ព័ត៌មាន Archives - Millions times

អបអរសាទរ! អ្នកឧកញ៉ាវ័យក្មេង សំ សុខនឿន ត្រូវបានតែងតាំងជាទីប្រឹក្សាកិត្តិយសនៃសមាគមពាណិជ្ជកម្មកម្ពុជា-ម៉ាឡេស៊ី នៅប្រទេសម៉ាឡេស៊ី

Vin Chang — Fri, 08 May 2026 03:17:45 +0000

កាលពីពេលថ្មីៗនេះអ្នកឧកញ៉ាវ័យក្មេង សំ សុខនឿន ត្រូវបានតែងតាំងជាទីប្រឹក្សាកិត្តិយស នៃសមាគមពាណិជ្ជកម្មកម្ពុជា-ម៉ាឡេស៊ី នៅប្រទេសម៉ាឡេស៊ី ដែលកម្មវិធីធ្វើឡើងនៅប្រទេសម៉ាឡេស៊ី។

តាមដានជាមួយយើង៖ Million Times

ការប្រកាសតែងតាំងអ្នកឧកញ៉ាវ័យក្មេង សំ សុខនឿន ជាទីប្រឹក្សាកិត្តិយស នៃសមាគមពាណិជ្ជកម្មកម្ពុជា-ម៉ាឡេស៊ី បន្ទាប់ពីមានអនុស្សរណៈនៃការយោគយល់គ្នា (MoU) រវាងសមាគមពាណិជ្ជកម្មម៉ាឡេស៊ី-កម្ពុជា (MCBA) និងសហព័ន្ធសមាគមសហគ្រាសធុនតូច និងមធ្យមនៃកម្ពុជា (FASMEC)។ ក្រៅពីអ្នកឧកញ៉ាវ័យក្មេង សំ សុខនឿន ក៏មានឥស្សរជនជាន់ខ្ពស់របស់កម្ពុជា ៣ រូបផ្សេងរបស់ប្រទេសកម្ពុជា ត្រូវបានតែងតាំងក្នុងតួនាទីផ្សេងៗគ្នា។

ក្នុងនោះ ក៏មាន Dato’ (ឧកញ៉ា), Dato’ Sri (អ្នកឧកញ៉ា) និង Tan Sri (លោកអ្នកឧកញ៉ា) របស់ម៉ាឡេស៊ីជាង ១០ រូបបន្ថែមទៀត ត្រូវបានផ្ដល់កិត្តិយសផ្សេងៗគ្នានាឱកាសចុះ MOU កាលពីថ្ងៃ៥ ខែឧសភា ឆ្នាំ ២០២៦ កន្លងទៅ នៅទីក្រុងកូឡាឡាំពួរ ប្រទេសម៉ាឡេស៊ី។

លោក Datuk Seri Ricky Yaw ប្រធានស្ថាបនិក MCBA បានមានប្រសាសន៍ថា ភាពជាដៃគូនេះ មានគោលបំណងបង្កើតវេទិកាមួយ ផ្តល់នូវតម្លៃដែលអាចវាស់វែងបានដល់អាជីវកម្មនានានៅទូទាំងប្រទេសម៉ាឡេស៊ី កម្ពុជា និងតំបន់អាស៊ានទាំងមូល។

គួរបញ្ជាក់ថា បច្ចុប្បន្នប្រទេសម៉ាឡេស៊ី និងកម្ពុជា កំពុងបង្កើនកិច្ចសហប្រតិបត្តិការអាជីវកម្ម ពង្រីកឱកាសនៅទូទាំងអាស៊ាន និងជំរុញភាពជាដៃគូឆ្លងដែនពាណិជ្ជកម្ម និងការវិនិយោគ៕

អត្ថបទ៖ឆដា, រូបភាព៖ ផ្ដល់ឲ្យ

The post អបអរសាទរ! អ្នកឧកញ៉ាវ័យក្មេង សំ សុខនឿន ត្រូវបានតែងតាំងជាទីប្រឹក្សាកិត្តិយសនៃសមាគមពាណិជ្ជកម្មកម្ពុជា-ម៉ាឡេស៊ី នៅប្រទេសម៉ាឡេស៊ី appeared first on Millions times.

