ក្នុងជំនួបជាមួយសម្តេច ហ៊ុន សែន ប្រធានព្រឹទ្ធសភា លោក អាណាតូលី បូរ៉ូវីក (Anatoly Borovik) ឯកអគ្គរដ្ឋទូតរុស្ស៊ីប្រចាំកម្ពុជា កាលពីថ្ងៃទី៦ ខែមិថុនាថ្មីៗនេះនៅវិមានព្រឹទ្ធសភា  បានបញ្ជាក់ថា ទាក់ទងនឹងបញ្ហាបំណុល ការចរចាគឺមានជំហានទៅមុខជាវិជ្ជមាន។ លោកថា ក្នុងរយៈពេលកន្លងមកនេះ រុស្ស៊ីបានជួយកសាងសេដ្ឋកិច្ចនៅកម្ពុជាហើយក៏មាននូវកិច្ចសហប្រតិបត្តិការជាច្រើនទៀត។

តាមដានជាមួយយើង៖ Million Times

លោកបានរំឭកថា កម្ពុជាជាមិត្តចាស់ មិត្តគួរឱ្យទុកចិត្ត ជាដៃគូដ៏ល្អ និងខិតខំប្រឹងប្រែងពង្រឹង និងពង្រីកនូវទំនាក់ទំនងដែលមានសក្តានុពល និងជំរុញដល់កិច្ចសហការដើម្បីអភិវឌ្ឍន៍ និងដើម្បីផលប្រយោជន៍សម្រាប់ប្រទេសទាំងពីរ។ 

សម្ដេច ហ៊ុន សែន ប្រធានព្រឹទ្ធសភា បានថ្លែងអរគុណចំពោះជំនួយសព្វបែបយ៉ាងរបស់រុស្ស៊ី ដែលបានជួយកម្ពុជានៅពេលដែលកម្ពុជាទើបរំដោះបានពីរបបខ្មែរក្រហម។ សម្តេចប្រាប់ទូតរុស្សុីថា រដ្ឋាភិបាលកម្ពុជាពិតជាចង់ដោះស្រាយបំណុលដែលកម្ពុជានៅជំពាក់រុស្ស៊ីអំឡុងសម័យសង្គ្រាមនេះ ឱ្យបានរួសរាន់។

ជាមួយគ្នានេះ ឯកអគ្គរដ្ឋទូតរុស្សុីបានគូសបញ្ជាក់ថា រុស្ស៊ីគឺជាមិត្តភក្តិយូរអង្វែង និងជានិច្ចកាលនៅជាមួយកម្ពុជានៅពេលលំបាក ហើយរុស្ស៊ីនឹងមិនជ្រៀតជ្រែកលើកិច្ចការរបស់ប្រទេសកម្ពុជានោះទេ។ 

សូមជម្រាបថា កម្ពុជាបានខ្ចីលុយរុស្ស៊ី ចំនួន ១ ៥០០លានដុល្លារអាមេរិកដើម្បីទិញអាវុធ និងដោះស្រាយបញ្ហាសេដ្ឋកិច្ចកាលពីទសវត្សរ៍៨០។ ក្រោយមកក្នុងឆ្នាំ២០០៩ រុស្ស៊ីបានសម្រេចលុបចោលបំណុល ៧០%។ ដូច្នេះបំណុលដែលកម្ពុជានៅជំពាក់រុស្ស៊ីគឺសល់ចំនួន ៣០% ឬស្មើ ៤៥០លានដុល្លារ៕

អត្ថបទ៖ សាង តេជៈ រូបភាព៖ ក្រុមព័ត៌មានសម្តេចតេជោ

The post រុស្សុីរំលឹកពីគុណសម្បត្តិជួយកសាងសេដ្ឋកិច្ច ខណៈបំណុលកម្ពុជាជំពាក់មិនទាន់លុបចោល appeared first on Millions times.

ពាកព័ន្ធនឹងទំនាក់ទំនងសេដ្ឋកិច្ច ឯកអគ្គរដ្ឋទូតរុស្ស៊ីប្រចាំកម្ពុជា បានសង្កេតឃើញថា ទំហំពាណិជ្ជកម្មកម្ពុជា-រុស្ស៊ីនៅតូចនៅឡើយ ដោយលោកបញ្ជាក់ថា ក្រុមហ៊ុនរុស្ស៊ីមួយចំនួន កំពុងតែស្វែងរកដៃគូរបស់ខ្លួន ហើយកំពុងតែធ្វើការជាមួយនឹងសភាពាណិជ្ជកម្ម និងក្រសួងពាណិជ្ជកម្មកម្ពុជា ដើម្បីវិនិយោគនៅកម្ពុជា។ លោកទូត ក៏បានបញ្ជាក់ផងដែរថា ទាក់ទងនឹងបញ្ហាបំណុល ការចរចា គឺមានជំហានទៅមុខជាវិជ្ជមាន។  

តាមដានជាមួយយើង៖ Million Times

ពាក់ព័ន្ធវិស័យទេសចរណ៍ លោកទូតបានលើកឡើងថា ចំនួនភ្ញៀវទេសចរណ៍រុស្ស៊ីមកកម្ពុជា មានការកើនឡើងជាបន្តបន្ទាប់។ លោកថា រុស្ស៊ី នឹងពិចារណាឲ្យមានជើងហោះហើរត្រង់ពីរុស្ស៊ីមកកាន់កម្ពុជា ដើម្បីបង្កើនការផ្លាស់ប្តូរអ្នកទេសចររវាងប្រទេសទាំងពីរ។  

ជាកិច្ចឆ្លើយតប សម្ដេចតេជោប្រធានព្រឹទ្ធសភា បានផ្ដល់ជាអនុសាសន៍ឲ្យជំរុញនូវអ្វីដែលអាចធ្វើទៅបាន ជាពិសេសស្នើឲ្យរុស្ស៊ីយកចិត្តទុកដាក់ ក្នុងការបង្កើតជើងហោះហើរត្រង់ ពីព្រោះសម្ដេចតេជោ បានចាត់ទុកថា ដល់ពេលវេលា ដែលត្រូវជំរុញវិស័យទេសចរណ៍របស់រុស្ស៊ី មកកាន់ប្រទេសកម្ពុជាហើយ។ ក្នុងនោះដែរ សម្ដេចតេជោ ហ៊ុន សែន ក៏បានជំរុញការដោះស្រាយបំណុល ដែលរង់ចាំជាយូរមកហើយនោះ ឲ្យបានឆាប់រួសរាន់ផងដែរ៕  

អត្ថបទ៖ វីរៈ រូបភាព៖ ក្រុមព័ត៌មានសម្ដេចតេជោ

The post ទូតរុស្ស៊ី៖ ក្រុមហ៊ុនរុស្ស៊ីមួយចំនួន កំពុងតែស្វែងរកដៃគូដើម្បីវិនិយោគនៅកម្ពុជា appeared first on Millions times.