អាជ្ញាធរជាតិអប្សរា បានឲ្យដឹងថា រយៈពេល ៣ថ្ងៃនៃព្រឹត្តិការណ៍សមរាត្រី (Equinox) ចាប់ពីថ្ងៃទី២១ ដល់ថ្ងៃទី២៣ ខែមីនា ឆ្នាំ២០២៥ ភ្ញៀវទេសចរជាតិ និងអន្តរជាតិអន្តរជាតិ ចំនួន៨៥,៤៥៣នាក់ ដោយក្នុងនោះភ្ញៀវទេសចរបរទេសមានចំនួន១៤,២៣៣នាក់ បានមកទស្សនាទិដ្ឋភាព សមរាត្រី (Equinox)  ថៃ្ងរះចំកំពូលកណ្តាលប្រាសាទអង្គរវត្ត។

តាមដានជាមួយយើង៖ Million Times

ព្រឹត្តិការណ៍សមរាត្រី Equinox Angkor តែងកើតឡើងចំនួន២ដងជារៀងរាល់ឆ្នាំ ដោយលើកទី១ គឺសមរាត្រី រដូវប្រាំង (Vernal Equinox) អាចនឹងកើតឡើងនៅចន្លោះថ្ងៃទី២១ ដល់២៣ ខែមីនា នៅវេលាម៉ោង៥:០០ព្រឹក ដល់ម៉ោង៦:៣០ព្រឹក និងលើកទី២ គឺសមពត្រីរដូវវស្សា (Autumnal Equinox) អាចនឹងកើតឡើងក្នុងខែកញ្ញា។  

ព្រឹត្តិការណ៍សមរាត្រី Equinox Angkor គឺជាព្រឹត្តិការណ៍ដ៏ពេញនិយមបំផុតមួយ ដែលទាក់ទាញភ្ញៀវ ទេសចរជាតិ-អន្តរជាតិពីគ្រប់ទិសទី មកប្រជុំគ្នានៅមុខច្រកចូលទិសខាងលិចនៃប្រាសាទអង្គរវត្ត ដើម្បីទស្សនា និង ផ្តិតយករូបភាពពីព្រឹត្តិការណ៍ដ៏អស្ចារ្យនេះ៕

អត្ថបទ៖ ពិសិដ្ឋ រូបភាព៖ អាជ្ញាធរជាតិអប្សរា

The post ភ្ញៀវទេសចរជាង ៨ម៉ឺននាក់ទស្សនា និងផ្តិតរូបភាពព្រឹត្តិការណ៍សមរាត្រីដែលព្រះអាទិត្យរះចំកំពូលប្រាសាទអង្គរវត្ត appeared first on Millions times.

តាមដានជាមួយយើង៖ Million Times

លោក ង៉ូវ សេងកាក់ អភិបាលរងខេត្តសៀមរាប បានលើកឡើងថា ព្រឹត្តិការណ៍សម្តែងសិល្បៈអន្តរជាតិនៅអង្គរនាពេលនេះ ត្រូវបានរៀបចំឡើងដោយក្រសួងទេសចរណ៍ ក្នុងគោលបំណងសំដៅជំរុញការផ្សព្វផ្សាយគោលដៅទេសចរណ៍ខេត្តសៀមរាបឱ្យកាន់តែទូលំទូលាយទៅកាន់ទីផ្សារអន្តរជាតិ ក្នុងន័យចូលរួមចំណែកលើកកម្ពស់ប្រពៃណី វប្បធម៌ អរិយធម៌ខ្មែរ ក៏ដូចជាផ្សព្វផ្សាយពីសក្តានុពលធនធានវប្បធម៌ ប្រវត្តិសាស្រ្ត និងធនធានធម្មជាតិទៅកាន់ពិភពលោក ដើម្បីជំរុញឱ្យមានការរីកចម្រើននូវវិស័យទេសចរណ៍ក្នុងខេត្តសៀមរាប ក៏ដូចជាវិស័យទេសចរណ៍ទូទាំងប្រទេសកម្ពុជា។

លោកបានបន្តថា ការសម្តែងសិល្បៈអន្តរជាតិ សៀមរាប-អង្គរ បានប្រមូលផ្តុំនូវទស្សនីយភាពជាច្រើនប្រភេទប្លែកៗ រួមមានរបាំកូរសមុទ្រទឹកដោះ នឹកស្រុក របាំក្រមាខ្មែរ របាំមរតកដូនតា ការប្រគុំឧបករណ៍តន្រ្តី និង ចម្រៀង ដែលបង្កប់អត្តន័យ រូបភាព បរិយាកាសដ៏ស្រស់ស្អាតដល់ភ្ញៀវទេសចរណ៍ ។ ក្នុងការសម្តែង និង ការប្រគុំតន្រ្តី មានការចូលរួមដោយសិល្បករសិល្បការិនីពីសហភាពអឺរ៉ុប និងកម្ពុជា ដែលបង្ហាញឲ្យឃើញពីទំនាក់ទំនងរវាងគ្នាយ៉ាងជិតស្និត ក្នុងគ្រប់វិស័យ រួមទាំងសិល្បៈវប្បធម៌ផងដែរ ។ 

