តាមដានជាមួយយើង៖ Million Times

លើបណ្តាញសង្គមនាយករដ្ឋមន្រ្តីនៅថ្ងៃសុក្រនេះ បានបញ្ជាក់ថា ក្រោយពីបានដកបង្គោលព្រំដី គឺបានផ្តល់នូវស្នាមញញឹម និងពោរពេញដោយក្តីអំណរសាទរ ក៏ដូចជាការថ្លែងអំណរគុណដ៏ជ្រាលជ្រៅពីសំណាក់សហគមន៍ និងប្រជាពលរដ្ឋ ដែលជាអ្នកបម្រើសេវាកញ្ចប់ទេសចរណ៍ពឹងលើសម្រស់ធម្មជាតិដ៏ស្រស់ស្អាតនៃតំបន់ទេសចរណ៍ខ្នងផ្សារ ដែល សម្តេចនាយករដ្ឋមន្ត្រី បានយកចិត្តទុកដាក់ និងដោះស្រាយនូវទុក្ខកង្វល់របស់ប្រជាសហគមន៍ ហើយសម្រេចឱ្យថែរក្សានូវលក្ខណ:ធម្មជាតិដូចដែលកំពុងមានស្រាប់ និងជាភាពទាក់ទាញសម្រាប់អ្នកទេសចរជាតិ និងអន្តរជាតិ។

ក្នុងដំណើរឆ្មក់ឡើងទៅកាន់តំបន់ភ្នំខ្នង់ផ្សារកាលពីថ្ងៃ៨ ខែមីនា សម្តេច ហ៊ុន ម៉ាណែត សម្រេចឱ្យលុបចោលគម្រោងអភិវឌ្ឍន៍នៅលើតំបន់ទេសចរណ៍ភ្នំខ្នងផ្សារ តាមរយ:ការដកមកវិញនៅដីដែលមានការបោះបង្គោលព្រំ ដើម្បីថែរក្សាឱ្យបាននូវស្ថានភាពដើមនៃធម្មជាតិ សម្រាប់បម្រើជាឧត្តមប្រយោជន៍ដល់សហគមន៍ និងអ្នកទេសចរ ដោយមិនអនុញ្ញាតឱ្យមានការវិនិយោគនៅលើភ្នំឡើយ។

បើតាមក្រសួងបរិស្ថាន ការចុះពិនិត្យផ្ទាល់នេះ ដើម្បីសិក្សារៀបចំហេដ្ឋារចនាសម្ព័ន្ធគាំទ្រ និងសេវាកម្មគាំទ្រ ដូចជាផ្លូវ បន្ទប់ទឹក កន្លែងលក់អាហារ កន្លែងសង្គ្រោះបន្ទាន់ ទៅតាមស្តង់ដារ និងទុកជាប្រយោជន៍ជូនសហគមន៍ ដើម្បីធ្វើឱ្យប្រសើរឡើងនូវការផ្តល់សេវាជូនទេសចរដែលមកកម្សាន្តនៅទីនេះ។ លើសពីនេះក៏បានសិក្សាធ្វើឱ្យប្រសើរឡើងនូវប្រព័ន្ធផ្គត់ផ្គង់ទឹកនៅលើតំបន់ភ្នំខ្នងផ្សារ ក៏ដូចជាសម្រាប់ប្រជាពលរដ្ឋរស់នៅតំបន់ជើងភ្នំផងដែរ។  

