តាមដានជាមួយយើង៖ Million Times

ទីភ្នាក់ងារព័ត៌មាន Reuters បានចុះផ្សាយថា ប៉ុន្មានខែនេះបុគ្គលិកជាន់ខ្ពស់ Tesla ច្រើនរូប បានលាលែងពីតំណែង ចំពេលក្រុមហ៊ុនជួបនូវបញ្ហាជាច្រើនរួមមាន កំណើនគូប្រជែង ការលក់ធ្លាក់ចុះ ជាពិសេសគឺការខាតបង់ប៉ុន្មានត្រីមាសចុងក្រោយ។

ដោយឡែក លោក Afshar វិញបានរួមដំណើរជាមួយក្រុមហ៊ុន Tesla តាំងពីឆ្នាំ២០១៧ និងបានក្លាយជាមនុស្សជំនិតរបស់មេធំ Elon Musk ដោយទទួលការខុសត្រូវលើផ្នែកលក់ និងផលិតរថយន្តនៅតំបន់អឺរ៉ុប និងអាមេរិកខាងកើត។

ប្រភពទុកចិត្តមួយបានទម្លាយប្រាប់ Reuters ថា ផែនការចាកចេញរបស់លោក Afshar គឺមានយូរណាស់ហើយ ប៉ុន្តែលោកបានសម្រេចចិត្តចាកចេញនាពេលនេះ គឺដោយសារមួយរយៈមុន លោក Elon Musk រវល់តែរឿងនយោបាយ មិនខ្វាយខ្វល់ពីអាជីវកម្ម ដែលធ្វើឲ្យក្រុមហ៊ុនធ្លាក់ចុះក្នុងភាពលំបាក ហើយលោកហត់នឿយជាមួយរឿងនេះ ទើបសម្រេចចិត្តលាឈប់តែម្ដង៕

អត្ថបទ៖ Luffy រូបភាព៖ Nu.se

The post មនុស្សជំនិតរបស់ Elon Musk ប្រកាសចាកចេញពីក្រុមហ៊ុន Tesla appeared first on Millions times.

តាមដានជាមួយយើង៖ Million Times

គេហទំព័រ Glassdoor បានចុះផ្សាយថា ការងារនៅក្រុមហ៊ុន Tesla ទទួលបានប្រាក់បៀវត្សច្រើនគួរសម បើសិនធៀបនឹងការងារក្នុងក្រុមហ៊ុនកំពូលៗអាមេរិកផ្សេងទៀត។

ខាងក្រោមនេះគឺជាបញ្ជីប្រាក់បៀវត្សប្រចាំឆ្នាំ ដែលបុគ្គលិករបស់ Tesla ទទួលបានក្នុងមួយឆ្នាំៗ៖

1. ទីប្រឹក្សាផ្នែកលក់៖ ទទួលបានប្រាក់បៀវត្សប្រចាំឆ្នាំចន្លោះពី ៤៩ ០០០ដុល្លារ ទៅ ៨០ ០០០ដុល្លារ ស៊ីសងលើកម្រៃជើងសារទទួលបានពីការលក់រថយន្ត
2. វិស្វករផ្នែកកម្មវិធី៖ ទទួលបានប្រាក់បៀវត្សប្រចាំឆ្នាំចន្លោះពី ១០០ ០០០ដុល្លារ ទៅ ១២៥ ០០០ដុល្លារ
3. អ្នកឯកទេសផលិតផល៖ ទទួលបានប្រាក់បៀវត្សប្រចាំឆ្នាំចន្លោះពី ៣៣ ០០០ដុល្លារ ទៅ ៣៧ ០០០ដុល្លារ
4. បុគ្គលិកហាត់ការងារ៖ ទទួលបានប្រាក់បៀវត្សប្រចាំឆ្នាំចន្លោះពី ៥៣ ០០០ដុល្លារ ទៅ ៦៧ ០០០ដុល្លារ
5. អ្នកបច្ចេកទេសសេវាកម្ម៖ ទទួលបានប្រាក់បៀវត្សប្រចាំឆ្នាំចន្លោះពី ៥៩ ០០០ដុល្លារ ទៅ ៨០ ០០០ដុល្លារ
6. វិស្វកររចនាមេកានិក៖ ទទួលបានប្រាក់បៀវត្សប្រចាំឆ្នាំចន្លោះពី ៧៩ ០០០ដុល្លារ ទៅ ៩៣ ០០០ដុល្លារ
7. ទីប្រឹក្សាប្រតិបត្តិការ៖ ទទួលបានប្រាក់បៀវត្សប្រចាំឆ្នាំចន្លោះពី ៥៤ ០០០ដុល្លារ ទៅ ៦៤ ០០០ដុល្លារ៕

អត្ថបទ៖ Luffy រូបភាព៖ AutoEvolution

The post មកដឹងប្រាក់បៀវត្សរបស់បុគ្គលិកក្រុមហ៊ុន Tesla ទទួលបានក្នុងមួយឆ្នាំៗ appeared first on Millions times.

