១. ករណី​ពលរដ្ឋ​ស្លាប់ និង​របួស៖ មាន​ពលរដ្ឋ​ស្លាប់ ១ នាក់​ស្រី នៅ​ខេត្ត​ឧត្តរមានជ័យ។ ជា​ឋម ​គិត​មក​ទល់​ពេល​នេះ​ស្លាប់​ពលរដ្ឋ ១៣ នាក់ និង​របួស ៧៤ នាក់។

២. ករណី​ពលរដ្ឋ​នៅ​ជំរំ​សុវត្ថិភាព៖ ក្នុង​ខេត្ត​ព្រះវិហារ ឧត្តរមានជ័យ បន្ទាយ​មានជ័យ បាត់​ដំបង ពោធិ៍សាត់ កោះកុង និង​ខេត្ត​សៀមរាប មាន​ជន​ភៀសសឹក ១២១ ៣៧២ គ្រួសារ (កើន​ឡើង ៥៥៨ គ្រួសារ) ស្មើ​នឹង ៤០៥ ៧៥៨ នាក់ (កើន​ ២ ១៥៧ នាក់)ស្រី​ប្រមាណ ២ សែន ៨ ពាន់​នាក់ និង​កុមារ ៩ ម៉ឺន ៦ ពាន់​នាក់។ តួ​លេខ​អាច​ប្រែប្រួល។

៣. ករណី​បំផ្លិចបំផ្លាញ​ហេដ្ឋារចនាសម្ព័ន្ធ​រូបវន្ត​ស៊ីវិល៖ ពុំមាន​ការ​ខូចខាត​ថ្មី។ ជា​បឋម​គិត​ពី​ថ្ងៃ ៧ ខែ​ធញនូ មក​ដល់​ព្រឹក​ថ្ងៃ ១៥ ខែ​ធ្នូ មាន​ការ​ខូចខាត​ដូចជា ផ្ទះ​ពលរដ្ឋ ៣៦ ខ្នង សាលា​រៀន​១ ទីតាំង មណ្ឌល​សុខភាព ១ ទីតាំង ប្រាសាទ​បុរាណ ១ វត្ត​អារាម ៤ ទីតាំង សាលា​ឆទាន ១ ទីតាំង អាគារ ២ខ្នង អាគារ​ការិយាល័ឮយ​គយ និង​រដ្ឋាករ ១អាគារ អាគារ​កាស៊ីណូ ៤ ទីតាំង សណ្ឋាគារ ៣ ទីតាំងអាគារ ២ខ្នង កុដិ​ព្រះសង្ឃ ១ ទីតាំង មណ្ឌល​កសិកម្ម​សហគមន៍ ១ ទីតាំង ស្ពាន​ថ្ម១ ស្បាន​ដែក១ ក្បាល​ស្ពាន ១ កន្លែង ស្ថានីយ​ប្រេង ១​ទីតាំង មធ្យោបាយ​ដឹក​ជញ្ជូន ៥ គ្រឿង​ម៉ូតូ១ ឡាន ៤ គ្រឿង) ឃ្លាំង​ទិញ​ដំឡូង ១ ទីតាំង ព្រម​ទាំង​ទ្រព្យ​សម្បត្តិ និង​សម្ភារៈ​ជាច្រើន​ទៀត។

តាមដានជាមួយយើង៖ Million Times

ក្រៅពី​ទីតាំង​ទាំង​នោះ​ហើយ នៅ​មាន​សេវា​មូលដ្ឋាន​ដូចជា​សេវា​រដ្ឋបាល សុខាភិបាល និង​អប់រំ​នៅ​តាម​ក្រុង ស្រុក ឃុំ-សង្កាត់ ត្រូវ​បាន​ផ្អាក​ស្ទើរ​ទាំង​ស្រុក ដោយសារ​តែ​ភាគី​ថៃ​បង្កើន​ការ​វាយប្រហារ​ដោយ​អាវុធ​គ្រប់​ធុន និង​គ្រប់​ទម្រង់​មក​លើ​តំបន់​ស៊ីវិល ទាំង​តាម​ជើង​គោក ជើង​ទឹក និង​ជើង​អាកាស។

បន្ថែម៖ នៅម៉ោង១០៖ ០៨ នាទី ១០៖ ១១នាទី ថ្ងៃទី១៥ ធ្នូ នេះ យោធាថៃបានប្រើប្រាស់ យន្តហោះ F-16 ទម្លាក់ ២គ្រាប់នៅភូមិសាស្ត្រស្រុកចុងកាល និងស្រុកស្រីស្នំ ខេត្តសៀមរាប ក្បែរជំរុំជនភៀសសឹក និងចូលជ្រៅជាង ៧០ គីឡូម៉ែត្រក្នុងទឹកដីកម្ពុជា។

នេះហើយជាសកម្មភាពឈ្លានពានរបស់យោធាថៃដែលបានយកជនស៊ីវិល និងហេដ្ឋរចនាសម្ព័ន្ធស៊ីវិលជាគោលដៅនៃការវាយកម្ទេច។ ថៃបានរំលោភច្បាប់អន្តរជាតិ និងយកជនស៊ីវិលវាយប្រហារ។​ រូបវីដេអូនេះ ជាសិស្សានុសិស្សនៅសាលាក្នុងស្រុកស្រីស្នឱដែលរត់ចេញក្រោយយោធាថៃបានទម្លាក់គ្រាប់ក្បែរសាលាពួកគេ៕

អត្ថបទ៖ឆដា, រូបភាព៖ អ៊ីនធឺណេត

The post របាយការណ៍ផលប៉ះពាល់ ដោយសារយោធាថៃ គិតពីម៉ោង៦ល្ងាចថ្ងៃទី១៤ ដល់ម៉ោង៧ព្រឹកថ្ងៃនេះ appeared first on Millions times.

