របាយការណ៍នេះត្រូវបានរៀបចំឡើង តាមរយៈការពិគ្រោះយោបល់ស៊ីជម្រៅ ជាមួយអ្នកជំនាញ​មកពី​ស្ថាប័នរាជរដ្ឋាភិបាល គ្រឹះស្ថានសិក្សា អ្នកជំនាញក្នុងស្រុកនិងអន្តរជាតិ និងដៃគូអភិវឌ្ឍន៍ ដើម្បីដាក់​ចេញ​​នូវក្របខ័ណ្ឌយុទ្ធសាស្ត្រ សម្រាប់អភិបាលកិច្ច AI ដែលអនុលោមតាមបរិបទជាតិ និងបទដ្ឋាន​អន្តរ​ជាតិ។ គោល​បំណង​សំខាន់គឺដើម្បីតម្រង់ទិសតួអង្គពាក់ព័ន្ធក្នុងវិស័យ AI នៅកម្ពុជា ឱ្យឈានទៅរកការ​សម្រេច​បាននូវកំណើន​សង្គម-សេដ្ឋកិច្ច ដែលផ្អែកលើអភិក្រមនៃក្រមសីលធម៌ សមធម៌ និងបរិយាបន្ន។

តាមដានជាមួយយើង៖ Million Times

ថ្លែងក្នុងពិធីបើកសិក្ខាសាលា ឯកឧត្តមរដ្ឋមន្ត្រី ហែម វណ្ណឌី បានលើកឡើងអំពីឥទ្ធិពលធំធេងរបស់ AI និងភាពចាំបាច់នៃសកម្មភាពដែលកម្ពុជាត្រូវអនុវត្តឱ្យបានឆាប់រហ័ស ដោយបញ្ជាក់ថា៖ «នៅទូទាំងពិភពលោក AI កំពុងផ្លាស់ប្តូររចនាសម្ព័ន្ធសេដ្ឋកិច្ច ជំរុញបរិវត្តកម្មឧស្សាហកម្ម និងកែប្រែអភិបាលកិច្ច។ AI ផ្តល់ឱ្យកម្ពុជានូវឱកាសដ៏កម្រមួយ ក្នុងការរំលងដំណាក់កាលអភិវឌ្ឍន៍មួយចំនួន ដោយបង្កើនល្បឿននវានុវត្តន៍ កែលម្អការផ្តល់សេវា បំពេញចន្លោះប្រហោងនៃការអភិវឌ្ឍ និងពង្រឹងការធ្វើគោលនយោបាយផ្អែកលើភស្តុតាងនៅគ្រប់វិស័យ។”

ឯកឧត្តមបានរំលេចនូវអភិក្រមដែលផ្អែកលើសសរស្តម្ភចំនួន៣ គឺនវានុវត្តន៍ ក្រមសីលធម៌ និងបរិយាបន្ន ដោយលើកឡើងថា៖ “ការអភិវឌ្ឍបច្ចេកវិទ្យាត្រូវតែយកមនុស្សជាស្នូល ហើយក្រមសីលធម៌មិនមែនជាឧបសគ្គចំពោះនវានុវត្តន៍ទេ ប៉ុន្តែជាមូលដ្ឋានគ្រឹះដែលធានាធម្មានុរូប និងចីរភាពនៃបច្ចេកវិទ្យា។”

លោក Jonathan Tsuen Yip Wong ប្រធានផ្នែកនវានុវត្តន៍ សហគ្រាស និងការវិនិយោគនៃ UN-ESCAP បានលើកឡើងថា៖ “បរិយាបន្នគឺជាបញ្ហាចម្បងមួយ ព្រោះមនុស្សជាច្រើន និងបណ្តាប្រទេស​មួយ​ចំនួន​មិនអាចតាមទាន់នូវការវិវត្តរីកចម្រើនយ៉ាងឆាប់រហ័សនៃ AI ។ ដូច្នេះ កិច្ចសហការ​រវាងរដ្ឋាភិបាល គ្រឹះ​ស្ថាន​សិក្សា វិស័យឯកជន និងដៃគូអភិវឌ្ឍន៍ មានសារសំខាន់ណាស់ ប្រសិនបើយើងចង់បង្កើត​គោល​នយោ​បាយដែលមានការគិតគូរល្អិតល្អន់ និងគ្រប់ជ្រុងជ្រោយ។”

សិក្ខាសាលាក៏បានប្រមូលផ្តុំអ្នកជំនាញ តំណាងក្រសួងស្ថាប័នរាជរដ្ឋាភិបាល ដៃគូអភិវឌ្ឍន៍ អ្នកស្រាវជ្រាវ និងតំណាងវិស័យឯកជន ដើម្បីពិភាក្សាអំពីការផ្លាស់ប្តូរ ពីគោលនយោបាយ ទៅការអនុវត្តជាក់ស្តែង។ អ្នកចូលរួមក៏បានលើកឡើងពីសារសំខាន់នៃកិច្ចសហការដើម្បីធានាថា AI ត្រូវបានអភិវឌ្ឍប្រកបដោយបរិយាបន្ន និងការទទួលខុសត្រូវ ខណៈដែលតួអង្គពាក់ព័ន្ធបានបង្ហាញការប្តេជ្ញាចិត្ត ក្នុងការកសាងប្រព័ន្ធអេកូ​ឡូស៊ី AI មួយ ដែលដំណើរការដោយនវានុវត្តន៍ ដឹកនាំដោយក្រមសីលធម៌ និងមានបរិយាបន្នសម្រាប់ប្រជាជនកម្ពុជាទាំងអស់៕

អត្ថបទ៖ ប៊ី

second...

x

The post ក្រសួងឧស្សាហកម្ម និងអង្គការ UN-ESCAP ចេញផ្សាយរបាយការណ៍ស្រាវជ្រាវពី AI ដើម្បីកំណត់ទិសដៅនវានុវត្តន៍ ក្រមសីលធម៌ និងបរិយាបន្ន appeared first on Millions times.

