តាមដានជាមួយយើង៖ Million Times

ការសម្ពោធជើងហោះហើរត្រង់រវាងខេត្តព្រះសីហនុ ជាមួយទីក្រុង Xiamenនេះ គឺជាការតភ្ជាប់ស្ពានមិត្តភាព និងពាណិជ្ជកម្ម ដែលដំណើរការដោយក្រុមហ៊ុនអាកាសចរណ៍ Sky Angkor Airlines ហើយជាការឆ្លុះបញ្ចាំងពីកិច្ចសហប្រតិបត្តិការដ៏ស្អិតរមួតរវាងកម្ពុជា-ចិន។

មន្ទីរព័ត៌មានខេត្តព្រះសីហនុ បានឱ្យដឹងថា នាឱកាសនោះ ឯកឧត្តម ម៉ាង ស៊ីណេត អភិបាលខេត្តព្រះសីហនុ បានលើកឡើងថា ការតភ្ជាប់ផ្លូវអាកាសនេះ មិនត្រឹមតែជាការសម្រួលដល់ការធ្វើដំណើររបស់ភ្ញៀវទេសចរប៉ុណ្ណោះទេ ប៉ុន្តែគឺជាច្រករបៀងសេដ្ឋកិច្ច ទាក់ទាញអ្នកវិនិយោគពីទីក្រុង Xiamen ដែលជាតំបន់សេដ្ឋកិច្ចពិសេសឈានមុខគេរបស់ចិន មកកាន់ខេត្តព្រះសីហនុ។

ម្យ៉ាងទៀត ក៏ជាការជំរុញវិស័យទេសចរណ៍ ដោយបើកផ្លូវឱ្យទេសចរចិនចូលមកទស្សនាតំបន់ឆ្នេរដ៏ស្រស់ស្អាត និងកោះនានារបស់កម្ពុជាកាន់តែងាយស្រួល ព្រមទាំងពង្រឹងចំណងមិត្តភាពរវាងប្រជាជន និងប្រជាជននៃទីក្រុងទាំងពីរ។

ឯកឧត្តមអភិបាលខេត្ត បានបន្ថែមថា ការបើកជើងហោះហើរថ្មីនេះ គឺជាសក្ខីភាពមួយបង្ហាញថា ខេត្តព្រះសីហនុនៅតែជាគោលដៅវិនិយោគ និងទេសចរណ៍ដ៏មានសក្តានុពលបំផុត និងមានសុវត្ថិភាពសម្រាប់ភ្ញៀវអន្តរជាតិ។

ជាមួយគ្នានេះ ឯកឧត្តមអភិបាលខេត្តព្រះសីហនុ ក៏បានបង្ហាញក្តីសង្ឃឹមថា តាមរយៈជើងហោះ ហើរនេះ នឹងជួយជំរុញឱ្យសកម្មភាពអាជីវកម្មក្នុងខេត្តព្រះសីហនុ ឱ្យកាន់តែមានភាពរស់រវើកឡើងវិញ ជាពិសេសស្របតាមគោលនយោបាយរបស់រាជរដ្ឋាភិបាល ក្នុងការប្រែក្លាយខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណង៕

អត្ថបទ៖ វីរៈ រូបភាព៖ ហ្វេសប៊ុកឯកឧត្តម ម៉ាង ស៊ីណេត

The post ជើងហោះហើរត្រង់ដំបូង រវាងខេត្តព្រះសីហនុជាមួយទីក្រុង Xiamen ត្រូវបានសម្ពោធជាផ្លូវការនៅថ្ងៃនេះ appeared first on Millions times.

តាមដានជាមួយយើង៖ Million Times

បើតាមក្រុមការងារជំរុញការវិនិយោគក្នុងខេត្តព្រះសីហនុ គម្រោងទាំង ៣៥ នោះ មានជាអាទិ៍ គម្រោងបង្កើតតំបន់សេដ្ឋកិច្ចពិសេស, គម្រោងបង្កើតសួនឧស្សាហកម្ម, រោងចក្រកែច្នៃចំណីសត្វ, រោងចក្រផលិតសម្ភារៈប្រើប្រាស់ក្នុងផ្ទះ, គម្រោងសណ្ឋាគារ, គម្រោងផ្ទះលំហែ និង អគារពាណិជ្ជកម្ម ។ ផ្អែកតាមតួលេខនេះ, ក្រុមការងារបានផ្តល់ការលើកទឹកចិត្តជូនគម្រោងចំនួន ១១៨ គម្រោង សម្រាប់ឆមាសទី ១ ឆ្នាំ ២០២៥ ក្នុងនោះ អគារជាប់គាំង ចំនួន ៥១ គម្រោង, គម្រោងវិនិយោគថ្មី ចំនួន ៥៤ គម្រោង, គម្រោងពង្រីក ចំនួន ៨ គម្រោង និង គម្រោងមានស្រាប់ ចំនួន ៥គម្រោង ។

