តាមដានជាមួយយើង៖ Million Times

ពិធីចុះហត្ថលេខាលើកិច្ចសន្យាផលិតកម្មកសិកម្ម (ទិញ-លក់) ម្រេចខ្មៅនេះ បានធ្វើឡើងកាលពីថ្ងៃទី២៤ ខែកុម្ភៈ ដោយមានការសម្របសម្រួលពីមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ។

លោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទ បានផ្តល់អនុសាសន៍តម្រង់ទិសណែនាំដល់ភាគីទាំងពីរត្រូវមានភាពស្មោះត្រង់នឹងគ្នា ដោយអនុវត្តឱ្យបានត្រឹមត្រូវតាមលក្ខខណ្ឌទាំងឡាយ ហើយបើមានបញ្ហាត្រង់ណា ត្រូវពិភាក្សាគ្នាដោះស្រាយភ្លាម។

លោកថា ចំពោះសហគមន៍កសិកម្ម ត្រូវដើរតួជាតួអង្គអ្នកផលិតផង និងជាអ្នកលក់ផង។ ដូច្នេះត្រូវធ្វើយ៉ាងពង្រឹងសមត្ថភាពផលិត ឱ្យបានផលិតផលដែលឆ្លើយតបតាមតម្រូវការរបស់អ្នកទិញ ទាំងគុណភាពនិងបរិមាណ។

ចំណែកភាគីអ្នកទិញ ក៏ត្រូវបន្តសហការជាមួយសហគមន៍កសិកម្មឱ្យបានជាប្រចាំ ដើម្បីតម្រង់ទិសផលិតកម្មឱ្យបានតាមការចង់បានរបស់ខ្លួន និងបន្តពង្រីកទំហំការទិញ និងជួយស្វែងរកដៃគូអ្នកទិញផ្សេងៗទៀត ព្រោះថា ម្រេចក្នុងខេត្តត្បូងឃ្មុំ ក្នុងមួយឆ្នាំលើសពី ៥,០០០តោនឯណោះ។

គួរឱ្យដឹងថា សហគមន៍កសិកម្មទាំង ២ខាងលើនេះ មានកសិករដាំម្រេចចូលរួមអនុវត្តកិច្ចសន្យាចំនួន ១១៨គ្រួសារ ដោយមានការគាំទ្រថវិកាពីអង្គការ CAPRED អូស្ត្រាលី៕

អត្ថបទ៖ វីរៈ រូបភាព៖ មន្ទីរកសិកម្មខេត្តត្បូងឃ្មុំ

The post សហគមន៍កសិកម្មចំនួន២ ក្នុងខេត្តត្បូងឃ្មុំ ចុះកិច្ចសន្យាលក់ម្រេចខ្មៅ៤៥តោនជាមួយសហគ្រាសសេកពីរ appeared first on Millions times.

តាមដានជាមួយយើង៖ Million Times

ការឱ្យដឹងនេះ ស្របពេលដែលឯកឧត្តម ប៉ែន កុសល្យ អភិបាលខេត្តត្បូងឃ្មុំ កាលពីចុងសប្ដាហ៍កន្លងទៅនេះ បានដឹកនាំមន្ត្រីក្រោមឱវាទរបស់ខ្លួន ចុះពិនិត្យផលិតកម្មដំណាំកាហ្បេរបស់លោក ងួន សុជាតិ និងលោកស្រី ហេង ធីតា នៅភូមិកំពាន់ ឃុំកំពាន់ ស្រុកមេមត់ ខេត្តត្បូងឃ្មុំ។

នាឱកាសនោះ លោក ងួន សុជាតិ ម្ចាស់ចម្ការកាហ្វេ បានឱ្យដឹងថា ដោយពិនិត្យឃើញកាហ្វេ កំពុងពេញនិយមក្នុងស្រទាប់ប្រជាពលរដ្ឋទាំងទីក្រុង ទីប្រជុំ ជនបទ គ្រួសាររបស់លោក មានការចាប់អារម្មណ៍លើការដាំដំណាំកាហ្វេនេះ ហើយបានចាប់ផ្តើមដាំនៅឆ្នាំ២០២០ លើផ្ទៃដី ៥ហិកតា ដែលមកដល់ពេលនេះ ប្រមូលផលបាន ៣ឆ្នាំមកហើយ ដោយលោកលក់គ្រាប់កាហ្វេហាលស្ងួតទៅកាន់ទីផ្សារនៅភ្នំពេញ និងខេត្តកំពង់ចាម។

