តាមដានជាមួយយើង៖ Million Times

កិច្ចព្រមព្រៀងនេះ ត្រូវបានចុះហត្ថលេខាដោយលោក ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន ក្នុងនាមតំណាងរាជរដ្ឋាភិបាល និងក្រុមហ៊ុន រ៉ូយ៉ាល់រេលវេ ម.ក. (RRPLC) តំណាងដោយអ្នកឧកញ៉ា គិត ម៉េង ប្រធានក្រុមប្រឹក្សាភិបាលក្រុមហ៊ុន រ៉ូយ៉ាល់រេលវេ ម.ក. (RRPLC)។

ពិធីចុះហត្ថលេខាលើកិច្ចព្រមព្រៀងនេះ ក៏មានការអញ្ជើញចូលរួមពីមន្ត្រីជាន់ខ្ពស់ក្រសួងសាធារណការ និងដឹកជញ្ជូន, គណៈកម្មការអន្តរក្រសួងចរចាកិច្ចព្រមព្រៀងសម្បទានផ្លូវដែក, ប្រតិភូក្រុមហ៊ុន រ៉ូយ៉ាល់ រេលវេ និងមន្រ្តីជំនាញពាក់ព័ន្ធជាច្រើនរូបផងដែរ។

កិច្ចព្រមព្រៀងគោលការណ៍នេះ ជាជំហានដ៏សំខាន់ក្នុងការពង្រឹងហេដ្ឋារចនាសម្ព័ន្ធផ្លូវរថភ្លើងនៃកម្ពុជា ដើម្បីធានាបាននូវដំណោះស្រាយដឹកជញ្ជូនដ៏ប្រសើរ និងគ្រប់គ្រងបានយូរអង្វែងសម្រាប់អនាគត។

ក្រសួងសាធារណការ និងដឹកជញ្ជូន ដែលតំណាងឱ្យរាជរដ្ឋាភិបាលកម្ពុជា បានចុះហត្ថលេខាលើកិច្ចព្រមព្រៀងនេះ ស្របតាមការអនុញ្ញាតពី សម្តេចបវរធិបតីនាយករដ្ឋមន្ត្រី ក្នុងឱកាសប្រកាសផ្លូវការនាថ្ងៃទី៣១ ខែមករា ឆ្នាំ២០២៥។ គម្រោងនេះបង្ហាញពីការខិតខំប្រឹងប្រែងរបស់រដ្ឋាភិបាលក្នុងការពង្រឹងការតភ្ជាប់ផ្លូវរថភ្លើង និងជំរុញកំណើនសេដ្ឋកិច្ច តាមរយៈការកែលម្អបណ្តាញដឹកជញ្ជូន។

កិច្ចព្រមព្រៀងនេះផ្តោតលើការពង្រីក និងធ្វើឱ្យទាន់សម័យបណ្តាញផ្លូវរថភ្លើងនៃកម្ពុជា ដែលនឹងដើរតួនាទីសំខាន់ក្នុងការលើកកំពស់ពាណិជ្ជកម្ម ទេសចរណ៍ និងការរួមបញ្ចូលតំបន់។ តាមរយៈការកែលម្អការតភ្ជាប់ផ្លូវរថភ្លើង កិច្ចព្រមព្រៀងនេះមានគោលបំណងកាត់បន្ថយការចំណាយដឹកជញ្ជូន កែលម្អប្រសិទ្ធភាពឡូជីស្ទីក និងផ្តល់ជម្រើសដឹកជញ្ជូន ដែលមិនប៉ះពាល់ដល់បរិស្ថានសម្រាប់ទំនិញ និងអ្នកដំណើរ។

ក្រុមហ៊ុន រ៉ូយ៉ាល់ រេលវេ នឹងនៅតែបន្តខិតខំក្នុងការផ្តល់សេវាកម្មផ្លូវរថភ្លើងដ៏មានសុវត្ថិភាព គួរឱ្យទុកចិត្ត និងមានប្រសិទ្ធភាព ជូនដល់អាជីវកម្មនានាទូទាំងប្រទេស។ កិច្ចសហប្រតិបត្តិការ ជាមួយក្រសួងសាធារណការ និងដឹកជញ្ជូននេះបង្ហាញពីការប្តេជ្ញាចិត្តរបស់ក្រុមហ៊ុនក្នុងការគាំទ្រគោលដៅអភិវឌ្ឍន៍រយៈពេលវែងរបស់កម្ពុជា។

ថ្លែងក្នុងឱកាសនេះ រដ្ឋមន្ត្រី ប៉េង ពោធិ៍នា បានសម្តែងនូវការអបអរសាទរចំពោះការចុះហត្ថលេខានាពេលនេះ គឺជាការបន្តបោះជំហានដ៏សំខាន់ថ្មីមួយបន្ថែមទៀត បន្ទាប់ពីការចុះហត្ថលេខាលើកិច្ចព្រមព្រៀងក្របខ័ណ្ឌ កាលពីថ្ងៃទី១៣ ខែកុម្ភៈ ឆ្នាំ២០២៥កន្លងទៅ ដើម្បីឆ្ពោះទៅកាន់ការបង្កើតកិច្ចព្រមព្រៀងភាពជាដៃគូរវាងរដ្ឋ និងឯកជនថ្មីមួយ ស្របតាមគោលការណ៍សម្រេចដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។

លោករដ្ឋមន្ដ្រី បានគូសបញ្ជាក់ថា ការចុះកិច្ចព្រមព្រៀងនាថ្ងៃនេះ ធ្វើឡើងក្នុងគោលបំណងធានាថា ប្រតិបត្តិការផ្លូវដែកនៅតែបន្តដោយគ្មានការរំខានក្នុងអំឡុងពេលអន្តរកាល នៃកិច្ចចរចាកិច្ចព្រមព្រៀង PPP ថ្មី រវាងរាជរដ្ឋាភិបាល ក្រុមហ៊ុន រ៉ូយ៉ាល់ រេលវេ និងក្រុមហ៊ុនដៃគូយុទ្ធសាស្ត្រ ជាពិសេសធានាឱ្យបាននូវការធ្វើឱ្យប្រសើរឡើងសេវាផ្លូវដែកនានា ទាំងការដឹកជញ្ជូនមនុស្ស និងទំនិញ, ការបង្កើតឱ្យមាននូវវិធានការសុវត្ថិភាពខ្ពស់បំផុត មួយនៅតាមបណ្តាញផ្លូវដែកទាំងពីរខ្សែ និងការអនុវត្តយ៉ាងម៉ឺងម៉ាត់ ស្របតាមការណែនាំ របស់រាជរដ្ឋាភិបាល ក្នុងករណីចាំបាច់ណាមួយ។ កិច្ចព្រមព្រៀងប្រតិបត្តិការ និងថែទាំបណ្តោះ អាសន្ននេះ ក៏បានកំណត់អំពីសូចនាករសមិទ្ធកម្មគន្លឹះ ថ្មីមួយចំនួនផងដែរ ដើម្បីជំរុញការធ្វើប្រតិបត្តិការ និងការថែទាំផ្លូវដែក ដោយអនុលោមតាមស្តង់ដារ និងឧត្តមានុវត្តន៍អន្តរជាតិ។

