តាមដានជាមួយយើង៖ Million Times

សម្ដេច ហ៊ុន សែន  បានថ្លែងអំណរគុណគណៈប្រតិភូលុចហ្សាំបួរ ដែលបានមកចូលរួមរំលែកទុក្ខចំពោះមរណភាពបងប្រុសរបស់សម្ដេចនាពេលនេះ ដែលបង្ហាញអំពីសមានចិត្តដ៏ល្អរបស់ភាគីមិត្ត និងចំណងមិត្តភាព និងការយកចិត្តទុកដាក់ដល់ទំនាក់ទំនងនៃប្រទេសទាំងពីរ។

ទន្ទឹមគ្នានេះ សម្ដេចបានវាយតម្លៃខ្ពស់ចំពោះលទ្ធផលនៃកិច្ចប្រជុំពិភាក្សារបស់គណៈប្រតិភូលុចហ្សាំបួរ ជាមួយរដ្ឋមន្ត្រីក្រសួងការបរទេសកម្ពុជា ជាពិសេសការផ្ដល់ជំនួយដោះមីននៅកម្ពុជា។ 

នៅក្នុងឱកាសនេះ ព្រះអង្គម្ចាស់រាជទាយាទ មានព្រះរាជបន្ទូលថ្លែងអំណរគុណដល់សម្តេចដែលបានទទួលស្វាគមន៍ព្រះអង្គ និងគណៈប្រតិភូ ចូលរួមគោរពវិញ្ញាណក្ខន្ធ ចំពោះមរណភាពរបស់បងប្រុសសម្ដេច នឹងថាការចូលរួមគោរពវិញ្ញាណក្ខន្ធនៅពេលនេះបង្ហាញអំពីទំនាក់ទំនងរវាងប្រទេសទាំងពីរ ដែលជាទំនាក់ទំនង ជឿទុកចិត្តគ្នាទៅវិញទៅមក។

សម្ដេច ហ៊ុន សែន មានប្រសាសន៍ថា «ទោះបីជាប្រទេសយើងទាំងពីរ មានចម្ងាយឆ្ងាយពីគ្នាក៏ដោយ ហើយយើងមានកិច្ចការងារជាមួយគ្នាជាច្រើន ទាំងទ្វេភាគី និងពហុភាគី ជាពិសេសក្នុងកិច្ចការអាស៊ាន និងក្នុងក្របខ័ណ្ឌក្រុមគ្រួសារហ្វ្រង់កូហ្វូនី»។

នៅឆ្នាំ២០២៦ កម្ពុជានឹងធ្វើជាម្ចាស់ផ្ទះនៃកិច្ចប្រជុំកំពូលហ្វ្រង់កូហ្វូនី សម្តេចសង្ឃឹមយ៉ាងខ្លាំងថា នឹងទទួលប្រតិភូជាន់ខ្ពស់លុចហ្សាំបួរនាពេលនោះ។ ក្នុងជំនួបដដែលនោះ សម្ដេចបានរំលឹកពីបទពិសោធន៍របស់សម្ដេចក្នុងការធ្វើជានាយករដ្ឋមន្ត្រី រយៈពេល៣៨ឆ្នាំកន្លងមកហើយ និងបន្ថែមថា ពេលនេះ សម្ដេចបានលះបង់អំណាចទៅដល់អ្នកបន្តវេន ដែលជាអ្នកមានថាមវ័នយ៉ាងខ្លាំងក្លា។

សម្ដេចប្រមុខរដ្ឋស្តីទី ក៏បានចែករំលែកបទពិសោធន៍របស់សម្តេចក្នុងការបញ្ចប់សង្គ្រាមនៅកម្ពុជា ជាពិសេស បទពិសោធន៍របស់សម្តេចជាអ្នកចរចា ឱ្យមានបទឈប់បាញ់ និងបញ្ជាក់ថា សង្គ្រាមមិនអាចបញ្ចប់ដោយសង្គ្រាមបានទេ។ 

