តាមដានជាមួយយើង៖ Million Times

កិច្ចប្រជុំកំពូលអាស៊ានក្នុងឆ្នាំនេះ ត្រូវបានរៀបចំឡើងនៅទីក្រុងកូឡាឡាំពួរ ខណៈនាយករដ្ឋមន្ត្រី Anwar Ibrahim បានទទូចឲ្យសមាជិកអាស៊ានទាំងអស់ ត្រូវតែធ្វើការរួមគ្នា ដើម្បីប្រយុទ្ធប្រឆាំងជាមួយនឹងភាពផ្លាស់ប្ដូរសណ្ដាប់ធ្នាប់ពិភពលោក ក៏ដូចជាធានាបានថា អាស៊ាននៅតែទទួលបានផលប្រយោជន៍រួម បើទោះជាស្ថានភាពសេដ្ឋកិច្ចសកលលោក មានភាពប្រែប្រួលបែបណា។

លោក Anwar បានសង្កត់ធ្ងន់ថា អាស៊ានមានដៃគូសំខាន់ៗជាច្រើន ដូច្នេះការពង្រឹងកិច្ចសហការតាមតំបន់ ជាពិសេសជាមួយចិន ដែលជាដៃគូពាណិជ្ជកម្មធំបំផុតក្នុងតំបន់ និងក្រុមប្រឹក្សាសហប្រតិបត្តិការឈូងសមុទ្រ (GCC) គឺជារឿងដែលចាំបាច់។

បន្ថែមពីនោះ ថ្នាក់ដឹកនាំប្រទេសម៉ាឡេស៊ីរូបនេះក៏បានសំណូមពរជាថ្មីថា បច្ចុប្បន្នបណ្ដាប្រទេសជាច្រើន រួមទាំងអាស៊ានកំពុងរងផលប៉ះពាល់ នៃគំនាបពន្ធគយពីអាមេរិក ដូច្នេះហើយសមាជិកអាស៊ានទាំងអស់គួរតែរួមដៃគ្នា ពង្រឹងពាណិជ្ជកម្មក្នុងតំបន់ឲ្យកាន់តែខ្លាំងជាងមុន ដើម្បីកាត់បន្ថយផលប៉ះពាល់ ដោយសារបញ្ហាពន្ធគយអាមេរិក ក៏ដូចជាពង្រីកចរន្តសេដ្ឋកិច្ចរៀងៗខ្លួនផងដែរ៕

អត្ថបទ៖ Luffy រូបភាព៖ Bernama

The post កិច្ចប្រជុំកំពូលអាស៊ានលើកទី៤៦ ចាប់ផ្ដើមនៅម៉ាឡេស៊ី ក្រោមប្រធានបទ «ការរួមបញ្ចូល និងនិរន្តរភាព» appeared first on Millions times.

នៅក្នុងព្រឹត្តិការណ៍មួយនេះ គេសង្កេតឃើញថាគ្រប់សមាជិកនៃតំបន់អាស៊ានទាំងអស់ សុទ្ធតែមានបេក្ខភាពចូលរួម មានដូចជា សម្ដេចហ៊ុន ម៉ាណែត នាយករដ្ឋមន្ត្រី ប្រធានាធិបតីឡាវ លោក Thongloun Sisoulith នាយករដ្ឋមន្ត្រីឡាវ លោក Zonexay Siphandone ប្រធានាធិបតីហ្វីលីពីន លោក Ferdinand Marcos Jr. នាយករដ្ឋមន្ត្រីសិង្ហបុរី លោក Lawrence Wong នាយករដ្ឋមន្ត្រីថៃ អ្នកស្រី Paetongtarn Shinawatra នាយករដ្ឋមន្ត្រីវៀតណាម លោក Pham Minh Chinh នាយករដ្ឋមន្ត្រីម៉ាឡេស៊ី លោក Anwar Ibrahim ស្ដេចស៊ុលតង់ប្រុយណេ Hassanal Bolkiah អនុប្រធានាធិបតីឥណ្ឌូណេស៊ី លោក Ma’ruf Amin រដ្ឋលេខាធិការអចិន្ត្រៃយ៍នៃក្រសួងការបរទេសមីយ៉ាន់ម៉ា លោក Aung Kyaw Moe និងនាយករដ្ឋមន្ត្រីទីម័រខាងកើត លោក Xanana Gusmao។

តាមដានជាមួយយើង៖ Million Times

ក្រៅពីប្រមុខដឹកនាំនៅតំបន់អាស៊ាន កិច្ចប្រជុំកំពូលមួយនេះក៏មានការចូលរួមពីសំណាក់មេដឹកនាំមហាអំណាចធំៗជាច្រើនដូចជា នាយករដ្ឋមន្ត្រីចិន លោក Li Qiang នាយករដ្ឋមន្ត្រីឥណ្ឌា លោក Narendra Modi ប្រធានាធិបតីកូរ៉េខាងត្បូង លោក Yoon Suk Yeol ប្រមុខការទូតអាមេរិក លោក Antony Blinken នាយករដ្ឋមន្ត្រីកាណាដា លោក Justin Trudeau នាយករដ្ឋមន្ត្រីអូស្ត្រាលី លោក Anthony Albanese និងនាយករដ្ឋមន្ត្រីជប៉ុនថ្មី លោក Shigeru Ishiba។

សូមជម្រាបដែរថា កិច្ចប្រជុំកំពូលអាស៊ានលើកទី៤៤ និង៤៥ ដែលមានឡាវជាម្ចាស់ផ្ទះសារនេះ នឹងបញ្ចប់នៅថ្ងៃទី១១ ខែតុលា ខណៈប្រធានបទក្ដៅគគុក ដែលត្រូវបានលើកមកជជែកគ្នា គឺបញ្ហានៅក្នុងតំបន់ ជាពិសេសគឺសង្គ្រាមស៊ីវិលនៅប្រទេសមីយ៉ាន់ម៉ា និងតំបន់ជម្លោះសមុទ្រចិនខាងត្បូង៕

The post តើមេដឹកនាំកំពូលៗរូបណាខ្លះ ចូលរួមនៅក្នុងកិច្ចប្រជុំកំពូលអាស៊ាន មានឡាវជាម្ចាស់ផ្ទះ? appeared first on Millions times.