តាមដានជាមួយយើង៖ Million Times

ប្រធាននាយកដ្ឋានអភិរក្ស​ និងតំបន់ឆ្នេរនិងសមុទ្រ អគ្គនាយកដ្ឋានតំបន់ការពារធម្មជាតិ ក្រសួង​បរិស្ថាន លោក ស៊ុយ ធា បាន​ឲ្យ​ដឹងថា សកម្មភាពលែងក្តាមថ្មនាថ្ងៃនេះ ក្នុង​គោល​បំណង​បង្កើន​ធនធាន​ក្តាម​ថ្ម នៅ​ក្នុង​តំបន់​សមុទ្រ​​ក៏​ដូចជា​ការ​អប់រំ​ណែនាំ​ដល់​សហគមន៍​ចូលរួម​ថែរក្សា​ការពារ​ធម្មជាតិ​ ដូចជា ព្រៃ​កោងកាង និង​ធនធាន​ជីវចម្រុះ​នៅក្នុងព្រៃកោងកាង នៅ​ក្នុង​តំបន់​ការពារ​ធម្មជាតិ ឲ្យ​ល្អ​ប្រសើរ និង​ជា​កន្លែង​ស្តុកធនធានសមុទ្រ បង្កើនការចូលរួមការពារធនធានសមុទ្រ​ ក៏​ដូច​ជា​ធនធាន ជីវចម្រុះ​នៅក្នុងតំបន់ព្រៃកោងកាង និង​ការ​ដកហូត​ធនធាន​សមុទ្រ​ប្រកប​ដោយ​ចីរភាព។

ក្រៅពី​លែង​ក្តាម​ពូជ​ទាំង​អស់នេះហើយ ប្រជាសហគមន៍បន្តដាំស្តារព្រៃកោងកាងបន្ថែមទៀត ដើម្បី​បង្កើនគម្របព្រៃបៃតងកាន់តែច្រើន។ ក្រសួង និងមន្ទីរបរិស្ថានរាជធានីខេត្ត បាន​បណ្តុះ​កូនឈើ​ជាច្រើន​លាន​ដើម ចែក​ជូន​ដល់មហាជន យកទៅដាំដុះនៅតាផ្ទះ វត្តអារាម ឬទីសាធារណៈ និង​ដាំ​ស្តារ​ព្រៃ​សហគមន៍។ នៅឆ្នាំ២០២៦ ក្រសួងបរិស្ថានគ្រោងចែកកូនឈើ៥លានដើមបន្ថែមទៀត។ នេះ​ជា​ការ​បញ្ជាក់​ពី​លោក ខ្វៃ អាទិត្យា អនុរដ្ឋលេខាធិការ និងជាអ្នកនាំពាក្យក្រសួងបរិស្ថាន។

លោក ខ្វៃ អាទិត្យា បន្ថែម​ថាការពង្រឹងអភិរក្សធនធានធម្មជាតិនេះ មិនត្រឹម​តែ​យន្តការ​បន្សាំ​នឹង​ការ​ប្រែប្រួល​អាកាសធាតុនោះ ពោល​គឺ​ជួយបង្កើនចំនួនធនធានជលផល និងទាក់ទាញអ្នកទេសចរណ៍ ដែល​ជួយ​អភិវឌ្ឍន៍​ជីវភាព​ប្រជាជន​ផងដែរ៕

អត្ថបទ៖ឆដា, រូបភាព៖ Ministry of Environment

The post ក្រសួងបរិស្ថានលែងក្តាមថ្មជាង ៤០០ គីឡូទៅក្នុងធម្មជាតិ ដើម្បីជួយពង្រឹងប្រព័ន្ធអេកូស៊ី appeared first on Millions times.

តាមដានជាមួយយើង៖ Million Times

លោក អ៊ាង សុផល្លែត បាន​បន្ត​ថា ក្នុង​សន្និសីទ​សារព័ត៌មាន​នៅ​អាកាសយានដ្ឋាន​អន្តរជាតិ​តេជោ ក្រោយ​បញ្ចប់​បេសកកម្ម​នៅ​ជប៉ុន ហើយមកដល់ប្រទេសកម្ពុជាវិញនៅថ្ងៃទី១៩ ខែ​កុម្ភៈ ឆ្នាំ២០២៦។ រដ្ឋមន្ត្រី​ក្រសួងបរិស្ថាន បាន​បញ្ជាក់​ថា៖ «យើង​បាន​ទៅ​ធ្វើ​ទស្សនកិច្ច​រោងចក្រ​ផលិត​ឡ​សំណល់​វេជ្ជសាស្ត្រ និង​សំណល់​ប្លាស្ទិក ដែល​ជា​ឡ​មួយ​ដុត​​ទៅ​អត់​មាន​ផ្សែង។ ដុត​ទៅ​អត់​មាន​ផ្សែង មានតែ​ចំហាយទឹក​មក​វិញ។

រដ្ឋមន្ត្រី​ក្រសួង​បរិស្ថាន បាន​សរសើរ​ពី​បច្ចេកទេស​ជប៉ុន​មួយ​នោះ គ្រា​បាន​ទស្សនា​ផ្ទាល់ និង​បាន​បញ្ជាទិញ ដើម្បី​យក​មក​ប្រើប្រាស់​នៅ​កម្ពុជា​យើង​ផង​ដែរ។ ការ​បញ្ជា​ទិញ​នេះ សង្ឃឹមថា កិច្ច​សហប្រតិបត្តិការ​ជាមួយ​ភាគី​ជប៉ុន ក្រសួង​បរិស្ថាន​ជប៉ុន និង​ក្រុមហ៊ុន​ជប៉ុន នឹង​ជួយ​យើង​ឲ្យ​បាន​ច្រើន​គ្រឿង។