សូមបញ្ជាក់ថា ភ្នំខ្នងផ្សារ ជាតំបន់ព្រៃភ្នំដ៏ធំមួយ មានទីតាំងប្រសព្វមុំបីដែលផ្សាភ្ជាប់ខេត្តចំនួនបីគឺ កំពង់ស្ពឺ កោះកុង និងពោធិ៍សាត់។ នៅទីនេះ គឺជាតំបន់មួយដែលសំបូរទៅព្រៃឈើក្រាស់ ជ្រលងភ្នំខ្ពស់ៗ វាលស្រល់ដ៏ស្រស់ស្អាត និងសំបូរទៅដោយសត្វព្រៃកម្រជាច្រេីនប្រភេទ។ វាមានកម្ពស់ប្រហែល១០១៧ម៉ែត្រ ដែលអាចមើលឃើញទេសភាពបាន ៣៦០ដឺក្រេ ដែលស័ក្តិសមបំផុតសម្រាប់អ្នកដែលចូលចិត្តដើរភ្នំ។ ភ្នំខ្នងផ្សារ មានទេសភាពស្អាតគ្រប់រដូវកាល ដែលមានចម្ងាយប្រមាណ១៦៥គីឡូម៉ែត្រពីរាជធានីភ្នំពេញ។ នៅទីនេះ កន្លងមកមានសហគមន៍ទេសចរណ៍ខ្នងផ្សារ ដែលមានសេវាកម្មសម្រាប់ផ្តល់ជូនដល់ភ្ញៀវទេសចរដែលចង់មកលេងកម្សាន្ត៕

អត្ថបទ៖ សាងតេជៈ រូបភាព៖ ក្រសួងបរិស្ថាន

The post រដ្ឋមន្ត្រី២រូប និងអាជ្ញាធរ ស្រាក់ដៃគ្នាឡើងភ្នំខ្នងផ្សារចុះដកបង្គោលព្រំដី ៤០ហិកតាពីក្រុមហ៊ុនឲ្យសហគមន៍វិញ appeared first on Millions times.

តាមដានជាមួយយើង៖ Million Times

តាមរយៈបណ្ដាញសង្គមតេលេក្រាម លោក អ៊ាង សុផល្លែត ការអនុញ្ញាតនេះ គឺជាការផ្តល់ឱកាស និងការបង្កភាពងាយស្រួលដល់យុវជនកម្ពុជា អាចស្វែងយល់អំពីតួនាទីការងាររបស់រដ្ឋមន្ត្រី ហើយក៏ជាផ្នែកមួយនៃការបណ្តុះគំនិត និងស្មារតី ក្នុងភាពជាអ្នកដឹកនាំនាពេលអនាគតដល់ក្មេងស្រី និងស្រ្តី ដែលងាយរងគ្រោះមកពីតំបន់ដាច់ស្រយាល និងក្រីក្រ ដើម្បីជួយបណ្តុះស្មារតី និងភាពអង់អាចរបស់ពួកគេ។

នេះជាលើកដំបូងហើយ ដែលក្រសួងបរិស្ថានក្រោមការដឹកនាំរបស់លោក អ៊ាង សុផល្លែត ជារដ្ឋមន្រ្តីក្រសួងបរិស្ថាន បានអនុញ្ញាតឲ្យមានការសិក្សាស្វែងយល់ និងចង់ឲ្យមានការរួមចំណែកជាគំនិត ជាយោបល់ និងជាយុទ្ធសាស្រ្តនានាពីស្ត្រីជនជាតិដើមភាគតិចចារាយ ដើម្បីឲ្យពួកគេបានរួមចំណែកក្នុងវិស័យបរិស្ថានកម្ពុជា និងសិក្សាបន្ថែមអំពីយុទ្ធសាស្រ្តចក្រាវិស័យបរិស្ថាន ក៏ដូចជាយុទ្ធសាស្រ្តរបស់រាជរដ្ឋាភិបាលកម្ពុជា នីតិកាលទី ៧ នៃរដ្ឋសភា ផងដែរ៕  

អត្ថបទ៖ វីរៈ រូបភាព៖ បណ្ដាញសង្គមរបស់លោក អ៊ាង សុផល្លែត

The post លោក អ៊ាង សុផល្លែត ផ្តល់ឱកាសឲ្យស្ត្រីជនជាតិដើមភាគតិចចារាយមួយរូប ស្វែងយល់តួនាទីរបស់រដ្ឋមន្រ្តីក្រសួងបរិស្ថាន appeared first on Millions times.