នៅកិច្ចប្រជុំលើកទី ១៧ ដែលដឹកនាំដោយលោក ហ៊ាន សាហ៊ីប ទីប្រឹក្សាសម្តេចធិបតីនាយករដ្ឋមន្រ្តី និងជារដ្ឋលេខាធិការក្រសួងសេដ្ឋកិច្ច និង ហិរញ្ញវត្ថុ បានគូសរំលេចថា តាមរយៈយន្តការ “ថែរក្សាអ្នកចាស់ និង ស្វែងរកអ្នកថ្មី” និង ការដោះស្រាយបញ្ហាជាកញ្ចប់,ក្រុមការងារ និង រដ្ឋបាលខេត្ត បានរៀបចំវេទិការវាងរដ្ឋ និង វិស័យឯកជន នៅខេត្តព្រះសីហនុ ដើម្បីស្តាប់សំណូម-ពរ និង ដោះស្រាយការលំបាក រួមទាំងការជំរុញ និង ការសម្រួលនានា ដើម្បីផ្តល់អាជ្ញាបណ្ណ លិខិតអនុញ្ញាត និង វិញ្ញាបនបត្រ។

លោកថ្លែងថា កិច្ចការដែលក្រុមការងារកំពុងអនុវត្តនាពេលបច្ចុប្បន្ន គឺជាការចូលរួមចំណែកអភិវឌ្ឍប្រទេសជាតិ ជាមួយរាជរដ្ឋាភិបាល ក្នុងអភិក្រម “ជវភាពនៃប្រព័ន្ធតួអង្គតែមួយ” ដែលមានសហថាមពលព្រមគ្នា និង មានសង្គតិភាពជាមួយគ្នា ។ លោកបន្ថែមថា ស្របពេលដែលប្រទេសកំពុងជួបប្រទះបញ្ហាប្រឈមខាងក្រៅ ក្រុមការងារត្រូវបន្តកិច្ចខិតខំប្រឹងប្រែងទ្វេដង និង រួមគ្នាជាធ្លុងមួយ ក្នុងការបំពេញការងារតាមកាតព្វកិច្ចរៀងៗខ្លួន ក្នុងស្មារតីឧត្តមប្រយោជន៍ជាតិ ដើម្បីប្រែក្លាយ“បញ្ហាប្រឈម” ទៅជា “កាលានុវត្តភាព” តាមរយៈការផ្តល់កិច្ចសហការខ្ពស់ និង សម្របសម្រួលផ្តល់សេវាដល់ម្ចាស់គម្រោង ដោយរលូន និងរហ័ស ដូចជា ការផ្តល់លិខិត អនុញ្ញាត អាជ្ញាបណ្ណ និង វិញ្ញាបនបត្រ ជាដើមដើម្បីឱ្យម្ចាស់គម្រោងអាចដំណើរការគម្រោងបាន និង ចូលរួមបង្កើតការងារជូនប្រជាពលរដ្ឋ ។

សូមជម្រាបថា រាជរដ្ឋាភិបាលបានដាក់ចេញ “កម្មវិធីពិសេសជំរុញការវិនិយោគក្នុងខេត្តព្រះសីហនុ ឆ្នាំ ២០២៤” ដែលបន្តអនុវត្តរហូតដល់ដំណាច់ឆ្នាំ ២០២៥ ក្នុងគោលបំណងជំរុញសម្ទុះសេដ្ឋកិច្ច និង បង្កើតការងារជូនប្រជាពលរដ្ឋ ព្រមទាំងកែប្រែមុខមាត់ខេត្តព្រះសីហនុ ។ បច្ចុប្បន្ន ខេត្តព្រះសីហនុ មានសន្តិសុខ សណ្តាប់ធ្នាប់ និង បរិយកាសវិនិយោគល្អប្រសើរ ដែលបានទាក់ទាញការវិនិយោគ និងភ្ញៀវទេសចរ ក្នុងចំនួនច្រើន និងច្រើនជាតិសាសន៍ សមស្របជាមជ្ឈមណ្ឌលនៃការអភិវឌ្ឍពហុបំណង និងជាប៉ូលសេដ្ឋកិច្ចដ៏សំខាន់របស់កម្ពុជា។

The post ខេត្តព្រះសីហនុ៖ លើកទឹកចិត្តពិសេសដល់គម្រោងវិនិយោគនិងធុរកិច្ចចំនួន៣៥គម្រោងក្រោមទុនវិនិយោគ៣២៧លានដុល្លារ appeared first on Millions times.

តាមដានជាមួយយើង៖ Million Times

នាឱកាសចូលរួមក្នុងវេទិកាសន្ទនារវាងអ្នកវិនិយោគចិនក្រៅប្រទេស និងប្រទេសជាសមាជិកនៃកិច្ចព្រមព្រៀងស្តីពីភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) កាលរសៀល ថ្ងៃព្រហស្បតិ៍ ទី៥ ខែមិថុនានេះ លោក ម៉ាង ស៊ីណេត អភិបាលខេត្តព្រះសីហនុ បានបង្ហាញអំពីស្ថានភាពភូមិសាស្រ្ត ប្រជាសាស្ត្រ សក្តានុពល និងឱកាសវិនិយោគនៅក្នុងខេត្តព្រះសីហនុ ជូនទៅដល់អ្នកវិនិយោគចិនក្រៅប្រទេស និងប្រទេសជាសមាជិក RCEP ក្នុងវេទិកា។