លោកស្រី សុភា បុត្រឈរ ត្រូវព្រះមហាក្សត្រ ចេញព្រះរាជក្រឹត្យ ត្រាស់បង្គាប់ផ្តល់គោរមងារ «ឧកញ៉ា»

Vin Chang — Wed, 06 May 2026 08:04:33 +0000

លោកស្រី សុភា បុត្រឈរ ដែលជាសប្បុរសជនខ្មែររស់នៅក្រៅប្រទេស ដែលតែងតែឈឺឆ្អាលនឹងសុខទុក្ខប្រជាជនខ្មែរ ហើយបានចូលរួមយ៉ាងសកម្មក្នុងការជួយដល់ជនក្រីក្រ និងជនរងគ្រោះដោយសារសង្គ្រាមកាលពីឆ្នាំមុន ត្រូវបាន ត្រូវព្រះមហាក្សត្រ ចេញព្រះរាជក្រឹត្យ ត្រាស់បង្គាប់ផ្តល់គោរមងារជា «ឧកញ៉ា»។

តាមដានជាមួយយើង៖ Million Times

ណូ សុភា ត្រូវបានព្រះករុណា ព្រះបាទ សម្ដេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់ផ្តល់គោរមងារជា«ឧកញ៉ា»។ យោងតាមសេចក្ដីក្រាបបង្គំទូលថ្វាយរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

មហាជនពិតជាពេញចិត្ត និងអបអរដល់លោកស្រី សុភា បុត្រឈរ និងសា្វមី ព្រមទាំងគ្រួសារ ជួបតែសុភមង្គល វិបុលសុខ និងប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

អត្ថបទ៖ ឆដា, រូបភាព៖ Sophea MD

The post លោកស្រី សុភា បុត្រឈរ ត្រូវព្រះមហាក្សត្រ ចេញព្រះរាជក្រឹត្យ ត្រាស់បង្គាប់ផ្តល់គោរមងារ «ឧកញ៉ា» appeared first on Millions times.

មន្ត្រី ក.ប.ប សាខាខេត្តបាត់ដំបង ចុះពិនិត្យទុរេននៅផ្សារភូពុយ ក្រោយលេចឮព័ត៌មានថា នាំចូលពីប្រទេសថៃ

Vin Chang — Sun, 03 May 2026 07:14:30 +0000

នៅព្រឹកថ្ងៃ ៣ ខែឧសភា ឆ្នាំ ២០២៦ នេះ បន្ទាប់ពីលេចឮព័ត៌មានតាមបណ្ដាញសង្គមថា មានអាជីវករលួចនាំចូលផ្លែទុរេនពីប្រទេសថៃមកដាក់លក់នៅក្នុងផ្សារភូពុយ ខេត្តបាត់ដំបង មន្ត្រីនៃអគ្គនាយកដ្ឋានការពារអ្នកប្រើប្រាស់ និងកិច្ចការប្រកួតប្រជែង ខេត្តបាត់ដំបង បានចុះពិនិត្យទីតាំងលក់ផ្លែឈើ ៩ ទីតាំង។

តាមដានជាមួយយើង៖ Million Times

ជាលទ្ធផល ក្រោយពីការចុះពិនិត្យ និងសួរនាំ មន្ត្រីជំនាញសន្និដ្ឋានថាមិនមានករណីនាំទុរេន ពីប្រទេសថៃចូលមកលក់នោះឡើយ ដោយទុរេនទាំងនោះនាំមកពីខេត្តកំពង់ចាម និងតំបន់មួយចំនួនក្នុងស្រុកនោះទេ ។

មួយរយៈមកនេះ មានឃើញការលក់ផ្លែទុរេនជាច្រើនដោយមហាជនសង្ស័យថា អាជីវករបាននាំចូលមកពីប្រទេសថៃ ខណៈផ្លែទុរេននៅទីនោះជន់ជោរ ដោយសារមិនបាននាំចេញទៅក្រៅប្រទេស។

គួរបញ្ជាក់ផងដែរថា កម្ពុជាបានបិទការនាំចូលបន្លែ ផ្លែឈើ ប្រេងឥន្ធនៈ (សាំង, ម៉ាស៊ូត, ប្រេងខ្មៅ, សាំងយន្តហោះ) និង ឧស្ម័នរាវសម្រាប់ដុត។ ការហាមឃាត់នេះមិនមែនជាការបិទទាំងស្រុងទេ គឺសំដៅលើការទប់ស្កាត់ការនាំចូលតាមច្រកព្រំដែនគោកកម្ពុជា-ថៃ។ នេះបើយោងតាមសេចក្ដីជូនដំណឹងចុះថ្ងៃទី១៦ ខែកក្កដា ឆ្នាំ ២០២៥ របស់អគ្គនាយកដ្ឋានគយ និងរដ្ឋាករកម្ពុជា បញ្ជាក់បន្ថែមទៅកាន់អាជីវករ/ពាណិជ្ជករ ធុរជន៕

អត្ថបទ៖ ឆដា, រូបភាព៖ រូបភាពពីអគ្គនាយកដ្ឋាន ក.ប.ប

The post មន្ត្រី ក.ប.ប សាខាខេត្តបាត់ដំបង ចុះពិនិត្យទុរេននៅផ្សារភូពុយ ក្រោយលេចឮព័ត៌មានថា នាំចូលពីប្រទេសថៃ appeared first on Millions times.