តាមដានជាមួយយើង៖ Million Times

សេចក្តីព្រាងច្បាប់នេះមាន ៥ជំពូក និង ២៤មាត្រា ត្រូវបានសមាជិក-សមាជិករដ្ឋសភា លើកដៃអនុម័តយល់ព្រមក្នុង ១១២សំឡេងនៃចំនួនសមាជិកចូលរួមទាំងអស់។

រដ្ឋសភា បានលើកឡើងថា ច្បាប់នេះ នឹងរួមចំណែកយ៉ាងសំខាន់ក្នុងការដោះស្រាយបញ្ហាប្រឈម តាមរយៈការបង្កើតវិធានព្រហ្មទណ្ឌ ដើម្បីបំពេញចន្លោះខ្វះខាតនៃច្បាប់បច្ចុប្បន្ន ក៏ដូចជាលើកកម្ពស់ប្រសិទ្ធភាព នៃការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា សំដៅចូលរួមថែរក្សា និងការពារសន្តិសុខ សណ្តាប់ធ្នាប់សាធារណៈ ព្រមទាំងលើកកម្ពស់ប្រសិទ្ធភាពនៃកិច្ចសហប្រតិបត្តិការក្នុងការប្រយុទ្ធប្រឆាំងនឹងឧក្រិដ្ឋកម្មនេះ។

គួរឱ្យដឹងថា សេចក្តីព្រាងច្បាប់នេះ ត្រូវបានរៀបចំឡើងដោយផ្អែកតាមមូលដ្ឋានសំខាន់ៗ ទាំងច្បាប់ជាតិនិងច្បាប់អន្តរជាតិ ជាពិសេស អនុសញ្ញាអង្គការសហប្រជាជាតិ ស្តីពី ការប្រឆាំងបទឧក្រិដ្ឋកម្មឆ្លងដែនដែលមានអង្គការចាត់តាំង និងអនុសញ្ញាអង្គការសហប្រជាជាតិ ស្តីពី ការប្រឆាំងបទល្មើសបច្ចេកវិទ្យា ព្រមទាំងច្បាប់នៃបណ្តាប្រទេសមួយចំនួន ដើម្បីធានាបាននូវប្រសិទ្ធភាពខ្ពស់ ក្នុងការអនុវត្តស្របតាមស្តង់ដាជាអន្តរជាតិ។ 

ការឆបោកតាមប្រព័ន្ធបច្ចេកវិទ្យា គឺជាទម្រង់ថ្មីមួយនៃបទល្មើសឆបោក ដែលត្រូវបានប្រព្រឹត្តតាមរយៈប្រព័ន្ធបច្ចេកវិទ្យា ឬដែលប្រើប្រាស់ប្រព័ន្ធបច្ចេកវិទ្យាជាមធ្យោបាយដើម្បីប្រព្រឹត្តបទល្មើស ដោយប្រើឧបាយកលទុច្ចរិតនានា ដូចជា៖ ការលួងលោម ឬការអូសទាញឱ្យប្រគល់នូវទ្រព្យ ឬដាក់ទុនវិនិយោគក្នុងគម្រោងវិនិយោគខ្យល់ណាមួយ ដោយមានការអះអាងថា នឹងទទួលបានប្រាក់ចំណេញខ្ពស់ ឬការក្លែងជាការលក់ផលិតផល ឬផ្តល់សេវាកម្មអនឡាញជាដើម។

កម្ពុជាមានភាពចាំបាច់ក្នុងការរៀបចំច្បាប់នេះ ដើម្បីបង្ហាញអំពីការប្តេជ្ញាចិត្តផ្នែកនយោបាយដ៏មោះមុតឥតងាករេក្នុងការបោសសម្អាតឧក្រិដ្ឋកម្មតាមប្រព័ន្ធបច្ចេកវិទ្យា ស្របតាមអនុសញ្ញាអង្គការសហប្រជាជាតិស្តីពីការប្រឆាំងបទល្មើសបច្ចេកវិទ្យាឆ្នាំ២០២៤ និងប្រយុទ្ធប្រឆាំងនឹងការសម្អាតប្រាក់ ព្រមទាំងដើម្បីដោះស្រាយបញ្ហាប្រឈមលើទិដ្ឋភាពច្បាប់ សំដៅលើកកម្ពស់ប្រសិទ្ធភាពនៃការប្រយុទ្ធប្រឆាំងនឹងការឆបោកតាមប្រព័ន្ធបច្ចេកវិទ្យា និងការសម្អាតប្រាក់ដែលពាក់ព័ន្ធនឹងអំពើឆបោកតាមប្រព័ន្ធបច្ចេកវិទ្យានេះ សម្រាប់ពេលបច្ចុប្បន្ន និងអនាគត៕

អត្ថបទ៖ វីរៈ រូបភាព៖ រដ្ឋសភា

second...

x

The post សេចក្តីព្រាងច្បាប់ប្រឆាំងការឆបោកតាមប្រព័ន្ធបច្ចេកវិទ្យា ឆ្លងផុតរដ្ឋសភាហើយ appeared first on Millions times.

តាមដានជាមួយយើង៖ Million Times

ក្នុងកិច្ចពិភាក្សារយៈពេល ៣ថ្ងៃនេះ បានពិភាក្សាអំពីផែនការសកម្មភាពលម្អិតនៃគម្រោង និងលទ្ធផលនៃការសិក្សាសមិទ្ធិលទ្ធភាពរបស់គម្រោង ព្រមទាំងប្រមូលធាតុចូល និងអនុសាសន៍ផ្សេងៗ លើកម្មវិធីគោលទាំងពីរនៃគម្រោង។ 

ក្រសួងប្រៃសណីយ៍ និងទូរគមនាគមន៍ បានឱ្យដឹងថា គម្រោងបង្កើតមជ្ឈមណ្ឌលស្រាវជ្រាវជាតិ ស្តីពីបញ្ញាសិប្បនិមិ្មត និងវិទ្យាសាស្រ្តទិន្នន័យនៅកម្ពុជា គឺជាការងារអាទិភាពបំផុតមួយរបស់ក្រសួង ក្រោមការចង្អុលបង្ហាញពីសម្តេចនាយករដ្ឋមន្រ្តី ក្នុងការកសាងប្រព័ន្ធអេកូឡូស៊ីបញ្ញាសិប្បនិមិ្មតជាតិ ជាពិសេសការរៀបចំហេដ្ឋារចនាសម្ព័ន្ធគ្រឹះ ដើម្បីជំរុញការចាប់យកនិងការអភិវឌ្ឍបញ្ញាសិប្បនិម្មិត (AI) សំដៅរួមចំណែកការអភិវឌ្ឍសេដ្ឋកិច្ច និងសង្គមឌីជីថលកម្ពុជា ស្របតាមការវិវត្តយ៉ាងលឿននេះបច្ចេកវិទ្យាឌីជីថល ជាពិសេសបញ្ញាសិប្បនិម្មិត (AI)។

