តាមដានជាមួយយើង៖ Million Times

ការលើកឡើងនេះ បានធ្វើឡើងក្នុងវេទិកា ស្ដីពី ការពង្រឹងភាពជាដៃគូយុទ្ធសាស្រ្ដ ដើម្បីអភិវឌ្ឍទ្រនំសុភមង្គល ភូមិឋានក្សេមក្សាន្ដ និងបុរីជនបទសម្រាប់ប្រជាជនកម្ពុជា ដែលរៀបចំដោយក្រសួងរៀបចំដែនដី នគរូបនីយកម្ម និងសំណង់ និងអង្គការលំនៅឋានមនុស្សជាតិកម្ពុជា ក្រោមជំនួយរបស់ប្រទេសអូស្រ្តាលី កាលពីថ្ងៃទី១៨ ខែមីនា។

ក្នុងឱកាសនោះ ឯកឧត្តមឧបនាយករដ្ឋមន្ត្រី បានថ្លែងថា ទ្រនំសុភមង្គល ភូមិឋានក្សេមក្សាន្ដ និងបុរីជនបទ គឺជាទិសដៅការងារ ដែលក្រសួងរៀបចំដែនដី នគរូបនីយកម្ម និងសំណង់ បានដាក់ចេញជាត្រីវិស័យតម្រង់ទិសសង្គមជាតិទាំងមូល និងដើម្បីធ្វើឱ្យប្រជាជនកម្ពុជាគ្រប់រូប មានលំនៅឋានសមរម្យសម្រាប់រស់នៅ។

ឯកឧត្តម សាយ សំអាល់ បានបន្ថែមថា ពីនេះទៅមុខ ការធ្វើផ្ទះ មិនមែនគ្រាន់តែសង់ផ្ទះប៉ុណ្ណោះទេ ប៉ុន្តែត្រូវគិតគូរពីវប្បធម៌ ប្រពៃណី ទំនៀមទំលាប់ តម្លៃនៃគ្រួសារ និងគុណតម្លៃនៃជីវិត ដែលបង្កលក្ខណៈឱ្យក្រុមគ្រួសារ ឪពុកម្តាយ កូនចៅ និងជីដូនជីតា អាចរស់នៅជួបជុំជាទ្រនំសុភមង្គល។

ជាមួយគ្នានេះ ឯកឧត្តមឧបនាយករដ្ឋមន្ត្រី ក៏បានអំពាវនាវឱ្យគ្រប់ភាគីពាក់ព័ន្ធជួយគ្នា ដើម្បីឱ្យប្រជាជន អាចរក្សាប្រាក់ចំណូល បង្កើនប្រាក់សន្សំ និងបន្ថយបំណុលគ្រួសារ ដែលជាកត្តាធ្វើឱ្យលំនៅឋានរុងរឿងជាងមុន និងកកើតច្រើនជាងមុន៕

អត្ថបទ៖ វីរៈ រូបភាព៖ ក្រសួងរៀបចំដែនដី

second...

x

The post ពីនេះទៅមុខការធ្វើផ្ទះ មិនមែនគ្រាន់តែសង់ផ្ទះប៉ុណ្ណោះទេ ប៉ុន្តែត្រូវគិតគូរពីវប្បធម៌ ប្រពៃណី ទំនៀមទំលាប់ តម្លៃនៃគ្រួសារ appeared first on Millions times.

