តាមដានជាមួយយើង៖ Million Times

មិន​ត្រឹម​អគារ​មិត្តភាព​កម្ពុជា-កូរ៉េ នៃ​មន្ទីរពេទ្យ​កុមារ​ជាតិ ប៉ុណ្ណោះ​ទេ ជំនួយ​ឥត​សំណង​របស់​សាធារណរដ្ឋ​កូរ៉េ ក៏​រួម​មាន​ទំនើបកម្ម​បរិក្ខារ​ពេទ្យ សេវាកម្ម និង​ការ​បណ្ដុះបណ្ដាល បច្ចេកវិទ្យា​វេជ្ជសាស្ត្រ​ថ្មីៗ ដើម្បី​បម្រើ​សេវា​សុខភាព​ជូន​កុមារ​កម្ពុជា ប្រកប​ដោយ​គុណភាព និង​សមធម៌ សំដៅ​ធ្វើ​ឲ្យ​សុខភាពកុមារ ប្រកប​ដោយ​សុខភាព និង​សុខុមាលភាព។

អគារមន្ទីរពេទ្យថ្មីនេះមានកម្ពស់ ២៤,៧ម៉ែត្រ, ទទឹង ៣៧,៨០ ម៉ែត្រ និង​បណ្ដោយ ៧៦,៨០ម៉ែត្រ មាន​កម្ពស់ ៥ ជាន់ (រាប់ទាំងជាន់ក្រោមដី) គិតជាផ្ទៃក្រឡាសរុបស្មើនឹង ៩ ០៥៣ ម៉ែត្រការ៉េ តាម​ជាន់​នីមួយៗ មានបែងចែកមុខងារដូចខាងក្រោម៖

-ជាន់ផ្ទាល់ដី៖ ផ្នែក​ពិគ្រោះ​ជំងឺ​ក្រៅ​ផ្នែក​ឯកទេស​រោគ​កុមារ ផ្នែក​ឱសថ​ស្ថាន សម្រាប់​ជំងឺ​សម្រាក​ពេទ្យ កន្លែង​ទទួល​ភ្ញៀវ និង​អាហារដ្ឋាន​សម្រាប់​បុគ្គលិក​នៅ​ចន្លោះ​រវាង​អគារ​មិត្តភាព​កម្ពុជា-កូរ៉េទី១ និងទី២នេះ។

-ជាន់ទី១៖ ផ្នែកស្ដារតាលទ្ធភាពពលកម្ម (Rehabilitation) ផ្នែក​លាង​ឈាម (Artificial kidney) និង​ជំងឺ​តម្រងនោម និង​បន្ទប់​វះកាត់​ផ្នែក និង​ត្រចៀក ច្រមុះ បំពង​ករ។

-ជាន់ទី២៖ ផ្នែក​ជំងឺ​មហារីក​កុមារ (Oncology) មាន ៣២ គ្រែ និង​មាន​បន្ទប់​ដាក់​អ្នក​ជំងឺ​ដោយ​ឡែក ១ និង​ផ្នែក​ជំងឺ​លោហិត​សាស្ត្រ និង​ប្រព័ន្ធ​ការពារ​មាន ៣០គ្រែ។

-ជាន់ទី៣៖ ផ្នែក​ជំងឺ​ប្រដាប់​រំលាយអាហារ (Gastrology) មាន ៣៤ គ្រែ និង​ផ្នែក​កង្វះ​អាហារូបត្ថម្ភ​មាន ៣០គ្រែ។

-ជាន់ទី៤៖ ផ្នែកជំងឺផ្លូវដង្ហើមទីទី១ (Pneumology 1) មាន ៣៤ គ្រែ និងផ្នែកជំងឺផ្លូវដង្ហើមទីទី២ (Pneumology 2) មាន ២៨ គ្រែ និង​មាន​បន្ទប់​ដាក់​អ្នក​ជំងឺ​ដោយ​ឡែក​១ ។

អគារមិត្តភាពកម្ពុជា-កូរ៉េ អគារទី២ នៃមន្ទីរពេទ្យកុមារជាតិ ក្រោម​ជំនួយឥតសំណងរបស់កូរ៉េ មានតម្លៃ ១៦,៩៩ លានដុល្លារ៕

អត្ថបទ៖ ឆដា, រូបភាព៖ ក្រសួងសុខាភិបាលនៃព្រះរាជាណាចក្រកម្ពុជា

The post មន្ទីរពេទ្យកុមារជាតិបានបើកការដ្ឋានសាងសង់អគារមិត្ត​ភាពកម្ពុជា-កូរ៉េ ក្រោមជំនួយឥតសំណងរបស់កូរ៉េ តម្លៃ ១៦,៩៩ លានដុល្លារ appeared first on Millions times.

