អង្ករដែលចេញពីរោងម៉ាស៊ីនកិនស្រូវកូនខ្មែរ របស់ឧកញ៉ា យុត្ត បញ្ញា សុទ្ធតែទទួលបានការគាំទ្រពីសំណាក់អតិថិជនក្នុងស្រុក។ ព្រោះតែបែបនេះហើយម្ចាស់អាហារដ្ឋាន ឃុន និងជាអ្នកបង្កើតមាតិកាផងដែរនោះ ក៏ជាវអង្កររបស់រោងម៉ាស៊ីនកិនស្រូវកូនខ្មែរ សម្រាប់ចម្អិនជូនភ្ញៀវពិសា។
Million Times 
អ្នកបង្កើតមាតិកាអាហារ ឃុន គីមហៃ បានពណ៌នាពីអង្ករកូនខ្មែរថា គ្រាប់អង្ករស្រឡូនល្អ ក្រអូប មានឱជារសឈ្ងុយ ឆ្ងាញ់ ទន់ ល្មួត ស័ក្ដិសមគ្រប់មុខម្ហូបទាំងអស់ មិនថាជាប្រភេទសម្លទឹក ឬសម្លឆា ចៀន អាំងឡើយជាប់ចាប់ជាតិគ្នាទាំងអស់។ កាន់តែពិសេស អង្ករចេញពីរោងម៉ាស៊ីនកិនស្រូវកូនខ្មែរ ទោះដាំជាមួយប្រភេទឆ្នាំង ចង្ក្រានអ្វីក៏មិនប្រែប្រួលរសជាតិ និងក្លិនដែរ។
ក្រោមការដឹកនាំរបស់ឧកញ៉ា យុត្ត បញ្ញា អគ្គនាយក និងប្រធានក្រុមប្រឹក្សាភិបាលរោងម៉ាស៊ីនកិនស្រូវកូនខ្មែរ អង្ករដែលចេញពីរោងម៉ាស៊ីនមួយនេះ ទាំងសភាពរូបរាង និងគុណភាពពិតជាល្អ អស្ចារ្យ គ្រប់មជ្ឈដ្ឋានទទួលស្គាល់ដូចៗគ្នា។
មកទល់ពេលនេះ រោងម៉ាស៊ីនកិនស្រូវកូនខ្មែរ កំពុងតែមមាញឹកក្នុងការប្រមូលស្រូវចូលរោងម៉ាស៊ីន ដើម្បីចម្រាញ់ចេញជាគ្រាប់អង្ករពិសេស។ គួរបញ្ជាក់ផងដែរថា រោងម៉ាស៊ីនកិនស្រូវកូនខ្មែរ បានជ្រើសរើសប្រភេទស្រូវខ្មែរ មានប្រភពមកពីខេត្តដែលសម្បូរទៅដោយជីវជាតិ ហើយមានការមើលថែទាំដិតដល់ ព្រមទាំងបច្ចេកទេសស្របតាមស្តង់ដារត្រឹមត្រូវ។
កាលពីពេលខែសីហាកន្លងទៅ រោងម៉ាស៊ីនកិនស្រូវកូនខ្មែរ បានចូលរួមចំណែកប្រមូលទិញស្រូវ សែនក្រអូប និងស្រង៉ែ បានប្រមាណជិត ១២ ០០០ តោន ហើយ១ ចំណែកធំ បាននាំចេញទៅប្រទេសវៀតណាម។ រោងម៉ាស៊ីនកិនស្រូវកូនខ្មែរ បានចូលរួមយ៉ាងសកម្មក្នុងការប្រមូលទិញស្រូវពីប្រជាកសិករនៅខេត្ត បន្ទាយមានជ័យ និង ខេត្តបាត់ដំបង៕
អត្ថបទ៖ ឆដា, រូបភាព៖ Khun Kimhai និង រោងម៉ាស៊ីនកិនស្រូវកូនខ្មែរ