តាមដានជាមួយយើង៖ Million Times

អំឡុង​ពេល​លោកស្រី ជួប មានទៅ​ចូល​ជួប​សម្ដែង​ការ​គួរសម និង​ពិភាក្សា​ការងារ​ជាមួយ​លោក ហួត ហាក់ រដ្ឋមន្ត្រី​ក្រសួង​ទេសចរណ៍ ស្តីពី កិច្ច​សហប្រតិបត្តិការ​ក្នុង​ការ​លើក​កម្ពស់​វិស័យ​ទេសចរណ៍​កម្ពុជា អគ្គ​នាយិកា​ក្រុមហ៊ុន ថោន អេនធើធេនម៉ិនគ្រុប ស្ថិត​ក្នុង​សម្លៀកបំពាក់​ប្រពៃណី និង​មាន​បន្ថែម​គ្រឿង​អលង្ការ​ប្រេន Dior ។

ក្រវិល Dior Tribales Earrings Gold-Finish Metal with White Resin Pearls and Crystals ដែល​មាន​តម្លៃ​ខ្ទង់​ពាន់​ដុល្លារ ជាមួយ​ឈុត​ផាមួង​ខ្មែរ​ដ៏​ស្រស់​ស្អាត។ បូករួម​ស្បែកជើង Jimmy Choo Light Bronze Crystal Love 85 Pumps តម្លៃ ២ ៧៥៥ ដុល្លារ ស៊ី​គ្នា​ជាមួយ​ឈុត និង​ក្រវិល។

គួរ​បញ្ជាក់​ថា នៅក្នុងជំនួបពិភាក្សា​​លោកស្រី ជួប មាន ​បាន​លោក ហួត ហាក់ រដ្ឋមន្ត្រី​ក្រសួង​ទេសចរណ៍ អំពី​កិច្ច​សហប្រតិបត្តិការ​រវាង​ក្រសួង​ទេសចរណ៍ និង​ក្រុមហ៊ុន​នាពេលកន្លងមក និង​ការ​ប្តេជ្ញា​ចិត្ត​របស់ក្រុមហ៊ុនក្នុងការចូលរួមចំណែកជាមួយក្រសួងទេសចរណ៍ ក្នុង​ការ​លើក​កម្ពស់​វិស័យ​ទេសចរណ៍​កម្ពុជា តាមរយៈ​ការ​ផលិតមាតិកាផ្សព្វផ្សាយ កម្មវិធីកម្សាន្ត និងសកម្មភាពកីឡា សិល្បៈ វប្បធម៌ ដើម្បីទាក់ទាញភ្ញៀវទេសចរអន្តរជាតិឱ្យទស្សនាកម្ពុជា ឱ្យកាន់តែច្រើនបន្ថែមទៀត។

អត្ថបទ៖ឆដា, រូបភាព៖ Huot Hak

second...

x

The post ម្ចាស់​ថោនគ្រុប លោកស្រី ជួប មាន អ្នកជំនួញស្រីទាំងស្អាត និងពូកែ Fashion appeared first on Millions times.

តាមដានជាមួយយើង៖ Million Times

ការប្ដេជ្ញាចិត្តបែបនេះ គឺបន្ទាប់ពីឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអនុញ្ញាតឱ្យលោកជំទាវឧកញ៉ា ជួប មាន ចូលជួបសម្តែងការគួរសម និងពិភាក្សាការងារ ស្តីពី កិច្ចសហប្រតិបត្តិការក្នុងការលើកម្ពស់វិស័យទេសចរណ៍កម្ពុជា តាមរយៈការស្នើសុំចុះអនុស្សរណៈយោគយល់គ្នា ជាមួយក្រសួងទេសចរណ៍ នៅថ្ងៃទី២២ ខែមេសា។

នៅក្នុងជំនួបពិភាក្សានេះ លោកជំទាវឧកញ៉ា បានជម្រាបជូនឯកឧត្តមរដ្ឋមន្រ្តី អំពីកិច្ចសហប្រតិបត្តិការរវាងក្រសួងទេសចរណ៍ និងក្រុមហ៊ុននាពេលកន្លងមក និងការប្តេជ្ញាចិត្តរបស់ក្រុមហ៊ុនក្នុងការចូលរួមចំណែកជាមួយក្រសួងទេសចរណ៍ ក្នុងការលើកកម្ពស់វិស័យទេសចរណ៍កម្ពុជា តាមរយៈការផលិតមាតិកាផ្សព្វផ្សាយ កម្មវិធីកម្សាន្ត និងសកម្មភាពកីឡា សិល្បៈ វប្បធម៌ ដើម្បីទាក់ទាញភ្ញៀវទេសចរអន្តរជាតិឱ្យទស្សនាកម្ពុជា ឱ្យកាន់តែច្រើនបន្ថែមទៀត។

ចំណែកឯកឧត្តមរដ្ឋមន្ត្រី ហួត ហាក់ បានស្វាគមន៍ និងគាំទ្រនូវប្តេជ្ញាចិត្តរបស់ក្រុមហ៊ុន ក្នុងការចូលរួមចំណែកក្នុងការផ្សព្វផ្សាយទេសចរណ៍កម្ពុជា ដែលជាផ្នែកដ៏សំខាន់ក្នុងការជំរុញវិស័យទេសចរណ៍កម្ពុជាឱ្យមានភាពច្នៃប្រឌិត និងប្រកបដោយភាពប្រកួតប្រជែងទាំងក្នុងតំបន់ និងសកលលោក។

