ក្នុងសន្និសីទសារព័ត៌មាននារសៀលថ្ងៃទី២៦ ខែមិថុនានេះ លោក កើត រិទ្ធ បានលើកឡើងថា ទោះបីជាទង្វើរបស់ជនល្មើស ស្រី ស៊ីណា ដែលបានបាញ់សម្លាប់មនុស្សនៅបុរី ប៉េង ហួត កាលពីកន្លងទៅមានភាពសាហាវព្រៃផ្សៃយ៉ាងណាកដោយ ក៏វិស័យយុត្តិធម៌មិនអាចធ្វើអ្វីតាមអំពើចិត្តរបស់ខ្លួនបានឡើយក្រៅតែពីការអនុវត្តច្បាប់ ដែលបានចែងជាធរមាន។ តែយ៉ាងណាក្តី ឧក្រិដ្ឋជន ស្រី ស៊ីណា មិនត្រូវបានដាក់ឈ្មោះក្នុងបញ្ជីនៃការបន្ធូរ បន្ថយទោសនោះឡើយ ដោយសារតែសកម្មភាពឃាតកម្មរបស់ជននេះជាទង្វើកាចសាហាវ។

លោកបានបញ្ជាក់អះអាងថា ជនល្មើស ស្រី ស៊ីណា ដែលបានបាញ់សម្លាប់មនុស្សយ៉ាងកាចសាហាវ កាលពីកន្លងទៅនៅបុរី ប៉េង ហួត  អាចជាប់គុក ពី២០ ឬទៅ៣០ឆ្នាំ ស្របទៅតាមច្បាប់ជាធរមាន។ ទន្ទឹមនឹងនេះលោករដ្ឋមន្រ្តីបានអះអាងថា ជនល្មើស ស្រី ស៊ីណា ត្រូវតែជាប់គុកដូចអ្វីដែលតុលាការកាត់ទោស ដោយគ្មានការលើកលែងទោស ឬបន្ធូរបន្ថយទោសជាដាច់ខាត។

សូមជម្រាបថា គូរស្នេហ៍មួយគូ​ដែលជិតឈានដល់​អាពាហ៍ពិពាហ៍ទៅហើយនោះ​ត្រូវបានអតីតឧកញ៉ា ស្រី ស៊ីណា ​ចូលទៅ​បាញ់សម្លាប់ដល់ក្នុងផ្ទះដោយសារ​ទំនាស់បន្តិចបន្តួច​រវាងអ្នកជិតខាងគ្នា​។ សំណុំរឿងនេះ​ត្រូវបានតុលាការប្រកាសថា​ ជនល្មើសអាចនឹង​ជាប់ពន្ធនាគារពី១០​ ទៅ១៥ឆ្នាំ​៕

អត្ថបទ៖ សាង តេជៈ

The post លោក កើត រិទ្ធ៖ អតីតឧកញ៉ា ស្រី ស៊ីណា អាចជាប់គុកពី២០ឆ្នាំ ឬ៣០ឆ្នាំ appeared first on Millions times.

សេចក្ដីសម្រេចនេះ បានឲ្យដឹងថា ការលើកកម្ពស់ប្រសិទ្ធភាព និងជំនឿទុកចិត្តលើការលក់ដោយបង្ខំនូវអចលនវត្ថុ អង្គមហាសន្និបាត បានពិនិត្យឃើញកញ្ចប់បញ្ហាចំនួន ៣ រួមមាន៖ ១. ការកំណត់តម្លៃលក់អប្បបរមានៃអចលនវត្ថុមិនមានភាពច្បាស់លាស់ ដោយមិនទាន់បានកំណត់ច្បាស់លាស់នូវស្ថាប័ន ឬយន្តការធ្វើការវាយតម្លៃអចលនវត្ថុ ដែលជាកម្មវត្ថុនៃការលក់ដោយបង្ខំ, ២. ការផ្សព្វផ្សាយជាសាធារណៈអំពីការលក់ឡាយឡុង មិនបានទូលំទូលាយ និង៣. ការអូសបន្លាយពេលវេលា នៃការអនុវត្តការលក់ដោយបង្ខំដោយតុលាការ ដោយសារភាពស្មុគស្មាញនៃនីតិវិធីជាធរមាន។

