តាមដានជាមួយយើង៖ Million Times

សារព័ត៌មាន Reuters បានចុះផ្សាយថា លោក Trump ចង់រៀបចំឲ្យមានការដេញថ្លៃ សម្រាប់ការទិញកម្មវិធី TikTok ដ្បិតបច្ចុប្បន្នលោកទទួលបានសំណើពីក្រុមហ៊ុនមួយចំនួន ដែលមានបំណងចង់ក្លាយជាម្ចាស់ថ្មីរបស់កម្មវិធីនេះ។

គិតមកទល់ពេលនេះ ទាំងក្រុមហ៊ុន Microsoft និងអ្នកតំណាង TikTok មិនទាន់ឆ្លើយតបជាមួយ Reuters ដើម្បីសុំការបំភ្លឹនោះឡើយ។

គួររំលឹកបន្តិចថា បន្ទាប់ពីចូលអង្គុយកៅអីមេដឹកនាំអាមេរិកភ្លាម លោក Trump បានចេញបទបញ្ជាប្រតិបត្តិការពិសេស ពន្យារពេលអនុវត្តច្បាប់បិទដំណើរការកម្មវិធី TikTok រយៈពេល ៧៥ថ្ងៃ ដើម្បីរកដំណោះស្រាយផ្ដល់ផលប្រយោជន៍ទាំងសងខាង។

លោក Trump បានសង្កត់ធ្ងន់ថា ក្រុមហ៊ុន TikTok បានផ្ដល់ការសម្រេចចិត្តឲ្យលោក ជុំវិញការបិទអាជីវកម្ម ឬក៏លក់កម្មវិធីឲ្យក្រុមហ៊ុនអាមេរិក ស្របពេលមេដឹកនាំរូបនេះបង្ហើបថា អាមេរិកគួរតែទទួលបានសិទ្ធគ្រប់គ្រង TikTok ៥០% បើពួកគេបន្តអាជីវកម្មនៅទីនោះ៕

អត្ថបទ៖ Luffy រូបភាព៖ NST

The post ប្រធានាធិបតីអាមេរិកបង្ហើបថា Microsoft កំពុងចរចាទិញកម្មវិធី TikTok appeared first on Millions times.

មេធាវីរបស់ក្រុមហ៊ុន Microsoft បាននិយាយកាលពីថ្ងៃអង្គារថា ប្រព័ន្ធ IT ដ៏សំខាន់របស់ Delta ប្រហែលជាត្រូវបានផ្តល់សេវាកម្មដោយក្រុមហ៊ុនបច្ចេកវិទ្យាផ្សេងទៀត មិនមែន Microsoft Windows នោះទេ។

តាមដានជាមួយយើង៖ Million Times

មេធាវីរបស់ Microsoft លោក Mark Cheffo បាននិយាយនៅក្នុងលិខិតមួយផ្ញើទៅកាន់មេធាវីរបស់ក្រុមហ៊ុនយន្តហោះ Delta លោក David Boies ថា “សំបុត្ររបស់អ្នក និងមតិសាធារណៈរបស់ Delta គឺមិនពេញលេញ មិនពិត ការយល់ច្រឡំ និងធ្វើឱ្យខូចដល់ក្រុមហ៊ុន Microsoft និងកេរ្តិ៍ឈ្មោះ” ។

លោក Cheffo បាននិយាយថា ក្រុមហ៊ុន Microsoft កំពុងព្យាយាមកំណត់ “ហេតុអ្វីបានជាក្រុមហ៊ុនអាកាសចរណ៍ផ្សេងទៀតអាចស្តារប្រតិបត្តិការអាជីវកម្មបានពេញលេញលឿនជាង Delta” ។

នាយកប្រតិបត្តិក្រុមហ៊ុន Delta លោក Ed Bastian បាននិយាយកាលពីសប្តាហ៍មុនថា បញ្ហាដាច់បច្ចេកវិទ្យាសកលដែលចាប់ផ្តើមជាមួយនឹងការធ្វើឱ្យប្រសើរឡើងដែលមានកំហុសពី CrowdStrike ទៅម៉ាស៊ីនដែលដំណើរការលើ Microsoft Windows បានធ្វើឱ្យក្រុមហ៊ុនអាកាសចរណ៍ខាតបង់ប្រាក់ចំនួន ៥០០លានដុល្លារ។ ទន្ទឹមនឹងនេះ លោក Bastian បានលើកឡើងពីការគំរាមកំហែងតាមផ្លូវច្បាប់ផងដែរ។

