ប្រធានាធិបតីរុស្ស៊ី លោក Vladimir Putin បានជួបជាមួយរដ្ឋមន្ត្រីការបរទេសចិន លោក Wang Yi នៅទីក្រុងមូស្គូ កាលពីថ្ងៃអង្គារ ដោយប្រាប់ថា លោកកំពុងទន្ទឹងរង់ចាំស្វាគមន៍លោក Xi នៅខែក្រោយ។ លោក Putin ថា មានកម្មវិធីសម្បូរបែប និងរៀបចំបានល្អ កំពុងរង់ចាំលោក Xi ក្នុងអំឡុងពេលទស្សនកិច្ចរបស់លោក ក្នុងឱកាសនៃទិវាជ័យជម្នះរបស់រុស្ស៊ី។ 

តាមដានជាមួយយើង៖ Million Times

«វានឹងក្លាយជាដំណើរទស្សនកិច្ចផ្លូវការមួយ… គាត់នឹងក្លាយជាភ្ញៀវកិត្តិយសដ៏សំខាន់របស់យើង ហើយយើងនឹងមានឱកាសនិយាយអំពីស្ថានភាពបច្ចុប្បន្ននៃទំនាក់ទំនងទ្វេភាគីរបស់យើង និងដើម្បីពិភាក្សាអំពីកិច្ចសហប្រតិបត្តិការរបស់យើងលើវេទិកាពហុភាគីផងដែរ»។ លោក Putin ថ្លែងអះអាងប្រាប់ប្រមុខការទូតចិនលោក Wang ។

លោក Putin បន្ថែមថា រុស្ស៊ី និងចិនគួរតែបន្តបញ្ជូនសញ្ញាដ៏រឹងមាំទៅកាន់ពិភពលោកអំពីការពង្រឹងកិច្ចសហប្រតិបត្តិការជាយុទ្ធសាស្រ្ត នៅចំពោះមុខស្ថានការណ៍អន្តរជាតិដែលប្រែប្រួល។ 

ទីភ្នាក់ងារសារព័ត៌មានរុស្ស៊ី RIA Novosti បានរាយការណ៍ថា លោក Wang Yi បានប្រាប់មេដឹកនាំរុស្ស៊ីថា ការត្រៀមរៀបចំកំពុងដំណើរការសម្រាប់ដំណើររបស់លោក Xi ដែលនឹងផ្តល់កម្លាំងចិត្តថ្មីដល់ការអភិវឌ្ឍន៍ទំនាក់ទំនង។ លោកថា ការសម្របសម្រួលយុទ្ធសាស្ត្រ និងការជឿទុកចិត្តខាងនយោបាយបានធ្វើឱ្យស៊ីជម្រៅរវាងប្រទេសជិតខាង។

លោក Wang បានសង្កត់ធ្ងន់ថា៖ «កិច្ច​សហប្រតិបត្តិការ​រវាង​រុស្ស៊ី​និង​ចិន​មិន​ដែល​សំដៅ​ប្រឆាំង​ភាគី​ទី​បី​ឡើយ ហើយ​វា​មិន​អត់​ឱន​ចំពោះ​ការ​ជ្រៀត​ជ្រែក​ពី​ខាង​ក្រៅ​ឡើយ។ ទំនាក់ទំនងចិន-រុស្ស៊ីនឹងមិនឈរនៅស្ងៀមទេ ប៉ុន្តែនឹងកាន់តែទូលំទូលាយ។ មិត្តភាពរបស់យើងមិនផ្តោតលើបច្ចុប្បន្នទេ ប៉ុន្តែមើលទៅអនាគតដ៏វែងឆ្ងាយ»។

ដំណើរទស្សនកិច្ចរបស់លោក Wang ទៅកាន់ទីក្រុងមូស្គូ ធ្វើឡើងចំពេលមានការរំពឹងទុកកាន់តែខ្លាំងឡើងថា ភាពរអាក់រអួលក្នុងទំនាក់ទំនងរុស្ស៊ី-អាមេរិក នាពេលថ្មីៗនេះ អាចជាសញ្ញាបង្ហាញពីកិច្ចខិតខំប្រឹងប្រែងរបស់ទីក្រុងវ៉ាស៊ីនតោន ដើម្បីជំរុញឱ្យមានជម្លោះរវាងទីក្រុងម៉ូស្គូ និងទីក្រុងប៉េកាំង។