គម្រោងនេះ នឹងបង្កើតមជ្ឈមណ្ឌលស្រាវជ្រាវដែលផ្តល់ហេដ្ឋារចនាសម្ព័ន្ធរួម (Shared and Sovereign Infrastructure) អាចឱ្យក្រសួង ស្ថាប័ន គ្រឹះស្ថានអប់រំនិងស្រាវជ្រាវ វិស័យឯកជន និងធុរកិច្ចថ្មីឌីជីថល ប្រើប្រាស់ឧបករណ៍គណនាកម្រិតខ្ពស់ (High Performance Computing Cluster) និងមានអ្នកជំនាញ AI គាំទ្រផ្នែកបច្ចេកទេស។

នៅក្នុងកិច្ចប្រជុំខាងលើនេះដែរ ឯកឧត្តមអនុរដ្ឋលេខាធិការ និងលោកស្រី Christine Ha ឯកភាពគ្នាបន្តសហការក្នុងការរៀបចំ និងការអនុវត្តគម្រោងបង្កើតមជ្ឈមណ្ឌលស្រាវជ្រាវជាតិ ស្តីពី បញ្ញាសិប្បនិមិ្មត និងវិទ្យាសាស្រ្តទិន្នន័យនេះ តាមផែនការដែលបានគ្រោងទុក៕

អត្ថបទ៖ វីរៈ រូបភាព៖ ក្រសួងប្រៃសណីយ៍ និងទូរគមនាគមន៍

second...

x

The post មន្ត្រីកម្ពុជា​ ប្រជុំពិភាក្សាជាមួយដៃគូអភិវឌ្ឍន៍ លើគម្រោងសាងសង់មជ្ឈមណ្ឌលស្រាវជ្រាវជាតិ appeared first on Millions times.

ថ្លែងក្នុងពិធីបើកសិក្ខាសាលាបច្ចេកទេសស្តីពីយន្តការផ្តល់មូលនិធិថ្នាក់ជាតិ និងតំបន់សម្រាប់ការស្រាវជ្រាវនិងអភិវឌ្ឍន៍ នៅថ្ងៃទី២៧ ខែមីនា ឆ្នាំ២០២៦  ឯកឧត្តមរដ្ឋមន្ត្រី ហែម វណ្ណឌី ប្រធានក្រុមប្រឹក្សាបរធនបាលមូលនិធិស្រាវជ្រាវជាតិ បានលើកឡើងថា៖ “ការបង្កើតមូលនិធិស្រាវជ្រាវជាតិជាបរធនបាលកិច្ច គឺជាការបោះជំហានជា ប្រវត្តិសាស្រ្តដ៏សំខាន់ ក្នុងការពង្រឹងមូលដ្ឋានគ្រឹះប្រព័ន្ធអេកូឡូស៊ីនវានុវត្តន៍របស់កម្ពុជា។”

ឯកឧត្តមបានថ្លែងបន្តថា “វឌ្ឍនភាពនេះ បង្ហាញពីការប្តេជ្ញាចិត្តរបស់រាជរដ្ឋាភិបាល ក្នុងការគាំទ្រការស្រាវជ្រាវនិងអភិវឌ្ឍន៍ ប្រកបដោយតម្លាភាព និរន្តរភាព និងប្រសិទ្ធភាព។”

តាមដានជាមួយយើង៖ Million Times

សិក្ខាសាលានេះគឺជាព្រឹត្តិការណ៍អមនៃទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍ ឆ្នាំ២០២៦ ដោយ ប្រមូលផ្តុំអ្នកជំនាញក្នុងតំបន់ ដើម្បីចែករំលែកបទពិសោធន៍អំពីយន្តការផ្តល់មូលនិធិស្រាវជ្រាវ និងការគ្រប់គ្រងប្រព័ន្ធស្រាវជ្រាវជាតិ។

ឯកឧត្តមរដ្ឋមន្ត្រីបានបញ្ជាក់ថា ប្រទេសសមាជិកអាស៊ានកំពុងផ្តោតសំខាន់លើការវិនិយោគក្នុងការស្រាវ​ជ្រាវនិងអភិវឌ្ឍន៍ ដើម្បីបង្កើតចំណេះដឹងថ្មី និងបង្កើនតម្លៃបន្ថែមដល់ផលិតផល និងសេវាកម្មរបស់ខ្លួន។

ឯកឧត្តមក៏បានរំលេចបញ្ហាប្រឈមសំខាន់ៗ រួមមានកង្វះការវិនិយោគលើការស្រាវជ្រាវនិងអភិវឌ្ឍន៍ និងភាពចាំបាច់នៃការបន្ស៊ីសកម្មភាពស្រាវជ្រាវទៅនឹងអាទិភាពជាតិ។ ទន្ទឹមនឹងនោះ សមត្ថភាពស្រាវជ្រាវ ទាំងនៅក្នុងវិស័យសាធារណៈ និងឯកជន ហេដ្ឋារចនាសម្ព័ន្ធស្រាវជ្រាវ និងការផ្សារភ្ជាប់រវាងស្ថាប័នស្រាវជ្រាវជាមួយនឹងសហគ្រាស នៅមិនទាន់រឹងមាំ។

លោកស្រីបណ្ឌិត អេង នេត្រា នាយិកាប្រតិបត្តិ នៃវិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា (CDRI) បានលើកឡើងថាCDRI បានទទួលមូលនិធិរយៈពេល៣ឆ្នាំ ពីរដ្ឋាភិបាលកាណាដា ដើម្បីផ្តល់ការគាំទ្រផ្នែកបច្ចេកទេសដល់មូលនិធិស្រាវជ្រាវជាតិ សំដៅពង្រឹងសមត្ថភាពអ្នកស្រាវ​ជ្រាវ និងស្ថាប័នស្រាវជ្រាវ, បង្កើនសមត្ថភាពទទួលហិរញ្ញប្បទាន និងប្រើប្រាស់មូលនិធិស្រាវជ្រាវ ព្រមទាំងជំរុញការរៀបចំគោលនយោបាយផ្អែកលើភស្តុតាងវិទ្យាសាស្ត្រនៅកម្ពុជា។

មូលនិធិស្រាវជ្រាវជាតិថ្មីនេះ នឹងផ្តល់ការគាំទ្រដល់ស្ថាប័នស្រាវជ្រាវទាំងសាធារណៈ និងឯកជន ជំរុញការអភិវឌ្ឍធនធានមនុស្ស និងពង្រឹងកិច្ចសហប្រតិបត្តិការ ដើម្បីរួមចំណែកដឹកនាំកម្ពុជាឆ្ពោះទៅរកសេដ្ឋកិច្ចផ្អែកលើនវានុវត្តន៍៕

អត្ថបទ៖ ប៊ី, ប្រភព៖ ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍

second...

x

The post កម្ពុជាជំរុញយន្តការផ្តល់មូលនិធិស្រាវជ្រាវជាតិ ដើម្បីពង្រឹងប្រព័ន្ធអេកូឡូស៊ីនវានុវត្តន៍ appeared first on Millions times.