តាមដានជាមួយយើង៖ Million Times

នៅក្នុងពិធីបិទសិក្ខាសាលាពិគ្រោះយោបល់ថ្នាក់ជាតិ លើសេចក្តីព្រាងផែនការយុទ្ធសាស្ត្រជាតិស្តីពីអត្តសញ្ញាណកម្ម ដំណាក់កាលទី២ កាលពីថ្ងៃទី២៤ ខែវិច្ឆិកា ឯកឧត្តម ស សុខា បានមានប្រសាសន៍ផ្ដល់សារសំខាន់ និងចាត់ទុកជាកិច្ចការចាំបាច់ ដែលធនាគារ និងគ្រឹះស្ថានមីក្រូហិរញ្ញវត្ថុនៅកម្ពុជា ត្រូវសហការជាមួយអាជ្ញាធរមានសមត្ថកិច្ច ដើម្បីរួមគ្នាបង្ការទប់ស្កាត់ និងបង្ក្រាបបទល្មើសឆបោកតាមមធ្យោបាយទំនាក់ទំនងទូរសព្ទ និងបណ្ដាញទំនាក់ទំនងសង្គម។

ជាមួយគ្នានេះ ឯកឧត្តម រដ្ឋមន្ត្រីក្រសួងមហាផ្ទៃ បានថ្លែងដោយលើកយកសំណុំករណីបោកប្រាស់តាមមធ្យោបាយទូរសព្ទ និងបណ្ដាញទំនាក់ទំនងសង្គម ដែលបើតាមឯកឧត្តម ក្នុងរយៈពេលចុងក្រោយនេះ ក្រសួងមហាផ្ទៃបានទទួលបណ្ដឹងប្រមាណ ២០០បណ្ដឹង ពាក់ព័ន្ធនឹងការបោកប្រាស់ប្រាក់ប្រមាណជាង ៨សែនដុល្លារអាម៉េរិក ហើយដែលប្រាក់នោះត្រូវបានផ្ទេរពីជនរងគ្រោះ ទៅគណនីធនាគារ របស់ជនល្មើស។

ឯកឧត្តម បន្តថា រូបភាពនៃការបន្លំបោកប្រាស់ទាំងនោះ ដូចជាការបន្លំខ្លួនធ្វើជាមន្ត្រីធនាគារ ឬស្ថាប័នមីក្រូហិរញ្ញវត្ថុ ដោយជនខិលខូចបានទំនាក់ទំនងទូរសព្ទទៅជនរងគ្រោះដោយបន្លំថា ទាក់ទងដើម្បីផ្ដល់រង្វាន់សំណាង ប៉ុន្តែបានតម្រូវឱ្យជនរងគ្រោះបង់ប្រាក់ជាមុន ករណីខ្លះទៀត ជនខិលខូច បានបន្លំបោកប្រាស់តាមរយៈការទិញលក់ទំនិញបញ្ចុះតម្លៃ ដោយតម្រូវឱ្យអតិថិជនជាជនរងគ្រោះផ្ញើប្រាក់ទៅខ្លួនជាមុន ប៉ុន្តែទីបំផុតបានទទួលប្រាក់ហើយក៏បិទផ្ដាច់ទំនាក់ទំនង ខណៈករណីខ្លះ ជនល្មើសបានបន្លំលួចចូលគណនីធនាគាររបស់ជនរងគ្រោះដើម្បីធ្វើសកម្មភាពដក ឬបង្វែរបញ្ជូនសាច់ប្រាក់ជាដើម។

ឯកឧត្តមឧបនាយករដ្ឋមន្ត្រី បានគូសបញ្ជាក់ថា ដើម្បីដោះស្រាយបញ្ហានេះ ផ្ដើមចេញពីក្រសួងមហាផ្ទៃទៅតែម្ដង ដែលឯកឧត្តមបានណែនាំឱ្យអង្គភាពជំនាញ រៀបចំយន្តការក្រុមការងារសហការស្រាវជ្រាវបង្ក្រាបបទល្មើសបោកប្រាស់ដូចបានបញ្ជាក់ខាងលើនេះ។ តាមរយៈយន្តការនេះ ឯកឧត្តម បានអះអាងថា មន្ត្រីជំនាញប្រចាំការ នឹងធ្វើការងារនេះ ២៤ម៉ោង ជារៀងរាល់ថ្ងៃ ដើម្បីសហការជាមួយតំណាងធនាគារនិងគ្រឹះស្ថានមីក្រូហិរញ្ញវត្ថុ ក្នុងករណីទទួលបានបណ្ដឹងពីជនរងគ្រោះ ក្នុងនោះក៏រួមទាំងសហការស្នើសុំបង្កកប្រាក់ក្នុងគណនីជនល្មើសជាដើម។

ឯកឧត្តម បានមានប្រសាសន៍ក្នុងន័យដើមថា ” បើមានរឿងអ្វី យើងអាចជជែកគ្នា និងធ្វើការជាមួយគ្នាបន្ទាន់។ ករណីខ្លះកើតមាននៅថ្ងៃសៅរ៍ ឬអាទិត្យ ដូច្នេះទម្រាំមន្ត្រីយើងចូលធ្វើការ សាច់ប្រាក់នោះត្រូវបានបង្វិល ឬដកប្រើប្រាស់រួចរាល់បាត់ទៅហើយ។ ដូច្នេះយើងត្រូវការដោះស្រាយភ្លាមៗ ហើយកងកម្លាំងជំនាញរបស់យើង ត្រូវការតំណាងស្ថាប័នធនាគារសហការ ព្រោះដំណាក់កាលនេះឈានចូលដល់សមត្ថកិច្ចរបស់ស្ថាប័នសាមី ទាំងធនាគារ ឬគ្រឹះស្ថានមីក្រូហិរញ្ញវត្ថុ”៕

អត្ថបទ៖ វីរៈ រូបភាព៖ ឯកឧត្ដម ស សុខា

The post ក្រសួងមហាផ្ទៃ ទទួលបានបណ្ដឹង ២០០ ពាក់ព័ន្ធនឹងការបោកប្រាស់ប្រាក់ជាង ៨សែនដុល្លារ   appeared first on Millions times.