លោក ហួត ហាក់ រដ្ឋមន្រ្តីក្រសួងទេសចរណ៍ បានថ្លែងថា ក្រសួងទេសចរណ៍ បានដាក់ចេញសសរស្តម្ភនៃកិច្ចសហប្រតិបត្តិការចំនួន៦ និង ធ្វើការផ្សព្វផ្សាយនូវយុទ្ធនាការ ទេសចរណ៍ ដើម្បីទាំងអស់គ្នា ទាំងអស់គ្នាដើម្បីទេសចរណ៍! ទេសចរណ៍រីកលូតលាស់ក្នុងសន្តិភាព! ម្នាក់ៗ ជាអ្នកផ្សព្វផ្សាយទេសចរណ៍កម្ពុជាម្នាក់! ។

លោកគូសបញ្ជាក់ថា «ព្រឹតិ្តការណ៍សម្តែងសិល្បៈអន្តរជាតិ សៀមរាប-អង្គរនឹងអាចផ្សព្វផ្សាយកាន់តែទូលំទូលាយនូវវប្បធម៌ អរិយធម៌ ប្រពៃណី និងសក្តានុពលទេសចរណ៍ដ៏សម្បូរបែប ទៅកាន់ប្រជាជនកម្ពុជា និងប្រជាជននៅទូទាំងពិភពលោក ហើយខ្ញុំមានជំនឿយ៉ាងមុតមាំថា នឹងមានការចូលរួមផ្សព្វផ្សាយកាន់តែខ្លាំងក្លាពីគ្រប់ភាគីពាក់ព័ន្ធ អំពីអត្តសញ្ញាណ សិល្បៈ វប្បធម៌កម្ពុជា ក៏ដូចជាបណ្តាប្រទេសក្នុងតំបន់ដែលនឹងក្លាយជាចលករដ៏សំខាន់ ក្នុងការជម្រុញកំណើនទេសចរមកកាន់កម្ពុជា កាន់តែច្រើនថែមទៀត ពិសេសគោលដៅបេតិកភណ្ឌពិភពលោកសៀមរាប-អង្គរ»៕

អត្ថបទ៖ សាងតេជៈ រូបភាព៖រដ្ឋបាលខេត្តសៀមរាប

The post ក្រុមសិល្បករ ៥ប្រទេសមកជំរុញការផ្សព្វផ្សាយគោលដៅទេសចរណ៍ខេត្តសៀមរាប appeared first on Millions times.

លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក.) នៅក្នុងសន្និសីទសារព័ត៌មានស្តីពី ការរៀបចំព្រឹត្តិការណ៍អង្គរសង្ក្រាន្ត ឆ្នាំ២០២៥ កាលព្រឹកថ្ងៃទី៩ ខែមីនាម្សិលមិញ បានលើកឡើងថា «ព្រឹត្តិការណ៍អង្គរសង្ក្រាន្តឆ្នាំ២០២៥នេះ នឹងធ្វើឡើងចំនួន៦ទីតាំង គឺនៅបរិវេណប្រាសាទអង្គរវត្ត, សួនច្បារព្រះរាជដំណាក់, ដងស្ទឹងសៀមរាប, King’s Road, Pub street និងអង្គរឃ្យុងយូ»។

តាមដានជាមួយយើង៖ Million Times

លោកបន្តថា ឆ្នាំនេះនឹងមានកម្មវិធីកម្សាន្តសប្បាយជាច្រើនមានដូចជា ការសម្តែងទស្សនីយភាពចង្វាក់បេះដូងអង្គរ, កម្មវិធីភូមិខ្ញុំ, កម្មវិធីការប្រកួតអុកចត្រង្គ, កម្មវិធីក្បួនដង្ហែអង្គរសង្រ្កាន្ត, កម្មវិធីយុទ្ធគុនចម្រុះបុរាណខ្មែរ, កម្មវិធីរបាំបុរាណ ប្រពៃណី និងប្រជាប្រិយ, កម្មវិធីសួនញញឹមអង្គរ, កម្មវិធីតោះៗលេងទឹក, កម្មវិធីសួនមុនីហឫទ័យ, កម្មវិធីផ្សារស្ទឹងសៀមរាប, កម្មវិធីប្រណាំងរទេះគោ ក្របី និងពិធីស្រង់ព្រះជាដើម។ 

លោក ហ៊ុន ម៉ានី បានលើកឡើងថា គិតចាប់ឆ្នាំ២០១៣រហូតមកដល់ពេលនេះ ព្រឹត្តិការណ៍អង្គរសង្ក្រាន្តបានធ្វើចំនួន១២ឆ្នាំហើយ។ ការរៀបចំអង្គរសង្រ្កាន្តឆ្នាំទី១២នេះ ជាបំណងប្រាថ្នារបស់ប្រជាពលរដ្ឋជាច្រើនរូប ហើយក៏ជាផ្តល់ជូននូវជម្រើសមួយបន្ថែមទៀតរបស់សម្តេចនាយករដ្ឋមន្ត្រី ជូនដល់ពលរដ្ឋកម្ពុជា ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ។