ជាមួយគ្នានេះ រដ្ឋមន្ត្រី ក៏បានកោតសរសើរដល់ថ្នាក់ដឹកនាំទទួលបន្ទុកការងារចរចាកិច្ចព្រមព្រៀងសម្បទានផ្លូវដែក សមាជិក សមាជិកា នៃគណៈកម្មការអន្តរក្រសួងចរចាកិច្ចព្រមព្រៀង សម្បទានផ្លូវដែក តំណាងក្រុមហ៊ុន រ៉ូយ៉ាល់ រេលវេ និងភាគីពាក់ព័ន្ធទាំងអស់ ដែលបានខិតខំប្រឹងប្រែងប្រកបដោយការយកចិត្តទុកដាក់ខ្ពស់ ក្នុងការជួបពិភាក្សា កំណត់អាទិភាពគន្លឹះ និងរៀបចំការងារពាក់ព័ន្ធកន្លងមក ដើម្បីសម្រេចបាននូវកិច្ចព្រមព្រៀងប្រតិបត្តិការ និងថែទាំបណ្តោះអាសន្នដ៏មានសារៈសំខាន់មួយនេះ ដែលនឹងបើកផ្លូវឱ្យភាគីទាំងពីរ បន្តអនុវត្តការងារគន្លឹះផ្សេងៗទៀត ដើម្បីឈានដល់ការចុះកិច្ចព្រមព្រៀង PPP ថ្មី នាពេលខាងមុខ។

សូមជម្រាបថា ក្រុមហ៊ុន រ៉ូយ៉ាល់ រេលវេ គឺជាក្រុមហ៊ុនបុត្រសម្ព័ន្ធរបស់ រ៉ូយ៉ាល់គ្រុប និងជាអ្នកផ្តល់សេវាដឹកជញ្ជូនផ្លូវដែកតែមួយគត់ក្នុងប្រទេសកម្ពុជា។ ក្រុមហ៊ុនរូយ៉ាល់រេលវេ បានចាប់ផ្តើមប្រតិបត្តិការសេវាកម្មតាំងពីឆ្នាំ២០១០ បន្ទាប់ពីវាបានបញ្ចប់ការស្តារឡើងវិញនូវបណ្តាញផ្លូវដែកទាំងខ្សែខាងត្បូង និងខាងជើង ដើម្បីធានាជូននូវសុវត្ថិភាព ភាពជឿជាក់ និងការពេញចិត្តរបស់អតិថិជន។ ក្រុមហ៊ុនរ៉ូយ៉ាល់រេលវេ តែងតែដើរតួនាទីយ៉ាងសំខាន់ក្នុងការជួយសម្រួលដល់តម្រូវការដឹកជញ្ជូនទំនិញទូទៅក្នុងប្រទេស ក៏ដូចជាចូលរួមចំណែកក្នុងការអភិវឌ្ឍសេដ្ឋកិច្ចរបស់ប្រទេសកម្ពុជា៕

The post ក្រសួងសាធារណការ និងក្រុមហ៊ុន រ៉ូយ៉ាល់ រេលវេ របស់អ្នកឧកញ៉ា គិត ម៉េង ចុះកិច្ចព្រមព្រៀងប្រតិបត្តិការ និងថែទាំបណ្តោះអាសន្នលើគម្រោងផ្លូវដែកកម្ពុជា appeared first on Millions times.

តាមដានជាមួយយើង៖ Million Times

ឧកញ៉ា ឡេង ឫទ្ធី ប្រធានសមាគមធុរកិច្ចវៀតណាម-កម្ពុជាបានថ្លែងសង្ឃឹមជឿជាក់ថា ដោយមានការយកចិត្តទុកដាក់ និងការសម្របសម្រួលយ៉ាងជិតស្និទ្ធពីរដ្ឋាភិបាលនៃប្រទេសទាំងពីរ ក្រសួងឧស្សាហកម្ម និងពាណិជ្ជកម្មវៀតណាម និងក្រសួងពាណិជ្ជកម្មកម្ពុជា ដោយផ្ទាល់សហគ្រាសវៀតណាមនៅប្រទេសកម្ពុជា នឹងបន្តអភិវឌ្ឍយ៉ាងខ្លាំងក្លា រួមចំណែកជាវិជ្ជមានដល់ ការអភិវឌ្ឍន៍សេដ្ឋកិច្ច-សង្គមនៃប្រទេសទាំងពីរ ព្រមទាំងពង្រឹងទំនាក់ទំនងមិត្តភាពជាប្រពៃណីរវាងប្រទេស វៀតណាម និងប្រទេសកម្ពុជា។ 

លោកឧកញ៉ាបានស្នើរដល់អ្នកឧកញ៉ា គិត ម៉េង បន្តភ្ជាប់ទំនាក់ទំនងឲ្យកាន់តែរឹងមាំថែមទៀត ដើម្បីឲ្យសហគ្រាសវៀតណាម មកបណ្តាក់ទុននៅប្រទេសកម្ពុជា ហើយសហគ្រាសកម្ពុជា អាចបណ្ដាក់ទុននៅប្រទេសវៀតណាម ដើម្បីទាញយកផលប្រយោជន៍ និងកេងចំណេញពីភាពខ្លាំងនៃប្រទេសទាំងពីរ ដើម្បីអភិវឌ្ឍន៍គ្នាទៅវិញទៅមក។

អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ាន-កម្ពុជា បានថ្លែងពីទំនាក់ទំនងសេដ្ឋកិច្ចរវាងកម្ពុជា និងវៀតណាម ដោយប្រទេសទាំងពីរបានកំណត់គោលដៅប្រកបដោយមហិច្ឆតា និងជំរុញទឹកចិត្តក្នុងការឈានទៅសម្រេចបានពាណិជ្ជកម្មទ្វេភាគីសរុប ២០ ពាន់លានដុល្លារនៅឆ្នាំខាងមុខ។ 

អ្នកឧកញ៉ាបន្តថា “ក្រៅពីពាណិជ្ជកម្ម វៀតណាមគឺជាវិនិយោគិនដ៏ធំមួយ ក្នុងចំណោមវិនិយោគិនបរទេសចំនួនប្រាំ ផ្សេងទៀតនៅកម្ពុជា ដោយមានគម្រោងលើសពី២០០គម្រោង ដែលមានតម្លៃទឹកប្រាក់ជិត ៣ពាន់លានដុល្លារ ក្នុងវិស័យដូចជា កសិកម្ម ទូរគមនាគមន៍ ធនាគារ ហិរញ្ញវត្ថុ ការកែច្នៃម្ហូបអាហារ រ៉ែ អាកាសចរណ៍ និងទេសចរណ៍”។ អ្នកឧកញ៉ាក៏លើកទឹកចិត្តឱ្យក្រុមហ៊ុនវៀតណាមមកបណ្តាក់ទុនក្នុងប្រទេសកម្ពុជា និងផ្សារភ្ជាប់ទំនាក់ទំនងដ៏រឹងមាំ និងការផ្តួចផ្តើមអាជីវកម្មយ៉ាងពិតប្រាកដដែលកើតឡើងពីការពិភាក្សានៅក្នុងសន្និសីទនេះ។