ជម្លោះរវាងលោក Trump និងលោក Musk បានធ្វើឲ្យក្រុមហ៊ុន Tesla រងការខាតបង់ជាទម្ងន់ ដោយនៅថ្ងៃទី០៥ ខែមិថុនា តម្លៃហ៊ុនរបស់ Tesla បានធ្លាក់រហូតដល់ ១៤% និងធ្វើឲ្យក្រុមហ៊ុនបាត់បង់មូលធនទីផ្សារដល់ទៅ ១៥០ពាន់លានដុល្លារឯណោះ។ នេះបើតាមការចុះផ្សាយពីសារព័ត៌មាន Reuters។

តាមដានជាមួយយើង៖ Million Times

មហាសេដ្ឋី Elon Musk បានរិះគន់យ៉ាងខ្លាំងចំពោះផែនការពន្ធគយរបស់លោក Trump ជាពិសេសគឺកញ្ចប់ចំណាយ ដែលប្រធានាធិបតីអាមេរិក កំពុងស្នើសុំការអនុញ្ញាតពីសភា។ មេធំ Tesla អះអាងថា ការចំណាយរបស់រដ្ឋបាលលោក Trump មានចំនួនច្រើនលើសលុប និងមិនខ្វល់ពីកិច្ចខិតខំប្រឹងប្រែងរបស់ខ្លួន ដែលព្យាយាមជួយសន្សំសំចៃគ្រប់បែបយ៉ាង។

លោក Donald Trump ក៏បានសរសេរសារឆ្លើយតបវិញថា ការរិះគន់របស់ Elon Musk កើតឡើងដោយសារផែនការពន្ធគយរបស់លោក នឹងធ្វើឲ្យក្រុមហ៊ុនរថយន្តអគ្គិសនីខាតបង់ផលប្រយោជន៍មួយចំនួនធំ ដូច្នេះហើយទើប Elon Musk មិនឯកភាព និងរិះគន់ខ្លាំងចំពោះរដ្ឋបាលខ្លួន៕

អត្ថបទ៖ Luffy រូបភាព៖ NBC

The post ជម្លោះរវាងមហាសេដ្ឋី Elon Musk និងលោក Trump បណ្ដាលឲ្យក្រុមហ៊ុន Tesla ខាតលុយ ១៥០ពាន់លានដុល្លារ appeared first on Millions times.

តាមដានជាមួយយើង៖ Million Times

ក្រុមហ៊ុនរបស់មហាសេដ្ឋី Elon Musk បានចាប់ផ្ដើមបាត់ប្រជាប្រិយភាព ក្រោយ CEO រូបនេះលូកដៃក្នុងឆាកនយោបាយក្នុតតំបន់អឺរ៉ុប ខណៈកាលពីខែមុន Tesla លក់រថយន្តបានត្រឹម ១ ៧៥៨គ្រឿង តិចជាងរយៈពេលដូចគ្នាកាលពីឆ្នាំ២០២៤ ដែលលក់បានរហូតដល់ ៣ ២៤៤គ្រឿង។

ផ្ទុយទៅវិញ ក្រុមហ៊ុនគូប្រជែងរបស់ Tesla គឺក្រុមហ៊ុនចិន BYD បែរជាមានកំណើនលក់រថយន្តនៅអង់គ្លេស រហូតដល់ទ្វេដង ដោយលក់បាន ១ ៣៨៨គ្រឿងនៅក្នុងខែឧសភា។

គួរជម្រាបបន្តិចថា Tesla កំពុងបាត់បង់ចំណែកទីផ្សាររថយន្តនៅអឺរ៉ុបបណ្ដើរៗ ស្របពេលក្រុមហ៊ុនចិន BYD ដែលជាគូប្រជែងធំរបស់ខ្លួន កំពុងមានប្រជាប្រិយភាពខ្លាំងនៅទីនោះ ដោយសារតម្លៃសមរម្យជាង និងគុណភាពប្រហាក់ប្រហែលគ្នា៕

អត្ថបទ៖ Luffy រូបភាព៖ Barron’s

The post ការលក់រថយន្ត Tesla នៅអង់គ្លេស ដាំក្បាលចុះខ្លាំងមិនធ្លាប់មានរហូតដល់ ៤៥% appeared first on Millions times.