អ្នកឧកញ៉ាវ័យក្មេង សំ សុខនឿន និងលោកជំទាវ សូ រមនា បរិច្ចាគថវិកា ២ ៥០០ ដុល្លារ ជូនកាកបាទក្រហមកម្ពុជា

Vin Chang — Sat, 02 May 2026 09:05:42 +0000

អ្នកឧកញ៉ាវ័យក្មេង សំ សុខនឿន និងលោកជំទាវ សូ រមនា បានបរិច្ចាគថវិកា ២ ៥០០ ដុល្លារជូនកាកបាទក្រហមកម្ពុជា ក្នុងឱកាសខួបទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

តាមដានជាមួយយើង៖ Million Times

អ្នកឧកញ៉ា សំ សុខនឿន សមាជិកក្រុមប្រឹក្សាភិបាល នៃសមាគមឧកញ៉ាកម្ពុជា តែងតែចូលរួមក្នុងការងារមនុស្សធម៌។ ក្នុងនាមជាអ្នកជំនួញម្នាក់ អ្នកឧកញ៉ាវ័យក្មេង និងជាស្ថាបនិក និងជាប្រធានក្រុមប្រឹក្សាភិបាល នៃក្រុមហ៊ុន KH Haitech រូបនេះធ្លាប់បានលើកឡើងថា ការចូលរួមក្នុងការងារមនុស្សធម៌ និងការងារសង្គម ជារឿងចាំបាច់ដែលត្រូវតែធ្វើ។

កន្លងមកបើទោះជាមានភាពមមាញឹកក្នុងមុខជំនួញយ៉ាងណា អ្នកឧកញ៉ាដែលមានប្រភពមកពីក្រូចឆ្មាររូបនេះ មិនដែលខកខានឡើយក្នុងការបរិច្ចាគថវិកា ដើម្បីជួយដល់អង្គការ និងស្ថាប័នជាច្រើន។

កាកបាទក្រហមកម្ពុជា បានអំពាវនាវចំពោះ សម្ដេច ឯកឧត្ដម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជន មកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន សូមមេត្តាបន្តចូលរួមបរិច្ចាគថវិកា សម្ភារ ជូនកាកបាទក្រហមកម្ពុជា ដោយសទ្ធាជ្រះថ្លា និងតាមការស្ម័គ្រចិត្ត។

ការចូលរួមឧបត្ថម្ភគាំទ្រការងារមនុស្សធម៌តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

កាកបាទក្រហមកម្ពុជា នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ដើម្បីបម្រើសកម្មភាពមនុស្សធម៌ជួយដល់ ប្រជាពលរដ្ឋងាយរងគ្រោះបំផុត ជាពិសេសប្រជាជនភៀសសឹក និងគ្រួសារយុទ្ធជនរបួស និងពលីក្នុងសមរភូមិ៕

អត្ថបទ៖ ឆដា, រូបភាព៖ Dr. Sam Soknoeun

The post អ្នកឧកញ៉ាវ័យក្មេង សំ សុខនឿន និងលោកជំទាវ សូ រមនា បរិច្ចាគថវិកា ២ ៥០០ ដុល្លារ ជូនកាកបាទក្រហមកម្ពុជា appeared first on Millions times.

គម្រោងសាងសង់ស្ថានីយផលិតថាមពលអគ្គិសនីដើរដោយថាមពលខ្យល់ នៅក្រុងសែនមនោរម្យ សម្រេចវឌ្ឍនភាព ២០%

Vin Chang — Thu, 30 Apr 2026 09:34:27 +0000

គម្រោងសាងសង់ស្ថានីយផលិតថាមពលអគ្គិសនីដើរដោយថាមពលខ្យល់ នៅក្រុងសែនមនោរម្យ ខេត្តមណ្ឌលគិរី ដែលមានអានុភាព ១៥០ មេហ្គាវ៉ាត់ និងប្រើទុនវិនិយោគប្រមាណ ២០០ លានដុល្លារ កំពុងដំណើរការអភិវឌ្ឍយ៉ាងសកម្ម ដោយសម្រេចវឌ្ឍនភាពប្រហែល ២០% ហើយ គិតត្រឹមថ្ងៃ ៣០ ខែមេសា ឆ្នាំ ២០២៦ នេះ។

តាមដានជាមួយយើង៖ Million Times

បច្ចុប្បន្នមានតែក្រុមហ៊ុនមួយ (ក្រុមហ៊ុនឥណ្ឌូឆាយណា) ដែលកំពុងដំណើរការសាងសង់។ គម្រោងនេះស្ថិតនៅភូមិឡៅការ សង្កាត់សុខដុម ក្រុងសែនមនោរម្យ ហើយតាមផែនការ ក្រុមហ៊ុននីមួយៗអាចសាងសង់បង្គោលកង្ហាខ្យល់ចន្លោះពី ២០ ទៅ ៣០ បង្គោល។