តាមដានជាមួយយើង៖ Million Times

ក្នុងឱកាសនោះ ឯកឧត្តម ជា វ៉ាន់ដេត បានគូសបញ្ជាក់ឡើងវិញពីគោលនយោបាយ របស់រាជរដ្ឋាភិបាល ក្នុងការប្រយុទ្ធប្រឆាំងអំពើឆបោកតាមប្រព័ន្ធបច្ចេកវិទ្យា (Online Scam) និងបានស្នើឱ្យប្រតិបត្តិករទាំងអស់ ចូលរួមជាមួយរាជរដ្ឋាភិបាល និងក្រសួងប្រៃសណីយ៍ និងទូរគមនាគមន៍ ក្នុងការលុបបំបាត់អំពើខុសច្បាប់នេះ ឱ្យអស់ពីកម្ពុជា។

បើតាមឯកឧត្ដមរដ្ឋមន្ត្រី ប្រតិបត្តិករទាំងអស់ អាចចូលរួមតាមរយៈការតាមដានទីតាំងប្រើប្រាស់ចំណុះសមត្ថភាពអ៊ីនធឺណិតខ្ពស់ ដែលមានការសង្ស័យថា ប្រព្រឹត្តអំពើឆបោកតាមប្រព័ន្ធបច្ចេកវិទ្យា និងការកាត់ផ្តាច់ទាំងស្រុងនូវការផ្គត់ផ្គង់សេវាដល់ទីតាំងប្រព្រឹត្តបទល្មើស តាមការតម្រូវដោយក្រសួងប្រៃសណីយ៍ និងទូរគមនាគមន៍ និងអាជ្ញាធរមានសមត្ថកិច្ច។

ម្យ៉ាងទៀត ប្រតិបត្តិករទាំងអស់ ក៏អាចចូលរួមតាមរយៈការបន្តពង្រឹងការអនុវត្តវិធានការគ្រប់គ្រង ការប្រើប្រាស់ស៊ីម ការលុបចោលនូវស៊ីមដែលគ្មានអត្តសញ្ញាណច្បាស់លាស់ និងការប្រើប្រាស់ស៊ីមរ៉ូមីងពីបរទេស, ការពង្រឹងវិធានការសន្តិសុខសាយប័រដើម្បីការពារប្រព័ន្ធឌីជីថល និងការចូលរួមអនុវត្តវិធានការរដ្ឋបាល ឬបច្ចេកទេសផ្សេងទៀត ដែលកំណត់ដោយរាជរដ្ឋាភិបាល និងក្រសួងប្រៃសណីយ៍ និងទូរគមនាគមន៍។

ប្រតិបត្តិករ ដែលបានអញ្ជើញមកចូលរួមនៅក្នុងជំនួបពិភាក្សាការងារនេះ បានប្តេជ្ញាចិត្តយ៉ាងមុតមាំចូលរួមជាមួយរាជរដ្ឋាភិបាល និងក្រសួងប្រៃសណីយ៍ និងទូរគមនាគមន៍ គ្រប់ពេលវេលាក្នុងការប្រយុទ្ធប្រឆាំងអំពើឆបោកតាមប្រព័ន្ធបច្ចេកវិទ្យា (Online Scam) ហើយបានបានលើកឡើងមតិយោបល់មួយចំនួន ដែលជាធាតុចូលសម្រាប់ការចូលរួមអនុវត្តគោលនយោបាយនេះ ក៏ដូចជាមតិយោបល់ទូទៅមួយចំនួនទៀត ពាក់ព័ន្ធនឹងការគ្រប់គ្រងវិស័យទូរគមនាគមន៍ផងដែរ៕

អត្ថបទ៖ វីរៈ រូបភាព៖ ក្រសួងប្រៃសណីយ៍ និងទូរគមនាគមន៍

second...

x

The post រដ្ឋមន្ត្រី ស្នើឱ្យប្រតិបត្តិករទូរសព្ទ និងអ៊ីនធឺណិត ចូលរួមលុបបំបាត់ Online Scam ឱ្យអស់ពីកម្ពុជា appeared first on Millions times.

អ្នកឧកញ៉ាបណ្ឌិត សំ សុខនឿន សហស្ថាបនិក និងជាប្រធានក្រុមប្រឹក្សាភិបាលនៃ ក្រុមហ៊ុន KH Haitech និងជាប្រធានក្រុមប្រឹក្សាភិបាល នៃ SAM SN GROUP បានចូលរួមកិច្ចប្រជុំកំពូលធុរកិច្ច អាស៊ាន-កម្ពុជា ឆ្នាំ២០២៦ “ការផ្លាស់ប្តូរអាស៊ាន៖ នវានុវត្តន៍ សមាហរណកម្ម និងការវិវត្តឧស្សាហកម្ម” ក្រោមអធិបតីភាពដ៏ខ្ពង់ខ្ពស់របស់ សម្តេចធិបតី ហ៊ុន ម៉ាណែត កាលពីថ្ងៃពុធ ទី៤ មីនា ២០២៦។

នាឱកាសនោះដែរ សម្តេចធិបតី ហ៊ុន ម៉ាណែត បានផ្តល់កិត្តិយសដ៏ខ្ពង់ខ្ពស់ ក្នុងាករចូលទស្សនកិច្ចស្តង់បង្ហាញផលិតផល របស់ក្រុមហ៊ុន KH Haitech ដែលគ្រោងបង្កើតរោងចក្រដំឡើងឧបករណ៍អេឡិចត្រូនិក (tablet) ដោយបង្កើត យីហោខ្មែរ ផលិតផលខ្មែរ Tablets ខ្មែរ «K Haitech»។

