ពិធីចុះហត្ថលេខាលើកិច្ចព្រមព្រៀងភាពជាដៃគូវាងក្រុមហ៊ុនទាំង៣ ធ្វើឡើងក្រោមវត្តមានលោក ម៉ាង ស៊ីណេត អភិបាលខេត្តព្រះសីហនុ នាព្រឹកថ្ងៃទី២៥ ខែមីនា ឆ្នាំ២០២៥។

តាមដានជាមួយយើង៖ Million Times

លោក អេតឌី ឈ័រ (Eddie Chua) នាយកប្រតិបត្តិក្រុមហ៊ុន Peninsula Bay បានលើកឡើងថា ការចាប់ដៃគូរនេះដើម្បីលើកកម្ពស់វិស័យទេសចរណ៍នៅកម្ពុជា ផ្តល់សេវាកម្មបដិសណ្ឋាកិច្ចកម្រិតសកល និងលក់រាយខ្នាតយក្ស ដោយក្រុមហ៊ុនបានសហការគ្នាបោះទីតាំង ដើម្បីអភិវឌ្ឍន៍ភាពចម្រុះជូនភ្ញៀវទេសចរណ៍ ក៏ដូចជាការលើកកម្ពស់មុខមាត់ខេត្តព្រះសីហនុ ទៅជាគោលដៅទេសចរណ៍ដ៏សំខាន់នៅអាស៊ីអាគ្នេយ៍ ដែលជាសញ្ញាណបង្ហាញពីការងើបឡើងវិញ នៃវិស័យទេសចរណ៍ កម្រិតជីវភាពក្នុងតំបន់ និងជាកិត្យានុភាពរបស់ខេត្តព្រះសីហនុ។

លោកបន្តថា ភាពជាដៃគូបានផ្តល់ឱ្យយើងទទួលបាននូវបទពិសោធន៍ដែលមិនអាចប្រៀបផ្ទឹមបាន នៅក្នុងផ្នែកបដិសណ្ឋារកិច្ច និងការលក់រាយ ការវិវឌ្ឍន៍នេះ គឺជាសក្ខីភាពបង្ហាញពីចក្ខុវិស័យរបស់យើងក្នុងការច្របាច់បញ្ចូលគ្នានូវភាពប្រណីត នវានុវត្តិន៍ និងសម្បត្តិធម្មជាតិដ៏ស្រស់ស្អាតរបស់ប្រទេសកម្ពុជា ពិសេសខេត្តព្រះសីហនុ ជាគោលដៅថ្មីមិនធ្លាប់មានក្នុងប្រទេសដ៏ទៃ។  

លោកបន្ថែមថា ការអភិវឌ្ឍន៍នេះនឹងមានមុខងារជាច្រើនដូចជា៖ សណ្ឋាគារប្រណិតចំនួន៣ ដោយរាប់បញ្ចូលទាំងសណ្ឋាគារ InterContinental ខេត្តព្រះសីហនុ នឹងផ្តល់សេវាបដិសណ្ឋារកិច្ចដល់ភ្ញៀវទេសចរណ៍តាមកម្រិតតម្រូវការ។  មជ្ឈមណ្ឌលលក់រាយស្តង់ដារអន្តរជាតិ ដែលនាំមកជូនដោយក្រុមហ៊ុន LBG។ សួនទឹកកម្សាន្ត និងអាងចិញ្ចឹមត្រីសមុទ្រធំជាងគេលើពិភពលោក ដែលត្រូវបានរចនាឡើង ក្រោមកិច្ចសហការ និងភាពជាដៃគូជាមួយអ្នកជំនាញពិភពលោក Pico Play និង ICM ដែលជាក្រុមហ៊ុនឈានមុខគេខាងរចនាបថ វិស្វកម្ម និងប្រតិបត្តិការក្នុងអាងចិញ្ចឹមត្រី និងការកម្សាន្តផ្សេងៗ។ អាងចិញ្ចឹមត្រីសមុទ្រដែលជាគោលដៅប្រជែងកំណត់ត្រាពិភពលោក នឹងមានបង្ហាញអំពីភាពអស្ចារ្យ នៃជីវចម្រុះសមុទ្ររបស់ប្រទេសកម្ពុជា។

