តាមដានជាមួយយើង៖ Million Times

តែ​សកម្មភាព​ស្នាដៃ​របស់​កូន​ប្រុស​ស្រី​ក្នុង​ការ​សម្រេច​ការងារ លោកស្រី សុខា តែងតែ​ចែករំលែក និង​គាំទ្រ​គ្រួសារ​ជានិច្ច។ ជាក់ស្ដែង​កាលពី​សប្ដាហ៍​មុន លោកស្រី ហេង សុខា បាន​ចូលរួម​កម្មវិធី​សំខាន់​មួយ​នៅ​ខេត្ត​សៀមរាប ដែល​មាន​ការ​ចូលរួម​ពី​សំណាក់​គ្រួសារ​ជំនួញ​ធំ​ៗ។

នៅ​ពេល​នោះ​លោកស្រី​មិន​ភ្លេច​ឡើយ​នូវ​សម្លៀកបំពាក់​ប្រពៃណី​ខ្មែរ​សំពត់​បត់ និង​អាវ​ច្នៃ​ពី​ផាមួង​ខ្មែរ​ពណ៌ទឹកប៊ិច រួម​ជាមួយ​កូនស្រី​បណ្ដូលចិត្ត អ៊ឹង ស៊ីវឈីនស៊ី ដែល​ទើប​រៀប​ការ​ហើយ​ថ្មី​ៗ។ ទាំង​ម្ដាយ និង​កូន​ស្រី​សុទ្ធតែ​បាន​គ្រង​ឈុត​ពណ៌​ទឹក​ប៉ិច​ដូច​គ្នា ខុស​តែ​ម៉ូដ​កាបូប និង​ស្បែក​ជើង​កែង​តែ​ប៉ុណ្ណោះ។

ក្នុង​នោះ​លោកស្រី​បាន​ប្រើប្រាស់​Chanel Blue Python Small Trendy CC Dual Handle Flap Gold Hardware តម្លៃ ៦២ ០០០ ដុល្លារ ព្រម​ទាំង​ស្បែក​ជើង​ប្រេន Tory Burch ពណ៌​ដូច​សម្លៀកបំពាក់​ទាំង​ឈុត​តែម្ដង។

លោកស្រី​តែង​ត្រូវ​បាន​គេ​សម្គាល់​ពី​ឫកពា​ទន់ភ្លន់ និង​រៀបចំ​ខ្លួន​បាន​សមសួន​ត្រូវ​នឹង​ឋាន​របស់​ក្រុម​គ្រួសារ ពិសេស​ជា​ម្ដាយ​គំរូ​នៃ​កូន​ប្រុស​ស្រី ៥ នាក់៕

អត្ថបទ៖ឆដា, រូបភាព /fancytailor

second...

x

The post ភរិយា​សេដ្ឋី អ៊ឹង ប៊ុនហ៊ូវ លោកស្រី ហេង សុខា យូរៗបង្ហាញវត្តមានចូលរួមកម្មវិធីម្ដងជាមួយឫកពាសមសួន appeared first on Millions times.

តាមដានជាមួយយើង៖ Million Times

សប្បុរជន តារារិទ្ធិ បាន​ជិះកង់​ទៅកាន់​ទ្វីប​អឺរ៉ុប អាហ្វ្រិក អាស៊ី​កណ្ដាល ដោយ​ឆ្លងកាត់ ៤០ ប្រទេស​មាន​ចម្ងាយ​ប្រមាណ ៥៧ ០០០ គីឡូម៉ែត្រ រៃ​អង្គាស​ថវិកា​បាន​ជាង ២១ ម៉ឺន​ដុល្លារ​ ជួយ​ដល់​មន្ទីរ​ពេទ្យ​គន្ធ​បុប្ផា និង​មន្ទីរ​ពេទ្យ​កុមារ​អង្គរ ហើយ​ខ្វះ​ប្រមាណ ៣ ម៉ឺន​ដុល្លារ ហើយ​ក្រុមហ៊ុន ជីប ម៉ុង គ្រុប​បាន​ប្រកាស​ឧបត្ថម្ភ ៣៥ ០០០ ដុល្លារ​ដើម្បី​បង្គ្រប់។

នៅ​ក្នុង​ដំណើរ​ឆ្ពោះ​ទៅ​កាន់​ខេត្ត​សៀមរាប​កាលពី​ម្សិលមិញ​នេះ លោក ទីវ តារារិទ្ធិ បាន​ទទួល​បាន​ការ​ជូន​ដំណើរ​ជាច្រើន​ពី​សំណាក់​អ្នក​គាំទ្រ ពិសេស​គឺ​អ្នក​តំណាង ជីប ម៉ុង គ្រុប គឺ​កញ្ញា អ៊ឹង វត្តី ដែល​កំពុង​កាន់កាប់​ការងារ​នៅ​ក្នុង Khmer Beverages។

គួរ​បញ្ជាក់​ថា កាលពី​សប្ដាហ៍​មុន លោក ទីវ តារារិទ្ធិ បាន​ជួប​ជា​មួយ CEO បន្តវេន អ៊ឹង វីរៈ ដើម្បី​បង្ហាញ​ពី​ការ​ធ្វើ​ដំណើរ​របស់​លោក រាប់​ម៉ឺន​គីឡូ​ម៉ែត្រ​នៅ​ទ្វីប​អឺរ៉ុប អាហ្វ្រិក និង​អាស៊ី​កណ្ដាល ដោយ​ជួប​បញ្ហា​ច្រើន​រាប់​មិន​អស់៕

អត្ថបទ៖ ឆដា, រូបភាព៖ WURKZ

second...

x

The post កូនចៅនៃសម្ព័ន្ធ ជីប ម៉ុង ជូនដំណើរអ្នកជិះកង់ដើម្បីកុមារកម្ពុជា ទីវ តារារិទ្ធិ ឆ្ពោះទៅកាន់ខេត្តសៀមរាប appeared first on Millions times.

អត្ថបទ៖ ប៊ី

តាមដានជាមួយយើង៖ Million Times

second...

x

The post គិតត្រឹម ៥ ខែដើមឆ្នាំ ២០២៦ នេះ ចំនួនសហគ្រាស ក្រុមហ៊ុន រោងចក្រកើនឡើងចំនួន ៦៥០ស​ហគ្រា​ស appeared first on Millions times.