លោក​រដ្ឋមន្ត្រី​ក្រសួង​បរិស្ថាន គោលដៅ​របស់​យើង គឺ​ធ្វើ​យ៉ាង​ណា​ឲ្យ​មួយ​ស្រុក​មាន​មួយ​គ្រឿង។ ឡ​ដុត​សំណល់​វេជ្ជសាស្ត្រ និង​សំណល់​ប្លាស្ទិក នឹង​មិន​ប្រើប្រាស់ ថាមពល​អគ្គិសនី​នោះ​ទេ ប៉ុន្តែ​នឹង​ជំនួស​​មក​វិញ​ដោយ​ការ​ប្រើប្រាស់​ថាមពល​ទាញ​ពី​​ប្រភព​ពន្លឺ​ព្រះអាទិត្យ (Sola)។

លោក អ៊ាង សុផល្លែត បញ្ជាក់​ថា នៅ​ក្នុង​កិច្ច​សហប្រតិបត្តិការ​រួមគ្នា ឆ្លើយតប​នឹង​ការ​ប្រែប្រួល​អាកាសធាតុ និង​ការ​គ្រប់គ្រង​សំណល់ លោក​រដ្ឋមន្ត្រី​ក្រសួង​បរិស្ថាន កម្ពុជា និង​រដ្ឋមន្ត្រី​ក្រសួង​បរិស្ថាន​ជប៉ុន​បាន​ឯកភាព​គ្នា​លើ​​ចំណុច ៦ រួមមាន ១ យន្តការ​ឥណទាន​រួម ដែល​មាន​ស្រាប់ និង​គម្រោង​ផ្នែក​ជីវម៉ាស, ២​ សកម្មភាព​ឆ្លើយតប​នឹង​ការ​ប្រែប្រួល​អាកាសធាតុ​ក្នុង​ក្រប​ខណ្ឌ​អាស៊ាន, ៣ ការ​គាំទ្រ​លើ​ផែនការ​ជាតិ ការ​បន្សាំ​នឹង​ការ ប្រែប្រួល​អាកាសធាតុ​ជា​ពិសេស​ប្រព័ន្ធ​ព្រមាន​ជាមុន, ៤ ការ​កែច្នៃ​សំរាម-សំណល់​ឡើង​វិញ និង​ការ​ទាញ​យក​ថាមពល​អគ្គិសនី​ពី​សំណល់, ៥ ការ​ផ្សព្វផ្សាយ​ព័ត៌មាន​អំពី​ផល​ប៉ះពាល់​នៃ​សំរាម-សំណល់ ការផលិតថង់ជីវម៉ាសងាយបំបែកធាតុ និង​ ការ​ផ្លាស់ប្ដូរ​បទ​ពិសោធ​លើ​ការ​គ្រប់គ្រង​ឧទ្យានជាតិ៕

អត្ថបទ៖ ឆដា, រូបភាព៖ អ៊ាង សុផល្លែតSophalleth

The post កម្ពុជា​កុម្ម៉ង់​ទិញឡដុតសំណល់វេជ្ជសាស្ត្រ និងសំណល់ប្លាស្ទិក គ្មានផ្សែងពីប្រទេសជប៉ុន appeared first on Millions times.

តាមដានជាមួយយើង៖ Million Times

ការចាត់វិធានការបែបនេះ បន្ទាប់ពីក្រសួងបរិស្ថាន បានរកឃើញថា ក្រុមហ៊ុននេះ បានដុតកម្ទេចក្រណាត់ និងមិនទាន់រៀបចំប្រព័ន្ធសម្អាតផ្សែងចេញពីឡចំហាយឱ្យបានត្រឹមត្រូវ នាំឱ្យមានការបំពុលខ្យល់ និងប៉ះពាល់ដល់គុណភាពបរិស្ថាន នៅជុំវិញ។

ក្នុងនោះដែរ ក្រសួងបរិស្ថាន ក៏តម្រូវឱ្យក្រុមហ៊ុនអនុវត្តបញ្ឈប់ការដុតកម្ទេចក្រណាត់ក្នុងឡចំហាយជាដាច់ខាត ទោះក្នុងរូបភាពណាក៏ដោយ និងត្រូវទទួលរងពិន័យអន្ដរការណ៍ យោងតាមក្រមបរិស្ថាន និងធនធានធម្មជាតិ មាត្រា១៦១ មាត្រា១៧៣ និងមាត្រា៦៦៨ និងអនុក្រឹត្យលេខ៤២ ស្ដីពី ការត្រួតពិនិត្យការបំពុលខ្យល់។

បើតាមក្រសួងបរិស្ថាន ក្រុមហ៊ុន ត្រូវផ្ដល់សំណងផលប៉ះពាល់សុខភាពសាធារណៈ និងការខូចខាតបរិស្ថាន តាមការវាយតម្លៃជាក់ស្ដែងពីមន្រ្តីជំនាញ។ លើសពីនេះ ក្រុមហ៊ុន ក៏ត្រូវរៀបចំបំពាក់ប្រព័ន្ឋសម្អាតផ្សែងចេញពីឡចំហាយឱ្យបានត្រឹមត្រូវ និងត្រូវធ្វើកិច្ចសន្យាដឹកជញ្ជូនសំណល់រឹងឧស្សាហកម្ម ជាមួយក្រុមហ៊ុនដែលទទួលស្គាល់ពីក្រសួងបរិស្ថាន។