អ្នកស្រី ឡេង ដាវី អនុប្រធានសមាគមថ្មអារ បានបង្ហាញយ៉ាងក្បោះក្បាយអំពីទីតាំងសក្តានុពលនៃតំបន់ភាគឥសាន្ត ដែលមានខេត្តក្រចេះ ស្ទឹងត្រែង មណ្ឌលគិរី និងរតនគិរី ខណៈតំបន់នេះទទួលបានការគាំទ្រលើកទឹកចិត្តជាពិសេសពីរាជរដ្ឋាភិបាល។ បើតាមអ្នកស្រី តំបន់នេះមានធនធានធម្មជាតិដ៏សម្បូរបែប ដូចជា ដីល្អ ទន្លេ និងភ្នំ ដែលសមស្របសម្រាប់ការវិនិយោគលើវិស័យកសិកម្ម ដំណាំកៅស៊ូ កាហ្វេ ចន្ទី ស្រូវ ឧស្សាហកម្ម និងទេសចរណ៍។ 

 អ្នកស្រីបានបញ្ជាក់ថា ភាពជោគជ័យកន្លងមកមានក្រុមហ៊ុនធំៗដូចជា ក្រុមហ៊ុន VRG Group ដំណាំកៅស៊ូ និង Thaco Group ដំណាំចេក ចិញ្ចឹមគោ ព្រមទាំងអាជីវករជាច្រើនបានចាប់អារម្មណ៍ទៅវិនិយោគក្នុងតំបន់នេះចាប់តាំងពីឆ្នាំ ២០០៨ និងទទួលបានជោគជ័យយ៉ាងច្រើន។

សូមជម្រាបថា ទំហំពាណិជ្ជកម្មទ្វេភាគី នៃប្រទេសកម្ពុជា និងវៀតណាម បានបន្តកើនឡើងឥតឈប់ឈរក្នុងរយៈពេលប៉ុន្មានឆ្នាំកន្លងមកនេះ ដែលនៅក្នុងឆ្នាំ ២០២៤ ទំហំពាណិជ្ជកម្មទ្វេភាគីរវាងទាំងពីរ បានកើនឡើងគួរឱ្យកត់សម្គាល់ ដោយមានទំហំទឹកប្រាក់ច្រើនជាង ១០ ប៊ីលានដុល្លារ កើនឡើង ៥៣.៣៤% បើធៀបទៅនឹងឆ្នាំមុន ហើយគោលដៅសម្រាប់ប៉ុន្មានឆ្នាំខាងមុខទៀត ទំហំពាណិជ្ជកម្មរវាង ប្រទេសទាំងពីររំពឹងថានឹងឈានទៅដល់២០ប៊ីលានដុល្លារ៕

The post អ្នកជំនួញជោគជ័យលើវិស័យកសិកម្ម ជំរុញឲ្យវិនិយោគិនខ្មែរ-វៀតណាម បន្តភ្ជាប់ទំនាក់ទំនងឲ្យកាន់តែរឹងមាំថែមទៀត appeared first on Millions times.

តាមដានជាមួយយើង៖ Million Times

ពិធីបើកវេទិកាធុរកិច្ច និងនវានុវត្តន៍២០២៥ នេះ បានប្រព្រឹត្តទៅក្រោមវត្តមានអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងការចូលរួមជាវាគ្មិនកិត្តិយសពីសំណាក់អ្នកឧកញ៉ា ម៉ុង ឫទ្ធី ប្រធានគ ណៈកម្មកាទី៣ នៃព្រឹទ្ធសភា ជាស្ថាបនិក និងជាអគ្គនាយកក្រុមហ៊ុន ម៉ុង ឫទ្ធី គ្រុប។

ឧកញ៉ា លឹម សុជាតិ អនុប្រធានសភាពាណិជ្ជកម្មកម្ពុជា បានថ្លែងឱ្យដឹងថា វេទិកានេះ ផ្តល់ឱ្យ អ្នកចូលរួមទាំងអស់ បានឈ្វេងយល់បទពិសោធន៍ កត្តាប្រឈម និងភាពជោគជ័យនៃការធ្វើធុរកិច្ចក្នុង វិស័យកសិកម្ម ក្រោមប្រធានបទ “ការប្រែក្លាយកសិកម្មបែបប្រពៃណី ទៅជាកសិកម្មបែបទំនើប” ដែលជាបទបាឋកថាចែករំលែកដោយវាគ្មិនកិត្តិយស គឺអ្នកឧកញ៉ា ម៉ុង ឫទ្ធី ដែលមានបទពិសោធន៍ យូរឆ្នាំ និងធ្លាប់បានឆ្លងកាត់ការលំបាកគ្រប់ដំណាក់កាល ពីការចាប់ផ្តើមអាជីវកម្មដំបូង រហូតទទួល បានជោគជ័យគួរជាទីមោទកនាពេលនេះ។

ថ្លែងក្នុងពិធីបើកវេទិកា អ្នកឧកញ៉ា គិត ម៉េង បានផ្តល់អនុសាសន៍ផ្តាំផ្ញើដល់ធុរជន វិនិយោគិន ព្រមទាំងថ្នាក់ដឹកនាំ សមាជិក សមាជិកានៃសភាពាណិជ្ជកម្មកម្ពុជា ក៏ដូចជាសភាពាណិជ្ជកម្មរាជធានី-ខេត្ត និងអ្នកចូលរួមទាំងអស់ ដើម្បីជាផែនទីចង្អុលផ្លូវសម្រាប់រៀបចំផែនការអាជីវកម្ម និងរួមចំណែកពង្រឹងសេដ្ឋកិច្ចជាតិឱ្យឈានឡើងមួយកម្រិតទៀត ស្របតាមកម្មវិធីនយោបាយ និងយុទ្ធសាស្រ្តរបស់រាជរដ្ឋាភិបាលអាណត្តិទី៧ ដែលមានសម្តេច ហ៊ុន ម៉ាណែត នាយករដ្ឋមន្ត្រី ជាប្រមុខដឹកនាំ។

អ្នកឧកញ៉ាបានលើកទឹកចិត្តឱ្យអ្នកចូលរួមទាំងអស់បញ្ចេញមតិយោបល់ផ្លាស់ប្តូរបទពិសោធន៍ជាមួយវាគ្មិនក្នុងអំឡុងពេលពិភាក្សា ដើម្បីភាពជោគជ័យលើកិច្ចការធុរកិច្ច និងវិនិយោគរបស់ខ្លួន។ ទន្ទឹមនឹងនេះ អ្នកឧកញ៉ាសង្ឃឹមយ៉ាងមុតមាំថា វេទិកាធុរកិច្ច និងនវានុវត្តន៍២០២៥ នឹងដំណើរការទៅដោយរលូន ប្រកបដោយជោគជ័យ និងទទួលបានលទ្ធផលជាផ្លែផ្កា។

