តាមដានជាមួយយើង៖ Million Times

ពិធីចុះហត្ថលេខាលើលិខិតប្តូរសារ និងឯកសារពាក់ព័ន្ធ ស្តីពី ការផ្តល់ជំនួយឥតសំណងរបស់រដ្ឋាភិបាលជប៉ុន ផ្តល់ជូនរាជរដ្ឋាភិបាលកម្ពុជានេះ បានធ្វើឡើងនៅថ្ងៃទី១២ ខែមករា ឆ្នាំ២០២៦ ក្រោមអធិបតីភាពឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេសកម្ពុជា និងឯកឧត្តម UENO Atsushi ឯកអគ្គរាជទូតជប៉ុនប្រចាំកម្ពុជា។

ជំនួយឥតសំណងនេះ គឺដើម្បីអនុវត្តគម្រោងចំនួន ២ រួមមាន៖ ១. ទឹកប្រាក់ចំនួន១.៧០០.០០០.០០០យ៉េន (ប្រមាណ ១១.៣ លានដុល្លារ) សម្រាប់អនុវត្តគម្រោងសមាហរណកម្មការបោសសម្អាតគ្រាប់មីន និងសង្គ្រោះជនពិការ ដោយសារគ្រាប់មីន (ដំណាក់កាលទី៣)។

២. ទឹកប្រាក់ចំនួន១.១៤២.០០០.០០០ យ៉េន (ប្រមាណ ៧.៦ លានដុល្លារ) សម្រាប់អនុវត្តគម្រោងជំនួយម៉ាស៊ីនស្កែនកុងតឺន័រនៅចំណតកុងតឺន័រថ្មី កំពង់ផែក្រុងព្រះសីហនុ។

បើតាមក្រសួងការបរទេសកម្ពុជា ជំនួយឥតសំណងនេះ ​បានបង្ហាញពីការគាំទ្រយ៉ាងខ្ជាប់ខ្ជួនរបស់ប្រទេសជប៉ុន សម្រាប់ការអភិវឌ្ឍសង្គម-សេដ្ឋកិច្ចកម្ពុជា ដោយជំរុញកំណើនប្រកបដោយចីរភាព។

ម្យ៉ាងទៀត ជំនួយឥតសំណងនេះ ក៏ជាសក្ខីភាពមួយនៃការធ្វើឱ្យកាន់តែស៊ីជម្រៅនៃទំនាក់ទំនងទ្វេភាគីរវាងកម្ពុជា និងជប៉ុន ក្រោមភាពជាដៃគូយុទ្ធសាស្ត្រគ្រប់ជ្រុងជ្រោយ៕

អត្ថបទ៖ វីរៈ រូបភាព៖ ក្រសួងការបរទេស

The post ជប៉ុន ផ្ដល់ជំនួយឥតសំណងជិត ២០លានដុល្លារ ដល់កម្ពុជា ដើម្បីអនុវត្តគម្រោងចំនួន ២ appeared first on Millions times.

តាមដានជាមួយយើង៖ Million Times

ការលើកឡើងនេះ ស្របពេលដែលឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ កាលពីថ្ងៃទី១៨ ខែវិច្ឆិកា ឆ្នាំ២០២៥ បានអញ្ជើញជាអធិបតីក្នុងពិធីអបអរសាទរខួប ២ឆ្នាំ និងការសម្ពោធភោជនីយដ្ឋាន ដែលជាការវិនិយោគរួមគ្នារវាងកម្ពុជា និងជប៉ុនឈ្មោះ KYŌ Shabu សាខាកោះពេជ្រ ដោយមានការចូលរួមពីសំណាក់ឯកឧត្តម UENO Atsushi ឯកអគ្គរាជទូតជប៉ុនប្រចាំកម្ពុជា ព្រមទាំងពាណិជ្ជករជាតិ និងអន្តរជាតិ អ្នកផលិតមាតិកា និងភ្ញៀវជាតិ និងអន្តរជាតិជាច្រើនរូប ទៀត។

នៅក្នុងឱកាសនោះ វិនិយោគិនជប៉ុន បានបង្ហាញចំណាប់អាម្មរណ៍ស្រលាញ់ប្រទេសកម្ពុជា ជាផ្ទះទី ២ របស់ខ្លួន ដែលបដិសណ្ឋារកិច្ចពោរពេញ ដោយភាពរួសរាយរាក់ទាក់របស់ប្រជាជនកម្ពុជា និងជឿជាក់លើការដឹកនាំដ៏ត្រឹមត្រូវរបស់រាជរដ្ឋាភិបាល ដែលបានដាក់ចេញនូវយន្តការលើកទឹកចិត្ត និងអនុគ្រោះដល់ការវិនិយោគ ជាហេតុនាំឱ្យមានការសម្រេចចិត្ត ក្នុងជំរុញការបោះទុនវិនិយោគបង្កើតសាខាបន្តបន្ទាប់ នាពេលនេះ។