ចំពោះក្រុមវិនិយោគិន លោក ម៉ាង ស៊ីណេត សូមស្វាគមន៍ចំពោះរាល់ការសម្រេចចិត្តដ៏ឈ្លាសវៃរបស់វិនិយោគិនទាំងអស់ ដែលមានបំណងជ្រើសរើសកម្ពុជា ជាគោលដៅវិនិយោគក្នុងការចាប់ផ្តើម ឬពង្រីកអាជីវកម្មរបស់ខ្លួន ជាពិសេសការវិនិយោគនៅខេត្តព្រះសីហនុ។ លោកក៏បានអញ្ជើញ ធុរជន និងវិនិយោគិន នៃប្រទេសជាសមាជិក RCEP និងបណ្តាប្រទេសផ្សេងៗទៀត មកធ្វើទស្សនកិច្ចសិក្សាស្វែងយល់អំពីសក្តានុពល និងកាលានុវត្តភាពវិនិយោគនៅកម្ពុជា ជាពិសេសខេត្តព្រះសីហនុ។ 

លោកបានគូសបញ្ជាក់ថា រដ្ឋបាលខេត្តព្រះសីហនុធានាជូនអ្នកវិនិយោគនូវការសម្របសម្រួលនីតិវិធី និងការផ្តល់សេវាសាធារណៈស្របតាមច្បាប់ ឱ្យបានឆាប់រហ័សប្រកបដោយទំនុកចិត្ត តម្លាភាព ប្រសិទ្ធភាពខ្ពស់ ការលើកទឹកចិត្ត ការធានា និងការការពារវិនិយោគ ដោយធានាសន្តិសុខ និងសុវត្ថិភាពជាចម្បង។

ជាមួយគ្នានេះដែរ លោកក៏បានលើកពីទស្សនៈ និងគោលដៅរបស់ខេត្តគឺ «ភាពជោគជ័យរបស់អ្នកវិនិយោគ គឺជាភាពជោគជ័យរបស់យើងខ្ញុំ»។ លោកមានសុទិដ្ឋិនិយមថា វេទិកានេះ ពិតជាបានដើរតួនាទីយ៉ាងសំខាន់ក្នុងការផ្សព្វផ្សាយ និងទាក់ទាញដល់ក្រុមហ៊ុនវិនិយោគរបស់ប្រទេសចិន និងប្រទេសជាសមាជិកRCEP ទាំងអស់ក្នុងការសម្រេចចិត្តមកបណ្ដាក់ទុនវិនិយោគនៅខេត្តព្រះសីហនុ៕

អត្ថបទ៖ ពិសិដ្ឋ រូបភាព៖ រដ្ឋបាលខេត្តព្រះសីហនុ

The post អភិបាលខេត្តព្រះសីហនុ ធានាផ្តល់សេវាឆាប់រហ័សប្រកបដោយទំនុកចិត្ត តម្លាភាព ឲ្យអ្នកវិនិយោគចិន និងប្រទេសសមាជិក RCEP appeared first on Millions times.

តាមដានជាមួយយើង៖ Million Times

លោក ម៉ាង ស៊ីណេត បានលើកឡើងថា ក្នុងរយៈពេលកន្លងមក វិស័យឧស្សាហកម្មខេត្តព្រះសីហនុ មានការរីកចំរើនខ្លាំង ក្រោមការជ្រោមជ្រែងពីរដ្ឋាភិបាលចិន ក្រោមគំនិតផ្តួចផ្តើម ខ្សែក្រវ៉ាត់ និងផ្លូវ។ ជាក់ស្តែងក្នុងឆ្នាំ២០២៥នេះ តំបន់សេដ្ឋកិច្ចពិសេសក្រុងព្រះសីហនុ ទទួលបានក្រុមហ៊ុនវិនិយោគចំនួន២០០ ដែលជាសមិទ្ធផលលេចធ្លោក្នុងបដិវត្តឧស្សាហកម្មក្នុងរយៈពេល៩ឆ្នាំ។

លោកបន្តលើកឡើងរៀបរាប់ពីសក្តានុពលនានាដែលបានលេចរូបរាងឡើងប្រកបដោយផ្លែផ្កា ក្នុងនោះមានផ្លូវទឹក ផ្លូវគោក ផ្លូវដែក ផ្លូវអាកាស ជាពិសេសផ្លូវល្បឿនលឿនភ្នំពេញ-ព្រះសីហនុ សាងសង់ឡើងដោយក្រុមហ៊ុនចិន។ លោកបន្ថែមទៀតថា នៅឆ្នាំ២០៣០ កំពង់ផែស្វយ័តក្រុងព្រះសីហនុ នឹងអាចឲ្យនាវាធ្វើចរាចរណ៍នៅលើពិភពលោកអាចចូលចតបាន ខណៈបច្ចុប្បន្នកំពុងសាងសង់ជា៣ដំណាក់កាលមានជំរៅទឹករហូតដល់ ១៧,៥០ម៉ែត្រ។

លោក ស៊ូ គុនលីន អភិបាលខេត្តជាំងស៊ូ បានរម្លឹកថា កាលពីឆ្នាំ២០២២ លោកបានទទួលអភិបាលខេត្តព្រះសីហនុ នៅខេត្តជាំងស៊ូ ដែលពេលនោះសម្រេចបានក្រុមហ៊ុន១០០ ហើយថ្ងៃនេះមានក្រុមហ៊ុន ២០០វិនិយោគ នៅតំបន់សេដ្ឋកិច្ចពិសេសក្រុងព្រះសីហនុ។

