តាមដានជាមួយយើង៖ Million Times

ក្នុង​ចំណោម​គម្រោង​វិនិយោគ​ទាំង ៤២ នេះ មាន​ ១៨ ត្រូវ​បាន​ចុះ​បញ្ជី​ដោយ ក.អ.ក. (ក្រៅ​តំបន់​សេដ្ឋកិច្ច​ពិសេស ៩ គម្រោង និង​ក្នុង​តំបន់​សេដ្ឋកិច្ច​ពិសេស ៩ គម្រោង) និង​គម្រោង ២៤ ត្រូវ​បាន​ចុះ​បញ្ជី​ដោយ អ.គ.វ.រ.ខ.។

ក្រុមប្រឹក្សា​អភិវឌ្ឍន៍​កម្ពុជា បាន​បង្ហើប​ឲ្យ​ដឹង​ថា គម្រោង​វិនិយោគ​ដែល​ត្រូវ​បាន​ចុះបញ្ជី​ក្នុង​ខែ​កុម្ភៈ ឆ្នាំ ២០២៦នេះ មាន​ជាអាទិ៍​គម្រោង​វិនិយោគ​បង្កើត​រោងចក្រ​កាត់ដេរ​សម្លៀកបំពាក់, ស្បែកជើង និង​កាបូប, ផលិត​កេស​កាតុង និង​ផលិតផល​ពី​ក្រដាស, ផលិត​គ្រឿង​សង្ហារិម​សម្រាប់​ប្រើប្រាស់​ក្នុង​ផ្ទះ, ផលិត​សម្ភារ​បោះជំរំ, កែច្នៃ​សំណ​ប៉ាហាំង, ផលិត​ក្ដារ​បន្ទះ, ផលិត​ចំណៀរ​ឈើ, កែច្នៃ​លោហធាតុ និង​ផលិតផល​ពី​ប្លាស្ទិក, ផលិត​សារធាតុ​គីមី, ផលិត​ដើម​ណូអែល, ផលិត និង​ផ្ដុំ​ដំឡើង​ក្បាល​រ៉ូប៊ីណេ, ផលិត​គ្រឿង​បង្គំ​បន្ទះ​សូឡា និង​គ្រឿង​បង្គំ​បរិក្ខារ​អគ្គិសនី៕

អត្ថបទ៖ ឆដា,រូបភាព៖ គណៈកម្មាធិការវិនិយោគកម្ពុជា

The post កាលខែកុម្ភៈ ឆ្នាំ ២០២៦ កម្ពុជាទទួលបាគម្រោងវិនិយោគ ៤២ ក្នុងទំហំទុនវិនិយោគសរុប ១៦៦ លានដុល្លារ appeared first on Millions times.

តាមដានជាមួយយើង៖ Million Times

ការបង្ហាញបំណងយ៉ាងដូច្នេះ គឺក្នុងឱកាសដែលឯកឧត្តម វ៉ី សំណាង អភិបាលខេត្តតាកែវ នៅថ្ងៃទី២៥ ខែកុម្ភៈនេះ បានទទួលជួបតំណាងក្រុមហ៊ុន MERIDIA RECYCLE ( CAMBODIA ) CO.,LTD។

នៅក្នុងជំនួបនេះ អភិបាលខេត្តតាកែវ បានស្វាគមន៍ការអញ្ជើញមកដល់របស់ក្រុមហ៊ុនខាងលើនេះ និងគាំទ្រយ៉ាងពេញទំហឹងចំពោះគម្រោងបង្កើតរោងចក្រកែច្នៃសំបកដបប្លាស្ទិក ឱ្យទៅជារបស់ប្រើប្រាស់ប្រចាំថ្ងៃ ហើយតាមគម្រោងនឹងមានទីតាំងស្ថិតក្នុងភូមិឱភាសាំង ឃុំកណ្ដឹង នៅស្រុកបាទី ខេត្តតាកែវ។

ឯកឧត្តម វ៉ី សំណាង បានបន្ថែមថា ការបង្កើតរោងចក្រកែច្នៃសំបកដបប្លាស្ទិកនេះ ក្រៅតែពីបានជួយដល់បរិស្ថាន តែក៏នឹងជួយបង្កើតការងារកាន់តែច្រើនដល់ពលរដ្ឋរស់នៅខេត្តតាកែវ និងជួយលើកស្ទួយសេដ្ឋកិច្ចគ្រួសាររបស់ពួកគាត់កាន់តែប្រសើរឡើង។

ជាមួយគ្នានេះ អាជ្ញាធរខេត្តតាកែវ នឹងជួយសម្របសម្រួលនិតិវិធីគ្រប់បែបយ៉ាងដល់អ្នកវិនិយោគិនដែលចូលមកវិនិយោគបង្កើតរោងចក្រក្នុងខេត្តរបស់ខ្លួន។ ឯកឧត្តម វ៉ី សំណាង បានលើកឡើងថា «តាមរយៈក្រុមហ៊ុននេះ សំណល់ជាដបប្លាស្ទិកដែលបានប្រើប្រាស់រួច នឹងលែងមានសេសសល់នៅតាមទីសាធារណៈនានា ពាសវាលពាសកាលទៀត»។  

