តាមដានជាមួយយើង៖ Million Times

ក្រសួងធនធានទឹក និងឧតុនិយម នៅថ្ងៃទី២៨ ខែកុម្ភៈនេះ បានបង្ហាញវីដេអូ 3D អំពីគម្រោងអភិវឌ្ឍន៍ធនធានទឹកស្ទឹងឃ្លៀច ដែលមានទីតាំងស្ថិតក្នុងភូមិត្រពាំងថ្មៀរ ឃុំតាសាល និងភូមិសាមគ្គី ឃុំរស្មីសាមគ្គី ស្រុកឱរ៉ាល់ ខេត្តកំពង់ស្ពឺ ដែលមានចម្ងាយប្រមាណ ៨២គីឡូម៉ែត្រ ពីក្រុងច្បារមន នៃខេត្តកំពង់ស្ពី និងប្រហែល ១២០គីឡូម៉ែត្រ ពីរាជធានីភ្នំពេញ។

ក្រសួងធនធានទឹក បានឱ្យដឹងថា ហេដ្ឋារចនាសម្ព័ន្ធសំខាន់ៗ ក្នុងគម្រោងអភិវឌ្ឍន៍ធនធានទឹកស្ទឹងឃ្លៀច ដែលត្រូវសាងសង់ រួមមាន៖ តួទំនប់មេ (១កន្លែង) ទំនប់បង្ហៀរ (១កន្លែង) ទ្វារទឹក (១កន្លែង) អគារគ្រប់គ្រងទំនប់ (១កន្លែង) ផ្លូវចូលទីតាំងគម្រោងប្រវែង ១៣ គីឡូម៉ែត្រ ចំនួន ១ខ្សែ និងសំណង់លូដោះទឹកនានាតាមបណ្តោយផ្លូវ ដោយតាមគម្រោងត្រូវចំណាយពេលសាងសង់ចំនួន ៣៦ខែ ចាប់ផ្តើមនៅខែធ្នូ ឆ្នាំ២០២៥ រហូតដល់ខែធ្នូ ឆ្នាំ២០២៨។

ក្រសួងធនធានទឹក បានបញ្ជាក់ថា ទំនប់ទឹកស្ទឹងឃ្លៀច ដើរតួនាទីយ៉ាងសំខាន់ក្នុងការធានាសន្តិសុខទឹក តាមរយៈការផ្គត់ផ្គង់ទឹកស្រោចស្រពលើផ្ទៃដីស្រូវវស្សាចំនួន ៣៥,០០០ហិកតា និងស្រូវប្រាំងចំនួន ៥,០០០ ហិកតា។

ក្រៅពីបម្រើឱ្យវិស័យកសិកម្ម គម្រោងនេះ ក៏ផ្ដល់នូវប្រភពទឹកស្អាតសម្រាប់ប្រើប្រាស់ប្រចាំថ្ងៃ និងគាំទ្រដល់ខ្សែច្រវាក់ផលិតកម្មក្នុងវិស័យឧស្សាហកម្ម គ្របដណ្ដប់លើភូមិសាស្ត្ររាជធានីភ្នំពេញ ខេត្តកំពង់ស្ពឺ កណ្ដាល និងខេត្តតាកែវ៕

អត្ថបទ៖ វីរៈ​ រូបភាព៖ ក្រសួងធនធានទឹក

The post ទំនប់ទឹកស្ទឹងឃ្លៀច នៅពេលសាងសង់រួចរាល់នឹងដើរតួនាទីយ៉ាងសំខាន់ក្នុងការធានាសន្តិសុខទឹក appeared first on Millions times.

តាមដានជាមួយយើង៖ Million Times

លើបណ្តាញសង្គមនាយករដ្ឋមន្រ្តីនៅថ្ងៃសុក្រនេះ បានបញ្ជាក់ថា ក្រោយពីបានដកបង្គោលព្រំដី គឺបានផ្តល់នូវស្នាមញញឹម និងពោរពេញដោយក្តីអំណរសាទរ ក៏ដូចជាការថ្លែងអំណរគុណដ៏ជ្រាលជ្រៅពីសំណាក់សហគមន៍ និងប្រជាពលរដ្ឋ ដែលជាអ្នកបម្រើសេវាកញ្ចប់ទេសចរណ៍ពឹងលើសម្រស់ធម្មជាតិដ៏ស្រស់ស្អាតនៃតំបន់ទេសចរណ៍ខ្នងផ្សារ ដែល សម្តេចនាយករដ្ឋមន្ត្រី បានយកចិត្តទុកដាក់ និងដោះស្រាយនូវទុក្ខកង្វល់របស់ប្រជាសហគមន៍ ហើយសម្រេចឱ្យថែរក្សានូវលក្ខណ:ធម្មជាតិដូចដែលកំពុងមានស្រាប់ និងជាភាពទាក់ទាញសម្រាប់អ្នកទេសចរជាតិ និងអន្តរជាតិ។