លោក ម៉ាង ស៊ីណេត អភិបាលខេត្តព្រះសីហនុ មានប្រសាសន៍ថា ការចុះហត្ថលេខាលើកិច្ចព្រមព្រៀងភាពជាដៃគូនាពេលនេះ ពិតជាបានចូលរួមចំណែកយ៉ាងសំខាន់ក្នុងការជំរុញ និងលើកកម្ពស់វិស័យទេសចរណ៍ និងសេដ្ឋកិច្ចនៅក្នុងខេត្តព្រះសីហនុឱ្យកាន់តែទទួលបានភាពទាក់ទាញ និងរីក ចម្រើនទៅមុខជាលំដាប់ ជាពិសេសបានផ្តល់ការងារជូនប្រជាពលរដ្ឋនៅខេត្តព្រះសីហនុ។ លោកបន្ថែមថា ការចុះហត្ថលេខានេះ ជាសក្ខីភាពបង្ហាញឱ្យឃើញពីការជឿជាក់របស់អ្នកវិនិយោគទុនមកលើរាជរដ្ឋាភិបាលកម្ពុជា៕

អត្ថបទ៖ ពិសិដ្ឋ រូបភាព៖ រដ្ឋបាលខេត្តព្រះសីហនុ

The post ក្រុមហ៊ុនធំៗ ៣ចាប់ដៃគ្នា អភិវឌ្ឍន៍ភាពចម្រុះជូនភ្ញៀវទេសចរណ៍លើកកម្ពស់មុខមាត់ខេត្តព្រះសីហនុ appeared first on Millions times.

លោក ម៉ាង ស៊ីណេត អភិបាលខេត្តព្រះសីហនុ ក្នុងពីធីចុះហត្ថលេខាលើកិច្ចព្រមព្រៀង ស្តីពីការគ្រប់គ្រងសណ្ឋាគារក្រុមហ៊ុន ព្រីនស៍រៀល អ៊ីស្ទេត ខេមបូឌា និងសណ្ឋាគារ រីស៊ត ធួយប៊្លូ កាលពីថ្ងៃទី១០ ខែធ្នូបានថ្លែងថា រាជរដ្ឋាភិបាលកម្ពុជានីតិកាលទី៧ បានដាក់ចេញនូវ «កម្មវិធីពិសេសជំរុញការវិនិយោគក្នុងខេត្តព្រះសីហនុឆ្នាំ២០២៤» ជាលទ្ធផលក្រុមការងារជំរុញការវិនិយោគក្នុងខេត្តព្រះសីហនុ ទទួលបានសំណើសុំលើកទឹក ចិត្តចំនួន ២៤២គម្រោង ក្នុងនោះគម្រោងដែលទទួលបានលិខិតអនុញ្ញាតជាគោលការណ៍ចំនួន ២១៥គម្រោង មានទុនវិនិយោគសរុបប្រមាណជាង ៦ពាន់លានដុល្លារ (៦.០២៦.១០១.២០០ដុល្លារ) ដោយឡែកនៅសល់ ២៤គម្រោងទៀត គឺស្ថិតនៅក្នុងការពិនិត្យ និងវាយតម្លៃ។ 

តាមដានជាមួយយើង៖ Million Times

លោកបន្តថា អនុគណៈកម្មាធិការវិនិយោគខេត្តព្រះសីហនុបានចុះបញ្ជីគម្រោងវិនិយោគមានលក្ខណៈសម្បត្តិគ្រប់គ្រាន់បានចំនួន ១០គម្រោង មានទុនវិនិយោគសរុបប្រមាណជាង ១៤លានដុល្លារអាមេរិក។ ក្នុងឆ្នាំ២០២៤ មានចំនួន ៣គម្រោង មានទុនវិនិយោគសរុបប្រមាណ ៧លានដុល្លារអាមេរិក។

សូមជម្រាបថា កម្មវិធីពិសេសជំរុញការវិនិយោគក្នុងខេត្តព្រះសីហនុ ឆ្នាំ២០២៤ ដែលរាជរដ្ឋាភិបាល បានប្រកាសដាក់ឱ្យប្រើប្រាស់ជាផ្លូវការកាលពីដើមឆ្នាំ នឹងផ្តល់នូវអត្ថប្រយោជន៍ពិសេសចំនួន៣ ជូនទៅអ្នកវិនិយោគ ដើម្បីគាំទ្រ និងជំរុញលើកទឹកចិត្តបន្ថែម ដល់ការទាក់ទាញការវិនិយោគ និងការអភិវឌ្ឍឧស្សាហកម្មនៅក្នុងខេត្តព្រះសីហនុ រួមមាន៖ ទី១.គម្រោងវិនិយោគពាក់ព័ន្ធនឹងអគារជាប់គាំង ទី២. គម្រោងវិនិយោគដែលមិនជាប់ពាក់ព័ន្ធនឹងអគារជាប់គាំង និងទី៣. ការពង្រីកគម្រោងវិនិយោគ និងធុរកិច្ច។

