ធុរជនហុងកុងដ៏មានមុខមាត់ លោក Joseph Lau បានកំពុងរៀបចំកម្មវិធីដេញថ្លៃស្រាប្រណីតៗ ដែលលោកខំសន្សំទុកអស់រយៈពេលជាច្រើនឆ្នាំ ហើយទើបសម្រេចចិត្តដាក់លក់ស្រាទាំងនោះ។
Million Times 
ទីភ្នាក់ងារព័ត៌មាន Bloomberg បានចុះផ្សាយថា លោក Lau បានប្រមូលស្រាថ្លៃៗច្រើនជាង ២០០ដប ដែលសុទ្ធតែប្រ៊េនកំពូលៗដូចជា Henri Jayer, Petrus Vintage និង Domain de la Romanee-Conti ជាដើម សុរបតម្លៃប្រហែល ៣៥លានដុល្លារហុងកុង ឬប្រមាណ ៥,៨លានដុល្លារអាមេរិក។
កម្មវិធីដេញថ្លៃស្រារបស់មហាសេដ្ឋីហុងកុងរូបនេះ គ្រោងរៀបចំធ្វើឡើងនៅថ្ងៃព្រហស្បតិ៍ខាងមុខ បន្ទាប់ពីទទួលជោគជ័យក្នុងការដេញថ្លៃស្រាចំនួន ២លើកមុន ដោយសរុបទឹកប្រាក់បានប្រហែល ១៦លានដុល្លារអាមេរិក។
គួរជម្រាបដែរថា លោក Joseph Lau គឺជាធុរជនមានមុខមាត់ក្នុងសង្គមហុងកុង ដោយមានទ្រព្យសម្បត្តិប្រហែល ៥ពាន់លានដុល្លារ ហើយលោកគឺជាម្ចាស់ក្រុមហ៊ុនអចលនទ្រព្យ Chinese Estates Holdings Ltd និងជាអ្នកចូលចិត្តសន្សំវត្ថុមានតម្លៃជាច្រើន ហើយប្រមូលលក់វិញនាពេលក្រោយ៕
អត្ថបទ៖ Luffy រូបភាព៖ Forbes