តាមដានជាមួយយើង៖ Million Times

ការ​មក​ដល់​របស់​នាវា​ចម្បាំង​ទាំង ២ គ្រឿង ត្រូវ​បាន​ស្វាគមន៍​យ៉ាង​កក់​ក្តៅ​ពី​សំណាក់​លោក​ឧត្តម​នាវីត្រី អ៊ិន សុខេមរា មេបញ្ជាការ​រង​មូលដ្ឋាន​សមុទ្រ​រាម ជាមួយ​នាយ​នាវី​ពល​នាវី​កង​ទ័ព​ជើង​ទឹក​កម្ពុជា ៦០ នាក់ ដោយមានការចូលរួមពីលោក Anatoly Borovik ឯកអគ្គរដ្ឋទូតរុស្ស៊ី​ប្រចាំ​នៅ​កម្ពុជា​ផងដែរ។

ដំណើរ​ទស្សនកិច្ច​របស់​កងទ័ព​ជើង​ទឹក​រុស្ស៊ី និង​នាវា​ចម្បាំង​ទាំង ២ គ្រឿងនេះ គឺជា​កម្មវិធី​មួយ ដើម្បី​លើកកម្ពស់ទំនាក់ទំនង និងកិច្ចសហប្រតិបត្តិការលើវិស័យការពារជាតិរវាងកម្ពុជា និង​រុស្ស៊ី ដែល​ប្រទេស​ទាំង ២ តែង​ប្រកាន់​យក​ក្នុង​ប្រវត្តិ​នៃ​ទំនាក់ទំនង។

ក្រោយ​ពេល​ចូល​ចត​នៅ​កម្ពុជា​បើ​តាម​កម្មវិធី មេបញ្ជាការ និង​នាវិក​នៅ​លើ​នាវា​នឹង​បំពេញ​ទស្សនកិច្ច​នៅ​ក្នុង​ខេត្ត​ព្រះសីហនុ ដោយ​មាន​ការ​ចូល​ជួប​សម្ដែង​ការ​គួរសម​ជាមួយ​ថ្នាក់​ដឹក​នាំ​ខេត្ត និង​លោក​ឧត្ដម​នាវី​ទោ ម៉ី ឌីណា មេ​បញ្ជា​ការ​មូលដ្ឋាន​សមុទ្រ​រាម។

ក្រៅពី​នោះ​ជំនួប ឧបនាយករដ្ឋមន្ត្រី ទៀ សីហា រដ្ឋមន្ត្រី​ក្រសួង​ការពារ​ជាតិ​កម្ពុជា និង​ថ្នាក់​ដឹកនាំ​នៃ​ក្រសួង​ការពារ​ជាច្រើន​រូប​ទៀត នឹង​អញ្ជើញ​ទស្សនកិច្ច​លើ​នាវា​ផង​ដែរ។នាវា Sovershennyy (សូវឺ​សេននី) លេខ​នាវា៖ 333 ប្រភេទ៖ Corvette (នាវា​ចម្បាំង​ទំហំ​មធ្យម មាន​មីស៊ីល​ណែនាំ) ចូល​បម្រើ​ការងារ៖ ឆ្នាំ ២០១៧ នាវា​នេះ​គឺជា​នាវា​ចម្បាំង​ទំនើប​ដែល​រចនា​ឡើង សម្រាប់​ប្រតិបត្តិការ​នៅ​តំបន់​សមុទ្រ​ជិតឆ្នេរ (littoral warfare) និង​ការ​ការពារ​តំបន់។

នាវាចម្បាំងរបស់រុស្ស៊ីដែលចតនៅកម្ពុជាពីថ្ងៃទី៦ ដល់​៨ ខែមេសា ឆ្នាំ ២០២៦ នេះ រួមមាននាវា Sovershenny លេខ៣៣៣ និង​នាវា Rezky លេខ៣៤៣។ នាវា​ចម្បាំង​ទាំងពីរគ្រឿងនេះ ដឹកនាំ​ដោយ​មេ​បញ្ជាការ នាវា ២ រូប និងមាននាវិកសរុបប្រមាណ ២៦២នាក់។ នាវានេះ មានប្រវែងបណ្តោយ ១០៤ ម៉ែត្រ ទទឹងប្រមាណ ១១ ម៉ែត ទម្ងន់​ប្រមាណ ២ ២០០ តោន

