លើបណ្តាញសង្គម Facebook នៅថ្ងៃទី១៨ មេសានេះ ម្ចាស់ធនាគារ វីង អ្នកឧកញ៉ា គិត ម៉េង បានបង្ហើបឲ្យដឹងថា លោកធ្លាប់គិតថាការចំណាយពេលវេលាសម្រាប់ខ្លួនឯង គឺជារឿងអាត្មានិយម។ ទោះបីនឿយហត់ លោកត្រូវអត់ទ្រាំ ហើយប្រាប់ខ្លួនឯងថា លោកត្រូវបន្តធ្វើការ ដោយមិនអាចឈប់សម្រាកបានទេ រហូតទាល់តែកិច្ចការគ្រប់យ៉ាងត្រូវបានបំពេញរួចរាល់។ ប៉ុន្តែ ការពិតនោះគឺ ការងារគ្មានទីបញ្ចប់ពិតប្រាកដនោះទេ។ 

តាមដានជាមួយយើង៖ Million Times

អ្នកឧកញ៉ាសរសេរបញ្ជាក់ថា៖ «ខ្ញុំស្គាល់មនុស្សមួយចំនួន។ ពួកគាត់បានឈានដល់ចំណុចមួយដែលពួកគាត់មិនអាចបន្តទៅមុខបាន ដោយសារតែភាពនឿយកម្លាំងខ្លាំង ហើយសូម្បីតែកិច្ចការសាមញ្ញបំផុត ក៏ពួកគាត់មានអារម្មណ៍ថាពួកគាត់មិនអាចធ្វើបានដែរ។ ការណ៍នេះហើយដែលធ្វើឲ្យខ្ញុំដឹងថា ប្រសិនបើខ្ញុំមិនឈប់សម្រាកដើម្បីមើលថែខ្លួនឯងទេនោះ នៅថ្ងៃណាមួយ ខ្ញុំនឹងច្បាស់ជាជួបស្ថានភាពបែបនេះដូចពួកគេដែរ»។

«ឥឡូវនេះ ខ្ញុំកំណត់ពេលដើម្បីសម្រាកបន្តិចបន្តួច ទោះបីត្រឹមតែ១៥នាទីក៏ដោយ ដោយអង្គុយនៅខាងក្រៅផឹកកាហ្វេមួយពែង ឬចំណាយពេលមួយម៉ោងគយគន់ថ្ងៃលិច។ ពេលខ្លះ ខ្ញុំធ្វើដំណើរកម្សាន្តចុងសប្តាហ៍ជាមួយគ្រួសាររបស់ខ្ញុំ ទៅកាន់កន្លែងស្ងប់ស្ងាត់ដែលអាចឲ្យខ្ញុំសម្រាក និងបន្ធូរអារម្មណ៍បាន។ សកម្មភាពទាំងនេះមិនមែនជាការចំណាយប្រាក់ច្រើនហួសហេតុនោះទេ ប៉ុន្តែជាពេលវេលាមានតម្លៃ និងមានន័យសម្រាប់ខ្ញុំ។ ពេលវេលាទាំងនេះធ្វើឲ្យខ្ញុំដឹងថាសមិទ្ធផលដែលខ្ញុំអាចសម្រេចបានមិនមែនជាផ្នែកសំខាន់តែមួយគត់នៃជីវិតនោះទេ អារម្មណ៍រីករាយនឹងជីវិតក្នុងពេលបច្ចុប្បន្នក៏មានសារៈសំខាន់ដូចគ្នាទៅនឹងសមិទ្ធផលដែរ»។ អ្នកឧកញ៉ាបន្ថែម។

ជាអនុសាសន៍ណែនាំរបស់អ្នកឧកញ៉ា គិត ម៉េច យល់ថា ប្រសិនបើអ្នកមានអារម្មណ៍ធុញថប់ អ្នកគួរដឹងថាអ្នកមិនបានឆ្លងកាត់ចំណុចនេះតែម្នាក់ឯងនោះទេ។ អ្នកមិនត្រូវការវិស្សមកាលធំ ដើម្បីមានអារម្មណ៍ល្អនោះទេ។ ការសម្រាកបន្តិចបន្តួចក៏អាចផ្តល់ផលវិជ្ជមានដល់អ្នកផងដែរ។ វាពិតជាសំខាន់ណាស់សម្រាប់អ្នកក្នុងការចំណាយពេលសម្រាក និងប្រមូលថាមពលរបស់អ្នកឡើងវិញ ពីព្រោះ នៅពេលអ្នកមើលថែខ្លួនអ្នកបាន នោះអ្នកនឹងមានកម្លាំងមើលថែ ឬធ្វើអ្វីគ្រប់យ៉ាង ទាំងការមើលថែគ្រួសារ និងខ្លួនអ្នក៕