កាលពីថ្ងៃទី៣ ខែកុម្ភ: ឆ្នាំ២០២៦ ក្រុមការងារអធិការកិច្ច នៃអគ្គនាយដ្ឋានគាំពារបរិស្ថាន ក្រសួងបរិស្ថាន បានសហការជាមួយមន្ត្រីនៃមន្ទីរបរិស្ថានរាជធានីភ្នំពេញ ចុះត្រួតពិនិត្យករណីមានផ្សែងខ្មៅហុយចេញពីបំពង់ផ្សែងឡចំហាយរបស់ក្រុមហ៊ុនខាងលើ។

ក្រុមការងារ បានរកឃើញនៅក្រៅបរិវេណរោថចក្រ បំពង់ផ្សែងឡចំហាយមានហុយផ្សែងខ្មៅ តែពុំមានក្លិនឈ្ងៀមនៅទេ។ ដោយឡែកនៅក្នុងបរិវេណរោងចក្រ ក្រុមការងារបានរកឃើញ មានឡចំហាយ ១គ្រឿង កម្លាំង ១៥០០គ.ក្រ/ម៉ោង ដែលើប្រើប្រាស់អុសដុត ២ម៉ែត្រគូប/ថ្ងៃ និងកម្ទេចក្រណាត់ជាមធ្យម ៥គ.ក្រ/ថ្ងៃ។

ជាមួយគ្នានេះ ក្រុមការងារ ក៏បានយកឧបករណ៍ត្រួតពិនិត្យសារធាតុបំពុលខ្យល់ចេញពីបំពង់ផ្សែងឡចំហាយ ជាលទ្ឋផលឃើញថា ៖ CO = 4281ppm, ការបញ្ចេញសារធាតុបំពុលខ្យល់ចេញពីបំពង់ផ្សែងឡចំហាយ មានលើសស្តង់ដា បើប្រៀបធៀបទៅនឹងស្តង់ដាបញ្ចេញសារធាតុបំពុលខ្យល់ CO = 1000ppm។

លើសពីនេះទៀត បើតាមក្រសួងបរិស្ថាន គឺក្រុមហ៊ុនបានដំណើរផលិត ដោយមិនបានបំពាក់ប្រព័ន្ឋសម្អាតផ្សែងចេញពីឡចំហាយ គ្មានកិច្ចសន្យាដឹកជញ្ជូនសំណល់រឹងឧស្សាហកម្ម និងគ្មានលិខិតបទដ្ឋានគតិយុត្តិពាក់ព័ន្ធនឹងវិស័យបរិស្ថាន៕

អត្ថបទ៖ វីរៈ រូបភាព៖ ក្រសួងបរិស្ថាន

The post ក្រសួងបរិស្ថាន ឱ្យក្រុមហ៊ុនមួយបញ្ឈប់ដុតកំទេចក្រណាត់ និងរៀបចំប្រព័ន្ធសម្អាតផ្សែងទប់ស្កាត់ការបំពុលបរិស្ថាន appeared first on Millions times.

តាមដានជាមួយយើង៖ Million Times

ចំណែកការសាងសង់ផ្លូវ ប្រវែង ៧,២ គ.ម ទទឹងប្រវែង ៨ម ចាប់ពីវត្តតាំងបំពង់ ដល់ជើងភ្នំឡើងតំបន់ខ្នងផ្សារ របស់ក្រសួងអភិវឌ្ឍន៍ជន បានរៀបចំចាក់ដី និងក្រាលគ្រួសស្អាតរួចរាល់ ឌែលបានសម្រួលការធ្វើដំណើរងាយស្រួលផងដែរ។ នេះបើតាមការឱ្យដឹងពីក្រសួងបរិស្ថាន នៅថ្ងៃទី១ ខែកុម្ភៈនេះ។

ឯកឧត្តម អ៊ាង សុផល្លែត រដ្ឋមន្រ្តីក្រសួងបរិស្ថាន នៅថ្ងៃទី៣១ ខែមករា បានអញ្ជើញដឹកនាំប្រតិភូក្រសួងបរិស្ថាន ចូលរួមពិនិត្យមើលសមិទ្ធផលថ្មីនៃគម្រោងគោលដៅលម្ហែបៃតងភ្នំខ្នងផ្សារ និងរៀបចំផែនការអភិវឌ្ឍន៍ផ្លូវឡើងភ្នំ និងតំបន់នៅលើភ្នំខ្នងផ្សារ។ ក្នុងនោះដែរ ក៏មានការអញ្ជើញចូលរួមពីឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម តំណាងអង្គការដៃគូអភិវឌ្ឍន៍ ផ្នែកឯកជន និងប្រជាពលរដ្ឋ នៃសហគមន៍តំបន់ការពារធម្មជាតិរលាក់កងជើង។  

ឯកឧត្តមរដ្ឋមន្រ្តី បានថ្លែងថា ក្រសួងបរិស្ថាន បានរៀចំគម្រោងអភិវឌ្ឍន៍គោលដៅលម្ហែបៃតងនៅភ្នំខ្នងផ្សារ គឺជាការឆ្លើយតបនឹងគោលនយោបាយ និងយុទ្ធសាស្រ្តរបស់រាជរដ្ឋាភិបាល សំដៅការអភិវឌ្ឍប្រកបដោយចីរភាព និងការគ្រប់គ្រងធនធានធម្មជាតិ បានយូរអង្វែង ដើម្បីប្រយោជន៍ដល់ប្រជាពលរដ្ឋ និងកូនចៅជំនាន់ក្រោយ។

