តាមដានជាមួយយើង៖ Million Times

សារព័ត៌មាន Reuters បានចុះផ្សាយថា អត្រាលក់ប្រចាំត្រីមាសដំបូងរបស់ Apple នៅចិន បានថយចុះ ៩% បើធៀបនឹងរយៈពេលដូចគ្នាកាលពីឆ្នាំទៅ និងបានធ្វើឲ្យការក្ដោបក្ដាប់ទីផ្សាររបស់ក្រុមហ៊ុនអាមេរិកនៅចិន ថយចុះពី ១៧,៤% មកនៅត្រឹម ១៣,៧%។

អាចនិយាយបានថា ប៉ុន្មានឆ្នាំចុងក្រោយក្រុមហ៊ុន Apple រកស៊ីខាតឡុងចុងខ្លាំងនៅលើទីផ្សារចិន ពោលរបូតតំណែងជាអ្នកក្ដោបក្ដាប់ទីផ្សារធំបំផុត មកនៅត្រឹមលេខរៀងទី៥ ហើយទិន្នន័យលក់ប្រចាំត្រីមាសវិញ មានការដាំក្បាលចុះដល់ទៅ ៧ត្រីមាសជាប់ៗគ្នា។

ការធ្លាក់ចុះនៃអត្រាលក់ទូរស័ព្ទ iPhone យ៉ាងសម្បើមបែបនេះ គឺបណ្ដាលមកពីសង្គ្រាមពន្ធគយយ៉ាងក្ដៅគគុក រវាងសហរដ្ឋអាមេរិក និងទីក្រុងប៉េកាំង ដែលធ្វើឲ្យទំនិញមួយចំនួនឡើងថ្លៃកប់ក្ដោង ពិបាកក្នុងការលក់ទៅកាន់អតិថិជន៕

អត្ថបទ៖ Luffy រូបភាព៖ Bloomberg

The post ការនាំចេញ iPhone លើទីផ្សារចិនធ្លាក់ចុះជិត ១០លានគ្រឿងក្នុងត្រីមាសទីមួយ appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន CNBC បានរាយការណ៍ថា រយៈពេល ៣ថ្ងៃកន្លងមកនេះ ក្រុមហ៊ុន Apple បានបាត់បង់មូលធនទីផ្សាររហូតដល់ជិត ២០% ឬប្រហែល ៦៤០ពាន់លានដុល្លារ បន្ទាប់ពីតម្លៃភាគហ៊ុនរបស់ខ្លួនបន្តស្រុតចុះ ដោយសារបញ្ហាពន្ធគយ។

ក្នុងចំណោមក្រុមហ៊ុនយក្សទាំង៧ នៅអាមេរិក Apple រងការប៉ះពាល់ខ្លាំងបំផុត ក្រោយលោក Trump ដាក់ចេញនូវវិធានការទារពន្ធដ៏សម្បើមបែបនេះ ដោយសារពួកគេមានរោងចក្រផលិតទូរស័ព្ទ iPhone និងទីផ្សារយ៉ាងធំនៅចិន ហើយបច្ចុប្បន្នអាមេរិកបានបង្កើនការទារពន្ធពីចិន រហូតដល់ ១០៤% ដែលធ្វើឲ្យការរកស៊ីរបស់ Apple ត្រូវជួបផលលំបាកជាខ្លាំង៕

អត្ថបទ៖ Luffy រូបភាព៖ kahoon international

The post ក្រុមហ៊ុន Apple ខាតលុយ ៦៤០ពាន់លានដុល្លារ ដោយសារបញ្ហាពន្ធគយអាមេរិក appeared first on Millions times.