ក្នុងកិច្ចខិតខំប្រឹងប្រែងរុញច្រាន និងលើកកម្ពស់កេរ្តិ៍ឈ្មោះអង្ករខ្មែរនៅលើទីផ្សារអន្តរជាតិ ឯកឧត្តម បាន លីម អគ្គនាយករងនៃធនាគារអភិវឌ្ឍន៍ជនបទ និងកសិកម្ម (ARDB) និងជាតំណាងដ៏ខ្ពង់ខ្ពស់របស់ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយក ARDB បានអញ្ជើញចូលរួមក្នុងកម្មវិធីពិព័រណ៍ម្ហូបអាហារដ៏ធំប្រចាំឆ្នាំ “Fancy Food Show” នៅទីក្រុង New York សហរដ្ឋអាមេរិក ដោយសហការយ៉ាងជិតស្និទ្ធជាមួយសហព័ន្ធស្រូវអង្ករកម្ពុជា (CRF) ។

ព្រឹត្តិការណ៍នេះ គឺជាការបើកទំព័រថ្មីមួយទៀតសម្រាប់វិស័យ ស្រូវអង្ករ កម្ពុជា ក្នុងការបង្ហាញពីសក្តានុពល គុណភាព និងស្តង់ដារខ្ពស់នៃអង្ករខ្មែរទៅកាន់ពិភពលោក តាមរយៈកិច្ចសហការរវាងស្ថាប័នគន្លឹះទាំងពីរ៖

• ធនាគារ ARDB ៖ ក្រោមការដឹកនាំរបស់ ឯកឧត្តមបណ្ឌិត កៅ ថាច បានបង្ហាញពីការប្តេជ្ញាចិត្តយ៉ាងមុតមាំក្នុងការគាំទ្រផ្នែកហិរញ្ញប្បទានដល់ខ្សែច្រវាក់តម្លៃកសិកម្ម ជួយជំរុញសមត្ថភាពផលិតកម្ម និងការកែច្នៃអង្ករកម្ពុជាឱ្យស្របតាមស្តង់ដារតម្រូវការខ្ពស់របស់ទីផ្សារអាមេរិក និងអឺរ៉ុប។

• សហព័ន្ធស្រូវអង្ករកម្ពុជា CRF ៖ ក្រោម ការដឹកនាំ របស់ ឧកញ៉ា ឡាយ ឈុនហួរ បានដើរតួជាស្ពានចម្លងដ៏សំខាន់ក្នុងការសម្របសម្រួល និងបើកច្រកទីផ្សារថ្មីៗ ដោយនាំយកក្រុមហ៊ុននាំចេញលំដាប់កំពូលៗរបស់កម្ពុជា ទៅជួបពិភាក្សា និងចងសម្ព័ន្ធភាពពាណិជ្ជកម្មផ្ទាល់ជាមួយអ្នកបញ្ជាទិញ (Buyers) ធំៗនៅលើពិភពលោក។

នៅក្នុងព្រឹត្តិការណ៍ Fancy Food Show នេះ ក្រុមហ៊ុននាំចេញអង្ករ និងសហគ្រាសឈានមុខគេរបស់កម្ពុជាចំនួន ៩ បានរួមគ្នាយ៉ាងសកម្មក្នុងការដាក់តាំងបង្ហាញផលិតផលអង្ករប្រណីតៗ របស់កម្ពុជា ដើម្បីបង្ហាញពីភាពសម្បូរបែប និងស្តង់ដារខ្ពស់នៃអង្ករខ្មែរ៖ 1-Daily Fresh FOODs ( Cambodia) Co.,LTD 2-City Rice Import Export Co., Ltd. 3- LOR EAK HENG Sek Meas Rice CO.,LTD 4-Primalis Corporation Ltd. 5-Khmer Food Group CO.,LTD  6-Golden Rice (Cambodia) Co., Ltd. 7-Golden Star Rice Mill and Import Ecport Co., Ltd. 8-Indochina Rice Mill Limited និង9- Signature Rice CO.,LTD។

ការចូលរួមយ៉ាងកុះករពីសំណាក់ក្រុមហ៊ុនទាំងនេះ មិនត្រឹមតែជាឱកាសក្នុងការស្វែងរកដៃគូពាណិជ្ជកម្មថ្មីៗប៉ុណ្ណោះទេ ប៉ុន្តែថែមទាំងឆ្លុះបញ្ចាំងពីសង្វាក់ផលិតកម្មប្រកបដោយនិរន្តរភាព (Sustainability) និងទំនួលខុសត្រូវខ្ពស់ ដែលឆ្លើយតបទៅនឹងនិន្នាការ និងតម្រូវការប្រើប្រាស់របស់ទីផ្សារសហរដ្ឋអាមេរិកយ៉ាងពិតប្រាកដ។

កម្មវិធីពិព័រណ៍ Fancy Food Show នៅទីក្រុង New York នេះ ត្រូវបានរំពឹងថានឹងជួយបង្កើនទំហំនាំចេញអង្ករកម្ពុជាទៅកាន់ទីផ្សារអាមេរិកបន្ថែមទៀត ព្រមទាំងពង្រឹងទំនុកចិត្តលើម៉ាកយីហោ (Brand) អង្ករជាតិ។ ARDB និង CRF នឹងបន្តចាប់ដៃគ្នាផ្ដល់ទាំងកម្លាំងទុន និងកម្លាំងយុទ្ធសាស្ត្រ ដើម្បីធ្វើឱ្យកសិផលខ្មែរ ក្លាយជាជម្រើសឈានមុខគេនៅលើតុអាហាររបស់ប្រជាជនទូទាំងសកលលោក៕

អត្ថបទ៖ ប៊ី

តាមដានជាមួយយើង៖ Million Times

second...

x

The post ARDB និង CRF សហការគ្នា លើកកម្ពស់កេរ្តិ៍ឈ្មោះ អង្ករខ្មែរ លើឆាកអន្តរជាតិនៅទីក្រុង New York appeared first on Millions times.

ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានលើកឡើងដូច្នេះនៅថ្ងៃទី២៧ ខែមិថុនា ឆ្នាំ២០២៦ នាឱកាសរាជរដ្ឋាភិបាលកម្ពុជាបានប្រារព្ធទិវាជាតិសហគ្រាសធុនមីក្រូ តូច និងមធ្យម លើកទី៣ ក្រោមប្រធានបទ «សាងស្ពានសម្រាប់សហគ្រាសធុនមីក្រូ តូច និងមធ្យមឆ្ពោះទៅកាន់ទីផ្សារ»។ 

ទិវាជាតិលើកទី ៣ នេះ បានបង្ហាញកិច្ចខិតខំពង្រឹងសហគ្រាសធុនមីក្រូ តូច និងមធ្យម ឱ្យក្លាយជាសសរស្តម្ភដ៏សំខាន់នៃកំណើនសេដ្ឋកិច្ច ការបង្កើតការងារ និងការពង្រឹងភាពប្រកួតប្រជែងរបស់ជាតិ។ ទិវាជាតិលើកទី ៣ នេះ ក៏បានប្រមូលផ្តុំតំណាងក្រសួង-ស្ថាប័ន សមាគមធុរកិច្ច គ្រឹះស្ថានហិរញ្ញវត្ថុ ដៃគូអភិវឌ្ឍន៍ និងសហគ្រាសធុនមីក្រូ តូច និងមធ្យមទូទាំងប្រទេស ដើម្បីពិភាក្សាមធ្យោបាយពង្រីកឱកាសទីផ្សារ និងលើកកម្ពស់ភាពប្រកួតប្រជែងរបស់សហគ្រាសក្នុងស្រុក។

នាឱកាសនេះដែរ ឯកឧត្តម ហែម វណ្ណឌី បានសង្កត់ធ្ងន់លើតួនាទីកាន់តែសំខាន់របស់សហគ្រាសធុនមីក្រូ តូច និងមធ្យម ក្នុងដំណាក់កាលថ្មីនៃការអភិវឌ្ឍឆ្ពោះទៅសម្រេចចក្ខុវិស័យរយៈពេលវែងរបស់កម្ពុជា។

យោងតាមជំរឿនសេដ្ឋកិច្ចកម្ពុជា ឆ្នាំ២០២២ កម្ពុជាមានអង្គភាពសេដ្ឋកិច្ចចំនួន ៧៥៣.៦៧០ មូលដ្ឋាន ក្នុងនោះសហគ្រាសធុនតូច និងមធ្យមមានចំនួនជាង ៦០.៥០០ មូលដ្ឋាន។ វិស័យនេះផ្តល់ការងារដល់ប្រជាពលរដ្ឋជិត ៣លាននាក់ រួមចំណែកប្រមាណ ៦៣% នៃផលិតផលក្នុងស្រុកសរុប និងផ្តល់ការងារជាង ៧០% នៃការងារក្រៅវិស័យកសិកម្ម ដែលបង្ហាញពីតួនាទីដ៏សំខាន់របស់ MSMEs ក្នុងសេដ្ឋកិច្ចជាតិ។

ឯកឧត្តម ហែម វណ្ណឌី បានគូសបញ្ជាក់ថា ការជួយគាំទ្រ MSMEs ឱ្យចូលទៅកាន់ទីផ្សារ មិនមែនសំដៅត្រឹមការបង្កើនផលិតកម្មប៉ុណ្ណោះទេ ប៉ុន្តែត្រូវពង្រឹងគុណភាព ផលិតភាព និងអនុលោមភាព ដោយចាប់យកបច្ចេកវិទ្យា និងនវានុវត្តន៍ ដើម្បីកសាងទំនុកចិត្តពីអ្នកប្រើប្រាស់ និងដៃគូអាជីវកម្ម។

ឯកឧត្តមរដ្ឋមន្ត្រីបានបន្ថែមថា៖ “ការផលិតបានមិនទាន់មានន័យថាអាចលក់បានទេ។ ការមានផលិត​ផលល្អ ក៏មិនទាន់មានន័យថាអាចប្រកួតប្រជែងឈ្នះគេដែរ។ ដើម្បីចូលទៅកាន់ទីផ្សារក្នុងស្រុក តំបន់ និងសកល សហគ្រាសត្រូវបំពេញស្តង់ដារ ធានាគុណភាព បង្កើនផលិតភាព និងកសាងភាពជឿទុកចិត្តនៅក្នុងខ្សែច្រវាក់ផ្គត់ផ្គង់។”

ប្រធានបទសម្រាប់ឆ្នាំនេះឆ្លុះបញ្ចាំងពីការយកចិត្តទុកដាក់កាន់តែខ្លាំងរបស់រាជរដ្ឋាភិបាលកម្ពុជា ក្នុងការជំរុញការភ្ជាប់សហគ្រាសទៅកាន់ទីផ្សារ សំដៅពង្រឹងសមត្ថភាពផលិតក្នុងស្រុក កាត់បន្ថយការពឹងផ្អែកលើទំនិញនាំចូល និងពង្រីកការនាំចេញ។

រាជរដ្ឋាភិបាលកម្ពុជាបានដាក់ចេញនូវយន្តការគាំទ្រជាច្រើន ដើម្បីពង្រឹងប្រព័ន្ធអេកូឡូស៊ីសហគ្រាសធុនមីក្រូ តូច និងមធ្យម រួមមានការពង្រីកលទ្ធភាពទទួលបានហិរញ្ញប្បទាន ការអភិវឌ្ឍសហគ្រិនភាព ការបណ្តុះបណ្តាលជំនាញ កម្មវិធីបរិវត្តកម្មឌីជីថល និងសេវាគាំទ្រការអភិវឌ្ឍអាជីវកម្មជាដើម។

ជាក់ស្តែងគិតត្រឹមដំណាច់ឆ្នាំ២០២៥ ធនាគារសហគ្រាសធុនតូច និងមធ្យម (SME Bank) បានផ្តល់ឥណទានគោលនយោបាយជិត ៥០០ លានដុល្លារអាមេរិក ដល់សហគ្រាសជាង ៣.៤០០ មូលដ្ឋាន, សាជីវកម្មធានាឥណទានកម្ពុជា (CGCC) បានគាំទ្រអាជីវកម្មជាង ៣.១០០ មូលដ្ឋាន តាមរយៈយន្តការធានាឥណទាន ទន្ទឹមនោះ សហគ្រិនខ្មែរ (KE) បានគាំទ្រគម្រោងសហគ្រិនភាព ៥១៦ គម្រោង និងបានកៀរគរហិរញ្ញប្បទាន និងវិនិយោគប្រមាណ ៤៧ លានដុល្លារអាមេរិក។

រាជរដ្ឋាភិបាល តាមរយៈក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក៏បានបន្តពង្រឹងហេដ្ឋារចនាសម្ព័ន្ធគុណភាពជាតិ រួមទាំងការងារស្តង់ដារូបនីយកម្ម និងការពង្រឹងសមត្ថភាពមន្ទីរពិសោធន៍ ដើម្បីគាំទ្រសហគ្រាសក្នុងស្រុកលើកកម្ពស់គុណភាពផលិតផល និងឆ្លើយតបទៅនឹងតម្រូវការទីផ្សារ។