ឯកឧត្តមបន្តថា ការអភិវឌ្ឍគោលដៅលម្ហែបៃតងភ្នំខ្នងផ្សារ ដែលនាំឱ្យមានភាពរីកចម្រើន ដោយមានការគាំទ្រ ទៅលើការគ្រប់គ្រងបរិស្ថាន និងធនធានធម្មជាតិ និងជីវៈចម្រុះ ហើយហេដ្ឋារចនាសម្ព័ន្ធទាំងនេះ នឹងចូលរួមលើកកម្ពស់ជីវភាពគ្រួសារ និងប្រែក្លាយសហគមន៍ឱ្យទៅជាសហគ្រិន ដែលជាការផ្លាស់ប្តូរយ៉ាងសំខាន់ ពីការពឹងផ្អែកលើការកាប់ឈើ និងបរបាញ់សត្វព្រៃខុសច្បាប់ មកចូលរួមចំណែកកាន់តែប្រសើរ ក្នុងការការពារ និងអភិរក្សធនធានធម្មជាតិ និងបានបង្កើនចំណូលជីវភាពគ្រួសារបន្ថែមទៀត ពីគោលដៅលំហែបៃតងនៅតាមសហគមន៍។

គួរឱ្យដឹងថា ការធ្វើដំណើរឡើងភ្នំខ្នងផ្សារដោយថ្មើជើង មានចំងាយជាង ៤គម និងចំណាយពេលប្រមាណ ៤ម៉ោង ទើបធ្វើដំណើរដល់កន្លែងបោះតង់ តំបន់លើខ្នងភ្នំ៕

អត្ថបទ៖ វីរៈ រូបភាព៖ ក្រសួងបរិស្ថាន

The post គម្រោងអភិវឌ្ឍន៍តំបន់ភ្នំខ្នងផ្សារ សម្រេចបាន ១០០%ហើយ ដោយមានហាងកាហ្វេ ផ្សារសហគមន៍ និងបន្ទប់ទឹកស្អាត appeared first on Millions times.

តាមដានជាមួយយើង៖ Million Times

ក្រសួងបរិស្ថាន បានឱ្យដឹងនៅថ្ងៃទី២៧ ខែមករានេះថា ទីតាំងអាជីវកម្មខ្សាច់បក ១កន្លែង ដែលបានដំណើរការដោយមានក្រុមហ៊ុនចំនួន២ លើដីទំហំជិត ២ហិកតា នៅភូមិបាក់អង្រុត ឃុំដងពែង ស្រុកស្រែអំបិល ខេត្តកោះកុង ត្រូវបានពិនិត្យឃើញថា អាចបង្កហានិភ័យដល់ធនធានធម្មជាតិ នៃស្ទឹងព្រែកកំពង់សោម។

ក្រសួងបរិស្ថាន បានសម្រេចការអនុវត្តនូវវិធានការច្បាប់ ដើម្បីទប់ស្កាត់ការបំពុលបរិស្ថាន ធានាភាពស្អាតនៅក្នុងទឹក ដោយតម្រូវឱ្យផ្អាកអាជីវកម្មខ្សាច់ជាបណ្តោះអាសន្នចាប់ពីពេលនេះទៅ រហូតដល់មានការសម្រេចជាថ្មីរបស់អង្គភាពជំនាញពាក់ព័ន្ធ និងតម្រូវឱ្យម្ចាស់អាជីវកម្មរៀបចំរបាយការណ៍វាយតម្លៃហេតុប៉ះពាល់បរិស្ថានដំបូង ដោយអនុលោមតាមលិខិតបទដ្ឋានគតិយុត្តពាក់ព័ន្ធឱ្យបានរួចរាល់ជាមុន ទើបអាចធ្វើអាជីវកម្មបន្តបាន។

ក្រុមការងារអធិការកិច្ចនៃអគ្គនាយកដ្ឋានគាំពារបរិស្ថាន និងនាយកដ្ឋានវាយតម្លៃហេតុប៉ះពាល់បរិស្ថាន ដឹកនាំដោយលោក ចាប យុធី អនុប្រធាននាយកដ្ឋានអធិការកិច្ច និងមានការចូលរួមពី អាជ្ញាធរឃុំដងពែង និងប្រជាសហគមន៍មូលដ្ឋាន កាលពីថ្ងៃទី២៥ ខែមករា បានចុះពិនិត្យទីតាំងផ្ទាល់ និងបានរកឃើញថា ក្រុមហ៊ុន ត្រូវធ្វើការសិក្សាវាយតម្លៃពីការបង្កហានិភ័យ ដល់បរិស្ថានឱ្យបានត្រឹមត្រូវ មុននឹងអនុញ្ញាតឱ្យធ្វើអាជីវកម្មរ៉ែខ្សាច់។

យោងតាមស្ថានភាពភូមិសាស្រ្តជាក់ស្តែង ក្រុមការងាររបស់ក្រសួងបរិស្ថាន បានចុះទៅពិនិត្យផ្ទាល់ទីតាំង ការដ្ឋានអាជីវកម្មខ្សាច់បក គឺស្ថិតនៅក្បែរមាត់ស្ទឹងព្រែកកំពង់សោម និងតំបន់ដែនជម្រកសត្វអណ្តើកហ្លួងផងដែរ។

គួរឱ្យដឹងថា អាជីវកម្មខ្សាច់ខាងលើនេះ បានបើកដំណើរការនៅថ្ងៃទី១៥ ខែវិច្ឆិកា ឆ្នាំ២០២៥ និងបានជីកកាយ និងបូមខ្សាច់ទៅចាក់គរទុក ដោយមានរណ្តៅដីទំហំប្រហែល ១ហិកតា និងជំរៅ ៣,៥ម។ ទឹកហូរចេញពីគំនរខ្សាច់ ត្រូវបានបង្ហូរចូលក្នុងរណ្តៅដីវិញ ពុំមានទឹកហូរចូលក្នុងស្ទឹងទេ៕

អត្ថបទ៖ វីរៈ​ រូបភាព៖ ក្រសួងបរិស្ថាន

The post ផ្អាកបណ្ដោះអាសន្នអាជីវកម្មខ្សាច់ ១កន្លែង ដែលអាចបង្កហានិភ័យដល់ធនធានធម្មជាតិ appeared first on Millions times.