សូមជម្រាបជូនថា ព្រឹត្តិការណ៍អង្គរសង្ក្រាន្តឆ្នាំ២០២៥ នឹងត្រូវរៀបចំឡើងក្រោមប្រធានបទ «ញញឹមសាទរសង្ក្រាន្តឆ្នាំថ្មី» ដែលនឹងលើកយកនូវកេរតំណែលអរិយធម៌ វប្បធម៌ ទំនៀមទម្លាប់ និងស្នាដៃរបស់បុព្វបុរសខ្មែរមករំលេចឡើងជាផ្ទាំងទស្សនីយភាពចម្រុះដ៏សម្បូរបែបនៅលើទឹកដីអង្គររយៈពេល៣ ថ្ងៃ គឺថ្ងៃទី១៤ ១៥ និង១៦ ខែមេសា ឆ្នាំ២០២៥៕

អត្ថបទ៖ សាងតេជៈ រូបភាព៖ ក្រុមការងារ ស.ស.យ.ក

The post ព្រឹត្តិការណ៍អង្គរសង្ក្រាន្តឆ្នាំ២០២៥ នឹងធ្វើឡើងចំនួន៦ទីតាំង បង្កើតភាពសប្បាយរីករាយលើសពីធម្មតា appeared first on Millions times.

តាមដានជាមួយយើង៖ Million Times

ពេល​ក្រុម​ការងារ​ផលិតកម្ម Daubai Production ព្រម​ជាមួយ​តារា​ល្បី​ប្រចាំ​ប្រទេស​កាហ្សាក់ស្ថាន​កាលពី​ថ្ងៃ ១០ ខែ​មករា កន្លង​ទៅ​ត្រូវ​បាន​លោក ហួត ហាក់ រដ្ឋមន្ត្រី​ក្រសួង​ទេសចរណ៍ ទៅ​ទទួល​ស្វាគមន៍​នៅ​ព្រលាន​យន្តហោះ​ដោយ​ផ្ទាល់។

ចំណែក​ពេល​ថត​បញ្ចប់​រឿង “Kazakh Vibe “របស់​ផលិតកម្ម​នៃ​ប្រទេស​​កាហ្សាក់ស្ថាន​នៅ​លើ​ទឹកដី​កម្ពុជា​ខេត្ត​សៀមរាប និង​ត្រូវ​បិទ​កាមេរ៉ា​ទៀត​នោះ លោកស្រី ភឿង សកុណា រដ្ឋមន្ត្រី​ក្រសួង​វប្បធម៌ និង​វិចិត្រសិល្បៈ បាន​ទៅ​ទស្សនា​ផ្ទាល់​ផង​ដែរ។ថ្ងៃនោះ​ដែរ ក៏​មាន​វត្តមាន ហួត ហាក់ រដ្ឋមន្ត្រី​ក្រសួង​ទេសចរណ៍ ទៅ​ចូលរួម​បិទ​កាមេរ៉ាថតរឿង “Kazakh Vibe” ព្រម​ទាំង​សំណេះសំណាលជាមួយ​តារា​សម្ដែង​របស់​ប្រទេស​កាហ្សាក់ស្ថាន ក្នុង​ទឹក​មុខ​រីករាយ​ផងដែរ។

នេះ​ជា​លើក​ទី​ ១ ​ដែល​ប្រទេស​កាហ្សាក់ស្ថាន​បាន​ជ្រើស​រើស​កម្ពុជា សម្រាប់​ថត​ខ្សែ​ភាពយន្ត ហើយ​កាន់តែ​ជា​ពិសេស​គឺ​ថត​នៅ​​តំបន់​រមណីយដ្ឋាន​អង្គរ​ខេត្ត​សៀមរាប​តែ​ម្ដង​។ “Kazakh Vibe” ជា​ខ្សែ​ភាពយន្ត​ដែល​បង្ហាញ​ពី​តំបន់​ទេសចរណ៍​ដ៏​ល្អ​ឯក​របស់​កម្ពុជា​មួយ​នេះ​នឹង​នាំ​មក​នូវ​ភាព​ល្បីល្បាញ​បន្ថែម​ទៀត​មក​ឱ្យ​កម្ពុជា​ទៅ​កាន់​ពិភពលោក​និង​នៅ​លើ​ឆាក​អន្តរជាតិ។ “Kazakh Vibe” ជា​ខ្សែ​ភាព​យន្ត​បែប​ដំណើរ​កម្សាន្ត​ឆ្លង​ប្រទេស​​របស់​គូ​ស្នេហ៍​ ៥​ គូ​​ពី​សាធារណរដ្ឋ​កាហ្សាក់ស្ថាន​មក​កាន់​ប្រទេស​កម្ពុជា​។

