អ្នកឧកញ៉ា យូ សាម៉េត អគ្គនាយក ECON Group បានបង្ហាញវីដេអូ Podcast មួយ ដោយចែករំលែកបញ្ហាបំណុល ដល់មហាជនស្ដាប់ និងអាចយកទៅពិចារណាបាន។ នៅក្នុងវីដេអូអគ្គនាយក ECON Group បានលើកឡើងពីបំណុល ក្នុងនោះបំណុលមាន ២ គឺបំណុលល្អ និងបំណុលអាក្រក់។
Million Times 
អ្នកឧកញ៉ា យូ សាម៉េត បានរៀបរាប់ពីបំណុលល្អជាមុន ដោយលើកឧទាហរណ៍ថា “បើខ្ចីលុយគេទៅទិញឡាន មកដើម្បីបង្អួតអ្នកដទៃ” នេះជាបំណុលមិនល្អឡើយ។ ក្នុងវីដេអូអ្នកឧកញ៉ាបានបន្តទៀតថា តែខ្ចីលុយ ដើម្បីការវិនិយោគរឿងដូចខាងក្រោម គឺជាបំណុលល្អ។
ដោយបំណុលល្អ ដែលអគ្គនាយក ECON Group បានលើកឡើងជាឧទាហរណ៍មានដូចជា ការខ្ចីលុយធ្វើផ្ទះសំណាក់ ធ្វើផ្ទះជួល ឲ្យកម្មកររោងចក្រជាដើមនោះ ជាបំណុលល្អ។ មិនទាន់អស់ត្រឹមប៉ុណ្ណឹងឡើយ អ្នកឧកញ៉ាបានបន្ថែមទៀតថា ការខ្ចីលុយដើម្បីមកទិញរថយន្ត ដើម្បីទុកប្រកបរបររត់តាក់ស៊ី និងជួលឲ្យគេ ក៏អាចរាប់ជាបំណុលល្អដែរ។
ខុសប្លែកពីការខ្ចីបុលអ្នកដទៃទិញឡាន តែបែរជាសម្ញែង អួត ហ៊ឺហា នឹងក្ស័យធនជាមិនខានឡើយ។ អ្នកឧកញ៉ា យូ សាម៉េត បានបន្ថែមទៀតថា បើអ្នកគ្មានប្រាក់ ហើយមិនខំប្រឹងធ្វើរក បែរជាខ្មាសគេទៅវិញនោះ ពិតជាមិនល្អសម្រាប់អនាគតឡើយ។
ក្នុង Podcast នោះអ្នកឧកញ៉ា យូ សាម៉េត ក៏បានលើកឡើងពីការខ្ចីលុយ A ទៅសង B នាំឲ្យមានហានិភ័យខូច CBC លែងអាចខ្ចីពីធនាគារបានទៀតហើយ នឹងឈានទៅដល់ការខ្ចីបំណុលឯកជន ការប្រាក់នឹងកាន់តែថ្លៃ នោះការខ្ចីពីបុគ្គលនេះមកសងបុគ្គលនោះ បង្វិលទោមកឥតឈប់ ពោលខ្ចីគេកាន់តែច្រើន៕
អត្ថបទ៖ ឆដា, រូបភាព៖ You Sameth