លោកបានបញ្ជាក់ថា ខេត្តជាំងស៊ូ ជាប់សមុទ្រភាគខាងកើត នៃប្រទេសចិន ប្រជាជនជាង៨៥លាននាក់ មានសេដ្ឋកិច្ចមានការរីកចម្រើន ហើយដំណើទស្សនកិច្ចនាពេលនេះ ក្នុងគោលបំណងអនុវត្តនូវកិច្ចសហប្រតិបត្តិការលើគម្រោងវិនិយោគតំបន់សេដ្ឋកិច្ចពិសេសក្រុងព្រះសីហនុ ព្រោះគម្រោងតំបន់សេដ្ឋកិច្ចក្រុងព្រះសីហនុ ជាគម្រោងកិច្ចសហប្រតិបត្តិការរវាងចិន-កម្ពុជា តាមរយៈគោលនយោបាយខ្សែក្រវ៉ាត់ និងផ្លូវ ហើយតំបន់សេដ្ឋកិច្ចពិសេសក្រុងព្រះសីហនុ ទទួលបានក្រុមហ៊ុនចំនួន២០០។ ទន្ទឹមគ្នានេះ លោកសង្ឃឹមថា នឹងទទួលបានក្រុមហ៊ុនពី៣០០ ទៅ៤០០ នៅថ្ងៃខាងមុខ៕

អត្ថបទ៖ ពិសិដ្ឋ រូបភាព៖ រដ្ឋបាលខេត្តព្រះសីហនុ

The post វិស័យឧស្សាហកម្មខេត្តព្រះសីហនុ មានការរីកចំរើនខ្លាំង ក្រោមការជ្រោមជ្រែងពីចិន appeared first on Millions times.

ពិធីចុះហត្ថលេខាលើកិច្ចព្រមព្រៀងភាពជាដៃគូវាងក្រុមហ៊ុនទាំង៣ ធ្វើឡើងក្រោមវត្តមានលោក ម៉ាង ស៊ីណេត អភិបាលខេត្តព្រះសីហនុ នាព្រឹកថ្ងៃទី២៥ ខែមីនា ឆ្នាំ២០២៥។

តាមដានជាមួយយើង៖ Million Times

លោក អេតឌី ឈ័រ (Eddie Chua) នាយកប្រតិបត្តិក្រុមហ៊ុន Peninsula Bay បានលើកឡើងថា ការចាប់ដៃគូរនេះដើម្បីលើកកម្ពស់វិស័យទេសចរណ៍នៅកម្ពុជា ផ្តល់សេវាកម្មបដិសណ្ឋាកិច្ចកម្រិតសកល និងលក់រាយខ្នាតយក្ស ដោយក្រុមហ៊ុនបានសហការគ្នាបោះទីតាំង ដើម្បីអភិវឌ្ឍន៍ភាពចម្រុះជូនភ្ញៀវទេសចរណ៍ ក៏ដូចជាការលើកកម្ពស់មុខមាត់ខេត្តព្រះសីហនុ ទៅជាគោលដៅទេសចរណ៍ដ៏សំខាន់នៅអាស៊ីអាគ្នេយ៍ ដែលជាសញ្ញាណបង្ហាញពីការងើបឡើងវិញ នៃវិស័យទេសចរណ៍ កម្រិតជីវភាពក្នុងតំបន់ និងជាកិត្យានុភាពរបស់ខេត្តព្រះសីហនុ។

លោកបន្តថា ភាពជាដៃគូបានផ្តល់ឱ្យយើងទទួលបាននូវបទពិសោធន៍ដែលមិនអាចប្រៀបផ្ទឹមបាន នៅក្នុងផ្នែកបដិសណ្ឋារកិច្ច និងការលក់រាយ ការវិវឌ្ឍន៍នេះ គឺជាសក្ខីភាពបង្ហាញពីចក្ខុវិស័យរបស់យើងក្នុងការច្របាច់បញ្ចូលគ្នានូវភាពប្រណីត នវានុវត្តិន៍ និងសម្បត្តិធម្មជាតិដ៏ស្រស់ស្អាតរបស់ប្រទេសកម្ពុជា ពិសេសខេត្តព្រះសីហនុ ជាគោលដៅថ្មីមិនធ្លាប់មានក្នុងប្រទេសដ៏ទៃ។  

លោកបន្ថែមថា ការអភិវឌ្ឍន៍នេះនឹងមានមុខងារជាច្រើនដូចជា៖ សណ្ឋាគារប្រណិតចំនួន៣ ដោយរាប់បញ្ចូលទាំងសណ្ឋាគារ InterContinental ខេត្តព្រះសីហនុ នឹងផ្តល់សេវាបដិសណ្ឋារកិច្ចដល់ភ្ញៀវទេសចរណ៍តាមកម្រិតតម្រូវការ។  មជ្ឈមណ្ឌលលក់រាយស្តង់ដារអន្តរជាតិ ដែលនាំមកជូនដោយក្រុមហ៊ុន LBG។ សួនទឹកកម្សាន្ត និងអាងចិញ្ចឹមត្រីសមុទ្រធំជាងគេលើពិភពលោក ដែលត្រូវបានរចនាឡើង ក្រោមកិច្ចសហការ និងភាពជាដៃគូជាមួយអ្នកជំនាញពិភពលោក Pico Play និង ICM ដែលជាក្រុមហ៊ុនឈានមុខគេខាងរចនាបថ វិស្វកម្ម និងប្រតិបត្តិការក្នុងអាងចិញ្ចឹមត្រី និងការកម្សាន្តផ្សេងៗ។ អាងចិញ្ចឹមត្រីសមុទ្រដែលជាគោលដៅប្រជែងកំណត់ត្រាពិភពលោក នឹងមានបង្ហាញអំពីភាពអស្ចារ្យ នៃជីវចម្រុះសមុទ្ររបស់ប្រទេសកម្ពុជា។