ក្រុម​ការងារ​ថត​​​ខ្សែ​ភាពយន្ត “Kazakh Vibe” បាន​សហការ​ជាមួយ​ផលិត​កម្ម​ក្នុង​ស្រុក KUDU Studios ដោយ​ចំណាយ​រយៈពេល​ជាង​ ២០ ​ថ្ងៃ​នៅលើទឹកដីអង្គរនៃខេត្តសៀមរាប៕

អត្ថបទ៖ មេរ៉ា៖ រូបភាព៖ ក្រសួងវប្បធម៌ និងវិចិត្រសិល្ប: និង Mohammat Younes

The post រដ្ឋមន្រ្តីក្រសួងវប្បធម៌ ទៅចូលរួមបិទកាមេរ៉ាថតរឿង​ របស់ប្រទេសកាហ្សាក់ស្ថាន លើទឹកដីអង្គរ appeared first on Millions times.

បើតាមរបាយការណ៍រដ្ឋបាលខេត្តសៀមរាបបានឲ្យដឹងថា៖

• ទេសចរជាតិ និងបងប្អូនប្រជាពលរដ្ឋក្នុងខេត្ត មានចំនួនប្រមាណ ៣២៣,៤០០ នាក់ មានការកើនឡើងប្រមាណ៩.៦៣% បើប្រៀបធៀបឆ្នាំ២០២៣
• ភ្ញៀវទេសចរអន្តរជាតិ មានចំនួន ១០,២៦០ នាក់ មានការកើនឡើង ១៣.២០% បើប្រៀបធៀបឆ្នាំ២០២៣។

តាមដានជាមួយយើង៖ Million Times

តាមរយៈចំនួនភ្ញៀវទេសចរកើនឡើងឆ្នាំនេះ រដ្ឋបាលខេត្តសៀមរាប កត់សម្គាល់ឃើញថា ក្រោមដាក់ចេញនូវកម្មវិធីពិសេស​ ទស្សនាសៀមរាប ឆ្នាំ២០២៤​ បានធ្វើឱ្យកំណើន​ នៃភ្ញៀវទេសចរជាតិ អន្តរជាតិមានការកើនឡើង។

ទន្ទឹមជាមួយគ្នានេះ រដ្ឋបាលខេត្តសៀមរាប បានពង្រីកវិសាលភាព​ នៃទីកន្លែងកម្សាន្ត ជូនដល់ភ្ញៀវទេសចរជាតិ អន្តរជាតិ និងប្រជាពលរដ្ឋអាចដេីរកម្សាន្តសប្បាយនៅពេលរាត្រី ដូចជារៀបចំកន្លែងទស្សនាកម្សាន្តនៅដងស្ទឹងប្រវត្តិសាស្ត្រ សៀមរាប ដោយរៀបចំនូវទស្សនីភាព (ទឹករាំតាមចង្វាក់ភ្លេង) មានភ្ញៀវជាតិ អន្តរជាតិ និងប្រជាពលរដ្ឋទាំងក្មេង ទាំងចាស់ មកទស្សនាកម្សាន្តយ៉ាងច្រើនផងដែរ៕

អត្ថបទ៖ សាងតេជៈ រូបភាព៖ រដ្ឋបាលខេត្តសៀមរាប

The post ភ្ញៀវទេសចរជាង ៣៣ម៉ឺននាក់ទស្សនានៅសៀមរាប-អង្គរថ្ងៃឆ្លងឆ្នាំសកល​២០២៥​ appeared first on Millions times.

តាមរបាយការណ៍ ព្រឹត្តិការណ៍នេះ ទទួលបានអ្នកចូលរួមចំនួន ១៣,៨៧៧ នាក់ ក្នុងនោះ អត្តពលិកខ្មែរ ចំនួន ១០,៥៣២នាក់ និងអត្តពលិកអន្តរជាតិចំនួន ៣,៣៤៥នាក់ មកពី ៨៧ប្រទេស។ ជាមួយគ្នានេះផងដែរ​ ព្រឹត្តិការណ៍កីឡារត់ប្រណាំងពាក់កណ្តាលម៉ារ៉ាតុងអង្គរ​ ក៏បានរួមចំណែកជួយលើកកម្ពស់ស្មារតីកីឡាដើម្បីសុខភាពល្អ និងទាក់ទាញភ្ញៀវទេសចរណ៍​ គឺកីឡារស់ក្នុងសន្តិភាព។ 

តាមដានជាមួយយើង៖ Million Times

សម្តេច ហ៊ុន ម៉ាណែត បានថ្លែងនូវសេចក្តីសប្បាយរីករាយដែលបានចូលរួមរត់ក្នុងកម្មវិធីរត់ប្រណាំងអន្តរជាតិពាក់កណ្ដាលម៉ារ៉ាតុងអង្គរវត្តលើកទី២៩ ដែលមានការចូលរួមពីប្រជាពលរដ្ឋខ្មែរនិងបរទេស។ សម្តេចថ្លែងថា កម្មវិធីរត់ពាក់កណ្ដាលម៉ារ៉ាតុងអន្តរជាតិអង្គរវត្តលើកទី២៩ រៀបចំឡើងក្នុងគោលបំណងដើម្បីគាំទ្រទៅដល់សកម្មភាពមនុស្សធម៌ជួយដល់កុមារកម្ពុជា ប្រជាជនមានការលំបាក និងជនពិការភាពជាពិសេសជនរងគ្រោះដោយសារគ្រាប់មីន។ 