ក្នុងដំណើរឆ្មក់ឡើងទៅកាន់តំបន់ភ្នំខ្នង់ផ្សារកាលពីថ្ងៃ៨ ខែមីនា សម្តេច ហ៊ុន ម៉ាណែត សម្រេចឱ្យលុបចោលគម្រោងអភិវឌ្ឍន៍នៅលើតំបន់ទេសចរណ៍ភ្នំខ្នងផ្សារ តាមរយ:ការដកមកវិញនៅដីដែលមានការបោះបង្គោលព្រំ ដើម្បីថែរក្សាឱ្យបាននូវស្ថានភាពដើមនៃធម្មជាតិ សម្រាប់បម្រើជាឧត្តមប្រយោជន៍ដល់សហគមន៍ និងអ្នកទេសចរ ដោយមិនអនុញ្ញាតឱ្យមានការវិនិយោគនៅលើភ្នំឡើយ។

បើតាមក្រសួងបរិស្ថាន ការចុះពិនិត្យផ្ទាល់នេះ ដើម្បីសិក្សារៀបចំហេដ្ឋារចនាសម្ព័ន្ធគាំទ្រ និងសេវាកម្មគាំទ្រ ដូចជាផ្លូវ បន្ទប់ទឹក កន្លែងលក់អាហារ កន្លែងសង្គ្រោះបន្ទាន់ ទៅតាមស្តង់ដារ និងទុកជាប្រយោជន៍ជូនសហគមន៍ ដើម្បីធ្វើឱ្យប្រសើរឡើងនូវការផ្តល់សេវាជូនទេសចរដែលមកកម្សាន្តនៅទីនេះ។ លើសពីនេះក៏បានសិក្សាធ្វើឱ្យប្រសើរឡើងនូវប្រព័ន្ធផ្គត់ផ្គង់ទឹកនៅលើតំបន់ភ្នំខ្នងផ្សារ ក៏ដូចជាសម្រាប់ប្រជាពលរដ្ឋរស់នៅតំបន់ជើងភ្នំផងដែរ។  

សូមបញ្ជាក់ថា ភ្នំខ្នងផ្សារ ជាតំបន់ព្រៃភ្នំដ៏ធំមួយ មានទីតាំងប្រសព្វមុំបីដែលផ្សាភ្ជាប់ខេត្តចំនួនបីគឺ កំពង់ស្ពឺ កោះកុង និងពោធិ៍សាត់។ នៅទីនេះ គឺជាតំបន់មួយដែលសំបូរទៅព្រៃឈើក្រាស់ ជ្រលងភ្នំខ្ពស់ៗ វាលស្រល់ដ៏ស្រស់ស្អាត និងសំបូរទៅដោយសត្វព្រៃកម្រជាច្រេីនប្រភេទ។ វាមានកម្ពស់ប្រហែល១០១៧ម៉ែត្រ ដែលអាចមើលឃើញទេសភាពបាន ៣៦០ដឺក្រេ ដែលស័ក្តិសមបំផុតសម្រាប់អ្នកដែលចូលចិត្តដើរភ្នំ។ ភ្នំខ្នងផ្សារ មានទេសភាពស្អាតគ្រប់រដូវកាល ដែលមានចម្ងាយប្រមាណ១៦៥គីឡូម៉ែត្រពីរាជធានីភ្នំពេញ។ នៅទីនេះ កន្លងមកមានសហគមន៍ទេសចរណ៍ខ្នងផ្សារ ដែលមានសេវាកម្មសម្រាប់ផ្តល់ជូនដល់ភ្ញៀវទេសចរដែលចង់មកលេងកម្សាន្ត៕

អត្ថបទ៖ សាងតេជៈ រូបភាព៖ ក្រសួងបរិស្ថាន

The post រដ្ឋមន្ត្រី២រូប និងអាជ្ញាធរ ស្រាក់ដៃគ្នាឡើងភ្នំខ្នងផ្សារចុះដកបង្គោលព្រំដី ៤០ហិកតាពីក្រុមហ៊ុនឲ្យសហគមន៍វិញ appeared first on Millions times.