អត្ថបទ៖ ពិសិដ្ឋ រូបភាព៖ ផេកអ្នកឧកញ៉ា គិត ម៉េង

The post ប៉ាៗ ឧកញ៉ា គិត សូឡា ធ្លាប់គិតខុសថាការចំណាយពេលវេលាសម្រាប់ខ្លួនឯង គឺជារឿងអាត្មានិយម appeared first on Millions times.

មិនខុសពីសេដ្ឋី គិត ម៉េង ជាឱពុក ក្នុងនាមជាម្តាយសេដ្ឋីនី ម៉ៅ ចំណាន បានបង្ហាញនូវអារម្មណ៍ពិតជារំភើប និងមានមោទនភាពពេញបេះដូងរកអ្វីប្រៀបផ្ទឹមពុំបានឡើយ នៅពេលឃើញ ស៊ូឡា កូនប្រុសចាប់ផ្ដើមបោះជំហានថ្មីក្នុងឆាកជីវិត។

តាមដានជាមួយយើង៖ Million Times

លោកស្រីថ្លែងថា ម៉ាក់បានគិតក្នុងចិត្តថា “ស្ទើរតែមិនជឿថាកូនប្រុសតូចដែលម៉ាក់ធ្លាប់បីនៅក្នុងដៃថ្ងៃមុនសោះ ពេលនេះកំពុងឈរស្ថិតនៅចំពោះមុខម៉ាក់ក្នុងឈុតឯកសណ្ឋានទទួលសញ្ញាបត្របញ្ចប់ការសិក្សាកម្រិតទុតិយភូមិ ត្រៀមខ្លួនប្រឡូកក្នុងសង្គមយ៉ាងពិតប្រាកដ”។

ជាមួយគ្នានេះ លោកស្រីក៏បង្ហាញអារម្មណ៍ចំពោះកូនទម្រាំយុវជនមានងារឧកញ៉ា គិត ស៊ូឡា ឈានមកដល់ចំណុចនេះមិនមែនជារឿងងាយស្រួលទេ ប៉ុន្តែបានបង្ហាញពីភាពរឹងមាំ និងការលះបង់ខ្ពស់ ថាយុវជនរូបនេះពិតជាអាចធ្វើបាន។

លោកស្រីថ្លែងបន្តថា តាំងពីតូចមក កូនគឺជាអំណោយដ៏មានតម្លៃសម្រាប់គ្រួសារយើង ហើយកូនតែងធ្វើឱ្យប៉ាម៉ាក់មានមោទនភាពចំពោះកូនជានិច្ច។ កូនធ្លាប់តែជាក្មេងតូចដែលតែងត្រូវការឱ្យម៉ាក់ និងប៉ាកាន់ដៃគ្រប់ជំហាន ប៉ុន្តែពេលនេះឃើញកូនធំពេញវ័យក្លាយជាបុគ្គលដ៏អង់អាចដូចថ្ងៃនេះ ធ្វើឱ្យម៉ាក់កាន់តែមានទំនុកចិត្តខ្ពស់ចំពោះកូនទៅថ្ងៃមុខថែមទៀត។

លោកស្រីក៏សង្ឃឹមថានឹងបានមើលឃើញកូនប្រុសរបស់លោកស្រីសម្រេចបាននូវជោគជ័យកាន់តែអស្ចារ្យនាពេលអនាគតជាក់ជាមិនខាន។ លោកស្រីបន្ថែមថា សមិទ្ធផលថ្ងៃនេះ ជាសក្ខីភាពដែលបញ្ជាក់ពីកិច្ចខិតខំប្រឹងប្រែង និងការលះបង់របស់កូន។ ប៉ាម៉ាក់ នឹងនៅតែបន្តស្ថិតនៅជាមួយកូន នៅចាំជួយតម្រង់ទិសបង្ហាញផ្លូវ និងគាំទ្រកូនជានិច្ចសម្រាប់ការចាប់ផ្ដើមដំណើរជីវិតថ្មីទៅថ្ងៃមុខ៕

អត្ថបទ៖ សេដ្ឋី រូបភាព៖ ហ្វេសប៊ុកលោកស្រី ម៉ៅ ចំណាន

The post សេដ្ឋីនី ម៉ៅ ចំណាន បង្ហើបថា កូនប្រុស គិត ស៊ូឡា ត្រៀមខ្លួនប្រឡូកក្នុងសង្គមយ៉ាងពិតប្រាកដហើយ appeared first on Millions times.