តាមដានជាមួយយើង៖ Million Times

ការចាប់ផ្ដើមនេះ គឺបន្ទាប់ពីឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងឯកឧត្តម ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលជាជាសហប្រធានគណៈកម្មាធិការរៀបចំដែនដី និងនគរូបនីយកម្មថ្នាក់ជាតិ បានអញ្ជើញជាសហអធិបតីក្នុងកិច្ចប្រជុំគណៈកម្មាធិការរៀបចំដែនដី និងនគរូបនីយកម្មថ្នាក់ជាតិ នៅក្រសួងរៀបចំដែនដី នគរូបនីយកម្មនិងសំណង់ កាលពីព្រឹកថ្ងៃទី ៦ ខែតុលា ឆ្នាំ ២០២៥នេះ។

កិច្ចប្រជុំនាពេលនេះ មានការអញ្ជើញចូលរួមពីថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ក្រសួងមហាផ្ទៃ ក្រសួងព្រះបរមរាជវាំង ក្រសួងសាធារណៈការ និងដឹកជញ្ជូន ថ្នាក់ដឹកនាំមកពីក្រសួង ស្ថាប័ន ដែលជាសមាជិកគណៈកម្មាធិការរៀបចំដែនដី និងនគរូបនីយកម្មថ្នាក់ជាតិ រដ្ឋបាលខេត្ត មន្ទីរ និងអាជ្ញាធរមូលដ្ឋានពាក់ព័ន្ធ នាទីស្តីការក្រសួង។

បើតាមក្រសួងរៀបចំដែនដី នគរូបនីយកម្ម និងសំណង់ ផ្តើមចេញពីកិច្ចប្រជុំនាពេលនេះ ក្រសួងទាំងពីរ នឹងប្រែក្លាយទីប្រជុំជនទាំងអស់ ឱ្យទៅជាបុរីជនបទ ភូមិឋានក្សេមក្សាន្ត ទ្រនំសុភមង្គល ដោយមានការឯកភាពគ្នាធ្វើការរៀបចំប្លង់គោលនៃការប្រើប្រាស់ដី កំណត់តំបន់ពាណិជ្ជកម្ម តំបន់កសិកម្ម តំបន់ឧស្សាហកម្ម តំបន់សេដ្ឋកិច្ចពិសេស ការរៀបចំព្រំប្រទល់រដ្ឋបាលទូទាំងប្រទេស អាសយដ្ឋាន បង្គោលប្រតិភាគដែលជាខឿនសន្តិសុខជាតិ ការរៀបចំរបៀង និងប៉ូលសេដ្ឋកិច្ច ទៅតាមសក្តានុពលតំបន់នីមួយៗ ដោយប្រើប្រាស់អ្វីដែលមាន។

ម្យ៉ាងទៀត​ ក្រសួងទាំងពីរ ក៏នឹងរៀបចំលំហសាធារណៈ ដោះស្រាយសំណង់មិនរៀបរយ និងអគារចាស់ទ្រុឌទ្រោម ដែលទាំងនេះ គឺជាស្នូលនៃយុទ្ធសាស្រ្តបញ្ចកោណ ដំណាក់កាលទី ១ របស់រាជរដ្ឋាភិបាលកម្ពុជា ព្រមទាំងឆ្លើយតបទៅនឹងដំណើរដ៏ជាក់លាក់របស់សង្គម និងសេដ្ឋកិច្ចកម្ពុជា ធ្វើឱ្យប្រជាជនមានជីវិតកាន់តែប្រសើរឡើង និងដើម្បីកម្ពុជាអាចរស់ដោយខ្លួនឯង ប្រកបដោយភាពឯករាជ្យម្ចាស់ការ៕

អត្ថបទ៖ វីរៈ រូបភាព៖ ក្រសួងរៀបចំដែនដី

The post ក្រសួងពីរ ចាប់ផ្ដើមគិតគូរលើការងាររៀបចំដែនដី និងនគរូបនីយកម្ម ដែលជាការបើកទំព័រថ្មីសម្រាប់សង្គមជាតិ appeared first on Millions times.

លោក ស សុខា បានថ្លែងលើកទឹកចិត្តដល់មន្ត្រីពាក់ព័ន្ធក្នុងសមត្ថកិច្ចប្រឆាំងការសម្អាតប្រាក់ រួមទាំងការងារប្រយុទ្ធប្រឆាំងនឹងអំពើឆបោកតាមប្រព័ន្ធអនឡាញ និងការងារប្រយុទ្ធប្រឆាំងនូវអំពើជួញដូរមនុស្ស បន្តការខិតខំប្រឹងប្រែងធ្វើការងារតាមតួនាទីភារកិច្ចរបស់ខ្លួនឱ្យបានល្អ ជាជាងមានក្តីទោមនស្សចំពោះការវាយតម្លៃពីក្រុមអ្នកស្រាវជ្រាវ ឬការរបាយការណ៍ចេញពីស្ថាប័នណាមួយដែលមិនឆ្លុះបញ្ចាំងពីការពិតអំពីការខិតខំប្រឹងប្រែងរបស់មន្ត្រីនៃរាជរដ្ឋាភិបាលកម្ពុជា រួមទាំងក្រសួងមហាផ្ទៃ។