លោក ម៉ាង ស៊ីណេត បានបញ្ជាក់ថា ខេត្តព្រះសីហនុ បានកំពុងយកចិត្តទុកដាក់អភិវឌ្ឍ និងស្តារហេដ្ឋារចនាសម្ព័ន្ធផ្លូវថ្នល់ កែលម្អឆ្នេរសមុទ្រ ទឹកស្អាត អគ្គិសនី ការគ្រប់គ្រងសំណល់រឹង រាវ បន្ទប់ទឹក សាធារណៈ សួនច្បារ និងកំពង់ផែទេសចរណ៍ស្តង់ដា សេវាកម្មទេសចរណ៍ ពិសេសពង្រឹងការគ្រប់គ្រងសន្តិសុខ សុវត្ថិភាពសណ្តាប់ធ្នាប់សាធារណៈ ក្នុងគោលបំណងពន្លឿនការអភិវឌ្ឍខេត្តព្រះសីហនុ ក្លាយជាតំបន់សេដ្ឋកិច្ចពិសេសគំរូពហុបំណង ដែលជាប៉ូលសេដ្ឋកិច្ចដ៏សំខាន់សម្រាប់វិស័យពាណិជ្ជកម្ម ឧស្សាហកម្ម ភស្តុភារកម្ម  ទេសចរណ៍ និងមជ្ឈមណ្ឌលសេវាហិរញ្ញវត្ថុអន្តរជាតិ៕

អត្ថបទ៖ សាងតេជៈ រូបភាព៖ រដ្ឋបាលខេត្តព្រះសីហនុ

The post ជិត១ឆ្នាំក្រុមការងារជំរុញការវិនិយោគក្នុងខេត្តព្រះសីហនុ យល់ព្រមជាគោលការណ៍ ២១៥គម្រោង មានទុនជាង ៦ពាន់លានដុល្លារ appeared first on Millions times.

តាមដានជាមួយយើង៖ Million Times

KiriPark Residence &Resort គឺជា​គម្រោង​ដ៏​ពិសេស​មួយ​ដែល​បង្កើត​ឡើង​យ៉ាង​យកចិត្ត​ទុក​ដាក់​ពី​ក្រុមហ៊ុន Han Thong Group មក​ដល់​បច្ចុប្បន្ន​ជា​គម្រោង​អភិវឌ្ឍន៍​អចលនទ្រព្យ​ខ្នាត​ធំ​ដែល​មាន​ទីតាំង​នៅ​លើភ្នំ ជា​គម្រោង​ដំបូង និង​តែ​មួយ​គត់​នឹង​លេច​រូបរាង​នៅ​កម្ពុជា។ ត្បិតជា​គម្រោង​ផ្ទះ​លំហែ តែ​កន្លែង​នោះ នឹង​ទាក់ទាញ​អ្នកបាន​អ្នក​ចូល​ទៅ​កម្សាន្ត​មិន​តិច​ឡើយ។

ក្នុង​គម្រោង​គីរីផាក រេស៊ីដេន & រីសត លាតសន្ធឹងលើផ្ទៃដីទំហំ៣០០ ហិកតា។ រីសត​នោះ​ដែរ​អាច​ទាក់ទាញ​បាន​ទាំង​ទេសចរ និង​អ្នក​​រស់នៅ​យ៉ាង​ស្រួល ព្រោះ​វា​ស្ថិត​នៅ​លើ​ជម្រាប​ភ្នំ បាន​ទាំង​អាកាសធាតុ​ល្អ សុវត្ថិភាព ហើយ​អាច​មើល​ឃើញ​ភ្នំ ទឹកធ្លាក់​ជ្រលង​ភ្នំ​បាន​យ៉ាង​ច្បាស់​ត្រជាក់​ភ្នែក។

KiriPark Residence &Resort ជា​កន្លែង​សម្រាក​​លំហែ​កាយ និង​វិស្សមកាល​លក្ខណៈ Solo ឬ​គ្រួសារ​ក៏​បាន​ដែរ។ ក្រៅពី​ធម្មជាតិ​ដែល​ផ្ដល់​មក​ស្រាប់ ម្ចាស់​គម្រោង​ក៏​បាន​កសាង​ហេដ្ឋារចនាសម្ពន្ធ​ជាច្រើន​បន្ថែម​ទៀត ហើយ​បើ​ក្រឡេក​មើល​ពី​លើ​អាកាស​វិញ បរិយាកាស​ពិតជា​គួរឲ្យ​ចង់​ទៅ​ដល់​ផ្ទាល់​យ៉ាង​ហោច​ណាស់​ក៏​ម្ដង​ដែរ៕

រូបពិត និងរូបក្នុងគម្រោង

អត្ថបទ៖ មេរ៉ា, រូបភាព៖ Kiripark Residence & Resort

The post រីសតលំដាប់ផ្កាយ ៥ នៅក្រុងព្រះសីហនុ អមដោយទេសភាពបៃតងជ្រលភ្នំ និងទឹកជ្រោះជុំវិញ appeared first on Millions times.