ទិវាជាតិសហគ្រាសធុនមីក្រូ តូច និងមធ្យម ត្រូវបានកំណត់ដោយអនុក្រឹត្យរាជរដ្ឋាភិបាលកាលពីឆ្នាំ២០២៤ និងត្រូវបានប្រារព្ធជារៀងរាល់ឆ្នាំនៅថ្ងៃទី២៧ ខែមិថុនា ដើម្បីទទួលស្គាល់ការរួមចំណែកដ៏សំខាន់របស់ MSMEs ក្នុងការអភិវឌ្ឍសង្គម-សេដ្ឋកិច្ច និងការលើកកម្ពស់វិស័យធុរកិច្ចឱ្យកាន់តែមានភាពធន់ បរិយាបន្ន នវានុវត្តន៍ និងភាពប្រកួតប្រជែងខ្ពស់៕

អត្ថបទ៖ ប៊ី

តាមដានជាមួយយើង៖ Million Times

second...

x

The post ឯកឧត្តម ហែម វណ្ណឌី៖ ការពង្រឹងសមត្ថភាពនិងភាពប្រកួតប្រជែងរបស់ MSMEs មិនមែនជាជម្រើសទេ ប៉ុន្តែជាតម្រូវការចាំបាច់ appeared first on Millions times.

យោងតាមសេចក្តីប្រកាសព័ត៌មានរបស់ធនាគារពិភពលោកនៅថ្ងៃទី២៧ ខែមិថនា ឆ្នាំ២០២៦ បានឱ្យដឹងថា គម្រោងនេះនឹងជួយកម្ពុជាក្នុង​ការ​ធ្វើ​អន្តរកាលឆ្ពោះទៅសេដ្ឋកិច្ចបៃតង តាមរយៈការគាំទ្រ​ហិរញ្ញប្បទានជាឥណទាន​ចំនួន ១១០ លានដុល្លារអាម៉េរិក ពីសមាគមអភិវឌ្ឍន៍អន្តរជាតិរបស់ធនាគារពិភពលោក រួមជាមួយជំនួយឥតសំណង ៥ លានដុល្លារអាម៉េរិក ពីកម្មវិធីជំនួយគ្រប់គ្រងវិស័យ​ថាមពល (ESMAP)។

ការវិនិយោគនេះ នឹង​ផ្តល់​​​​អត្ថប្រយោជន៍ដល់អ្នកប្រើប្រាស់អគ្គិសនី, ស្ថាប័នសាធារណៈ, សហគ្រាសឧស្សាហកម្ម, អ្នកអភិវឌ្ឍន៍ថាមពលកកើតឡើងវិញ, អ្នកផ្តល់សេវាកម្ម, និងអ្នកផ្គត់ផ្គង់ឧបករណ៍ប្រសិទ្ធភាពថាមពល ដោយបង្កើតការងារកាន់តែច្រើន និងប្រសើរជាងមុននៅក្នុងវិស័យនេះ។

លោកស្រី Tania Meyer ប្រធាន​គ្រប់គ្រងប្រចាំប្រទេសរបស់ធនាគារពិភពលោក មានប្រសាសន៍ថា៖ «កម្ពុជា​ទទួលបានការតភ្ជាប់បណ្តាញប្រើប្រាស់អគ្គីសនីគួរឲ្យកត់សម្គាល់។ ដោយការពង្រឹងបណ្តាញអគ្គិសនី និងជួយឲ្យអាជីវកម្មប្រើប្រាស់ថាមពលឲ្យមានប្រសិទ្ធភាពប្រសើរឡើង គម្រោងនេះនឹងជួយគាំទ្រការប្រែប្រួលទៅរកថាមពលស្អាត ដែលនឹងជួយការពារសេដ្ឋកិច្ចពីភាពប្រែប្រួលតម្លៃថាមពលនៅលើពិភពលោក ជំរុញឱ្យកំណើន បង្កើនសមត្ថភាពប្រកួតប្រជែង និងបង្កើតការងារដែលមានគុណភាព។

តម្រូវការអគ្គិសនីរបស់ប្រទេសកម្ពុជាបានកើនឡើងយ៉ាងឆាប់រហ័ស ដោយសារតែឧស្សាហូបនីយកម្ម នគរូបនីយកម្ម និងស្តង់ដាជីវភាពកើនឡើង។ បច្ចុប្បន្ន លទ្ធភាពទទួលបានអគ្គិសនីបានគ្រប​ដណ្តប់​ស្ទើរពេញផ្ទៃ​ប្រទេសហើយ​​ ប៉ុន្តែ​បញ្ហាប្រឈមថាមពលបន្ទាប់របស់កម្ពុជា គឺការធ្វើឱ្យបណ្តាញថាមពលកាន់តែអាចទុកចិត្តបាន មានតម្លៃសមរម្យ ធន់ និងកាន់តែស្អាត។ គម្រោងនេះគឺជាដំណាក់កាលទី ៧ នៃ អភិក្រម​កម្មវិធីពហុដំណាក់កាលបង្កើនល្បឿនអន្តរកាលថាមពលប្រកបដោយនិរន្តរភាព (MPA) នៅក្នុងតំបន់អាស៊ីបូព៌ា និងប៉ាស៊ីហ្វិក។

ឯកឧត្តម កែវ រតនៈ រដ្ឋមន្ត្រីក្រសួង​រ៉ែ និង​ថាមពល មានប្រសាសន៍ថា៖ «ឈរលើគោលការណ៍ ថាមពល​ស្អាត, មានតម្លៃសមរម្យ, អាចទុកចិត្តបាន និង​សមធម៌ (CARE) កម្ពុជា​មាន​ការ​ប្តេជ្ញាចិត្ត​ក្នុង​ការ​ធ្វើ​អន្តរកាល​ថាមពល​ដែល​មាន​ភាពត្រឹមត្រូវ ដែល​ជួយ​ដល់​ប្រជាជន, អាជីវកម្ម និង​ការអភិវឌ្ឍជាតិ​យូរអង្វែង។» 

អត្ថបទ៖ ប៊ី

តាមដានជាមួយយើង៖ Million Times

second...

x

The post World Bank សម្រេចអនុម័តឥណទាន​ចំនួន ១១០ លានដុល្លារ សម្រាប់គម្រោងអន្តរកាលថាមពលប្រកបដោយនិរន្តភាពនៅកម្ពុជា appeared first on Millions times.