ក្នុងឱកាសព្រះរាជពិធីបុណ្យអុំទូកឆ្នាំនេះ លោក ឈាង រ៉ា រដ្ឋមន្ដ្រីក្រសួងសុខាភិបាល បានណែនាំឱ្យមណ្ឌលសុខភាព និងប៉ុស្តិ៍សុខភាព បន្តពង្រឹងការផ្តល់សេវា២៤ម៉ោង លើ ២៤ម៉ោង ក្នុងអំឡុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក និងបានជំរុញឱ្យអង្គភាពទាំងអស់ ចូលរួមធ្វើឱ្យស្ថាប័នសុខាភិបាល ជាស្ថាប័នជួរមុខ ក្នុងការបង្ការកុំឱ្យមានគ្រោះអាសន្នសុខភាពសាធារណៈ។

តាមដានជាមួយយើង៖ Million Times

ក្នុងពេលធ្វើបាឋកឋាលើការទាក់ទាញភាគីពាក់ព័ន្ធ (Stakeholders) ឱ្យចូលរួមក្នុងការអភិវឌ្ឍន៍នៅក្នុងវិស័យសុខាភិបាល តាមប្រព័ន្ធវីដេអូនាថ្ងៃទី១២ ខែវិច្ឆិកា ឆ្នាំ២០២៤ លោក ឈាង រ៉ា បានលើកឡើងថា ក្រសួងសុខាភិបាលបានត្រៀមក្រុមគ្រូពេទ្យធ្វើដំណើរមកកាន់រាជធានីភ្នំពេញ ជាមួយក្រុមកីឡាករអុំទូកតាមបណ្តាខេត្តផ្សេងៗ ក្នុងព្រះរាជពិធីបុណ្យអុំទូក។

សូមជម្រាបថា ក្រសួងសុខាភិបាលបានរៀបចំនូវទីតាំងជម្រកតង់ការពារសុខភាព និងក្រុមគ្រូពេទ្យប្រចាំការ រថយន្តគិលានសង្រ្គោះបន្ទាន់នៅតាមបណ្តាគោលដៅនីមួយៗ ដែលមានចំនួន ១៥ជម្រកតង់ រថយន្តគ្លីនិកចល័ត ចំនួន ២កន្លែង និងក្រុមគ្រូពេទ្យចល័តក្នុងក្រុមមហាជនផងដែរ ដើម្បីផ្តល់សេវាសង្គ្រោះជូនបងប្អូនប្រជាពលរដ្ឋក្នុងករណីមានបញ្ហាសុខភាពបន្ទាន់។

តាមរបាយការណ៍របស់គណៈកម្មាធិការរៀបចំបុណ្យជាតិ-អន្តរជាតិ ក្នុងព្រះរាជពិធីបុណ្យអុំទូកឆ្នាំនេះ មានទូកងនិងទូកមួងដែលចុះឈ្មោះចូលរួមប្រកួតមានចំនួនសរុប៣៤៨ទូក ខណៈកីឡាករ-កីឡាការិនីចំណុះទូក និងបម្រុងមានចំនួនសរុប២២,០៤២នាក់ មានមកពី១៩រាជធានី-ខេត្ត ព្រមទាំងក្រសួង ស្ថាប័ន អង្គភាព សមាគម វត្តអារាមមួយចំនួនទៀត៕

អត្ថបទ៖ សាងតេជៈ រូបភាព៖ រដ្ឋបាលរាជធានីភ្នំពេញ

The post លោក ឈាង រ៉ា ណែនាំឲ្យមណ្ឌលសុខភាព និងប៉ុស្តិ៍សុខភាពបន្តពង្រឹងការផ្តល់សេវា២៤ម៉ោងលើ ២៤ម៉ោង ក្នុងព្រះរាជពិធីបុណ្យអុំទូក appeared first on Millions times.

លោក ឈាង រ៉ា បានលើកឡើងថា ការវិនិយោគលើវិស័យសុខាភិបាល គឺជាគន្លឺះដ៏សំខាន់មួយសម្រាប់ការអភិវឌ្ឍន៍ប្រទេស ដោយសារប្រជាជនមានសុខភាពល្អ គឺជាមូលដ្ឋានគ្រឹះដ៏សំខាន់នៃកំណើនសេដ្ឋកិច្ច ការប្រកួតប្រជែង និងការអភិវឌ្ឍប្រកបដោយចីរភាព។ 

តាមដានជាមួយយើង៖ Million Times

លោកថា ការចូលរួមប្រកបដោយប្រសិទ្ធភាពពីវិស័យឯកជន នឹងជួយពង្រឹងវិស័យសុខាភិបាល ទាំងមូលចាប់ពីសេវាវេជ្ជសាស្រ្តរហូតដល់ផ្នែកដែលមិនមែនជាវេជ្ជសាស្ត្រ រួមទាំងការផ្តល់សេវាថែទាំសុខភាពប្រកបដោយភាពច្នៃប្រឌិត ការផលិតផលសុខាភិបាល ឧស្សាហកម្មឱសថ បច្ចេកវិទ្យាប្រើប្រាស់ រួមទាំងសុខភាពឌីជីថល ភស្តុភារកម្ម ការផ្លាស់ប្តូរជំនាញ រួមទាំងការបណ្តុះបណ្តាលធនធានមនុស្សជាដើម។ បើតាមលោករដ្ឋមន្រ្តី តាមរយៈការប្រមូលផ្តុំធនធាន និងជំនាញដែលមានរបស់យើងទាំងអស់គ្នា យើងអាចដោះស្រាយបញ្ហាប្រឈមសុខភាពទូទៅ បង្កើតការព្យាបាលថ្មី និងកែលម្អលទ្ធផលសុខភាពសម្រាប់ប្រជាជនរបស់យើង។