កាលពីថ្ងៃអង្គារ ក្រុមហ៊ុន Delta បាននិយាយថា យើងបានវិនិយោគលើសេវាកម្មដែលអាចទុកចិត្តបានអស់រយៈពេលជាយូរ យើងចំណាយដើមទុនរាប់ពាន់លានដុល្លារក្នុងសេវាបច្ចេកវិទ្យា IT ចាប់តាំងពីឆ្នាំ២០១៦ និងរាប់ពាន់លានបន្ថែមទៀតនៅក្នុងការចំណាយប្រចាំឆ្នាំ។

ក្រុមហ៊ុន CrowdStrike ក៏បានជំទាស់នឹងការទាមទាររបស់ Delta ផងដែរ។ ទាំងក្រុមហ៊ុន CrowdStrike និងក្រុមហ៊ុន Microsoft បាននិយាយថា ក្រុមហ៊ុន Delta បានបដិសេធការផ្តល់ជូនដើម្បីជួយក្រុមហ៊ុនអាកាសចរណ៍ឱ្យងើបឡើងវិញពីការដាច់បច្ចេកវិទ្យាកាលពីខែមុន។ មេធាវីរបស់ក្រុមហ៊ុន Microsoft បាននិយាយថា CEO លោក Satya Nadella បានផ្ញើអ៊ីមែលទៅកាន់លោក Bastian ក្នុងអំឡុងពេលដាច់ប្រព័ន្ធបច្ចេកវិទ្យា ប៉ុន្តែនាយកប្រតិបត្តិក្រុមហ៊ុន Delta មិនឆ្លើយតបនោះឡើយ៕

អត្ថបទ៖ សារ៉ាយ រូបភាព៖

The post ក្រុមហ៊ុន Microsoft ឆ្លើយតបក្រុមហ៊ុនយន្តហោះ Delta រឿងខាតបង់ ៥០០លានដុល្លារដោយសារបញ្ហាគាំងបច្ចេកវិទ្យា appeared first on Millions times.

ភាគហ៊ុនក្រុមហ៊ុន Apple បានហក់ឡើងជិត ៤ ភាគរយ ហើយមានតម្លៃរហូតដល់ ២១៥.០៤ ដុល្លារក្នុងមួយភាគហ៊ុន ដែលនាំឱ្យតម្លៃនៅលើទីផ្សាររបស់ក្រុមហ៊ុនផលិតទូរស័ព្ទ iPhone មួយនេះមានចំនួនសរុប ៣.២៩ ពាន់ពាន់លានដុល្លារ ។

តាមដានជាមួយយើង៖ Million Times

ចំណែកក្រុមហ៊ុន Microsoft របស់លោកមហាសេដ្ឋី Bill Gates ដែលគ្រងតំណែងជាកំពូលក្រុមហ៊ុនដែលមានតម្លៃថ្លៃជាងគេបំផុតនៅលើពិភពលោកក្នុងរយៈពេល ៥ ខែ មានតម្លៃលើទីផ្សារបច្ចុប្បន្នសរុបត្រឹម ៣.២៤ ពាន់ពាន់លានដុល្លារប៉ុណ្ណោះ ។

ដោយឡែកពាក់ព័ន្ធនឹងដើមចមដែលទាញឱ្យក្រុមហ៊ុន Apple ឡើងគ្រងតំណែងជាក្រុមហ៊ុនមានតម្លៃថ្លៃជាងគេបំផុតនៅលើពិភពលោក ក៏ដោយសារតែកាលពីថ្ងៃចន្ទដើមសប្ដាហ៍កន្លងទៅ នាយកប្រតិបត្តិក្រុមហ៊ុនគឺលោក Tim Cook ប្រកាសពីដាក់ឱ្យប្រើប្រាស់មុខងារ AI នៅលើកម្មវិធី Siri ។

សូមជម្រាបថា ក្នុងរយៈពេល ៥ ខែក្នុងឆ្នាំ ២០២៤ នេះ ភាគហ៊ុនរបស់ក្រុមហ៊ុន Apple ស្ទុះឡើងប្រហែល ១២ ភាគរយ ខណៈក្រុមហ៊ុន Microsoft កើនឡើង ១៦ ភាគរយ ចំណែកក្រុមហ៊ុនមេរបស់ Google គឺក្រុមហ៊ុន Alphabet ងើបដល់ ២៨ ភាគរយ ។

ស្របពេលជាមួយគ្នានេះ ភាគហ៊ុនរបស់ក្រុមហ៊ុនផលិតបន្ទះឈីប Nvidia ដែលធ្លាប់វ៉ាជែងក្រុមហ៊ុន Apple កាលពីសប្តាហ៍មុន គឺកើនឡើង ១៥៤ ភាគរយឯណោះ ខណៈក្រុមហ៊ុន Tesla របស់មហាសេដ្ឋី Elon Musk បែរជាធា្លក់ចុះទៅវិញរហូតដល់ ៣០ ភាគរយ ៕

បកប្រែ ៖ ទីន

The post Apple វ៉ាដាច់ Microsoft គ្រងតំណែងជាក្រុមហ៊ុនមានតម្លៃថ្លៃជាងគេបំផុត​លើលោក appeared first on Millions times.