ភាពជាដៃគូយុទ្ធសាស្ត្រ ដែលត្រូវបានធ្វើឡើងនៅថ្ងៃទី២៦ ខែមិថុនា ឆ្នាំ២០២៦នេះ គឺជាគំនិតផ្តួចផ្តើមដែលរៀបចំឡើង ដើម្បីឆ្លើយតបទៅនឹងភាពងាយរងគ្រោះរបស់កម្ពុជាចំពោះការប្រែប្រួលអាកាសធាតុ និងការសឹករេចរិលបរិស្ថាន និងស្របតាមការប្តេជ្ញាចិត្តរបស់រាជរដ្ឋាភិបាលកម្ពុជា ចំពោះការអភិវឌ្ឍសេដ្ឋកិច្ច-សង្គមប្រកបដោយចីរភាព បរិយាបន្ន និងមានភាពធន់​នឹងអាកាសធាតុ។

កិច្ចព្រមព្រៀងនេះត្រូវបានចុះហត្ថលេខានៅរាជធានីភ្នំពេញដោយលោក សុខ វឿន ប្រធានក្រុមប្រឹក្សា        ភិបាលសមាគមមីក្រូហិរញ្ញវត្ថុកម្ពុជា និងឯកឧត្តម ចាន់ សីហា អគ្គនាយករងនៃធនាគារអភិវឌ្ឍន៍ជនបទ និងកសិកម្ម តំណាងដ៏ខ្ពង់ខ្ពស់របស់ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម។ ពិធីចុះហត្ថលេខានេះត្រូវបានធ្វើឡើងក្រោមវត្តមានក្រុមប្រឹក្សាភិបាល សមាគម          មីក្រូហិរញ្ញវត្ថុកម្ពុជា គ្រឹះស្ថានជាសមាជិករបស់សមាគម ថ្នាក់ដឹកនាំនៃធនាគារអភិវឌ្ឍន៍ជនបទ និងកសិកម្ម តំណាងធនាគារជាតិនៃកម្ពុជា ក្រសួងពាក់ព័ន្ធ ដៃគូអភិវឌ្ឍន៍ និងភ្ញៀវកិត្តិយសផ្សេងទៀត។

ក្រោមអនុស្សរណៈនៃការយោគយល់គ្នានេះ សមាគមមីក្រូហិរញ្ញវត្ថុកម្ពុជា និងធនាគារ ARDB នឹងសហការគ្នាលើគំនិតផ្តួចផ្តើមសំខាន់ៗមួយចំនួន ដើម្បីគាំទ្រដល់ការផ្លាស់ប្តូរឆ្ពោះទៅរកការអភិវឌ្ឍសេដ្ឋកិច្ចបៃតងរបស់កម្ពុជា និងពង្រឹងភាពធន់នឹងការប្រែប្រួលអាកាសធាតុ។ គំនិតផ្តួចផ្តើមទាំងនេះរួមមាន៖

លើកកម្ពស់ហិរញ្ញប្បទានបៃតង និងសេវាហិរញ្ញវត្ថុពាក់ព័ន្ធនឹងការប្រែប្រួលអាកាសធាតុនៅតាមគ្រឹះស្ថានហិរញ្ញវត្ថុ។

សម្របសម្រួលលទ្ធភាពទទួលបានហិរញ្ញប្បទានបៃតងដែលមានលក្ខខណ្ឌអនុគ្រោះសម្រាប់គ្រឹះស្ថានហិរញ្ញវត្ថុជាសមាជិកនៃសមាគមមីក្រូហិរញ្ញវត្ថុកម្ពុជា ដែលមានលក្ខណៈសម្បត្តិគ្រប់គ្រាន់។

រៀបចំសិក្ខាសាលាបណ្តុះបណ្តាលរួមគ្នា ដើម្បីពង្រឹងការយល់ដឹងរបស់គ្រឹះស្ថានហិរញ្ញវត្ថុជាសមាជិកនៃសមាគមមីក្រូហិរញ្ញវត្ថុកម្ពុជាអំពីស្តង់ដារបរិស្ថាន សង្គម និងអភិបាលកិច្ច (ESG) ការគ្រប់គ្រង    ហានិភ័យអាកាសធាតុ និងកាលានុវត្តក្នុងការអនុវត្តហិរញ្ញវត្ថុបៃតង។

គាំទ្រដល់សហគ្រាសធុនមីក្រូ តូច និងមធ្យម សហគមន៍កសិកម្ម និងកសិករខ្នាតតូច ក្នុងការអនុវត្តបច្ចេកទេសកសិកម្មឆ្លាតវៃដែលធន់នឹងការប្រែប្រួលអាកាសធាតុ និងដំណោះស្រាយពាក់ព័ន្ធនឹងថាមពលកកើតឡើងវិញ។

រួមចំណែកដល់យុទ្ធសាស្រ្តជាតិស្តីពីអាកាសធាតុ និងការអភិវឌ្ឍបៃតងរបស់កម្ពុជា និង

លើកកម្ពស់ការផ្លាស់ប្តូរព័ត៌មាន និងចែករំលែកបទពិសោធពាក់ព័ន្ធនឹងហិរញ្ញវត្ថុបៃតង និងការប្រែប្រួលអាកាសធាតុ។

ក្រោមអនុស្សរណៈនៃការយោគយល់នេះ សមាគមមីក្រូហិរញ្ញវត្ថុកម្ពុជានឹងដើរតួនាទីជាអ្នកសម្របសម្រួលក្នុងការកៀរគរឱ្យមានការចូលរួមពីគ្រឹះស្ថានហិរញ្ញវត្ថុជាសមាជិករបស់ខ្លួន ព្រមទាំងសម្របសម្រួលការប្រមូលទិន្នន័យ និងការរាយការណ៍នៅកម្រិតវិស័យ និងរៀបចំសកម្មភាពកសាងសមត្ថភាព ដើម្បីពង្រឹងការយល់ដឹងរបស់ភាគីពាក់ព័ន្ធអំពីហិរញ្ញវត្ថុបៃតង។ សមាគម ក៏នឹងគាំទ្រឱ្យមានការផ្សព្វផ្សាយគោលការណ៍ណែនាំ និងស្តង់ដារ  ហិរញ្ញប្បទានបៃតង ព្រមទាំងជួយសម្របសម្រួលផ្សព្វផ្សាយអំពីយន្តការហិរញ្ញប្បទានពាក់ព័ន្ធនានារបស់ធនាគារ ARDB ដល់
ភាគីពាក់ព័ន្ធដែលមានលក្ខណៈសម្បត្តិគ្រប់គ្រាន់ រួមទាំងសមាគមបណ្តាញកសិករតេជោផងដែរ។