សូមបញ្ជាក់ថា វេទិកានេះ បានផ្តោតលើប្រធានបទ “ការប្រែក្លាយកសិកម្មបែបប្រពៃណី ទៅជាកសិកម្មបែបទំនើប” ដែលធ្វើបាឋកថាដោយវាគ្មិនកិត្តិយសគឺ អ្នកឧកញ៉ា ម៉ុង ឫទ្ធី និងកិច្ចពិភាក្សាដោះស្រាយបញ្ហាប្រឈមនានារបស់វាគ្មិន និងអ្នកសម្របសម្រួលកម្មវិធីមកពីវិស័យសាធារណៈ និងឯកជន លើប្រធានបទស្តីពី “តួនាទីអ្នកដឹកនាំ ក្នុងការជំរុញនវានុវត្តភាព និងផ្លាស់ប្តូរការធ្វើធុរកិច្ច” គឺជាកូនសោ បើកទ្វារឆ្ពោះទៅយុគសម័យថ្មីមួយនៃការធ្វើជំនួញតាមបែបទំនើប មានភាពច្នៃប្រឌិត នវានុវត្តន៍ និងប្រកបដោយឧត្តរមានុវត្តភាព៕

The post មហាសេដ្ឋី និងអ្នកជំនាញខ្មែរច្រើនរូប ចែករំលែកបទពិសោធន៍ជំនួញក្នុង”វេទិកាធុរកិច្ច និងនវានុវត្តន៍២០២៥” appeared first on Millions times.

នៅកម្ពុជាមានមហាសេដ្ឋីធំៗមិនច្រើនប៉ុន្មានទេ ដែលនិយមប្រើប្រាស់បណ្តាញសង្គមហើយបង្ហោះចែកចាយដំណឹង ទស្សនៈ ជំនួញ ជីវិត ស្នេហា អប់រំកូន និងរូបភាពបេសកកម្មប្រចាំថ្ងៃរបស់ខ្លួន។ យ៉ាងណា គេក៏សង្កេតឃើញមានអ្នកឧកញ៉ាមួយរូបតែងតែបានចែករំលែកទស្សនគំនិតរបស់ខ្លួនលើបណ្តាញសង្គមជារឿយៗ នោះគឺអ្នកឧកញ៉ គិត ម៉េង។

តាមដានជាមួយយើង៖ Million Times

នៅលើបណ្តាញសង្គមរាប់ចាប់ពី Facebook, TikTok អ្នកឧកញ៉ា គិត ម៉េង ចែករំលែកជាប្រចាំនូវទស្សនជីវិត ស្នេហា អប់រំកូនៗ ពិសេសទស្សនៈ និងបទពិសោធន៍ក្នុងការធ្វើជំនួញ ដែលលោកធ្លាប់បានឆ្លងកាត់រហូតគ្រប់គ្រងជំនួញមិនក្រោម ៣០នៅក្នុងដៃ។ អ្នកឧកញ៉ា គិត ម៉េង ជាម្ចាស់ក្រុមហ៊ុន Royal Group ដែលមានបុត្តសម្ព័ន្ធក្រុមហ៊ុនជាង ៣០ក្រុមហ៊ុន។

មែនទែនទៅ អ្នកឧកញ៉ាចាប់ផ្តើមប្រើប្រាស់វេទិកាសង្គមប្រមាណ ៥ឆ្នាំហើយ រាល់ការបង្ហោះរបស់លោកសុទ្ធជាទស្សនមេរៀនល្អៗ ដូចជាមេរៀនជីវិត ស្នេហា ទំនាក់ទំនង អប់រំកូន អាជីវកម្មជាដើមដែលយើងទាំងអស់គ្នាគួរបានយកពិចារណា និងមិនដែលបង្ហោះរិះគន់វាយប្រហារជាសាធារណការម្តងណាឡើយ។

ត្រង់ណេះយើងអាចនិយាយបានថា អ្នកឧកញ៉ា គិត ម៉េង ជាមនុស្សមានចិត្តទូលាយក្នុងការចែករំលែកសារអប់រំល្អៗ ដោយបង្ហាញពីគន្លឹះនានាសម្រាប់ជាមេរៀនជីវិត និងជំនួញទៅកាន់មិត្តភ័ក្រ្តក្នុងបណ្តាញសង្គម។ ជាពាណិជ្ជករនិយមចែករំលែកសារវិជ្ជមាន ដោយមិនបង្ហោះសាររិះគន់សូម្បីម្តង។

ត្រឹមពាក់ខែមីនានេះ ផេកហ្វេសប៊ុកអ្នកឧកញ៉ា គិត ម៉េង មានឈ្មោះថា Neak Oknha Kith Meng មានអ្នក Followers 658K ហើយរាល់ផុសរបស់លោកមានអ្នកតាមដានរហូតដល់ 1M View និងចែករំលែកច្រើនជាង 1k Share ឯណោះ៕

អត្ថបទ៖ ពិសិដ្ឋ រូបភាព៖ ផេកអ្នកឧកញ៉ា គិត ម៉េង

The post មហាសេដ្ឋី គិត ម៉េង មានចិត្តទូលាយចែករំលែកទស្សនៈជំនួញ និងជីវិតលើបណ្តាញសង្គម appeared first on Millions times.

ក្រសួងមហាផ្ទៃ និងសភាពាណិជ្ជកម្មកម្ពុជា នៅថ្ងៃចន្ទ ទី១០ ខែមិនា ឆ្នាំ២០២៥ បានរៀបចំកិច្ចប្រជុំក្រុមការងារ «ត» ផ្នែករដ្ឋបាលដែនដី សន្តិសុខ និងសណ្តាប់ធ្នាប់សាធារណៈ នៃវេទិការាជរដ្ឋាភិបាល-ផ្នែកឯកជន ដែលមានលោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាសហប្រធានក្រុមការងារ «ត» តំណាងផ្នែករដ្ឋាភិបាល និងអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានគណៈកម្មការសម្របសម្រួលក្រុមការងារផ្នែកឯកជន សម្រាប់វេទិការាជរដ្ឋាភិបាល-ផ្នែកឯកជន (គ.ស.ឯ.រ.ជ) និងជាសហប្រធានក្រុមការងារ «ត» ដែលបានពិភាក្សាលើបញ្ហាជាក្តីកង្វល់របស់វិស័យឯកជន។