ក្រោមផែនការដែលបានបង្ហាញដោយលោក Satya Nadella នាយកប្រតិបត្តិក្រុមហ៊ុន Microsoft បានឱ្យដឹងថា ក្រុមហ៊ុនបច្ចេកវិទ្យាយក្សមួយនេះនឹងបណ្តុះបណ្តាលមនុស្ស ៨៤០,០០០ នាក់នៅក្នុងប្រទេសឥណ្ឌូណេស៊ីឱ្យចេះប្រើប្រាស់បច្ចេកវិទ្យា AI និងផ្តល់ការគាំទ្រដល់ក្រុមហ៊ុនអភិវឌ្ឍន៍បច្ចេកវិទ្យារបស់ប្រទេសមួយនេះ ។

លោក Nadella បាននិយាយនៅក្នុងជំនួបជាមួយប្រធានាធិបតីឥណ្ឌូណេស៊ីលោក Joko Widodo នៅទីក្រុងហ្សាកាតាថា “AI ជំនាន់ថ្មីនេះកំពុងផ្លាស់ប្តូររបៀបដែលមនុស្សរស់នៅ និងធ្វើការនៅគ្រប់ទីកន្លែង រួមទាំងនៅក្នុងប្រទេសឥណ្ឌូណេស៊ីផងដែរ ហើយការ​វិនិយោគ​ដែល​យើង​កំពុង​ប្រកាស​នា​ពេល​បច្ចុប្បន្ន​នេះ ​គ្របដណ្តប់​លើ​ហេដ្ឋារចនាសម្ព័ន្ធ​ជំនាញឌីជីថល និង​ការ​គាំទ្រ​ដល់​ក្រុមហ៊ុន​អភិវឌ្ឍន៍​ ហើយវាអាច​ជួយ​ប្រទេស​ឥណ្ឌូណេស៊ី​ឱ្យ​រីកចម្រើន​ក្នុង​យុគសម័យ​ថ្មី​នេះផងដែរ”​ ។

លោក Nadella បាននិយាយថា “ការបណ្ដាក់ទុកវិនិយោគរបស់ក្រុមហ៊ុន Microsoft នឹងនាំមកនូវហេដ្ឋារចនាសម្ព័ន្ធបច្ចេកវិទ្យា AI ចុងក្រោយបំផុត និងអស្ចារ្យបំផុតទៅកាន់ប្រទេសឥណ្ឌូណេស៊ី ហើយយើងនឹងបន្តដឹកនាំអ្វីដែលទាក់ទងនឹងហេដ្ឋារចនាសម្ព័ន្ធ AI” ។

សូមជម្រាបជូនថា ឥណ្ឌូណេស៊ីដែលមានប្រជាជនប្រហែល ២៨០ លាននាក់គឺជាប្រទេសដែលមានសេដ្ឋកិច្ចធំបំផុតរបស់អាស៊ីអាគ្នេយ៍ ហើយជាទីតាំងរបស់សហគមន៍អ្នកអភិវឌ្ឍន៍ធំជាងគេទី ៣ នៅក្នុងតំបន់ បន្ទាប់ពីប្រទេសឥណ្ឌា និងប្រទេសចិន ។

បន្ថែមពីនេះ ក្រុមហ៊ុន Microsoft ក៏កំពុងព្យាយាមពង្រីកការគាំទ្ររបស់ខ្លួនសម្រាប់ការអភិវឌ្ឍន៍ AI នៅទូទាំងពិភពលោក រួមទាំងការវិនិយោគចំនួន ២.៩ ពាន់លានដុល្លារទៅលើហេដ្ឋារចនាសម្ព័ន្ធ cloud និង AI នៅក្នុងប្រទេសជប៉ុន និងការវិនិយោគចំនួន ១.៥ ពាន់លានដុល្លារនៅក្នុងក្រុមហ៊ុន AI ដែលមានឈ្មោះថា G42 នៅប្រទេសអារ៉ាប់រួម ៕

តាមដានជាមួយយើង៖ Million Times

បកប្រែ ៖ ទីន

The post ក្រុមហ៊ុន Microsoft វិនិយោគ ១.៧ ពាន់លានដុល្លារលើសេវាកម្ម Cloud និង AI នៅឥណ្ឌូណេស៊ី appeared first on Millions times.