តាមដានជាមួយយើង៖ Million Times

សារព័ត៌មាន Bloomberg បានរាយការណ៍ថា ភាគីទាំងសងខាងត្រៀមជួបគ្នាចុះហត្ថលេខាលើកិច្ចព្រមព្រៀង ដកការហាមឃាត់ការលក់ iPhone 16 នៅក្នុងសប្ដាហ៍នេះ។

គួររំលឹកបន្តិចថា ឥណ្ឌូណេស៊ីបានប្រកាសហាមឃាត់ការលក់ទូរស័ព្ទ iPhone 16 តាំងពីខែតុលា ក្រោយអះអាងថា Apple បានល្មើសច្បាប់ពាណិជ្ជកម្មក្នុងស្រុក ដែលតម្រូវឲ្យក្រុមហ៊ុនបរទេស ត្រូវប្រើប្រាស់វត្ថុធាតុដើមក្នុងស្រុកយ៉ាងតិច ៣៥% មុនពេលដាក់លក់ផលិតផលរបស់ខ្លួននៅក្នុងប្រទេសមួយនេះ។

ចាប់តាំងពីពេលនោះក្រុមហ៊ុន Apple បានព្យាយាមចរចាជាមួយរដ្ឋាភិបាល ដោយដាក់សំណើវិនិយោគនៅឥណ្ឌូណេស៊ី ១ពាន់លានដុល្លារ សាងសង់រោងចក្រផលិតគ្រឿងបង្គុំ សម្រាប់ផលិតផលរបស់ខ្លួន និងប្ដេជ្ញាបង្កើតមជ្ឈមណ្ឌលហ្វឹកហ្វឺនប្រជាជនឥណ្ឌូណេស៊ី ក្នុងការស្រាវជ្រាវ និងអភិវឌ្ឍន៍ចំពោះផលិតផលរបស់ពួកគេថែមទៀត៕

អត្ថបទ៖ Luffy រូបភាព៖ AFP

The post ទីបំផុតឥណ្ឌូណេស៊ី និង Apple ឈានដល់កិច្ចព្រមព្រៀងលុបចោលការហាមឃាត់លក់ទូរស័ព្ទ iPhone 16 appeared first on Millions times.

ទីភ្នាក់ងារព័ត៌មាន Reuters បានចុះផ្សាយថា ផែនការបណ្ដាក់ទុន ៥០០ពាន់លានដុល្លាររបស់ Apple នឹងរួមបញ្ចូលទាំងការសាងសង់រោងចក្រដ៏ធំក្នុងរដ្ឋ Texas សម្រាប់ការផ្ដល់សេវាកម្មបញ្ញាសិប្បនិមិត្ត AI និងបង្កើតការងារ ២០ ០០០កន្លែង សម្រាប់ការស្រាវជ្រាវ និងអភិវឌ្ឍន៍នៅទូទាំងប្រទេសរយៈពេល ៤ឆ្នាំនោះ។

តាមដានជាមួយយើង៖ Million Times

បន្ថែមពីនោះក្រុមហ៊ុន Apple ក៏បានប្ដេជ្ញាចិត្តទៀតថា ផែនការរបស់ខ្លួននឹងផ្ដោតសំខាន់ លើការទិញវត្ថុធាតុដើមពីទីផ្សារអាមេរិកផ្ទាល់ បើទោះជាមានតម្លៃថ្លៃជាងការនាំចូលតិចតួចក្ដី ដើម្បីពង្រឹងចរន្តសេដ្ឋកិច្ច និងលំហូរសាច់ប្រាក់នៅប្រទេសមហាអំណាចមួយនេះ។

គួររំលឹកបន្តិចថា Apple ហាក់កំពុងព្យាយាមយកចិត្តយកថ្លើមប្រធានាធិបតី Donald Trump ពោលសេចក្ដីប្រកាសពីផែនការខ្នាតយក្សនេះ ស្រដៀងគ្នាកាលពីឆ្នាំ២០១៨ ពេលដែលលោក Trump ឡើងអង្គុយកៅអីមេដឹកនាំអាមេរិកអាណត្តិដំបូង ដោយកាលនោះ Apple ប្រកាសចាយលុយ ៣៥០ពាន់លានដុល្លារ ទៅក្នុងចរន្តសេដ្ឋកិច្ចរបស់អាមេរិករយៈពេល ៥ឆ្នាំ ដើម្បីបណ្ដាក់ទុនដូចគ្នា៕

អត្ថបទ៖ Luffy រូបភាព៖ Inc. Magazine

The post Apple ហ៊ានចំណាយ ៥០០ពាន់លានដុល្លារ វិនិយោគនៅអាមេរិករយៈពេល ៤ឆ្នាំ appeared first on Millions times.