ចំណែកឯឯកអគ្គរាជទូតជប៉ុន បានលើកឡើងថា បច្ចុប្បន្ននេះ​ ស្ថានទូតបានធ្វើស្ថិតិឃើញមានភោជនីយដ្ឋានម្ហូបជប៉ុនជិត ៣០០កន្លែង នៅរាជធានីភ្នំពេញ ដែលកើនឡើងគួរឱ្យកត់សម្គាល់ និងអាចបញ្ជាក់ថា ម្ហូបជប៉ុន បាននិងកំពុងតែទទួលការពេញនិយមជាខ្លាំងនៅកម្ពុជា។

ឯកឧត្ដម បានបន្ថែមថា តាមរយៈការផ្លាស់ប្តូរបទពិសោធម្ហូបអាហារ នឹងធ្វើឱ្យប្រជាជនមានការយល់ដឹងពីវប្បធម៌ និងទំនៀមទំលាប់គ្នាទៅវិញទៅមក ដែលជួយជំរុញការពង្រឹងពង្រីកកិច្ចសហប្រតិបត្តិរវាងគ្នានិងគ្នា។

រីឯឯកឧត្តមរដ្ឋមន្រ្តី បានអបអរសាទរចំពោះជោគជ័យរបស់អ្នកវិនិយោគកម្ពុជា-ជប៉ុន និងការចូលរួមចំណែកមិនត្រឹមតែការអភិវឌ្ឍវិស័យភោជនីយដ្ឋាន និងបដិសណ្ឋារកិច្ចទេ តែក៏បានចូលរួមចំណែកបង្ហាញពីសុខដុមរមនា និងចំណងមិត្តភាពដ៏ល្អរបស់ប្រទេសទាំងពីរកម្ពុជា-ជប៉ុន បរិយាកាសវិនិយោគដ៏ល្អរបស់កម្ពុជា ជាពិសេសគឺការត្រៀមខ្លួនរបស់ប្រទេសកម្ពុជា ប្រជាជនកម្ពុជាក្នុងការប្រែក្លាយកម្ពុជាជាគោលដៅទេសចរណ៍ម្ហូបអាហារចម្រុះដ៏សំបូរបែបពីគ្រប់តំបន់នៃពិភពលោក៕

អត្ថបទ៖ វីរៈ រូបភាព៖ ក្រសួងទេសចរណ៍

The post នៅរាជធានីភ្នំពេញ មានភោជនីយដ្ឋានម្ហូបជប៉ុនជិត ៣០០កន្លែង appeared first on Millions times.

តាមដានជាមួយយើង៖ Million Times

នៅក្នុងជំនួបនេះ សម្តេចតេជោ ហ៊ុន សែន បានសម្តែងការពេញចិត្ត ចំពោះសកម្មភាពដ៏សកម្មរបស់សមាគមជប៉ុន-កម្ពុជា ដែលបានចូលរួមចំណែកក្នុងការផ្សារភ្ជាប់ទំនាក់ទំនង ទាំងនៅក្នុងទំនាក់ទំនងរវាងប្រទេសកម្ពុជា និងជប៉ុន ទំនាក់ទំនងរវាងប្រជាជនកម្ពុជា និងប្រជាជន ហើយជាពិសេស គឺការទាក់ទាញអ្នកវិនិយោគឱ្យមកវិនិយោគនៅក្នុងប្រទេសកម្ពុជា ដែលនេះគឺជាសកម្មភាពមួយយ៉ាងសកម្ម ក្នុងការគាំទ្រដល់ការវិនិយោគ និងការជំរុញសេដ្ឋកិច្ចកម្ពុជា។

ចំណែកលោកប្រធានសមាគម ជប៉ុន-កម្ពុជា បានលើកឡើងថា ប្រទេសកម្ពុជា គឺទទួលបាននូវការចាប់អារម្មណ៍យ៉ាងខ្លាំង ពីសំណាក់អ្នកវិនិយោគរបស់ជប៉ុន ក្នុងការមកវិនិយោគលើវិស័យនានា ក្នុងនោះលោកបានរំលេចទាក់ទងទៅនឹងប្រតិភូ ដែលមកបំពេញបេសកកម្មនៅកម្ពុជានាពេលនេះ គឺមានប្រមាណ ៣៦ក្រុមហ៊ុន ដែលជាក្រុមហ៊ុនជប៉ុនទាក់ទងទៅនឹងការវិនិយោគលើវិស័យបច្ចេកវិទ្យា ផ្នែកបណ្តុះបណ្តាលវិជ្ជាជីវៈ និងកសិ-ឧស្សាហកម្មជាដើម ដែលជាការចាប់អារម្មណ៍របស់អ្នកវិនិយោគជប៉ុនមកកម្ពុជា។