អ្នកឧកញ៉ា គិត ម៉េង ជាសេដ្ឋីមានឥទ្ធិពលមួយរូបក្នុងប្រទេសកម្ពុជា បានបង្ហាញអារម្មណ៍រំភើបថ្ងៃពិសេសបំផុតសម្រាប់កូនប្រុស គិត ស៊ូឡា និងសម្រាប់លោកជាឪពុកម្តាយ ព្រោះលោកបានឃើញកូនប្រុសច្បងក្នុងសម្លៀកបំពាក់ឯកសណ្ឋានក្នុងពិធីទទួលសញ្ញាបត្របញ្ចប់ការសិក្សាដែលលោកបានចូលរួមដោយផ្ទាល់។

តាមដានជាមួយយើង៖ Million Times

លោកថ្លែងលើបណ្តាញសង្គមថា «ចាប់តាំងពីពេលដែល ស៊ូឡា ចូលក្នុងជីវិតយើង យើងដឹងច្បាស់ថាកូនប្រុសរបស់យើងពោរពេញដោយបំណងប្រាថ្នាចង់រៀន ចង់ដឹង មានការតាំងចិត្តខ្ពស់ ជាមនុស្សមានភាពទាក់ទាញ និងមានអំណោយទាន»។

លោកបន្តថា សេចក្តីប្រាថ្នារបស់យើងចំពោះកូនរបស់យើងមិនខុសពីឪពុកម្តាយដទៃទៀតនោះទេ គឺចង់ឃើញកូនៗធំឡើងអាចស្វែងរកគោលដៅជីវិតរបស់ពួកគេ ពេញចិត្តនឹងការសម្រេចចិត្តរបស់ពួកគេ ចេះដោះស្រាយបញ្ហាដោយខ្លួនឯង និងពុះពារក្នុងការស្វែងរកភាពជោគជ័យរបស់ពួកគេ។ យើងជាឪពុកម្តាយពិតជារំភើបជាខ្លាំង និងពោរពេញដោយមោទនភាព នៅពេលដែលយើងឃើញ ស៊ូឡា ឈរនៅលើឆាកក្នុងឯកសណ្ឋានបញ្ចប់ការសិក្សា។

លោក គិត ម៉េង ថ្លែងបញ្ជាក់ថា ស៊ូឡាកូន ជីវិតរបស់កូនកំពុងផ្លាស់ប្តូរប្រកបដោយអត្ថន័យ។ កូនត្រូវតែបន្តសិក្សាយកចំណេះបន្ថែម ទោះបីជាកូនបានបញ្ចប់ការសិក្សាក្នុងកម្រិតនេះក៏ដោយ។ កូនត្រូវខិតខំរៀនអ្វីថ្មីពីចាស់ទុំ និងមនុស្សដែលកូនជួប។ ចូរកូនបន្ទាបខ្លួន ហើយរក្សានូវការចង់ចេះដឹងចំពោះអ្វីដែលកូនជឿជាក់។ មិនថាមានអ្វីកើតឡើងបន្តទៀត កូនត្រូវដឹងថា ម្តាយរបស់កូន និងប៉ា ព្រមទាំងគ្រួសាររបស់យើងនឹងនៅក្បែរកូនជានិច្ច។

ក្នុងឱកាសនោះ លោកប្រកាសអបអរសាទរកូនប្រុសចំពោះសមិទ្ធផល និងការបញ្ចប់ការសិក្សានេះ ដោយបានសង្កត់ធ្ងន់ថា កូនធ្វើបានល្អណាស់៕

អត្ថបទ៖ សាងតេជៈ រូបភាព៖ Page NeakOknha Kith Meng 

The post សេដ្ឋី គិត ម៉េង ចូលរួមផ្ទាល់រំភើបឃើញកូនប្រុសច្បង ស៊ូឡា ទទួលសញ្ញាបត្របញ្ចប់ការសិក្សា appeared first on Millions times.