តាមដានជាមួយយើង៖ Million Times

ក្រុមហ៊ុនខ្នាតយក្សអាមេរិក បានធ្លាក់មកដល់លេខរៀងទី៣ ជាអ្នកលក់ស្មាតហ្វូនច្រើនបំផុតនៅចិន បន្ទាប់ពីមានទិន្នន័យលក់តិចជាងក្រុមហ៊ុនក្នុងស្រុកចំនួន ២ គឺ Vivo និង Huawei។

តាមរបាយការណ៍បញ្ចេញដោយក្រុមហ៊ុនស្រាវជ្រាវ Canalys បានឲ្យដឹងថា រយៈពេលមួយឆ្នាំពេញ ក្នុងឆ្នាំ២០២៤ ការលក់ទូរស័ព្ទ iPhone នៅប្រទេសចិនបានថយចុះ ១៧% និងត្រូវបានចាត់ទុកថា ជាការលក់អាក្រក់បំផុតរបស់ក្រុមហ៊ុន Apple ចាប់តាំងពីបោះជើងចូលទីផ្សារស្រុកចិន។

មូលហេតុដែលធ្វើឲ្យ Apple បាត់បង់ម្កុដជាកំពូលអ្នកលក់ស្មាតហ្វូននៅចិន គឺដោយសារសន្ទុះគាំទ្ររបស់ប្រជាជន ចំពោះផលិតផលក្នុងស្រុកដូចជា Huawei និង Vivo កត្តាបច្ចេកវិទ្យាដែលក្រុមហ៊ុនអាមេរិកផ្ដល់ឲ្យនៅមានកម្រិត គួបផ្សំជាមួយកត្តាតម្លៃ ដែលថ្លៃជាងផលិតផលក្នុងស្រុកខ្លាំងពេក ទើបធ្វើឲ្យទិន្នន័យលក់របស់ក្រុមហ៊ុនខ្នាតយក្សអាមេរិក មានការដាំក្បាលចុះនឹកស្មានមិនដល់៕

អត្ថបទ៖ Luffy រូបភាព៖ AOL

The post Apple របូតម្កុដជាស្ដេចត្រាញ់លក់ស្មាតហ្វូនច្រើនបំផុតនៅប្រទេសចិន appeared first on Millions times.

តាមដានជាមួយយើង៖ Million Times

ទីភ្នាក់ងារសារព័ត៌មាន Bloomberg បានរាយការណ៍ថា សំណើដែលក្រុមហ៊ុនបច្ចេកវិទ្យាខ្នាតយក្សអាមេរិកដាក់ទៅនោះ គឺបណ្ដាក់ទុន ១០០លានដុល្លារ ក្នុងរយៈពេល ២ឆ្នាំនៅក្នុងប្រទេសឥណ្ឌូណេស៊ី ខណៈកន្លងមកធ្លាប់មានបំណងវិនិយោគត្រឹម ៩,៥លានដុល្លារប៉ុណ្ណោះ។

ក្រោយទទួលបានសំណើនេះហើយ ក្រសួងឧស្សាហកម្មឥណ្ឌូណេស៊ី មិនទាន់សម្រេចចិត្តភ្លាមៗឡើយ ក៏ប៉ុន្តែពួកគេទាមទារឲ្យក្រុមហ៊ុន Apple ផ្លាស់ប្តូរផែនការវិនិយោគ ដើម្បីផ្តោតលើការស្រាវជ្រាវ និងការអភិវឌ្ឍន៍ស្មាតហ្វូននៅក្នុងប្រទេសខ្លួនវិញ។

គួររំលឹកបន្តិចថា កាលពីខែមុន ក្រសួងឧស្សាហកម្មឥណ្ឌូណេស៊ី បានហាមឃាត់មិនឲ្យមានការលក់ទូរស័ព្ទ iPhone 16 នៅក្នុងប្រទេសខ្លួនឡើយ ដ្បិតក្រុមហ៊ុន Apple មិនបានធ្វើតាមគោលការណ៍វិនិយោគរបស់ខ្លួន ពោលគឺមិនបានប្រើប្រាស់វត្ថុធាតុដើម យ៉ាងតិច ៤០% នៅក្នុងផលិតផលដែលត្រូវដាក់លក់លើទីផ្សារឥណ្ឌូណេស៊ី៕

អត្ថបទ៖ Luffy រូបភាព៖ The Star

The post Apple ដាក់សំណើវិនិយោគច្រើនជាងមុន ១០ដង សុំឲ្យឥណ្ឌូណេស៊ីដកបម្រាមលក់ទូរស័ព្ទ iPhone 16 appeared first on Millions times.