លោក TAKAHASHI Fumiaki បានបន្តថា ការគាំទ្ររបស់រាជរដ្ឋាភិបាលកម្ពុជាកន្លងមក ជាពិសេស តាំងពីពេលសម្តេចតេជោ នៅជានាយករដ្ឋមន្ត្រី ហើយមកដល់ពេលនេះសម្តេចតេជោ ជាប្រធានព្រឹទ្ធសភា ក៏សម្តេចនៅតែបន្តគាំទ្រអ្នកវិនិយោគជប៉ុន ជាពិសេសគឺសមាគមជប៉ុន-កម្ពុជាតែម្តង ដែលលោកប្រធានសមាគម បានចាត់ទុកការគាំទ្រនេះ គឺជាកម្លាំងចិត្តដ៏សំខាន់ក្នុងការផ្តល់នូវទំនុកចិត្ត ដល់អ្នកវិនិយោគជប៉ុន មកកាន់កម្ពុជា បន្ថែមទៀត ។

នៅក្នុងឱកាសនោះ សម្តេចតេជោ ហ៊ុន សែន បានលើកឡើងដោយបង្ហាញនូវការពេញចិត្ត ចំពោះវឌ្ឍនភាពរបស់សមាគមជប៉ុន-កម្ពុជា ដែលបានខិតខំប្រឹងប្រែងនៅក្នុងការធ្វើយ៉ាងណា ជំរុញទំនាក់ទំនង ជាពិសេសទាក់ទងទៅនឹងការបណ្តុះបណ្តាលជំនាញវិជ្ជាជីវៈបន្ថែមទៀត ដល់ប្រជាជនកម្ពុជា ជាពិសេសយុវជនតែម្តង ដោយសម្តេចតេជោ បានលើកឡើងថា ជំនាញបណ្តុះបណ្តាលវិជ្ជាជីវៈនេះ គឺជាជំនាញ នៃតម្រូវការ ដែលទាំងក្នុងបរិបទប្រទេសកម្ពុជា ក៏ដូចជាបរិបទនៃប្រទេសជប៉ុនត្រូវការ ហើយជាចំណែកក្នុងការជំរុញផ្នែកសេដ្ឋកិច្ចដ៏សំខាន់ ។

ជាមួយគ្នានេះ សម្តេចតេជោ ក៏បានលើកឡើងពីការពេញចិត្តនូវអ្វីដែលអ្នកវិនិយោគជប៉ុន ចាប់អារម្មណ៍ទៅលើវិស័យកសិ-ឧស្សាហកម្ម និងបច្ចេកវិទ្យា ដោយសម្តេចតេជោ បានលើកឡើងថា ផ្នែកកសិ-ឧស្សាហកម្មនេះ គឺជាចំណុចស្នូលមួយរបស់រាជរដ្ឋាភិបាលកម្ពុជា តាំងពីដើមរៀងមក រហូតដល់រាជរដ្ឋាភិបាលថ្មី ក៏ចាត់ទុកកសិ-ឧស្សាហកម្មនេះ គឺការកែច្នៃផលិតផលកសិកម្ម គឺជារឿងចាំបាច់និងអាទិភាព។

ពាក់ព័ន្ធទៅនឹងវិស័យបច្ចេកវិទ្យា ក៏ដូចគ្នាដែរដោយបច្ចុប្បន្ននេះ រាជរដ្ឋាភិបាល ដឹកនាំដោយសម្តេចធិបតី ហ៊ុន ម៉ាណែត កំពុងតែផ្តោតការយកចិត្តទុកដាក់ ក្នុងការអភិវឌ្ឍវិស័យបច្ចេកវិទ្យា ហើយកម្ពុជាកំពុងត្រូវការខ្លាំងក្នុងផ្នែកនេះ។ សម្តេច បានជំរុញឱ្យអ្នកវិនិយោគជប៉ុន ចាប់អារម្មណ៍ និងពង្រីកសក្ដានុពលលើវិស័យទាំងអស់នេះ ឱ្យមានការកើនឡើងកាន់តែច្រើនថែមទៀត៕

អត្ថបទ៖ វីរៈ រូបភាព៖ បណ្ដាញសង្គមសម្ដេចតេជោ  

The post កម្ពុជា ទទួលបានការចាប់អារម្មណ៍យ៉ាងខ្លាំងពីអ្នកវិនិយោគជប៉ុន appeared first on Millions times.