សម្តេចនាយករដ្ឋមន្រ្តីមានប្រសាសន៍ថា៖ «ខ្ញុំសូមអរគុណចំពោះគណៈកម្មការរៀបចំ សប្បុរសជន កម្លាំងសមត្ថកិច្ចនិងអ្នកពាក់ព័ន្ធទាំងអស់ដែលបានសហការគ្នារៀបចំកម្មវិធីនេះប្រព្រឹត្តទៅដោយរលូន។ ខ្ញុំសូមអរគុណពិសេសចំពោះប្រជាពលរដ្ឋខ្មែរក៏ដូចជាមិត្តបរទេសដែលបានចូលរួមនៅក្នុងកម្មវិធីនេះយ៉ាងច្រើនកុះកុះករ»៕

អត្ថបទ៖ សាងតេជៈ រូបភាព៖ ក្រុមព័ត៌មានសម្តេចធិបតី

The post អត្តពលិកខ្មែរ និងបរទេសជាង ១ម៉ឺននាក់ចូលរួមរត់ប្រណាំងអន្តរជាតិពាក់កណ្តាលម៉ារ៉ាតុងអង្គរវត្តជាមួយសម្តេច ហ៊ុន ម៉ាណែត appeared first on Millions times.

មួយ​រយៈ​នេះ​នៅ​ក្នុង​បណ្ដាញ​សង្គម​កំពុង​តែ​ផ្ទុះ​ការ​ចាប់អារម្មណ៍​លើ​ហាង​កាហ្វេ​ដ៏​ស្រស់​ស្អាត ប្រៀប​ដូច​ក្នុង​ព្រៃ​ពិត​ៗ មាន​ទាំង​ទឹក​ធ្លាក់ និង​សត្វ​ជាច្រើន​ប្រភេទ​ថែម​ទៀត​ផង។

តាមដានជាមួយយើង៖ Million Times

Chesda Coffee & Restaurant ដែល​ទើប​សាងសង់​គ្នា​រួច ក្នុង​ផ្ទៃដី​ដ៏​ធំ និង​ចាយ​ទុន​សន្ធឹកសន្ធាប់​នោះ កំពុងតែ​ទាក់ទាញ​ទេសចរ​ក្នុង​ប្រទេស​ឲ្យ​ឈ្លក់​វង្វេង​ជាមួយ​ទិដ្ឋភាព​ដ៏​ត្រជាក់ ប្រៀប​ដូច​កំពុង​នៅ​ក្នុង​ព្រៃ​យ៉ាង​ដូច្នោះ​ដែរ។

ហាង​មួយ​នោះ​ដែរ នឹង​បើក​ដំណើរ​ការ​នា​ថ្ងៃ ១៤ ខែ​វិច្ឆិកា​ខាងមុខនេះ ប៉ុន្តែ​ក៏​បាន​បើក​សាកល្បង​រួច​មក​ហើយ ទទួល​បាន​ការ​គាំទ្រ​ខ្លាំង ព្រោះ​តែ​ការ​រៀបចំ​មិន​ដូច​ហាង​កាហ្វេ​ទូទៅ ពិសេស​មាន​ទាំង​សំណង់​ផ្សេង​ៗ​ជាច្រើន​ក្នុង​បរិវេណ​ហាង​ដ៏​ល្វឹងល្វើយ Chesda Coffee & Restaurant នោះ និង​មាន​អ្នក​គិត​ ស្មាន​មិន​ដល់​ថា​នៅ​ស្រុក​ខ្មែរ។

ទិដ្ឋភាព​ដែល​គួរឲ្យ​ចង់​គយគន់​បំផុត គឺ​ពន្លឺ​ព្រះអាទិត្យ​ដែល​ចាំង​ជះ​មក​ប៉ះ​នឹង​ស្លៀក​ឈើ អ្នក​ដែល​បាន​ទៅ​ដល់​ហើយ​លាន់​មាត់​សរសើរ​ពី​គំនិត​ច្នៃ​ប្រតិដ្ឋ​របស់​ម្ចាស់​ហាង​គ្រប់​គ្នា។រុក្ខជាតិ​ដែល​មាន​នៅ​ក្នុង​ហាង​មួយ​ចំនួន គឺ​ម្ចាស់​ហាង​បាន​ទៅ​ដើរ​រក​ពី​ក្នុង​ព្រៃ​តែម្ដង ហើយ​រៀបចំ​ទុយយោ​បង្កប់​តាម​ដើម​ឃើញ​មើល​ទៅ​ដូច​ផ្សែង ពេល​ចូល​ដល់​ព្រៃ​ជ្រៅ​មែនទែន។

