កូនស្រីប្រធានាធិបតីអាមេរិក Donald Trump អ្នកនាង Ivanka Trump រួមទាំងស្វាមីលោក Jared Kushner កំពុងមានគម្រោងបណ្ដាក់ទុន ១,៤ពាន់លានដុល្លារ ប្រែក្លាយអតីតបន្ទាយយោធាសូវៀត ដែលត្រូវបានបោះបង់ចោល ឲ្យក្លាយជារមណីយដ្ឋានទំនើបផុតលេខ។
Million Times 
ទីភ្នាក់ងារព័ត៌មាន New York Times បានចុះផ្សាយថា ស្វាមីភរិយាមួយគូរនេះ បានចំណាយពេលជាច្រើនឆ្នាំ លើផែនការវិនិយោគលើកោះ Sazan ក្នុងប្រទេស Albania ឲ្យក្លាយជាទីកន្លែងកម្សាន្តយ៉ាងទំនើប សម្រាប់ក្រុមអភិជន និងមហាសេដ្ឋី។
គម្រោងអភិវឌ្ឍន៍ដ៏សម្បើមនេះក៏ទទួលបានការអនុម័តរួចស្រេច ពីរដ្ឋាភិបាល Albania ផងដែរ ខណៈបច្ចុប្បន្នកូនស្រីរបស់លោក Trump កំពុងស្វែងរកដៃគូសហការបន្ថែម និងកំពុងគិតគូរពីថ្ងៃចាប់ផ្ដើមសាងសង់គម្រោងនេះ។
ទោះជាយ៉ាងណា ផែនការអភិវឌ្ឍន៍កោះរបស់លោកស្រី Ivanka ទំនងមិនមានភាពងាយស្រួលប៉ុន្មានឡើយ ពោលកោះ Sazan គឺជាអតីតបន្ទាយយោធាសូវៀត ដូច្នេះនៅទីនោះមានគ្រាប់មីនមិនទាន់ផ្ទុះជាច្រើនគ្រាប់ និងត្រូវចំណាយពេល ក៏ដូចជាទឹកប្រាក់យ៉ាងច្រើន ដើម្បីបោសសម្អាតគ្រាប់មីនទាំងនោះ៕
អត្ថបទ៖ Luffy រូបភាព៖ AFP