លោកស្រី តែ ស៊ូអេង ជាបុគ្គលជោគជ័យវិស័យអនឡាញ និងឈរជើងយ៉ាងរឹងមាំក្នុងជំនួញមួយនេះ។ ពីអ្នកនាំគ្រឿងសម្អាងពីបរទេសមកលក់ក្នុងស្រុក រហូតវិវឌ្ឍន៍ខ្លួនទទួលធ្វើប្រេន ពីចិន ជប៉ុន កូរ៉េ បច្ចុប្បន្នអគ្គនាយិកាក្រុមហ៊ុនTRE កំពុងសោយសុខក្នុងជីវិតបែបសេដ្ឋិនី។
Million Times 
ជីវិតឡូយឆាយបែបសេដ្ឋិនីនៅពេលនេះ បានមកពីការខិតខំប្រឹងប្រែងរកស៊ីមិនឈប់របស់ លោកស្រី តែ ស៊ូអេង និងស្វាមី។ ទម្រាំទទួលបានផ្លែផ្កាដូចរាល់ថ្ងៃ អគ្គនាយិកាក្រុមហ៊ុនTRE បានវិវឌ្ឍន៍ខ្លួន និងធ្វើការងារទំនាក់ទំនងជាច្រើនយ៉ាង។
ក្រឡេកទៅមើលជីវិតដ៏ស៊ីវិល័យមានផ្ទះធំទ្រនំខ្ពស់ស្កឹមស្កៃ រថយន្តស៊េរីទំនើបៗច្រើនគ្រឿង និងសម្ភារៈនិយមជាប្រេនល្បីៗរាប់មិនអស់។ ក្នុងនោះមានកាបូប ស្បែកជើង ខោអាវ ទូរស័ព្ទ សុទ្ធតែជារបស់កម្រៗទាំងអស់។
បើនិយាយពីកាបូបវិញ លោកស្រី តែ ស៊ូអេង មានរសនិយមខ្ពស់ណាស់ ហើយប្រើសុទ្ធតែម៉ាក Hermès ភាគច្រើនលើសលប់។ ខាងក្រោមជាម៉ូដកាបូប Hermès តម្លៃកប់ក្ដោងរបស់ថៅកែស្រី នៃផលិតផល TRE ដែលមានមុខងារផ្ដោតលើការថែរក្សាសម្រស់៖
១. Hermès Garden Party 30 bag មានតម្លៃ ៣ ពាន់ដុល្លារ
២. Hermes Epsom Constance 18 Black តម្លៃ ២២ ៧៥០ ដុល្លារ
៣. Hermès Bolsa HERMES BIRKIN 25 Verde តម្លៃជាង ២៥ ៤៤៨ ដុល្លារ
៤. Hermès Constance Slim Compact Dore Gold Chamkilight Goatskin Wallet Belt Bag តម្លៃ ៤ ៥០០ ដុល្លារ
៥. Hermès Mini kelly II តម្លៃ ៣០ ៩១៤ ដុល្លារ
គួរបញ្ជាក់ថា ៥ ម៉ូដនៃកាបូបម៉ាកយីហោ Hermès នេះលោកស្រី តែ ស៊ូអេង នៅមានច្រើនថែមទៀត នេះគ្រាន់តែរាប់ត្រួសៗតែប៉ុណ្ណោះ៕
អត្ថបទ៖ ឆដា, រូបភាព៖ Te SouEng