តាមដានជាមួយយើង៖ Million Times

រីសតស្ទឹងថ្វីគំនិត នៅ​ជាប់​មាត់​ទឹក​ស្ទឹង​បង្កើយ ធ្វើឲ្យ​អ្នក​ដំណើរ​ទៅ​កម្សាន្ត​អាច​ចុះ​លេង​ទឹក​បាន ដូច​ខែ​នេះ ទឹក​ស្ទឹង​រាក់ ហើយ​មាន​សភាព​ថ្លាឈ្វេង អាច​ដើរ​លេង​ក្នុង​ទឹក​រាក់​ៗ​យ៉ាង​រីករាយ​តែម្ដង។

ក្រៅពី​មាន​ទឹកស្ទឹង​នៅ​ខាង​មុខ​កន្លែង​គេ​ហើយ ក៏​នៅ​មាន​ជ្រលង​ភ្នំ គួរ​ជា​ទី​គយគន់​ទេសភាព​ដ៏​ស្រស់​បំព្រង​​នា​ពេល​ព្រឹកព្រលឹម មក​ជាមួយ​ខ្យល់​បក់​ល្ហៀក​ៗ​ជួយ​ឲ្យ​អារម្មណ៍​កាន់តែ​ស្រស់ស្រាយ ហើយ​មាន​កម្លាំង​ឡើង​វិញ។ ចំណុច​ពិសេស​មួយ​ទៀត​នៃ​ រីសតនេះ មាន​ទឹកហូរខួបប្រាំងវស្សា អម​ដោយសំឡេបក្សាបក្សីឆ្លងឆ្លើយគ្នា ប្រៀបបីដូចតន្រ្តីប្រគំ​ឲ្យ​ស្ដាប់។

ផ្ទះ​តូច​ៗ​បែប​លក្ខណៈ​គ្រួសារ ខាង​ក្នុង​មាន​​​ពូក​ទន់​ៗ ព្រមជា​មួយ​បន្ទប់ទឹក​មាន​អនាម័យ រីសត មួយនេះ ទទួល​បាន​ភ្ញៀវ​ពេញ​ៗ​រាល់​ថ្ងៃ​សម្រាក​បុណ្យ​ជាតិ និង​ចុង​សប្ដាហ៍។ រីសត​ស្ទឹង​ថ្វី​គំនិត មាន​ទេសភាព​ស្អាត​ស្ថិត​នៅ​ជ្រលង​ភ្នំ ហើយ​នៅ​ជិត​ទឹក​ធ្លាក់​ជ្រាវ ដែល​មាន​ចម្ងាយ ១០០ គីឡូ​ម៉ែត្រ​ពី​រាជធានី​ភ្នំពេញ។ នៅ​រី​សត​មួយ​នេះ ក្រៅពី​មាន​បន្ទប់​ស្នាក់នៅ​យ៉ាង​ស្រស់​ស្អាត​ហើយ​នោះ ភ្ញៀវ​ដែល​ចង់​​បោះតង់​ក៏​អាច​មក​ប្ដូរ​បរិយាកាស​គេង​មើល​ផ្កាយ​ដ៏​ភ្លឺចិញ្ចាច​នៅ​ខាងក្រៅ។

ក្រៅពី​កន្លែង​ស្នាក់នៅ អាកាសធាតុ​ត្រជាក់​ស្រួល​ធ្វើឲ្យ​អារម្មណ៍​ស្រស់​ស្រាយ អាហារ​នៅ​ទី​នោះ​ក៏​ឆ្ងាញ់ ភ្ញៀវ​ទេសចរ​ពិតជា​បាន​សោយសុខ​ដោយ​ការ​អាហារ ក្រោម​ពន្លឺ​​ព្រះអាទិត្យ​ក្រោម​ផ្ទៃមេឃ​ខៀវ​ស្រងាត់។

ចំណែក​តាម​ដង​ផ្លូវ​ដែល​ត្រូវ​ធ្វើ​ដំណើរ​មក​កាន់​រីសត ពោរពេញ​ទៅ​ដោយ​ធម្មជាតិ​បៃតង​ខ្ចី សាក​ស្រមៃ​បើកឡាន​ទម្លាក់​កញ្ចក់ ស្រូប​យក​ក្លិន​រុក្ខជាតិ​ក្រអូប​ប្រហើរ ធ្វើ​ឲ្យ​អារម្មណ៍​យើង​ស្រស់ស្រាយ ខ្ចាយ​អស់​ទុក្ខ​កង្វល់​មួយ​អន្លើ៕

អត្ថបទ៖ មេរ៉ា, រូបភាព៖ Stung Thvey Kumnit Resort – រីសតស្ទឹងថ្វីគំនិត

The post រីសតស្ទឹងថ្វីគំនិត កន្លែងសម្រាកលំហែកាយជាប់មាត់ទឹក និងជ្រលង​ភ្នំ ព័ទ្ធជុំវិញ appeared first on Millions times.