តាមដានជាមួយយើង៖ Million Times

ក្នុងពិធីបិទសិក្ខាសាលាស្ដីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម និងហិរញ្ញប្បទានដល់ការរីកសាយភាយអាវុធមហាប្រល័យ កាលពីថ្ងៃទី២៦ ខែឧសភា លោក ស សុខា បានរំឭកអំពីកិច្ចខិតខំប្រឹងប្រែងរបស់រាជរដ្ឋាភិបាលនីតិកាលទី៦ ក្រោមការដឹកនាំរបស់សម្តេចអ ហ៊ុន សែន អតីតនាយករដ្ឋមន្ត្រី ដែលពេលនោះ មានសម្ដេច ស ខេង អតីតឧបនាយករដ្ឋមន្ត្រី រដ្ឋមន្ត្រីមហាផ្ទៃ ជាសេនាធិការ បានបង្កើតនូវយន្តការ ទាំងយន្តការច្បាប់ និងយន្តការអនុវត្តការងារជាច្រើនរហូតឈានដល់ការរំដោះប្រទេសកម្ពុជាចេញពីបញ្ជីប្រផេះ ប្រឆាំងការសម្អាតប្រាក់ដែលដាក់ដោយអង្គការហ្វាត (FATF)។

លោកបញ្ជាក់ថា រាជរដ្ឋាភិបាលកម្ពុជាបច្ចុប្បន្ន ក្រោមការដឹកនាំរបស់សម្តេច ហ៊ុន ម៉ាណែត នាយករដ្ឋមន្ត្រី និងក្នុងនោះក៏មានក្រសួងមហាផ្ទៃជាសេនាធិការ លើការងារមួយចំណែក នៃការប្រយុទ្ធប្រឆាំងការសម្អាតប្រាក់ នៅតែបន្តមានឆន្ទៈខ្ពស់ក្នុងការធានាមិនឱ្យប្រទេសកម្ពុជា រអិលចូលទៅក្នុងបញ្ជីប្រផេះជាថ្មីទៀត និងផ្ទុយទៅវិញមានតែបន្តប្រឹងប្រែង ដើម្បីរួមចំណែកប្រយុទ្ធប្រឆាំងនឹងអំពើសម្អាតប្រាក់ រួមទាំងអំពើឆបោកតាមប្រព័ន្ធឡាយ និងជួញដូរមនុស្ស ដែលជាបទល្មើសមានការប្រឈមជាសកល។

ជាក់ស្ដែង សិក្ខាសាលាស្ដីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម និងហិរញ្ញប្បទានដល់ការរីកសាយភាយអាវុធមហាប្រល័យ នាថ្ងៃនេះ ត្រូវបានរដ្ឋមន្រ្តីក្រសួងមហាផ្ទៃ ចាត់ទុកជាសក្ខីភាពថ្មីមួយទៀតដែលឆ្លុះបញ្ចាំងឱ្យឃើញអំពីឆន្ទៈរបស់ក្រសួងមហាផ្ទៃ នៅក្នុងការផ្សព្វផ្សាយទ្រឹស្ដី និងបទពិសោធន៍នៃការអនុវត្ត ទាំងពីជុំវិញពិភពលោក រួមទាំងបទពិសោធន៍ដែលកម្ពុជាបានធ្វើ ដើម្បីឱ្យមន្ត្រីពាក់ព័ន្ធទាំងអស់មានការយល់ដឹង និងបន្តរួមគ្នាធ្វើការនានាបានល្អប្រសើរថែមទៀត លើការប្រឆាំងការសម្អាតប្រាក់៕

អត្ថបទ៖ សាងតេជៈ រូបភាព៖ ផេកសម្តេចក្រឡាហោម ស ខេង

The post លោក ស សុខា ធានាមិនឱ្យប្រទេសកម្ពុជា រអិលចូលទៅក្នុងបញ្ជីប្រផេះជាថ្មី appeared first on Millions times.

តាមដានជាមួយយើង៖ Million Times

ក្នុងកិច្ចប្រជុំផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី១០ នារសៀលថ្ងៃទី១២ ខែមីនា ឆ្នាំ២០២៥ នៅចំពោះមុខឧបកនាយករដ្ឋមន្ត្រី នេត សាវឿន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន លោក ស សុខា បានមានប្រសាសន៍ត្រង់ៗថា បញ្ហាគ្រឿងញៀននៅកម្ពុជា បើមិនមានការពាក់ព័ន្ធនឹងមន្ត្រីជាអ្នកអនុវត្តច្បាប់មួយចំនួននោះទេ ប្រាកដណាស់បញ្ហានេះមិនធំដុំដូចបច្ចុប្បន្នឡើយ។  

ការណ៍នេះ លោកបានព្រមានឱ្យដកខ្លួនចេញជាបន្ទាន់ និងកុំពាក់ព័ន្ធ ព្រមទាំងបានណែនាំដល់មន្ត្រីមានសមត្ថកិច្ចទាំងអស់ ខិតខំពន្លាតការស្រាវជ្រាវដោយផ្តោតទាំងមុខសញ្ញាអ្នកដែលប្រព្រឹត្ត និងមុខសញ្ញាដែលពាក់ព័ន្ធជាខ្នងបង្អែក។ 

សូមបញ្ជាក់ថា ក្នុងនីតិកាលទី៧នៃរដ្ឋសភានេះ ប្រមុខរាជរដ្ឋាភិបាលកម្ពុជា បានដាក់ចេញគោលការណ៍ដឹកនាំ«សម្អាតផ្ទះយើង» ដោយក៏បានផ្ដោតលើបញ្ហាគ្រឿងញៀននេះដែរ ពោលគឺមន្ត្រីពាក់ព័ន្ធបទល្មើសគ្រឿងញៀន ត្រូវទទួលការអនុវត្តវិធានការវះកាត់សាច់ស្អុយ ដោយបណ្ដេញចេញពីក្របខ័ណ្ឌ និងទទួលខុសត្រូវចំពោះមុខច្បាប់។ មិនត្រឹមតែអ្នកដែលជួញដូរនោះទេ មន្ត្រីស៊ីវិល និងកងកម្លាំងដែលប្រើប្រាស់គ្រឿងញៀន តួយ៉ាងក្រសួងមហាផ្ទៃ ក៏បានអនុវត្តវិធានការបណ្ដេញចេញពីក្របខ័ណ្ឌចំពោះមន្ត្រីដែលពាក់ព័ន្ធនឹងបទល្មើសគ្រឿងញៀន និងការសេពគ្រឿងញៀននេះផងដែរ៕