តាមដានជាមួយយើង៖ Million Times

ក្រសួងបរិស្ថាន​ បាន​ឱ្យដឹងនៅថ្ងៃទី៤ ខែមករាថា ក្នុងឆ្នាំ ២០២៥ មន្ត្រីឧទ្យានុរក្ស ចុះល្បាតជាប្រចាំក្នុងដែនសមត្ថកិច្ចរបស់ខ្លួនបានចំនួន ១៦ ២៦១លើក និងបង្ក្រាបបទល្មើសធនធានធម្មជាតិបានចំនួន ២ ១៥២ករណី ក្នុងនោះមានបទល្មើសព្រៃឈើចំនួន ៧៥១ករណី បទល្មើសសត្វព្រៃចំនួន ៧៣៧ករណី បទល្មើសកាប់រុករានទន្រ្ទានដីរដ្ឋចំនួន ៣៣៤ករណី បទល្មើសនេសាទចំនួន ៣២២ករណី និងបទល្មើសធនធានរ៉ែចំនួន ១៥ករណី។

បន្ថែមលើនេះ មន្រ្តីនគរបាលយុត្តិធម៌ នៃក្រសួងបរិស្ថាន ក៏បានកសាងសំណុំរឿងបញ្ជូនទៅតុលាការចំនួន ១៣៣ករណី និងបញ្ជូនជនសង្ស័យទៅតុលាការចំនួន ៩៥នាក់។

ឯកឧត្តម ខ្វៃ អាទិត្យា អ្នកនាំពាក្យក្រសួងបរិស្ថាន បានឱ្យដឹងបន្ថែមថា ក្នុងឆ្នាំ២០២៥ សកម្មភាពល្បាតបានកើនឡើងចំនួន ១ ៨៥៥លើក និងករណីបង្ក្រាបបទល្មើសធនធានធម្មជាតិថយចុះចំនួន ៣៩៣ករណី បើប្រៀបធៀបនឹងឆ្នាំ២០២៤។

អ្នកនាំពាក្យរូបនេះ បានបន្ថែមទៀតថា ការថយចុះនៃបង្ក្រាបបទល្មើសធនធានធម្មជាតិ គឺពិតជាកើតឡើងដោយសារកិច្ចខិតខំប្រឹងប្រែងពីថ្នាក់ដឹកនាំ និងមន្ត្រីឧទ្យានុរក្សរបស់ក្រសួងបរិស្ថាន សហការជាមួយក្រសួងស្ថាប័នពាក់ព័ន្ធ រដ្ឋបាលខេត្ត ក្រុង ស្រុក ដែលមានតំបន់ការពារធម្មជាតិ អាជ្ញាធរមូលដ្ឋាន អង្គការដៃគូ និងជាពិសេសជាមួយអយ្យការអមសាលាដំបូងខេត្ត កងកម្លាំងប្រដាប់អាវុធទាំង ៣ប្រភេទ អង្គភាពប្រឆាំងអំពើពុករលួយ និងប្រជាពលរដ្ឋនៅតាមសហគមន៍តំបន់ការពារធម្មជាតិ ដោយបានអនុវត្តក្រមបរិស្ថាន និងធនធានធម្មជាតិ និងបទដ្ឋានគតិយុត្តមានជាធរមាន ដើម្បីធានាការការពារ និងអភិរក្សធនធានធម្មជាតិ សម្រាប់ការរស់នៅដោយចីរភាព។

បើតាមក្រសួងបរិស្ថាន ក្នុងរយៈពេលជាង​ ២ឆ្នាំកន្លងមកនេះ បន្ថែមពីការដាក់ចេញនូវការអនុវត្តច្បាប់១០០ភាគរយ ចំពោះបទល្មើសធនធានធម្មជាតិ ក្រសួងបរិស្ថាន ក៏បានបង្កើនប្រសិទ្ធភាពក្នុងការឆ្លើយតប មានភាពលឿនរហ័ស ច្បាស់លាស់ និងធ្វើការអន្តរាគមន៍ចំគោលដៅ ធ្វើការទប់ស្កាត់ និងបង្រ្កាបបទល្មើស នៅតាមតំបន់ការពារធម្មជាតិ។

ជាមួយគ្នានេះ ក្រសួងបរិស្ថាន ក៏បានផ្តល់ផែនទីរូបភាពពីផ្កាយរណបលើបណ្តាទីតាំងចំណុចសង្ស័យ មានការកាប់រានព្រៃឈើជូនរដ្ឋបាលខេត្ត គណៈកម្មាធិការជាតិដើម្បីបង្ការទប់ស្កាត់ និងបង្ក្រាបបទល្មើសធនធានធម្មជាតិ អង្គភាពប្រឆាំងអំពើពុករលួយ និងកងកម្លាំងប្រដាប់អាវុធទាំង ៣ប្រភេទ ដើម្បីពិនិត្យតាមដាន និងចាត់វិធានការតាមបញ្ញត្តិក្រមបរិស្ថាន និងធនធានធម្មជាតិ និងនីតិវិធីច្បាប់៕

អត្ថបទ៖ វីរៈ រូបភាព៖ ក្រសួងបរិស្ថាន

The post ឆ្នាំ ២០២៥ ក្រសួងបរិស្ថាន បង្ក្រាបបទល្មើសធនធានធម្មជាតិជាង ២ពាន់ករណី appeared first on Millions times.