បន្ថែមលើនេះ ឯកឧត្តមរដ្ឋមន្ត្រី ក៏បានបញ្ជាក់ថា ក្រសួងទេសចរណ៍ តែងតែបើកចំហសម្រាប់ការសហការជាមួយដៃគូ និងភាគីពាក់ព័ន្ធលើវិស័យទេសចរណ៍ ដើម្បីរួមចំណែកលើកស្ទួយកេរ្តិ៍ឈ្មោះកម្ពុជា ជាគោលដៅទេសចរណ៍ ប្រកបដោយសុវត្ថិភាព ស្រស់ស្អាត និងទាក់ទាញលើឆាកអន្តរជាតិ។

ជាមួយគ្នានេះ ឯកឧត្តមរដ្ឋមន្ត្រី ក៏បានលើកទឹកចិត្តឱ្យមានការសហការរវាងវិស័យរដ្ឋ និងឯកជន ដើម្បីចូលរួមជាមួយក្រសួងទេសចរណ៍ ក្នុងការអភិវឌ្ឍផលិតផលទេសចរណ៍ថ្មីៗបន្ថែមទៀត ផងដែរ៕

អត្ថបទ៖ វីរៈ រូបភាព៖ ក្រសួងទេសចរណ៍

second...

x

The post ឧកញ៉ា ជួប មាន ម្ចាស់ថោនគ្រុបប្តេជ្ញាចិត្តចូលរួមលើកកម្ពស់វិស័យទេសចរណ៍កម្ពុជា appeared first on Millions times.

តាមដានជាមួយយើង៖ Million Times

ការថ្លែងអំណរគុណ និងកោតសរសើរបែបនេះ បន្ទាប់ពីសមត្ថកិច្ចខណ្ឌដូនពេញ ចំណុះឱ្យស្នងការដ្ឋាននគរបាលរាជធានីភ្នំពេញ បានចុះស្រាវជ្រាវបន្ទាន់ និងបានសាកសួរពលរដ្ឋ នៅក្បែរទីតាំងកើតហេតុ ក្រោយមានការផ្សព្វផ្សាយវីដេអូ នៅលើបណ្ដាញសង្គមថា មានបុរសម្នាក់បានប្រើសម្ដីមិនសមរម្យ និងគំរាមរកវាយទៅលើជនបរទេសម្នាក់ ជាអ្នកទេសចរ។

តាមរយៈទំព័រហ្វេសប៊ុកក្រសួងទេសចរណ៍ នៅរសៀលថ្ងៃទី២០ ខែមេសានេះ ឯកឧត្តម ហួត ហាក់ ក្នុងនាមរដ្ឋមន្ត្រី បានសម្តែងការកោតសរសើរ និងថ្លែងអំណរគុណចំពោះការចង្អុលបង្ហាញរបស់ឯកឧត្តមនាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម ឃួង ស្រេង អភិបាលរាជធានីភ្នំពេញ ព្រមជាមួយចំណាត់ការទាន់ពេលវេលារបស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ដែលបានចាត់វិធានការទប់ស្កាត់សកម្មភាពអវិជ្ជមាន ដែលប៉ះពាល់ដល់វិស័យទេសចរណ៍។

ជាមួយគ្នានេះ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ក៏បានអរគុណដល់ប្រជាពលរដ្ឋខ្មែរទាំងអស់ ដែលបានចូលរួមយ៉ាងសកម្ម និងពិតជាបានឆ្លុះបញ្ចាំងពីការគំាទ្រ និងអនុវត្តយ៉ាងត្រឹមត្រូវតាមអនុសាសន៍ដឹកនាំរបស់សម្តេចតេជោ ហ៊ុន សែន ប្រមុខរដ្ឋស្តីទី និងជាប្រធានព្រឹទ្ធសភាគឺ៖ «ទេសចរណ៍ដើម្បីទាំងអស់គ្នា ទាំងអស់គ្នាដើម្បីទេសចរណ៍»។

ស្នងការដ្ឋាននគរបាលរាជធានីភ្នំពេញ បានឱ្យដឹងថា ក្រោយមានការផ្សព្វផ្សាយតាមបណ្ដាញសង្គមជាសាធារណៈ ដោយមានបុរសម្នាក់បានប្រើសម្ដីមិនសមរម្យ និងគំរាមរកវាយទៅលើជនបរទេសម្នាក់ ជាអ្នកទេសចរ ខណៈជនបរទេសនោះឡាយវីដេអូ ហើយគ្រាន់និយាយសួរនាំសុខទុកធម្មតាទៅលើបុរសម្នាក់ នៅក្បែររបងវត្តឧណ្ណាលោមរួចមក, នៅថ្ងៃទី១៩ ខែមេសា ឆ្នាំ២០២៦ នគរបាលខណ្ឌដូនពេញ បានចុះស្រាវជ្រាវបន្ទាន់ និងបានសាកសួរពលរដ្ឋ និងអ្នករត់ម៉ូតូកង់បី នៅក្បែរទីតាំងកើតហេតុ។