ឯកឧត្តម ថេង ច័ន្ទសង្វារ តំណាងឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានថ្លែងដូច្នេះ នា​​ឱកាសអញ្ជើញចូលរួមក្នុងវេទិកាអនាគតនៃវិស័យអចលនទ្រព្យលេីកទី៥ ឆ្នាំ២០២៦ (RFF2026) នាទីក្រុងរីយ៉ាត ប្រទេសអារ៉ាប៊ីសាអូឌីត នាថ្ងៃទី២៦ ខែមករា ឆ្នាំ២០២៦។

តាមដានជាមួយយើង៖ Million Times

ឯកឧត្តម បានថ្លែងថា ៖«ថ្ងៃនេះខ្ញុំមានកិត្តិយសដ៏ខ្ពស់ខ្ពស់​ ដោយបានចូលរួមជាតំណាងឯកឧត្តម​ឧបនាយករដ្ឋមន្ត្រី​ សាយ​ សំអាល់​ រដ្ឋមន្ត្រី​ក្រសួង​រៀបចំដែនដី​ នគរូបនីយកម្ម​ និងសំណង់​ ក្នុងវេទិកាអនាគតនៃវិស័យអចលនទ្រព្យលើកទី៥​ ​ឆ្នាំ២០២៦ (RFF2026)​ នាទីក្រុងរីយ៉ាត​ ប្រទេសអារ៉ាប៊ី​សាអូឌីត​»។

ឯកឧត្តម បានបន្តថា «ឆ្លើយតបនឹងសំណួររបស់អ្នកសម្របសម្រួល​ ខ្ញុំបានរំលេចជូនអង្គ​វេទិកា​ថាក្នុងវិស័យអចលទ្រព្យ​ រាជរដ្ឋាភិបាលកម្ពុជាមិនចាត់ទុកខ្លួនត្រឹមតែជាអ្នកដាក់ចេញគោលនយោបាយ​ និងជានិយ័តករនោះទេ​ ប៉ុន្តែក៏ជាដៃគូដ៏សំខាន់និងស្និទ្ធស្នាលរបស់អ្នកអភិវឌ្ឍន៍ផងដែរ។ ភាពជាដៃគូនេះ​ធ្វើឡើង​តាមរយៈ​វេទិការាជរដ្ឋាភិបាល-វិស័យឯកជន​ កិច្ចសហប្រតិបត្តិការជាមួយសមាគមអ្នកសាងសង់កម្ពុជា​ និងសមាគម​អ្នកអភិវឌ្ឍលំនៅឋានកម្ពុជា​ ជាដើម។

ជាង​នេះទៅទៀត​ ចំពោះមួយចំនួន​តូចដែល​ត្រូវបាន​ប៉ះពាល់ដោយសារកូវីដ-១៩​និង​ស្ថានភាព​សេដ្ឋកិច្ច​ រាជ​រដ្ឋាភិបាល​កម្ពុជា​ តែងនៅ​ឈរ​ដោះស្រាយ​ជាមួយ​ភាគី​ពាក់ព័ន្ធ​ដោយឈរលើគោលការណ៍​ឈ្នះ​ ឈ្នះ​ និងជាពិសេស​ បាន​ផ្តល់​ការអនុគ្រោះពន្ធ​និងលើកលែងការបង់កម្រៃសេវា​សាធារណៈជាច្រើន​ ធ្វើយ៉ាងណាធានាការពារផលប្រយោជន៍ស្របច្បាប់​របស់ប្រជាពលរដ្ឋជាអតិថិជន​និងអ្នកពាក់ព័ន្ធ»។