តាមដានជាមួយយើង៖ Million Times

អ្នកឧកញ៉ាបណ្ឌិត សំ សុខនឿន បានថ្លែងថា ប្រមុខថ្នាក់ដឹកនាំកំពូលកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា តែងតែគាំទ្រ និងលើកទឹកចិត្តដល់សហគ្រិនខ្មែរគ្រប់រូបក្នុងការបង្កើត យីហោខ្មែរ ផលិតផលខ្មែរ ជាពិសេស សម្តេចធិបតីលើកទឹកចិត្តឱ្យមាន Tablets ខ្មែរ «K Haitech» ក្នុងការបង្កើតរោចក្របង្គុំឱ្យបានកាន់តែឆាប់រហ័សនៅកម្ពុជា។

ទន្ទឹមនេះ អ្នកឧកញ៉ាបណ្ឌិត បានគោរពថ្លែងអំណរគុណជូនចំពោះ ឯកឧត្តម ហ៊ុន ម៉ានី ឧបនាយករដ្ឋមន្រ្តី និងជារដ្ឋមន្ត្រីក្រសួងមុខងារសារធារណៈ ដែលបានផ្តល់កិត្តិយសចូលទស្សនៈកិច្ចស្តង់បង្ហាញផលិតផល របស់ក្រុមហ៊ុន KH Haitech និងសូមគោរពថ្លែងអំណរគុណយ៉ាងជ្រាលជ្រៅចំពោះឯកឧត្តមឧបរដ្ឋមន្រ្តីដែលតែងតែគាំទ្រ និងលើកទឹកចិត្តសហគ្រិនខ្មែរ ក្នុងការបង្កើតផលិតផលខ្មែរ ដំឡេីងបង្គុំនៅកម្ពុជា។

អ្នកឧកញ៉ាបណ្ឌិត សំ សុខនឿន បានថ្លែងថា វត្តមានដ៏ខ្ពង់ខ្ពស់របស់ឯកឧត្តមឧបនាយករដ្ឋមន្រ្តី គឺជាកំលាំងចិត្តជំរុញឱ្យខ្ញុំបាទជាសហគ្រិនខ្មែរខិតខំប្រឹងប្រែងបង្កើតផលិតផលខ្មែរឱ្យបានកាន់តែច្រើនឡើងបន្ថែមទៀតនៅកម្ពុជា។

ជាមួយគ្នានេះ អ្នកឧកញ៉ាបណ្ឌិត ក៏បានគោរពថ្លែងអំណរគុណជូនចំពោះ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈដែលបានផ្តល់កិត្តិយសចូលទស្សនៈកិច្ចស្តង់បង្ហាញផលិតផល របស់ក្រុមហ៊ុន KH Haitech និងសូមគោរពថ្លែងអំណរគុណចំពោះ ឯកឧត្តមរដ្ឋមន្រ្តីដែលតែងតែគាំទ្រ និងលើកទឹកចិត្តសហគ្រិនខ្មែរ ផលិតផលខ្មែរ។

សូមបញ្ជាក់ផងថា អ្នកឧកញ៉ាបណ្ឌិត សំ សុខនឿន ក្នុងដំណាក់ដំបូង គ្រោងចំណាយទុនវិនិយោគប្រមាណ ១០ លានដុល្លារ បង្កើតរោងចក្រដំឡើងឧបករណ៍អេឡិចត្រូនិក (tablet) ដែលជារោងចក្រដំបូងគេនៅកម្ពុជា ដើម្បីជំរុញឧស្សាហកម្ម ៤.០ និងនាំយកបច្ចេកវិទ្យាតម្លៃសមរម្យមកកម្ពុជា។

អ្នកឧកញ៉ាបណ្ឌិត បានឱ្យដឹងនាពេលកន្លងមកថា ឧបករណ៍អេឡិចត្រូនិក (tablet) ដែលដំឡើងនេះ គឺដាក់ម៉ាកសញ្ញាកម្ពុជាតែម្តង ដោយមិនទិញហ្រ្វេនឆាយពីបរទេសឡើយ ប៉ុន្តែការដំឡើងគឺនាំយកបច្ចេកវិទ្យាពីក្រុមហ៊ុន ហាយតិច ដែលជាបុត្រសម្ព័ន្ធហាយគ្រុប ដែលជាក្រុមហ៊ុនមានជំនាញខ្ពស់ លើការផលិតឧបករណ៍អេឡិចត្រូនិក។

អ្នកឧកញ៉ាបណ្ឌិត បានថ្លែងថា ការបង្កើតរោងចក្រដំឡើងឧបករណ៍អេឡិចត្រូនិក (tablet) នេះ ដោយមើលឃើញថា កម្ពុជា ជាពិសេសសិស្សានុសិស្សមានតម្រូវការឧបករណ៍អេឡិចត្រូនិក (tablet) សម្រាប់រៀនសូត្រ ដូច្នេះហើយទើបលោក សម្រេចបង្កើតរោងចក្រដំឡើង ថេប្លេត (tablet) ដែលមានតម្លៃសមរម្យសម្រាប់ទីផ្សារកម្ពុជា ពិសេសសម្រាប់សិស្សនិស្សិត និងអ្នកសេដ្ឋកិច្ចក្រៅប្រព័ន្ធអាចពង្រីកលទ្ធភាពប្រើប្រាស់ឧបករណ៍ឌីជីថល និងសិក្សាតាមប្រព័ន្ធអនឡាញកាន់តែទូលំទូលាយ។

អ្នកឧកញ៉ាបណ្ឌិត បានឱ្យដឹងថា ក្នុងដំណាក់កាលដំបូង រោងចក្រនេះ ចំណាយទុនប្រមាណ ១០ លានដុល្លារ ដោយគ្រោងផលិតប្រមាណ១ម៉ឺនគ្រឿង សម្រាប់ផ្គត់ផ្គង់ក្នុងទីផ្សារកម្ពុជា៕

អត្ថបទ៖ ប៊ី

second...

x

The post ប្រមុខថ្នាក់ដឹកនាំកំពូលកម្ពុជា បង្ហាញការគាំទ្រ និងលើកទឹកចិត្តដល់ការបង្កើតផលិតផល Tablets ខ្មែរ «K Haitech» appeared first on Millions times.