តាមដានជាមួយយើង៖ Million Times

តាមការចុះផ្សាយពីគេហទំព័របច្ចេកវិទ្យា GSMArena បានបង្ហាញថា មូលហេតុដែលឥណ្ឌូណេស៊ី​ហាមឃាត់ការលក់ទូរស័ព្ទ iPhone គឺដោយសារក្រុមហ៊ុន Apple មិនគោរពតាមគោលការណ៍វិនិយោគ នៅប្រទេសមានសេដ្ឋកិច្ចធំបំផុតក្នុងតំបន់អាស៊ាន។

ប្រទេសឥណ្ឌូណេស៊ីតម្រូវឲ្យក្រុមហ៊ុនទូរស័ព្ទបរទេស វិនិយោគ និងប្រើប្រាស់គ្រឿងបន្លាស់ក្នុងស្រុកយ៉ាងហោចណាស់ ៤០% នៃផលិតផល ដែលត្រូវដាក់លក់លើទីផ្សារឥណ្ឌូណេស៊ី ហើយក្រុមហ៊ុន Apple មិនបានធ្វើតាមគោលការណ៍មួយនេះឡើយ។

រដ្ឋមន្ត្រីក្រសួងឧស្សាហកម្ម លោក Agus Gumiwang Kartasasmita បានមានប្រសាសន៍ថា៖ បើសិនជាបានឃើញអ្នកប្រើប្រាស់ទូរស័ព្ទ iPhone 16 នៅក្នុងប្រទេសឥណ្ឌូណេស៊ី សូមរាយការណ៍ទៅកាន់អាជ្ញាធរ ព្រោះវាគឺជាផលិតផលខុសច្បាប់។

ទីភ្នាក់ងារព័ត៌មានរដ្ឋឥណ្ឌូណេស៊ី Antara ក៏បានបញ្ជាក់ដែរថា ភ្ញៀវទេសចរណ៍ និងបុគ្គលិកបម្រើការងារផ្នែកអាកាសចរណ៍ អនុញ្ញាតឲ្យប្រើប្រាស់ទូរស័ព្ទ iPhone 16 បានចំនួន ២គ្រឿងក្នុងម្នាក់ អំឡុងពេលស្នាក់នៅប្រទេសឥណ្ឌូណេស៊ី ក៏ប៉ុន្តែមិនមានសិទ្ធលក់ឲ្យប្រជាជនក្នុងស្រុកឡើយ៕

អត្ថបទ៖ Luffy រូបភាព៖ Antara

The post ឥណ្ឌូណេស៊ី ហាមឃាត់ការលក់ទូរស័ព្ទ iPhone 16 ទូទាំងប្រទេស appeared first on Millions times.

តាមដានជាមួយយើង៖ Million Times

សារព័ត៌មាន Bloomberg បានរាយការណ៍ថា ជំនួបរវាងបុគ្គលទាំង ២រូប ជជែកគ្នាយ៉ាងជក់ចិត្តលើវិស័យបច្ចេកវិទ្យា និងឥទ្ធិពលដែលក្រុមហ៊ុន Apple កំពុងមាននៅប្រទេសចិន។

រដ្ឋមន្ត្រីចិនរូបនេះ បានទទូចឲ្យមេធំ Apple បន្តចាក់លុយវិនិយោគនៅប្រទេសខ្លួនបន្ថែម ជាពិសេសការបង្កើននូវសង្វាក់ផលិតកម្មគុណភាព ស្របពេលបច្ចុប្បន្នក្រុមហ៊ុន Apple ក៏កំពុងស្វែងរកដៃគូសហការពិសេសនៅចិន ដែលមានចក្ខុវិស័យអភិវឌ្ឍបច្ចេកវិទ្យា AI ផងដែរ។