បើតាមតំណាងក្រុមហ៊ុន MERIDIA RECYCLE ( CAMBODIA ) CO.,LTD បានបញ្ជាក់ថា ក្រុមហ៊ុនរបស់ខ្លួនមានបទពិសោធន៍ជាច្រើនឆ្នាំមកហើយ និងមានដៃគូសហការជាច្រើននៅប្រទេសចិនលើការកែច្នៃសំបកដបប្លាស្ទិក ជាមួយបច្ចេកវិទ្យាទំនើបៗ ជាពិសេសកែច្នៃសំណល់ប្លាស្ទិកឱ្យទៅជាសម្ភារៈប្រើប្រាស់ប្រចាំថ្ងៃ សម្រាប់ផ្គត់ផ្គង់ទីផ្សារក្នុងស្រុក និងនាំចេញ។

ក្នុងនោះដែរ​ តំណាងក្រុមហ៊ុនដដែល បានបញ្ជាក់ទៀតថា ក្រុមហ៊ុនរបស់ខ្លួន ក៏នឹងមានតម្រូវការទិញសំបកដបប្លាស្ទិកក្នុងបរិមាណមួយខែចំនួន ១៥តោន នៅពេលដែលរោងចក្រដំណើរការជាផ្លូវការ៕

អត្ថបទ៖ វីរៈ រូបភាព៖ រដ្ឋបាលខេត្តតាកែវ

The post វិនិយោគិនមកពីចិន មានបំណងបង្កើតរោងចក្រកែច្នៃសំបកដបប្លាស្ទិកទៅជារបស់ប្រើប្រាស់ប្រចាំថ្ងៃនៅខេត្តតាកែវ appeared first on Millions times.

តាមដានជាមួយយើង៖ Million Times

ឯកឧត្តម វ៉ី សំណាង អភិបាលខេត្តតាកែវ និងជាប្រធានអនុគណៈកម្មាធិការវិនិយោគខេត្តតាកែវ នៅថ្ងៃទី៣ ខែកុម្ភៈនេះ បានដឹកនាំកិច្ចប្រជុំពិនិត្យលើសំណើសុំវិនិយោគសាងសង់ និងអាជីវកម្មសណ្ឋាគារថ្នាក់ផ្កាយ៤ ចំនួន ១០២បន្ទប់ និងមជ្ឈមណ្ឌលកម្សាន្ត ដែលរួមមានការជិះម៉ូតូទឹក និងជិះទូក ជាដើម។

គម្រោងនេះ មានទុនវិនិយោគចំនួន ៤,៩៧០,០០០ដុល្លារ ហើយនិងសាងសង់នៅភូមិចក សង្កាត់រកាក្នុង ក្រុងដូនកែវ ខេត្តតាកែវ ដែលនឹងក្លាយជាគម្រោងទេសចរណ៍ដ៏មានសក្ដានុពលបំផុតមួយ នៅត្រើយម្ខាងខាងលិចបឹងតាកែវ។

គេហទំព័ររបស់ក្រសួងមហាផ្ទៃ បានឱ្យដឹងថា គ្មានអ្វីប្រែប្រួលនោះទេ នៅថ្ងៃទី៧ ខែកុម្ភៈ ឆ្នាំ២០២៦ខាងមុខនេះ គម្រោងអភិវឌ្ឍន៍សំខាន់ៗរបស់រដ្ឋបាលខេត្តតាកែវ ដូចជា៖ ការកសាងប្រាសាទសិរិវិជ័យ បឹងតាកែវ ផ្លូវក្រវ៉ាត់បឹងតាកែវ វេទិកាអ៊ុទូក និងសណ្ឋាគារផ្កាយ៤ នឹងត្រូវបានធ្វើពិធីក្រុងពាលីបើកការដ្ឋានជាផ្លូវការ។

ឯកឧត្តម វ៉ី សំណាង អភិបាលខេត្ត និងជាប្រធានអនុគណៈកម្មាធិការវិនិយោគខេត្តតាកែវ បានគាំទ្រ និងស្វាគមន៍ចំពោះវត្តមានសណ្ឋាគារ និងមជ្ឈមណ្ឌលកម្សាន្ត «រីវើរគោកធ្លក» នេះ។