The post លោក ស សុខា ដាស់តឿនមន្ត្រីពាក់ព័ន្ធបទល្មើសគ្រឿងញៀន ប្រញាប់ដកខ្លួន បើមិនចង់ក្លាយជាសាច់ស្អុយ appeared first on Millions times.

តាមដានជាមួយយើង៖ Million Times

រដ្ឋមន្ត្រី​ក្រសួង​មហាផ្ទៃ បាន​លើក​ឡើង​បន្ថែម​ថា ក្នុង​ក្របខ័ណ្ឌ​ក្រសួង​មហាផ្ទៃ បច្ចុប្បន្ន​ចំនួន​ស្ត្រី​បម្រើ​ការងារ ឬ​កាន់​តួនាទី​ជា​ថ្នាក់​ដឹកនាំ​ច្រើន​ជាង​បណ្ដា​ក្រសួង​ស្ថាប័ន​ផ្សេង​ក៏​ដោយ ប៉ុន្តែ​ចំនួន​នោះ នៅ​មិនទាន់​មាន​ការ​ឆ្លើយតប​ទៅ​នឹង​អ្វី​ដែល​ហៅ​ថា សមភាព​យេនឌ័រ។ ទន្ទឹម​នឹង​នេះ គ្រប់​អង្គភាព​ចំណុះ​ឲ្យ​ក្រសួង​មហាផ្ទៃ ត្រូវ​ពិនិត្យ​មើល​តួនាទី​ការងារ​ណា​មួយ ដែល​មិន​មាន​ការ​ប្រឈម​ចំពោះ​ស្ត្រី​ពេល​បម្រើ​ការងារ។ ដូចនេះ​គួរតែ​ផ្ដល់​អាទិភាព​ដល់​ស្ត្រី ឲ្យ​បាន​កាន់​មុខ​តំណែង ឬ​តួនាទី​នោះ ព្រោះ​ស្ថានភាព​ខ្លះ ស្ត្រី​មាន​ភាព​ទន់ភ្លន់ ឬ​មាន​ភាព​ល្អ​ច្រើន​ជាង​បុរស ជាពិសេស​នៅ​ទីតាំង​ផ្ដល់​សេវា​ផ្ទាល់​ជាមួយ​ប្រជាពលរដ្ឋ។

លោក​បាន​បន្ត​ទៀត ជាក់ស្ដែង​នៅ​ក្នុង​ការងារ​ថ្នាក់​ក្រោម​ជាតិ​មួយ​ចំនួន ដូចជា​ច្រកចេញ​ចូល​តែ​មួយ​ជាដើម ស្ត្រី​ក៏​អាច​ធ្វើការ​ងារ​នេះ​បាន​ដែរ ដែល​បញ្ហា​នេះ​អគ្គនាយកដ្ឋាន​ពាក់ព័ន្ធ​ចំណុះ​ឲ្យ​ក្រសួង ជួយ​ពិនិត្យ​តើ​អាច​ផ្ដល់​តួនាទី​ដល់​ស្ត្រី​ក្នុង​ការងារ​ដឹកនាំ​អង្គភាព​បាន​ ប៉ុន្តែ​មុន​ត្រូវ​ផ្ដល់​តួនាទី​ដល់​ពួកគេ​យ៉ាងហោចណាស់ ក៏​ត្រូវ​ការ​បណ្ដុះបណ្ដាល​ឲ្យ​បាន​រយៈពេល ២ ឆ្នាំដែរ។

ជាចុងក្រោយ​រដ្ឋមន្ត្រី​ក្រសួង​មហាផ្ទៃ បាន​អះអាង​ថា​​បច្ចុប្បន្ន បើទោះបី​ជា​តម្លៃ​ស្ត្រី​ត្រូវ​បាន​លើក​កម្ពស់ និង​ផ្ដល់​សិទ្ធិ​ស្មើភាព​ដូច​នឹង​បុរស ប៉ុន្តែ​ស្ត្រី​ក៏​នៅតែ​មាន​បញ្ហា​ប្រឈម​មួយ​ចំនួន ជាក់ស្ដែង​ដូច​ករណី​ការ​ធ្វើ​ចំណាក​ស្រុក ព្រោះ​តែ​ស្ត្រី​ខ្មែរ​មួយ​ចំនួន​បាន​រងគ្រោះ​ពី​បញ្ហា​រំលោភបំពាន កេង​ប្រវ័ញ្ច​កម្លាំង​ពលកម្ម ឬ​ផ្លូវ​ភេទ ដូចនេះ​គ្រប់​អង្គភាព​​ក្រសួងមហាផ្ទៃ ដែល​ធ្វើ​ការងារ​នឹង​បញ្ហា​ចំណាក​ស្រុក និង​អន្តោប្រវេសន៍​ជាដើម ត្រូវ​ពង្រឹង​ការ​អប់រំ​ដល់​ប្រជាពលរដ្ឋ ឲ្យ​ទទួល​បាន​ព័ត៌មាន​កាន់តែ​ច្រើន ពី​ហានិភ័យ​ការ​ធ្វើ​ចំណាកស្រុក ជាពិសេស​ប្រទេស​ដែល​ជា​គោលដៅ​ពួកគេ​ចង់​ទៅ​ធ្វើការ ឲ្យ​ក្ដោប​បាន​ព័ត៌មាន​កាន់តែ​ច្រើន។