តាមដានជាមួយយើង៖ Million Times

ប្រភពដដែល ឱ្យដឹងថា កសិដ្ឋាន i7 Ranch Cambodia កាលពីពេលថ្មីៗនេះ បានបើកកិច្ចប្រជុំជាមួយអ្នកជំនួញធំប្រទេសជប៉ុនក្នុងវិស័យចិញ្ជឹមគោ ដើម្បីសហការវិនិយោគរួមគ្នាអភិវឌ្ឍន៍គោសាច់ គោទឹកដោះ ដោយប្រើប្រាស់បចេ្ចកវិទ្យាចុងក្រោយរបស់ពិភពលោក ដែលធ្វើឱ្យប្រទេស​កម្ពុជានឹងក្លាយជាប្រទេសនាំចេញ សាច់គោ និងទឹកដោះស្រស់ ធំជាងនៅក្នុងតំបន់អាស៊ី។

ក្រុមអ្នកវិនិយោគវិស័យចិញ្ចឹមគោប្រទេសជប៉ុន ដឹកនាំដោយលោក Prof. TSUJINO ARATO ដែលជាអ្នកឯកទេសលើការគ្រប់គ្រងគោសាច់ គោទឹកដោះ និងការផ្គត់ផ្គង់ចំណីដើម្បីធ្វើឱ្យសាច់គោ និងទឹកដោះគោមានគុណភាពខ្ពស់។

ក្នុងនោះ ក៏មានក្រុមការងារជំនាញមួយចំនួនរួមមាន៖ អ្នកជំនាញផ្នែកផលិតគោសាច់ មានគុណភាពខ្ពស់ តាមវិធីបំប៉ន់គោ, ម្ចាស់ភោជនីយដ្ឋាន ដែលយកសាច់គោជាវត្តុធាតុដើមគោល សម្រាប់ផលិតអាហារ ធ្វើជាអត្តសញ្ញាណរបស់ហាង, ក្រុមអ្នកស្រាវជ្រាវផ្នែកចំណី និងសម្ភារ:សំណង់រោងគោ ស្តង់ដារសត្តឃាត​និងបទដ្ឋានអនាម័យ។

នាឱកាសនោះដែរ លោក ស្រី ចន្ធូ ស្ថានិបកកសិដ្ឋាន i7 Ranch Cambodia លើកឡើងថា ​ការសហការវិនិយោគរួមគ្នាពិតជាមានសារសំខាន់ណាស់ ព្រោះកិច្ចសហការនេះបានផ្តល់ឱកាសអាជីវកម្ម ពាណិជ្ជកម្ម រវាងគ្នានឹងគ្នា ពិសេសក៏ជាការពង្រីកទីផ្សារដ៏ធំសម្រាប់ប្រជាកសិករកម្ពុជា ស្របតាមការដឹកនាំដ៏ឆ្លាតវៃ ប៉ិនប្រសប់ របស់រដ្ឋាភិបាលបច្ចុប្បន្ន រួមគ្នាគិត រួមគ្នាធ្វើ រួមគ្នាអភិវឌ្ឍន៍ គ្រប់វិស័យឱ្យក្លាចជាប្រទេសជឿនលឿន ទំនើប នាពេលយ៉ាងខ្លីខាងមុខ។

គួរឱ្យដឹងថា កសិដ្ឋាន i7 Ranch Cambodia ជាកសិដ្ឋានចិញ្ចឹមគោធំជាងគេនៅកម្ពុជា ហើយក៏ជាកសិដ្ឋានដែលបង្កាត់ បង្កើតពូជគោ និងជាទីផ្សារដ៏ធំរបស់ប្រជាកសិករ ក្នុងវិស័យកសិកម្ម៕

អត្ថបទ៖ វីរៈ រូបភាព៖ កសិដ្ឋាន i7 Ranch Cambodia

The post កសិដ្ឋានមួយ គ្រោងសហការជាមួយអ្នកជំនួញជប៉ុន វិនិយោគទៅលើការចិញ្ចឹមគោសាច់ និងគោទឹកដោះ appeared first on Millions times.

ពិធីចុះហត្ថលេខាលើលិខិតប្ដូរសារ និងឯកសារពាក់ព័ន្ធស្តីពីការផ្តល់ឥណទានសម្បទាន ក្រោមជំនួយអភិវឌ្ឍន៍ផ្លូវការ ធ្វើឡើងនៅព្រឹកថ្ងៃទី ៨ ខែតុលា ឆ្នាំ ២០២៥ នៅទីស្តីការក្រសួងការបរទេស ក្រោមអធិបតីភាពឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេសកម្ពុជា និងលោក UENO Atsushi ឯកអគ្គរាជជប៉ុនប្រចាំកម្ពុជា។​

តាមដានជាមួយយើង៖ Million Times

ឥណទានដែលជប៉ុនផ្ដល់ជូនដល់កម្ពុជា មានទឹកប្រាក់ចំនួន ៤៤.៤៣៧.០០០.០០០ យ៉េន ឬស្មើប្រមាណ ២៩៦,២ លានដុល្លារ។ ក្នុងនោះ ទឹកប្រាក់ចំនួន ២១.៥២៦.០០០.០០០ យ៉េន ឬប្រមាណ ១៤៣.៥ លានដុល្លារ គឺសម្រាប់អនុវត្តគម្រោងពង្រីកប្រព័ន្ធផ្គត់ផ្គង់ទឹកស្អាតនិរោធ។