ការអភិវឌ្ឍគម្រោងថាមពលខ្យល់នេះ ត្រូវបានចាត់ទុកថាជាជំហានសំខាន់ក្នុងការជំរុញការប្រើប្រាស់ថាមពលស្អាត និងថាមពលបៃតងនៅកម្ពុជា ជាពិសេសនៅតំបន់ភ្នំនៃខេត្តមណ្ឌលគិរី ដែលមានសក្ដានុពលខ្យល់ខ្លាំង និងអាចប្រើប្រាស់បានយូរអង្វែង។

កាលពីឆ្នាំ ២០២៥ រដ្ឋសភាកម្ពុជា បានអនុម័តគម្រោងថាមពលខ្យល់ ៦ គម្រោង នៅខេត្តមណ្ឌលគិរី ដែលមានអានុភាពសរុប ៩០០ មេហ្គាវ៉ាត់។ រាជរដ្ឋាភិបាលកំណត់គោលដៅថាមពលស្អាតមានចំណែកដល់ ៧០% នៅត្រឹមឆ្នាំ ២០៣០ ដើម្បីធានាការអភិវឌ្ឍមានចីរភាព និងទាក់ទាញវិនិយោគ។

គម្រោងទាំងនេះនឹងជួយដោះស្រាយបញ្ហាកង្វះអគ្គិសនី បំពេញតម្រូវការកំពុងកើនឡើង និងធានាការផ្គត់ផ្គង់អគ្គិសនីឱ្យមានស្ថិរភាព តម្លៃសមរម្យ និងទាន់ពេលវេលា៕

អត្ថបទ៖ ឆដា, រូបភាព៖ អ៊ីនធឺណិត

The post គម្រោងសាងសង់ស្ថានីយផលិតថាមពលអគ្គិសនីដើរដោយថាមពលខ្យល់ នៅក្រុងសែនមនោរម្យ សម្រេចវឌ្ឍនភាព ២០% appeared first on Millions times.

ឧកញ៉ា ស្រ៊ៀត មុំសុភា ទទួលបានការតែងតាំងជាកុងស៊ុលកិត្តិយសបង់ក្លាដេស ប្រចាំនៅកម្ពុជា

Vin Chang — Thu, 30 Apr 2026 07:18:03 +0000

ជារឿងគួរឲ្យស្ញប់ស្ញែង និងចូលរួមអបអរសាទរជាមួយឧកញ៉ា ស្រ៊ៀត មុំសុភា នៅថ្ងៃ ២៨ ខែមេសា ឆ្នាំ ២០២៦ កន្លងទៅ ត្រូវបានប្រកាសតែងតាំងជា កុងស៊ុលកិត្តិយសបង់ក្លាដេស ប្រចាំនៅកម្ពុជា។ ពិធីនោះធ្វើឡើង ដើម្បីបង្ហាញពីការពង្រឹងទំនាក់ទំនងការទូត និងការប្តេជ្ញាចិត្តរួមក្នុងការអភិវឌ្ឍកិច្ចសហប្រតិបត្តិការរវាងប្រទេសទាំងពីរ។

តាមដានជាមួយយើង៖ Million Times

កម្មវិធីនេះបានធ្វើឡើងក្រោមអធិបតីភាពលោក ហួត ហាក់ រដ្ឋមន្ត្រីក្រសួងទេសចរណ៍ និងមានការចូលរួមពីលោក កាស៊ី ហ្វៃយ៉ាស មួរស៊ីដ ឯកអគ្គរដ្ឋទូតសាធារណរដ្ឋប្រជាមានិតបង់ក្លាដេស ព្រមទាំងថ្នាក់ដឹកនាំ និងតំណាងក្រសួង-ស្ថាប័នពាក់ព័ន្ធ តំណាងអង្គទូតនានា លោក-លោកស្រីពីសមាគមធុរកិច្ច និងសហគមន៍កម្ពុជា–បង់ក្លាដេស ក្រុមហ៊ុនឯកជនជាតិ និងអន្តរជាតិ សរុបជាង ២០០ នាក់។