តាមដានជាមួយយើង៖ Million Times

ប្រភពដដែលបានអះអាងថា ក្រុមហ៊ុន Tesla នឹងបញ្ចេញតាក់ស៊ីគ្មានមនុស្សបើកជាលើកដំបូង នៅថ្ងៃទី១២ ខែមិថុនាខាងមុខ ហើយនេះគឺជាជំហានដំបូងក្នុងការអភិវឌ្ឍន៍បច្ចេកវិទ្យាកាន់តែទំនើប របស់ក្រុមហ៊ុនមនុស្សកំពូលលុយ Elon Musk។

បើសិនជាតាក់ស៊ីមនុស្សយន្តរបស់ Elon Musk ទទួលបានការគាំទ្រខ្លាំង វានឹងក្លាយជាការផ្លាស់ប្ដូរយ៉ាងសំខាន់របស់ក្រុមហ៊ុន Tesla ពីការផលិតរថយន្តអគ្គិសនី ទៅជាការផលិតមនុស្សយន្តវិញ។

សូមជម្រាបដែរថា មហិច្ឆតារបស់មហាសេដ្ឋី Elon Musk ក្នុងការផលិតមនុស្សយន្ត មិនដែលត្រូវបានលាក់បាំងឡើយ ដោយកន្លងមកលោកបានប្រកាសពីវត្តមានមនុស្សយន្ត Optimus ប៉ុន្តែបច្ចុប្បន្នមិនទាន់បញ្ចេញលក់ផ្លូវការនៅឡើយ ដោយបានបញ្ជាក់ថា កំពុងសិក្សាបន្ថែមអំពីការបំពាក់បច្ចេកវិទ្យា AI ឲ្យកាន់តែទំនើប និងឆ្លាតជាងមុន៕

អត្ថបទ៖ Luffy រូបភាព៖ Forbes

The post ក្រុមហ៊ុន Tesla កំណត់ថ្ងៃដាក់ឲ្យប្រើប្រាស់សេវាកម្មតាក់ស៊ីមនុស្សយន្តនាពេលឆាប់ៗ appeared first on Millions times.

ការធ្លាក់ចុះត្រូវបានកត់សម្គាល់ថា ដោយសារក្រុមម៉ូដែលចាស់ និងការលាយឡំជាមួយរឿងប្រឡូកនយោបាយរបស់ CEO គឺមហាសេដ្ឋី Elon Musk ដែលបានប៉ះពាល់ដល់ក្រុមហ៊ុន។

តាមដានជាមួយយើង៖ Million Times

ក្រុមហ៊ុនស្រាវជ្រាវទីផ្សារបាននិយាយថា BYD ដែលផលិតរថយន្តកូនកាត់ Plug-in Hybrid បានកត់ត្រាលក់រថយន្តអគ្គិសនីដើរដោយថាមពលថ្ម (BEV) ចំនួន ៧,២៣១ នៅអឺរ៉ុបក្នុងខែមេសា ខណៈដែល Tesla បានកត់ត្រាលក់ចំនួន ៧,១៦៥ គ្រឿង។

អ្នកវិភាគរបស់ JATO Dynamics លោក Felipe Munoz បាននិយាយថា តម្រូវការរថយន្តអគ្គិសនីនៅអឺរ៉ុបនៅតែមានស្ថិរភាព។ ការកត់ត្រាលក់រថយន្តអគ្គិសនីដើរដោយថាមពលថ្ម BEV បានកើនឡើង ២៨% នៅក្នុងខែមេសា ធៀបនឹងឆ្នាំមុន ដែលភាគច្រើនម៉ាករថយន្តរបស់ចិន។

ទោះបីជាសហភាពអឺរ៉ុបបានដាក់ពន្ធលើរថយន្តអគ្គិសនីដែលផលិតនៅប្រទេសចិនក៏ដោយ ការលក់រថយន្តបានកើនឡើង ៥៩% ក្នុងមួយខែធៀបនឹងឆ្នាំមុន ខណៈដែលក្រុមហ៊ុនផលិតរថយន្តមកពីអឺរ៉ុប ជប៉ុន កូរ៉េខាងត្បូង និងសហរដ្ឋអាមេរិកបានកត់ត្រាកំណើន ២៦% ប៉ុណ្ណោះ៕

អត្ថបទ៖ សារ៉ាយ រូបភាព៖ Reuters

The post ក្រុមហ៊ុនចិន BYD អុកឡុកទីផ្សារអឺរ៉ុបលក់រថយន្តដាច់ជាង Tesla មហាសេដ្ឋី Elon Musk appeared first on Millions times.

