លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជាថ្មីៗបានឡើងធ្វើជាវាគ្មិនក្នុងកម្មវិធីមួយ ដោយនិយាយជាភាសាបារាំង។ អ្វីដែលគួរឲ្យមោទនភាពទៀតនោះ លោកជំទាវបណ្ឌិតបានឡើងធ្វើជាវាគ្មិនជាមួយ លោកស្រី Claudie Haigneré ជាស្រ្តីបារាំងទី១ ដែលបានឡើងទីអវកាស។
Million Times 
ថ្មីៗនេះទេសាភិបាលធនាគារជាតិកម្ពុជាត្រូវបានអញ្ជើញចូលរួមជាវាគ្មិនក្នុងកម្មវិធី ដែលធ្វើឡើងនៅវិទ្យាស្ថានបច្ចេកវិទ្យាកម្ពុជា ក្នុងនោះក៏មានវាគ្មិនជាច្រើនទៀតដែររួមមាន លោកស្រី Claudie Haigneré ជាស្រ្តីបារាំងទី១ បានឡើងទៅអវកាស, រដ្ឋមន្ត្រីក្រសួងកិច្ចការនារី វេជ្ជបណ្ឌិត អ៊ឹង កន្ថាផាវី ព្រមទាំងវាគ្មិនជនជាតិខ្មែរ ២ រូបផ្សេងទៀត។
លោកជំទាវបណ្ឌិត ជា សិរី និងស្ត្រីដំបូងបារាំងទី១ ដែលបានឡើងទៅទីលម្ហ បានឡើងជាសន្និសីទក្រោមប្រធានបទ «ស្ត្រីដែលមានអំណាច និងស្ត្រីដែលធ្វើសកម្មភាព៖តើស្ត្រីមានតួនាទីអ្វីខ្លះនៅក្នុងពិភពលោកមួយកំពុងផ្លាស់ប្ដូរ» ដោយនិយាយជាភាសាបារាំង។
Claudie Haigneré វ័យ ៦៨ ឆ្នាំ គឺជាវេជ្ជបណ្ឌិតជនជាតិបារាំង អ្នកនយោបាយ និងជាអតីតអវកាសយានិក។ លោកស្រី Claudie Haigneré ជាស្ត្រីបារាំងដំបូងគេដែលបំពេញការងារនៅផ្នែកលម្ហអវកាស វិទ្យាសាស្ត្រ និងនយោបាយ។ នាថ្ងៃសន្និសីទកាលពីពេលកន្លងទៅនោះ លោកស្រី Claudie Haigneré បាបង្ហាញពីប្រវត្តិប្រកបដោយការបណ្ដុះគំនិត ហើយក៏បានពិភាក្សាផ្លាស់ប្ដូរយោបល់ផ្សេងៗ ដែលគួរផ្ដល់ទៅកាន់មនុស្សជំនាន់ក្រោយ មានដូចជា ការប្ដេជ្ញាចិត្តផ្នែកសង្គម មនសិការផ្នែកបរិស្ថាន សម្បត្តិ រួម (ការអប់រំ ការថែរក្សាជីវៈចម្រុះ និងលម្ហអវកាស) កិច្ចសហប្រតិបត្តិការវិទ្យាសាស្ត្រ និងកិច្ចសន្ទនាអន្តរវប្បធម៌៕
អត្ថបទ៖ ឆដា, រូបភាព៖ Serey Chea