តាមដានជាមួយយើង៖ Million Times

លោកស្រី ចាង វេនហ្សា បាន​លើក​ឡើង​ថា កំពង់ស្ពឺ គឺជា​ខេត្ត​ដែល​មាន​សក្ដានុពល​ខ្លាំង​ស្រប​តាម​ចក្ខុវិស័យ​របស់​លោកស្រី​ដែល​ចង់​ដាក់​ទុន​រកស៊ី ពិសេស​ជា​ខេត្ត​គោលដៅ សម្រាប់​ក្រុមហ៊ុន​ដាក់​ស្នាក់​ការ​កណ្ដាល សម្រាប់​កិច្ចការ​ទីផ្សារ​កម្ពុជា អាស៊ីអាគ្នេយ៍ និង​អន្តរជាតិ។

អគ្គ​នាយិកា​ក្រុមហ៊ុន ARK Electronics Group បញ្ជាក់​ថា ឆាប់​ៗ​ខាង​មុខ​នេះ​បាន​បញ្ជាក់ថា សួន​ឧស្សាហកម្ម​ដែល​ក្រុមហ៊ុន​គ្រោង​នឹង​បើក​នេះ គឺ​ផ្ដោត​លើ​កែ​ច្នៃ​ផលិតផល​កសិកម្ម ជាមួយ​នឹង​អត្តសញ្ញាណ និង​យីហោ​ផលិតផល​ខ្មែរ ធ្វើ​សួន​ឧស្សាហកម្ម បង្គំ​គ្រឿង​អេឡិចត្រូនិក និង​ផលិត​ឈីប​ពាក់​កណ្ដាល​សម្រេច​ ព្រម​ទាំង​សួន​ឧស្សាហកម្ម​ដទៃ​ទៀត ដែល​បម្រើ​ឲ្យ​តម្រូវការ​ជាក់ស្ដែង​របស់​ខ្សែ​ចង្វាក់​ផលិតកម្ម​របស់​ខ្លួន​នៅ​ឯ​ប្រទេស​ចិន។

ក្នុង​គម្រោង​នេះ នឹង​មាន​សួន​ឧស្សាហកម្ម​សរុប ១៤ ដែល​នឹង​ត្រូវ​ស្ថាបនា​លើ​ផ្ទៃដី​ប្រមាណ ១០០០ ហិកតា ក្រោម​ទុន​វិនិយោគ​ប្រមាណ ១.៣ ពាន់​លាន​ដុល្លារ​អាមេរិក ដោយ​រំពឹង​ថា​នឹង​ប្រើប្រាស់​កម្លាំង​កម្មករ កម្មការិនី សរុប​ជាង ៣ ០០០ នាក់។

ជុំវិញ​រឿង​នេះ​អភិបាល​ខេត្ត​កំពង់ស្ពឺ ជាម ច័ន្ទសោភ័ណ បាន​លើក​ឡើង​ថា ការ​ជ្រើស​យក​ខេត្ត​កំពង់ស្ពឺ ជា​ខេត្ត​គោល​ដៅ សម្រាប់​វិនិយោគ​របស់​ក្រុមហ៊ុន​ជា​ការ​សម្រេច​ចិត្ត​ដ៏​ត្រឹមត្រូវ ហើយ​លោក​រំពឹង​ថា វត្តមាន​សួន​ឧស្សាហកម្ម​ថ្មី​មួយ​នេះ នឹង​ជួយ​បង្កើត​ឱកាស​ការងារ​ដល់​ប្រជាពលរដ្ឋ​ខេត្ត​កំពង់ស្ពឺ និង​បណ្ដា​ខេត្ត​ផ្សេង​ទៀត។

នាយិកា​ក្រុមហ៊ុន​នេះ បញ្ជាក់​ថា សួនឧស្សាហកម្មថ្មីនេះ នឹង​ដំណើការ​ដោយ​ការ​ប្រើប្រាស់​បច្ចេកវិទ្យា AI និង Technology ឧស្សាហកម្ម​ចុង​ក្រោយ​បំផុត (360° Service System) ដែល​អាច​សន្និដ្ឋាន​បាន​ថា ជា​​សួន​ឧស្សាហកម្ម​ដែល​នាំ​មក​នូវ​បច្ចេកវិទ្យា​ចុង​ក្រោយ ឲ្យ​មាន​វត្តមាន​នៅ​កម្ពុជា៕

អត្ថបទ៖ មេរ៉ា, រូបភាព cpp.org.kh

The post ក្រុមហ៊ុនចិនគ្រោងទម្លាក់ទុន ១.៣ ពាន់លានដុល្លារ បើកសួនឧស្សាហកម្មថ្មីនៅកំពង់ស្ពឺ កែច្នៃផលិតផល​ខ្មែរ appeared first on Millions times.