លោក ស សុខា បាន​អញ្ជើញចូលរួម​អបអរសាទរទិវាអន្តរជាតិនារី ៨ មីនា នៅ​ថ្ងៃ​៦ ខែ​មីនា ឆ្នាំ ២០២៥ នៅ​ទីស្ដីការ​ក្រសួងមហាផ្ទៃ៕

អត្ថបទ៖ មេរ៉ា, រូបភាព៖ Ministry of Interior Cambodia

The post ក្នុងក្របខ័ណ្ឌក្រសួងមហាផ្ទៃ ចំនួនស្ត្រីបម្រើការងារ ឬមានតួនាទីក្នុងថ្នាក់ដឹកនាំច្រើនជាងបណ្ដាក្រសួងស្ថាប័នផ្សេង appeared first on Millions times.

ក្រសួងមហាផ្ទៃបញ្ជាក់ថា ដោយកម្ពុជាក៏ជាសមាជិកនៃអង្គការឃ្លាំងមើលការលាងលុយ និងឧក្រិដ្ឋកម្មហិរញ្ញាវត្ថុអន្តរជាតិ ហៅកាត់ថា FATF ផងដែរនោះ និងក្រោយពីបានទទួលដំណឹងពាក់ព័ន្ធជាមួយជនជាតិចិនម្នាក់ ដែលមានការពាក់ព័ន្ធនឹងបទលើ្មសសម្អាតប្រាក់ បានចូលមកក្នុងទឺកដីប្រទេសកម្ពុជា លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានណែនាំមកអគ្គនាយកដ្ឋានអន្តោប្រវេសន៍ ធ្វើការស្រាវជា្រវ ស្វែងរកជនជាតិចិន នោះ ឱ្យបានឆាប់រហ័ស ដើម្បីអនុវត្តនីតិវិធី ធ្វើការបណ្ដេញចេញពីកម្ពុជា។

តាមដានជាមួយយើង៖ Million Times

នាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ ធ្វើការស្រាវជ្រាវស៊ើបអង្កេត ស្វែងរករួចមក បានឃាត់ខ្លួនជនជាតិចិដែលមានឈ្មោះ ZHANG RUIJIN ភេទប្រុស កាន់លិខិតឆ្លងដែនប្រទេស Saint Kitts and Nenis ដែលត្រូវបានតុលាការប្រទេសសិង្ហបូរី ផ្តន្ទាទោសដាក់ពន្ធនាគារពីបទសម្អាតប្រាក់។

បើតាមក្រសួងមហាផ្ទៃ ជនជាតិចិនឈ្មោះ ZHANG RUIJIN បានចូលមកប្រទេសកម្ពុជា នៅថ្ងៃទី១៥ ខែមិថុនា ឆ្នាំ២០២៤ ហើយក៏ត្រូវបានស្វែងរកឃាត់ខ្លួនបាន ដោយអគ្គនាយកដ្ឋានអន្តោប្រវេសន៍ ព្រមទាំងបានរៀបចំនីតិវីធី រួចក៏បានធ្វើការបណ្តេញចេញពីកម្ពុជា នាថ្ងៃទី១៦ ខែកក្កដា ឆ្នាំ២០២៤ តាមប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ៕

អត្ថបទ៖ សាង តេជៈ រូបភាព៖ ក្រសួងមហាផ្ទៃ

The post បណ្ដេញជនជាតិចិនម្នាក់ពីកម្ពុជា ដែលត្រូវតុលាការសិង្ហបូរីផ្តន្ទាទោសដាក់ពន្ធនាគារពីបទសម្អាតប្រាក់  appeared first on Millions times.

លោក ស សុខា បានឲ្យដឹងបន្តថា ក្រសួងមហាផ្ទៃ បានបើកប្រតិបត្តិការចុះត្រួតពិនិត្យឆែកឆេរបន្ទប់ឃុំឃាំង តាមពន្ធនាគារ និងមណ្ឌលអប់រំកែប្រែទូទាំងប្រទេស ដោយរកឃើញសម្ភារៈមិនគប្បីមួយចំនួន ដែលច្បាប់មិនអនុញ្ញាតឲ្យអ្នកជាប់ឃុំប្រើប្រាស់ ដូចជា៖ អាវុធ គ្រឿងញៀន ដែកចុងស្រួច ឡាម និងសម្ភារៈមួយចំនួនទៀត។

តាមដានជាមួយយើង៖ Million Times

លោកឧបនាយករដ្ឋមន្រ្តី បានបន្ថែមថា ការចុះឆែកឆែរតាមបន្ទប់ឃុំឃាំងក្នុងពន្ធនាគារនេះ មានគោលដៅពង្រឹងសន្តិសុខពន្ធនាគារ ស្របតាមគោលការណ៍ច្បាប់ជាតិ និងអន្តរជាតិ ដោយមិនមែនជាការបំពានសិទ្ធិអ្នកជាប់ឃុំដូចការលើកឡើងរ បស់សង្គមស៊ីវិលមួយចំនួននោះឡើយ។

ការបញ្ជាក់បែបនេះ គឺជាការឆ្លើយតបទៅនឹងការអត្ថាធិប្បាយរបស់អង្គការក្រៅរដ្ឋាភិបាល និងអ្នកវិភាគមួយចំនួន ដែលបែរជាយល់ថា ចំណាត់ការរបស់ក្រសួងមហាផ្ទៃ ដើម្បីពង្រឹងសន្តិសុខក្នុងពន្ធនាគារនេ ថា ជាការបំពានសិទ្ធិអ្នកជាប់ឃុំទៅវិញ។

