ក្នុងជំនួបនោះ ថ្នាក់ដឹកនាំទាំងពីរបានសម្ដែងនូវការពេញចិត្ត និងវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការដ៏ល្អ និងចំណងមិត្តភាពដ៏យូរលង់រវាងប្រទេសទាំងពីរ។ ទន្ទឹមនឹងនោះ ក៏បានគូសបញ្ជាក់អំពីការបន្តជំរុញទំនាក់ទំនងនៃប្រទេសទាំងពីរឱ្យឈានទៅដល់កម្រិតខ្ពស់បន្ថែមទៀត ក៏ដូចជាការពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែរីកចម្រើន និងរឹងមាំបន្ថែមទៀត។

តាមដានជាមួយយើង៖ Million Times

ថ្នាក់ដឹកនាំទាំងពីរក៏បានពិភាក្សាលើការលើកកម្ពស់​ និងជំរុញកិច្ចសហប្រតិបត្តិការក្នុងក្របខ័ណ្ឌទ្វេភាគីលើវិស័យសំខាន់ៗជាច្រើន រួមមានជាអាទិ៍៖ វិស័យពាណិជ្ជកម្ម,​ វិនិយោគ, ធុរកិច្ច, ការពារជាតិ និងសន្តិសុខ, កសិកម្ម, សុខាភិបាល, វប្បធម៌, អប់រំ, ការបណ្ដុះបណ្ដាលជំនាញវិជ្ជាជីវៈ,​បច្ចេកវិទ្យា និងការជំរុញការតភ្ជាប់ប្រជាជន និងប្រជាជននៃប្រទេសទាំងពីរ ។ 

ជាមួយគ្នានេះ ថ្នាក់​ដឹកនាំ​កម្ពុជា ហ្វីលីពីន ក៏បានពិភាក្សា​អំពីការពង្រឹងកិច្ចសហប្រតិបត្តិការរវាងប្រទេសទាំងពីរ ក្នុងក្របខ័ណ្ឌអាស៊ាន តំបន់ និងអន្តរជាតិផងដែរ៕

អត្ថបទ៖ សាងតេជៈ រូបភាព៖ ផេកសម្តេចនាយករដ្ឋមន្រ្តី

The post កម្ពុជា-ហ្វីលីពីន​ នឹងបន្តជំរុញទំនាក់ទំនង​ និងកិច្ចសហប្រតិបត្តិការ​ឱ្យឈានទៅដល់កម្រិតខ្ពស់​ និងរឹងមាំបន្ថែមទៀត appeared first on Millions times.

ក្នុងឱកាសដឹកនាំគណ:ប្រតិភូរាជរដ្ឋាភិបាលកម្ពុជា មកដល់អាកាសយានដ្ឋានយោធា Maharlika, Villamor Air Base សម្តេច ហ៊ុន ម៉ាណែត នាយករដ្ឋមន្រ្តី ត្រូវបានទទួលការស្វាគមន៍យ៉ាងស្និទ្ធស្នាលបំផុតពីលោក Ralph G. Recto រដ្ឋមន្រ្តីក្រសួងហិរញ្ញវត្ថុហ្វីលីពីន លើកម្រាលព្រំដល់ជណ្តើរយន្តហោះដែលតុបតែងដោយកម្រងផ្កា ព្រមទាំងឥស្សរជនផ្សេងទៀត។

តាមដានជាមួយយើង៖ Million Times

តបតាមការអញ្ជើញរបស់លោក Ferdinand R. Marcos Jr. ប្រធានាធិបតីហ្វីលីពីន សម្តេច ហ៊ុន ម៉ាណែត នាយករដ្ឋមន្ត្រី បានដឹកនាំគណៈប្រតិភូជាន់ខ្ពស់កម្ពុជាបំពេញទស្សនកិច្ចផ្លូវការរយៈពេល ២ថ្ងៃ គឺចាប់ពីថ្ងៃទី១០-១១ ខែកុម្ភៈ ឆ្នាំ២០២៥។

លោក មាស សុភ័ណ្ឌ អ្នកនាំពាក្យនាយករដ្ឋមន្រ្តីបានថ្លែងថា ក្នុងដំណើរទស្សនកិច្ចនេះ សម្តេចនាយករដ្ឋមន្ត្រី នឹងមានជំនួបទ្វេភាគីជាមួយប្រធានាធិបតីហ្វីលីពីន ដើម្បីពិភាក្សាអំពីកិច្ចសហប្រតិបត្តិការទ្វេភាគី តំបន់ និងអន្តរជាតិ ។ បន្ទាប់ពីជំនួបពិភាក្សានេះថ្នាក់ ដឹកនាំទាំងពីរ នឹងចូលរួមជាអធិបតីក្នុងពិធីផ្លាស់ប្តូរឯកសារកិច្ចសហប្រតិបត្តិការដែលបានចុះហត្ថលេខា មួយចំនួនផងដែរ។

លោកបន្តថា សម្តេច ហ៊ុន ម៉ាណែត នឹងជួបពិភាក្សាការងារដាច់ដោយឡែកជាមួយប្រធានព្រឹទ្ធសភា និងប្រធានរដ្ឋសភាហ្វីលីពីន។ លើសពីនេះ សម្តេចក៏នឹងផ្តល់កិត្តិយសថ្លែងសុន្ទរកថាបើក ក្នុងវេទិកាធុរកិច្ចកម្ពុជា-ហ្វីលីពីន ព្រមទាំងជួបជាមួយបណ្តាក្រុមហ៊ុនហ្វីលីពីន ផងដែរ។

បើតាមលោក មាស សុភ័ណ្ឌ ដំណើរទស្សនកិច្ចផ្លូវការរបស់ សម្តេច ហ៊ុន ម៉ាណែត ទៅកាន់ប្រទេសហ្វីលីពីននឹងផ្តល់សន្ទុះថ្មីក្នុងការពង្រឹង និងពង្រីកបន្ថែមទៀតនូវទំនាក់ទំនង និងកិច្ចសហប្រតិបត្តិការដ៏ល្អដែល មានស្រាប់រវាងប្រទេសទាំងពីរ៕

អត្ថបទ៖ សាងតេជៈ រូបភាព៖ ផេកនាយករដ្ឋមន្រ្តី

The post រដ្ឋមន្រ្តីហិរញ្ញវត្ថុហ្វីលីពីន ក្រាលកម្រាលព្រំក្រហមស្វាគមន៍សម្តេច ហ៊ុន ម៉ាណែត ដល់ជណ្តើរយន្តហោះ appeared first on Millions times.