តាមដានជាមួយយើង៖ Million Times

ក្រសួងបរិស្ថាន បានឱ្យដឹងនៅថ្ងៃទី៣ ខែមករានេះថា ក្នុងឆ្នាំ ២០២៥ ក្រសួង បានចែកជូនកូនឈើជាង ៣,៤លានដើម ក្នុងនោះកូនត្នោតចំនួន ១លានដើម ជូនប្រជាពលរដ្ឋដោយឥតគិតថ្លៃ នៅតាមមន្ទីរបរិស្ថានរាជធានី-ខេត្ត តាមរយៈយុទ្ធនាការ «ពន្លកបៃតង» ដើម្បីយកទៅដាំតាមទីសាធារណៈនានា និងដាំស្តារព្រៃសហគមន៍។

បើតាមក្រសួងបរិស្ថាន កូនឈើដែលបានចែកជូនក្នុងឆ្នាំកន្លងទៅនេះ បានមកពីថ្នាលបណ្តុះកូនឈើថ្នាក់តំបន់ចំនួន ៥ រួមមាន៖ ខេត្តត្បូងឃ្មុំ សៀមរាប កំពង់ស្ពឺ កោះកុង និងមណ្ឌលគិរី និងថ្នាលរបស់មន្ទីរបរិស្ថានរាជធានី-ខេត្តទូទាំងប្រទេស។

សម្រាប់ឆ្នាំ២០២៦ ថ្នាលបណ្តុះកូនឈើថ្នាក់តំបន់ទាំងអស់ និងបង្កើនការបណ្តុះ និងចែកកូនឈើចំនួន ៣លាន ទៅ ៥លានដើម។ ក្នុងពេលបច្ចុប្បន្ន ថ្នាលបណ្តុះកូនឈើថ្នាក់តំបន់ បានចូលរួមចំណែកចលនាដាំបន្លែដើម្បីជាតិ ដោយបានចែករំលែកចំណេះដឹងក្នុងការដាំដុះកូនឈើព្រៃ កូនឈើហូបផ្លែ និងបន្លែ រួមមានស្ពៃ ត្រកូន ត្រប់ ននោង ត្រសក់ ជាដើម ជាមួយលោកគ្រូ អ្នកគ្រូ និងសិស្សានុសិស្ស ព្រមទាំងយុវជនកម្ពុជា និងប្រជាពលរដ្ឋនៅតាមសហគមន៍មូលដ្ឋាន អាចដាំដុះបន្ថែម នៅតាមសាលារៀន វត្តអារាម និងតាមមូលដ្ឋាននានា ស្របតាមគោលនយោបាយយុទ្ធសាស្រ្តរបស់រាជរដ្ឋាភិបាលកម្ពុជា ក្នុងការជួយលើកកម្ពស់សន្តិសុខស្បៀងគ្រួសារ ជួយបង្កើនចំណូលសម្រាប់ជីវភាព។

​សកម្មភាពនេះ គឺជាការចូលរួមចំណែកក្នុងចលនា “យើងរួមគ្នាដើម្បីជាតិ” ផ្ដួចផ្ដើមគំនិតដោយលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អគ្គស្នងការសមាគមកាយឫទ្ធិនារីកម្ពុជា ក្នុងគោលបំណងផុសសកម្មភាពដាំបន្លែដើម្បីជាតិ ដើម្បីទ្រទ្រង់ដល់វីរកងទ័ព វីរនគរបាលជួរមុខការពារព្រំដែន និងជនភៀសសឹកដោយសារការឈ្លានពានទឹកដីពីសត្រូវ។

លើសពីនេះ ថ្នាលបណ្តុះកូនឈើថ្នាក់តំបន់ទាំងអស់ ត្រូវបានរៀបចំឱ្យមានហេដ្ឋរចនាសម្ព័ន្ធ សម្រាប់ការធានាការបណ្តុះ កូនឈើ និងការស្រោចស្រព ដោយប្រើប្រាស់ថាមពលពន្លឺព្រះអាទិត្យ ការទាក់ទាញទេសចរណ៍ ដែលអាចបង្កើនចំណូល សម្រាប់សហគមន៍មូលដ្ឋាន។

ក្នុងគម្រោងក្រសួងបរិស្ថាន នឹងជំរុញការបណ្តុះកូនឈើ និងចែកកូនឈើជូនសាធារណជន យកទៅដាំតាន់រដូវវស្សា នៅតាមផ្ទះ តាមមូលដ្ឋាន សាលារៀន វត្តអារាម ទីសាធារណៈ នៅឆ្នាំ២០២៦ ចំនួនចាប់ពី៥លានដើម៕

អត្ថបទ៖ វីរៈ រូបភាព៖ ក្រសួងបរិស្ថាន

The post ក្រសួងបរិស្ថាន គ្រោងចែកកូនឈើចំនួន ៥លានដើម ជូនពលរដ្ឋដោយឥតគិតថ្លៃក្នុងឆ្នាំ ២០២៦នេះ appeared first on Millions times.