គម្រោងទាំងនេះ នឹងក្លាយជាសមិទ្ធផលថ្មីមួយទៀត ក្នុងការលើកស្ទួយវិស័យទេសចរណ៍នៅខេត្តតាកែវ ឱ្យកាន់តែរីកចម្រើន និងមានភាពទាក់ទាញភ្ញៀវទេសចរជាតិ និងអន្តរជាតិឱ្យមកកម្សាន្ត និងស្នាក់នៅកាន់តែច្រើនឡើង នឹងជួយបង្កើតការងារ និងចំណូលដល់ប្រជាពលរដ្ឋក្នុងមូលដ្ឋាន ផងដែរ៕  

អត្ថបទ៖ វីរៈ រូបភាព៖ រដ្ឋបាលខេត្តតាកែវ

The post សណ្ឋាគារលំដាប់ផ្កាយ៤ និងមជ្ឈមណ្ឌលកម្សាន្តតម្លៃជិត ៥លានដុល្លារ ត្រៀមបើកការដ្ឋានសាងសង់នៅខេត្តតាកែវ appeared first on Millions times.

តាមដានជាមួយយើង៖ Million Times

ឯកឧត្តម វ៉ី សំណាង អភិបាលខេត្តតាកែវ នៅថ្ងៃទី២០​ ខែមករានេះ បានស្វាគមន៍វត្តមានរបស់លោក Jiang Jiahe នាយកក្រុមហ៊ុន Quanzhou Tianyuan Real Estate Company ដែលមានចំណាប់អារម្មណ៍អញ្ជើញដឹកនាំប្រតិភូមកទស្សនកិច្ចសិក្សាស្វែងយល់ អំពីសក្តានុពលវិនិយោគនៅលើទឹកដីខេត្តតាកែវ។

ឯកឧត្តម អភិបាលខេត្ត លើកឡើងថា បច្ចុប្បន្នខេត្តតាកែវកំពុងក្លាយជាគោលដៅយុទ្ធសាស្ត្រ ដែលទទួលបានការចាប់អារម្មណ៍យ៉ាងខ្លាំង ពីសំណាក់អ្នកវិនិយោគជាតិ និងអន្តរជាតិ។ គម្រោងវិនិយោគដែលមានស្រាប់ បាននិងកំពុងបង្កើតការងាររាប់ម៉ឺនកន្លែងជូនដល់ប្រជាពលរដ្ឋក្នុងមូលដ្ឋាន ហើយបច្ចុប្បន្នក៏មានក្រុមហ៊ុនជាច្រើនទៀតកំពុងដាក់សំណើស្នើសុំបណ្ដាក់ទុនបន្ថែមជាបន្តបន្ទាប់។

​ឯកឧត្ដម បានគូសបញ្ជាក់ពីមូលហេតុគន្លឹះ ដែលធ្វើឱ្យខេត្តតាកែវមានភាពទាក់ទាញ មានផ្លូវជាតិលេខ២ និងលេខ៣ ដែលមានស្ថានភាពល្អប្រសើរ និងស្ថិតនៅជាប់នឹងព្រលានយន្តហោះអន្តរជាតិថ្មី មហាកម្លាំងចលករ “ព្រែកជីកតេជោហ្វូណន” ជាផ្លូវទឹកប្រវត្តិសាស្ត្រដែលឆ្លងកាត់ខេត្តតាកែវ និងផ្ដល់លទ្ធភាពយ៉ាងមហិមាដល់ការដឹកជញ្ជូន ភាពសម្បូរបែបលើវិស័យឧស្សាហកម្ម កសិកម្ម និងទេសចរណ៍ ប្រជាពលរដ្ឋមានភាពឧស្សាហ៍ព្យាយាម និងមានជំនាញច្បាស់លាស់ រដ្ឋបាលខេត្តតែងតែផ្ដល់ភាពងាយស្រួល និងជួយសម្របសម្រួលរាល់នីតិវិធីនានា ជូនដល់អ្នកវិនិយោគទុនគ្រប់រូប។

ជាការឆ្លើយតប តំណាងក្រុមអ្នកវិនិយោគចិន បានបង្ហាញចំណាប់អារម្មណ៍ខ្ពស់បំផុត ក្រោយពីបានសិក្សាពីសក្ដានុពលដ៏អំណោយផលរបស់ខេត្តតាកែវ។ លោក បានបញ្ជាក់ថា ក្រុមហ៊ុនពិតជាមានបំណងចង់បង្កើតក្រុមហ៊ុន និងរោងចក្រនៅក្នុងខេត្តតាកែវក្នុងពេលឆាប់ៗនេះ។ លើសពីនេះ ក្រុមហ៊ុនរបស់លោក នឹងបន្តកៀងគរដៃគូវិនិយោគដទៃទៀតពីប្រទេសចិន ឱ្យមកធ្វើទស្សនកិច្ចសិក្សាស្រាវជ្រាវលើវិស័យឧស្សាហកម្ម កសិកម្ម និងទេសចរណ៍ ដើម្បីនាំយកទុនមកវិនិយោគនៅទីនេះឱ្យកាន់តែច្រើនបន្ថែមទៀត។

