អ្នកនាង តាំង ប៉ោហ្គិច ហៅ Jade ដែលជាភរិយាលោក ផន មុតសុក្រឆពណ្ណ ហៅ Richie កូនប្រុសរបស់អគ្គនាយិកាក្រុមប្រឹក្សាភិបាល នៃក្រុមហ៊ុន ហនុមាន ប៊ែវើរីជីស តែងតែមានភាពស្និទ្ធស្នាលជាមួយ Nicole ដែលជាគូស្នេហ៍របស់ ផន មុតច័ន្ទឧត្តម ហៅ Erich។
Million Times 
ទាំង Jade និង Nicole ពេលចូលរួមកម្មវិធីផ្សេងៗរបស់ត្រកូលអភិជនដូចគ្នា តែងតែបានថតរូប និងនិយាយគ្នាលេង ក្នុងនាមជាមនុស្សស្រី ដែលអនាគតក្លាយជាសាច់ថ្លៃពេញសិទ្ធិ និងរស់នៅក្នុងផ្ទះតែមួយ។
Nicole គឺជាកូនស្រីឧកញ៉ា លាង ហួង ហើយក៏ជាចៅស្រីសំណព្វរបស់លោកអ្នកឧកញ៉ា ភាព ហៀក ស្ថាបនិកក្រុមហ៊ុន ជីប ម៉ុង។ ជាក់ស្ដែងដូចក្នុងកម្មវិធីភ្ជាប់ពាក្យ កូនប្រុសរបស់លោកអ្នកឧកញ៉ា លាង ឃុន គឺកំលោះសង្ហា អ៊ឹង ពិសិដ្ឋ កញ្ញា Nicole ចូលរួមក្នុងនាមជាសាច់ញាតិ ចំណែក Jade ក្នុងនាមជាភ្ញៀវ។
Jade និង Nicole ចុះសម្រុងគ្នាខ្លាំងណាស់គ្រប់ពេល អ្នកទាំង ២ នាក់បានជួបមុខគ្នាពេលណា ក៏ឱបថើបគ្នា ក្នុងនាមជាអនាគតបងថ្លៃ និងប្អូនស្រីថ្លៃ។ អនាគតបងថ្លៃ និងប្អូនស្រីថ្លៃទាំង ២ កើតចេញពីគ្រួសារជំនួញធំប្រចាំស្រុកខ្មែរដូចគ្នា រូបសម្រស់ស្រស់ស្អាត ហើយការសិក្សារៀនសូត្រនៅសាលាលំដាប់ល្បីៗមិនចាញ់គ្នាឡើយ។
មិនត្រឹមតែបង្ហាញខ្លួនក្នុងកម្មវិធីបែបជួបជុំកម្សាន្តឡើយ Jade និង Nicole ក៏បង្ហាញខ្លួនក្នុងកម្មវិធីសប្បុរសធម៌ជាមួយគ្នាជាញឹកញាប់ផងដែរ៕
អត្ថបទ៖ ឆដា, រូបភាព៖ One Memory