តាមដានជាមួយយើង៖ Million Times

ទីភ្នាក់ងារព័ត៌មាន VNExpress បានរាយការណ៍ថា ផែនការវិនិយោគថ្មីរបស់ក្រុមហ៊ុន Samsung នឹងផ្ដោតសំខាន់លើបច្ចេកវិទ្យាបញ្ញាសិប្បនិមិត្ត AI ការផលិតបន្ទះឈីប និងបច្ចេកវិទ្យាឌីជីថលទំនើបៗជាច្រើនទៀត។

គួររំលឹកបន្តិចថា ចាប់តាំងពីបោះជំហានចូលទីផ្សារវៀតណាម Samsung បានចាយលុយវិនិយោគក្នុងប្រទេសវៀតណាម ច្រើនជាង ២៣ពាន់លានដុល្លារ ហើយកាលពីឆ្នាំទៅ ពួកគេបាននាំចេញផលិតផលសម្រេចបានលើសពី ៥៤ពាន់លានដុល្លារផងដែរ។

សូមជម្រាបដែរថា វៀតណាមកំពុងក្លាយជាគោលដៅវិនិយោគរបស់ក្រុមហ៊ុនធំៗ ជាពិសេសលើវិស័យបច្ចេកវិទ្យា ដែលកំពុងមានតម្រូវការខ្លាំងទូទាំងសកលលោក ដោយសារទទួលបានការលើកទឹកចិត្តច្រើនពីរដ្ឋាភិបាល និងអត្រាតម្លៃពលកម្មទាបជាងបណ្ដាប្រទេសមួយចំនួន៕

អត្ថបទ៖ Luffy រូបភាព៖ VIR

The post Samsung ត្រៀមពង្រីកការវិនិយោគនៅប្រទេសវៀតណាម ក្នុងវិស័យបច្ចេកវិទ្យា appeared first on Millions times.

ក្រុមហ៊ុន Samsung Electronics ក្នុងរយៈពេល ៦ ឆ្នាំចុងក្រោយនេះ បានបណ្តាក់ទុនវិនិយោគចំនួន ២៤ ពាន់លានដុល្លារនៅក្នុងទីផ្សារប្រទេសចិន ។ នេះបើតាមការដកស្រង់សម្តីរបស់នាយកប្រតិបត្តិក្រុមហ៊ុនបាននិយាយនៅក្នុងរបាយការណ៍មួយកាលពីខែវិច្ឆិកា និងចុះផ្សាយដោយសារព័ត៌មានរដ្ឋ China Daily ។

ប៉ុន្តែក្រុមហ៊ុនបច្ចេកវិទ្យាយក្សរបស់កូរ៉េមួយនេះបានមើលឃើញថា អាជីវកម្មរបស់ខ្លួនប្រឈមមុខនឹងបញ្ហាកាន់តែខ្លាំងឡើង ចំពេលមានភាពតានតឹងរវាងសហរដ្ឋអាមេរិក និងចិន ជាពិសេសការគ្រប់គ្រងការនាំចេញដែលទីក្រុងវ៉ាស៊ីនតោនបានកាត់ផ្តាច់ការចូលប្រើប្រាស់របស់ប្រទេសចិនចំពោះបន្ទះឈីបទំនើបៗ ។

ជំនួបនៅទីក្រុងសេអ៊ូលរវាងមន្ត្រីជាន់ខ្ពស់ទី ២ របស់ប្រទេសចិន និងនាយកប្រតិបត្តិកូរ៉េបានធ្វើឡើង នៅមុនកិច្ចប្រជុំកំពូលរវាងលោកនាយករដ្ឋមន្ត្រី Li Qiang ប្រធានាធិបតីកូរ៉េខាងត្បូង Yoon Suk Yeol និងនាយករដ្ឋមន្ត្រីជប៉ុន Fumio Kishida ហើយនេះក៏ជាកិច្ចចរចាត្រីភាគីលើកដំបូងផងដែររវាងប្រទេសជិតខាងអាស៊ីទាំងបីក្នុងរយៈពេលជាង ៤ ឆ្នាំមកនេះ ។

សូមជម្រាបថា លើកចុងក្រោយដែលមេដឹកនាំនៃប្រទេសទាំងបីបានជួបគ្នាគឺនៅឆ្នាំ ២០១៩ ហើយការខកខានកន្លងមកនេះ គឺដោយសារតែជំងឺរាតត្បាតកូវីដ ១៩ រួមជាមួយជម្លោះការទូត និងប្រវត្តិសាស្ត្ររវាងកូរ៉េខាងត្បូង និងអតីតមេដឹកនាំអាណានិគមជប៉ុន ៕

តាមដានជាមួយយើង៖ Million Times

បកប្រែ ៖ ទីន

The post ចិនជំរុញឱ្យក្រុមហ៊ុន Samsung បណ្ដាក់ទុនវិនិយោគបន្ថែមទៀត appeared first on Millions times.