បើតាមឯកឧត្តម វ៉ី សំណាង បានឱ្យដឹងថា ក្រុមហ៊ុននេះ មានចំណាប់អារម្មណ៍វិនិយោគទៅលើវិស័យដូចជា៖ សណ្ឋាគារ, អាហារដ្ឋាន, រោងចក្រដេរកាបូប, រោងចក្រដេរស្បែកជើង និងរោងចក្រដេរខោអាវជាដើម។

កាលពីឆ្នាំ ២០២៥កន្លងទៅនេះ ខេត្តតាកែវ តាមរយៈក្រុមប្រឹក្សាអភិវឌ្ឍន៍កម្ពុជា​ ទទួលបានគម្រោងបង្កើតរោងចក្រចំនួន ៤៤ក្រុមហ៊ុន បើធៀបនឹងឆ្នាំ២០២៤ កើនឡើង ១២០ភាគរយ ហើយអនុគណៈកម្មាធិការវិនិយោគខេត្តតាកែវ ទទួលបានគម្រោងចំនួន ៥១ក្រុមហ៊ុន កើនឡើង ២៩២ភាគរយ៕

អត្ថបទ៖ វីរៈ រូបភាព៖ ឯកឧត្តម វ៉ី សំណាង

The post ក្រុមហ៊ុនមួយ ចាប់អារម្មណ៍វិនិយោគសណ្ឋាគារ, អាហារដ្ឋាន និងរោងចក្រកាត់ដេរ នៅខេត្តតាកែវ appeared first on Millions times.

តាមដានជាមួយយើង៖ Million Times

ឯកឧត្តម វង្សី វិស្សុត ឧបនាយករដ្ឋមន្រ្តីប្រចាំការ រដ្ឋមន្រ្តីទទួលបន្ទុកទីស្ដីការគណៈរដ្ឋមន្រ្តី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ នៅថ្ងៃទី១៥ ខែមករា ឆ្នាំ២០២៦នេះ បានអញ្ជើញជាអធិបតីក្នុងពិធីអបអរសាទរការវិនិយោគរបស់ក្រុមហ៊ុន Charles River Laboratories (CRL) ដើម្បីប្រកាសពីការចាប់ផ្តើមដំណាក់កាលថ្មីនៃការវិនិយោគ និងប្រតិបត្តិការរយៈពេលវែងនៅកម្ពុជា ស្ថិតនៅស្រុកកំពង់ស្វាយ ខេត្តកំពង់ធំ ដែលមានទឹកប្រាក់វិនិយោគរហូតដល់ ៥០០លានដុល្លារ។  

ឯកឧត្តម វង្សី វិស្សុត បានថ្លែងអំណរគុណចំពោះក្រុមហ៊ុន Charles River Laboratories – CRL ដែលបានសម្រេចចិត្តវិនិយោគក្នុងខេត្តកំពង់ធំ ដែលជាចំណុចកណ្តាល និងមានលក្ខណៈជាយុទ្ធសាស្រ្តនៅកម្ពុជា។

គម្រោងវិនិយោគចិញ្ចឹមស្វានេះ នឹងនាំមកនូវអត្ថប្រយោជន៍ជាច្រើនជូនប្រជាពលរដ្ឋក្នុងខេត្តកំពង់ធំ និងប្រទេសកម្ពុជាទាំងមូល តាមរយៈការបង្កើតការងារថ្មីសម្រាប់ប្រជាពលរដ្ឋក្នុងមូលដ្ឋាន, ការបណ្តុះបណ្តាលជំនាញ និងបច្ចេកទេស, ការបង្កើនប្រាក់ចំណូល និងការធ្វើពិពិធកម្មសេដ្ឋកិច្ចជនបទ, ការនាំចូលបច្ចេកវិទ្យាទំនើប និងចំណេះដឹងវិទ្យាសាស្ត្រ, ការផ្លាស់ប្តូរចំណេះដឹង និងបទពិសោធវិទ្យាសាស្ត្រ, ការកែលម្អស្តង់ដាសុខភាពសត្វ និងសុវត្ថិភាពជីវសាស្ត្រ និងជាពិសេសការពង្រឹងខ្សែច្រវាក់ផ្គត់ផ្គង់ និងឧស្សាហកម្មពាក់ព័ន្ធទៅក្នុងតំបន់ និងសកល ក្នុងវិស័យជីវសាស្រ្ត និងសុខាភិបាល ដែលផ្តល់ប្រយោជន៍យ៉ាងធំធេងសម្រាប់មនុស្សជាតិនៅលើពិភពលោក។ ដូចនេះគម្រោងវិនិយោគដ៏ធំនេះ គឺជាសមិទ្ធផលថ្មីមួយទៀតសម្រាប់ប្រជាពលរដ្ឋខេត្តកំពង់ធំ និយាយដោយឡែក និងនិយាយជារួមសម្រាប់ប្រជាជនកម្ពុជាទាំងមូល។