លោក សុខ វឿន ប្រធានក្រុមប្រឹក្សាភិបាលនៃសមាគមមីក្រូហិរញ្ញវត្ថុកម្ពុជា បានមានប្រសាសន៍ថា៖«អនុស្សរណៈនៃការយោគយល់គ្នានេះគឺជារបត់ដ៏សំខាន់មួយសម្រាប់វិស័យហិរញ្ញវត្ថុនៅកម្ពុជា។ តាមរយៈការបន្ស៊ីកិច្ចខិតខំប្រឹងប្រែងរបស់យើងទៅនឹងអាទិភាពអាកាសធាតុថ្នាក់ជាតិ យើងបាន និងកំពុងពង្រឹងសមត្ថភាពគ្រឹះស្ថានហិរញ្ញវត្ថុជាសមាជិករបស់យើងពាក់ព័ន្ធនឹង ESG និងក្នុងការគ្រប់គ្រងហានិភ័យអាកាសធាតុ ព្រមទាំងជួយត្រួសត្រាយផ្លូវហិរញ្ញប្បទានបៃតងដែលកំពុងត្រូវការជាចាំបាច់ ទៅកាន់សហគ្រាសធុនមីក្រូ តូច និងធម្យម និងគម្រោងនានាដែលមានចីរភាព ដែលគាំទ្រដល់ការលូតលាស់សេដ្ឋកិច្ចបៃតង និងភាពធន់របស់កម្ពុជា»។

ធនាគារ ARDB នឹងចូលរួមគាំទ្រក្នុងការផ្តល់លទ្ធភាពទទួលបានហិរញ្ញប្បទានបៃតង និងការគាំទ្រផ្សេងទៀត ព្រមទាំងការចែករំលែកផ្នែកបច្ចេកទេសលើវិស័យបៃតង។ ធនាគារ ARDB ក៏នឹងជួយក្នុងការផ្តល់ហិរញ្ញប្បទានបៃតងដល់សហគ្រាសធុនមីក្រូ តូច និងមធ្យម, កសិឧស្សាហកម្ម សហគមន៍កសិកម្ម និងប្រជាកសិករ ព្រមទាំងចូលរួមគាំទ្រដល់យន្តការចែករំលែកហានិភ័យ ការតាមដាន និងការវាយតម្លៃផងដែរ។

ឯកឧត្តម ចាន់ សីហា អគ្គនាយករងធនាគារ ARDB បានមានប្រសាសន៍ថា៖ «វិស័យកសិកម្ម និង
កសិឧស្សាហកម្មរបស់កម្ពុជា តម្រូវឱ្យមានយន្តការហិរញ្ញប្បទានដ៏រឹងមាំ និងមានចីរភាព ដើម្បីកសាងភាពធន់នឹងការប្រែប្រួលអាកាសធាតុ ហើយធនាគារ ARDB នឹងបន្តគាំទ្រការផ្តល់ហិរញ្ញប្បទានបៃតងប្រកបដោយប្រសិទ្ធភាព និងចីរភាព។ តាមរយៈកិច្ចសហប្រតិបត្តិការជាមួយសមាគមមីក្រូហិរញ្ញវត្ថុកម្ពុជានេះ យើងមានគោលបំណងកៀរគរឥណទានបៃតង បំពេញគម្លាតផ្នែកហិរញ្ញប្បទាន និងគាំទ្រកសិករ និងសហគ្រាសជនបទក្នុងការផ្លាស់ប្តូរឆ្ពោះទៅរកការអនុវត្តដែលមានចីរភាពបរិស្ថានជាងមុន»។

តាមរយៈភាពជាដៃគូនេះ ស្ថាប័នទាំងពីរក៏បានប្តេជ្ញាចិត្តក្នុងការផ្លាស់ប្តូរចំណេះដឹង ទិន្នន័យ និងបទពិសោធន៍ប្រតិបត្តិការពាក់ព័ន្ធនឹងហិរញ្ញវត្ថុបៃតង និងភាពធន់នឹងអាកាសធាតុ ព្រមទាំងគោរពសិទ្ធិស្ថាប័ន រក្សាការសម្ងាត់ និងគោលការណ៍ផ្សព្វផ្សាយម៉ាកយីហោរបស់គ្នាទៅវិញទៅមក៕

អត្ថបទ៖ ប៊ី

តាមដានជាមួយយើង៖ Million Times

second...

x

The post CMA និង ARDB សហការគ្នាលើកកម្ពស់ហិរញ្ញប្បទានបៃតងនៅកម្ពុជា appeared first on Millions times.

គម្រោងទាំងនេះ រួមមាន ៖ ២ គម្រោង នៅខេត្តរតនគិរី, ២ គម្រោង នៅខេត្តមណ្ឌលគិរី, ១ គម្រោង នៅខេត្តស្ទឹងត្រែង និង ១ គម្រោង នៅខេត្តក្រចេះ ដែលមានសកម្មភាពចម្រុះ មានជាអាទិ៍ គម្រោងវិនិយោគរោងចក្រផលិតម្សៅដំឡូងមីស្រស់, រោងចក្រកែច្នៃគ្រាប់ស្វាយចន្ទី, គម្រោងដាំដុះដំណាំកៅស៊ូ និង រោងចក្រកែច្នៃជ័រកៅស៊ូ, គម្រោងទេសចរណ៍ធម្មជាតិ, និង គម្រោងដំាដុះ និង រោងចក្រកែច្នៃកាហ្វេ។

ថ្លែងក្នុងកិច្ចប្រជុំនេះ, ឯកឧត្តមបណ្ឌិតសភាចារ្យ បានគូសបញ្ជាក់ថា ក្រុមការងារជំរុញការវិនិយោគក្នុងភូមិភាគឦសាន នឹងនៅបន្តគាំទ្រ សម្របសម្រួល និង ស្វែងរកដំណោះស្រាយ ពាក់ព័ន្ធនឹងការអនុវត្តគម្រោងវិនិយោគជាប្រចាំ ហើយវិនិយោគិនឯកជន ដែលទទួលបានគោលការណ៍វិនិយោគ ត្រូវផ្តោតការយកចិត្តទុកដាក់ក្នុងការអនុវត្តគម្រោងជាក់ស្តែង តាមផែនការដែលបានស្នើសុំ, ជាពិសេស ត្រូវសង្កត់ធ្ងន់លើការបង្កើតការងារ, ការផ្ទេរជំនាញ, ការខិតខំកែច្នៃ និង ការប្រើប្រាស់បច្ចេកទេសថ្មីៗ ក្នុងខ្សែច្រវាក់ផលិតកម្ម, និង ត្រូវជំរុញបរិវត្តកម្ម ពីការផ្តោតតែលើការផលិត ឈានទៅរកការកែច្នៃ ដែលមានតម្លៃបន្ថែមកាន់តែប្រសើរ។

