លោក Akihiro Kato ម្ចាស់ក្លិបបាល់ទាត់អង្គរថៃហ្គ័រ ដែលមានមូលដ្ឋាននៅខេត្តសៀមរាប បានសរសេរលើហ្វេសប៊ុកជាមួយរូបភាពមួយសន្លឹកយ៉ាងដូច្នេះថា «នេះគឺជាឡានក្រុង Tiger ដ៏ត្រជាក់។ ទោះយ៉ាងណាក៏ដោយ ខ្ញុំតម្រូវឲ្យបង់ពន្ធចំនួន ២,៤០០ដុល្លារក្នុងមួយឆ្នាំទៅលើស្លាកយីហោផ្សព្វផ្សាយនៅលើរថយន្តក្រុងនេះ»។

តាមដានជាមួយយើង៖ Million Times

លោក Kato បានឲ្យដឹងថា នៅ​ប្រទេស​ជប៉ុន ពិត​ជា​មិន​មាន​ការ​គិត​ពន្ធ​នៅលើការផ្សព្វផ្សាយ ស្លាក់យីហោលើរថយន្តក្រុង​នោះ​ទេ ប៉ុន្តែ​តើ​នេះ​ជា​រឿង​ធម្មតា​ទេ​នៅ​កម្ពុជា? ឬ​យើង​គ្រាន់​តែ​ត្រូវ​គេ​ធ្វើ​បាប? 

លោកបានសរសេរបន្ថែមថា៖ «យើងបានលះបង់លុយយ៉ាងច្រើនក្នុងរយៈពេល ១០ឆ្នាំកន្លងមក ជំនួសឱ្យការរកប្រាក់ចំណេញ។ នរណាម្នាក់សូមប្រាប់ខ្ញុំ»។

មានវ័យ ៤៤ឆ្នាំលោក Akihiro Kato គឺជាអ្នកជំនួញជនជាតិជប៉ុនទី១ ដែលបានមកបើកក្លិបបាល់ទាត់នៅប្រទេសកម្ពុជា ជាមួយក្តីរំពឹងថានឹងជួយឱ្យក្លិបរបស់ខ្លួនកើនសមត្ថភាពប្រកួតប្រជែងមួយកម្រិតទៀតនៅក្នុងលីគកំពូលកម្ពុជា និងក្នុងតំបន់អាស៊ីអាគ្នេយ៍ ផងដែរ។

ក្នុងតំណែងជាម្ចាស់ក្លិបអង្គរថាយហ្គឺរ លោក Kato  ធ្លាប់និយាយថា ជាគោលដៅធំបំផុតសម្រាប់អង្គរថាយហ្គឺរ គឺលោកចង់ឱ្យក្រុមមួយនេះមានកម្រិតខ្លាំងមួយក្នុងតំបន់អាស៊ីអាគ្នេយ៍៕

អត្ថបទ៖ សាងតេជៈ រូបភាព៖ FB Akihiro Kato

The post ម្ចាស់ក្លិបបាល់ទាត់អង្គរថៃហ្គ័រ អះអាងថា ត្រូវ​គេ​ធ្វើ​បាបឲ្យបង់ពន្ធផ្សព្វផ្សាយយីហោលើរថយន្តក្រុង appeared first on Millions times.

តាមរបាយការណ៍ ព្រឹត្តិការណ៍នេះ ទទួលបានអ្នកចូលរួមចំនួន ១៣,៨៧៧ នាក់ ក្នុងនោះ អត្តពលិកខ្មែរ ចំនួន ១០,៥៣២នាក់ និងអត្តពលិកអន្តរជាតិចំនួន ៣,៣៤៥នាក់ មកពី ៨៧ប្រទេស។ ជាមួយគ្នានេះផងដែរ​ ព្រឹត្តិការណ៍កីឡារត់ប្រណាំងពាក់កណ្តាលម៉ារ៉ាតុងអង្គរ​ ក៏បានរួមចំណែកជួយលើកកម្ពស់ស្មារតីកីឡាដើម្បីសុខភាពល្អ និងទាក់ទាញភ្ញៀវទេសចរណ៍​ គឺកីឡារស់ក្នុងសន្តិភាព។ 

តាមដានជាមួយយើង៖ Million Times

សម្តេច ហ៊ុន ម៉ាណែត បានថ្លែងនូវសេចក្តីសប្បាយរីករាយដែលបានចូលរួមរត់ក្នុងកម្មវិធីរត់ប្រណាំងអន្តរជាតិពាក់កណ្ដាលម៉ារ៉ាតុងអង្គរវត្តលើកទី២៩ ដែលមានការចូលរួមពីប្រជាពលរដ្ឋខ្មែរនិងបរទេស។ សម្តេចថ្លែងថា កម្មវិធីរត់ពាក់កណ្ដាលម៉ារ៉ាតុងអន្តរជាតិអង្គរវត្តលើកទី២៩ រៀបចំឡើងក្នុងគោលបំណងដើម្បីគាំទ្រទៅដល់សកម្មភាពមនុស្សធម៌ជួយដល់កុមារកម្ពុជា ប្រជាជនមានការលំបាក និងជនពិការភាពជាពិសេសជនរងគ្រោះដោយសារគ្រាប់មីន។ 

សម្តេចនាយករដ្ឋមន្រ្តីមានប្រសាសន៍ថា៖ «ខ្ញុំសូមអរគុណចំពោះគណៈកម្មការរៀបចំ សប្បុរសជន កម្លាំងសមត្ថកិច្ចនិងអ្នកពាក់ព័ន្ធទាំងអស់ដែលបានសហការគ្នារៀបចំកម្មវិធីនេះប្រព្រឹត្តទៅដោយរលូន។ ខ្ញុំសូមអរគុណពិសេសចំពោះប្រជាពលរដ្ឋខ្មែរក៏ដូចជាមិត្តបរទេសដែលបានចូលរួមនៅក្នុងកម្មវិធីនេះយ៉ាងច្រើនកុះកុះករ»៕

អត្ថបទ៖ សាងតេជៈ រូបភាព៖ ក្រុមព័ត៌មានសម្តេចធិបតី

The post អត្តពលិកខ្មែរ និងបរទេសជាង ១ម៉ឺននាក់ចូលរួមរត់ប្រណាំងអន្តរជាតិពាក់កណ្តាលម៉ារ៉ាតុងអង្គរវត្តជាមួយសម្តេច ហ៊ុន ម៉ាណែត appeared first on Millions times.