តាមដានជាមួយយើង៖ Million Times

សេចក្តីប្រកាសព័ត៌មានរបស់សភាពាណិជ្ជកម្មកម្ពុជា ក្រោយចប់កិច្ចប្រជុំ បានឲ្យដឹងថា គោលបំណងនៃកិច្ចប្រជុំភាពជាដៃគូនេះ បានពិភាក្សាលើបញ្ហាដែលបានលើកឡើងដោយវិស័យឯកជន រួមមាន៖ (១). គណ:អភិបាលខេត្ត/ក្រុង មួយចំនួនមិនទាន់មានការសហការល្អជាមួយ សភាពាណិជ្ជកម្មថ្នាក់ខេត្ត, (២). បញ្ហាការត្រួតពិនិត្យនៅមាត់ច្រកចេញចូលតាមព្រំដែន ពីសំណាក់ប្រធានមាត់ច្រក ដែលជាមន្ត្រីដែលចាត់តាំងពីសាលាខេត្ត, (៣). ចរាចរណ៍ផ្លូវគោក នៅពេល ក្រុមហ៊ុនជួបគ្រោះថ្នាក់ ចរាចរណ៍ (មិនដល់ជីវិត), (៤). សំបញ្ហាផ្លាកសញ្ញាចរាចរណ៍, (៥). ការត្រួតពិនិត្យអ្នកបើកបរដែលមានផ្ទុក ឬប្រើប្រាស់សារធាតុញៀន, (៦). សំណើរសុំកិច្ចសហប្រតិបត្តិការ និងចាត់វិធានការលើបទល្មើសបច្ចេកវិទ្យា (Cyber-Crime), (៧). បញ្ហាប្រឈមចំពោះបច្ចេកទេសក្នុងការប្រើប្រាស់ ដ្រូនកសិកម្ម, និង (៨). ផ្សេង។ 

បើតាមសភាពាណិជ្ជកម្ម អង្គប្រជុំបានឯកភាពទទួលយកដំណោះស្រាយ ក៏ដូចជាធាតុចូលពីវិស័យឯកជន ដើម្បីពិនិត្យធ្វើយ៉ាងណាសម្របសម្រួលផ្តល់ជូនឲ្យវិស័យនេះនូវបរិយាកាសធុរកិច្ច និងវិនិយោគកាន់តែប្រសើក្នុងប្រទេសកម្ពុជា៕

អត្ថបទ៖ សាងតេជៈ រូបភាព៖ សភាពាណិជ្ជកម្មកម្ពុជា

The post រកឃើញបញ្ហាគណ:អភិបាលខេត្ត/ក្រុង មួយចំនួនមិនទាន់មានការសហការល្អជាមួយសភាពាណិជ្ជកម្មកម្ពុជាថ្នាក់ខេត្ត appeared first on Millions times.

 លោកស្រី ម៉ៅ ចំណាន បានលើកឡើងថា ទស្សនកិច្ចនេះគឺធ្វើឡើងតាមគោលបំណងរបស់សិល្បករ -សិល្បការិនី ដែលតែងទទូចចង់មកទស្សនាផ្ទាល់ ពីដែនអធិបតេយ្យ បូរណភាពដែនដីរបស់ខ្លួន នៅតាមបណ្តោយផ្លូវក្រវាត់ព្រំដែន ពិសេសក្នុងខេត្តមណ្ឌលគិរីនេះតែម្តង។

តាមដានជាមួយយើង៖ Million Times

ជាមួយគ្នានេះក៏មកស្វែងយល់ និងផ្សព្វផ្សាយបន្តពី កិច្ចខិតខំប្រឹងប្រែង ការលះបង់ពុះពារក្នុងកិច្ចការពារបរណភាពទឹកដីរបស់រាជរដ្ឋាភិបាលកម្ពុជា​ដែលគ្រប់នីតិកាលកន្លងមក បានយកចិត្តទុកខ្ពស់ចំពោះបញ្ហាព្រំដែន ហើយបានកែប្រែតំបន់ព្រំដែនដែលធ្លាប់តែប្រឈមមុខដាក់គ្នា ទៅជាព្រំដែនសន្តិភាព និងអភិវឌ្ឍន៍។

លោកស្រីបន្តថា អ្នកចូលរួមទាំងអស់ ក៏បានស្វែងយល់ពីការលំបាករបស់កងកម្លាំងរបស់យើង ដែលបានពុះពារគ្រប់ឧបសគ្គ ប្រឈមនឹងគ្រាប់មីន និងយុទ្ធភណ្ឌមិនទាន់ផ្ទុះ អាកាសធាតុ និងបញ្ហាប្រឈមជាច្រើនទៀត ដូចជាទីតាំងភូមិសាស្ត្រលំបាក។

 លើសពីនេះ ការចុះមកទស្សនាផ្ទាល់នៅពេលនេះ លោកស្រីអ្នកឧកញ៉ា ម៉ៅ ចំណាន ក៏បានលើកឡើងថា ធ្វើឡើងគឺដើម្បីរួមចំណែក តបតាមការអំពាវនាវរបស់ប្រមុខរាជរដ្ឋាភិបាលនាពេលកន្លងមក សមាគមសិល្បករខ្មែរ បានកៀរគរសិល្បករ-សិល្បការិនីចូលរួមបរិច្ចាគថវិកាតាមលទ្ធភាពជាមួយនឹង«មូលនិធិកសាងហេដ្ឋារចនាសម្ព័ន្ធព្រំដែន»។ ដូច្នេះសមាគមបាននាំបងប្អូនសិល្បៈមួយចំនួនមកទស្សនានូវសមិទ្ធផលដែលកើតចេញពីការចូលរួមរបស់ពួកគាត់ រួមគ្នាជាមួយបងប្អូនប្រជាពលរដ្ឋទូទាំងប្រទេស។​

លោកស្រីបានថ្លែងបញ្ជាក់ថា «ខ្ញុំក៏ដូចជាបងប្អូនទាំងអស់ បានមើលឃើញយ៉ាងជាក់ច្បាស់ ពីភាពរឹងមាំនៃដែនអធិបតេយ្យរបស់កម្ពុជាយើង នាពេលនេះ និងតទៅអនាគត។​​ ទី១.ការចរចាបោះបង្គោលព្រំដែនឱ្យបានច្បាស់លាស់ និងត្រឹមត្រូវបំផុតតាមនិយាមការអន្តរជាតិជារបង។ ទី២. ការកសាងហេដ្ឋារចនាសម្ព័ន្ធ និងការអភិវឌ្ឍ ផ្លូវក្រវាត់ព្រំដែន។ និងទី៣. ជំរុញការអភិវឌ្ឍ និងប្រជាជនមក រស់នៅតាមបណ្តោយព្រំដែនឱ្យកកាន់តែច្រើន ដើម្បីបង្កើតរបង ខឿនការពារជាតិ»។

សូមជម្រាបថា ការអនុវត្តគម្រោងកសាងផ្លូវខ្សែក្រវាត់ព្រំដែន ប្រាស់ថវិកាមូលនិធិព្រំដែន ដោយការឈូសផ្លូវទទឹង ៥ បើកមុខសម្រាប់រកខ្សែផ្លូវដំបូង សម្រេចបានប្រវែង ៩៥,៧០គ.ម ក្នុងនោះខេត្តមណ្ឌលគិរី សម្រេចបានប្រវែង ៦០,៧០គ.ម ខេត្តរតនគិរី សម្រេចបានប្រវែង ៣៥គ.ម។