ដើម្បីពង្រឹងទំនាក់ទំនង និងកិច្ចសហប្រតិបត្តិការរវាងកម្ពុជា និងរុស្ស៊ី នាវា​ចម្បាំងរបស់រុស្ស៊ី បាន​ចូលចត និងទស្សនកិច្ចនៅកម្ពុជាជាបន្តបន្ទាប់។ កាលពីឆ្នាំ២០២៥ អំឡុងខែមេសា និងឧសភា ក្រុមនាវាចម្បាំងរុស្ស៊ីជាច្រើនគ្រឿង បានចូលមកចតនៅកម្ពុជា នៅឯកំពង់ផែស្វយ័តព្រះសីហនុ។ ក្នុង​របាយការណ៍បានបង្ហាញ​ថា គិតចាប់ពីឆ្នាំ២០១១ មក នាវាចម្បាំងរុស្ស៊ី បានចូលចតនៅកម្ពុជា ៨ លើក ស្មើ ១៨ គ្រឿងផងដែរ៕

អត្ថបទ៖ឆដា, រូបភាព៖ នាយកដ្ឋានព័ត៌មាន

second...

x

The post នាវាជើងទឹករុស្ស៊ី ចូលចតកំពង់ផែស្វយ័តក្រុងព្រះសីហនុ ដើម្បីពង្រឹងទំនាក់ទំនង និងកិច្ចសហប្រតិបត្តិការរវាងកម្ពុជា និងរុស្ស៊ី appeared first on Millions times.

ចំណតកំពង់ផែកុងទីន័រ បានប្រកាសបើកការដ្ឋានសាងសង់ជាផ្លូវការនៅថ្ងៃទី១ ខែឧសភា ឆ្នាំ២០២៣ ក្រោមវត្តមានសម្តេច ហ៊ុនសែន អតីតនាយករដ្ឋមន្ត្រី និងលោក អ៊ូអិណុ អាត់ស៊ូស៊ី (H.E Mr. UENO Atsushi) អតីតឯកអគ្គជប៉ុន ប្រចាំនៅកម្ពុជា។

តាមដានជាមួយយើង៖ Million Times

របាយការណ៍ពីក្រសួងសារធារណការ ចំណតផែច្រាំងទំនិញទូទៅមានប្រវែង២៥៣ម៉ែត្រ ត្រូវបានសាងសង់កែសម្រួលជាចំណតផែថ្មី ដោយនឹងបំពាក់មធ្យោបាយលើកដាក់កុងតឺន័រទំនើប ដោយប្រើប្រាស់រយៈពេលសាងសង់ ចំនួន១៨ខែ។

គម្រោងនេះ ត្រូវបានបែងចែកសម្រាប់គម្រោងសាងសង់រួមមាន៖ ចំណតផែច្រាំងទំនិញទូទៅ ចំណាយថវិកាប្រមាណ៣២លានដុល្លារអាម៉េរិក ចំណតផែកុងតឺន័រទឹកជ្រៅថ្មី-ជំហានទី១ ចំណាយថវិកាប្រមាណ២៤៣លានដុល្លារអាម៉េរិក និងចំណតផែកុងតឺន័រទឹកជ្រៅថ្មី-ជំហានទី២ និងជំហានទី៣ ចំណាយថវិកាប្រមាណ៦៩៨លានដុល្លារអាម៉េរិក។

គម្រោងទាំងអស់នេះ គម្រោងទាំងនេះ ប្រើប្រាស់ថវិកាសរុបប្រមាណ៩៧៣លានដុល្លារអាម៉េរិកក្នុងនោះ ឥណទានសម្បទានពីរដ្ឋាភិបាលជប៉ុនចំនួនប្រមាណ ៧៦០លានដុល្លារអាមេរិក ថវិកាបដិភាគរបស់រាជរដ្ឋាភិបាលកម្ពុជា សម្រាប់ពន្ធអាករផ្សេងៗចំនួនប្រមាណ ១៩២លានដុល្លារអាមេរិក និងថវិកាផ្ទាល់របស់កំពង់ផែស្វយ័តក្រុងព្រះសីហនុចំនួនប្រមាណ២១លានដុល្លារអាមេរិក៕