លោក ម៉ាង ស៊ីណេត អភិបាលខេត្តព្រះសីហនុ មានប្រសាសន៍ថា ការចុះហត្ថលេខាលើកិច្ចព្រមព្រៀងភាពជាដៃគូនាពេលនេះ ពិតជាបានចូលរួមចំណែកយ៉ាងសំខាន់ក្នុងការជំរុញ និងលើកកម្ពស់វិស័យទេសចរណ៍ និងសេដ្ឋកិច្ចនៅក្នុងខេត្តព្រះសីហនុឱ្យកាន់តែទទួលបានភាពទាក់ទាញ និងរីក ចម្រើនទៅមុខជាលំដាប់ ជាពិសេសបានផ្តល់ការងារជូនប្រជាពលរដ្ឋនៅខេត្តព្រះសីហនុ។ លោកបន្ថែមថា ការចុះហត្ថលេខានេះ ជាសក្ខីភាពបង្ហាញឱ្យឃើញពីការជឿជាក់របស់អ្នកវិនិយោគទុនមកលើរាជរដ្ឋាភិបាលកម្ពុជា៕

អត្ថបទ៖ ពិសិដ្ឋ រូបភាព៖ រដ្ឋបាលខេត្តព្រះសីហនុ

The post ក្រុមហ៊ុនធំៗ ៣ចាប់ដៃគ្នា អភិវឌ្ឍន៍ភាពចម្រុះជូនភ្ញៀវទេសចរណ៍លើកកម្ពស់មុខមាត់ខេត្តព្រះសីហនុ appeared first on Millions times.

កិច្ចប្រជុំធ្វើឡើងនារសៀលថ្ងៃទី១៧ ខែមីនា ឆ្នាំ២០២៥ ដោយបានគាំទ្រលើការបង្កើតការិយាល័យ “ច្រកចេញចូលតែមួយ” និងត្រៀមចូលរួមសម្របសម្រួលតាមភារកិច្ចរៀងៗខ្លួន ដើម្បីជំរុញដំណើរការការិយាល័យនេះ ក្នុងពេលឆាប់ខាងមុខ។

តាមដានជាមួយយើង៖ Million Times

កាលពីខែកក្កដា ឆ្នាំ២០២៤ រាជរដ្ឋាភិបាលបានសម្រេចឯកភាពជាគោលការណ៍អនុញ្ញាតឱ្យក្រុមហ៊ុន NATIONAL AGRO-INDUSTRY PARK (CAMBODIA) PLC. បង្កើតសួនកសិ-ឧស្សាហកម្ម ដែលមានទីតាំងស្ថិតនៅខេត្តព្រះសីហនុ និងអនុញ្ញាតឱ្យបង្កើតការិយាល័យ “ច្រកចេញចូលតែមួយ” ដែលមានសមាសភាពមកពីក្រសួងសេដ្ឋកិច្ច និងហិរញ្ញវត្ថុ, ក្រសួងកសិកម្ម រុក្ខាប្រមាញ់ និងនេសាទ, ក្រសួងពាណិជ្ជកម្ម, រដ្ឋបាលខេត្តព្រះសីហនុ, និងអគ្គនាយកដ្ឋានគយ និងរដ្ឋាករកម្ពុជា និងផ្តល់ការគាំទ្របច្ចេកទេសលើការកែច្នៃកសិផល, កិច្ចសម្រួលពាណិជ្ជកម្ម, នីតិវិធីបញ្ចេញទំនិញពីគយ និងការជំរុញការនាំចេញ ព្រមទាំងការផ្តល់វិញ្ញាបនបត្រស្តង់ដាអនាម័យ, លិខិតអនុញ្ញាតនាំចេញ/នាំចូល, និងការលើកដាក់ទំនិញនៅកំពង់ផែ។ ការបង្កើតសួនកសិ-ឧស្សាហកម្មនេះ ស្របនឹងអាទិភាពរបស់រាជរដ្ឋាភិបាលដែលអាចក្លាយជាសួនសាកល្បង ឬគំរូមួយ សម្រាប់រៀនសូត្រ និងដកស្រង់ពិសោធន៍ក្នុងការអភិវឌ្ឍសួន ឬតំបន់កសិ-ឧស្សាហកម្មនៅកន្លែងដទៃទៀត។

សួនកសិ-ឧស្សាហកម្មនេះ មានផ្ទៃដីទំហំ ៨០ ហិកតា ជាមួយទុនវិនិយោគ ១០០លានដុល្លារអាមេរិក ដែលបង្កើតឡើង ដើម្បីជំរុញការកែច្នៃ និងការនាំចេញកសិផលកម្ពុជា ទៅកាន់ទីផ្សារអន្តរជាតិ តាមរយៈការផ្តល់សេវានានា ជាខ្សែច្រវាក់ផលិតកម្មប្រមូលផ្តុំ និងមានចរិតជាប្រព័ន្ធអេកូឡូស៊ី ដូចជា ការលាងសម្អាត ឃ្លាំងត្រជាក់ ឃ្លាំងសម្ងួត ការកែច្នៃ និងការវេចខ្ចប់ ជាដើម។