បើតាមសមត្ថកិច្ច ហេតុការណ៍នេះ បានកើតឡើងកាលពីថ្ងៃទី៩ ខែមេសា ឆ្នាំ២០២៦មកម្លេះ ស្ថិតនៅក្បែររបងវត្តឧណ្ណាលោម នៅមូលដ្ឋានសង្កាត់ជ័យជំនះ ខណ្ឌដូនពេញ រាជធានីភ្នំពេញ ហើយបុរសម្នាក់បានប្រើសម្ដីមិនសមរម្យ និងគំរាមរកវាយទៅលើជនបរទេសម្នាក់នោះ ជាជនអនាថា គ្មានទីលំនៅច្បាស់លាស់ ដើរគ្រប់ទីកន្លែង និងដេកតាមទីសាធារណៈ។ ករណីនេះកម្លាំងនគរបាល និងបន្តស្រាវជ្រាវរកបុរសនោះ នាំមកសួរនាំ ដើម្បីអនុវត្តតាមជំនាញ៕

អត្ថបទ៖ វីរៈ រូបភាព៖ ក្រសួងទេសចរណ៍

second...

x

The post រដ្ឋមន្ត្រីទេសចរណ៍ កោតសរសើរសមត្ថកិច្ចទប់ស្កាត់សកម្មភាពអវិជ្ជមាន ប៉ះពាល់វិស័យទេសចរណ៍ appeared first on Millions times.

តាមដានជាមួយយើង៖ Million Times

យោងតាម​របាយការណ៍​របស់​មន្ទីរ​ទេសចរណ៍​ខេត្ត បាន​ឲ្យ​ដឹង​ថា រយៈពេល៣ថ្ងៃ ចាប់​ពីថ្ងៃ ២៧ ដល់​ថ្ងៃ ២៩ ខែ​មីនា ឆ្នាំ ២០២៦ មាន​រៀបចំ​ព្រឹត្តិការណ៍​បុណ្យ​ទន្លេ ទទួល​បាន​ភ្ញៀវ​ទេសចរ​សរុប ៣១៧ ៦៨៥ នាក់ ក្នុង​នោះ​ទេសចរ​ជាតិ ៣១១ ២៣៧ នាក់ និង​ភ្ញៀវ​ទេសចរ​បរទេស ៦ ៤៤៨ នាក់។

រដ្ឋមន្ត្រី​ក្រសួង​ទេសចរណ៍ បាន​បញ្ជាក់​ដែរ​ថា ការរៀបចំព្រឹត្តិការណ៍បុណ្យទន្លេលើកទី១០ ៣ថ្ងៃ ចាប់ពី​ថ្ងៃ ២៧-២៩ ខែ​មីនា នៅ​ខេត្ត​ក្រចេះ បាន​ប្រព្រឹត្ត​ទៅ​ដោយ​រលូន និង​ជោគជ័យ​យ៉ាង​ត្រចះត្រចង់។ ជោគជ័យ​នេះ អាស្រ័យ​ដោយ​ការ​ចូលរួម​ពី​គ្រប់​តួអង្គ​ពាក់ព័ន្ធ​ទាំងអស់​ដែល​ជា​សហ​ថាមពល​ដ៏​ខ្លាំងក្លា ជាពិសេស​ជំនឿ​ទុកចិត្ត​របស់​ប្រជាពលរដ្ឋ និង​ភ្ញៀវ​ទេសចរ​មក​លើ​រាជរដ្ឋាភិបាល និង​អាជ្ញាធរ ដែល​ធ្វើ​ឲ្យ​បងប្អូន​មាន​ភាព​កក់ក្ដៅ​ក្នុង​ការ​ចេញ​ដើរ​កម្សាន្ត។

នៅ​ក្នុង​ពិធី​បិទ​នេះ ក៏​មាន​ការ​ប្រគល់-ទទួល​ទង់ ខេត្ត​ដែល​ជា​ម្ចាស់ផ្ទះ​រៀបចំ​បន្ត​ព្រឹត្តិការណ៍​បុណ្យ​ទន្លេ​លើក​ទី ១១ គឺ​ខេត្ត​ស្វាយរៀង៕

អត្ថបទ៖ ឆដា, រូបភាព៖ ក្រសួងទេសចរណ៍

second...

x

The post បុណ្យទន្លេ លើកទី១០ ធ្វើនៅខេត្តក្រចេះ ៣ថ្ងៃកន្លងទៅ ទាក់ទាញពលរដ្ឋ និងភ្ញៀវទេសចរជិត ៣២ ម៉ឺននាក់ appeared first on Millions times.

តាមដានជាមួយយើង៖ Million Times

ក្រសួងទេសចរណ៍ បានឱ្យដឹងបន្តថា ទោះបីជាពិភពលោក កំពុងប្រឈមមុខនឹងបញ្ហាប្រឈមជាច្រើន រួមមានការប្រែប្រួលយ៉ាងឆាប់រហ័សនៃស្ថានភាពនយោបាយភូមិសាស្ត្រ និងសន្តិសុខក្នុងតំបន់និងពិភពលោក ការប្រែប្រួលអាកាសធាតុ ជំងឺឆ្លងនានា និងបទល្មើសឆបោកតាមប្រព័ន្ធបច្ចេកវិទ្យាក៏ដោយ ក៏កម្ពុជានៅតែបន្តរក្សាបានយ៉ាងរឹងមាំនូវ សន្តិភាព សន្តិសុខ សុវត្ថិភាព និងសណ្តាប់ធ្នាប់សង្គមល្អប្រសើរ ដើម្បីធានាឱ្យការធ្វើដំណើរតាមផ្លូវអាកាស ផ្លូវគោក និងផ្លូវទឹក ប្រព្រឹត្តទៅដោយសុវត្ថិភាព ទំនុកចិត្ត និងភាពកក់ក្តៅសម្រាប់ភ្ញៀវទេសចរជាតិ និងអន្តរជាតិ។