ការស្នើនេះ គឺបន្ទាប់ពីក្រុមវិនិយោគិនចិនទាំងនោះ បានជួបជាមួយលោក ជាម ច័ន្ទសោភ័ណ​ អភិ​បាលខេត្តកំពង់ស្ពឺ​ កាលពីថ្ងៃទី ១៦ ខែកក្កដាកន្លងទៅនេះ។ ក្នុងជំនួបនេះ​ឧកញ៉ាជឹម ឃាង ដែលដឹកនាំ​វិនិយោគិន​ចិនទាំង​ ៥០នាក់នោះ បានឲ្យដឹងថា ដោយ​មើល​ឃើញ​​ពីកត្តាសុខសន្តិភាព ក្រោមការដឹកនាំរបស់រាជរដ្ឋាភិបាល ពិសេសក្រោមការដឹកនាំរបស់សម្តេចធិ​បតី ហ៊ុន ម៉ាណែត នាយ​ក​រដ្ឋ​មន្ត្រីកម្ពុជា, អ្នកវិនិយោគទាំងអស់ ដែលមកពីប​ណ្តា​ក្រុម​ហ៊ុ​ននៃ​​​ខេ​ត្ត​ជឺ​ជាង បានផ្តោតកា​រ​​ចាប់​អារម្ម​ណ៍​ខ្លាំង​លើ​ប្រទេស​​កម្ពុជា។ ក្នុងនោះ បានយ​កខេត្ត​កំ​ព​ង់​ស្ពឺ​ជា​ខេត្ត​គោ​​លដៅ។

តាមដានជាមួយយើង៖ Million Times

ឧកញ៉ារូបនេះ បានបញ្ជាក់ថា ការដាក់គោលដៅរបស់ក្រុមអ្នកវិនិយោគនេះ គឺដោ​យមើ​ល​ឃើ​ញពី​ស​ក្តា​នុ​ព​លរ​បស់​ខេត្ត​កំពង់​ស្ពឺ និងភាពអំណោយផលនៃភូមិសាស្ត្រ ពិសេសកម្ពុជាមានវិស័យគមនាគមន៍ដ៏ល្អ ដែ​​ល​បា​នផ្តល់ភាពងាយស្រួល ដល់កា​រ​ដឹក​នាំក​សិផល ផលិតផលទៅកាន់កំពង់ផែ ទើប​​អ្ន​ក​វិ​និយោ​គ​រ​ប​ស់ចិ​នចុះមកសិក្សា ស្វែងយល់ពីវិស័យ​អាទិភាព​ទាំង​អស់​ខាង​លើ។

បន្ថែមលើនេះ អ្ន​ក​វិ​និ​យោ​គទាំងនោះ បានស្នើឲ្យរា​ជ​រដ្ឋាភិបាល ពិសេសរដ្ឋបាលខេត្តកំពង់ស្ពឺ ត្រៀមនូវ​កម្លាំង​ពល​កម្ម ​និង​ធ​នធានមនុស្ស​គ្រ​ប់​គ្រា​ន់​ ស​ម្រា​ប់​ប​ម្រើ​ដល់ដំណើរការវិនិយោគរបស់ខ្លួន នាពេលខាងមុខផងដែរ។

ក្នុងជំនួបដដែលនេះ លោក ជាម ច័ន្ទសោភ័ណ​ អភិ​បាលខេត្តកំពង់ស្ពឺ​ ដែលទើបចូលកាន់តំណែងថ្មីៗនេះ បានបង្ហាញ​ពីវិស័យ​សក្ដនានុពលចំនួន ​៥ដល់​វិនិយោគិន​ រួមមាន៖ វិស័យ​​កសិកម្ម កសិ​ឧស្សា​ហ​កម្ម វិស័យរ៉ែនិងថាម និងវិស័យឧស្សាហកម្ម។

លោកបន្ថែមថា សម្រាប់ខេត្តកំពង់ស្ពឺ បច្ចុប្បន្ន​មាន​​​រោ​ង​ចក្រ​សហ​​គ្រាសប្រមាណជាង ៤០០កន្លែង និងមានកម្មករ និយោជិតជាង ១៦ម៉ឺននាក់ធ្វើការ។ នៅក្នុ​ង​រ​ង្វង់រោងចក្រ សហ​គ្រាស​កាត់​ដេរ​សម្លៀកបំពាក់ ស្បែកជើង របស់របរប្រើប្រាស់ និងរបស់ធ្វើដំណើរ សព្វថ្ងៃទាំ​ង​ជា​​ង ៤​០០កន្លែងនេះ គឺអ្នកវិនិ​យោគ​ចិន​ស្រូបទាញជាងដល់ទៅ ៩០ភាគរយទៅហើយ។

