុមគ្រសារក្នុងពិធីបុណ្យចូលឆ្នាំថ្មី ប្រពៃណីជាតិខ្មែរនៅតាមបណ្តាខេត្ត ក្រុងនានា។ក្រៅពីការផ្តល់សេវាឥតគិតថ្លៃហើយនោះ រដ្ឋបាលរាជធានីភ្នំពេញ​ក៏មាន​បម្រើ​ទឹក​សុទ្ធ​បន្ថែម​។

តាមដានជាមួយយើង៖ Million Times

សូមជម្រាបថា ក្នុងកិច្ចប្រជុំពេញអង្គគណៈរដ្ឋមន្ត្រី នៅថ្ងៃទី១៥ ខែមីនា ឆ្នាំ២០២៤ សម្ដេចធិបតី ហ៊ុន ម៉ាណែត នាយករដ្ឋមន្រ្ដី បានណែនាំឱ្យអាជ្ញាធរមានសមត្ថកិច្ច ពង្រឹងការរក្សាសន្តិសុខ សណ្ដាប់ធ្នាប់ និងសុវត្ថិភាពជូនប្រជាពលរដ្ឋ និងភ្ញៀវទេសចរក្នុងអំឡុងពេលបុណ្យចូលឆ្នាំថ្មី។

ជាមួយគ្នានោះ ដើម្បីសម្រួលដល់ការធ្វើដំណើររបស់ប្រជាពលរដ្ឋ ទៅលេងស្រុកកំណើតសម្តេចណែនាំឱ្យរដ្ឋបាលរាជធានីភ្នំពេញ ត្រៀមរថយន្តក្រុងសាធារណៈ ដើម្បីដឹកជញ្ជូនប្រជាពលរដ្ឋទៅលេងស្រុកកំណើត ដោយឥតគិតថ្លៃ ក្នុងពិធីបុណ្យចូលឆ្នាំថ្មីប្រពៃណីជាតិខ្មែរខាងមុខនេះ។

គួរឲ្យដឹងដែរថា ជារៀងរាល់ឆ្នាំរដ្ឋបាលរាជធានីភ្នំពេញ តែងតែបញ្ចេញរថយន្តក្រុងដឹកអ្នកដំណើរសាធារណៈ ដឹកជញ្ជូនទៅស្រុកកំណើត ដោយឥតគិតថ្លៃ ដើម្បីសំរួលដល់ការចំណាយ ជូនបងប្អូនប្រជាពលរដ្ឋ ក្នុងពិធីបុណ្យចូលឆ្នាំថ្មីប្រពៃណីខ្មែរ និងបុណ្យភ្ជុំបិណ្ឌ ហើយការព្រឹត្តិការណ៍រៀបចំបោះឆ្នោតថ្នាក់ជាតិពេលកន្លងទៅក៏បានរៀបចំរថយន្តក្រុងសាធារណៈផងដែរ៕

អត្ថបទ៖ ប៉ាកា ឥទ្ធិពល

The post ៤៥៥គ្រឿងរដ្ឋរៀបចំរថយន្តក្រុងដឹកជញ្ជូនប្រជាពលរដ្ឋឥតគិតថ្លៃទៅលេងស្រុកកំណើតដើម្បីចូលរួមពិធីបុណ្យចូលឆ្នាំខ្មែរ appeared first on Millions times.