ឯកឧត្តមបណ្ឌិតសភាចារ្យ មានសុទិដ្ឋិនិយមថា ជាមួយនឹងការធ្លាក់ចុះជាបណ្តើរៗនៃតម្លៃប្រេង ដែលជាផ្នែកចម្បងនៃថ្លៃផលិតកម្មក្នុងវិស័យកសិកម្ម និងការកែច្នៃ, វិនិយោគិននឹងអាចមានស្ថិរភាពប្រតិបត្តិការឡើងវិញ ហើយមានចាប់អារម្មណ៍ពង្រីកអាជីវកម្មរបស់ខ្លួន ។

ជាមួយនេះ, ឯកឧត្តមបណ្ឌិតសភាចារ្យ បានបង្ហាញសេចក្តីសោមនស្ស ជាមួយនឹងការកើនឡើងជាលំដាប់នូវសមត្ថភាពសម្របសម្រួល និង ចូលរួមគ្រប់គ្រងគម្រោង ពីសំណាក់អនុគណៈកម្មាធិការវិនិយោគរបស់ខេត្ត, ព្រមទាំងបានអបអរសាទរដល់រដ្ឋបាលខេត្តស្ទឹងត្រែង ដែលសម្រេចបានការចុះបញ្ជី គ.ល.គ ដំបូង សម្រាប់គម្រោងដែលមានទុនវិនិយោគក្រោម ៥ លានដុល្លារ។

ឯកឧត្តមបណ្ឌិតសភាចារ្យ បានបង្ហាញក្តីសង្ឃឹមថា រដ្ឋបាលខេត្តទាំង ៤ នឹងខិតខំជំរុញបន្ថែមទៀតឱ្យមានការចុះបញ្ជី គ.ល.គ ជាបន្តបន្ទាប់ ដើម្បីជំរុញភាពផុសផុល និង លេចធ្លោរបស់តំបន់ភូមិភាគឦសាន។

គួរបញ្ជាក់ជូនថា បន្ទាប់ពីប្រកាសដាក់ឱ្យអនុវត្តជាផ្លូវការ «កម្មវិធីពិសេសជំរុញការវិនិយោគក្នុងខេត្តទាំងបួន នៅភូមិភាគឦសាន នៃព្រះរាជាណាចក្រកម្ពុជា ឆ្នាំ ២០២៥-២០២៨» កាលពីថ្ងៃទី ៩ ខែ មេសា ឆ្នាំ ២០២៥, ក្រុមការងារជំរុញការវិនិយោគក្នុងភូមិភាគឦសាន ទទួលបានសំណើគម្រោងវិនិយោគសរុបចំនួន ៦៦ គម្រោង ក្រោមទុនវិនិយោគសរុប ២ ៤៧៨,៦ លានដុល្លារអាម៉េរិក និង បានឯកភាពផ្តល់គោលការណ៍ជូនគម្រោងវិនិយោគចំនួន ៤៥ គម្រោង ក្រោមទុនវិនិយោគជាង ២ ០០០ លានដុល្លារអាម៉េរិក ។ ក្នុងនោះ, សំណើគម្រោងវិនិយោគតាមបណ្តាខេត្តនីមួយៗ មានដូចខាងក្រោម៖

• ខេត្តក្រចេះ ទទួលបានសំណើគម្រោងចំនួន ១៦ គម្រោង ក្រោមទុនវិនិយោគ ១ ០៧១ លានដុល្លារអាម៉េរិក និង បង្កើតការងារ ២៥ ២៣១ កន្លែង,

• ខេត្តស្ទឹងត្រែង ទទួលបានសំណើគម្រោងចំនួន ១៩ គម្រោង ក្រោមទុនវិនិយោគ ១៣៧,៩ លានដុល្លារអាម៉េរិក និង បង្កើតការងារ ៣ ៣១០ កន្លែង,

• ខេត្តមណ្ឌលគិរី ទទួលបានសំណើគម្រោងចំនួន ២០ គម្រោង ក្រោមទុនវិនិយោគ ៤០៦,៥ លានដុល្លារអាម៉េរិក និង បង្កើតការងារ ៤ ៧៧៣ កន្លែង, និង

• ខេត្តរតនគិរី ទទួលបានសំណើគម្រោងចំនួន ១១ គម្រោង ក្រោមទុនវិនិយោគ ៨៦៣,២ លានដុល្លារអាម៉េរិក និង បង្កើតការងារ ៤២ ៩៥១ កន្លែង ។

ឯកឧត្តមបណ្ឌិតសភាចារ្យ បានលើកទឹកចិត្តឱ្យរដ្ឋបាលខេត្តនីមួយៗ ឱ្យខិតខំចូលរួមទាក់ទាញវិនិយោគិន តាមដែលអាចធ្វើទៅបាន, ជាពិសេស ការខិតខំបង្ហាញអំពីសក្តានុពលវិនិយោគរបស់ខេត្ត ដើម្បីទាក់ទាញ និង ទទួលវិនិយោគិន ព្រមទាំងបានស្នើឱ្យរដ្ឋបាលខេត្តនីមួយៗ រៀបចំកិច្ចប្រជុំអនុគណៈកម្មាធិការវិនិយោគ ឱ្យបានជាប្រចាំ ដើម្បីដាក់ចេញយុទ្ធសាស្ត្រ និង ផែនការទាក់ទាញ និង ជំរុញវិនិយោគឱ្យបានច្បាស់លាស់ ដោយមិនត្រូវរង់ចាំតែទទួលគម្រោង ដែលវិនិយោគិនបានដាក់ស្នើឡើយ។

ជាចុងក្រោយ, ឯកឧត្តមបណ្ឌិតសភាចារ្យ បានណែនាំឱ្យក្រុមការងារខិតខំបំពេញភារកិច្ចរបស់ខ្លួន ប្រកបដោយស្មារតីទទួលខុសត្រូវខ្ពស់ តាមរយៈយន្តការ “ច្រកចេញចូលតែមួយ” និង អភិក្រម “ជវភាពនៃប្រព័ន្ធតួអង្គតែមួយ” ព្រមទាំងគោរពគោលការណ៍ចូលរួមសម្រេចចិត្តរួមគ្នា ប្រកបដោយតម្លាភាព និង ប្រសិទ្ធភាព និង ត្រូវខិតខំជួយសម្របសម្រួលដល់វិនិយោគិន ក្នុងការដោះស្រាយបញ្ហាប្រឈម និង ផ្តល់ការគាំទ្រចាំបាច់នានា តាមដែនសមត្ថកិច្ចរៀងៗខ្លួន ក្នុងគោលដៅរួមចំណែកដល់ការជំរុញកំណើនសេដ្ឋកិច្ច បង្កើនការងារ និង បង្កើនជំនាញ សម្រាប់តំបន់ភូមិភាគឦសានទាំងមូល៕

អត្ថបទ៖ ប៊ី

តាមដានជាមួយយើង៖ Million Times

second...

x

The post រដ្ឋាភិបាល ផ្តល់គោលការណ៍លើកទឹកចិត្តពិសេស ដល់គម្រោងចំនួន ៦ ក្រោមទុន ៨៣ លានដុល្លារនៅភូមិភាគឦសាន appeared first on Millions times.