ក្នុងអំឡុងពេលពិភាក្សាជាមួយសមភាគីលោក Sergey Lavrov រដ្ឋមន្ត្រីក្រសួងការបរទេសរុស្សុី លោក Wang Yi បាននិយាយថា ប្រទេសចិនបានត្រៀមខ្លួនរួចជាស្រេច ដើម្បីធ្វើការយ៉ាងជិតស្និទ្ធជាមួយរុស្ស៊ី ដើម្បីបង្កើតសណ្តាប់ធ្នាប់ពិភពលោកពហុប៉ូល។

លោក Wang បាននិយាយថា «នៅឆ្នាំនេះ ប្រធានាធិបតី Xi និងប្រធានាធិបតី Putin មានទំនាក់ទំនងជាយុទ្ធសាស្រ្តពីរដង ដោយបានដឹកនាំទំនាក់ទំនងចិន-រុស្ស៊ីឱ្យឆ្ពោះទៅមុខយ៉ាងម៉ឺងម៉ាត់ [ចំពេលមានការផ្លាស់ប្តូរដែលមិនធ្លាប់មានពីមុនមក និងមានភាពចលាចលនៅក្នុងទិដ្ឋភាពពិភពលោក]»។ លោកបានបន្តថា ប្រទេសចិនមានឆន្ទៈក្នុងការធ្វើការជាមួយប្រទេសរុស្ស៊ីដើម្បីបំពេញនូវការទទួលខុសត្រូវពិសេសក្នុងនាមជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ លុបបំបាត់ការជ្រៀតជ្រែក ប្រកាន់ខ្ជាប់នូវមាគ៌ាត្រឹមត្រូវ និងលើកកម្ពស់សណ្តាប់ធ្នាប់ពិភពលោកពហុប៉ូល។

លោក Lavrov នៅក្នុងសុន្ទរកថាបើកបានសាទរទំនាក់ទំនងរបស់រុស្ស៊ីជាមួយប្រទេសចិនថាជា ភាតរភាពប្រវត្តិសាស្ត្រ។ លោកថ្លែងថា «ថ្ងៃនេះ ជាមួយមិត្តរបស់ខ្ញុំ ខ្ញុំក៏សុខចិត្ត … ពង្រឹងការសម្របសម្រួលជាយុទ្ធសាស្រ្តរបស់យើង។ ខ្ញុំជឿថា ដំណើរទស្សនកិច្ចនេះនឹងរៀបចំយើងយ៉ាងពេញលេញសម្រាប់ការផ្លាស់ប្តូរកម្រិតខ្ពស់របស់យើងនៅឆ្នាំនេះ»។

លោកបន្ថែមថា ទំនាក់ទំនងគឺស្ថិតនៅក្នុងកម្រិតខ្ពស់ដែលមិនធ្លាប់មានពីមុនមក ដោយលោកបានសន្យាថានឹងមានការសម្របសម្រួលកាន់តែជិតស្និទ្ធជាមួយទីក្រុងប៉េកាំងតាមរយៈវេទិកាពហុភាគីដូចជា Brics និងអង្គការសហប្រតិបត្តិការសៀងហៃ ដើម្បីបង្កើត «សណ្តាប់ធ្នាប់ពិភពលោកពហុប៉ូលប្រជាធិបតេយ្យកាន់តែច្រើន»៕

អត្ថបទ៖ សារ៉ាយ រូបភាព៖ EPA-EFE

The post ចិន​ និង​រុស្ស៊ី​សម្លឹង​មើល​អនាគតដ៏វែងឆ្ងាយនៃទំនាក់ទំនងជាយុទ្ធសាស្រ្ត រួមគ្នារក្សាសណ្តាប់ធ្នាប់ពិភពលោកពហុប៉ូល appeared first on Millions times.