តាមដានជាមួយយើង៖ Million Times

នាយកដ្ឋានប្រឆាំងបទល្មើសបច្ចេកវិទ្យា នៅថ្ងៃទី១៣ ខែកុម្ភៈនេះថា បានឱ្យដឹងថា កន្លងមកនាយកដ្ឋានបានធ្វើការផ្សព្វផ្សាយនូវការឆបោបោក ក្រោមរូមភាពផ្តល់ប្រាក់កម្ចីអនឡាញ។ ប៉ុន្តែនាយកដ្ឋានប្រឆាំងបទល្មើសបច្ចេកវិទ្យា សង្កេតឃើញថា នៅតែមានប្រជាពលរដ្ឋមួយចំនួន បានចាញ់បោកជនអនាមិកក្រោមរូបភាពការផ្តល់កច្ចីអនឡាញ។

ដោយហេតុនេះហើយ នាយកដ្ឋានប្រឆាំងបទល្មើសបច្ចេកវិទ្យា បានក្រើនរំលឹកដល់សារធារណជនជាថ្មីម្តងទៀត ជាពិសេសអ្នកប្រើប្រាស់ប្រព័ន្ធបណ្តាញទំនាក់ទំនងសង្គម ត្រូវមានការប្រុងប្រយ័ត្នចំពោះការបង្ហោះផ្សព្វផ្សាយពាក់ព័ន្ធ និងការផ្តល់ប្រាក់កម្ចីអនទ្បាញ តាមប្រព័ន្ធបណ្តាញទំនាក់ទំនងសង្គមនានា ជាពិសេសតាមទំព័រហ្វេសប៊ុក និងតេលេក្រាម ដែលបានបង្ហោះផ្សព្វផ្សាយផ្តល់ប្រាក់កម្ចីអនឡាញ ក្រោមលក្ខខណ្ឌដាក់ស្នើកម្ចីងាយស្រួល ក្នុងគោលបំណងទាក់ទាញឱ្យប្រជាពលរដ្ឋ មានចំណាប់អារម្មណ៍ និងដាក់ស្នើកម្ចីអនឡាញ។

នាយកដ្ឋានប្រឆាំងបទល្មើសបច្ចេកវិទ្យា បានបន្ថែមថា នៅពេលដែលអ្នកប្រើប្រាស់បណ្តាញទំនាក់ទំនងសង្គមចាប់អារម្មណ៍ និងទាក់ទងទៅតាមរយៈគណនីហ្វេសប៊ុក (Messenger) ជនអនាមិក នឹងតម្រូវឱ្យពួកគាត់ទាក់ទងទៅគណនីតេឡេក្រាមវិញ។ ក្រោយពួកគាត់ជជែកព្រមព្រៀង តាមតម្លៃស្នើប្រាក់កម្ចីរួច ជនអនាមិកតម្រូវឱ្យថតផ្ញើឯកសារមួយចំនួនមានដូចជា៖ អត្តសញ្ញាណប័ណ្ណ សៀវភៅគ្រួសារ សៀវភៅស្នាក់នៅ ថតរូបកាន់អត្តសញ្ញាណប័ណ្ណ និងថតរូបកន្លែងធ្វើការ ជាដើម។

នាយកដ្ឋានប្រឆាំងបទល្មើសបច្ចេកវិទ្យា បានបញ្ជាក់ទៀតថា បន្ទាប់មកជនអនាមិកបានផ្ញើ QR Code មកឱ្យពួកគាត់ដើម្បីវេរលុយ ជាថ្លៃរត់ឯកសារ ឬថ្លៃរដ្ឋបាល ជាដើម និងបន្តឱ្យវេរលុយជាបន្តបន្ទាប់ក្រោមមូលហេតុផ្សេងៗ រហូតផ្តាច់ទំនាក់ទំនងជាមួយជនរងគ្រោះ និងបានលុបសារទាំងអស់ចោល ដោយជនអនាមិកមិនបានផ្តល់ប្រាក់កម្ចីដល់ជនរងគ្រោះឡើយ ថែមទាំងអាចយកឯកសារដែលជនរងគ្រោះផ្ញើឱ្យ ធ្វើការគំរាម និងយករូបថតមិត្តភក្កិ បងប្អូន របស់ជនរងគ្រោះនៅក្នុងប្រព័ន្ធសង្គមហ្វេសប៊ុកយកទៅបង្ហោះ បរិហារកេរ្តិ៍ ពាក់ព័ន្ធនឹងការធានាកម្ចីនេះថែមទៀតផង៕

អត្ថបទ៖ វីរៈ​ រូបភាព៖ នាយកដ្ឋានប្រឆាំងបទល្មើសបច្ចេកវិទ្យា

second...

x

The post ស្ថាប័នជំនាញ បន្តប្រាប់ឱ្យពលរដ្ឋប្រុងប្រយ័ត្នការឆបោក ក្រោមរូបភាពផ្តល់ប្រាក់កម្ចីអនឡាញ appeared first on Millions times.

ការរៀបចំកម្មវិធីនេះ ក្នុងទិសដៅបន្តចូលរួមចំណែកលើកកម្ពស់ប្រព័ន្ធអេកូឡូស៊ីធុរកិច្ចថ្មីឌីជីថល និងប្រែក្លាយកម្ពុជា ជាមជ្ឈមណ្ឌលនវានុវត្តន៍ឌីជីថលមួយនៅក្នុងតំបន់។ នេះបើយោងតាមសេចក្ដីជូនដំណឹងរបស់ក្រសួងប្រៃសណីយ៍ និងទូរគមនាគមន៍។

តាមដានជាមួយយើង៖ Million Times

សេចក្ដីជូនដំណឹងនេះ បានឱ្យដឹងបន្តថា កម្មវិធីនេះរៀបចំឡើងក្នុងគោលបំណងជំរុញ និងផ្តល់ឱកាសដល់ធុរកិច្ចថ្មីឌីជីថល ទទួលបានការបណ្តុះបណ្តាលពន្លឿនអាជីវកម្ម អភិវឌ្ឍផលិតផលឌីជីថល និងពង្រីកខ្លួនទៅកាន់ទីផ្សារក្នុងតំបន់ ក៏ដូចជាឱកាសចាប់យកវិនិយោគទុនពីក្នុងស្រុក និងក្រៅប្រទេស។