ចំពោះកញ្ចប់បញ្ហាទាំងនេះ អង្គមហាសន្និបាតវិស័យយុត្តិធម៌ បានឯកភាពគ្នាសម្រេចថា ៖ ១. ការផ្សព្វផ្សាយជាសាធារណៈអំពីការលក់ដោយបង្ខំតាមផ្លូវតុលាការ ត្រូវធ្វើឡើងឲ្យបានទូលំទូលាយ។ ក្នុងការអនុវត្តការងារនេះ, ក្រសួងយុត្តិធម៌ នឹងបង្កើតឲ្យមានបណ្តាញទំនាក់ទំនងសង្គមផ្លូវការ ជាអាទិ៍ Facebook ឬ Telegram ដើម្បីផ្សព្វផ្សាយព័ត៌មាន ពាក់ព័ន្ធនឹងការលក់ដោយបង្ខំតាមផ្លូវតុលាការ។ ទន្ទឹមនេះ សាលាជម្រះក្តីនីមួយៗអាចបង្កើតព្រឹត្តិបត្រព័ត៌មាន ដើម្បីផ្សព្វផ្សាយនៅតាមបណ្តាញសង្គមផ្លូវការរបស់ខ្លួន ផងដែរ។

២. ដើម្បីធានាតម្លាភាព និងជំនឿទុកចិត្តក្នុងការកំណត់តម្លៃនៃអចលនវត្ថុ ដែលត្រូវលក់ដោយបង្ខំតាមផ្លូវតុលាការ​ការវាយតម្លៃអចលនវត្ថុដែលត្រូវលក់ដោយបង្ខំ ត្រូវធ្វើឡើងដោយក្រុមហ៊ុនវាយតម្លៃអចលនទ្រព្យ ដែលទទួលស្គាល់ដោយក្រសួងយុត្តិធម៌។ ក្នុងការអនុវត្តការងារនេះ ក្រសួងយុត្តិធម៌ នឹងពិចារណាចុះកិច្ចព្រមព្រៀង ឬអនុស្សរណៈនៃការយោគយល់គ្នា ជាមួយក្រុមហ៊ុនវាយតម្លៃអចលនទ្រព្យ។ ដើម្បីធានាប្រសិទ្ធភាព និងសង្គតិភាពនៃការអនុវត្ត ក្រសួងយុត្តិធម៌ និងតុលាការកំពូល នឹងដាក់ចេញនូវសេចក្តីណែនាំរួម ពាក់ព័ន្ធនឹងការងារនេះ។

៣. នីតិវិធីនៃការលក់ដោយបង្ខំចំពោះអចលនវត្ថុ នឹងត្រូវបានពិនិត្យកែសម្រួលឡើងវិញ ឲ្យមានលក្ខណៈសាមញ្ញ និងងាយស្រួលក្នុងការអនុវត្ត នៅក្នុងក្របខ័ណ្ឌនៃការធ្វើវិសោធនកម្មក្រមនីតិវិធីរដ្ឋប្បវេណី ដើម្បីធានាភាពឆាប់រហ័ស និងប្រសិទ្ធភាពនៃការអនុវត្តការលក់ដោយបង្ខំនេះ៕

អត្ថបទ៖ វីរៈ រូបភាព៖ បណ្តាញសង្គម

The post ក្រសួងយុត្តិធម៌៖ ការវាយតម្លៃអចលនវត្ថុលក់ដោយបង្ខំតាមផ្លូវតុលាការ ត្រូវធ្វើឡើងដោយក្រុមហ៊ុនវាយតម្លៃអចលនទ្រព្យ appeared first on Millions times.