នាវាទេសចរណ៍បរទេស ១ គ្រឿង ឈ្មោះ Riviera បាននាំភ្ញៀវទេសចរបរទេសចម្រុះជាតិសាសន៍ជិត ១ ២០០ នាក់ ស្មើនឹង២៦សញ្ជាតិ បានធ្វើដំណើរតាម មកចូលសុំចតធ្វើទស្សនកិច្ចនៅកម្ពុជារយៈពេលមួយថ្ងៃតាមច្រកកំពង់ផែស្វយ័តក្រុងព្រះសីហនុ ប្រកបដោយសុវត្ថិភាព នាព្រឹកថ្ងៃសុក្រ ទី១៧ ខែមករា ឆ្នាំ២០២៥។
Million Times 
នៅព្រឹកថ្ងៃទី១៧ ខែមករា ឆ្នាំ ២០២៥ នាវាទេសចរណ៍បរទេស ១ គ្រឿងឈ្មោះ Riviera មានសញ្ជាតិ Marshall Island មានបណ្ដោយ ២៣៩.៣០ ម៉ែត្រ ទទឹង ៣២.២០ម៉ែត្រ ជម្រៅទឹក ៧.៤០ម៉ែត្រ បាននាំភ្ញៀវទេសចរបរទេសចម្រុះជាតិសាសន៍ ១ ១៣០ នាក់ ក្នុងនោះស្រី ៥៨៥ នាក់ ស្មើនឹង ២៦ សញ្ជាតិ និងមាននាវិកសរុប ៧៥៦ នាក់ ស្រី ១៦៥ នាក់ ស្មើនឹង ៤៨ សញ្ជាតិ។
នាវាទេសចរណ៍ Riviera បានធ្វើដំណើរចាកចេញពីប្រទេសថៃ ចូលសំចតនៅកំពង់ផែស្វយ័តក្រុងព្រះសីហនុ វេលាម៉ោង ៨៖៤០ នាទី ព្រឹកថ្ងៃ ១៧ ខែមករា ឆ្នាំ ២០២៥ និងមានគម្រោងចាកចេញពីកំពង់ផែស្វយ័តក្រុងព្រះសីហនុ វេលាម៉ោង ២០ ថ្ងៃ១៧ ខែមករា ឆ្នាំ ២០២៥ ឆ្ពោះទៅកាន់កំពង់ផែប្រទេសវៀតណាម។
ក្នុងចំណោមភ្ញៀវទេសចរដែលធ្វើដំណើរតាមនាវា Riviera ដែលមានសញ្ជាតិច្រើនជាងគេគឺអាមេរិក ៧៩២ នាក់ កាណាដា ១៣៨ នាក់ ក្រៅពីនោះមានសញ្ជាតិផ្សេងៗ។ មានភ្ញៀវទេសចរចុះពីនាវាចូលមកក្នុងប្រទេសកម្ពុជា ចេញទៅទស្សនកិច្ចអង្គរ ខេត្តសៀមរាប មាន ៣២ នាក់។ ភ្ញៀវទេសចរបានធ្វើដំណើរកម្សាន្តក្នុងក្រុងនៃខេត្តព្រះសីហនុ ដូចជា តំបន់ភូមិនេសាទទំនប់រលក សង្កាត់លេខ១ ទីប្រជុំជនផ្សារលើ តំបន់ឆ្នេរសមុទ្រ រូបសំណាកតោពីរ តំបន់វប្បធម៌ដូចជា វត្តឥន្ទញ្ញាណ វត្តជោតញ្ញាណ ក្នុងក្រុងព្រះសីហនុ។ តំបន់អភិឌ្ឍន៍ Boy of light រូបសំណាកព្រះថោងនាងនាគ មជ្ឈមណ្ឌលវិបស្សនាធុរៈគិរីនាគវ័ន (វត្តសមាធិ) និងទស្សនកិច្ចសាលាបឋមសិក្សាបិតត្រាំង ឃុំរាម ស្រុកព្រៃនប់ ខេត្តព្រះសីហនុ៕
អត្ថបទ៖ រូបភាព៖ information