ការឈូសផ្លូវទទឹង ២០ម. សម្រាប់រកអ័ក្សផ្លូវ សម្រេចបានប្រវែង ៨២,៧០គ.ម​ ខេត្តមណ្ឌលគិរីសម្រេចបានប្រវែង ៥៣,៣០គ.ម និងខេត្តរតនគិរី សម្រេចបានប្រវែង ៣៥គ.ម។​

ចំពោះការងារលុបជ្រលង ចិតជញ្ជាំងភ្នំ និងបន្ទាបចំណោទភ្នំ សម្រេចបានប្រវែង ៧១,៦០គ.ម ហើយខេត្តមណ្ឌលគិរី សម្រេចបានប្រវែង ៤២,២០គ.ម ខេត្តរតនគិរី សម្រេចបានប្រវែង ២៩,៤០គ.ម៕

The post លោកស្រី ម៉ៅ ចំណាន នាំសិល្បករឲ្យឃើញផ្ទាល់ពីភាពរឹងមាំនៃដែនអធិបតេយ្យរបស់កម្ពុជានាពេលនេះ និងតទៅអនាគត appeared first on Millions times.

លើទំព័រហ្វេសប៊ុកផ្ទាល់ខ្លួន មហាសេដ្ឋី គិត ម៉េង បានថ្លែងថា “អ្នកត្រូវមានភាពក្លាហានដើម្បីភាពលូតលាស់របស់អ្នក ហើយក្លាយខ្លួនជាមនុស្សមានតម្លៃ”។ សព្វថ្ងៃនេះ មនុស្សជាច្រើនកំពុងដោះស្រាយបញ្ហាទាក់ទងនឹងការចោទប្រកាន់ សម្តីបំភ័យ ឬបន្តុះបង្អាប់ និងសម្ពាធសង្គមផ្សេងៗ។ នេះជាមូលហេតុសំខាន់ដែលអ្នកត្រូវក្រោកឈរទ្បើងដើម្បីខ្លួនអ្នក និងយល់ពីវីធីក្នុងការដោះស្រាយរឿងទាំងនោះឱ្យបានត្រឹមត្រូវ។

តាមដានជាមួយយើង៖ Million Times

អ្នកឧកញ៉ាដែលមានឥទ្ធិពលក្នុងអាណាចក្រជំនួញក្នុងស្រុកខ្មែររូបនេះ បានបង្ហាញនូវគន្លឹះយ៉ាងដូច្នេះថា៖

• ការពារកេរ្តិ៍ឈ្មោះរបស់អ្នក៖ មុសាវាទអាចរីកសាយភាយយ៉ាងឆាប់រហ័សក្នុងចំណោមមនុស្ស។ “សម្តីភូតកុហកពិបាកក្នុងការបញ្ឈប់ និងធ្វើឱ្យមនុស្សជាច្រើនជឿដោយមិនបានផ្ទៀងផ្ទាត់ការពិត”។ ដូច្នេះ ដើម្បីការពារកិត្តិនាមល្អរបស់អ្នក សូមអ្នកតបពាក្យកុហកទាំងនោះ ដោយនិយាយតែការពិត។

• បញ្ឈប់សម្តីបំភ័យ ឬបន្តុះបង្អាប់៖ សម្តីបំភ័យ ឬបន្តុះបង្អាប់របស់អ្នកដទៃទៅលើអ្នកបន្តកើតមាន ដោយសារតែភាពស្ងៀមស្ងាត់របស់អ្នក។ ដូច្នេះ សូមតតាំងនឹងសម្តីបំភ័យ ឬបន្តុះបង្អាប់ទាំងនោះ ដើម្បីបញ្ឈប់ឥរិយាបថបែបនេះ និងផ្តល់នូវទំនុកចិត្ត ឱកាស និងការសម្រេចចិត្តដល់អ្នកដទៃដើម្បីគ្រប់គ្រងជីវិតរបស់ពួកគេ។

• ទប់ទល់នឹងសម្ពាធពីមិត្តភក្តិ ឬពីក្រុម៖ រក្សាភាពស្មោះត្រង់ចំពោះគុណតម្លៃរបស់អ្នក ដោយនិយាយម៉ឺងម៉ាត់ថា “ទេ” នៅពេលដែលមានសម្ពាធមកលើអ្នក។

លើសពីនេះទៅទៀត ម្ចាស់ក្រុមហ៊ុនរ៉ូយាល់ គ្រុប អ្នកឧកញ៉ា គិត ម៉េង បានលើកឡើងនូវវិធី ៥យ៉ាងដើម្បីក្រោកឈរទ្បើងឱ្យទទួលបានប្រសិទ្ធភាព៖

១. ដាក់ដែនកំណត់៖ អ្នកត្រូវឱ្យមនុស្សជុំវិញអ្នកដឹងពីអ្វីដែលមិនសមរម្យ។ អ្នកអាចនិយាយថា៖ “ខ្ញុំនឹងមិនទទួលយកចំពោះការបញ្ចេញមតិមិនគោរពគ្នានោះទេ។ សូមបញ្ឈប់មតិបែបនេះ។”

២. ស្វែងរកជំនួយ៖ កុំខ្លាចក្នុងការសុំជំនួយ។ “ការសុំជំនួយមិនមែនបង្ហាញថាអ្នកខ្សោយ ឬចុះចាញ់នោះទេ។ ទង្វើនេះឆ្លុះបញ្ចាំងពីការប្តេជ្ញាចិត្ត និងភាពធន់របស់អ្នក។”

៣. កត់ត្រាទុកគ្រប់ទង្វើ៖ តាមដាន និងកត់ត្រានូវអ្វីដែលកើតឡើង។ “ចុងប៊ិកមានឥទ្ធិពលខ្លាំងជាងផ្លែដាវទៅទៀត។” សុភាសិតនេះមានន័យថាការបញ្ចេញមតិប្រកបដោយបញ្ញា ការធ្វើទំនាក់ទំនង និងការកត់ត្រាមានអានុភាពខ្លាំងជាងការប្រើកម្លាំងកាយ និងអំពើហិង្សាទៅទៀត។

៤. ធ្វើទំនាក់ទំនងដែលមានភាពងាយយល់៖ អ្នកត្រូវមានភាពច្បាស់លាស់ និងម៉ឺងម៉ាត់។ អ្នកអាចនិយាយថា៖ “ខ្ញុំបានឃើញព័ត៌មានមិនពិតដែលអ្នកកំពុងផ្សព្វផ្សាយ។ សូមបញ្ឈប់ ហើយកែតម្រូវព័ត៌មាននោះជាបន្ទាន់។”