តាមរយៈការប្តេជ្ញាចិត្តដ៏មោះមុតរបស់រាជរដ្ឋាភិបាលកម្ពុជា ក្រោមការដឹកនាំប្រកបដោយភាពស្វាហាប់ ឈ្លាសវៃ និងប៉ិនប្រសប់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងកិច្ចសហការយ៉ាងស្អិតរមួតរវាងក្រសួង ស្ថាប័ន ភាគីអន្តរជាតិ ផ្នែកឯកជន បានបន្តអនុវត្តវិធានការយ៉ាងម៉ឺងម៉ាត់ ក្នុងការទប់ស្កាត់ និងបង្ក្រាបបទល្មើសគ្រប់ប្រភេទ ជាពិសេសបទល្មើសឆបោកតាមប្រព័ន្ធបច្ចេកវិទ្យា ដើម្បីធានា សុវត្ថិភាព និងបង្កើនទំនុកចិត្តសម្រាប់ភ្ញៀវទេសចរទាំងអស់។

ជាមួយគ្នានេះ ក្រសួងទេសចរណ៍ បានអំពាវនាវដល់ភ្ញៀវទេសចរទាំងអស់ ដែលស្រឡាញ់ប្រទេសកម្ពុជា បន្តធ្វើដំណើរទស្សនាកម្ពុជា ប្រកបដោយទំនុកចិត្តពេញលេញ អារម្មណ៍សុវត្ថិភាព និងភាពកក់ក្តៅ។ ក្នុងនោះដែរ ក្រសួង ក៏បានអំពាវនាវភ្ញៀវទេសចរទាំងអស់បន្តគាំទ្រ និងផ្សព្វផ្សាយទៅកាន់ពិភពលោកឱ្យបានទូលំទូលាយ អំពីកម្ពុជាដែលជាទឹកដីអច្ឆរិយៈពោរពេញដោយសម្បត្តិ បេតិកភណ្ឌវប្បធម៌ដ៏សម្បូរបែប ទេសភាពធម្មជាតិដ៏ស្រស់ស្អាត សង្គមប្រកបដោយសុខដុមនីយកម្ម និងប្រជាជន មានភាពរួសរាយរាក់ទាក់៕

អត្ថបទ៖ វីរៈ រូបភាព៖ បណ្ដាញសង្គម

second...

x

The post ក្រសួងទេសចរណ៍៖ កម្ពុជាបន្តជាគោលដៅទេសចរណ៍ប្រកបដោយសុវត្ថិភាព និងផ្តល់ភាពកក់ក្តៅ appeared first on Millions times.

តាមដានជាមួយយើង៖ Million Times

ក្នុងពិធីបើកសន្និបាតបូកសរុបលទ្ធផលការងារវិស័យទេសចរណ៍ឆ្នាំ២០២៥ និង​លើក​ទិសដៅ​ការងារ​ឆ្នាំ ២០២៦ រដ្ឋមន្ត្រីក្រសួង​ទេសចរណ៍ លោក ហួត ហាក់ មានប្រសាសន៍ថា ក្នុង​ឆ្នាំ​២០២៥​ កម្ពុជា​ទទួល​បាន​ទេសចរ​អន្តរជាតិ​សរុប ៥ ៥៦៩ ៧៥២នាក់ ​ថយ​ចុះ ​១៦,៩ភាគរយ បើ​ធៀប​នឹង​ឆ្នាំ​២០២៤។ ប៉ុន្តែ​ ភ្ញៀវ​ចិន​ដែលមកកម្សាន្តកម្ពុជា​ បែរ​ជា​មាន​កំណើន​រហូត​ដល់ ៤១,៥ភាគរយ​។

កាល​ឆ្នាំ២០២៥ កម្ពុជា ​ទទួល​បាន​ភ្ញៀវ​ទេសចរ​ចិន​ ១ ២០១ ៦៨១នាក់។ ​​ដើម្បី​ទាក់ទាញ​ភ្ញៀវ​ទេសចរ​ចិន​ ក្រសួង​ទេសចរណ៍​​បាន​ដាក់​ចេញ​​យុទ្ធនាការ “ឆ្នាំ​ទេសចរណ៍ កម្ពុជា-ចិន​ ២០២៥” ពិធី​បិទ “ឆ្នាំនៃការផ្លាស់ប្ដូរប្រជាជន​ និងប្រជាជន កម្ពុជា-ចិន” ពិធី​បើក​ជា​ផ្លូវការ​ “ឆ្នាំ​ទេសចរណ៍ កម្ពុជា-ចិន ២០២៥” ​អម​ដោយ​ការសម្ដែង​សិល្បៈ​ពិសេស “សម្រស់​កម្ពុជា-ជាំងស៊ី” ​ការ​រៀប​ចំវេទិកា​ទេសចរណ៍​កម្ពុជា-ចិន និង​មហោស្រព​តន្ត្រី​ទេសចរណ៍​អន្តរជាតិ​នៅ​ខេត្ត​សៀមរាប។ ចូល​រួមព្រឹត្តិការណ៍​នៅ​តាម​បណ្ដា​ខេត្ត​របស់​ចិន​ដូចជា សានទុង, យូណាន​, សានស៊ី (Shanxi) និងក្វាងស៊ី ​និង​បង្កើត​ព្រឹត្តិការណ៍​ជា​ច្រើន​ទៀត។