ចំណែកទឹកប្រាក់ចំនួន ២២.៩១១.០០០.០០០ យ៉េន ឬប្រមាណ ១៥២.៧ លានដុល្លារ គឺសម្រាប់អនុវត្តគម្រោងពង្រីកប្រព័ន្ធខ្សែបញ្ជូន និងចែកចាយអគ្គិសនីដំណាក់កាលទី ៣ ក្នុងភូមិសាស្ត្ររាជធានីភ្នំពេញ។

ក្រសួងការបរទេសកម្ពុជា បានចាត់ទុកការបន្តផ្តល់ឥណទានសម្បទានជិត ៣០០លានដុល្លារ នាពេលនេះ គឺជាការបញ្ជាក់អំពីការប្តេជ្ញាចិត្តយ៉ាងមុតមាំរបស់ជប៉ុន ក្នុងការជំរុញការអភិវឌ្ឍសង្គម-សេដ្ឋកិច្ចរបស់កម្ពុជា និងពង្រឹងបន្ថែមទៀតនូវភាពជាដៃគូយុទ្ធសាស្ត្រ គ្រប់ជ្រុងជ្រោយរវាងប្រទេសទាំងពីរ៕  

អត្ថបទ៖ វីរៈ រូបភាព៖ ក្រសួងការបរទេស

The post ជប៉ុនផ្ដល់ឥណទានសម្បទានជិត ៣០០លានដុល្លារដល់កម្ពុជា យកមកអនុវត្តគម្រោងចំនួនពីរ appeared first on Millions times.

តាមដានជាមួយយើង៖ Million Times

លោក ទុយ រី ឯកអគ្គរាជទូតកម្ពុជា ប្រចាំប្រទេសជប៉ុន បានបញ្ជាក់ថា ព្រឹត្តិការណ៍ពិព័រណ៍កម្ពុជា ដែលមានរយៈពេលចាប់ពីថ្ងៃទី៣-៤ ខែឧសភា មានភ្ញៀវជាតិ និងអន្តរជាតិចម្រុះជាតិសាសន៍ប្រមាណជា ១០ម៉ឺននាក់ មកចូលរួមទស្សនាការដាក់តាំងបង្ហាញផលិតផលខ្មែរ មុខម្ហូបខ្មែរ។

ស្ថានទូតកម្ពុជាប្រចាំប្រទេសជប៉ុន លើកឡើងថា ព្រឹត្តិការណ៍ពិព័រណ៍កម្ពុជានេះ មានគោលបំណងដើម្បីផ្សព្វផ្សាយ និងលើកស្ទួយសិល្បៈវប្បធម៌ខ្មែរ ជំរុញការវិនិយោគ ទេសចរណ៍ ផលិតផលសក្តានុពល និងម្ហូបអាហារខ្មែរទៅកាន់ប្រជាជនជប៉ុន និងភ្ញៀវបរទេសផ្សេងទៀត។

ក្នុងព្រឹត្តិការណ៍ពិព័រណ៍ឆ្នាំនេះ មានស្តង់ចំនួនជាង ៨០ បានដាក់តាំងបង្ហាញនូវផលិតផលខ្មែរ មុខម្ហូបខ្មែរ ផ្សព្វផ្សាយពីគោលដៅ​ទេសចរណ៍ និងសក្តានុពលវិនិយោគនានា ការសម្តែងសិល្បៈចម្រុះ ចម្រៀងបុរាណនិងសម័យ រួមទាំងការរាំលេងកម្សាន្ត និងការបង្ហាញសម្លៀកបំពាក់ប្រពៃណីខ្មែរ ដែលសម្តែងដោយក្រុមសិល្បៈអញ្ជើញមកពីក្រសួងវប្បធម៌ និងវិចិត្រសិល្បៈកម្ពុជា កុមារាកុមារីខ្មែរនៅជប៉ុន ក្រុមសមាគមនិស្សិតខ្មែររៀននៅជប៉ុន និងជនជាតិជប៉ុនដែលស្រឡាញ់វប្បធម៌ខ្មែរ ផងដែរ៕

អត្ថបទ៖ ពិសិដ្ឋ រូបភាព៖ ស្ថានទូតកម្ពុជាប្រចាំនៅជប៉ុន

The post ព្រឹត្តិការណ៍ពិព័រណ៍កម្ពុជារយៈពេល២ ថ្ងៃ នៅជប៉ុន ទាក់ទាញភ្ញៀវជាតិ និងអន្តរជាតិ ១០ ម៉ឺននាក់ appeared first on Millions times.