៥. មានភាពជឿជាក់លើខ្លួនឯង៖ អ្នកត្រូវមានភាពជឿជាក់លើខ្លួនអ្នក។ “អ្នកត្រូវជឿថាអ្នកមានសមត្ថភាពធ្វើបាន។” ទំនុកចិត្តដែលអ្នកមានលើខ្លួនអ្នកអាចលុបបំបាត់នូវសម្តីបំភ័យ ឬបន្តុះបង្អាប់ ការចោទប្រកាន់នានាមកលើអ្នក ហើយបង្ហាញពីភាពខ្លាំងរឹងមាំរបស់អ្នកក្នុងការគ្រប់គ្រប់លើខ្លួនឯង។

អ្នកឧកញ៉ាបានបញ្ជាក់បន្ថែមថា ការក្រោកឈរឡើងដើម្បីខ្លួនអ្នកគឺជាគន្លឹះក្នុងការរក្សាសេចក្តីថ្លៃថ្នូរ និងសុខភាពផ្លូវចិត្តរបស់អ្នកឱ្យនៅដដែល។ សូមទាមទារការគោរពដែលអ្នកសមនឹងទទួលបាន ហើយធ្វើជាគំរូដ៏រឹងមាំមួយ។ សូមចែករំលែកបទពិសោធរបស់អ្នក និងជំរុញទឹកចិត្តអ្នកដទៃឱ្យធ្វើតាម៕

អត្ថបទ៖ សាងតេជៈ រូបភាព៖ ផេកអ្នកឧកញ៉ា គិត ម៉េង

The post កំពូលអ្នកជំនួញ គិត ម៉េង ផ្តាំថា ដល់ពេលវេលាដែលត្រូវក្រោកឈរឡើងដើម្បីខ្លួនអ្នក និងគ្រប់គ្រងជីវិតរបស់អ្នកហើយ appeared first on Millions times.

គម្រោងវិនិយោគរួមទាំង២ ដែលដាក់សម្ពោធជាផ្លូវការនាថ្ងៃទី ២៩ខែវិច្ឆិកា ឆ្នាំ២០២៤ មានឈ្មោះថា «Fixed Income Funds និង Distressed Asset Fund» គឺជាគម្រោងវិនិយោគគ្មានកាលកំណត់ ដែលបង្កើតឡើងជូនដល់វិនិយោគិន ដើម្បីជាឱកាសសម្រាប់ការអភិវឌ្ឍសេដ្ឋកិច្ចដ៏រឹងមាំនៅក្នុងប្រទេសកម្ពុជា។

តាមដានជាមួយយើង៖ Million Times

គម្រោងវិនិយោគទាំងពីរនេះ មានកម្រិតហានិភ័យខុសៗគ្នា តែការអនុវត្តតាមលក្ខខណ្ឌដ៏តឹងរឹង រួមជាមួយការគ្រប់គ្រងយ៉ាងហ្មត់ចត់ក្នុងការវិភាគ ដើម្បីបង្កើនឱកាសវិនិយោគដែលមានសក្តានុពល។ ក្រុមហ៊ុនរ៉ូយ៉ាល់គ្រុបហ្វាន់ គឺជាក្រុមហ៊ុនគ្រប់គ្រងមូលនិធិ ដែលទទួលបានអាជ្ញាប័ណ្ណពីនិយ័តករមូលបត្រកម្ពុជា ក្នុងការផ្តល់ជូនការវិនិយោគមូលនិធិដល់វិនិយោគិនក្នុងស្រុក និងក្រៅស្រុក ក្រោមគម្រោងវិនិយោគរួម។

គម្រោង Fixed Income Fund គឺជាគម្រោងមូលនិធិដែលមានការបត់បែន និងផ្តល់ជូនប្រាក់កម្រៃដោយសេ្ថរភាព។ គម្រោងនេះ គឺផ្តោតសំខាន់លើការវិនិយោគលើផលិតផលគម្រោងវិនិយោគ ដែលមានគុណភាពខ្ពស់ដូចជា ប័ណ្ណបំណុល និងការដាក់ប្រាក់បញ្ញើរមានកាលកំណត់ជាមួយស្ថាប័ន ដែលមានអាជ្ញាប័ណ្ណ និងមានប្រតិបត្តិការនៅក្នុងព្រះរាជាណាចក្រកម្ពុជា។ ចំណែកគម្រោង Distressed Asset Fund បានបង្កើតឡើងដើម្បីផ្តល់ផលចំណេញពីទីផ្សារ តាមរយៈការទាញយកឱកាសទីផ្សារដែលតម្លៃរបស់ទ្រព្យកំពុងមានការធ្លាក់ចុះ។

គម្រោងវិនិយោគទាំងពីរនេះ ត្រូវបានកំណត់និងវិនិយោគជាយុទ្ធសាស្រ្ត លើទ្រព្យកម្មសិទ្ធិដែលមានបញ្ហា ឬហៅថា Distressed Assets ដោយការវិភាគពីទីផ្សារ និងអ្នកជំនាញគ្រប់គ្រងទ្រព្យកម្មសិទ្ធិ។ គម្រោងនេះនឹងស្វែងរកឱកាស និងបទពិសោធន៍វិនិយោគផ្សេងៗដើម្បីធានាថាវិនិយោគិន នឹងទទួលបានអត្ថប្រយោជន៍ និងផលកម្រៃខ្ពស់ ដែលក្រុមហ៊ុននឹងផ្តល់ជូន៕

អត្ថបទ៖ សាងតេជៈ រូបភាព៖ Royal Group

The post អ្នកឧកញ៉ា គិត ម៉េង សម្ពោធជំនួញថ្មីគ្រប់គ្រងមូលនិធិវិនិយោគផ្តល់ផលកម្រៃខ្ពស់ appeared first on Millions times.

ការជំរុញលើកទឹកចិត្តរបស់អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា ក្នុងពេលទទួលជួបពិភាក្សាការងារជាមួយលោកស្រី យាន ហ្វេយ (Yan Fei) ប្រធានសមាគមអ្នកចែកចាយយានយន្តខេត្តក្វាងទុង ប្រទេសចិន នៅថ្ងៃទី២៨ ខែវិច្ឆិកា ឆ្នាំ២០២៤ ក្នុងអំឡុងពេលលោកស្រី និងគណៈប្រតិភូកំពុងបំពេញទស្សនកិច្ចនៅកម្ពុជា ដើម្បីស្វែងរកកាលានុវត្តភាពវិនិយោគ និងកិច្ចសហប្រតិបត្តិការក្នុងវិស័យយានយន្តដែលកំពុងរីកច្រើនយ៉ាងឆាប់រហ័ស។