ឧកញ៉ា ស្រ៊ៀត មុំសុភា បានលើកឡើងថា “ថ្ងៃនេះមិនត្រឹមតែជាការតែងតាំងជាផ្លូវការប៉ុណ្ណោះទេ ប៉ុន្តែជាការប្តេជ្ញាចិត្តរួមគ្នាក្នុងការពង្រឹងភាពជាដៃគូរវាងបង់ក្លាដែស និងកម្ពុជាផងដែរ ដែល ជាទំនាក់ទំនងដែលបង្កើតឡើងដោយផ្អែកលើការជឿទុកចិត្ត ការគោរពគ្នាទៅវិញទៅមក និងចក្ខុវិស័យរួមសម្រាប់ការរីកចម្រើន និងកិច្ចសហប្រតិបត្តិការ“។

ក្នុងនាមជាកុងស៊ុលកិត្តិយសបង់ក្លាដេស ប្រចាំនៅកម្ពុជា ឧកញ៉ា ស្រ៊ៀត មុំសុភា បញ្ជាក់ថា បេសកកម្មរបស់ខ្លួនគឺ ពង្រឹងកិច្ចសហប្រតិបត្តិការការទូត និងស្ថាប័ន, គាំទ្រ និងការពារសហគមន៍បង់ក្លាដេសយ៉ាងសកម្មនៅកម្ពុជា, លើកកម្ពស់ពាណិជ្ជកម្ម ការវិនិយោគ និងទេសចរណ៍, កសាងទំនាក់ទំនងរវាងប្រជាជន និងប្រជាជន និងវប្បធម៌ឲ្យកាន់តែរឹងមាំ។

រដ្ឋមន្ត្រី ហួត ហាក់ បានថ្លែងអបអរសាទរជូនចំពោះឧកញ៉ា ស្រ៊ៀត មុំសុភា ដែលត្រូវបានតែងតាំងជាកុងស៊ុលកិត្តិយសថ្មី និងបានបញ្ជាក់ថា ការតែងតាំងនេះ មិនត្រឹមតែជាកិត្តិយសប៉ុណ្ណោះទេ ប៉ុន្តែជាកាតព្វកិច្ចដ៏សំខាន់ក្នុងការចូលរួមពង្រឹងទំនាក់ទំនងទ្វេភាគី និងជំរុញកិច្ចសហប្រតិបត្តិការលើវិស័យសំខាន់ៗ រួមទាំងទេសចរណ៍ ពាណិជ្ជកម្ម វិនិយោគ និងការតភ្ជាប់រវាងប្រជាជនទៅប្រជាជន ដោយនេះជាសញ្ញាបង្ហាញពីការជឿទុកចិត្ត និងការទទួលស្គាល់រវាងប្រទេសទាំងពីរ ដែលនឹងជួយបង្កើនការតភ្ជាប់ និងបង្កើតឱកាសសហប្រតិបត្តិការថ្មីៗ បន្ថែមទៀត។

កម្ពុជា និងបង់ក្លាដែស បានបង្កើតទំនាក់ទំនងការទូតជាផ្លូវការ ចាប់តាំងពីឆ្នាំ១៩៩៣មក ដោយគិតមកដល់ឆ្នាំ ២០២៦ មានរយៈពេលប្រមាណ ៣៣ ឆ្នាំ ដែលបានអភិវឌ្ឍទៅជាកិច្ចសហប្រតិបត្តិការយ៉ាងជិតស្និទ្ធលើវិស័យជាច្រើន រួមទាំងវិស័យទេសចរណ៍ផងដែរ។

គួរបញ្ជាក់ផងដែរថា ឧកញ៉ា ស្រ៊ៀត មុំសុភា គឺជាស្ថាបនិក និងជានាយកប្រតិបត្តិ Sophiya Cambodia Travel & Tours នៅប្រទេសកម្ពុជា៕

អត្ថបទ៖ ឆដា, រូបភាព៖ Oknha Sreat M. Sophear

The post ឧកញ៉ា ស្រ៊ៀត មុំសុភា ទទួលបានការតែងតាំងជាកុងស៊ុលកិត្តិយសបង់ក្លាដេស ប្រចាំនៅកម្ពុជា appeared first on Millions times.

ថ្ងៃនេះកងទ័ពថៃផ្ទុះអាវុធ ៥ លើក ខណៈក្រុមអនុព័ន្ធយោធាបរទេស ចុះសង្កេតការណ៍នៅច្រកអូរស្មាច់

Vin Chang — Wed, 29 Apr 2026 09:29:10 +0000

នៅថ្ងៃពុធ ទី ២៩ ខែមេសា ឆ្នាំ ២០២៦ នេះមានករណីផ្ទុះអាវុធបង្កឡើងដោយកម្លាំងយោធាថៃចំនួន ៥ លើក ក្នុងអំឡុងពេលក្រុមអនុព័ន្ធយោធាបរទេសកំពុងសង្កេតការណ៍ និងត្រួតពិនិត្យនៅទីតាំងជាក់ស្តែង នេះបើតាមការឲ្យដឹងពីអ្នកនាំពាក្យក្រសួងការពារជាតិកម្ពុជា។