ឯកឧត្តម បានបន្តថា គម្រោងវិនិយោគរបស់ក្រុមហ៊ុន CRL នាពេលនេះ ក៏ដូចជាគម្រោងវិនិយោគផ្សេងៗទៀត ទាំងជាគម្រោងរបស់រដ្ឋ និងទាំងវិស័យឯកជន ដែលគម្រោងខ្លះបាននិងកំពុងអនុវត្ត ហើយគម្រោងខ្លះទៀតកំពុងស្ថិតក្នុងដំណាក់កាលរៀបចំ ដូចជា៖ សួនឧស្សាហកម្មចន្ទី, សួនកសិ-ឧស្សាហកម្ម និងការចិញ្ចឹមខ្យង់គុជ ព្រមទាំងគម្រោងអភិវឌ្ឍទេសចរណ៍ វារីវប្បកម្ម ឧស្សាហកម្មកែច្នៃស្រូវ កៅស៊ូ និងដំឡូងមីជាដើម គឺជាការបង្ហាញឱ្យឃើញថា ខេត្តកំពង់ធំកំពុងស្ថិតក្នុងចលនការវិជ្ជមាន ស្របតាមចក្ខុវិស័យរបស់ សម្ដេចធិបតី ហ៊ុន ម៉ាណែត គឺលែងឱ្យខេត្តកំពង់ធំ ជាខេត្តទៅហួស មកហួសទៀត ទាំងគម្រោងអភិវឌ្ឍន៍ ការវិនិយោគ ពាណិជ្ជកម្ម និងទេសចរណ៍៕

អត្ថបទ៖ វីរៈ រូបភាព៖ ទីស្ដីការគណៈរដ្ឋមន្ត្រី

The post ខេត្តកំពង់ធំ កំពុងទទួលបានគម្រោងវិនិយោគធំៗជាច្រើន រួមទាំងក្រុមហ៊ុនអាមេរិក CRL ដែលមានទុនវិនិយោគ ៥០០លានដុល្លារ appeared first on Millions times.

តាមដានជាមួយយើង៖ Million Times

សេចក្ដីប្រកាសព័ត៌មាន បានឱ្យដឹងបន្តថា គម្រោងវិនិយោគដែលមានទីតាំស្ថិតនៅក្រៅតំបន់សេដ្ឋកិច្ចពិសេសមានចំនួន៣៨៧ និងគម្រោងវិនិយោគដែលមានទីតាំងស្ថិតនៅក្នុងតំបន់សេដ្ឋកិច្ច ពិសេសមានចំនួន ២៤៣។

បើតាមក្រុមប្រឹក្សាអភិវឌ្ឍន៍កម្ពុជា ការចុះបញ្ជីគម្រោងវិនិយោគមានការកើនឡើងចំនួន២១៦ ស្មើនឹងប្រមាណ៥២% ខណៈទំហំទុនវិនិយោគមានការកើនឡើងប្រមាណ ៣ប៊ីលានដុល្លារអាម៉េរិក ស្មើនឹង ប្រមាណ៤៥% ធៀបនឹងរយៈពេលដូចគ្នាក្នុងឆ្នាំ២០២៤ ដែលបានចុះបញ្ជីគម្រោងវិនិយោគចំនួន៤១៤ ក្នុងទំហំទុនវិនិយោគសរុបប្រមាណ ៦,៩ប៊ីលានដុល្លារអាមេរិក។

សមិទ្ធផលនេះជាការបង្កើតកំណត់ត្រាថ្មីមួយទៀត ដែលកាលពីឆ្នាំ២០២៤ ក្រុមប្រឹក្សាអភិវឌ្ឍន៍កម្ពុជា បានបង្កើតកំណត់ត្រាថ្មី នៃការចុះបញ្ជីគម្រោងវិនិយោគម្តងរួចហើយ។

បន្ថែមពីលើគម្រោងវិនិយោគដែលត្រូវបានចុះបញ្ជី នៅក្រុមប្រឹក្សាអភិវឌ្ឍន៍កម្ពុជា នៅក្នុងឆ្នាំ២០២៥នេះ អនុគណៈកម្មាធិការវិនិយោគរាជធានី-ខេត្ត បានសម្រេចចុះបញ្ជីគម្រោងវិនិយោគសរុបចំនួន២២៨គម្រោង ដែលមានទុនវិនិយោគសរុបប្រមាណ ៧៦៣លានដុល្លារអាមេរិក និងអាចបង្កើតការងារបានប្រមាណ ១០៦ពាន់កន្លែង។