តាមដានជាមួយយើង៖ Million Times

ក្នុងជំនួបធុរកិច្ចនេះ អ្នកឧកញ៉ា គិត ម៉េង បានបង្ហាញអំពីស្ថានភាពបច្ចុប្បន្ននៃវិស័យយានយន្តនៅកម្ពុជា ក៏ដូចជាវិស័យសក្តានុពលសម្រាប់កិច្ចសហប្រតិបត្តិការរួមគ្នា។ អ្នកឧកញ៉ាបានគូសបញ្ជាក់អំពីទំនាក់ទំនងដ៏រឹងមាំរវាងកម្ពុជានិងចិន និងការប្តេជ្ញារបស់ថ្នាក់ដឹកនាំប្រទេសទាំងពីរក្នុងការជំរុញទំនាក់ទំនងសេដ្ឋកិច្ចដោយអនុលោមតាមយុទ្ធសាស្ត្របញ្ចកោណរបស់កម្ពុជា និងគំនិតផ្តួចផ្តើមខ្សែក្រវ៉ាត់និងផ្លូវរបស់ចិន។ 

ជាមួយគ្នានេះ អ្នកឧកញ៉ាមានប្រសាសន៍ថា ជំរុញលើកទឹកចិត្តវិនិយោគិនចិន ប្រើប្រាស់បច្ចេកវិទ្យា និងជំនាញក្នុងវិស័យយានយន្ត បណ្តាក់ទុនវិនិយោគនៅកម្ពុជា ដែលជាប្រទេសមានស្ថិរភាពនយោបាយ មានទីតាំងភូមិសាស្ត្រជាយុទ្ធសាស្ត្រនៅអាស៊ាន មានកម្លាំងពលកម្មវ័យក្មេង និងមានបរិយកាសធុរកិច្ចល្អប្រសើរ។

លោកស្រី យាន ហ្វេយ រួមនិងគណៈប្រតិភូធុរកិច្ចសមាគមអ្នកចែកចាយយានយន្តខេត្តក្វាងទុង បង្ហាញនូវចំណាប់អារម្មណ៍ចំពោះទីផ្សារយានយន្តនៅកម្ពុជា និងចង់សិក្សាស្វែងយល់បន្ថែមអំពីបរិមាណលក់ តម្រូវការយានយន្តថ្មីនិងយានយន្តប្រើប្រាស់រួច និងតម្រូវការគ្រឿងបន្លាស់យានយន្ត។ គណៈប្រតិភូធុរកិច្ចខេត្តក្វាងទុង ក៏សិក្សាស្វែងយល់ផងដែរអំពីច្បាប់ បទប្បញ្ញត្តិ និងគោលនយោបាយពាក់ព័ន្ធនឹងការនាំចូលយានយន្ត ក៏ដូចជា ស្ថានភាពនៃការផ្តល់កម្ចីទិញលក់យានយន្តនៅកម្ពុជា។

លោកស្រីបន្តថា ក្រុមហ៊ុនចិនខេត្តក្វាងទុង ចាប់អារម្មណ៍ទីផ្សារកម្ពុជា និងកំពុងសិក្សាលទ្ធភាពបង្កើតរោងចក្រផលិត ដំឡើង និងចែកចាយរថយន្តនៅកម្ពុជា។

សភាពាណិជ្ជកម្មកម្ពុជា បានឲ្យដឹងថា ស្ថាប័នទាំងពីរមានសុទិដ្ឋិនិយមថា ដំណើរទស្សនកិច្ចរបស់គណៈប្រតិភូខេត្តក្វាងទុងនាពេលនេះ គឺជាការវិវត្តន៍ដ៏សំខាន់មួយឆ្ពោះទៅរកការលើកកម្ពស់ទំនាក់ទំនងឧស្សាហកម្មយានយន្តរវាងកម្ពុជា និងចិន និងកិច្ចសហប្រតិបត្តិការនាពេលអនាគត៕

អត្ថបទ៖ សាងតេជៈ រូបភាព៖ ទទក

The post ពីលើអគារ វីងថៅវើ អ្នកឧកញ៉ា គិត ម៉េង ជំរុញឲ្យក្រុមអ្នកមាននៅចិនវិនិយោគក្នុងវិស័យយានយន្ត appeared first on Millions times.

លោកស្រី ម៉ៅ ចំណាន បានផ្តល់ចម្លើយថា ខ្ញុំនៅចាំបានគ្រាដំបូងដែលខ្ញុំបានបីកូនខ្ញុំនៅក្នុងដៃ ពេលនោះហើយដែលខ្ញុំចាប់ផ្ដើមទទួលនូវអារម្មណ៍ថាទំនួលខុសត្រូវដ៏ធ្ងន់កំពុងធ្លាក់មកលើខ្ញុំហើយ។ ទំនួលខុសត្រូវនេះមិនគ្រាន់តែជាការមើលថែពួកគេនោះទេ ពោលគឺត្រូវចិញ្ចឹមបីបាច់ពួកគេជាមួយគុណតម្លៃដែលអាចកំណត់ឱ្យពួកគេក្លាយទៅជាមនុស្សបែបណា។ 

តាមដានជាមួយយើង៖ Million Times

លោកស្រីបន្តថា ការនិទានរឿងមុនចូលគេង ការឱបថ្នាក់ថ្នមបន្ទាប់ឆ្លៀតពេលពីការរវល់ពេញមួយថ្ងៃ រាល់មេរៀនអប់រំអំពីអំពើល្អ និងការទទួលខុសត្រូវ សុទ្ធសឹងជាផ្នែកនៃមូលដ្ឋានគ្រឹះ។ តាមវិធីនេះលោកស្រីបានឃើញពួកគេធំធាត់ក្លាយជាមនុស្សចេះគិត និងចេះយកចិត្តទុកដាក់។

ឆ្លងកាត់ពេលវេលាទាំងនោះ លោកស្រីដែលជាមាតាបង្កើតឧកញ៉ាវ័យក្មេង គិត ស៊ូឡា រូបនេះបានទទួលស្គាល់ថា ការចិញ្ចឹមកូនគឺមិនមែនផ្តោតតែលើពួកគេនោះទេ ប៉ុន្តែក៏ត្រូវផ្ដោតលើខ្លួនយើងថាជាឪពុកម្ដាយបែបណា។ យើងរៀនអំពីការអត់ធ្មត់ រៀនផ្ដល់មេត្តាករុណា និងរៀន ពីអត្ថន័យពិតនៃក្ដីស្រលាញ់ដែលឥតលក្ខខណ្ឌ។

លោកស្រីឧកញ៉ា ម៉ៅ ចំណាន ជាអតីតសិល្បការិនីតស៊ូរហូតក្លាយជាភរិយាលោកសេដ្ឋីកំពូលលុយ គិត ម៉េង ហើយមានចំណងដៃកូនប្រុសស្រីចំនួន ៤រូប។ លោកស្រីជាអគ្គនាយិការងក្រុមហ៊ុន រ៉ូយ៉ាល់ គ្រុប និងជាប្រធានសមាគមសិល្បករខ្មែរដែលទើបជាប់អាណត្តិថ្មី៕

អត្ថបទ៖ សេដ្ឋានី រូបភាព៖ ម៉ៅចំណាន

The post សេដ្ឋីនី ម៉ៅ ចំណាន បង្ហើបក្បូនចិញ្ចឹមកូនឲ្យក្លាយជាមនុស្សចេះគិត និងចេះយកចិត្តទុកដាក់ appeared first on Millions times.