មិន​ត្រឹម​ហាង​កាហ្វេ​ដ៏​ធំ​បែប​សហសម័យ​ឡើយ សូម្បី​តែ​បន្ទប់ទឹក ក៏​អ្នក​រចនា​បាន​យ៉ាង​ប្រណីត គ្មាន​ចន្លោះ​កន្លែង​ណា​ឡើយ។ បើ​ទោះ​ជាមិន​ទាន់​មាន​ការ​ទម្លាយ​ឲ្យ​ដឹង​ពី​ការ​ចំណាយ​ក្នុង​ការ​សាង​សង់ Chesda Coffee & Restaurant ក៏​ពិត​មែន តែ​អ្នក​ជំនាញ​ជាច្រើន​អះអាង​ថា ទំហំ​សាច់​ប្រាក់​ច្រើន​ខ្លាំង ព្រោះ​ទាំង​តម្លៃ​ដី និង​សម្ភារៈ​សាងសង ដេគ័រ ទៀត​៕

អត្ថបទ៖ មេរ៉ា

The post ហាងកាហ្វេកំពុងល្បីនៅសៀមរាប ចាយទុនរាប់លានដុល្លារ រៀបចំឲ្យមើលទៅដូចក្នុងព្រៃ appeared first on Millions times.

យោង​តាម​របាយការណ៍​ Skyscanner Travel Trend 2025 ​បាន​ឲ្យ​ដឹង​ថា​ខេត្ត​សៀមរាប បាន​ក្លាយ​ជា​ជម្រើស​ទិសដៅ​ទេសចរណ៍​ដ៏​ពេញ​និយម​របស់​​ប្រជាជន​អូស្ត្រាលី​នៅ​ឆ្នាំ​ក្រោយ។

តាមដានជាមួយយើង៖ Million Times

សារព័ត៌មាន SBS អូស្ត្រាលី បាន​ឲ្យ​ដឹង​ថា កន្លង​មក​សម្រាប់​ប្រជាជន​អូស្ត្រាលី ប្រទេស​ជប៉ុន​ត្រូវ​បាន​ស្ថិត​នៅ​លំដាប់​ថ្នាក់​ខ្ពស់​បំផុត​នៅ​ក្នុង​បញ្ជី​ទិសដៅ​ទេសចរណ៍​ដ៏​ពេញ​និយម​របស់​ពួក​គេ​។ដោយ​ឡែក​ តាម​ការ​បង្ហាញ​នៅ​ក្នុង​របាយការណ៍ Skyscanner Travel Trend 2025 តំបន់​ទេសចរណ៍​ខេត្ត​សៀមរាប​របស់​ប្រទេស​កម្ពុជា បាន​ឈរ​នៅ​លំដាប់​ខ្ពស់​បំផុត​សម្រាប់​ទិសដៅ​ទេសចរណ៍​របស់​ប្រជាជន​​អូស្ត្រាលី​នៅ​ឆ្នាំ ២០២៥ ដោយ​មាន​អត្រា​អ្នក​ចុច​ស្វែង​រក​​រហូត​ដល់ ៥២៩ ភាគរយ​។

ស្ថិត​ក្នុង​អត្រា​កំណើន​ដ៏​ខ្ពស់​នេះ បាន​ធ្វើ​ឲ្យ​ខេត្ត​ទេសចរណ៍​របស់​កម្ពុជា​មួយ​នេះ​វ៉ា​ដាច់​តំបន់​ទេសចរណ៍​ក្នុង​បណ្ដា​ប្រទេស​ចំនួន​ដូច​ជា​ ប្រទេស​ថៃ​ ​ហ្វីលីពីន​ កូរ៉េ​ ខាង​ត្បូង ហ្វាំងឡង់​ ប៉េរូ​ ន័រវែស​ កាហ្សាក់ស្ថាន​ និង​ប្រទេស​ឥណ្ឌូណេស៊ី​។​

គួរ​ឲ្យ​ដឹង​ដែរ​ថា លទ្ធផល​នៃ​ការ​រក​ឃើញ​មួយ​នេះ​ផ្អែក​លើ​ទីតាំង​ដែល​មាន​ចំនួន​អ្នក​ចុច​ស្វែងរក​ខ្ពស់​បំផុត​តាម​រយៈ​ជើង​ហោះហើរ​ក្នុង​រយៈ​ពេល​ ១២​ខែ​ចុង​ក្រោយ​របស់​អ្នក​ទេសចរ​ក្នុង​ប្រទេស​អូស្ត្រាលី៕

The post ឆ្នាំ ២០២៥ ខេត្តសៀមរាប ជាប់ឈ្មោះជាគោលដៅទេសចរណ៍កំពូល សម្រាប់ប្រជាជនអូស្ត្រាលី appeared first on Millions times.