ដោយពិនិត្យឃើញតម្រូវការកាន់តែច្រើន គ្រួសារលោក ងួន សុជាតិ បានសម្រេចពង្រីកផ្ទៃដីដាំដុះបាន ៥ហិកតាទៀត ដែលគ្រោងប្រមូលផលដំបូងនៅឆ្នាំក្រោយនេះ។ លោក ងួន សុជាតិ សង្ឃឹមថា តម្រូវការកាហ្វេនៅតែច្រើន និងបានអំពាវនាវឱ្យមានការដាំដុះកាហ្វេកាន់តែច្រើន ក៏ដូចជាចងក្រងគ្នាជាក្រុម ឬជាសហគមន៍ ដើម្បីបង្ហាញឱ្យឃើញពីសក្តានុពលកាហ្វេក្នុងស្រុក ឈានទៅជំនួសគ្រាប់កាហ្វេនាំចូលពីក្រៅប្រទេស។

ចំណែកលោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ បានឱ្យដឹងដែរថា ស្រុកមេមត់ មានប្រវត្តិដាំដំណាំកាហ្វេនេះតាំងពីសម័យសង្គមរាស្ត្រនិយមមកម្លេះ ដោយជនជាតិបារាំងលើផ្ទៃដីប្រមាណ ២៤០ហិកតា។ លោកបន្ថែមថា ក្នុងរយៈពេលប៉ុន្មានឆ្នាំមកនេះ មានប្រជាកសិករចំនួន  ៤គ្រួសារ កំពុងដាំដំណាំកាហ្វេនេះលើផ្ទៃដីជាង ១៥ហិកតា ក្នុងស្រុកមេមត់នេះ។

នាឱកាសនោះដែរ ឯកឧត្តម ប៉ែន កុសល្យ អភិបាលខេត្តត្បូងឃ្មុំ បានកោតសរសើរដល់លោក ងួន សុជាតិ និងលោកស្រី ហេង ធីតា ដែលបានដាំដំណាំកាហ្វេនេះ ក៏ដូចជាចូលរួមគាសកកាយប្រវត្តិដំណាំកាហ្វេ ក្នុងស្រុកមេមត់នេះឡើងវិញ។ ឯកឧត្ដម បានអំពាវនាវឱ្យមានការដាំដុះកាន់ច្រើនពីកសិករផ្សេងៗទៀតនូវដំណាំកាហ្វេនេះ ហើយចង់ឃើញអ្នកដាំកាហ្វេចងក្រងគ្នាជាក្រុម ឬជាសហគមន៍កសិកម្ម៕

អត្ថបទ៖ វីរៈ រូបភាព៖ មន្ទីរកសិកម្មខេត្តត្បូងឃ្មុំ

The post នៅស្រុកមេមត់​ មានប្រវត្តិដាំដំណាំកាហ្វេតាំងពីសម័យសង្គមរាស្ត្រនិយមមកម្លេះ appeared first on Millions times.

តាមដានជាមួយយើង៖ Million Times

មិន​ខុស​ពី​រាល់ឆ្នាំ រដ្ឋបាល​ខេត្តត្បូងឃ្មុំ បាន​រៀបចំ​ព្រឹត្តិការណ៍​ពិធី​ចាប់​ត្រី​បែប​បុរាណ ជា​ទំនៀមទម្លាប់​ប្រជាពលរដ្ឋ ពី​ដូន​តា​ត​ជំនាន់​រាប់​រយ​ឆ្នាំ​មក​ហើយ នៅ​ភូមិ​សាទុំ ឃុំជាំក្រវៀន ស្រុកមេមត់។ សម្រាប់​ឆ្នាំ​នេះ បាន​រៀបចំ​ធ្វើ​នៅ​ថ្ងៃ១ ខែ​កុម្ភៈ ឆ្នាំ ២០២៥ ជា​ការ​បន្ត​ថែរក្សា​ទំនៀមទម្លាប់​ពី​បុរាណ​របស់​ពលរដ្ឋ។

ជារៀងរាល់​ឆ្នាំ ដើម​ខែ​កុម្ភៈ ប្រជាពលរដ្ឋនៅទីនោះ តែងតែ​ប្រារព្ធ​ពិធី​ចាប់​​ត្រី យក​មក​ចម្អិន​ហូប​ជុំ​គ្នា ដែល​ជា​ទំនៀមទម្លាប់​តាំង​ពី​ដើម​រហូត​រៀង​មក​ដល់​សព្វថ្ងៃ តែ​ជា​លក្ខណៈ​តាម​តំបន់​ក្នុងភូមិ-ស្រុក។

បើតាមការបញ្ជាក់ពីអាជ្ញាធរស្រុកមេមត់ ​នេះ​មាន​ឧបករណ៍ សម្រាប់​ចាប់​ត្រី​បែបបុរាណ​ដូចជា អង្រុត, ឈ្នាង, ត្រក, ក្អុះ ជាដើម។