គម្រោងសួនកសិ-ឧស្សាហកម្មនេះ ទទួលបានគោលការណ៍លើកទឹកចិត្តពិសេស ពីក្រុមការងារជំរុញការវិនិយោគក្នុងខេត្តព្រះសីហនុ ស្ថិតក្រោមវិសាលភាពនៃ “កម្មវិធីពិសេសជំរុញការវិនិយោគក្នុងខេត្តព្រះសីហនុ ឆ្នាំ ២០២៤” ដែលរាជរដ្ឋាភិបាលបានសម្រេចឱ្យបន្តអនុវត្ត រហូតដល់ដំណាច់ឆ្នាំ ២០២៥ ។

កម្មវិធីពិសេសនេះផ្តល់ការលើកទឹកចិត្តពិសេស សម្រាប់គម្រោង ៤ ប្រភេទ ដែលស្នើសុំ និង អនុវត្តគម្រោងក្នុងឆ្នាំ ២០២៥ ដែលរួមមាន គម្រោងពាក់ព័ន្ធនឹងអគារជាប់គាំង, គម្រោងពុំពាក់ព័ន្ធនឹងអគារជាប់គាំង និងជាគម្រោងថ្មី, ការពង្រីកគម្រោង, និងគម្រោងមានស្រាប់នៅក្នុងខេត្តព្រះសីហនុ។ កម្មវិធីនេះ បង្កើតក្រុមការងារជំរុញការវិនិយោគក្នុងខេត្តព្រះសីហនុ ដែលជាយន្តការអន្តរក្រសួង ដើម្បីធ្វើការពិនិត្យ និង សម្រេចផ្តល់គោលការណ៍លើកទឹកចិត្តពិសេស, ផ្តល់ការគាំទ្រ, សម្របសម្រួល និង ជួយដោះស្រាយបញ្ហាប្រឈម ជូនវិនិយោគិន៕

អត្ថបទ៖ សាងតេជៈ រូបភាព៖ ផ្តល់ឲ្យ

The post ក្រសួងស្ថាប័នចំនួន ៥ ឯកភាពបង្កើតការិយាល័យ “ច្រកចេញចូលតែមួយ” ប្រចាំការនៅសួនកសិ-ឧស្សាហកម្មក្រុមហ៊ុន NATIONAL AGRO-INDUSTRY PARK  appeared first on Millions times.

នៅព្រឹកថ្ងៃទី១១ ខែមីនា ឆ្នាំ២០២៥ លោក សាយ សំអាល់ឧបនាយករដ្ឋមន្ត្រី រដ្ឋមន្ត្រីក្រសួងដែនដីនគរូបនីយកម្ម និងសំណង់ ជាប្រធានគណៈកម្មាធិការជាតិគ្រប់គ្រងអភិវឌ្ឍតំបន់ឆ្នេរសមុទ្រកម្ពុជា បានចូលរួមក្នុងពិធីបើកការដ្ឋានសាងសង់រមណីយដ្ឋានឆ្នេរខ្សាច់កម្សាន្តសាធារណៈកម្រិតខ្ពស់”ឆ្នេរព្រែកត្រែង” ស្ថិតនៅភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ។

តាមដានជាមួយយើង៖ Million Times

គម្រោងអភិវឌ្ឍរមណីយដ្ឋានឆ្នេរខ្សាច់កម្សាន្តសាធារណៈកម្រិតខ្ពស់ “ឆ្នេរព្រែកត្រែង” ជាគម្រោងស្ថារលើកកម្ពស់សោភ័ណភាពឆ្នេរព្រែកត្រែង រួមមាន៖

១. រៀបចំកែលម្អ និងការពារឆ្នេរខ្សាច់សរធម្មជាតិប្រណិតកម្រិតខ្ពស់សម្រាប់សាធារណជននិងទេសចរ

២. រៀបចំតំបន់សុវត្ថិភាពសម្រាប់លេងទឹកសមុទ្រកម្សាន្ត និងរៀបចំប៉មឆ្នាំសមុទ្រសម្រាប់ការពារសុវត្ថិភាព

៣. រៀបចំសួនច្បារសាធារណៈ ដាំដើមឈើបណ្តាញបៃតង និងកន្លែងពិកនិកកម្សាន្ត នៅលើដីចំណីឆ្នេរសមុទ្រសម្រាប់សាធារណជន និងទេសចរ

៤. រៀបចំផ្លូវថ្មើរជើងដោយមានផ្លូវសម្រាប់ជនមានពិការភាពនៅលើដីចំណីឆ្នេរសមុទ្រស្របតាមបណ្តោយឆ្នេរសមុទ្រ

៥. រៀបចំកន្លែងអង្គុយលម្តែ កន្លែងលេងកីឡា ឡានម្ហូបដែលមានស្តង់ដាអន្តរជាតិ សម្រាប់សាធារណជន និងទេសចរ

៦. រៀបចំបន្ទប់ទឹកសាធារណៈដោយមានបន្ទប់ទឹកសម្រាប់ជនមានពិការភាព

៧. ជួសជុលកែលម្អកញ្ចុះចាស់ៗដែលមានស្រាប់សម្រាប់សាធារណជន និងទេសចរ

៨. រៀបចំតម្លើងឆត្រប្រក់ស្បូវសម្រាប់សាធារណជន និងទេសចរ

៩. រៀបចំចំណតរថយន្ត និងចំណតយានយន្តសាធារណៈនៅក្នុងតំបន់រណប

១០. រៀបចំប្រព័ន្ធលូរំដោះទឹកភ្លៀង ប្រព័ន្ធលូទឹកកខ្វក់ និងប្រព័ន្ធអាងប្រព្រឹត្តកម្មទឹកកខ្វក់ ស្របតាមបទដ្ឋានបច្ចេកទេសបរិស្ថាន ជាឆ្នេរសមុទ្រដែលស្អាតបំផុតលើសកលលោក