ក្រុមហ៊ុនដែលអាចក្លាយជាដៃគូជាមួយ Apple លើការវិនិយោគបច្ចេកវិទ្យា AI អាចមានដូចជា ក្រុមហ៊ុន Alibaba Group Holding Ltd និងក្រុមហ៊ុន Baidu Inc ដែលមានចក្ខុវិស័យខ្ពស់ សម្រាប់បច្ចេកវិទ្យាដ៏ពេញនិយមមួយនេះ។ នេះបើតាមការចុះផ្សាយពីសារព័ត៌មាន Bloomberg៕

អត្ថបទ៖ Luffy រូបភាព៖ SCMP

The post ក្រោយជួបជាមួយមន្ត្រីចិន មេធំ Apple ប្ដេជ្ញាបង្កើនការវិនិយោគនៅមហាអំណាចអាស៊ីបន្ថែម appeared first on Millions times.

ទន្ទឹមនឹងនោះ ក្រុមហ៊ុនផលិតបន្ទះឈីប Nvidia បានរំកិលខ្លួនមកដល់លេខរៀងទី២ ជាក្រុមហ៊ុនមានតម្លៃថ្លៃបំផុតលើលោក និងមានមូលធនទីផ្សារប្រកៀកប្រកិតខ្លាំង ជាមួយក្រុមហ៊ុន Apple ពោលគឺមានតម្លៃ ៣,៥២៥ទ្រីលានដុល្លារ។

ខាងក្រោមនេះគឺជាបញ្ជីឈ្មោះក្រុមហ៊ុនមានតម្លៃថ្លៃបំផុតលើលោកទាំង១០ ផ្អែកតាមរបាយការណ៍ចេញផ្សាយដោយគេហទំព័រ CompaniesMarketCap ត្រឹមថ្ងៃទី២២ ខែតុលា៖

តាមដានជាមួយយើង៖ Million Times

អត្ថបទ៖ Luffy រូបភាព៖ Companiesmarketcap

The post មកស្គាល់ក្រុមហ៊ុនកំពូលទាំង១០ មានតម្លៃថ្លៃបំផុតនៅលើពិភពលោក appeared first on Millions times.

តាមដានជាមួយយើង៖ Million Times

តាមរយៈការចុះផ្សាយពីទីភ្នាក់ងារសារព័ត៌មាន AFP បានបង្ហាញថា អត្រាលក់ទូរស័ព្ទ iPhone រយៈពេលប៉ុន្មានត្រីមាសចុងក្រោយនៅប្រទេសចិន មានការធ្លាក់ចុះជាខ្លាំង ដ្បិតក្រុមហ៊ុនគូប្រជែងក្នុងស្រុកដូចជា Huawei និង Xiaomi កំពុងកាន់កាប់ទីផ្សារបានយ៉ាងល្អ។

របាយការណ៍បញ្ចេញដោយក្រុមហ៊ុន Canalys ដែលជាអ្នកតាមដានទីផ្សារ បានឲ្យដឹងថា ក្រុមហ៊ុន Apple បានធ្លាក់កូដខ្លាំងមែនទែននៅចិន ដោយបានរបូតតំណែងពីក្រុមហ៊ុនលក់ទូរស័ព្ទធំបំផុតទី៣ មកនៅលេខរៀងទី០៦ សម្រាប់ត្រីមាសទី០២។

គួរជម្រាបដែរថា លោក Tim Cook បានធ្វើដំណើរទៅកាន់ប្រទេសចិនកាលពីខែមីនាម្ដង នៅពេលលោកចូលរួមវេទិកាសេដ្ឋកិច្ចមួយនៅទីក្រុងប៉េកាំង និងបានទៅសម្ពោធសាខា Apple ថ្មីនៅទីក្រុងសៀងហៃផងដែរ។

អត្ថបទ៖ Luffy រូបភាព៖ Economics Times

The post មេធំក្រុមហ៊ុន Apple បំពេញទស្សនកិច្ចនៅចិនលើកទី២ ចំពេលអត្រាលក់ធ្លាក់ចុះខ្លាំង appeared first on Millions times.