លោកអភិបាលខេត្តកំពង់ស្ពឺ រំពឹងថា នៅឆ្នាំ ២០២៤ អ្នកវិនិយោគចិននៅតែខ្លាំង ​ជា​ង​ប​ណ្តា​អ្នក​វិនិយោគ​នៃ​ប្រ​ទេស​ផ្សេងៗ ជុំវិញពិភពលោកសម្រាប់មកដាក់វិនិយោគទុននៅកម្ពុជា ពិសេ​ស​ខេ​ត្តកំ​ពង់ស្ពឺ៕

អត្ថបទ៖ វីរៈ រូបភាព៖ រដ្ឋបាលខេត្តកំពង់ស្ពឺ

The post វិនិយោគិនចិន ឲ្យអាជ្ញាធរខេត្តកំពង់ស្ពឺត្រៀមកម្លាំង​ពល​កម្ម ខណៈពួកគេត្រៀមវិនិយោគក្នុងខេត្តសក្ដានុពលមួយនេះ   appeared first on Millions times.

យោងតាមដីការបស់រដ្ឋបាលខេត្តកំពង់ស្ពឺ ស្ដីពី ការប្រកាសបដិសេធ និងដកហូតដីព្រៃឈើ​ក្នុងដែនជម្រកសត្វព្រៃឱរ៉ាល់ ចុះថ្ងៃទី ៧ ខែមិថុនា ឆ្នាំ ២០២៤ បានសម្រេចថា ត្រូវបានប្រកាសបដិសេធ និងដកហូតដីព្រៃឈើ ដែលទទួលរងនូវការកាន់កាប់យកដីរបស់រដ្ឋ ដើម្បីវាតយកដីធ្វើកម្មសិទ្ធិដោយខុសច្បាប់ លើទីតាំងដីចំនួន ៣កន្លែង ដែលមានផ្ទៃដីសរុប ៣ ៤៣៤ហិកតា ក្នុងដែនជម្រកសត្វព្រៃភ្នំឱរ៉ាល់ ស្ថិតក្នុងភូមិសាស្ត្រឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។ ក្នុងនោះដែរ រដ្ឋបាលខេត្តកំពង់ស្ពឺ ទុករយៈពេល ៣០ថ្ងៃ នៃថ្ងៃធ្វើការ សម្រាប់ទុកសិទ្ធិដើម្បីធ្វើការតវ៉ា។

ជាការកត់សម្គាល់ រដ្ឋបាលខេត្តកំពង់ស្ពឺ ក្នុងរយៈពេលជាង ៥ខែ ឆ្នាំ ២០២៤នេះ បានសម្រេចដកហូតដីព្រៃជាង ១ ៤០០ហិកតា ស្ថិតក្នុងស្រុកឱរ៉ាល់ ខេត្តកំពង់ស្ពឺ មកធ្វើជាទ្រព្យសម្បត្តិរដ្ឋវិញ ក្រោយពីមានការវាតយកដីធ្វើជាកម្មសិទ្ធិខុសច្បាប់។

កាលពីថ្ងៃទី ១៣ ខែមេសា ឆ្នាំ ២០២៤ រដ្ឋបាលខេត្តកំពង់ស្ពឺ បានចេញដីកាមួយ ដោយសម្រេចបដិសេធ និងដកហូតដីព្រៃឈើ ដែលទទួលរងនូវការកាប់គាស់ រុករាន ទន្ទ្រានយកដីព្រៃរបស់រដ្ឋ ដើម្បីវាតយកដីធ្វើកម្មសិទ្ធិដោយខុសច្បាប់ លើទីតាំងដីចំនួនមួយកន្លែង ដែលមានផ្ទៃដីសរុប ១៣៦ហិកតា ស្ថិតក្នុងដែនជម្រកសត្វព្រៃភ្នំឱរ៉ាល់ ត្រង់ចំណុចប៉ុយរ៉ុយ ភូមិសាស្ត្រ ភូមិសំរោង ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។

កាលពីថ្ងៃទី ២៥ ខែមេសា ឆ្នាំ ២០២៤ រដ្ឋបាលខេត្តកំពង់ស្ពឺ បានចេញដីកាមួយដែរ ដោយបានសម្រេចបដិសេធ និងដកហូតដីព្រៃឈើ ដែលមានផ្ទៃដីសរុប ៣៧៤ហិកតា ៩៣អារ ស្ថិតក្នុងដែនជម្រកសត្វព្រៃភ្នំឱរ៉ាល់ ស្ថិតក្នុងភូមិសាស្ត្រភូមិ ត្រពាំងធៀ ឃុំ តាសាល ស្រុកឱរ៉ាល់ ខេត្តកំពង់ស្ពឺ។