តាមដានជាមួយយើង៖ Million Times

ឯកឧត្តមរដ្ឋមន្ត្រី មានប្រសាសន៍ថា ការអភិវឌ្ឍតំបន់ភ្នំខ្នងផ្សារគឺជាចំណងដៃថ្មីមួយទៀត របស់សម្តេច ធិបតី ហ៊ុន ម៉ាណែត នាយករដ្ឋមន្រ្តីកម្ពុជា និងលោកជំទាវបណ្ឌិត ជូនប្រជាពលរដ្ឋក្នុងសហគមន៍តំបន់ការពារធម្មជាតិរលាក់កងជើង ក្នុងភូមិតាំងបំពង់ ឃុំតាសាល ស្រុកឱរ៉ាល់ ខេត្តកំពង់ស្ពឺ។

ឯកឧត្តម បានបន្ថែមថា ការជំរុញការអភិវឌ្ឍគោលដៅលំហែបៃតងផង និងជួយបង្កើនសមត្ថភាពចំណេះដឹង ដល់សហគមន៍ក្នុងការផ្ដល់សេវាកម្មទេសចរណ៍ផង នឹងចូលរួមលើកកម្ពស់សេដ្ឋកិច្ចសហគមន៍មូលដ្ឋានកាន់តែប្រសើរ។

ឯកឧត្តម អ៊ាង សុផល្លែត បានបន្ថែមទៀតថា ការអភិវឌ្ឍតំបន់ភ្នំខ្នងផ្សារ គឺជាការអភិវឌ្ឍបែប «អេកូទេសចរណ៍ធម្មជាតិ» គឺជាទម្រង់ទេសចរណ៍ផ្អែកលើធម្មជាតិ ដែលមានគោលបំណងសំខាន់ ក្នុងការការពារនិងអភិរក្សបរិស្ថានធម្មជាតិ និងវប្បធម៌ក្នុងតំបន់ ជួយលើកកម្ពស់ជីវភាពរស់នៅ ជួយឱ្យការរស់នៅរបស់ប្រជាពលរដ្ឋមូលដ្ឋាន មានសុខភាពល្អ ចូលរួមផ្តល់បទពិសោធន៍ល្អដល់ភ្ញៀវទេសចរណ៍ និងការធ្វើដំណើរក្នុងតំបន់ព្រៃភ្នំប្រកបដោយការទទួលខុសត្រូវ។ ក្នុងនោះដែរ អ្នកទេសចរណ៍ បានមកកម្សាន្តផង និង មករៀនសូត្រពីធម្មជាតិផង នៅក្នុងតំបន់ដ៏ស្រស់ស្អាត និងកម្រនៅកម្ពុជា។

គួរឱ្យដឹងថា គិតត្រឹមចុងខែវិច្ឆិកា ឆ្នាំ២០២៥នេះ ហេដ្ឋារចនាសម្ព័ន្ធគាំទ្រ នៃគម្រោងអភិវឌ្ឍគោលដៅលំហែបៃតង នៅតំបន់ខ្នងផ្សារ រួមមានផ្លូវចូលប្រវែងជាង ៧ គ.ម ចំណតឡាន ប្រពន្ធ័ទឹកស្អាត ការបំពាក់អំពូលសូឡា ក្លោងទ្វាធំផ្លូវចូល ការដាំលម្អរុក្ខជាតិ និងផ្កាក្ងោកដ៏ស្រស់បំព្រង បន្ទប់ទឹក កន្លែងលក់អាហារ  និងភេសជ្ជៈ កន្លែងសង្គ្រោះបន្ទាន់ កន្លែងបោះតង់ ផ្លូវថ្មើរជើរក្នុងព្រៃ បានកំពុងលេចចេញជារូបរាងជាបណ្តើរៗហើយ ដើម្បីទុកជាប្រយោជន៍ជូនសហគមន៍តំបន់ខ្នងផ្សារ៕

អត្ថបទ៖ វីរៈ រូបភាព៖ ក្រសួងបរិស្ថាន

The post រដ្ឋមន្រ្តី៖ ការអភិវឌ្ឍតំបន់ភ្នំខ្នងផ្សារ គឺជាការអភិវឌ្ឍបែបអេកូទេសចរណ៍ធម្មជាតិ appeared first on Millions times.

តាមដានជាមួយយើង៖ Million Times

ការរកឃើញនេះ គឺតាមរយៈការចុះទៅត្រួតពិនិត្យនៅថ្ងៃទី១០ ខែវិច្ឆិកា ឆ្នាំ២០២៥ ដែលរោងចក្រស្ថិតនៅភូមិកំប៉ោ ឃុំបឹងត្រាញ់ខាងត្បូង ស្រុកសំរោង ខេត្តតាកែវ។ ករណីនេះ គឺល្មើសនឹងមាត្រា១៦១ និងមាត្រា៦៩៤ នៃក្រមបរិស្ថាន និងធនធានធម្មជាតិ។

លើសពីនេះ រោងចក្រមិនបានរៀបចំរបាយការណ៍អង្កេតតាមដានបរិស្ថាន ក្នុងរយៈពេល ៦ខែម្តង ដូចមានចែងក្នុងកិច្ចសន្យាការពារបរិស្ថាន គឺល្មើសនឹងមាត្រា៦៩៤ នៃក្រមបរិស្ថាន និងធនធានធម្មជាតិ។

ក្រសួងបរិស្ថាន បានដាក់ចេញវិធានការអនុវត្តចំពោះក្រុមហ៊ុននេះ តម្រូវឱ្យបញ្ឈប់ជាបន្ទាន់នូវការយក កម្ទេចក្រណាត់ទៅដុតក្នុងឡ និងតម្រូវឲ្យរៀបចំតបំពង់ផ្សែងឡ​ឱ្យបានខ្ពស់ផុតឡើងលើថែមទៀត ដើម្បីកុំផ្សែងហុយធ្លាក់ទៅលើលំនៅឋានប្រជាពលរដ្ឋទៀត។

ក្នុងនោះដែរ ក្រសួងបរិស្ថាន ក៏បានតម្រូវឱ្យក្រុមហ៊ុនរៀបចំរបាយការណ៍អង្កេតតាមដានបរិស្ថាន ទៅតាមការកំណត់ ហើយក្រុមហ៊ុនត្រូវរងពិន័យអន្តរការណ៍ អនុលោមតាមមាត្រ ៨២៦ នៃក្រមបរិស្ថាន និងធនធានធម្មជាតិ។