ដោយ​ឡែក លោកស្រី ឆាយ ស៊ីវលីន ប្រធាន​សមាគម​ទេសចរណ៍​កម្ពុជា​បាន​ឱ្យ​ដឹង​ថា​ ការ​កើន​ឡើង​នៃ​ចំនួន​ភ្ញៀវ​ទេសចរ​ចិន​នេះ ដោយសារ​តែ​កម្ពុជា​មាន​សកម្មភាព​ច្រើន​ទាំង​រដ្ឋ និង​ឯកជន​បាន​ធ្វើការ​ស្រុះ​គ្នា ​ក្នុង​ការ​ផ្សព្វផ្សាយ​ ការចូលរួម​ពិព័រណ៍​អន្តរជាតិ​នានា​នៅ​ប្រទេស​ចិន។

យោង​តាម​របាយការណ៍​ធនាគារ​ជាតិ ​នៃ​កម្ពុជា​បាន​ឱ្យ​ដឹង​ថា ចំណូល​ទេសចរណ៍​អន្តរ​ជាតិ​ឆ្នាំ​២០២៥ ត្រូវ​បាន​ប៉ាន់​ស្មាន​ថា​ អាច​មាន​ប្រមាណ​ ៣,៧ ​ពាន់​លាន​ដុល្លារ ​ដោយ​កើន​ឡើង​ ៣​ភាគ​រយ​បើ​ធៀប​នឹង​ឆ្នាំ​២០២៤។ ​ដែល​ប្រាក់ចំណូល​ពី​វិស័យ​ទេសចរ​អន្តរជាតិ​កើន​ឡើង​ ប៉ុន្តែ​ចំនួន​ភ្ញៀវ​ទេសចរ​អន្តរជាតិ​ធ្លាក់​ចុះ​ គឺ​អាច​ដោយសារ​តែ​ជម្លោះ​ប្រដាប់​អាវុធ​នៅ​តាម​ព្រំដែន​ថៃ និង​សភាពការណ៍​ពិភពលោក​មាន​ការប្រែប្រួល៕

អត្ថបទ៖ ឆដា,រូបភាព៖ ក្រសួងទេសចរណ៍ និង អ៊ីនធឺណេត

second...

x

The post កើន​ឡើងខ្លាំង! ​កម្ពុជា​ទទួល​ភ្ញៀវ​ទេសចរ​ចិន​ជាង​១​លាន​នាក់​ក្នុង​ឆ្នាំ​២០២៥ ​កើន​ជាង​៤០​ភាគរយ appeared first on Millions times.

តាមដានជាមួយយើង៖ Million Times

រដ្ឋមន្ត្រី​ក្រសួង​ទេសចរណ៍​លោក ហួត ហាក់ បាន​អញ្ជើញ​បើក «វេទិកា​ជំនួប​ផ្គូផ្គង​ធុរកិច្ច​ទេសចរណ៍​អន្តរជាតិ កម្ពុជា-ចិន» ដោយ​មាន​ការ​ចូលរួម​ពី​លោក Jiang Chao តំណាង​ស្ថានទូត​សាធារណរដ្ឋ​ប្រជាមានិត​ចិន​ប្រចាំ​កម្ពុជា ឯកឧត្ដម-ថ្នាក់​ដឹក​នាំ​តំណាង​ក្រសួង ស្ថាប័ន អភិបាល​រង​រាជធានី​ភ្នំពេញ ក្រុមប្រឹក្សាភិបាល​សិក្សា​ទីផ្សារ និង​ផ្សព្វផ្សាយ​ទេសចរណ៍​កម្ពុជា (CTB) សមាគម​ពាណិជ្ជកម្ម​ចិន និង​កម្ពុជា ក្រុមហ៊ុនទេសចរណ៍ និង​ធុរជន​កម្ពុជា-ចិន ព្រម​ទាំង​ភ្ញៀវ​កិត្តិយស​ជាតិ និង​អន្តរជាតិ​សរុប​ជាង ៥០០ នាក់ នៅ​សណ្ឋាគារ​សុខា រ៉េស៊ីដង់​ រាជធានី​ភ្នំពេញ។

អ្នក​រៀបចំ​កម្មវិធី​វេទិកា​ធុរកិច្ច​ចិន និង​កម្ពុជា បាន​រាយការណ៍​ជូន​អំពី​ការ​ចូលរួម​ក្នុង​ជំនួប​ផ្គូផ្គង​ដែល​មាន​អ្នក​ទិញ ៦៣ ក្រុមហ៊ុន​ទេសចរណ៍​ធំ​ៗ ពី​ខេត្តក្រុង១៤ និង​រដ្ឋធានី​ប៉េកាំង​នៃ​ប្រទេស​ចិន ប្រទេស​ម៉ាឡេស៊ី និង​វៀតណាម ហើយ​អ្នក​លក់​ជា​ការី​ទេសចរណ៍​កម្ពុជា​ធំ​ៗ ៧៥​ក្រុមហ៊ុន​ ដែល​មាន​ចាប់​អារម្មណ៍​ពី​ក្រុម​ហ៊ុន​អាកាសចរណ៍​ជាតិ Air Cambodia និង​សណ្ឋាគារ​ម៉ាក​អន្តរ​ជាតិ​ល្បី​ៗ ជាច្រើន​ជាមួយ​នឹង​ការ​រំពឹង​ទុក​លើ​លទ្ធផល​ចុះ​កិច្ចសន្យា​ទិញ​កញ្ចប់​ទស្សនកិច្ច​ចាប់ពី ៧៥% ឡើង​ទៅ។