ចំណែកកាលពីថ្ងៃទី ២១ ខែឧសភា ឆ្នាំ ២០២៤ រដ្ឋបាលខេត្តកំពង់ស្ពឺ ក៏បានចេញដីកាមួយទៀត ដោយបានសម្រេចត្រូវបដិសេធ និងដកហូតដីព្រៃឈើ ដែលមានផ្ទៃដីសរុប ៨៩៣ហិកតា ក្នុងដែនជម្រកសត្វព្រៃភ្នំឱរ៉ាល់ ស្ថិតក្នុងភូមិសាស្រ្តភូមិពោធិ៍មាស ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។

កាលពីថ្ងៃទី ២៧ ខែឧសភា ឆ្នាំ ២០២៤ រដ្ឋបាលខេត្តកំពង់ស្ពឺ ក៏បានចេញដីកាមួយទៀតដែរ ដោយបានសម្រេចបដិសេធ និងដកហូតដីព្រៃឈើ ដែលទទួលរងនូវការកាន់កាប់យកដីរបស់រដ្ឋ ដើម្បីវាតយកដីធ្វើកម្មសិទ្ធិដោយខុសច្បាប់ លើទីតាំងដីចំនួន ២កន្លែង ដែលមានផ្ទៃដីសរុប ៥៧ហិកតា ៧៩អារ ក្នុងដែនជម្រកសត្វព្រៃភ្នំឱរ៉ាល់ ស្ថិតក្នុងភូមិសាស្រ្ដភូមិអូអញ្ចារ ឃុំតាសាល ស្រុកឱរ៉ាល់ ខេត្តកំពង់ស្ពឺ៕

អត្ថបទ៖ វីរៈ រូបភាព៖ បណ្ដាញសង្គម

តាមដានជាមួយយើង៖ Million Times

The post ដកហូតដីព្រៃឈើ​ក្នុងដែនជម្រកសត្វព្រៃភ្នំឱរ៉ាល់ចំនួន ៣ ៤៣៤ហិកតាថែមទៀត បន្ទាប់ពីត្រូវកាន់កាប់ដោយខុសច្បាប់ appeared first on Millions times.

តាមដីការបស់រដ្ឋបាលខេត្តកំពង់ស្ពឺ ស្ដីពី ការប្រកាសបដិសេធ និងដកហូតដីព្រៃឈើ ក្នុងដែនជម្រកសត្វព្រៃភ្នំឱរ៉ាល់ ចេញកាលពីថ្ងៃទី ២៧ ខែឧសភា ឆ្នាំ ២០២៤ បានសម្រេចថា ត្រូវបានប្រកាសបដិសេធ និងដកហូតដីព្រៃឈើ ដែលទទួលរងនូវការកាន់កាប់យកដីរបស់រដ្ឋ ដើម្បីវាតយកដីធ្វើកម្មសិទ្ធិដោយខុសច្បាប់ លើទីតាំងដីចំនួន ២កន្លែង ដែលមានផ្ទៃដីសរុប ៥៧ហិកតា  ៧៩អារ ក្នុងដែនជម្រកសត្វព្រៃភ្នំឱរ៉ាល់ ស្ថិតក្នុងភូមិសាស្រ្ដភូមិអូអញ្ចារ ឃុំតាសាល ស្រុកឱរ៉ាល់ ខេត្តកំពង់ស្ពឺ ដែលមានចំណុចនិយាមកា និងផែនទីបង្ហាញទីតាំងដីភ្ជាប់មកជាមួយស្រាប់។ រដ្ឋបាលខេត្តកំពង់ស្ពឺ បានទុកពេលវេលាកំណត់រយៈពេល ៣០ថ្ងៃ នៃថ្ងៃធ្វើការសម្រាប់ទុកសិទ្ធិដើម្បីធ្វើការតវ៉ា។

ជាការកត់សម្គាល់ រដ្ឋបាលខេត្តកំពង់ស្ពឺ ក្នុងរយៈពេលជិត ៥ខែ ឆ្នាំ ២០២៤នេះ បានសម្រេចដកហូតដីព្រៃជាង ១ ៤០០ហិកតា ស្ថិតក្នុងស្រុកឱរ៉ាល់ ខេត្តកំពង់ស្ពឺ មកធ្វើជាទ្រព្យសម្បត្តិរដ្ឋវិញ ក្រោយពីមានការវាតយកដីធ្វើជាកម្មសិទ្ធិខុសច្បាប់។

កាលពីថ្ងៃទី ១៣ ខែមេសា ឆ្នាំ ២០២៤ រដ្ឋបាលខេត្តកំពង់ស្ពឺ បានចេញដីកាមួយ ដោយសម្រេចបដិសេធ និងដកហូតដីព្រៃឈើ ដែលទទួលរងនូវការកាប់គាស់ រុករាន ទន្ទ្រានយកដីព្រៃរបស់រដ្ឋ ដើម្បីវាតយកដីធ្វើកម្មសិទ្ធិដោយខុសច្បាប់ លើទីតាំងដីចំនួនមួយកន្លែង ដែលមានផ្ទៃដីសរុប ១៣៦ហិកតា ស្ថិតក្នុងដែនជម្រកសត្វព្រៃភ្នំឱរ៉ាល់ ត្រង់ចំណុចប៉ុយរ៉ុយ ភូមិសាស្ត្រ ភូមិសំរោង ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។