ឯកឧត្តម ថេង ច័ន្ទសង្វារ «ពាក់ព័ន្ធនឹងគោលនយោបាយលំនៅឋាន​ ខ្ញុំបានសង្កត់ធ្ងន់ជូនវេទិកាថា​ កម្ពុជា​មានគោលនយោបាយ​ប្រែក្លាយ​ផ្ទះ​របស់ប្រជាពលរដ្ឋ​គ្រប់​គ្រួសារ​ទៅជា​ទ្រនំសុភមង្គល​ តាមរយៈការជំរុញ​ឱ្យមាន​ស្ថាបត្យកម្ម​សាមញ្ញ​ ងាយស្រួលរស់នៅ​ មានផាសុកភាព​ មានបណ្តាញ​សេវាសាធារណៈជាមូលដ្ឋាន​គ្រប់គ្រាន់ ដូចជា​ទឹក​​ ភ្លើង​ ផ្លូវ​ ផ្សារ​ សាលារៀន​ មណ្ឌលសុខភាព​។ល។ ដើម្បីសម្រេចគោលដៅនេះ​ ក្រសួងរៀបចំដែនដី​ នគរូបនីយកម្ម​ និងសំណង់​ កំពុង​ជំរុញ​បង្កើតនិងប្រើប្រាស់មូលនិធិ​លំនៅឋាន​ ការផ្តល់កម្ចីទាបសមរម្យ​ និងការវិនិយោគអចលនវត្ថុឱ្យចំគោលដៅ។​ ក្នុងន័យនេះ​ វិស័យឯកជន​ពិតជាដៃគូមិនអាចខ្វះបាន​ក្នុងការចូលរួមធ្វើឱ្យសម្រេចក្តីស្រមៃ​របស់កម្ពុជា»៕

អត្ថបទ៖ ប៊ី

second...

x

The post មន្តីជាន់ខ្ពស់ក្រសួងរៀបចំដែនដី៖ ​កម្ពុជា​មានគោលនយោបាយ​ប្រែក្លាយ​ផ្ទះ​ប្រជាពលរដ្ឋ​​ទៅជា​ទ្រនំសុភមង្គល appeared first on Millions times.

ការចេញមុខអំពាវនាវរបស់ក្រសួងរៀបចំដែនដី ក្រោយកើតមានឧបទ្ទវហេតុធ្លាក់កន្រ្តកយោងនៅការដ្ឋានសាងសង់អគារពាណិជ្ជកម្ម ប្លុកB របស់ក្រុមហ៊ុន អូវើស៊ី ខេមបូឌាបណ្តាឲ្យកម្មករចំនួន ៥នាក់បានបាត់បង់ជីវិតភ្លាមៗ ខណ្ឌ៧មករា រាជធានីភ្នំពេញ។

តាមរយៈសេចក្តីជូនដំណឹងរបស់ខ្លួននៅថ្ងៃទី៨ ខែវិច្ឆិកានេះ ក្រសួងរៀបចំដែនដី បានឲ្យដឹងថា ក្រោយចុះស្រាវជ្រាវ និងធ្វើកោសល្យវិច្ឆ័យរកឃើញថា មូលហេតុនៃឧបទ្ទវហេតុនេះ គឺបណ្តាលមកពីក្រុមជាងជុសជួលកន្រ្តយោងដែលជាប់គាំង ពុំបានគោរពតាមវិធានប្រព័ន្ធសុវត្ថិភាពស្វ័យប្រវត្តិកន្រ្តកយោង។

ដើម្បីធានាគុណភាព និងសុវត្ថិភាពសំណង់ និងបង្ការគ្រោះថ្នាក់ជាយថាហេតុនៅពេលដំណើរការសាងសង់ ម្ចាស់សំណង់ និងក្រុមហ៊ុនសាងសង់ទាំងអស់ ត្រូវមានក្រុមហ៊ុនត្រួតពិនិត្យ និងបញ្ជាក់សំណង់ដែលមានអាជ្ញាបណ្ណត្រឹមត្រូវ ដើម្បីធ្វើការត្រួតពិនិត្យ និងបញ្ជាក់ការងារសាងសង់របស់ខ្លួនស្របតាមលក្ខខណ្ឌនៃការ អនុវត្តការងារសាងសង់ ដែលមានចែងក្នុងច្បាប់ស្តីពីសំណង់ និងអនុក្រឹត្យលេខ ២២៥ អនក្រ.បក ចុះថ្ងៃទី៣០ ខែធ្នូ ឆ្នាំ២០២០ ស្តីពីលក្ខខណ្ឌនិងនីតិវិធីនៃការត្រួតពិនិត្យនិងបញ្ជាក់សំណង់ និងត្រូវមានបុគ្គលទទួលខុសត្រូវ ផ្នែកសុវត្ថិភាពការដ្ឋានសំណង់ជាប្រចាំ៕

អត្ថបទ និងរូបភាព៖ សេដ្ឋានី 

second...

x

The post ក្រសួងរៀបចំដែនដីតម្រូវឲ្យម្ចាស់សំណង់ និងអ្នកម៉ៅការសាងសង់ ត្រូវមានក្រុមហ៊ុនត្រួតពិនិត្យត្រឹមត្រូវ appeared first on Millions times.