ក្រោយការតែងតាំងកូនប្រុសដែលមានវ័យក្មេងមានគោរមងារឧកញ៉ា លោក គិត ម៉េង អគ្គនាយកក្រុមហ៊ុន រ៉ូយាល់ គ្រុប បាននិយាយថា «ជាងបីទសវត្សរ៍មកនេះ ខ្ញុំបានកសាងក្រុមហ៊ុន រ៉ូយ៉ាល់គ្រុប ឲ្យក្លាយជាក្រុមហ៊ុន ពហុផលិតផលឈានមុខគេ ដែលមានម៉ាកយីហោត្រូវបានទទួលស្គាល់បំផុតនៅក្នុងប្រទេស។ ថ្ងៃនេះ ខ្ញុំមានមោទនភាពក្នុងការប្រកាសថា គិត ស៊ូឡា នឹងចូលរួមជាមួយក្រុមហ៊ុន រ៉ូយ៉ាល់ គ្រុប»។

តាមដានជាមួយយើង៖ Million Times

ក្រុមហ៊ុន រ៉ូយ៉ាល់ គ្រុប បានកត់សម្គាល់ថា ក្នុងរយៈពេលប៉ុន្មានឆ្នាំកន្លងមកនេះ លោក គិត ស៊ូឡា ដែលពេលនេះមានវ័យ១៩ឆ្នាំ បានយល់ដឹងពីមុខជំនួញរបស់ក្រុមហ៊ុន និងមានសមត្ថភាពគ្រប់គ្រាន់ក្នុងឧស្សាហកម្មនេះ។ ដោយទទួលបានការអប់រំនៅសាលាអន្តរជាតិន័រប្រ៊ីដ ក្នុងប្រទេសកម្ពុជា និងបច្ចុប្បន្នកំពុងសិក្សានៅសាលាអន្តរជាតិ Hwa Chong ដែលជាសាលាដ៏ល្បីល្បាញមួយក្នុងប្រទេសសិង្ហបុរី លោក ស៊ូឡា ត្រៀមខ្លួនរួចជាស្រេច ក្នុងការខិតខំឲ្យអស់ពីសមត្ថភាព។ ក្នុងតួនាទីថ្មីរបស់លោកជានាយកគ្រប់គ្រងផ្នែកប្រតិបត្តិការ លោកនឹងកាន់តំណែងសំខាន់នេះ ក្នុងការបង្កើតឲ្យកាន់តែមានភាពចម្រុះ និងធ្វើឲ្យចំណូលក្រុមហ៊ុនប្រសើរឡើង នៅក្នុងពិភពឌីជីថល។

ជម្រាបបន្ថែមថា ក្រុមហ៊ុន រ៉ូយ៉ាល់គ្រុប បង្កើតឡើងក្នុងឆ្នាំ ១៩៩១ គឺជាក្រុមហ៊ុនគ្រប់គ្រងការវិនិយោគ ជាយុទ្ធសាស្ត្ររបស់ប្រទេសកម្ពុជា ហើយត្រូវបានទទួលស្គាល់ថា ជាក្រុមហ៊ុនអាជីវកម្មដែលមានថាមពល និងភាពចម្រុះបំផុតរបស់ប្រទេស។ ក្រុមហ៊ុននេះមានបុត្រសម្ព័ន្ធអាជីវកម្មជាច្រើន រួមមាន៖ ធនាគារ និងហិរញ្ញវត្ថុ ធានារ៉ាប់រង ការវិនិយោគ ទូរគមនាគមន៍ ថាមពល ការដឹកជញ្ជូន ប្រព័ន្ធផ្សព្វផ្សាយ និងការកម្សាន្ត សណ្ឋាគារ និងរមណីយដ្ឋាន ការអប់រំ ការអភិវឌ្ឍអចលនទ្រព្យ ពាណិជ្ជកម្ម និងតំបន់សេដ្ឋកិច្ចពិសេស៕

The post លោក គិត ម៉េង តែងតាំងកូនប្រុសជានាយកគ្រប់គ្រងផ្នែកប្រតិបត្តិការក្រុមហ៊ុន រ៉ូយ៉ាល់គ្រុប អន្តរជាតិ appeared first on Millions times.