ក្នុងឱកាសដដែលនេះលោក ស សុខា ក៏បានផ្ដល់គោលការណ៍ណែនាំជារួម ទៅកាន់អគ្គនាយកដ្ឋានពន្ធនាគារ អភិបាលរាជធានី-ខេត្ត រួមទាំងប្រធានពន្ធនាគារ និងមណ្ឌលអប់រំកែប្រែរាជធានី-ខេត្តទាំងអស់ យកចិត្តទុកដាក់ជំរុញ និងអនុវត្តឲ្យបានម៉ឺងម៉ាត់បំផុត លើការងារពង្រឹងសន្តិសុខក្នុងពន្ធនាគារ ជាពិសេសត្រូវត្រួតពិនិត្យឲ្យបានម៉ត់ចត់រាល់ការនាំចូលម្ហូបអាហារ និងសម្ភារៈផ្សេងៗ និងការពង្រឹងភាពស្អាតស្អំរបស់មន្រ្តីនៅខាងក្នុង៕

អត្ថបទ៖ វីរៈ រូបភាព៖ ក្រុមព័ត៌មានលោក ស សុខា

The post ក្រសួងមហាផ្ទៃ​ រកឃើញសម្ភារៈមិនគប្បីមួយចំនួន ដែលច្បាប់មិនអនុញ្ញាតឲ្យអ្នកជាប់ឃុំប្រើប្រាស់ appeared first on Millions times.

សេចក្ដីជូនដំណឹងរបស់ក្រសួងមហាផ្ទៃ បានឲ្យដឹងថា ដើម្បីកាត់បន្ថយពេលវេលារង់ចាំរបស់ប្រជាពលរដ្ឋ នៅទីតាំងផ្តល់លិខិតឆ្លងដែន អគ្គនាយកដ្ឋាន អត្តសញ្ញាណកម្ម នឹងដាក់ឱ្យប្រើប្រាស់សាកល្បងនូវសេវាផ្តល់លិខិត​ឆ្លងដែន តាមប្រព័ន្ធអនឡាញ (Online) ចាប់ពីថ្ងៃជូនដំណឹងនេះតទៅ។

ប្រជាពលរដ្ឋអាចចូលទៅកាន់គេហទំព័រសេវាអត្តសញ្ញាណកម្ម https://online.gdi.gov.kh/login ដើម្បីបំពេញបែបបទ។ បន្ទាប់ពីបំពេញបែបបទតាមប្រព័ន្ធអនឡាញរួច សាមីខ្លួនត្រូវអញ្ជើញទៅកាន់ទីស្នាក់ការ ឬសាខាលិខិតឆ្លងដែនណាមួយតាមការកំណត់ ដើម្បីសម្ភាស ថតរូប ផ្តិតខ្មៅដៃ និងបង់សេវារដ្ឋបាល ដោយភ្ជាប់ជាមួយនូវពាក្យស្នើសុំ និងឯកសារយោង។

ក្រសួងមហាផ្ទៃ បានឲ្យដឹងបន្តថា ចំពោះប្រជាពលរដ្ឋមានជំងឺធ្ងន់ ឬចាស់ជរា ឬពិការភាព ដែលពុំអាចធ្វើដំណើរទៅកាន់ទីតាំងផ្តល់ សេវាដោយផ្ទាល់បាន សមាជិកគ្រួសារ ឬតំណាងអាចដាក់ពាក្យស្នើសុំទៅកាន់ អគ្គនាយកដ្ឋាន អត្តសញ្ញាណកម្ម ដោយភ្ជាប់ជាមួយនូវសំបុត្របញ្ជាក់ពីពេទ្យ ឬរូបថតអំពីស្ថានភាពនៃអ្នកជំងឺ ឬស្ថានភាពអ្នកស្នើសុំ។ ករណីនេះ អគ្គនាយកដ្ឋានអត្តសញ្ញាណកម្ម នឹងពិនិត្យចាត់ក្រុមការងារចុះផ្តល់សេវាដល់ទីតាំង របស់សាមីខ្លួនដោយពុំគិតកម្រៃសេវាបន្ថែម សម្រាប់ទីតាំងនៅក្នុងរាជធានីភ្នំពេញ។

បើតាមក្រសួងមហាផ្ទៃដដែល សម្រាប់ប្រជាពលរដ្ឋ ដែលមានការងារមមាញឹកខ្លាំងនៅថ្ងៃធ្វើការ អាចអញ្ជើញទៅកាន់ទីស្នាក់ការផ្តល់លិខិតឆ្លងដែននៅ ផ្សារទំនើបអ៊ីអន២ សែនសុខ នៅថ្ងៃចុងសប្តាហ៍ (ថ្ងៃសៅរ៍ និងថ្ងៃអាទិត្យ) ដើម្បីទទួលសេវាកម្មយកនេះ៕

អត្ថបទ៖ វីរៈ រូបភាព៖ ក្រសួងមហាផ្ទៃ

តាមដានជាមួយយើង៖ Million Times

The post ក្រសួងមហាផ្ទៃ ដាក់ឲ្យប្រើប្រាស់សាកល្បងសេវាផ្តល់លិខិតឆ្លងដែនតាមអនឡាញ appeared first on Millions times.