តាមដានជាមួយយើង៖ Million Times

ក្នុង​ដំណើរ​បេសកកម្ម​ជិះកង់សប្បុរសធម៌ទៅកាន់​ទ្វីប​អឺរ៉ុប អាហ្វ្រិក អាស៊ី​កណ្ដាល ដោយ​ឆ្លងកាត់ ៤០ ប្រទេស​មាន​ចម្ងាយ​ប្រមាណ ៥៧ ០០០ គីឡូម៉ែត្ររបស់លោក ទីវ តារារិទ្ធិ ​រៃ​អង្គាស​ថវិកា​បាន​ជាង ២១ ម៉ឺន​ដុល្លារ​ ជួយ​ដល់​មន្ទីរ​ពេទ្យ​គន្ធ​បុប្ផា និង​មន្ទីរ​ពេទ្យ​កុមារ​អង្គរ។

តាម​កម្មវត្ថុ​របស់​​លោក ទីវ តារារិទ្ធិ គឺ​រៃអង្គាស​ថវិកា​ឲ្យ​បាន ២៥ ម៉ឺនដុល្លារ។ ដូច្នេះ​ដើម្បី​បង្គ្រប់​ទឹកប្រាក់​ដែល​នៅ​ខ្វះ ៣ ម៉ឺនដុល្លារ លោក ទីវ តារារិទ្ធ បាន​សម្រេច​ចិត្ត​បន្ត​បេសកកម្ម​ជិះកង់​រយៈ​ពេល ៣ថ្ងៃ ទៅ​កាន់​ខេត្ត​សៀមរាប។

ក្រោយ​ឃើញ​ទឹក​ចិត្ត​មោះមុត​របស់​អ្នក​ជិះកង់​ដើម្បី​កុមារ​កម្ពុជា​រូប​នេះ ក្រុមហ៊ុន ជីប ម៉ុង គ្រុប ដែល​ដឹក​នាំ​ដោយ CEO បន្តវេន អ៊ឹង វីរៈ បាន​ប្រកាស​ឧបត្ថម្ភ ៣៥ ០០០ ដុល្លារ ដល់​លោក ទីវ តារារិទ្ធិ រួមគ្នា​បញ្ចប់​បេសកកម្ម​ជិះកង់​ពី​ភ្នំពេញ​ទៅ​សៀមរាប​ក្នុង​ការ​រៃអង្គាស​ថវិកា​ជួយ​ដល់​មន្ទីរ​ពេទ្យ​កុមារ​អង្គរ និង​មន្ទីរ​ពេទ្យ​គន្ធបុប្ផា៕

អត្ថបទ៖ ឆដា, រូបភាព៖ WURKZ

second...

x

The post CEO បន្តវេន អ៊ឹង វីរៈ ឧបត្ថម្ភថវិកា ៣៥ ០០០ ដុល្លារ បង្គ្រប់បេសកកម្មជិះកង់ ដើម្បីកុមារកម្ពជារបស់លោក ទីវ តារារិទ្ធិ appeared first on Millions times.

តាមដានជាមួយយើង៖ Million Times

ក្រោយ​បង្ហាញ​ពី​វត្តមាន​កូន​ទី២ ក្នុង​ផ្ទៃ លោកស្រី និមល បាន​ពាក់​នូវ​នាឡិកា​ដៃ bulgari ពណ៌​ខ្មៅ​ដែល​មាន​តម្លៃ​ថ្លៃ។ ថៅកែ​ឡេ Felix បាន​​បង្ហាញ​ខ្លួន​ក្នុង​ឈុត​ពណ៌​ក្រហម​ឆ្អិនឆ្អៅ និង​ពាក់​នាឡិកា​ដៃ Serpenti Spiga។

នាឡិកា Serpenti Spiga ជាមួយស្រោមសេរ៉ាមិចពណ៌ខ្មៅ ស៊ុមមាសពណ៌ផ្កាឈូក 18k ជាមួយពេជ្រ មុខនាឡិកាប៉ូលាពណ៌ខ្មៅ និងខ្សែដៃរាងជាវង់ពីរ ធ្វើពីសេរ៉ាមិចពណ៌ខ្មៅ និងធាតុមាសពណ៌ផ្កាឈូក 18k តម្លៃ​ជាង ១ ម៉ឺន​ដុល្លារ។

សម្រាប់​លោក​ស្រី និមល Felix ជា​អ្នក​ជំនួញ​ស្រី​ដែល​មាន​ភាព​ជោគជ័យ​លើ​វិស័យ​អនឡាញ​ជិត ១០ ឆ្នាំ​មក​ហើយ។​ដោយ​ក្រោយ​ជោគជ័យ​លោកស្រី​បាន​​បង្ហាញ​ពី​ជីវភាព​ឡូយឆាយ និង​ប្រើប្រាស់​សម្ភារៈ​ប្រេន​ៗ លាន​សេរី​ទំនើប។

និយាយ​ដល់​សម្ភារៈ​ទំនើប និង​កំពូល​រថយន្ត​លោកស្រី អួក និមល ឡើង​ទៅ​បរទេស​ដើម្បី​កុម្ម៉ង់​ផ្ទាល់​តែម្ដង ហើយ​បើ​ភូមិគ្រឹះ​វិញ​ធំ​ស្កឹមស្កៃ​ខ្លាំង​តែម្ដង។ ក្នុង​វ័យ ៣២ ឆ្នាំ​ថៅកែ​ឡេ Felix ជោគជ័យ​ខ្លាំង​ទាំង​ជំនួញ និង​ជីវិត​គ្រួសារ៕

អត្ថបទ៖ ឆដា, រូបភាព៖ Nimol Felix

second...

x

The post ថៅកែឡេ Felix ពាក់នាឡិកាដៃពស់ Bulgari ៣ ជុំ ដែលជា Collection កម្រ appeared first on Millions times.