ក្នុងជំនួបនេះ រដ្ឋមន្ត្រីការបរទេស លុចហ្សាំបួរ ដែលបានអមព្រះរាជដំណើរ ព្រះរាជទាយាទ មានសេចក្តីរីករាយចំពោះការចុះហត្ថលេខាលើគម្រោងកិច្ចសហប្រតិបត្តិការ និងជំនួយរបស់ប្រទេសលុចហ្សាំបួរ ដល់ប្រទេសកម្ពុជា ជាពិសេស ជំនួយដល់ការដោះមីននៅកម្ពុជា។ 

បន្ថែមពីលើនេះ សម្ដេច ហ៊ុន ម៉ាណែត នាយករដ្ឋមន្ត្រីបានបញ្ជាក់នូវក្តីរីករាយបន្តពង្រឹង និងពង្រីកកិច្ចសហប្រតិបត្តិការ និងទំនាក់ទំនងទុកចិត្តគ្នារវាងប្រទេសទាំងពីរឱ្យកាន់តែខ្លាំងក្លាថែមទៀត៕

អត្ថបទ៖ សាងតេជៈ រូបភាព៖ ផេកសម្តេចតេជោ

The post សម្ដេច ហ៊ុន សែន ទទួលជួបរាជទាយាទ លុចហ្សាំបួរ ក្នុងឱកាសគោរពវិញ្ញាណក្ខន្ធសព អ្នកឧកញ៉ា ឧត្តមមេត្រីវិសិដ្ឋ ហ៊ុន សាន appeared first on Millions times.

នៅព្រឹកថ្ងៃទី៣១ ខែមីនា ឆ្នាំ២០២៥ ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានជួបពិភាក្សាការងារទ្វេភាគីជាមួយព្រះអង្គម្ចាស់ Guillaume Jean Joseph Marie រជ្ជទាយាទ នៃប្រទេសលុចសំបួ ដែលជា​ប្រទេស​តូច​បំផុត​មួយ​ក្នុង​សហភាព​អឺរ៉ុប លុចសំបួ ដោយភាគីទាំងពីរបានគូសបញ្ជាក់ពីសារៈសំខាន់នៃការបង្កើនកិច្ចសហប្រតិបត្តិការទ្វេភាគីលើវិស័យសេដ្ឋកិច្ច ពាណិជ្ជកម្ម ទេសចរណ៍ និងការផ្លាស់ប្តូររវាងប្រជាជន-ប្រជាជន។ 

តាមដានជាមួយយើង៖ Million Times

ទន្ទឹមគ្នានេះ ភាគីទាំងពីរ ក៏បានផ្លាស់ប្តូរទស្សនៈស្តីពីបញ្ហាតំបន់ និងអន្តរជាតិ ផងដែរ។

បន្ថែមពីលើនេះ ភាគីទាំងពីរបានចុះហស្ថលេខាលើកិច្ចព្រមព្រៀងស្តីពីកិច្ចសហប្រតិបត្តិការទូទៅ រវាងរដ្ឋាភិបាលកម្ពុជា និងរដ្ឋាភិបាលលុចសំបួ ត្រូវបានចុះហត្ថលេខា ដោយឧបនាយករដ្ឋមន្ត្រី ប្រាក់ សុខុន និងលោក Xavier Bettel ឧបនាយករដ្ឋមន្ត្រី និងជារដ្ឋមន្ត្រីការបរទេស ពាណិជ្ជកម្មបរទេស កិច្ចសហប្រតិបត្តិការអភិវឌ្ឍន៍ និងកិច្ចការមនុស្សធម៌ លុចសំបួ ដែលជាជំហានដ៏សំខាន់មួយ ឆ្ពោះទៅពង្រឹងទំនាក់ទំនងទ្វេភាគី៕

អត្ថបទ៖ សាងតេជៈ រូបភាព៖ ក្រសួងការបទេស

The post កម្ពុជា ចុះកិច្ចព្រមព្រៀងឆ្ពោះទៅពង្រឹងទំនាក់ទំនងទ្វេភាគីជាមួយប្រទេសអ្នកមានបំផុត លុចសំបួ appeared first on Millions times.