តាមដានជាមួយយើង៖ Million Times

អ្នកនាំពាក្យបានឲ្យដឹងបន្ថែមថា នៅថ្ងៃ ២៩ ខែមេសា វេលាម៉ោង ១០៖ ២០ នាទីព្រឹក ក្រសួងការពារជាតិកម្ពុជា បានសម្របសម្រួលដំណើរទស្សនកិច្ចលើកទី២ ប្រចាំ ឆ្នាំ ២០២៦ របស់ក្រុមអនុព័ន្ធយោធាបរទេស (MACPP) ប្រចាំកម្ពុជា ចុះសង្កេតការណ៍នៅច្រកអូរស្មាច់ ខេត្តឧត្តរមានជ័យ ក្រោយបទឈប់បាញ់ចូលជាធរមាន។

មុនការចេញដំណើរទស្សនកិច្ចរបស់ក្រុមអនុព័ន្ធយោធាបរទេស (MACPP) ក្រុមលេខាធិការដ្ឋាន នៃគណៈកម្មាធិការព្រំដែនថ្នាក់យោធភូមិភាគ (RBC) នៃយោធភូមិភាគទី៤ កម្ពុជា បានចេញលិខិតជូនដំណឹងជាផ្លូវការជូនទៅកាន់ក្រុមលេខាធិការដ្ឋាន នៃគណៈកម្មាធិការព្រំដែនថ្នាក់យោធភូមិភាគ (RBC) នៃកងទ័ពភូមិភាគទី២ ថៃ រួចរាល់ហើយ។

សកម្មភាពនៃការចុះសង្កេតការណ៍របស់ប្រទេសសមាជិកក្រុមអនុព័ន្ធយោធាបរទេស (MACPP) ប្រចាំកម្ពុជា បានបង្ហាញឲ្យឃើញយ៉ាងច្បាស់ពីការយកចិត្តទុកដាក់ខ្ពស់ចំពោះបញ្ហាសន្តិសុខ និងសន្តិភាព មិនត្រឹមតែរវាងប្រទេសទាំង ២ ប៉ុណ្ណោះទេ ប៉ុន្តែសម្រាប់តំបន់ និងពិភពលោកទាំងមូលផងដែរ។

គួរឲ្យសោកស្ដាយបំផុត ក្នុងអំឡុងពេលកំពុងសង្កេតការណ៍ និងត្រួតពិនិត្យនៅទីតាំងជាក់ស្ដែង ក៏មានករណីផ្ទុះអាវុធបង្កឡើងដោយកម្លាំងយោធាថៃ ៥ លើក ចន្លោះពីម៉ោង ១០៖ ៣៥ នាទីព្រឹក ដល់ម៉ោង ១១៖០៩នាទី ដោយបានបាញ់កាំភ្លើងប្រភេទ M79 និងប្រភេទ M16 សរុប ៩គ្រាប់។

ជាមួយគ្នានេះ កងកម្លាំងរបស់កម្ពុជា បាននឹងកំពុងបន្តតាមដានយ៉ាងយកចិត្តទុកដាក់ និងប្រុងប្រយ័ត្នខ្ពស់។ គួរបញ្ជាក់ផងដែរថា ហេតុការណ៍នេះគឺផ្ទុយទៅនឹងស្មារតីនៃបទឈប់បាញ់ និងកិច្ចព្រមព្រៀងទាំងឡាយដែលភាគីទាំង ២ បានឯកភាពគ្នា ដើម្បីកាត់បន្ថយភាពតានតឹង និងលើកកម្ពស់សន្តិភាព សន្តិសុខ និងភាពស្ងប់ស្ងាត់នៅតាមបណ្ដោយព្រំដែន៕

អត្ថបទ៖ ឆដា, រូបភាព៖ក្រសួងការពារជាតិ

The post ថ្ងៃនេះកងទ័ពថៃផ្ទុះអាវុធ ៥ លើក ខណៈក្រុមអនុព័ន្ធយោធាបរទេស ចុះសង្កេតការណ៍នៅច្រកអូរស្មាច់ appeared first on Millions times.

