តាមដានជាមួយយើង៖ Million Times

លើបណ្តាញសង្គម Facebook លោកឧកញ៉ា អ៉ឹង គីមហុង បានបង្ហោះវីដេអូបង្ហាញអង្ករ ២០តោន ទិញពីរោងម៉ាស៊ីនកិនស្រូវកូនខ្មែរនៅខេត្តបាត់ដំបង ដើម្បីចែកជូនបងៗកងទ័ព។

លោកឧកញ៉ាបានសរសេរយ៉ាងដូច្នេះថា៖ «ខ្ញុំបាទនិងជំទាវតូចបានទិញអង្ករ២០តោននិងរបស់ផ្សេងទៀតដើម្បីយកទៅអោយបងៗកងទព័នៅជួរមុខនិងតាមបន្ទាត់ព្រំដែន»។

សូមទស្សនាវីដេអូ៖

The post ឧកញ៉ា អុឹង គីមហុង ទិញអង្ករ ២០តោនពីរោងម៉ាស៊ីនកិនស្រូវកូនខ្មែរ ជូនកងទ័ពជួរមុខតាមព្រំដែន appeared first on Millions times.

ការថ្លែងរបស់សម្តេចដោយសារ​ក្នុងពេលថ្មីៗនេះ ស្ថានភាពឈានដល់ចំណុចក្តៅនៅតំបន់មុំបី ប្រាសាទតា​មាន់​ធំ ប្រាសាទតាមាន់តូច ជាមួយភាគីថៃ។

តាមដានជាមួយយើង៖ Million Times

សម្តេច ហ៊ុន ម៉ាណែត មានប្រសាសន៍ថា «ខ្ញុំសូមអំពាវនាវបន្ត និងរួមគ្នាក្នុងការលើកទឹកចិត្តកងកម្លាំង ហើយពេលជាមួយគ្នា ក៏ខ្ញុំសុំអំពាវនាវសាជាថ្មីចំពោះបងប្អូនប្រជាពលរដ្ឋខ្មែរមួយចំនួន បើទោះមាននិន្នាការណាក៏ដោយ សូមកុំធ្វើសកម្មភាពណាដែលប៉ះពាល់ដល់ទឹកចិត្តរបស់កម្ពុជាយើង»។

សម្តេចបានបន្តថា «ពេលនេះជាពេលដែលប្រទេសជាតិយើងទាំងមូលត្រូវរួមគ្នា ដើម្បីត្រៀមលក្ខណៈការពារជាតិ ការពារទឹកដីរបស់យើង ជាពិសេសរួមគ្នានៅក្រោយកងទ័ពរបស់យើង ដើម្បីការពារទឹកដី។ រឿងនយោបាយ យើងនិយាយពេលផ្សេង ប៉ុន្តែនិយាយអ្វីដែលប៉ះពាល់ដល់ទឹកចិត្ត និងស្មារតីរបស់បងប្អូន សុំលុបទៅ។ មិនមែនពេលកេងចំណេញនយោបាយផ្ទៃក្នុង ប្រឆាំងគ្នាឯងនោះទេ ប៉ុន្តែជាពេលមូលមតិគ្នា មូលចិត្ត មូលគំនិតរួមគ្នា ព្រោះអ្វីដែលជាហានិភ័យ គឺទឹកដី និងជីវិតបងប្អូន»។

ក្នុងន័យនេះ សម្តេចបានអរគុណសាជាថ្មី ដល់ប្រជាពលរដ្ឋទូទាំងប្រទេស ដែលតែងតែចូលរួមឧបត្ថម្ភកងទ័ព ទាំងស្បៀងអាហារ និងទឹកចិត្ត ហើយសម្តេចក៏បានស្នើសុំបន្តគាំទ្រលើកទឹកចិត្តដល់កងទ័ពរបស់យើងបន្តទៀតផងដែរ។

បើទោះបីជាយ៉ាងណា សម្តេចប្រមុខរាជរដ្ឋាភិបាល បានបញ្ជាក់សារជាថ្មីម្ដងទៀតថា បើទោះជាកម្ពុជាព្យាយាមដោះស្រាយបញ្ហាព្រំដែនដោយសន្តិវិធី តាមយន្តការបច្ចេកទេស និងច្បាប់អន្តរជាតិក៏ដោយ ក៏កម្ពុជានៅរក្សាសិទ្ធិក្នុងការការពារបូរណភាពទឹកដីរបស់ខ្លួន តាមគ្រប់មធ្យោបាយរួមទាំងការប្រើប្រាស់កងកម្លាំងប្រដាប់អាវុធ ក្នុងករណីមានការព្យាយាមឈ្លានពានបូរណភាពទឹកដីកម្ពុជាដោយប្រើប្រាស់កម្លាំងកងទ័ព៕

អត្ថបទ៖ សាងតេជៈ រូបភាព៖ ផេកលោក ស សុខា

The post សម្តេច ហ៊ុន ម៉ាណែត អំពាវនាវខ្មែរគ្រប់និន្នាការបញ្ឈប់សកម្មភាពធ្វើឱ្យប៉ះពាល់ដល់ទឹកចិត្តទ័ព appeared first on Millions times.