អ្នក​រៀបចំ​កម្មវិធី ក៏​បាន​រៀបចំ​ជូន​អ្នក​ទិញ​ដំណើរ​ទស្សនកិច្ច​ស្វែង​យល់​ពី​សក្ដានុពល​ទេសចរណ៍​ទៅ​ជាច្រើន​គោលដៅ​ទេសចរណ៍​របស់​កម្ពុជា​ដូចជា​រាជធានី​ភ្នំពេញ ខេត្ត​ព្រះសីហនុ ខេត្ត​សៀមរាប។

ឆ្លៀត​ក្នុង​ឱកាស «វេទិកា​ជំនួប​ផ្គូផ្គងធុរកិច្ច​ទេសចរណ៍​អន្តរជាតិ កម្ពុជា-ចិន» រដ្ឋមន្ត្រី​ក្រសួង​ទេសចរណ៍ បាន​កោត​សរសើរ និង​វាយ​តម្លៃ​ខ្ពស់ ព្រមទាំង​អំណរគុណ ចំពោះ​ការ​អញ្ជើញ​មក​របស់​ធុរជន​ចិន ដែល​ពិត​ជា​បាន​ពិនិត្យ​មើល​ជាក់ស្ដែង​ពី​សក្ដានុពល​ទេសចរណ៍ និង​កាលានុវត្ត​វិនិយោគ​កម្ពុជា នា​ពេល​នេះ ជាពិសេស​ប្រទេស​កម្ពុជា គឺ​ជា​គោលដៅ​ទេសចរណ៍​អន្តរជាតិ ប្រកប​ដោយ​សុខ​សុវត្ថិ​ភាព មិត្តភាព បដិសណ្ឋារកិច្ច​កក់ក្ដៅ និង​មាន​ភាព​ទាក់ទាញ។

លោក​ក៏​បាន​ស្នើ​គ្រប់​ភាគី​ទាំង​អស់ ត្រូវ​បន្ត​ជួយ​ផ្សព្វផ្សាយ សក្ដានុពល​ទេសចរណ៍​កម្ពុជា ពិសេស​ការ​លើកលែង ទិដ្ឋាការដល់ប្រជាជនចិននាឆ្នាំ២០២៦ ខាងមុខនេះ​ឲ្យ​បាន​ទូលំទូលាយ និង​ដល់​ភ្ញៀវ​របស់​ក្រុមហ៊ុន ដើម្បី​បង្កើន​ចំនួន​ភ្ញៀវ​ចិន មក​ទស្សនា​កម្ពុជា​កាន់​តែ​ច្រើន​ឡើង​បន្ថែម​ទៀត។

យោង​តាមរយៈ​ស្ថិតិ​ទេសចរណ៍ រយៈពេល ១១ខែ ឆ្នាំ ២០២៥ នេះ កម្ពុជា ទទួល​បាន​ភ្ញៀវ​ទេសចរ​អន្តរជាតិ​សរុប​ជិត ៥,២ លាននាក់ ដែល​ក្នុង​នោះ ភ្ញៀវ​​មកពី​ចិន មាន​ចំនួន​ច្រើន​ជាង ១,១លាននាក់ កើន​ឡើង​ជិត ៤៤% ធៀបនឹងរយៈពេលដូចគ្នា កាល​ឆ្នាំ ២០២៤៕

អត្ថបទ៖ ឆដា, រូបភាព៖ ក្រសួងទេសចរណ៍

second...

x

The post ក្រុមហ៊ុនទេសចរណ៍ចិនធំមកពី ១៤ ខេត្ត ក្រុង និងរដ្ឋធានី ចាប់អាម្មរណ៍លើសក្តានុពលទេសចរណ៍កម្ពុជា appeared first on Millions times.

តាមដានជាមួយយើង៖ Million Times

នៅថ្ងៃទី២៨ ខែវិច្ឆិកា ឆ្នាំ២០២៥ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ រួមជាមួយអ្នកឧកញ៉ា គិត ម៉េង អគ្គនាយកប្រតិបត្តិក្រុមហ៊ុន រ៉ូយាល់ គ្រុប និងលោកជំទាវ មាស សុភារ័ត្ន ប្រធានក្រុមប្រឹក្សាភិបាលក្រុមហ៊ុនប្រាវីនយ៉ា បានអញ្ជើញជាអធិបតីក្នុងពិធីចុះអនុស្សរណៈនៃការយោគយល់ ស្តីពីការចូលរួមក្នុងបរិវត្តកម្មឌីជីថលនៃក្រសួងទេសចរណ៍។

ឯកឧត្តមរដ្ឋមន្ត្រី ហួត ហាក់ បានឱ្យដឹងថា តាមរយៈកិច្ចសហប្រតិបត្តិការខាងលើ, ក្រសួងទេសចរណ៍ បានសហការជាមួយក្រុមហ៊ុន PRAVINYA ដើម្បីបង្កើតនូវគេហទំព័រ ដែលមានឈ្មោះថា Visit Cambodia និងកម្មវិធី Visit Cambodia APP (Super APP) ដែលគ្រោងនឹងដាក់ឱ្យដំណើរការនាពេលឆាប់ៗខាងមុខនេះ។