កាលពីថ្ងៃទី ២៥ ខែមេសា ឆ្នាំ ២០២៤ រដ្ឋបាលខេត្តកំពង់ស្ពឺ បានចេញដីកាមួយដែរ ដោយបានសម្រេចបដិសេធ និងដកហូតដីព្រៃឈើ ដែលមានផ្ទៃដីសរុប ៣៧៤ហិកតា ៩៣អារ ស្ថិតក្នុងដែនជម្រកសត្វព្រៃភ្នំឱរ៉ាល់ ស្ថិតក្នុងភូមិសាស្ត្រភូមិ ត្រពាំងធៀ ឃុំ តាសាល ស្រុកឱរ៉ាល់ ខេត្តកំពង់ស្ពឺ។

ចំណែកកាលពីថ្ងៃទី ២១ ខែឧសភា ឆ្នាំ ២០២៤ រដ្ឋបាលខេត្តកំពង់ស្ពឺ ក៏បានចេញដីកាមួយទៀត ដោយបានសម្រេចត្រូវបដិសេធ និងដកហូតដីព្រៃឈើ ដែលមានផ្ទៃដីសរុប ៨៩៣ហិកតា ក្នុងដែនជម្រកសត្វព្រៃភ្នំឱរ៉ាល់ ស្ថិតក្នុងភូមិសាស្រ្តភូមិពោធិ៍មាស ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។

ចុងក្រោយនេះ កាលពីថ្ងៃទី ២៧ ខែឧសភា ឆ្នាំ ២០២៤ រដ្ឋបាលខេត្តកំពង់ស្ពឺ ក៏បានចេញដីកាមួយទៀតដែរ ដោយបានសម្រេចបដិសេធ និងដកហូតដីព្រៃឈើ ដែលទទួលរងនូវការកាន់កាប់យកដីរបស់រដ្ឋ ដើម្បីវាតយកដីធ្វើកម្មសិទ្ធិដោយខុសច្បាប់ លើទីតាំងដីចំនួន ២កន្លែង ដែលមានផ្ទៃដីសរុប ៥៧ហិកតា ៧៩អារ ក្នុងដែនជម្រកសត្វព្រៃភ្នំឱរ៉ាល់ ស្ថិតក្នុងភូមិសាស្រ្ដភូមិអូអញ្ចារ ឃុំតាសាល ស្រុកឱរ៉ាល់ ខេត្តកំពង់ស្ពឺ៕

អត្ថបទ៖ វីរៈ រូបភាព៖ បណ្ដាញសង្គម

The post ដកហូតដីព្រៃឈើជាង ៥៧ហិកតាទៀត ក្នុងដែនជម្រកសត្វព្រៃភ្នំឱរ៉ាល់ ក្រោយរងការកាន់កាប់យកដីរបស់រដ្ឋដោយខុសច្បាប់ appeared first on Millions times.

បើតាមរដ្ឋបាលខេត្តកំពង់ស្ពឺនៅថ្ងៃទី២៤ ខែឧសភា គម្រោងវិនិយោគថ្មីទាំងនោះស្ថិតក្នុងផ្នែកកែច្នៃអាលុយមីញ៉ូម (ប្រមូលវត្ថុធាតុដើមចាស់ៗក្នុងស្រុក), ផលិតថ្នាំលាបពណ៌គ្រប់ប្រភេទ ម្សៅការពារច្រេះ និងម្សៅបៀក, ផលិតអំពូលគ្រប់ប្រភេទ និងផ្គុំដំឡើងឧបករណ៍បរិក្ខាពេទ្យ (ឧបករណ៍សំអាតមាត់ ធ្មេញ) ជាដើម។

គម្រោងទាំង ៤នេះ ត្រូវបានរដ្ឋបាលខេត្តកំពង់ស្ពឺចាត់ទុកថាជាការឆ្លុះបញ្ចាំងអោយឃើញពីទំនុកចិត្តរបស់អ្នកវិនិយោគ ចំពោះកត្តាសន្តិភាព ស្ថេរភាពនយោបាយ​ ក្រោមការដឹកនាំរបស់រាជរដ្ឋាភិបាលកម្ពុជា៕

អត្ថបទ៖ នារតី

The post CDC យល់ព្រមឲ្យបង្កើតរោងចក្រថ្មីក្នុងខេត្តកំពង់ស្ពឺតម្លៃជាង ២៤លានដុល្លារ appeared first on Millions times.