តាមដានជាមួយយើង៖ Million Times

ការសម្រេចចិត្តរបស់លោក Musk អាចនឹងមានផលប៉ះពាល់យ៉ាងខ្លាំង សម្រាប់ការបោះឆ្នោតពាក់កណ្តាលអាណត្តិនៅឆ្នាំក្រោយ ដោយសារតែលោកគឺជាអ្នកផ្គត់ផ្គង់ជំនួយដ៏ធំបំផុតផ្នែកនយោបាយសម្រាប់គណបក្សសាធារណរដ្ឋ ។

លោកបានក្លាយជាទីប្រឹក្សាដ៏សំខាន់របស់ប្រធានាធិបតី Donald Trump ក្នុងការដឹកនាំនាយកដ្ឋានប្រសិទ្ធភាពរដ្ឋាភិបាល DOGE ក្នុងរយៈពេលប៉ុន្មានខែថ្មីៗនេះ។ Musk និយាយថា «ទាក់ទងនឹងការចំណាយផ្នែកនយោបាយក្នុងពេលអនាគត ខ្ញុំនឹងកាត់បន្ថយឱ្យនៅតិចជាងពេលនេះ។ ខ្ញុំគិតថា ខ្ញុំបានធ្វើគ្រប់គ្រាន់ហើយ» ។

សារព័ត៌មាន Reuters បានផ្សាយថា នៅក្នុងខែមេសា ក្រុមហ៊ុន Tesla បានរាយការណ៍ពីការធ្លាក់ចុះ ២០% នៃប្រាក់ចំណូលរថយន្ត និងការធ្លាក់ចុះ ៧១% នៃប្រាក់ចំណូលសុទ្ធសម្រាប់ត្រីមាសទី១ ឆ្នាំ២០២៥។ ភាគហ៊ុននេះបានចាប់ផ្តើមប្រែប្រួលក្នុងឆ្នាំនេះ ហើយបានធ្លាក់ចុះជាង ១២% ពីមួយឆ្នាំទៅមួយឆ្នាំ។

ជាមួយគ្នានេះ ភាគហ៊ុនរបស់ក្រុមហ៊ុន Tesla បានកើនឡើងប្រហែល ១% កាលពីថ្ងៃអង្គារ។ កិច្ចខិតខំប្រឹងប្រែងរបស់ Musk ក្នុងការគាំទ្រលោក Trump ត្រឡប់ទៅសេតវិមានវិញ ហើយធ្វើការនៅក្នុងរដ្ឋបាល Trump បានជំរុញឱ្យមានការតវ៉ាប្រឆាំងនឹងលោក និង Tesla ហើយបានធ្វើឲ្យអ្នកទិញរថយន្ត EV នាពេលអនាគតដកខ្លួនកាន់តែឆ្ងាយពីម៉ាក Tesla ៕

អត្ថបទ៖ សារ៉ាយ រូបភាព៖ Reuters 

The post Elon Musk ប្តេជ្ញាដកឃ្លាពីរឿងនយោបាយ មកដឹកនាំក្រុមហ៊ុន Tesla ក្រោយភាគហ៊ុនធ្លាក់យ៉ាងគំហុក appeared first on Millions times.

តាមដានជាមួយយើង៖ Million Times

ទាក់ទងនឹងបញ្ហានេះ មហាសេដ្ឋីមានបំផុតលើលោករូបនេះបានអះអាងថា លោកនឹងងាកមកផ្ដោតសំខាន់លើការរកស៊ីវិញ និងប្រលែងការងារមួយចំនួននៅសេតវិមាន ឲ្យក្រុមការងារផ្សេងចាត់ចែង ដ្បិតប៉ុន្មានខែចុងក្រោយ ក្រុមហ៊ុន Tesla របស់លោក ហាក់ជួបផលលំបាកជាខ្លាំងក្នុងការធ្វើអាជីវកម្ម។ នេះបើតាមការចុះផ្សាយពីទីភ្នាក់ងារព័ត៌មាន AP។

លោក Musk បាននិយាយថា បច្ចុប្បន្នរចនាសម្ព័ន្ធការងាររបស់នាយកដ្ឋានប្រសិទ្ធភាពការងាររដ្ឋាភិបាល DOGE បានរៀបចំរួចរាល់ហើយ ដូច្នេះលោកនឹងមានពេលវេលាគ្រប់គ្រាន់ ក្នុងការគ្រប់គ្រងអាជីវកម្មវិញ។