ក្រសួងរៀបចំដែនដី នគរូបនីយកម្ម និងសំណង់ និងនិយ័តករអាជីវកម្មអចលនវត្ថុ និងបញ្ចាំនៃក្រសួងសេដ្ឋកិច្ច បានបើកកិច្ចប្រជុំសម្របសម្រួលដោះស្រាយករណីបុរី MC Villa គម្រោងទី១ ស្ថិតនៅអង្គរជ័យ សង្កាត់ស្នោរ ខណ្ឌកំបូល រាជធានីភ្នំពេញដែលឈានដល់ការព្រមព្រៀងគ្នាបញ្ចប់វិវាទ និងប្រគល់ប័ណ្ណទាំងអស់មកក្រសួង ដើម្បីបំបែក និងផ្ទេរកម្មសិទ្ធិដល់អតិថិជន នាពេលឆាប់ៗខាងមុខ។ បើតាមការបញ្ជាក់លើទំព័រហ្វេសប៊ុកផ្លូវការក្រសួងរៀបចំដែនដី នាថ្ងៃទី៤ ខែកញ្ញានេះ។

កាលពីថ្ងៃទី១៣ ខែវិច្ឆិកា ឆ្នាំ២០២៣ និយ័តករអាជីវកម្មអចលនវត្ថុ និងបញ្ចាំ បានប្រកាសថា ក្រុមហ៊ុន អិមស៊ី វីឡា ឯ.ក (MC VILLA CO.,LTD.) ប្រកបអាជីវកម្មអភិវឌ្ឍលំនៅឋាន និងដីឡូតិ៍គ្មានអាជ្ញាបណ្ណនោះទេ។ ប្រកាសនាពេលនោះ គឺក្រោយមានវាទប្បដិវាទជាមួយអតិថិជន និងភាគីពាក់ព័ន្ធជាច្រើនករណី និងត្រូវបាននិយ័តករអាជីវកម្មអចលនវត្ថុ និងបញ្ចាំ ន.អ.ប. បញ្ឈប់សកម្មភាពអាជីវកម្មទាំងស្រុង។

អតិថិជនជាច្រើននៃបុរី MC Villa ) គម្រោងទី១ បានប្រកាសព្រមៗគ្នាពីចាញ់បោកម្ចាស់គម្រោង ហើយទាមទារក្រុមហ៊ុនបុរីធ្វើការទូទាត់សង់សំណងវិញឲ្យបានគ្រប់គ្នាៗ ក្រោយពួកគេដឹងថា វិវាទបានកើតព្រមគ្នារវាងម្ចាស់ដី ម្ចាស់បំណុល តំណាងអតិថិជន និងតំណាងម្ចាស់បុរី៕

អត្ថបទ៖ សាងតេជៈ រូបភាព៖ ផេកក្រសួងរៀបចំដែនដី

second...

x

The post ដំណឹងល្អ! វិវាទរវាងបុរី MC Villa និងអតិថិជន បិទបញ្ចប់ត្រៀមបំបែក និងផ្ទេរកម្មសិទ្ធិឲ្យឆាប់ៗ appeared first on Millions times.