១១. រៀបចំប្រព័ន្ធគ្រប់គ្រងសំណល់រឹង និងបន្ទប់ស្តុកសំរាមស្របតាមបទដ្ឋានបច្ចេកទេសបរិស្ថាន ជាឆ្នេរសមុទ្រដែលស្អាតបំផុតលើសកលលោក។

ទន្ទឹមគ្នានេះ រដ្ឋបាលខេត្តព្រះសីហនុ បានដាក់ក្តីរំពឹងថា នៅពេលសាងសង់រមណីយដ្ឋានឆ្នេរខ្សាច់កម្សាន្តសាធារណៈកម្រិតខ្ពស់ “ឆ្នេរព្រែកត្រែង” រួចរាល់ ខេត្តព្រះសីហនុ និងកាន់តែមានការទាក់ទាញភ្ញៀវទេសចរ និងអ្នកវិនិយោគិនកាន់តែច្រើនបន្ថែមទៀតមកលេងកម្សាន្តនៅខេត្តព្រះសីហនុ៕

អត្ថបទ៖ សាងតេជៈ រូបភាព៖ រដ្ឋបាលខេត្តព្រះសីហនុ

The post ខេត្តព្រះសីហនុ រំពឹងទាក់ទាញភ្ញៀវទេសចរ និងវិនិយោគិនកាន់តែច្រើន ពេលសង់រួចរាល់រមណីយដ្ឋានឆ្នេរខ្សាច់កម្សាន្តសាធារណៈកម្រិតខ្ពស់ “ឆ្នេរព្រែកត្រែង” appeared first on Millions times.

អំឡុងពេលបំពេញទស្សនកិច្ចវិនិយោគនៅខេត្តព្រះសីហនុ ដែលដឹកនាំដោយលោក Andreas BERG អនុប្រធានបេសកម្មការទូត និងជាប្រធានផ្នែកព័ត៌មាន និងកិច្ចការនយោបាយ នៃប្រតិភូសហភាពអ៊ឺរ៉ុប ប្រចាំកម្ពុជា បានជួបពិភាក្សាការងារជាមួយលោក ឡុង ឌីម៉ង់ អភិបាលរងខេត្តព្រះសីហនុ។ ការចុះមកនេះគឺដើម្បីស្វែងយល់អំពីការអភិវឌ្ឍកំពង់ផែ លទ្ធភាពនិងឱកាសក្នុងការពង្រឹងកិច្ចសហប្រតិបត្តិការ និងជាពិសេសឱកាសវិនិយោគក្នុងខេត្ត។

តាមដានជាមួយយើង៖ Million Times

លោក Andreas BERG បានលើកឡើងថា​ នេះជាលើកទី១នៃការធ្វើទស្សនៈកិច្ចផ្លូវការរបស់ប្រតិភូសហភាពអឺរ៉ុប ហើយខេត្តព្រះសីហនុជាទីតាំងដ៏មានសក្តានុពលបំផុតមួយរបស់កម្ពុជា។ ជាមួយគ្នានេះ លោកបានបង្ហាញគោលបំណងនៃការវិនិយោគទៅលើវិស័យអាទិភាពផ្សេងៗ ដូចជា វិស័យសំណង់, ឧស្សាហកម្ម,​ ភស្តុភារកម្មសមុទ្រ, និង ជលយានដ្ឋានផងដែរ។

នៅក្នុងឱកាសនោះ លោក ឡុង ឌីម៉ង បានប្រាប់គណៈប្រតិភូ EU អំពីសក្តានុពល ស្ថានភាពសេដ្ឋកិច្ច ដំណើរការអភិវឌ្ឍ និងចក្ខុវិស័យរបស់កំពង់ផែទឹកជ្រៅ ផែនការមេប្រែក្លាយខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណង។

លោកបានបញ្ជាក់ថា ខេត្តព្រះសីហនុ បាននឹងកំពុងធ្វើពិពិធកម្មសេដ្ឋកិច្ច ពោលគឺខេត្តនឹងបង្កើនប្រភពចំណូលផ្សេងៗបន្ថែមទៀតក្រៅពីការពឹងផ្អែកទៅលើវិស័យទេសចរណ៍តែមួយមុខ។ ខេត្តព្រះសីហនុនឹងប្រែក្លាយជាតំបន់មជ្ឈមណ្ឌលពាណិជ្ជកម្ម និងភស្តុភារកម្មអន្តរជាតិ មជ្ឈមណ្ឌលដឹកជញ្ជូនទំនិញ​ពហុមធ្យោបាយអន្តរជាតិ មជ្ឈមណ្ឌលហិរញ្ញវត្ថុអន្តរជាតិ តំបន់ទេសចរណ៍ប្រណិត ជាពិសេសជាទីក្រុងវៃឆ្លាតនាំមុខ។

បន្ថែមពីលើនេះ លោកបានលើកឡើងពីកម្មវិធីពិសេសជំរុញការវិនិយោគខេត្តព្រះសីហនុ ដែលជាយន្តការរបស់រាជរដ្ឋាភិបាលសម្រាប់ជំរុញកំណើនសេដ្ឋកិច្ចជាតិឆ្ពោះទៅសម្រេចបានចក្ខុវិស័យឆ្នាំ២០៥០៕

អត្ថបទ៖ សាងតេជៈ រូបភាព៖ រដ្ឋបាលខេត្តព្រះសីហនុ

The post លើកទី១ សហភាពអ៊ឺរ៉ុប EU មកស្វែងយល់ពីលទ្ធភាព និងឱកាសវិនិយោគក្នុងខេត្តព្រះសីហនុ appeared first on Millions times.