សារព័ត៌មាន AP បានចុះផ្សាយថា លោក ពូទីន បាននិយាយនៅក្នុងកិច្ចប្រជុំនៅវិមានក្រឹមឡាំងថា “ទំនាក់ទំនងពាណិជ្ជកម្មរបស់យើងកំពុងអភិវឌ្ឍ ហើយអភិវឌ្ឍដោយជោគជ័យ… ការយកចិត្តទុកដាក់ដែលរដ្ឋាភិបាលនៃប្រទេសទាំងពីរកំពុងយកចិត្តទុកដាក់លើទំនាក់ទំនងពាណិជ្ជកម្ម និងសេដ្ឋកិច្ចកំពុងតែផ្តល់លទ្ធផលដល់ភាគីទាំងពីរ”។

លោក​ក៏​បាន​និយាយ​ផង​ដែរ​ថា រុស្ស៊ី និង​ចិន​បាន​បង្កើតផែនការ​ទ្រង់ទ្រាយ​ធំសម្រាប់​គម្រោង​សេដ្ឋកិច្ច និង​គម្រោង​ផ្សេងៗ​ទៀត។

លោក លី ឈាង ដែលទើបជួបជាមួយនាយករដ្ឋមន្ត្រីរុស្សុី លោក មីកាលី មីហ្សូស្ទីន (Mikhail Mishustin) បាននិយាយថា “ទំនាក់ទំនងចិន-រុស្ស៊ី ស្ថិតក្នុងកម្រិតខ្ពស់ដែលមិនធ្លាប់មានពីមុនមក”។ កិច្ចប្រជុំនេះបានធ្វើឡើងបន្ទាប់ពីរុស្សុីកំពុងបន្តទប់ស្កាត់ការវៃលុករបស់អ៊ុយក្រែនចូលទៅក្នុងតំបន់ Kursk នាប៉ុន្មានសប្តាហ៍នេះ។

​សារព័ត៌មាន​រុស្ស៊ី​មិន​បាន​បញ្ជាក់​ថា​ តើ​លោក​ពូទីន និង​លោក លី បាន​ពិភាក្សា​រឿងជម្លោះជាមួយ​អ៊ុយក្រែន​ដែរ ឬ​អត់នោះ​ទេ។ ទោះជាយ៉ាណា ចិន​បាន​ព្យាយាម​ដាក់​ខ្លួន​ស្ថិតក្នុងអព្យាក្រឹតភាព​ចំពោះជម្លោះ​អ៊ុយក្រែន ប៉ុន្តែ​ប្រទេស​នេះ​បាន​គាំទ្រ​រុស្ស៊ី​ក្នុងការប្រឆាំងលោកខាងលិច។

បន្ទាប់ពីបណ្តាប្រទេសលោកខាងលិច បានដាក់ទណ្ឌកម្មយ៉ាងធ្ងន់ធ្ងរលើការនាំចេញប្រេងរបស់រុស្ស៊ីជាការឆ្លើយតបនឹងរុស្ស៊ីបានបញ្ជូនទាហានទៅអ៊ុយក្រែនក្នុងខែកុម្ភៈ ឆ្នាំ២០២០ ប្រទេសចិនបានបង្កើនយ៉ាងខ្លាំងនូវការទិញប្រេងពីរុស្ស៊ី ដោយបង្កើនឥទ្ធិពលរបស់ខ្លួននៅក្នុងប្រទេសរុស្ស៊ី។ លោក ពូទីន បានគូសបញ្ជាក់អំពីសារៈសំខាន់នៃប្រទេសចិន តាមរយៈជំនួបនៅទីក្រុងប៉េកាំងជាមួយមេដឹកនាំចិន លោក ស៊ី ជីនពីង ភ្លាមៗ បន្ទាប់ពីត្រូវបានចូលកាន់តំណែងប្រធានាធិបតីអាណត្តិទី៧ នៅក្នុងវិមានក្រឹមឡាំង។