ថ្លែងចេញពីពិធីសម្ពោធដាក់ឱ្យប្រើប្រាស់ស្ពានអាកាសមរតកតេជោ តម្លៃជិត៣៧លានដុល្លារ នាព្រឹកថ្ងៃទី០៧ ខែមេសានេះ សម្តេច ហ៊ុន ម៉ាណែត មានប្រសាសន៍ថា «ខ្ញុំនឹងទៅទស្សនកិច្ចផ្លូវការនៅជប៉ុន នៅខែក្រោយ ។ យើងនឹងគ្រោងធ្វើការ ដើម្បីទាក់ទាញវិនិយោគិនជប៉ុន ថែមទៀត»។

តាមដានជាមួយយើង៖ Million Times

ទន្ទឹមគ្នានេះ សម្តេចបានសម្តែងការស្វាគមន៍ចំពោះវិនិយោគិនបរទេសទាំងអស់ មិនថាតែ អ្នកវិនិយោគមកពីជប៉ុន មកពីអាមេរិក ឥណ្ឌាឡើយ ដើម្បីមកបណ្តាក់ទុននៅគ្រប់វិស័យទាំងអស់នេះកម្ពុជា។ សម្តេចបានមានប្រសាសន៍បញ្ជាក់ថា «នេះជាអ្វីដែលរដ្ឋាភិបាលបច្ចុប្បន្នបានធ្វើ បើទោះបីជាពេលខ្លះយើងនិយាយតិច តែយើងធ្វើច្រើន»។

ប្រទេសជប៉ុន បាននិងកំពុងក្លាយជាដៃគូពាណិជ្ជកម្មដ៏សំខាន់សម្រាប់កម្ពុជា ដែលឆ្លុះបញ្ចាំងតាមរយៈការបន្តកើនឡើងនៃទំហំពាណិជ្ជកម្មទ្វេភាគីសរុប ពី ១,៤ពាន់លានដុល្លារអាមេរិក នៅឆ្នាំ២០១៧ ដល់ ២.២ពាន់លានដុល្លារអាមេរិកនៅឆ្នាំ២០២៤។

របាយការណ៍ក្រុមប្រឹក្សាអភិវឌ្ឍន៍កម្ពុជា CDC បានឲ្យដឹងថា ក្នុងឆ្នាំ២០២៤ កម្ពុជាបានចុះបញ្ជីក្រុមហ៊ុនជប៉ុនប្រមាណ៩០ ក្រុមហ៊ុន កើនឡើង ២០.៥៥% បើប្រៀបធៀបនឹងឆ្នាំ២០២៣។ ជាមួយគ្នានេះ ក្រុមហ៊ុនជប៉ុនបានវិនិយោគលើវិស័យឧស្សាហកម្ម កសិកម្ម និងហេដ្ឋារចនាសម្ព័ន្ធ ដែលបានចូល រួមជាវិជ្ជមានដល់ដំណើរអភិវឌ្ឍសង្គម-សេដ្ឋកិច្ចរបស់កម្ពុជាតាមរយៈការបង្កើតការងាររាប់ពាន់កន្លែង ការបណ្តុះបណ្តាលជំនាញ និងផ្ទេរបច្ចេកវិទ្យា ដែលជាការរួមចំណែកពង្រឹងភាពប្រកួត ប្រជែងឧស្សាហកម្ម និងផលិតភាពការងាររបស់កម្ពុជា៕

អត្ថបទ៖ សាងតេជៈ រូបភាព៖ ក្រុមព័ត៌មានសម្តេចធិបតី

The post ជួបប្រធានាធិបតីចិនហើយ សម្តេច ហ៊ុន ម៉ាណែត នឹងចេញទៅទាក់ទាញវិនិយោគិននៅជប៉ុន appeared first on Millions times.

សេចក្តីប្រកាសព័ត៌មានក្រសួងការបរទេស និងសហប្រតិបត្តិការអន្តរជាតិ បានឲ្យដឹងថា ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេសកម្ពុជា និងលោក UENO Atsushi ឯកអគ្គរាជទូតជប៉ុនប្រចាំកម្ពុជា នឹងចុះហត្ថលេខាលើលិខិតប្តូរសារ និងឯកសារពាក់ព័ន្ធ ស្តីពីការផ្តល់ហិរញ្ញប្បទានឥតសំណងរបស់ជប៉ុន ដែលមានទឹកប្រាក់ចំនួន ១,០០២ លានយ៉េន សម្រាប់អនុវត្តគម្រោង «កម្មវិធីអភិវឌ្ឍន៍សេដ្ឋកិច្ច និងសង្គម» គឺ គម្រោងលើវិស័យនគរូបនីយកម្ម នៅថ្ងៃទី២៦ ខែធ្នូ ឆ្នាំ២០២៤។