ក្រសួងប្រៃសណីយ៍ បានលើកឡើងថា ភាពជោគជ័យនៃកម្មវិធីពន្លឿន និងអភិវឌ្ឍធុរកិច្ចថ្មីឌីជីថល រដូវកាលទី១ “Innovate Cambodia Accelerator Program Batch 1” គឺជាចំណុចដ៏សំខាន់នៅក្នុងជំហានវិវត្តជាវិជ្ជមានរបស់ធុរកិច្ចថ្មីឌីជីថលកម្ពុជា ដោយបានផ្សារភ្ជាប់ស្ថាបនិកធុរកិច្ចថ្មីក្នុងស្រុក ទៅកាន់គ្រូបង្វឹក ក្រុមហ៊ុន និងអ្នកវិនិយោគអន្តរជាតិ តាមរយៈបណ្តាញ និងដៃគូសហការអន្តរជាតិនានារបស់ Plug and Play។

ក្នុងនោះដែរ ធុរកិច្ចថ្មីឌីជីថល Bamnang Academy ត្រូវបានមជ្ឈមណ្ឌលបច្ចេកវិទ្យា Plug and Play ជ្រើសរើសជាក្រុមហ៊ុនទី១ របស់កម្ពុជា ដើម្បីវិនិយោគនិងជំរុញឱ្យក្លាយទៅជាក្រុមហ៊ុនកម្រិតអន្តរជាតិមួយនៅក្នុងតំបន់។ បន្ថែមពីនេះមជ្ឈមណ្ឌលបច្ចេកវិទ្យា Plug and Play ក៏កំពុងតែជ្រើសរើសធុរកិច្ចថ្មីឌីជីថល រដូវកាលទី១ បន្ថែមទៀត ដើម្បីធ្វើការវិនិយោគផងដែរ។

បើតាមក្រសួងប្រៃសណីយ៍ និងទូរគមនាគមន៍ កម្មវិធីពន្លឿន និងអភិវឌ្ឍធុរកិច្ចថ្មីឌីជីថលនេះ នឹងបើកជូនធុរកិច្ចថ្មីឌីជីថលទាំងអស់ ចុះឈ្មោះចូលរួមចាប់ពីថ្ងៃជូនដំណឹងនេះ រហូតដល់ថ្ងៃទី១៣ ខែមីនា ឆ្នាំ២០២៦។ សម្រាប់ធុរកិច្ចថ្មីឌីជីថលទាំងអស់ ដែលមានចំណាប់អារម្មណ៍ចូលរួមកម្មវិធីនេះ អាចដាក់ពាក្យសើ្នសុំតាមរយៈតំណរភ្ជាប់ https://go.gov.kh/mptc/pnp-icap៕

អត្ថបទ៖ វីរៈ រូបភាព៖ ក្រសួងប្រៃសណីយ៍ និងទូរគមនាគមន៍

second...

x

The post កម្មវិធីពន្លឿន និងអភិវឌ្ឍធុរកិច្ចថ្មីឌីជីថលរដូវកាលទី២ ធ្វើឡើងនាខែមេសាខាងមុខនេះ appeared first on Millions times.

តាមដានជាមួយយើង៖ Million Times

លោកជំទាវ ចម និម្មល រដ្ឋមន្ត្រី​ក្រសួង​ពាណិជ្ជកម្ម ​តែងតែ​មាន​វត្តមាន​ចូល​រួម​កម្មវិធី​ជាប់​ជា​និច្ច ទាក់ទង​ទៅ​នឹង​ផលិតផល​កូន​ខ្មែរ ​ក្នុង​ន័យ​ជួយ​គាំទ្រ​ផលិតផល​ជាតិ ជំរុញ​កម្លាំង​សេដ្ឋកិច្ច​ជាតិ ​និង​ជួយ​ឱ្យ​កូន​ខ្មែរ​គ្រប់​រូប​អាច​មាន​ផលិតផល​ដោយ​ផ្ទាល់​ខ្លួន​បាន។

ជាក់​ស្ដែង​នៅ​ថ្ងៃ​២៨ ខែ​មករា ឆ្នាំ ២០២៦ ក្នុង​មហាសន្និបាត​បូក​សរុប​លទ្ធផល​ការងារ​ឆ្នាំ ២០២៥ និង​លើក​ទិស​ដៅ​ការងារ​ឆ្នាំ ២០២៦ លោក​ជំទាវ ចម និម្មល ​បាន​ទៅ​ទស្សនកិច្ច​ផ្ទាល់​តែ​ម្ដង នៅ​ស្តង់​យីហោ​កូន​ខ្មែរ K Haitech ​របស់​ក្រុមហ៊ុន KH Haiteach របស់​អ្នក​ឧកញ៉ា​វ័យក្មេង សំ សុខនឿន ដែល​បាន​តាំង​បង្ហាញ​សម្ភារ​អេឡិចត្រូនិក​ទំនើប​ៗ​ជាច្រើន​ប្រភេទ។

ក្រុមហ៊ុន KH Haitech ដែល​មាន​គ្រឿង​អេឡិចត្រូនិក សម្រាប់​ប្រើ​ប្រាស់​សំខាន់​ៗ​មាន​ដូចជា​ ទូរស័ព្ទ​ដៃ ថេប្លែត, លេបថប់ ម៉ាស៊ីន​ត្រជាក់ ម៉ាស៊ីន​បោក​គក់, ទូរ​ទឹកកក និង​របស់​របរ​ជាច្រើន​ទៀត​ដែល​សុទ្ធ​ផលិត​ឡើង​តាម​ស្តង់ដារ​អន្តរជាតិ មាន​តម្លៃ​សមរម្យ​ ដែល​ជួយ​លើក​កម្ពស់​ជីវភាព​រស់នៅ​របស់​ប្រជាពលរដ្ឋ​កម្ពុជា។ លើស​ពី​នេះ​ទៅទៀត KH Haitech​ នាំ​យក​ជំនាញ បច្ចេកវិទ្យា និង​បច្ចេកទេស មក​បណ្ដុះបណ្ដាល​កូនខ្មែរ ដើម្បី​ទទួល​បាន​ជំនាញ​មួយ​នេះ និង​បង្កើត​ការងារ​ជាច្រើន​ក្នុង​ស្រុក​ផង​ដែរ។​