លោក ស៊ូ បូ ប្រធានក្រុមហ៊ុន យុនណាន អ៊ែរអ៊ិនវេសមែន (ខេមបូឌា) អ៊ែរផត មេនេចម៉ិន ក្នុងពិធីអបអរសាទរគម្រប់ខួប ១ឆ្នាំនៃ ការបើកដំណើរការអាកាសយានដ្ឋានអន្តរជាតិសៀមរាបអង្គរ នាថ្ងៃទី១៦ ខែតុលា បានលើកឡើងថា អាកាសយានដ្ឋានអន្តរជាតិសៀមរាបអង្គរ នឹងផ្តល់ការលើកទឹកចិត្តសម្រាប់ការបើកជើងហោះហើរថ្មី (New Routes) ឬជើងហោះហើរដែលបានផ្អាកជាង១២ ខែ ហើយធ្វើការតភ្ជាប់ហោះហើរឡើងវិញ ដោយបញ្ចុះតម្លៃទាំងស្រុង (១០០%) នូវថ្លៃចុះចត (Landing) ថ្លៃចំណត (Parking) ថ្លៃភ្លើងបំភ្លឺ (Lighting) និងថ្លៃស្ពានឆ្លងចូលយន្តហោះ (Aerobridge) ក្នុងឆ្នាំដំបូង។ ចំណែកឆ្នាំទីពីរ តម្លៃទាំងនេះនឹងត្រូវគិតថ្លៃតែពាក់កណ្តាល ឬ៥០%ប៉ុណ្ណោះ។

តាមដានជាមួយយើង៖ Million Times

លោកបន្ថែមថា អាកាសយានដ្ឋានអន្តរជាតិសៀមរាបអង្គរ នឹងផ្តល់ការលើកទឹកចិត្តសម្រាប់ក្រុមហ៊ុនអាកាសចរណ៍ថ្មី ឬក្រុមហ៊ុនអាកាសចរណ៍ដែលបានផ្អាកប្រតិបត្តិការលើសពី ១២ខែ ហើយធ្វើប្រតិបត្តិការឡើងវិញ ដោយគិតថ្លៃ ចុះចត (Landing) ថ្លៃចំណត (Parking) ថ្លៃភ្លើងបំភ្លឺ (Lighting) និងថ្លៃស្ពានឆ្លងចូលយន្តហោះ (Aerobridge) ៥០% ក្នុងឆ្នាំដំបូង ហើយក្នុងឆ្នាំទីពីរ នឹងត្រូវបានកាត់បន្ថយត្រឹម២៥%។

លើសពីនេះទៅទៀត នឹងផ្តល់ការបញ្ចុះតម្លៃផ្ទាល់ យោងតាមចំនួនអ្នកដំណើរចេញ។ ជើងហោះដែលមានចំនួនអ្នកដំណើរចាប់ពី ១២០ នាក់ ដល់១៥០ នាក់ នឹងទទួលបានប្រាក់លើកទឹកចិត្តចំនួន ៤០០ដុល្លារ ក្នុងមួយជើងហោះហើរ។ ចំណែកជើងហោះហើរ ដែលមានចំនួនអ្នកដំណើរចាប់ពី១៥០ នាក់ឡើងនឹងទទួល បានប្រាក់លើកទឹកចិត្តចំនួន ៦០០ដុល្លារក្នុងមួយជើងហោះហើរ។

ជាមួយគ្នានេះ តាមរយៈវិធានការលើកទឹកចិត្តនេះ លោក ស៊ូ បូ ជឿជាក់ថានឹងអាចទាក់ទាញ ឱ្យក្រុមហ៊ុនអាកាសចរណ៍ច្រើនទៀត បង្កើតផ្លូវហោះហើរថ្មី និងពង្រីកប្រតិបត្តិការអាជីវកម្ម នៅអាកាសយានដ្ឋានអន្តរជាតិសៀមរាបអង្គរ។

លោកថ្លែងថា «យើងមានជំនឿដ៏មុតមាំថា ក្រោមការណែនាំ និងការគាំទ្ររបស់រាជរដ្ឋាភិបាលកម្ពុជា ដោយមានការយក ចិត្តទុកដាក់ និងគាំទ្រពីស្ថានទូតចិនប្រចាំនៅកម្ពុជា និងដោយមានកិច្ចសហប្រតិបត្តិការ ពីគ្រប់ដៃគូ ទាំងអស់ អាកាសយានដ្ឋានអន្តរជាតិសៀមរាបអង្គរ នឹងបន្តដំណើរទៅមុខ និងសម្រេចបាននូវការអភិវឌ្ឍ ដ៏ចីរភាព។ នេះនឹងផ្តល់កម្លាំងថ្មីសម្រាប់ការស្តារឡើងវិញ នូវសេដ្ឋកិច្ចទេសចរណ៍ខេត្តសៀមរាប និងការរីកចម្រើនសេដ្ឋកិច្ចសង្គមរបស់កម្ពុជាទាំងមូល»៕

អត្ថបទ៖ សេដ្ឋានី រូបភាព៖ រដ្ឋលេខាធិការអាកាសចរណ៍ស៊ីវិល

The post CEO៖ យន្តការនេះនឹងទាក់ទាញក្រុមហ៊ុនអាកាសចរណ៍ច្រើនទៀតបង្កើតផ្លូវហោះហើរថ្មីមកសៀមរាបអង្គរ appeared first on Millions times.