ឯកឧត្ដម បានបន្ថែមថា ជាក់ស្តែងតាមរយៈ កម្មវិធី Super App របស់ក្រុមហ៊ុន PRAVINYA និងរួមជាមួយកិច្ចសហការជាមួយក្រុមហ៊ុន CELLCARD នឹងបន្ថែមមុខងារដល់ Super APP ក្នុងការផ្ដល់នូវភាពងាយស្រួល និងអត្ថប្រយោជន៍បន្ថែមទៀតជូនដល់ភ្ញៀវទេសចរអន្តរជាតិ ដែលមានបំណងធ្វើដំណើរកម្សាន្តមកកាន់ប្រទេសកម្ពុជា។

នៅក្នុងឱកាសនោះដែរ ឯកឧត្តមរដ្ឋមន្ត្រី ក៏បានថ្លែងនូវការកោតសរសើរ វាយតម្លៃខ្ពស់ និងថ្លែងអំណរគុណចំពោះអ្នកឧកញ៉ា គិត ម៉េង អគ្គនាយកប្រតិបត្តិក្រុមហ៊ុន រ៉ូយាល់ គ្រុប ដែលជានិច្ចជាកាលតែងតែបានចូលរួមសហការគាំទ្រឧបត្ថម្ភសព្វគ្រប់បែបយ៉ាង តាមគ្រប់រូបភាព តាមគ្រប់មធ្យោបាយនៅរាល់ព្រឹត្តិការណ៍ ពិធីបុណ្យ និងកម្មវិធីនានារបស់ក្រសួងទេសចរណ៍ ដែលជួយលើកស្ទួយវិស័យទេសចរណ៍កម្ពុជា និងចូលរួមចំណែកយ៉ាងសំខាន់ក្នុងការអភិវឌ្ឍសេដ្ឋកិច្ចកម្ពុជា ព្រមទាំងលើកកម្ពស់កិត្តិនាមកម្ពុជានៅលើឆាកអន្តរជាតិ។

ជាមួយគ្នានេះ ឯកឧត្តមរដ្ឋមន្រ្តី ក៏បានថ្លែងអំណរគុណដល់លោកជំទាវ មាស សុភារ័ត្ន និងក្រុមហ៊ុនប្រាវីនយ៉ា ដែលបានចូលរួមជាមួយក្រសួងទេសចរណ៍ នៅក្នុងការអភិវឌ្ឍទេសចរណ៍ឌីជីថល នៅក្នុងបរិបទបរិវត្តកម្មឌីជីថលដ៏មានសារៈសំខាន់ នាពេលនេះ៕

អត្ថបទ៖ វីរៈ រូបភាព៖ ក្រសួងទេសចរណ៍

second...

x

The post ក្រសួងទេសចរណ៍ សហការជាមួយវិស័យឯកជន បង្កើតគេហទំព័រ និង APP ផ្ដល់ភាពងាយស្រួលដល់ភ្ញៀវទេសចរអន្តរជាតិ appeared first on Millions times.

ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ កាលពីថ្ងៃទី ២៣ ខែតុលា ឆ្នាំ ២០២៥ បានអនុញ្ញាតជូនលោកស្រី Hu Heng ប្រធាននាយកដ្ឋានកិច្ចការបរទេស នៃក្រុមហ៊ុនសេដ្ឋកិច្ចអន្តរជាតិ និងកិច្ចសហប្រតិបត្តិការបច្ចេកទេស ដែលមានទីស្នាក់ការកណ្តាលនៅទីក្រុង Wu Han សាធារណរដ្ឋប្រជាមានិតចិន ចូលជួបសម្តែងការគួរសម និងពិភាក្សាការងារស្តីពីកិច្ចសហប្រតិបត្តិការលើការអប់រំបណ្តុះបណ្តាលវិជ្ជាជីវៈតាមតម្រូវការទីផ្សារបច្ចុប្បន្ន ដូចជាថ្នាក់ទេសចរណ៍ឆ្លាតវៃ (Smart Tourism) និងគ្រប់គ្រងសណ្ឋាគារ (Hotel Management) នៅទីស្តីការក្រសួងទេសចរណ៍។

តាមដានជាមួយយើង៖ Million Times

ក្នុងឱកាសនៃជំនួបដ៏មានសារៈសំខាន់នេះ ឯកឧត្តមរដ្ឋមន្រ្តី បានថ្លែងអំណរគុណ កោតសរសើរ និងវាយតម្លៃខ្ពស់ ដល់ក្រុមហ៊ុនសេដ្ឋកិច្ចអន្តរជាតិ និងកិច្ចសហប្រតិបត្តិការបច្ចេកទេសរបស់ប្រទេសចិន លើគំនិតផ្តួចផ្តើមកិច្ចសហប្រតិបត្តិការ និងការបណ្តុះបណ្តាលធនធានមនុស្សនៅក្នុងវិស័យទេសចរណ៍ ជាមួយក្រសួងទេសចរណ៍កម្ពុជា ជាពិសេសគឺការបណ្តុះបណ្តាលសមត្ថភាពគ្រូបង្រៀន ជំនាញវិជ្ជាជីវៈថ្នាក់ទេសចរណ៍ឆ្លាតវៃ និងការគ្រប់គ្រងសណ្ឋាគារដល់សិស្ស និស្សិតដើម្បីលើកកម្ពស់គុណភាពអប់រំ និងដើម្បីបង្កើនប្រាក់ចំណូលបន្ថែមផងដែរ។