គម្រោងវិនិយោគទាំង ២២៨នេះ សុទ្ធសឹងតែជាការវិនិយោគក្នុងវិស័យឧស្សាហកម្ម និងមានប្រភពទុនវិនិយោគមកពីប្រទេសចិនប្រមាណ ៧២៨លានដុល្លារអាមេរិក, ក្នុងស្រុកប្រមាណ ២២,៦លានដុល្លារ អាមេរិក, អូស្ត្រាលីប្រមាណ ៥លានដុល្លារអាមេរិក, សិង្ហបុរីប្រមាណ ៣,៤លានដុល្លារអាមេរិក, សហរដ្ឋ អាមេរិកប្រមាណ ១,៥លានដុល្លារអាមេរិក, ម៉ាឡេស៊ីប្រមាណ ១លានដុល្លារអាមេរិក និងជប៉ុនប្រមាណ ៦១ម៉ឺនដុល្លារអាមេរិក៕

អត្ថបទ៖ វីរៈ រូបភាព៖ ក្រុមប្រឹក្សាអភិវឌ្ឍន៍កម្ពុជា

The post ឆ្នាំ២០២៥ កម្ពុជាទទួលបានគម្រោងវិនិយោគចំនួន៦៣០ មានទុនវិនិយោគប្រមាណ ១០ប៊ីលានដុល្លារ appeared first on Millions times.

សម្តេច ហ៊ុន ម៉ាណែត បានថ្លែងថា គិតត្រឹមថ្ងៃទី២៥ ខែមេសា ឆ្នាំ២០២៥នេះ កម្ពុជាបានចុះបញ្ជីគម្រោងវិនិយោគសរុបចំនួន ២២៥គម្រោង ដែលមានទុនវិនិយោគសរុបប្រមាណ ៣,២៧ពាន់លានដុល្លារអាម៉េរិក និងអាចបង្កើតការងារបានចំនួនប្រមាណ ១៥ម៉ឺនកន្លែង។ ការថ្លែងរបស់សម្តេចធ្វើឡើងនៅព្រឹកថ្ងៃអាទិត្យ ទី២៧ ខែមេសានេះ ក្នុងពិធីជួបសំណេះសំណាលជាមួយសហជីព សេដ្ឋកិច្ចក្រៅប្រព័ន្ធ និងសមាគមបុគ្គលិកសិក្សាដើម្បីអបអរសាទរ ខួបអនុស្សាវរីយ៍លើក​ទី១៣៩​នៃទិវាពលកម្មអន្តរជាតិ ១ ឧសភា ឆ្នាំ២០២៥។

តាមដានជាមួយយើង៖ Million Times

ក្នុងត្រីមាសទី១ ឆ្នាំ២០២៥ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគចំនួន១៧២ ដែលមានទុនវិនិយោគសរុបប្រមាណ ២.៥ពាន់លានដុល្លារអាមេរិក គ្រោងបង្កើតការងារបានចំនួនប្រមាណ ១២ម៉ឺនកន្លែង។ នេះបើតាមសេក្តីប្រកាសព័ត៌មានរបស់ CDC។

CDC បញ្ជាក់ថា ក្នុងចំណោមគម្រោងវិនិយោគសរុប គម្រោងវិនិយោគដែលមានទីតាំង ស្ថិតនៅក្រៅតំបន់សេដ្ឋកិច្ចពិសេសមានចំនួន ៩៩គម្រោង និងគម្រោងវិនិយោគដែលមានទីតាំងស្ថិត នៅក្នុងតំបន់សេដ្ឋកិច្ចពិសេសមានចំនួន ៧៣គម្រោង។

ក្នុងត្រីមាស ទី១ ឆ្នាំ២០២៥នេះ ការចុះបញ្ជីគម្រោងវិនិយោគមានការកើនឡើងចំនួន ៦៦គម្រោង ខណៈទុនវិនិយោគ មានការកើនឡើងប្រមាណជាង ៣០៥លានដុល្លារ ស្មើនឹងប្រមាណ១៤% ធៀបនឹងរយៈពេលដូច គ្នាក្នុងឆ្នាំ២០២៤។

ដោយឡែកក្នុងខែមីនាកន្លងទៅនេះ ក្រុមប្រឹក្សាអភិវឌ្ឍន៍កម្ពុជា បានចុះបញ្ជីគម្រោងវិនិយោគសរុបចំនួន ៦០គម្រោង ក្នុងទុនវិនិយោគប្រមាណ ១.៤ពាន់លានដុល្លារ និងអាចបង្កើតការងារបានប្រមាណជិត ៥ម៉ឺនកន្លែង ក្នុងនោះគម្រោងពង្រីកផលិតកម្មមានចំនួន ២គម្រោង៕

អត្ថបទ៖ សាងតេជៈ រូបភាព៖ ក្រុមព័ត៌មានសម្តេចធិបតី

The post ត្រឹមខែមេសានេះ កម្ពុជាបានចុះបញ្ជីគម្រោងវិនិយោគសរុបចំនួន ២២៥គម្រោង មានទុន ៣,២៧ពាន់លានដុល្លារ appeared first on Millions times.