អត្ថបទ៖ ផល កុសល រូបភាព៖ កំពង់ផែស្វយ័តក្រុងព្រះសីហនុ

second...

x

The post សប្តាហ៍ក្រោយសម្ពោធប្រើប្រាស់ផ្លូវការចំណតផែកុងតឺន័របន្ថែមរបស់កំពង់ផែស្វយ័តក្រុងព្រះសីហនុ តម្លៃ៧៦០លានដុល្លារ appeared first on Millions times.

នាជំនួបពិភាក្សាការងារនៅថ្ងៃទី២៣ ខែឧសភានេះ ក្នុងឱកាសចូលរួមសន្និសីទអន្តរជាតិលើកទី២៩ ស្ដីពី “អនាគតរបស់អាស៊ី” នៅប្រទេសជប៉ុន លោកឧបនាយករដ្ឋមន្ត្រី បានវាយតម្លៃចំពោះរដ្ឋាភិបាលជប៉ុនដែលតែងតែចូលរួមយ៉ាងសកម្មក្នុងការកសាងសង្គមសេដ្ឋកិច្ចកម្ពុជា និងការចូលរួមកសាងហេដ្ឋារចនាសម្ព័ន្ធនៅក្នុងប្រទេសកម្ពុជា។

តាមដានជាមួយយើង៖ Million Times

ជាមួយគ្នានេះ លោក ស៊ុន ចាន់ថុល ក៏ស្នើឲ្យភាគីជប៉ុនជំរុញគម្រោងការសិក្សាធ្វើឱ្យកំពង់ផែក្រុងព្រះសីហនុក្លាយជាកំពង់ផែតំបន់ និងមជ្ឈមណ្ឌលឡូជីស្ទីកនៅឆ្នាំ២០៥០ ដើម្បីជំរុញសន្ទុះកំណើនសេដ្ឋកិច្ចកម្ពុជា។

ជាការឆ្លើយតបលោក Saito TETSUO បានបង្ហាញនូវការតាំងចិត្តយ៉ាងមុតមាំនឹងជំរុញឱ្យភាគីពាក់ព័ន្ធ ពន្លឿនការអនុវត្តគម្រោងលើកកម្ពស់កំពង់ផែស្វយ័តក្រុងព្រះសីហនុនេះឱ្យបានកាន់តែឆាប់រហ័សដើម្បីធានាបានថាគម្រោងការនេះនឹងអាចបញ្ចប់តាមផែនការដែលបានគ្រោងទុក។

បន្ថែមពីនេះ លោកក៏បានបង្ហាញនូវការតាំងចិត្តថា នឹងស្នើឱ្យភាគីពាក់ព័ន្ធពិនិត្យលើសំណើគម្រោងសិក្សាផែនការមេធ្វើឱ្យកំពង់ផែក្រុងព្រះសីហនុក្លាយជាកំពង់ផែតំបន់ និងមជ្ឈមណ្ឌលឡូជីស្ទីកនៅឆ្នាំ២០៥០ ឱ្យបានកាន់តែឆាប់រហ័ស សំដៅអាចឱ្យការសិក្សាគម្រោងនេះអាចចាប់ផ្តើមនាពេលដ៏ខ្លីខាងមុខនេះ។

សូមបញ្ជាក់ថា គម្រោងបើកការដ្ឋានលើកកម្ពស់កំពង់ផែក្រុងព្រះសីហនុកំពុងស្ថិតក្នុងដំណាក់កាលទី២ ជំហានទី១នៅឡើយ ៕

អត្ថបទ៖ នារតី រូបភាព៖ ក្រុមប្រឹក្សាអភិវឌ្ឍន៍កម្ពុជា

second...

x

The post ជប៉ុនយល់ព្រមពន្លឿន គម្រោងលើកកម្ពស់កំពង់ផែក្រុងព្រះសីហនុឲ្យបញ្ចប់មុនផែនការកំណត់ appeared first on Millions times.