ក្រសួងការបរទេសបញ្ជាក់ថា ហិរញ្ញប្បទានឥតសំណងនេះ គូសបញ្ជាក់ពីការគាំទ្រឥតងាករេរបស់ជប៉ុន ចំពោះកិច្ចខិតខំ ប្រឹងប្រែងរបស់រាជរដ្ឋាភិបាលកម្ពុជា ដើម្បីលើកកម្ពស់ការអភិវឌ្ឍសេដ្ឋកិច្ច-សង្គម។ ក្រសួងបន្តថា ជំនួយនេះក៏នឹងរួមចំណែកក្នុងការពង្រឹង និងធ្វើឱ្យកាន់តែស៊ីជម្រៅបន្ថែមទៀត នូវភាពជាដៃគូយុទ្ធសាស្ត្រគ្រប់ ជ្រុងជ្រោយរវាងប្រទេសទាំងពីរ។

គួរឲ្យដឹងដែរថា ការអភិវឌ្ឍនគរូបនីយកម្ម គឺផ្តោតទៅលើការអភិវឌ្ឍអចនទ្រព្យ និងការអភិវឌ្ឍសំណង់លំនៅឋាន ពាណិជ្ជកម្ម សេវាកម្ម ឧស្សាហកម្ម ហេដ្ឋារចនាសម្ព័ន្ធរូបវ័ន្ធ និងបរិស្ថានទីក្រុង ដែលកំពុងមានកំណើននៅក្នុងប្រទេសកម្ពុជា។ កាលពីដើមខែធ្នូក្នុងឆ្នាំនេះ ក្រសួងរៀបចំដែនដី នគរូបនីយកម្ម និងសំណង់កម្ពុជា និងក្រសួងដីធ្លី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ជប៉ុន រួមគ្នាបង្កើតវេទិការដ្ឋ-ឯកជន កម្ពុជា ជប៉ុន លើកទី៥ ស្តីពីការអភិវឌ្ឍនគរូបនីយកម្ម ក្រោមប្រធានបទ “ទីក្រុងឆ្លាតប្រកបដោយសុខដុមរមនា” ដែលមានក្រសួង ស្ថាប័ន និងវិស័យឯកសរុបចំនួន ៦០០នាក់។

ក្នុងវេទិកាបានពិភាក្សា និងចែករំលែកចំណេះដឹង បទពិសោធន៍ អំពីការរៀបចំដែនដី នគរូបនីយកម្ម សំណង់ លំនៅឋាន ការអភិវឌ្ឍទីក្រុង និងការអភិវឌ្ឍអចលនទ្រព្យ ដោយផ្តោតលើ ប្រធានបទ “ទីក្រុងឆ្លាតប្រកបដោយសុខដុមរមនា”។ តាមរយៈវេទិកានេះ អ្នកចូលរួមមកពីវិស័យ ឯកជន និងអ្នកជំនាញវិជ្ជាជីវៈនៃប្រទេសទាំងពីរ នឹងមានឱកាសបន្ថែមទៀតសម្រាប់ជំនួបធុរៈកិច្ច ដើម្បីពិភាក្សាជំរុញការវិនិយោគនៅកម្ពុជា ជាពិសេសការជំរុញឱកាស ធុរៈកិច្ច និងវិនិយោគពីប្រទេសជប៉ុនមក ប្រទេសកម្ពុជាលើការអភិវឌ្ឍន គរូបនីយកម្ម ដោយផ្តោតលើការអភិវឌ្ឍទីក្រុងឆ្លាតនិងការអភិវឌ្ឍ អចលនទ្រព្យ៕

អត្ថបទ៖ សាងតេជៈ រូបភាព៖ បណ្តាញសង្គម

The post ជប៉ុនផ្តល់កញ្ចប់លុយឥតសំណង ៧.២លានដុល្លារឲ្យកម្ពុជាអភិវឌ្ឍន៍វិស័យនគរូបនីយកម្ម appeared first on Millions times.

នៅក្នុងជំនួបជាមួយលោកស្រី ខាមីខាវ៉ា យ៉ូកុ រដ្ឋមន្រ្តីការបរទេសជប៉ុន លោក សុខ ចិន្តាសោភា ឧបនាយករដ្ឋមន្ត្រី និងជារដ្ឋមន្ត្រីការបរទេស បានថ្លែងអំណរគុណដល់រាជរដ្ឋាភិបាល និងប្រជាជនជប៉ុនដែលបានចូលរួមចំណែកកសាងសន្តិភាពនៅកម្ពុជា និងបានផ្តល់ជំនួយជាច្រើនសម្រាប់ស្តារ និងអភិវឌ្ឍសេដ្ឋកិច្ចកម្ពុជា។ 

តាមដានជាមួយយើង៖ Million Times

លោកស្រី ខាមីខាវ៉ា យ៉ូកុ បានបញ្ជាក់ពីការបន្តរួមចំណែកដល់ការអភិវឌ្ឍកម្ពុជា ហើយបានបន្ថែមថា រដ្ឋាភិបាលជប៉ុននឹងផ្តល់ហិរញ្ញប្បទានប្រមាណ ៨ពាន់លានយ៉េន ឬស្មើជិត ២លានដុល្លារសម្រាប់ការពង្រីកបណ្តាញអគ្គិសនីនៅរាជធានីភ្នំពេញផងដែរ។ 