ក្រសួអបរិស្ថាន បានថ្លែងអំណរគុណដល់បណ្តារោងចក្រ សហគ្រាស និងក្រុមហ៊ុនទាំងឡាយណា ដែលបានគោរពច្បាប់បរិស្ថានត្រឹមត្រូវ និងសូមអរគុណដល់ប្រជាពលរដ្ឋ ក៏ដូចជាអ្នកសារព័ត៌មាន ដែលបានរាយការណ៍ពីករណីបំពុលបរិស្ថាននៅកម្ពុជា។

ក្រសួងបរិស្ថាន បានអំពាវនាវឱ្យមានការចូលរួមសាមគ្គីគ្នាបន្តទៀត ដើម្បីទប់ស្កាត់ការបំពុលដី បំពុលទឹក និងលើមេឃ ដើម្បីកម្ពុជាមានភាពស្អាត ប្រជាពលរដ្ឋ និងបរិស្ថានមានសុខភាពល្អ និងកម្ពុជាមានភាពស្អាតលើឆាកអន្តរជាតិ ដែលទាក់ទាញអ្នកទេសចរណ៍ និងអ្នកវិនិយោគមកកម្ពុជាកាន់តែច្រើនថែមទៀត៕  

អត្ថបទ៖ វីរៈ រូបភាព៖ ក្រសួងបរិស្ថាន

The post ក្រសួងបរិស្ថាន រកឃើញរោងចក្រមួយនៅខេត្តតាកែវ ល្មើសច្បាប់បរិស្ថាន appeared first on Millions times.

ក្នុងពេលជួបសន្ទនាជាមួយលោក គ្រុយ សារិត ម្ចាស់កសិដ្ឋានចិញ្ចឹមឃ្មុំភ្នំខៀវប៉ៃលិន កាលពីថ្ងៃចន្ទ ទី២៤ ខែកុម្ភៈ លោក អ៊ាង សុផល្លែត រដ្ឋមន្រ្តីក្រសួងបរិស្ថាន បានគាំទ្រគំនិតផ្តួចផ្តើមឱ្យមានគម្រោងអភិរក្សឃ្មុំព្រៃ នៅក្នុងភូមិសាស្រ្តឃុំអូរសោម ខេត្តពោធិ៍សាត់ ដែលនឹងរួមចំណែកបំពេញបន្ថែម លើកិច្ចខិតខំប្រឹងប្រែងរបស់ក្រសួងបរិស្ថាន ដោយផ្តល់កាលានុវត្តភាពថ្មី បន្ថែមដល់សហគមន៍មូលដ្ឋាន ជាពិសេសការផ្ដល់ជម្រើសមុខរបរថ្មី បង្កើតឱកាសការងារ និងប្រាក់ចំណូលបន្ថែម ដើម្បីលើកកម្ពស់ជីវភាពប្រជាពលរដ្ឋនៅតាមសហគមន៍មូលដ្ឋានកាន់តែប្រសើរ។

តាមដានជាមួយយើង៖ Million Times

លោកបានថ្លែងថា គម្រោងចូលរួមការពារ និងអភិរក្សធនធានធម្មជាតិ ដោយបានផ្ដល់ជម្រើសសេដ្ឋកិច្ច ដែលមិនប៉ះពាល់ដល់បរិស្ថាន រួមទាំងការអភិវឌ្ឍគោលដៅលំហែបៃតង ដែលក្រសួងបរិស្ថាន បានដាក់ចេញ ដោយបង្រៀនសហគមន៍ឱ្យចេះផ្តល់សេវាកម្ម និងបង្កើតផលិតផលទេសចរណ៍ ដែលផ្អែកលើធម្មជាតិ និងការពារ ទប់ស្កាត់ការបាត់បង់ព្រៃឈើ និងការរិចរិលព្រៃឈើ ចូលរួមចំណែក ដល់ការបង្កើនគម្របបៃតង និងជួយកម្ពុជា ឈានឆ្ពោះទៅជាប្រទេសអព្យាក្រឹតកាបូន ឆ្នាំ២០៥០ ស្របតាមយុទ្ធសាស្ត្រចក្រា វិស័យបរិស្ថាន។

បើតាមលោករដ្ឋមន្រ្តី ការគ្រប់គ្រងធនធានធម្មជាតិ និងអភិរក្សជីវៈចម្រុះ អាចទទួលបានជោគជ័យ លុះត្រាតែប្រជាសហគមន៍មូលដ្ឋានមានប្រភពចំណូលជាប្រចាំ និងមានភាពជាម្ចាស់លើគម្រោងដើម្បីអភិវឌ្ឍន៍ជីវភាពរស់នៅប្រកបដោយនិរន្តរភាព។

លោក គ្រុយ សារិត បានលើកឡើងថា គម្រោងអភិរក្សសត្វឃ្មុំនៅកម្ពុជា ដែលបច្ចុប្បន្ននេះបានកំពុងត្រៀមរៀបចំឱ្យមានដំណាំផ្កាឈូករ័ត្ន និងដើមគរ សម្រាប់សត្វឃ្មុំក្រេបយកលំអង និងផលិតជាទឹកឃ្មុំធម្មជាតិ ដែលមានគុណភាពល្អ សម្រាប់បម្រើឱ្យទីផ្សារក្នុងស្រុក និងនាំទៅទីផ្សារអន្តរជាតិ៕

អត្ថបទ៖ សាងតេជៈ រូបភាព៖ ក្រសួងបរិស្ថាន

The post រដ្ឋមន្រ្តីបរិស្ថានគាំទ្រឱ្យមានគម្រោងអភិរក្សឃ្មុំព្រៃ ដើម្បីយកទឹកឃ្មុំតាមធម្មជាតិ appeared first on Millions times.