ថ្មី​ៗ​នេះ​វីដេអូ​នៃ​ក្រុមហ៊ុន Singapore Airline នៃ​ប្រទេស​សិង្ហបុរី​ផ្ទុះ​ការ​គាំទ្រ​ខ្លាំង ក្រោយ​ឃើញ​ពី​សកម្មភាព flight stewardess (អ្នកបម្រើការហោះហើរ) ដើរ​លេង​យ៉ាង​សប្បាយ​រីករាយ​នៅ​ខេត្ត​សៀមរាប។

តាមដានជាមួយយើង៖ Million Times

ក្រុម​ហ៊ុន​​អាកាសចរណ៍​ Singapore Airline​​ បាន​ជ្រើស​រើស​​យក​ខេត្ត​សៀមរាប​របស់​ប្រទេស​កម្ពុជា ជា​​គោល​ដៅ​ផ្សព្វ​ផ្សាយ​តំបន់​ទេសចរណ៍​ក្នុង​វីដេអូ​ដំណើរ​កម្សាន្ត​នៃ​កម្មវិធី Beyond the cabin រដូវ​កាល​ទី​២ របស់​ពួក​គេ។

ក្នុង​វីដេអូ​មួយ​នោះ រំលេច​​​ផ្ទាំង​ទស្សនីយភាព​ជា​ច្រើន​​នៅ​ក្នុង​តំបន់​ទេសចរណ៍​ប្រវត្តិសាស្ត្រ​នៃ​ខេត្ត​សៀមរាប​ប្រទេស​កម្ពុជា​ដូចជា ​ប្រាសាទ​អង្គរវត្ត​​​ ប្រាសាទ​បាយ័ន​ របាំ ​អប្សរា​ ​ក្បាច់​គុន​ល្បុក្កតោ​ ការ​សម្ដែង​ល្ខោន​ស្បែក​ធំ​​ ការ​សម្ដែង​សៀក​ ការ​បង្ហាញ​​ឧបករណ៍​តន្ត្រី​ខ្មែរ​បុរាណ​ ដូច​ជា​ ស្គរ​ធំ​ មិន​តែ​ប៉ុណ្ណោះ​ នៅ​ក្នុង​វីដេអូ​ក៏​បាន​បង្ហាញ​ពី​ការ​រស់​នៅ​របស់​ប្រជាជន​ក្នុង​តំបន់​​តាម​រយៈ​ការ​ស្មូន​ឆ្នាំង​ដី​ និង​ចម្លាក់​ដោយ​ដៃ​ផង​ដែរ​ ជា​ពិសេស​ទៅទៀត​នោះ​ក៏​បាន​បង្ហាញ​​ទីតាំង​កម្សាន្ត Pub-Street និង​ផ្សារ​រាត្រី ​​ព្រម​ទាំង​ម្ហូប​អាហារ​ក្នុង​តំបន់​ផង​ដែរ​។

នេះ​បញ្ជាក់​យ៉ាង​ច្បាស់​ថា កម្ពុជា​គឺជា​ប្រទេស​មាន​សក្ដានុពល​ខ្លាំង​ផ្នែក​វិស័យ​ទេសចរណ៍​ច្រើន​កន្លែង​ដែរ ទើប​អាច​ទាក់ទាញ​ក្រុមហ៊ុន​ដ៏​ធំ​បំផុត​របស់​សិង្ហបុរី​នោះ មក​ផ្ដិត​យក​រូបភាព​ស្អាត​ៗ​នោះ​ចូល​ក្នុង​កម្មវិធី។

វីដេអូ​មួយ​នេះ​ដែរ​​មាន​ចំនួន​អ្នក​ចូល​ទស្សនា និង​ចែក​រំលែក​យ៉ាង​ច្រើន​ខ្លាំង ក្រោយ​បង្ហោះ​នៅ​លើ​ហ្វេសបុក​របស់​ក្រុម​ហ៊ុន​​អាកាសចរណ៍​ Singapore Airline នេះ​ក៏​ជា​ចំណែក​មួយ​ដែល​អាច​បញ្ជ្រាប​ទៅ​ដល់​​ភ្ញៀវ​​អន្តរជាតិ​ឲ្យ​បាន​ស្គាល់​ប្រទេស​កម្ពុជា​កាន់​តែ​ច្បាស់ និង​ច្រើន​ទូលំទូលាយ​ជាង​មុន​ៗ​ផង​ដែរ ព្រម​ទាំង​ជួយ​ដល់​សេដ្ឋកិច្ច​ជាតិ​ផង​ដែរ៕

The post កម្ពុជាអស្ចារ្យណាស់ រហូតក្រុមហ៊ុនអាកាសចរណ៍ Singapore Airline មកថតនៅសៀមរាប appeared first on Millions times.