មន្រ្តីរូបនេះអះអាងថា មធ្យោបាយបម្រើសេវាសាធារណជនជូនប្រជាពលរដ្ឋមួយនេះ ត្រូវបានប្រជាពលរដ្ឋផ្ទាល់ រួមទាំងសង្គមស៊ីវីល និងដៃគូអន្តរជាតិ បង្ហាញការទទួលស្គាល់ថាបាននឹងកំពុងផ្ដល់ភាពងាយស្រួលជូនប្រជាពលរដ្ឋគ្រប់មូលដ្ឋាន ទាំងគុណភាព ភាពលឿនរហ័ស និងគ្មានអំពើពុករលួយ។

តាមដានជាមួយយើង៖ Million Times

នុងសន្និសីទសារព័ត៌មានកាលពីថ្ងៃទី១៤ ខែមិថុនា ឆ្នាំ២០២៤ លោក សួស ប្រាថ្នា អគ្គនាយកនៃអគ្គនាយកដ្ឋាន រដ្ឋបាលក្រសួងមហាផ្ទៃ បានលើកឡើងថា ដើម្បីធានាថាការផ្តល់សេវារដ្ឋបាលជូនប្រជាពលរដ្ឋតាមយន្តការច្រកចេញចូលតែមួយ នៅថ្នាក់ក្រោមជាតិទទួលបានជោគជ័យបានឆ្លងកាត់ដំណាក់កាលនៃការអនុវត្តធំៗចំនួន ៥គឺ ដំណាក់កាលទី១ កាលសិក្សាពីបែបផែននៃការផ្តល់សេវានៅថ្នាក់មូលដ្ឋានពីបណ្តាប្រទេសមួយចំនួននៅសហគមន៍អឺរ៉ុប ហើយបានដាក់ឱ្យអនុវត្តសាកល្បងការិយាល័យច្រកចូលតែមួយ និងការិយាល័យប្រជាពលរដ្ឋនៅស្រុកបាត់ដំបងនៃខេត្តបាត់ដំបង និងស្រុកសៀមរាបនៃខេត្តសៀមរាប កាលណោះមិនទាន់បង្កើតជាក្រុង។

ដំណាក់កាលទី២ ការទទួល និងសម្រុះសម្រួលដោះស្រាយបណ្តឹងតាមរយៈការិយាល័យ ប្រជាពលរដ្ឋនៅស្រុកទាំងពីរ ដែលទទួលប្រតិភូកម្មមុខងារក្នុងការផ្តល់សេវាពីក្រសួង ស្ថាប័នចំនួន៨ ខណៈដំណាក់កាលទី៣ ការពង្រីក វិសាលភាពការិយាល័យច្រកចេញចូលតែមួយទៅតាមក្រុង ស្រុក ខណ្ឌ គោលដៅចំនួន៣៦គោលដៅ នៅទូទាំងប្រទេស។

ចំណែកដំណាក់កាលទី៤ ការបន្តពង្រីកការិយាល័យច្រកចេញចូលតែមួយ និងការិយាល័យប្រជាពលរដ្ឋបានទៅកាន់ស្រុកគោលដៅចំនួន ១០បន្ថែម និងខណ្ឌក្នុងរាជធានីភ្នំពេញ ចំនួន៤ខណ្ឌបន្ថែមទៀត។ ដំណាក់កាលទី៥ គឺផ្អែកលើលទ្ធផលជាវិជ្ជមាននៃការអនុវត្តទាំង៤ដំណាក់កាល ការិយាល័យច្រកចេញចូលតែមួយ និងការិយាល័យប្រជាពលរដ្ឋ ក៏ត្រូវបានសម្រេចបង្កើតឡើងនៅទូទាំងប្រទេស។

ក្នុងសន្និសីទកាសែតដដែលនោះ សួស ប្រាថ្នា បានអះអាងថា បច្ចុប្បន្ន យន្តការច្រកចេញចូលតែមួយត្រូវបានរៀបចំ និងដាក់ឱ្យដំណើរការនៅគ្រប់ថ្នាក់រដ្ឋបាលនៅរដ្ឋបាលថ្នាក់ក្រោមជាតិ ទាំង៣ថ្នាក់ រួមមាន អង្គភាពច្រកចេញចូលតែមួយនៅថ្នាក់រាជធានី ខេត្ត ការិយាល័យច្រកចេញចូលតែមួយនៅថ្នាក់ក្រុង ស្រុក ខណ្ឌ និងយន្តការច្រកចេញចូលតែមួយនៅថ្នាក់ឃុំ សង្កាត់។

សូមបញ្ជាក់ថា យន្តការច្រកចេញចូលតែមួយ គឺជាកន្លែងប្រមូលផ្តុំការផ្តល់សេវារដ្ឋបាលនានាដែលស្ថិតក្នុងដែនសមត្ថកិច្ចរបស់ខ្លួន និងផ្តល់លទ្ធផលសម្រេចនៅកន្លែងតែមួយ តាមនីតិវិធីសាមញ្ញ ប្រកបដោយគុណភាព តម្លាភាព ប្រសិទ្ធភាព ស័ក្តិសិទ្ធិភាព គណនេយ្យភាព និងបរិយាបន្ន ឆ្លើយតបទៅនឹងតម្រូវការរបស់ប្រជាពលរដ្ឋនៅមូលដ្ឋាន។

ក្រសួងមហាផ្ទៃបានបញ្ជាក់បន្ថែមថា នៅនីតិកាលថ្មីនេះ សម្ដេច ហ៊ុន ម៉ាណែត នាយករដ្ឋមន្ត្រី ដោយមានលោក ស សុខា ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ ជាសេនាធិការ កាន់តែបង្កើនការប្ដេជ្ញាចិត្តខ្ពស់ក្នុងការធ្វើឱ្យគោលនយោបាយវិមជ្ឈការ និងវិសហការ រួមទាំងយន្តការច្រកចេញចូលតែមួយ ភាពរីកចម្រើនប្រកបដោយគុណភាព និងទំនុកចិត្តខ្ពស់ពីប្រជាពលរដ្ឋ៕

អត្ថបទ៖​សាង តេជៈ រូបភាព៖ ក្រសួងមហាផ្ទៃ

The post មន្រ្តីក្រសួងមហាផ្ទៃអះអាងថា យន្តការច្រកចេញចូលតែមួយកំពុងចងចិត្តពលរដ្ឋ appeared first on Millions times.