លោក​ជំទាវ ចម និម្មល ​ក្រោយ​ពី​បាន​មើល​ផលិតផល​របស់​ក្រុមហ៊ុន KH Haitech បាន​បង្ហាញ​ស្នាម​ញញឹម ជា​ការ​គាំទ្រ​ខ្លាំង​ចំពោះ​យីហោ​កូន​ខ្មែរ​មួយ​នេះ។ ​ក្នុង​នាម​ជា​ប្រធាន​ក្រុមហ៊ុន​ផង ​អ្នក​ឧកញ៉ា​វ័យ​ក្មេង សំ សុខនឿន ​ក៏​ថ្លែង​ពី​អារម្មណ៍​យ៉ាង​មោទនភាព​ថា “ខ្ញុំបាទ សំ សុខនឿន ស្ថាបនិក និង​ជា​ប្រធាន​ក្រុម​ប្រឹក្សា​ភិបាល នៃ​ក្រុមហ៊ុន KH Haitech ដែល​ជា​ក្រុមហ៊ុន​របស់​កូនខ្មែរ និង​មាន​ស្លាក​យីហោ​កូន​ខ្មែរ K Haitech សូមគោរពថ្លែងអំណរគុណជូនចំពោះ លោក​ជំទាវ​រដ្ឋមន្ត្រី​ក្រសួង​ពាណិជ្ជកម្ម​ ដែល​បាន​ផ្ដល់​កិត្តិយស​មក​ទស្សនៈ​កិច្ច​ស្តង់​បង្ហាញ​ផលិតផល K Haitech និង​សូម​អរគុណ​ចំពោះ​ជំទាវ​រដ្ឋមន្ត្រី ដែល​តែងតែ​គាំទ្រ​ និង​លើក​ទឹក​ចិត្ត​សហគ្រិន​ខ្មែរ​ ក្នុង​ការ​បង្កើត​ផលិត​ផល​ខ្មែរ។ លោក​ជំទាវ​រដ្ឋមន្ត្រី តែងតែ​ខិតខំ​ប្រឹងប្រែង​ទាំង​ពេលវេលា និង​កម្លាំង​កាយ​ចិត្ត​ ដើម្បី​គាំទ្រ​ផលិត​ផល​ខ្មែរ​ដើម្បី​ផ្គត់ផ្គង់​ក្នុង​ស្រុក និង​ជំរុញ​ការ​នាំ​ចេញ​ទៅ​បរទេស“។

គណៈប្រតិភូ​ដែល​បាន​ឃើញ​ពី​ផលិតផល​យ៉ាង​ច្រើន​របស់​​ក្រុមហ៊ុន KH Haitech បាន​បង្ហាញ​ពី​ភាព​ភ្ញាក់ផ្អើល​ដែល​អ្នក​ឧកញ៉ា​វ័យ​ក្មេង សំ សុខនឿន អាច​សម្រេច​បង្កើត​ចេញ​សម្ភារ​ទំនើប​ៗ​នោះ​បាន សម្រាប់​បម្រើ​ដល់​ការ​រស់នៅ​របស់​ប្រជាពលរដ្ឋ​ខ្មែរ កាន់តែ​ប្រសើរ​ឡើង៕

អត្ថបទ៖​ឆដា, រូបភាព៖ ផ្ដល់ឲ្យ

second...

x

The post រដ្ឋមន្ត្រីក្រសួងពាណិជ្ជកម្ម ទៅទស្សនកិច្ចស្តង់ក្រុមហ៊ុន KH Haitech របស់​អ្នក​ឧកញ៉ាវ័យក្មេង សំ សុខនឿន appeared first on Millions times.

តាមដានជាមួយយើង៖ Million Times

ក្នុងថ្ងៃទី២ នៃពិធីសន្និបាតបូកសរុបលទ្ធផលការងារពាណិជ្ជកម្ម ឆ្នាំ២០២៥ និងទិសដៅការងារពាណិជ្ជកម្ម ឆ្នាំ២០២៦ នាថ្ងៃទី៩ ខែមករានេះ ក្រសួងពាណិជ្ជកម្ម បានដាក់សម្ពោធនូវសមិទ្ធផលការងារទំនើបកម្មចំនួន ៤ ក្រោមអធិបតីភាពលោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម ដែលក្នុងនោះក៏មាន Mini App របស់ធនាគារធំៗចំនួន ២ ផងដែរ។

ក្រសួងពាណិជ្ជកម្ម បានឱ្យដឹងថា សមិទ្ធផលការងារទំនើបកម្មទាំង ៤នោះ រួមមាន៖ ១. ការធ្វើសាមញ្ញកម្មនៃការងារចុះបញ្ជីពាណិជ្ជកម្ម ដែលបានការកាត់បន្ថយនីតិវិធី និងឯកសារតម្រូវដើម្បីសម្របសម្រួលដល់ការចុះបញ្ជីពាណិជ្ជកម្ម អោយកាន់តែមានភាពងាយស្រួល ប្រសិទ្ធភាពខ្ពស់ លឿនរហ័ស និងចំណេញពេលវេលា។

២. ការធ្វើទំនើបកម្មការទូទាត់កម្រៃសេវាសាធារណៈ ដែលបានបញ្ចូលការទូទាត់សេវាពាណិជ្ជកម្មតាមប្រព័ន្ធអនឡាញ ដូចជាការតម្កល់ប្រតិវេទន៍ប្រចាំឆ្នាំ និងការដាក់ពាក្យស្នើសុំអនុវត្តដីការក្សាការពារ ទៅក្នុង ABA Mini App និង ACLEDA Mini App និងធនាគារផ្សេងៗទៀតក្នុងពេលឆាប់ៗខាងមុខ។

៣. ការលើកលែងការផាកពិន័យខកខានតម្កល់ប្រតិវេទន៍ប្រចាំឆ្នាំ ដោយអនុវត្តរាល់ការផាកពិន័យខកខានតម្កល់ប្រតិវេទន៍ប្រចាំឆ្នាំ គិតត្រឹមតែ ១ឆ្នាំចុងក្រោយ។

៤. ការសម្ពោធដាក់ឱ្យប្រើប្រាស់ជាផ្លូវការនូវកម្មវិធី MOC Mobile App ដើម្បីជំរុញការធ្វើបរិវត្តកម្មឌីជីថលក្នុងវិស័យពាណិជ្ជកម្ម ផ្តោតលើការជួយសម្រួលអនុវត្តនិងលើកកម្ពស់ប្រសិទ្ធការងារ របស់មន្ត្រីក្រសួងពាណិជ្ជកម្ម ឱ្យកាន់តែមានភាពប្រសើរជាងមុន៕

អត្ថបទ៖ វីរៈ​ រូបភាព៖ ក្រសួងពាណិជ្ជកម្ម

second...

x

The post Mini App ធនាគារធំៗចំនួន២ ជាដៃគូជាមួយក្រសួងពាណិជ្ជកម្មក្នុងការទូទាត់កម្រៃសេវាសាធារណៈ appeared first on Millions times.