ក្រសួងរៀបចំដែនដី នគរូបនីយកម្ម និងសំណង់ បានឲ្យដឹងនៅថ្ងៃទី ២៦ ខែមិថុនានេះ ក្រសួង បានដោះស្រាយបញ្ចប់ករណីវិវាទដីធ្លី ដែលសេសសល់កន្លងមកបានចំនួន ១៣.៣២៩ករណី លើ ១៥.៦៤២ករណី ស្មើនឹង ៨៥,២១ភាគរយ។

តាមដានជាមួយយើង៖ Million Times

ការដោះស្រាយបញ្ចប់វិវាទទាំងនេះ ត្រូវបានអនុវត្តក្នុងយន្តការដែលមានស្រាប់ រួមមាន៖ គណៈកម្មាការសុរិយោដី អជ្ញាធរជាតិដោះស្រាយទំនាស់ដីធ្លី និងក្រុមការងារដោះស្រាយទំនាស់ដីធ្លី ដោយឈរលើគោលការណ៍ឈ្នះឈ្នះ ដោយតម្រូវឲ្យគ្រប់ភាគីពាក់ព័ន្ធចូលរួម សហការ បន្ថយទំហំ សម្រួលព្រំ ប្តូរទីតាំង និងទទួលបានបណ្ណកម្មសិទ្ធិ។

ក្រសួងរៀបចំដែនដី បានបញ្ជាក់ថា វិវាទទាំងជាង ១ម៉ឺនករណីនោះ ស្តែងឡើងក្នុងរូបភាពជាប្រភេទការចូលកាន់កាប់ដីមានបណ្ណកម្មសិទ្ធិ បញ្ហាបណ្ណកម្មសិទ្ធិត្រួតគ្នា លិខិតផ្ទេរសិទ្ធិកាន់កាប់ប្រើប្រាស់ដីធ្លីត្រួតគ្នា សំណើសុំចេញបណ្ណកម្មសិទ្ធិលើដីរដ្ឋ ក្នុងដែនគម្របព្រៃឈើឆ្នាំ ២០០២ និងតំបន់ការពារធម្មជាតិ។

ក្នុងនោះដែរ ក៏មានបណ្ដឹងទប់ស្កាត់ការចេញបណ្ណកម្មសិទ្ធិ សំណើសុំអន្តរាគមន៍ដោះស្រាយបញ្ចប់វិវាទ សំណើសុំចាត់មន្រ្តីចុះវាស់វែងកំណត់ព្រំ សំណើសុំធ្វើអធិការកិច្ចលើសំណង់ខុសបច្ចេកទេស សំណើសុំអន្តរាគមន៍ពន្លឿននីតិវិធីចុះបញ្ជីផ្ទេរកម្មសិទ្ធិនិងចេញបណ្ណ វិវាទមិនស្គាល់ព្រំដីនិងច្រឡំភូមិសាស្រ្ត វិវាទដីជាន់ប្លង់ហេដ្ឋារចនាសម្ព័ន្ធ និងការរំលោភលើដីចំណីសាធារណៈជាដើម។

បន្ថែមលើនេះ ក្រសួងរៀបចំដែនដី ក៏បាននិងកំពុងបន្តជំរុញការងារចុះបញ្ជីដីធ្លីជាលក្ខណៈប្រព័ន្ធ ប្រែក្លាយពី បរិយាកាសដីគ្មានវិវាទ ទៅជាប្រភពចំណូលជាតិ និងពង្រឹងប្រសិទ្ធភាពការងារគ្រប់គ្រងដីរដ្ឋ និងរៀបចំផែនការប្រើប្រាស់ដី ឲ្យស្របតាមសក្តានុពលនៃភូមិសាស្រ្ត និងធនធានធម្មជាតិ៕

អត្ថបទ៖ វីរៈ រូបភាព៖ ក្រសួងរៀបចំដែនដី

second...

x

The post ជម្លោះដីធ្លីជាង ១ម៉ឺនករណី ត្រូវបានក្រសួងរៀបចំដែនដី ដោះស្រាយបញ្ចប់ appeared first on Millions times.