រដ្ឋាភិបាលកម្ពុជា សម្រេចលុបកម្រៃស្កេនកុងតឺន័រ ចាប់ពីខែឧសភានេះ

Vin Chang — Wed, 29 Apr 2026 06:59:01 +0000

អគ្គនាយកនៃអគ្គនាយកដ្ឋានគយ និងរដ្ឋាករ លោក គុណ ញឹម បានបញ្ជាក់ថា ការលុបបំផុតកម្រៃស្កេនកុងតឺន័រ ដើម្បីជួយសម្រួលផ្នែកពាណិជ្ជកម្មក្នុងការកាត់បន្ថយបន្ទុកថ្លៃដឹកជញ្ជូន (ឡូជីស្ទីក)។

តាមដានជាមួយយើង៖ Million Times

លោក គុណ ញឹម បានលើកឡើងក្នុងសិក្ខាសាលា ស្ដីពី ការផ្សព្វផ្សាយវិធានការមុតស្រួច ក្នុងការបង្ការ និងបង្ក្រាបអំពើរត់គេចពន្ធ និងការពង្រឹងអភិបាលកិច្ច នៅអគ្គនាយកដ្ឋានគយ កាលពីព្រឹកថ្ងៃ ២៨ ខែមេសា ឆ្នាំ ២០២៩ ដែលការណ៍នេះធ្វើឡើងក្នុងគោលដៅ ដើម្បីកាត់បន្ថយបន្ទុកចំណាយ ក្នុងវិស័យដឹកជញ្ជូន ក៏ដូចជាថ្លៃដើមនៃការធ្វើពាណិជ្ជកម្មរបស់កម្ពុជា។

អគ្គនាយកនៃអគ្គនាយកដ្ឋានគយ និងរដ្ឋាករ បានបន្ថែមថា រាជរដ្ឋាភិបាល សម្រេចអនុវត្តចាប់ពីថ្ងៃ ១ ខែឧសភា ឆ្នាំ ២០២៦ នេះតទៅ ក្នុងការលុបបំបាត់កម្រៃស្កេនកុងតឺន័រទាំងស្រុងតែម្ដង។ នេះជាផ្នែកមួយ នៃកិច្ចសម្រួលពាណិជ្ជកម្ម និងរួមចំណែកក្នុងការកាត់បន្ថយបន្ទុកថ្លៃភស្តុភារកម្ម។

ដើម្បីសម្រាលបន្ទុករបស់ធុរជន និងប្រជាពលរដ្ឋ ក្នុងស្ថានការណ៍កើនឡើងខ្ពស់ នៃតម្លៃប្រេងឥន្ធនៈជាសកល។ ក្នុងនោះក៏មានការកែសម្រួលអត្រាពន្ធ និងអាករ ដែលអនុវត្តចាប់ពីថ្ងៃ ១ ខែមេសា ឆ្នាំ ២០២៦ មក។ វិធានការនេះផ្ដោតសំខាន់ចំពោះការបញ្ចុះពន្ធគយលើយានយន្តអគ្គិសនី, អាគុយ, បរិក្ខារសូឡា, និងចង្ក្រានអគ្គិសនី ដែលជាសម្ភារៈប្រើប្រាស់ចាំបាច់ប្រចាំថ្ងៃរបស់ប្រជាពលរដ្ឋ។

ជាមួយគ្នានេះផងដែរ រាជរដ្ឋាភិបាលកម្ពុជា ក៏សម្រេចបន្ធូរបន្ថយបន្ទុកពន្ធ និងអាករនាំចូលប្រេង និងឧស្ម័នឥន្ធនៈ ដើម្បីជួយបញ្ចុះតម្លៃ និងធានានិរន្តរភាពនៃការផ្គត់ផ្គង់។

អគ្គនាយកនៃអគ្គនាយកដ្ឋានគយ និងរដ្ឋាករ បានអះអាងថាការដាក់ចេញវិធានមុតស្រួចទាំងនេះ ធ្វើឡើងក្នុងគោលដៅកែលំអ និងបង្កជាបរិយាកាសស្មើភាពគ្នាក្នុងការវិនិយោគ និងធ្វើពាណិជ្ជកម្ម នៅកម្ពុជា គឺបង្ការ និងបង្ក្រាបអំពើរត់គេចពន្ធ និងការពង្រឹងអភិបាលកិច្ច របស់អគ្គនាយកដ្ឋានគយ ដែលមានលក្ខណៈម៉ឺងម៉ាត់ និងប្រាកដនិយម ជាផ្នែកមួយនៃការកែទម្រង់ស៊ីជម្រៅរបស់រដ្ឋាភិបាល។

គួរបញ្ជាក់ផងដែរថា កាលឆ្នាំ ២០២៥ គយប្រមូលចំណូលចូលជាតិបាន ៣ ១៨១ លានដុល្លារ គឺលើសផែនការដល់ ២១ ភាគរយ កំណត់ដោយច្បាប់ ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ២០២៥៕

អត្ថបទ៖ ឆដា, រូបភាព៖អគ្គនាយកដ្ឋានគយនិងរដ្ឋាករកម្ពុជា និង STPM

The post រដ្ឋាភិបាលកម្ពុជា សម្រេចលុបកម្រៃស្កេនកុងតឺន័រ ចាប់ពីខែឧសភានេះ appeared first on Millions times.