តាមដានជាមួយយើង៖ Million Times

គួរឲ្យដឹងថា គិតត្រឹមខែ កុម្ភៈ ឆ្នាំ២០២៥ ក្រុមការងារជំរុញការវិនិយោគក្នុងខេត្តព្រះសីហនុ បានសម្រេចជាគោលការណ៍ផ្តល់ការលើកទឹកចិត្តដល់គម្រោងចំនួន ២៦៩ គម្រោង ដែលមានទុនវិនិយោគប៉ាន់ស្មានសរុបចំនួន ៦ ៦៦៩ លានដុល្លារអាមេរិក។

ជាមួយគ្នានេះ ក្រុមការងារជំរុញការវិនិយោគក្នុងខេត្តព្រះសីហនុ នឹងបំពេញភារកិច្ចស្នូលសំខាន់របស់ខ្លួនបន្តតាមដាន ត្រួតពិនិត្យ និងជំរុញការអនុវត្តគម្រោងទាំង ២៦៩ គម្រោង និងធ្វើការសម្របសម្រួលការផ្តល់ការលើកទឹកចិត្តជាក់ស្តែង និងដោះស្រាយបញ្ហាប្រឈម និងសំណូមពររបស់ម្ចាស់គម្រោងទៀតផង៕

អត្ថបទ៖ សាងតេជៈ រូបភាព៖ ក្រុមការងារជំរុញការវិនិយោគក្នុងខេត្តព្រះសីហនុ

The post ១៤ គម្រោងមានទុន ៧៩លានដុល្លារទទួលបានការលើកទឹកចិត្តពិសេសវិនិយោគក្នុងខេត្តព្រះសីហនុ appeared first on Millions times.

តាមដានជាមួយយើង៖ Million Times

ថ្នាក់ដឹកនាំរដ្ឋបាលខេត្តទាំង ៤រូប រួមមាន លោកស្រី មិថុនា ភូថង អភិបាលខេត្តកោះកុង លោក ម៉ាង ស៊ីណេត អភិបាលខេត្តព្រះសីហនុ លោក ម៉ៅ ធនិន អភិបាលខេត្តកំពត និងលោក សោម ពិសិដ្ឋ អភិបាលខេត្តកែប ដើម្បីសិក្សាស្វែងយល់អំពីបទពិសោធជាក់ស្តែងក្នុងការរៀបចំរចនាសម្ព័ន្ធ គ្រប់គ្រង និងប្រតិបត្តិការតំបន់រដ្ឋបាលសំខាន់ៗ ព្រមទាំងឆ្លៀតឱកាសទំនាក់ទំនងវិនិយោគិនចិនដែលមានសក្តានុពល សំដៅទាក់ទាញការវិនិយោគមកខេត្តរបស់ខ្លួនបន្ថែមទៀត។

ក្នុងបេសកកម្មមានរយៈពេលចំនួន៣ថ្ងៃ គឺចាប់ថ្ងៃទី ១៦ – ១៩ ខែកុម្ភៈ ដោយនៅថ្ងៃ​ចន្ទ​ម្សិលមិញ គណៈប្រតិភូខេត្តជាប់តំបន់ឆ្នេរទាំង៤ បានបំពេញទស្សនកិច្ចសិក្សានៅសាល Qianhai Planning Exhibition Hall និង Qianhai Stone Park ហើយបន្តជួបប្រជុំជាមួយរដ្ឋបាល FTZ Administration និង ក្រុមហ៊ុន Qianhai Investment Holding Group Co., Ltd. ក្នុងគោលបំណងដើម្បីស្វែងយល់ពីការរៀបចំផែនការ និងវឌ្ឍនភាពនៃការអភិវឌ្ឍតំបន់ពាណិជ្ជកម្មសេរី Qianhai-Shekou។ 

គណៈប្រតិភូខេត្តជាប់តំបន់ឆ្នេរទាំង៤ ក៏បានទស្សនកិច្ចសិក្សានៅតំបន់ Qianhai Comprehensive Bonded Zone ជាតំបន់ភណ្ឋាគារមួយស្ថិតនៅក្នុងតំបន់ពាណិជ្ជកម្មសេរី Qianhai-Shekou ដែលផ្តោតលើការសម្រួលពាណិជ្ជកម្ម សេវាកម្មទំនើប និងនវានុវត្តន៍ ដេីម្បី​ស្វែងយល់ពីការរៀបចំផែនការ និងវឌ្ឍនភាពនៃការអភិវឌ្ឍ។ នេះបើតាមការឲ្យដឹងលើទំព័រហ្វេសបុករដ្ឋបាលខេត្តព្រះសីហនុ៕

អត្ថបទ៖ សាងតេជៈ រូបភាព៖ រដ្ឋបាលខេត្តព្រះសីហនុ

The post អភិបាលខេត្ត ៤រូបដឹកដៃគ្នាទៅរកភ្ញៀវនៅចិនដើម្បីមកវិនិយោគនៅកម្ពុជា appeared first on Millions times.