តាមដានជាមួយយើង៖ Million Times

ការបង្ហាញបំណងយ៉ាងដូច្នេះ គឺក្នុងឱកាសដែលឯកឧត្តម វ៉ី សំណាង អភិបាលខេត្តតាកែវ នៅថ្ងៃទី២៥ ខែកុម្ភៈនេះ បានទទួលជួបតំណាងក្រុមហ៊ុន MERIDIA RECYCLE ( CAMBODIA ) CO.,LTD។

នៅក្នុងជំនួបនេះ អភិបាលខេត្តតាកែវ បានស្វាគមន៍ការអញ្ជើញមកដល់របស់ក្រុមហ៊ុនខាងលើនេះ និងគាំទ្រយ៉ាងពេញទំហឹងចំពោះគម្រោងបង្កើតរោងចក្រកែច្នៃសំបកដបប្លាស្ទិក ឱ្យទៅជារបស់ប្រើប្រាស់ប្រចាំថ្ងៃ ហើយតាមគម្រោងនឹងមានទីតាំងស្ថិតក្នុងភូមិឱភាសាំង ឃុំកណ្ដឹង នៅស្រុកបាទី ខេត្តតាកែវ។

ឯកឧត្តម វ៉ី សំណាង បានបន្ថែមថា ការបង្កើតរោងចក្រកែច្នៃសំបកដបប្លាស្ទិកនេះ ក្រៅតែពីបានជួយដល់បរិស្ថាន តែក៏នឹងជួយបង្កើតការងារកាន់តែច្រើនដល់ពលរដ្ឋរស់នៅខេត្តតាកែវ និងជួយលើកស្ទួយសេដ្ឋកិច្ចគ្រួសាររបស់ពួកគាត់កាន់តែប្រសើរឡើង។

ជាមួយគ្នានេះ អាជ្ញាធរខេត្តតាកែវ នឹងជួយសម្របសម្រួលនិតិវិធីគ្រប់បែបយ៉ាងដល់អ្នកវិនិយោគិនដែលចូលមកវិនិយោគបង្កើតរោងចក្រក្នុងខេត្តរបស់ខ្លួន។ ឯកឧត្តម វ៉ី សំណាង បានលើកឡើងថា «តាមរយៈក្រុមហ៊ុននេះ សំណល់ជាដបប្លាស្ទិកដែលបានប្រើប្រាស់រួច នឹងលែងមានសេសសល់នៅតាមទីសាធារណៈនានា ពាសវាលពាសកាលទៀត»។  

បើតាមតំណាងក្រុមហ៊ុន MERIDIA RECYCLE ( CAMBODIA ) CO.,LTD បានបញ្ជាក់ថា ក្រុមហ៊ុនរបស់ខ្លួនមានបទពិសោធន៍ជាច្រើនឆ្នាំមកហើយ និងមានដៃគូសហការជាច្រើននៅប្រទេសចិនលើការកែច្នៃសំបកដបប្លាស្ទិក ជាមួយបច្ចេកវិទ្យាទំនើបៗ ជាពិសេសកែច្នៃសំណល់ប្លាស្ទិកឱ្យទៅជាសម្ភារៈប្រើប្រាស់ប្រចាំថ្ងៃ សម្រាប់ផ្គត់ផ្គង់ទីផ្សារក្នុងស្រុក និងនាំចេញ។

ក្នុងនោះដែរ​ តំណាងក្រុមហ៊ុនដដែល បានបញ្ជាក់ទៀតថា ក្រុមហ៊ុនរបស់ខ្លួន ក៏នឹងមានតម្រូវការទិញសំបកដបប្លាស្ទិកក្នុងបរិមាណមួយខែចំនួន ១៥តោន នៅពេលដែលរោងចក្រដំណើរការជាផ្លូវការ៕

អត្ថបទ៖ វីរៈ រូបភាព៖ រដ្ឋបាលខេត្តតាកែវ

The post វិនិយោគិនមកពីចិន មានបំណងបង្កើតរោងចក្រកែច្នៃសំបកដបប្លាស្ទិកទៅជារបស់ប្រើប្រាស់ប្រចាំថ្ងៃនៅខេត្តតាកែវ appeared first on Millions times.

តាមដានជាមួយយើង៖ Million Times

ការបញ្ជាក់អំពីការពង្រីកការវិនិយោគនេះ គឺនៅក្នុងជំនួបពិភាក្សាការងាររវាងឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា ជាមួយគណៈប្រតិភូក្រុមហ៊ុន GOMI RECYCLE ដឹកនាំដោយលោក Okumura Yusuke ប្រធានក្រុមហ៊ុន ​នៅថ្ងៃទី២៨ ខែតុលា។

នៅក្នុងជំនួបនេះ លោក Okumura Yusuke បានឱ្យដឹងថា បច្ចុប្បន្នក្រុមហ៊ុន បាននិងកំពុងដំណើរការគម្រោងវិនិយោគកែច្នៃសំរាម (ប្រមូលសំរាមប្លាស្ទិកដើម្បីកែច្នៃ) នៅក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ។

លោកបន្ថែមថា ដោយមានការជឿជាក់លើរាជរដ្ឋាភិបាល ក្នុងការធានាបានូវបរិស្ថានវិនិយោគដ៏ល្អប្រសើរ នៅពេលនេះ ក្រុមហ៊ុនបានសម្រេចចិត្តពង្រីកការវិនិយោគ ដោយពង្រីកបន្ថែមលើការប្រមូលសំរាមប្លាស្ទិក គឺប្រមូលសំរាមទូទៅពីក្រុមហ៊ុន ដែលកំពុងមានផលិតកម្ម នៅក្នុងតំបន់សេដ្ឋកិច្ចពិសេសនេះ ដើម្បីកែច្នៃ។