ក្រៅពីផ្តល់ជំនួយជិត២លានដុល្លា ជប៉ុនបានរៀបចំអភិក្រមថ្មី សម្រាប់កិច្ចសហប្រតិបត្តិការជាមួយកម្ពុជាដែលក្នុងការកសាងហេដ្ឋារចនាសម្ព័ន្ធក្នុងនោះមានទឹកស្អាត ប្រព័ន្ធចម្រោះទឹកកខ្វក់ ឌីជីថល និងសន្តិសុខសាយប័រ។ លោកស្រីបានគូសបញ្ជាក់ថា ជប៉ុននិងបន្តជួយលើផ្នែកទឹកស្អាតនៅរាជធានីភ្នំពេញ និងតាមបណ្តាខេត្ត។

គួរឲ្យដឹងដែរថា ជំនួយឥតសំណងសម្រាប់គម្រោងអង្គការក្រៅរដ្ឋាភិបាលជប៉ុន បានចាប់ផ្តើមនៅប្រទេសកម្ពុជាតាំងពីឆ្នាំ២០០២ ដើម្បីគាំទ្រដល់សកម្មភាពរបស់អង្គការក្រៅរដ្ឋាភិបាលជប៉ុន ក្នុងកិច្ចខិតខំប្រឹងប្រែងដើម្បីជួយដល់ការអភិវឌ្ឍ និងស្ថាបនាប្រទេសកម្ពុជាឡើងវិញនៅតាមកម្រិតមូលដ្ឋាន។ ចាប់តាំងពីឆ្នាំ២០០២មក រដ្ឋាភិបាលប្រទេសជប៉ុនបានផ្តល់ថវិកាជាង ៥៤លានដុល្លារអាមេរិក ដល់គម្រោងចំនួន ១៥៦ ដែលផ្ដោតសំខាន់ទៅលើវិស័យអប់រំ នៅកម្រិតបឋមសិក្សា វិស័សុខាយភិបាល វិស័យកសិកម្ម និងសកម្មភាពបោសសម្អាតមីនក្នុងប្រទេសកម្ពុជា៕

អត្ថបទ៖ ផល កុសល រូបភាព៖ ក្រសួងការបរទេស

The post ជប៉ុនផ្តល់ថវិកាឥតសំណងជិត ២លានដុល្លារឲ្យកម្ពុជាដើម្បីពង្រីកបណ្តាញអគ្គិសនី appeared first on Millions times.

សេចក្ដីប្រកាសព័ត៌មានផ្សព្វផ្សាយនៅថ្ងៃទី ១ ខែកក្កដានេះ បានឲ្យដឹងថា ដំណើរទស្សនកិច្ចនេះ គឺតបតាមការអញ្ជើញរបស់លោក សុខ ចិន្តាសោភា រដ្ឋមន្ត្រីការបរទេសកម្ពុជា ហើយមានរយៈពេល ២ថ្ងៃ ចាប់ពីថ្ងៃទី ៥ ដល់ថ្ងៃទី ៦ ខែកក្កដា ឆ្នាំ ២០២៤។

ប្រភពដដែល បានឲ្យដឹងបន្តថា អំឡុងទស្សនកិច្ចនេះ លោកស្រីរដ្ឋមន្ត្រីការបរទេសជប៉ុន នឹងចូលជួបសម្តែងការគួរសម ដាច់ដោយឡែកចំពោះសម្តេចតេជោ ហ៊ុន សែន ប្រធានព្រឹទ្ធសភា និងសម្តេចធិបតី ហ៊ុន ម៉ាណែត នាយករដ្ឋមន្ត្រី ព្រមទាំងមានជំនួបទ្វេភាគីជាមួយលោកឧបនាយករដ្ឋមន្ត្រី សុខ ចិន្តាសោភា។

បើតាមក្រសួងការបរទេសកម្ពុជា ទស្សនកិច្ចរបស់លោកស្រី ខាមីខាវ៉ា យ៉ូកុ រដ្ឋមន្ត្រីការបរទេសជប៉ុន នឹងរក្សាសន្ទុះនៃការផ្លាស់ប្តូរកម្រិតខ្ពស់ជាញឹកញាប់ និងធ្វើឲ្យកាន់តែស៊ីជម្រៅថែមទៀតនូវភាពជាដៃគូយុទ្ធសាស្ត្រគ្រប់ជ្រុងជ្រោយរវាងកម្ពុជា និងជប៉ុន៕

អត្ថបទ៖ វីរៈ រូបភាព៖ ក្រសួងការបរទេស  

តាមដានជាមួយយើង៖ Million Times

The post រដ្ឋមន្ត្រីការបរទេសជប៉ុន នឹងអញ្ជើញបំពេញទស្សនកិច្ចផ្លូវការ ២ថ្ងៃ នៅកម្ពុជា appeared first on Millions times.