មនុស្សកំពូលលុយរូបនេះបញ្ជាក់ទៀតថា លោកនឹងចូលមកកាន់កាប់អាជីវកម្មពេញដៃពេញជើងវិញ ចាប់ពីខែឧសភាតទៅ ហើយការងារនៅសេតវិមាន លោកនឹងត្រួតពិនិត្យតិចតួចបំផុត ពោលធ្វើការជាមួយរដ្ឋាភិបាលតែមួយ ឬ ពីរថ្ងៃប៉ុណ្ណោះក្នុងមួយសប្ដាហ៍។

សូមជម្រាបដែរថា ចាប់តាំងពីមហាសេដ្ឋី Elon Musk ប្រឡូកក្នុងឆាកនយោបាយ លោកទទួលរងការរិះគន់យ៉ាងខ្លាំង ពីប្រជាពលរដ្ឋ និងម្ចាស់ភាគហ៊ុន Tesla មួយចំនួន ដោយសារការណ៍នេះ បានជះឥទ្ធិពលខ្លាំង ដល់ការធ្វើជំនួញរបស់ក្រុមហ៊ុន Tesla ហើយជាលទ្ធផលប្រាក់ចំណូលរបស់ក្រុមហ៊ុន បានដាំក្បាលចុះប៉ុន្មានខែចុងក្រោយនេះ៕

អត្ថបទ៖ Luffy រូបភាព៖ NBC

The post Elon Musk សន្យាផ្ដោតសំខាន់លើការរកស៊ី ជាងការងារក្នុងសេតវិមាន ក្រោយ Tesla ខាតប្រាក់ចំណេញ ៧១% appeared first on Millions times.

តាមដានជាមួយយើង៖ Million Times

សារព័ត៌មាន Telegraph បានចុះផ្សាយថា ក្រុមហ៊ុនផលិតរថយន្តអគ្គិសនី Tesla បានផ្អាកការបញ្ជាទិញពីអតិថិជន ដែលបានកម្ម៉ង់រថយន្តម៉ូដែល S និង X នៅលើគេហទំព័រផ្លូវការរបស់ Tesla ក្នុងប្រទេសចិន។

រថយន្តទាំង ២ម៉ូដែលនេះ ក៏ត្រូវបានផ្អាកការនាំចូលពីអាមេរិក សម្រាប់ទីផ្សារចិនជាបណ្ដោះអាសន្នផងដែរ ក្រោយចិនប្រកាសការទារពន្ធសងសឹកលើទំនិញអាមេរិក រហូតដល់ ១២៥%៕

អត្ថបទ៖ Luffy រូបភាព៖ Fox Business

The post Elon Musk ផ្អាកការលក់រថយន្ត Tesla នៅចិន ចំពេលសង្គ្រាមពាណិជ្ជកម្មកំពុងឡើងកម្ដៅខ្លាំង appeared first on Millions times.

តាមដានជាមួយយើង៖ Million Times

Wall Street បានអះអាងថា អត្រាលក់រថយន្តរបស់ Tesla ក្នុងត្រីមាសទីមួយនេះ នឹងមានតិចជាងកាលពីឆ្នាំទៅប្រហែល ៣,៦% ដោយមានការធ្លាក់ចុះពីចំនួន ៣៨៦ ៨១០គ្រឿង មកនៅត្រឹម ៣៧៣ ០០០គ្រឿងប៉ុណ្ណោះ។

ពួកគេបន្ថែមទៀតថា ការធ្លាក់ចុះនៃទិន្នន័យលក់រថយន្តរបស់ Tesla បណ្ដាលមកពីការប្រឡូកចូលក្នុងឆាកនយោបាយ របស់ម្ចាស់ក្រុមហ៊ុនគឺ មហាសេដ្ឋី Elon Musk ដែលបច្ចុប្បន្ននេះ កំពុងរងការវាយប្រហារខ្លាំងពីពលរដ្ឋអាមេរិក ជុំវិញវិធានការបណ្ដេញបុគ្គលិកសហព័ន្ធជាច្រើនម៉ឺននាក់ ដែលវាជាផ្នែកមួយនៃការកាត់បន្ថយការចំណាយរបស់រដ្ឋាភិបាល៕

អត្ថបទ៖ Luffy រូបភាព៖ Free Logo Design

The post Wall Street ព្យាករថា អត្រាលក់រថយន្តរបស់ Tesla នឹងជួបការធ្លាក់ចុះនៅត្រីមាសទីមួយ appeared first on Millions times.