ក្នុងនាមក្រសួងសុខាភិបាលលោករដ្ឋមន្ត្រី បានបញ្ជាក់ជំហរស្វាគមន៍ និងសម្របសម្រួលរាល់សំណើវិនិយោគ និងកិច្ចសហប្រតិបត្តិការលើវិស័យសុខាភិបាលនៅកម្ពុជា។

សូមបញ្ជាក់ថា តំណាងក្រសួងសុខាភិបាលទទួលជួបពិភាក្សាការងារ ជាមួយក្រុមហ៊ុន និងសមាគមអ្នកវិនិយោគផ្នែកសុខាភិបាល បារាំង ដើម្បីផ្លាស់ប្តូរនូវទស្សនៈ និងពិភាក្សាស្វែងយល់ឱកាសវិនិយោគ និងកិច្ចសហប្រតិបត្តិការលើវិស័យសុខាភិបាល៕

អត្ថបទ និងរូបភាព៖ ផល កុសល

The post រដ្ឋមន្ត្រីសុខាភិបាល៖ ប្រជាជនមានសុខភាពល្អ គឺជាមូលដ្ឋានគ្រឹះដ៏សំខាន់នៃកំណើនសេដ្ឋកិច្ច appeared first on Millions times.

សេចក្ដីប្រកាសព័ត៌មានរបស់ក្រសួងសុខាភិបាល នៅព្រឹកថ្ងៃសៅរិ៍នេះ បានឲ្យដឹងថា ក្មេងប្រុសរូបនេះ មានទីលំនៅក្នុងភូមិពោធិ៍ ឃុំប្រាសាទជាន់ជុំ ស្រុកគីរីវង្ស ខេត្តតាកែវ។ ក្មេងប្រុសនេះ មានគ្រុនក្តៅ ក្អក ហត់ និងពិបាកដកដង្ហើម។

យ៉ាងណាក៏ដោយ បច្ចុប្បន្នស្ថានភាពក្មេងប្រុសអាយុ ៣ឆ្នាំរូបនេះ បានធូរស្រាល និងកំពុងទទួលបានការថែទាំ យ៉ាងយកចិត្តទុកដាក់ពីសំណាក់ក្រុមគ្រូពេទ្យ។ តាមការសាកសួរបង្ហាញថា ប្រហែល ១០ថ្ងៃ មុនចាប់ផ្តើមឈឺ នៅភូមិមានមាន់ទាងាប់ ហើយនៅផ្ទះអ្នកជំងឺបានយកមកធ្វើម្ហូបបរិភោគ ក្មេងប្រុសបានប៉ះពាល់និងកាន់ មាន់ងាប់។

តាមរយៈសេចក្ដីប្រកាសព័ត៌មានេះ ក្រសួងសុខាភិបាល បានក្រើនរំលឹកដល់ប្រជាពលរដ្ឋទាំងអស់គ្នា សូមយកចិត្តទុកដាក់ប្រុង ប្រយ័ត្នលើជំងឺផ្តាសាយបក្សីជានិច្ច ពីព្រោះជំងឺផ្តាសាយបក្សី H5N1 នៅតែបន្តគំរាមកំហែងដល់សុខភាព ប្រជាពលរដ្ឋ។  

ម្យ៉ាងទៀតសម្រាប់ប្រជាពលរដ្ឋ ប្រសិនបើមានអាការៈក្តៅខ្លួន ក្អក ហៀរសំបោរ ឬពិបាក ដកដង្ហើម និងមានប្រវត្តិធ្លាប់បានប៉ះពាល់ជាមួយមាន់ទាឈឺ ឬងាប់ក្នុងអំឡុង ១៤ថ្ងៃ មុនថ្ងៃចាប់ផ្តើមមាន រោគសញ្ញា សូមកុំទៅជួបជុំ ឬទីប្រជុំជនដែលមានមនុស្សច្រើន និងត្រូវស្វែងរកការ ពិគ្រោះយោបល់ និងការ ពិនិត្យព្យាបាលនៅតាមមូលដ្ឋានសុខាភិបាល ដែលនៅជិតលោកអ្នកបំផុត ឲ្យបានឆាប់ទាន់ពេលវេលា៕

អត្ថបទ៖ វីរៈ រូបភាព៖ ក្រសួងសុខាភិបាល​

តាមដានជាមួយយើង៖ Million Times

The post រកឃើញក្មេងប្រុសអាយុ ៣ឆ្នាំ វិជ្ជមានវីរុសផ្តាសាយបក្សី (H5N1)    appeared first on Millions times.