ជាការឆ្លើយតប ឯកឧត្តម ជា វុទ្ធី បានវាយតម្លៃខ្ពស់ចំពោះការសម្រេចចិត្តដ៏ត្រឹមត្រូវ របស់ក្រុមហ៊ុនក្នុងការពង្រីកការវិនិយោគនៅកម្ពុជា និងបានសម្តែងនូវការស្វាគមន៍គម្រោងពង្រីកការវិនិយោគនេះ ដែលនឹងអាចចូលរួមបង្កើតការងារបន្ថែមជូនដល់ប្រជាពលរដ្ឋកម្ពុជា និងចូលរួមសម្អាតបរិស្ថាន។

គួរឱ្យដឹងថា កន្លងមក ក្រុមហ៊ុន GOMI RECYCLE បានវិនិយោគកែច្នៃសំរាមប្លាស្ទិក ដើម្បីផលិតជាវត្ថុអនុស្សាវរីយ៍ និងគ្រឿងសង្ហារិម៕

អត្ថបទ៖ វីរៈ រូបភាព៖ ក្រុមប្រឹក្សាអភិវឌ្ឍន៍កម្ពុជា

The post ក្រុមហ៊ុនជប៉ុនមួយ ពង្រីកការវិនិយោគលើការកែច្នៃសំរាម ផលិតជាវត្ថុអនុស្សាវរីយ៍ និងគ្រឿងសង្ហារិម appeared first on Millions times.

ក្នុងជំនួបនោះក្រុមហ៊ុន HYUCKJIN ENERGY PLANT ENGINEERING បានបង្ហាញថា បច្ចេកវិទ្យាដែលខ្លួននឹងប្រើប្រាស់ក្នុងមួយថ្ងៃអាចបង្កើតថាមពលអគ្គិសនីយ៉ាងតិចបំផុត ២៤មេហ្គាវ៉ាត់ ដោយការដុតសំរាមប្រមាណ ១០០តោន។

ជាមួយគ្នានេះ ក្រុមប្រឹក្សាអភិវឌ្ឍន៍កម្ពុជាបានបង្ហាញការស្វាគមន៍ជូនដល់ក្រុមហ៊ុនចំពោះគម្រោងវិនិយោគលើការទាញយកថាមពលអគ្គិសនី តាមរយៈការកែច្នៃសំរាមនេះ និងស្នើសុំឱ្យក្រុមហ៊ុនផ្ញើជូនព័ត៌មានលម្អិតទាំងស្រុងនៃគម្រោង មកក្រុមប្រឹក្សាអភិវឌ្ឍន៍កម្ពុជា ដើម្បីអាចឱ្យស្ថាប័នរដ្ឋាភិបាលសម្របសម្រួលអនុវត្តនីតិវិធីបន្ត។

តាមដានជាមួយយើង៖ Million Times

សូមជម្រាបជូនថា កន្លងមកមានក្រុមហ៊ុនបរទេសជាច្រើនបានមកជួបរដ្ឋាភិបាលកម្ពុជាដើម្បីស្នើសុំបង្កើតរោង​ចក្រ​ផលិត​អគ្គិសនី​ចេញពី​ការដុត​សំរាម​ ​មាន​ទាំង​ខ្នាតតូច​ និងធំ ​នៅតាម​រាជធានីខេត្តចំនួន ហើយសម្រាប់សំណើររបស់ក្រុមហ៊ុនទាំងនោះរដ្ឋក៏បានយល់ព្រមជាគោលការណ៍រួចមកហើយផងដែរ។

បើតាមរបាយការណ៍ក្រសួងបរិស្ថានពេលកន្លងទៅ ក្នុងមួយឆ្នាំកម្ពុជាបង្កើតសម្រាមបានជាង ៤លានតោន ដែលមានអត្រាកំណើនពី១០ ទៅ ១២ភាគរយ ពីមួយឆ្នាំទៅមួយឆ្នាំ។ សំណល់ភាគច្រើនជាសំណល់សរីរាង្គដែលមានជាង៦០% និងប្លាស្ទិកជាង ៣០%។

របាយការណ៍ដដែលឲ្យដឹងថា ក្នុងចំណោមសម្រាមដែលត្រូវបោះចោលទាំងនោះមានតែ ៥០ភាគរយប៉ុណ្ណោះដែលត្រូវយកទៅចាក់នៅតាមទីតាំងចាក់សម្រាមទាំង ២៤៣ ក្នុងនោះទីលានរបស់រដ្ឋមាន ១៦២ ក្រៅពីនេះសម្រាម ៥០%ទៀតត្រូវបានពលរដ្ឋបោះចូលប្រភពទឹក ដុតចោល និងបោះចោលពាសវាលពាសកាល៕

អត្ថបទ៖ សាង តេជៈ រូបភាព៖ CDC

The post ក្រុមហ៊ុនកូរ៉េត្រៀមដុតសំរាមប្រមាណ ១០០តោនក្នុងមួយថ្ងៃបង្កើតថាមពលអគ្គិសនី ២៤មេហ្គាវ៉ាត់ appeared first on Millions times.