CDC បានឲ្យដឹងថា គម្រោងវិនិយោគទាំង៧នេះ មានទុនវិនិយោគសរុបប្រមាណ ២៤៨លានដុល្លារអាម៉េរិក អាចបង្កើតឱកាសការងារបានចំនួន ២,៦ពាន់កន្លែង និងមានមុខសញ្ញាវិនិយោគក្នុងវិស័យឧស្សាហកម្មចំនួន ៤គម្រោង រួមមាន ផលិតថ្មម៉ាប, ផលិតពិល, កែច្នៃស្បែក, និងផលិតប្រដាប់ប្រដារនិងគ្រឿងសង្ហារិមក្មេង។

តាមដានជាមួយយើង៖ Million Times

ចំណែកវិស័យហេដ្ឋារចនាសម្ព័ន្ធមានចំនួន ៣គម្រោង ដូចជា គម្រោងអភិវឌ្ឍន៍ស្ថានីយផលិតអគ្គិសនីដើរដោយថាមពលពន្លឺព្រះអាទិត្យអានុភាព២០មេហ្គាវ៉ាត់ជាមួយប្រព័ន្ធផ្ទុកថាមពលអគ្គិសនីខេត្តពោធិ៍សាត់, គម្រោងអភិវឌ្ឍន៍ស្ថានីយផលិតអគ្គិសនីដើរដោយថាមពលពន្លឺព្រះអាទិត្យអានុភាព៣០០មេហ្គាវ៉ាត់ និងគម្រោងបង្កើតផែស្ងួត។

បើតាម CDC គម្រោងវិនិយោគទាំង៧នេះ ស្ថិតនៅភូមិសាស្រ្តរាជធានីភ្នំពេញ  កំពង់ស្ពឺ  កំពង់ឆ្នាំង  និងពោធិ៍សាត់៕

អត្ថបទ៖ សាងតេជៈ រូបភាព៖ CDC

The post CDC បើកការពិភាក្សាសំណើសុំចុះបញ្ជីវិនិយោគចំនួន ៧គម្រោងលើទុន ២៤៨លានដុល្លារអាម៉េរិក appeared first on Millions times.

នៅថ្ងៃចន្ទ ទី១៣ ខែមករានេះ ក្រុមប្រឹក្សាអភិវឌ្ឍន៍កម្ពុជា បានប្រកាសថា ក្នុងឆ្នាំ២០២៤ ខ្លួនបានបំបែកកំណត់ត្រាប្រចាំឆ្នាំទទួលបានគម្រោងវិនិយោគសរុបចំនួន ៤១៤គម្រោង ក្នុងនោះគម្រោងវិនិយោគថ្មីមានចំនួន ៣៨៧គម្រោង ខណៈដែលគម្រោងពង្រីកផលិតកម្មមាន ២៧គម្រោង ក្នុងទំហំទុនវិនិយោគសរុបចំនួន ៦,៩ពាន់លានដុល្លារអាម៉េរិក និងអាចបង្កើតការងារបានជិត ៣២ម៉ឺនកន្លែង។

CDC បញ្ជាក់ថា ចំនួនគម្រោងវិនិយោគសរុបចំនួន ៤១៤គម្រោងក្នុងឆ្នាំ២០២៤ ឃើញថាមានកំណើនកើនឡើង ១៤៦គម្រោង ខណៈទុនវិនិយោគមានការកើនឡើងប្រមាណជិត ២ពាន់លានដុល្លារអាម៉េរិក ស្នើនឹងប្រមាណជិត ៤០% ធៀបនឹងរយៈពេលដូចគ្នាក្នុងឆ្នាំ២០២៣។

បើតាម CDC ក្នុងឆ្នាំ២០២៤ វិស័យកម្មន្តសាលនៅតែបន្តឈានមុខគេដែលចូលរួមចំណែកស្រូបទាញគម្រោងវិនិយោគចំនួន ៣៩៤គម្រោង ស្នើនឹងប្រមាណ ៩៥%នៃចំនួនវិនិយោគសរុបជាមួយទុនវិនិយោគប្រមាណ ៤,៨ពាន់លានដុល្លារអាម៉េរិក។ 

សូមបញ្ជាក់ថា ក្រុមវិនិយោគិនចិន ជាប់ឈ្មោះដែលបានវិនិយោគច្រើនជាងគេលំដាប់លេខរៀងទី១ នៅកម្ពុជាក្នុងឆ្នាំ២០២៤ ខណៈកម្ពុជាលេខរៀងទី២ និងវៀតណាមលេខរៀងទី៣៕

អត្ថបទ៖ សាងតេជៈ រូបភាព៖ ផេកនាយករដ្ឋមន្រ្តី

The post ២០២៤ រដ្ឋអនុម័តគម្រោងវិនិយោគសរុប ៤១៤គម្រោងមានទុន ៦,៩ពាន់លានដុល្លារអាម៉េរិក appeared first on Millions times.

