អនាគតព្រះស្វាមីព្រះអង្គម្ចាស់ក្សត្រី នរោត្តម ពង្សសូរិយា គឺ CEO វ័យក្មេង អ៊ឹង ស៊ីវឈន់ ដែលជាកូនប្រុសទី៣ សេដ្ឋី អ៊ឹង ប៊ុនហ៊ូវ មានឱកាសចូលក្រាបបង្គំគាល់ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ក្នុងព្រះរាជពិធីបុណ្យចម្រើនព្រះជន្ម។
Million Times 
ក្រោយរៀបចំសិរីមង្គលព្រះពិធីចែចូវ ព្រះអង្គម្ចាស់ក្សត្រី នរោត្តម ពង្សសូរិយា រួចមក អគ្គនាយក ក្រុមហ៊ុនដូនពេញ ត្រេឌីង ឯ.ក បាន កាន់តែស្និទ្ធស្នាល និងបានចូលរួមពិធីផ្លូវការរបស់រាជវង្សានុវង្ស។
កន្លងទៅថ្មីៗឱកាសបង្ហាញវត្តមានក្នុងព្រះរាជពិធីបុណ្យចម្រើនព្រះជន្ម ព្រះមហាក្សត្រខ្មែរ គម្រប់ ៧២ ព្រះវស្សា យាងចូល ៧៣ ព្រះវស្សា កូនប្រុសសហស្ថាបនិកក្រុមហ៊ុន អាយអិនជី ហូលឌីង រូបនេះ ទៅលក្ខណៈជាគូនឹងគូដណ្ដឹង គឺបុត្រីសម្ដេចក្រុមព្រះ នរោត្តម ច័ក្រពង្ស់ ព្រមទាំងព្រះរៀមៗនៃព្រះអង្គម្ចាស់ក្សត្រី នរោត្តម ពង្សសូរិយា និងញាតិវង្សានុវង្សជាច្រើនព្រះអង្គទៀត។
គួរបញ្ជាក់នោះមិនមែនជាលើកដំបូងឡើយដែលសេដ្ឋីវ័យក្មេង អ៊ឹង ស៊ីវឈន់ បានជួបនឹងអង្គរាជវង្ស កាលទើបចប់កម្មវិធី proposal ព្រះអង្គម្ចាស់ក្សត្រី នរោត្តម ពង្សសូរិយា ក៏បាននាំអនាគតព្រះស្វាមីទៅចិន និងបានក្រាបបង្គំគាល់សម្ដេចហ្លួងយាយ សម្តេចព្រះមហាក្សត្រី នរោត្តម មុនិនាថ សីហនុ នាព្រះរាជដំណាក់ទីក្រុងប៉េកាំង កាលពីអំឡុងខែមីនា ឆ្នាំ ២០២៥ កន្លងទៅ៕
អត្ថបទ៖ មេរ៉ា, រូបភាព៖ Seav Chhuon Ing