គួរ​បញ្ជាក់​ថា បឹងត្រពាំងក្រម​ស្ថិត​ក្នុង​ភូមិ​សាទុំ ឃុំជាំក្រវៀន ស្រុក​មេមត់ ខេត្ត​ត្បូងឃ្មុំ មាន​ផ្ទៃ​ជម្រាល​ប្រមូល​ទឹក ៣០ ហិកតា និង​មាន​បឹង​តូច​ៗ ២០ បឹង ជា​សាខា ព្រម​ទាំង​មាន​រុក្ខជាតិ​លិច​ទឹក​ជាច្រើន​ប្រភេទ។

ប៉ុន្មាន​ឆ្នាំ​ចុង​ក្រោយ​នេះ ក្រោម​ការ​យក​ចិត្តទុកដាក់គិតគូខ្ពស់ពីសំណាក់រដ្ឋបាលខេត្ត បាន​រៀបចំ​ព្រឹត្តិការណ៍​នេះ​កាន់តែ​ធំ​ឡើង​ៗ ពិសេស​ដោយ​មាន​ការផ្សព្វផ្សាយពីសំណាក់ប្រព័ន្ធផ្សព្វផ្សាយរដ្ឋ ក្រសួងព័ត៌មាន មានមន្ទីរព័ត៌មានខេត្តត្បូងឃ្មុំ និង​ប្រព័ន្ធ​ផ្សព្វផ្សាយ​ឯកជន​នានា ធ្វើឲ្យ​ពលរដ្ឋ​ជិត​ឆ្ងាយ​បាន​ឃើញ បាន​ដឹង និង​ចាប់អារម្មណ៍​ចូលរួម​រាប់​ម៉ឺន​នាក់ ច្រើន​កកកុញ កុះករ ក្នុង​នោះ​ក៏​មាន​ភ្ញៀវ​ទេស​ចរ​បរទេស​​ផងដែរ៕

អត្ថបទ៖ មេរ៉ា៖ រូបភាព៖ រដ្ឋបាលខេត្តត្បូងឃ្មុំ

The post ប្រពៃណីចាប់ត្រីបុរាណដ៏ធំប្រចាំកម្ពុជា នៅត្បូងឃ្មុំ ទាក់ទាញទាំងបរទេសចូលរួម appeared first on Millions times.

លោក ឃឹម ហ្វីណង់ អ្នកនាំពាក្យក្រសួងកសិកម្ម តាមរយៈទំព័រហ្វេសប៊ុក នៅថ្ងៃទី ២២ ខែមិថុនានេះ បានឲ្យដឹងថា ក្រុមប្រជាកសិករអ្នកដាំម្រេច នៅស្រុកមេមត់​ ខេត្តត្បូងឃ្មុំ ចំនួន ៤០គ្រួសារ មានម្រេចជាង ១០ម៉ឺនជន្លង់ បានស្ម័គ្រចិត្តរួមគ្នា ចង់ចងក្រងជាសហគមន៍កសិកម្មទំនើប។

តាមដានជាមួយយើង៖ Million Times

លោកបន្តថា ប្រសិនបើលទ្ធផលនៃការសិក្សាសមិទ្ធិលទ្ធភាព (Feasibility Study) បង្ហាញថា អាចទៅរួច នៅកម្ពុជា នឹងមានសហគមន៍កសិកម្មទំនើបមួយទៀត សម្រាប់ដំណាំម្រេចក្នុងពេលឆាប់ៗនេះ នៅក្នុងខេត្តត្បូងឃ្មុំ។

បើតាមអ្នកនាំពាក្យរូបនេះ កម្ពុជាផលិតម្រេចបានជិត ២ម៉ឺនតោនក្នុងមួយឆ្នាំៗ ដែលភាគច្រើនចេញពីខេត្តត្បូងឃ្មុំនេះតែម្តង។ ប្រសិនបើប្រជាកសិករអ្នកដាំម្រេចនៅក្នុងមួយខេត្តនេះ រួមគ្នាជាសហគមន៍ដ៏ធំមួយ កម្លាំងតែមួយ និងទិសដៅតែមួយ លោក ឃឹម ហ្វីណង់ ជឿជាក់ថា កម្ពុជា នឹងអាចគ្រប់គ្រងដំណាំដ៏មានសក្តានុពលនេះ ប្រកបដោយប្រសិទ្ធភាពសេដ្ឋកិច្ច។

ម្យ៉ាងទៀត កម្ពុជា ក៏អាចគ្រប់គ្រងបានទាំងថ្លៃ និងទីផ្សារ និងអាចកែច្នៃហើយចាំនាំចេញពីកម្ពុជាដោយខ្លួនឯងប្រកបដោយភាពប្រកួតប្រជែង ដោយមិនចាំបាច់ពឹងផ្អែកលើប្រទេសដទៃឡើយ៕

អត្ថបទ៖ វីរៈ រូបភាព៖ លោក ឃឹម ហ្វីណង់

The post កម្ពុជា អាចផលិតម្រេចបានជិត ២ម៉ឺនតោនក្នុងមួយឆ្នាំៗ appeared first on Millions times.