ជាមួយគ្នានេះដែរ ឯកឧត្តមរដ្ឋមន្រ្តី និងលោកស្រីប្រធាននាយកដ្ឋានក្រុមហ៊ុន ក៏បានឯកភាពក្នាលើការជួយបណ្តុះបណ្តាលសមត្ថភាពភាសាចិនសម្រាប់មគ្គុទ្ទេសក៍ទេសចរណ៍ភាសាចិន និងបើកវគ្គបណ្តុះបណ្តាលសម្រាប់មគ្គុទ្ទេសក៍ ទេសចរណ៍ឱ្យច្រើនដើម្បីបំពេញតម្រូវការភ្ញៀវទេសចរណ៍ចិន ព្រមទាំងធ្វើការទំនាក់ទំនងជាមួយដៃគូរពីប្រទេសចិន ក្នុងការរៀបចំជាសន្និសីទផ្លាស់ប្តូរវិស័យទេសចរណ៍ពាក់ព័ន្ធ និងការអប់រំវិជ្ជាជីវៈទេសចរណ៍អន្តរជាតិធំៗនៅកម្ពុជា ដោយក្រសួងសូមស្វាគមន៍ និងរីករាយជួយសហការសម្របសម្រួលជូនដល់ក្រុមហ៊ុនផងដែរ៕

អត្ថបទ៖ ប៊ី

second...

x

The post ក្រុមហ៊ុនដ៏ធំរបស់ចិន និងក្រសួងទេសចរណ៍កម្ពុជា គ្រោងចុះអនុស្សារណៈយោគយល់គ្នា appeared first on Millions times.

តាមដានជាមួយយើង៖ Million Times

ពិព័រណ៍នេះ ជាពិព័រណ៍ពាណិជ្ជកម្មអន្តរជាតិលំដាប់កំពូល ដែលស្ថិតក្នុងវិស័យស្នាក់នៅ វិស័យម្ហូបអាហារ និងភេសជ្ជៈ ព្រមទាំងជាវេទិកាជំនួបរវាងអាជីវកម្ម និងអាជីវកម្ម (B2B) ដ៏សំខាន់បំផុតមួយនៅកម្ពុជា។

ឯកឧត្តមរដ្ឋមន្រ្តី បានថ្លែងថា ការរៀបចំ “ព្រឹត្តិការណ៍ CAMFood & CAMHotel ឆ្នាំ២០២៥” នេះបានបង្ហាញពីការយកចិត្តទុកដាក់ពីគ្រប់ភាគីពាក់ព័ន្ធ ដើម្បីរួមចំណែកក្នុងការអភិវឌ្ឍន៍វិស័យទេសចរណ៍កម្ពុជាជាពិសេសឧស្សាហកម្មម៉ាយស៍ (MICE: Meeting, Incentive, Convention, Exhibition) ដែលនាំមកនូវជំនួបរវាងអាជីវកម្ម និងអាជីវកម្មទាំងក្នុងនិងក្រៅប្រទេស, ការនាំអ្នកវិនិយោគ, ម្ចាស់អាជីវកម្មអន្តរជាតិ មកស្វែងយល់អំពីសក្តានុពលវិនិយោគក្នុងវិស័យទេសចរណ៍ និងបរិយាកាសអំណោយផលនៃការវិនិយោគលើខ្សែច្រវាក់ផ្គត់ផ្គង់ថ្មីៗ។

ឯកឧត្តមរដ្ឋមន្រ្តី ក៏បានគាំទ្រឱ្យរៀបចំកម្មវិធី និងព្រឹត្តិការណ៍បែបនេះបន្ត និងកាន់តែធំជាងនេះទៀត ព្រោះព្រឹត្តិការណ៍នេះ ស្តែងឱ្យឃើញពីកិច្ចហការប្រកបដោយផ្លែផ្កាវិជ្ជមាន រវាងរដ្ឋ និងការប្រមូលផ្តុំជាសហថាមពលពីវិស័យឯកជន ទាំងកម្រិតជាតិ និងអន្តរជាតិ។

គួរឱ្យដឹងថា ព្រឹត្តិការណ៍តាំងពិព៍រណ៍អន្តរជាតិនេះ នឹងប្រារព្វធ្វើឡើងចាប់ពីថ្ងៃទី២២ ដល់ថ្ងៃទី២៥ ខែតុលា ឆ្នាំ២០២៥ ដោយមានស្តង់ពិព័រណ៍ចូលរួមប្រមាណជាង ៣០០ស្តង់ មកប្រទេសចំនួន៩ រួមមាន៖ កម្ពុជា, វៀតណាម, ម៉ាឡេស៊ី, អាម៉េរិក, ចិន, សាធារណរដ្ឋ  កូរ៉េ, អ៊ីតាលី, ហ្វាំងឡង់ និង សិង្ហបុរី ដោយរំពឹងទុកថា នឹងមានអ្នកទស្សនា ប្រមាណ ១២ ០០០នាក់៕

អត្ថបទ៖ វីរៈ រូបភាព៖ ក្រសួងទេសចរណ៍

second...

x

The post រដ្ឋមន្រ្តី ហួត ហាក់ អញ្ជើញបើកពិព័រណ៍វិស័យផ្គត់ផ្គង់ម្ហូបអាហារ ភេសជ្ជៈ សណ្ឋាគារ និងបដិសណ្ឋារកិច្ចលំដាប់អន្តរជាតិនៅកម្ពុជា appeared first on Millions times.