ការិយាល័យវាយតម្លៃស៊ើបការណ៍សម្ងាត់របស់សហរដ្ឋអាមេរិក ដែលបានចេញផ្សាយពេលកន្លងទៅបង្ហាញថា ប្រទេសចិនបានបង្កើនការផ្គត់ផ្គង់យ៉ាងច្រើនដល់ប្រទេសរុស្ស៊ីនូវឧបករណ៍ម៉ាស៊ីន មីក្រូអេឡិចត្រូនិច និងបច្ចេកវិទ្យាផ្សេងទៀត ដែលទីក្រុងម៉ូស្គូប្រើប្រាស់សម្រាប់ផលិតកាំជ្រួច រថក្រោះ យន្តហោះ និងសព្វាវុធផ្សេងទៀត៕

អត្ថបទ៖ សារ៉ាយ រូបភាព៖ AP

The post រុស្សុី និងចិន​បាន​បង្កើតផែនការ​ទ្រង់ទ្រាយ​ធំសម្រាប់​គម្រោង​សេដ្ឋកិច្ច និងពាណិជ្ជកម្ម appeared first on Millions times.

លោក Xi បានស្វាគមន៍លោក Putin នៅលើកំរាលព្រំក្រហមនៅខាងក្រៅមហាវិមានប្រជាជនចិនក្នុងទីក្រុងប៉េកាំង ជាទីដែលមេដឹកនាំទាំងពីរត្រូវបានសាទរដោយការដើរដង្ហែក្បួនទាហានរំដោះប្រជាជនចិនកាន់កាំភ្លើង ២១ដើមនៅលើទីលាន Tiananmen និងក្មេងៗគ្រវីទង់ជាតិចិន និងរុស្ស៊ីជាច្រើនរយនាក់។

តាមដានជាមួយយើង៖ Million Times

ប្រទេសចិន និងរុស្ស៊ីបានប្រកាសភាពជាដៃគូ “គ្មានដែនកំណត់” នៅក្នុងខែកុម្ភៈ ឆ្នាំ ២០២២ នៅពេលដែលលោក ពូទីន ធ្វើទស្សនកិច្ចនៅទីក្រុងប៉េកាំង ប៉ុន្មានថ្ងៃមុនពេលដែលលោកបានបញ្ជូនទាហានរាប់ម៉ឺននាក់ចូលទៅវ៉ៃលុកក្នុងប្រទេសអ៊ុយក្រែន ដែលបង្កឱ្យមានសង្រ្គាមដ៏សាហាវបំផុតនៅអឺរ៉ុបចាប់តាំងពីសង្គ្រាមលោកលើកទីពីរ។

លោក Xi និងលោក Putin បានចុះហត្ថលេខាលើសេចក្តីថ្លែងការណ៍រួមមួយកាលពីថ្ងៃព្រហស្បតិ៍ ស្តីអំពីការបង្កើត “យុគសម័យថ្មី” ដែលប្រកាសប្រឆាំងសហរដ្ឋអាមេរិកលើបញ្ហាសន្តិសុខ និងទស្សនៈប្រឆាំងតៃវ៉ាន់ អ៊ុយក្រែន កូរ៉េខាងជើង និងកិច្ចសហប្រតិបត្តិការលើបញ្ហាថ្មីៗ ពិសេស ផែនការផលិតអាវុធនុយក្លេអ៊ែរ។

លោក Xi បានប្រាប់លោកពូទីនថា “ទំនាក់ទំនងចិន-រុស្ស៊ីនាពេលបច្ចុប្បន្ននេះគឺពិបាករកបាន ហើយភាគីទាំងពីរត្រូវតែស្រឡាញ់ និងចិញ្ចឹមបីបាច់វា”។

លោកថ្លែងថា៖ “ប្រទេសចិនមានឆន្ទៈក្នុងការរួមគ្នាសម្រេចបាននូវការអភិវឌ្ឍន៍ និងការស្តារឡើងវិញនូវប្រទេសរបស់យើងរៀងៗខ្លួន ហើយធ្វើការរួមគ្នាដើម្បីលើកកម្ពស់ភាពត្រឹមត្រូវ និងយុត្តិធម៌នៅក្នុងពិភពលោក”៕

អត្ថបទ៖ សារ៉ាយ រូបភាព៖ Reuters

The post មេដឹកនាំកំពូលចិន-រុស្សុី សន្យាបង្កើតយុគសម័យថ្មី និងថ្កោលទោសសហរដ្ឋអាមេរិក appeared first on Millions times.