សេចក្តីប្រកាសព័ត៌មានរបស់ក្រុមការងារជំរុញការវិនិយោគក្នុងខេត្តព្រះសីហនុ កាលពីថ្ងៃទី៣ ខែធ្នូ ដែលបើកកិច្ចប្រជុំលើកទី ១២ ដើម្បីពិនិត្យគម្រោងវិនិយោគ និងធុរកិច្ចដែលបានស្នើការលើកទឹកចិត្ត ការអនុគ្រោះ និងការសម្រួលនីតិវិធី ក្នុងក្របខ័ណ្ឌ “កម្មវិធីពិសេសជំរុញការវិនិយោគក្នុងខេត្តព្រះសីហនុ ឆ្នាំ ២០២៤” បានសម្រេចជាគោលការណ៍ផ្តល់ការលើកទឹកចិត្តពិសេស ដល់គម្រោងចំនួន ៤៨គម្រោង ក្នុងនោះគម្រោងពាក់ព័ន្ធនឹងអគារជាប់គាំងចំនួន ១៦ គម្រោងថ្មីចំនួន ២៨ និងការពង្រីកគម្រោងចំនួន ៤ ដែលមានទុនវិនិយោគសរុប ៤៨៧ លានដុល្លារអាម៉េរិក ជាអាទិ៍ គម្រោងបង្កើតតំបន់សេដ្ឋកិច្ចពិសេសនៅស្រុកព្រៃនប់ គម្រោងរោងចក្រផលិត និងកែច្នៃអាលុយមីញ៉ូម គម្រោងរោងចក្រផលិតសម្ភារៈប្រើប្រាស់ក្នុងផ្ទះដើម្បីនាំចេញទៅទីផ្សារអ៊ឺរ៉ុប និងអាម៉េរិក គម្រោងបង្កើតសហគមន៍អាជីវកម្មនៅក្រុងរាម និងគម្រោងអាទិភាពផ្សេងៗទៀត។

តាមដានជាមួយយើង៖ Million Times

ជាមួយគ្នានេះ ក្រុមការងារក៏បានសម្របសម្រួលដោះស្រាយវិវាទពាក់ព័ន្ធអគារជាប់គាំងដែលអូសបន្លាយ អស់រយៈពេល ៤-៥ ឆ្នាំកន្លងមក បានចំនួន ៦គម្រោងដែលអនុញ្ញាតឱ្យម្ចាស់គម្រោងអាចប្រើប្រាស់អគារឡើងវិញសម្រាប់ប្រកបធុរកិច្ច ។

សូមជម្រាបថា បន្ទាប់ពីការប្រកាសដាក់ឱ្យអនុវត្តជាផ្លូវការ“កម្មវិធីពិសេសជំរុញការវិនិយោគក្នុងខេត្តព្រះសីហនុ ឆ្នាំ២០២៤” កាលថ្ងៃទី៣១ ខែមករា ឆ្នាំ២០២៤ បានសម្រេចជាគោលការណ៍ផ្តល់ការលើកទឹកចិត្តពិសេស ចំនួន ២១៣គម្រោង រួចមកហើយគិតត្រឹមខែធ្នូនេះ ដែលក្នុងនោះរួមមាន គម្រោងពាក់ព័ន្ធនឹងអគារជាប់គាំងមានចំនួន ១០១ គម្រោងថ្មីមានចំនួន ៨៩ ការពង្រីកគម្រោង មានចំនួន ១៩ និងគម្រោងមានស្រាប់មានចំនួន ៤។ គម្រោងទាំងនេះក៏រាប់បញ្ចូលគម្រោងដែលមានសក្តានុពលសំខាន់ៗ ដូចជា គម្រោងបង្កើតតំបន់សេដ្ឋកិច្ចពិសេសនៅស្រុកព្រៃនប់, គម្រោងរោងចក្រផលិត និង កែច្នៃអាលុយមីញ៉ូម គម្រោងផលិតផ្ទាំងសូឡា និង គ្រឿងបង្គុំ គម្រោងមជ្ឈមណ្ឌលពាណិជ្ជកម្មផ្កាយ ៥ និង គម្រោងសួនកសិ-ឧស្សាហកម្ម ជាដើម។ ក្នុងនោះ គម្រោងដែលមានទុនវិនិយោគលើសពី ១០០ លានដុល្លារអាម៉េរិក មានចំនួន ២៣គម្រោង៕

អត្ថបទ៖ សាងតេជៈ រូបភាព៖ ក្រុមការងារជំរុញការវិនិយោគក្នុងខេត្តព្រះសីហនុ

The post សម្រេចលើកទឹកចិត្តដល់គម្រោងចំនួន ៤៨ ក្នុងទំហំទុនវិនិយោគ ៤៨៧លានដុល្លារអាម៉េរិកនៅខេត្តព្រះសីហនុ appeared first on Millions times.