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ថ្លែងអំណរគុណឧកញ៉ា គិត ស៊ូឡា ឧបត្ថម្ភថវិកា ១ ៥៥៥ ៥៥៥ ដុល្លារ ជូនកាកបាទក្រហមកម្ពុជា

Vin Chang — Tue, 28 Apr 2026 07:17:16 +0000

ប្រធានកាកបាទក្រហមកម្ពុជា សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានថ្លែងអំណរគុណយ៉ាងជ្រាលជ្រៅបំផុតចំពោះ ឧកញ៉ា គិត ស៊ូឡា អគ្គនាយកប្រតិបត្តិក្រុមហ៊ុន Royal Group International Company និងត្រូវជាកូនប្រុសអ្នកឧកញ៉ា គិត ម៉េង និងលោកជំទាវអ្នកឧកញ៉ា ម៉ៅ ចំណាន គិតម៉េង ម្ចាស់ក្រុមហ៊ុន Royal Group ដែលបានឧបត្ថម្ភថវិកា ១ ៥៥៥ ៥៥៥ដុល្លារ ជូនកាកបាទក្រហមកម្ពុជា ក្នុងឱកាសខួបទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

តាមដានជាមួយយើង៖ Million Times

អត្ថបទ៖ ឆដា, រូបភាព៖ អ៊ីនធឺណេត

The post សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ថ្លែងអំណរគុណឧកញ៉ា គិត ស៊ូឡា ឧបត្ថម្ភថវិកា ១ ៥៥៥ ៥៥៥ ដុល្លារ ជូនកាកបាទក្រហមកម្ពុជា appeared first on Millions times.

រោងចក្រ វិរៈ ប៊ុនថាំ ជីកសិកម្ម មានសមត្ថភាពផលិតដល់ ២០០ តោនក្នុងមួយថ្ងៃ ត្រៀមវាយលុកទីផ្សារ និងជំនួសផលិតផលនាំចូល

Vin Chang — Tue, 28 Apr 2026 06:16:53 +0000

ថ្មីៗនេះក្រុមហ៊ុន វិរៈ ប៊ុនថាំ ជីកសិកម្ម បានសម្ពោធរោងចក្រផលិតជីកសិកម្មដ៏ធំមួយរបស់ខ្លួន ដែលស្ថិតនៅលើផ្ទៃដី ១៥ ហិកតា នៅក្នុងខេត្តកំពង់ស្ពឺ ដែលនេះជាការបោះជំហានថ្មីមួយទៀតរបស់វិស័យកសិកម្មកម្ពុជា។

តាមដានជាមួយយើង៖ Million Times

រោងចក្រជីកសិកម្មរបស់ក្រុមហ៊ុន វិរៈ ប៊ុនថាំ មានសមត្ថភាពផលិតជីបានប្រមាណ ២០០ តោន ក្នុងមួយថ្ងៃ ដោយការផលិតទាំងស្រុង គឺប្រើប្រាស់វត្ថុធាតុដើមក្នុងស្រុក ធានាបាននូវគុណភាពល្អ និងតម្លៃសមរម្យ សម្រាប់ប្រជាកសិករយកទៅប្រើប្រាស់។ បើតាមក្រុមហ៊ុន វិរៈ ប៊ុនថាំ ជីកសិកម្ម ទាំងតម្លៃ និងគុណភាពជីដែលផលិតចេញពីរោងចក្ររបស់ខ្លួន គឺអាចប្រកួតប្រជែងជាមួយនឹងជីនាំចូលបាន។

អ្នកឧកញ៉ាបណ្ឌិត សួរ វីរៈ អគ្គនាយកក្រុមហ៊ុន វិរៈ ប៊ុនថាំ គ្រុប បានគូសបញ្ជាក់ថា បន្ទាប់ពីដំណើរការសាកល្បងផ្គត់ផ្គង់ ជីកសិកម្ម ដូចជាជីសរីរាង្គ ជីលាមកជន្លេន និងជីទឹកជូនទៅដល់ប្រជាកសិករ តាមតំបន់នានា ប្រកបដោយគុណភាពជាទីពេញចិត្ត ក្រុមហ៊ុន វិរៈ ប៊ុនថាំ ជីកសិកម្ម បានសម្រេចបើកសម្ពោធជាផ្លូវការនូវរោងចក្រជីមួយនេះឡើង ដែលនឹងក្លាយជាផ្នែកមួយ រួមចំណែកអភិវឌ្ឍន៍វិស័យកសិកម្មនៅកម្ពុជា គឺស្របនឹងគោលនយោបាយរបស់រាជរដ្ឋាភិបាលដែលជំរុញ និងលើកទឹកចិត្ត ឱ្យមានការវិនិយោគលើការផលិត ជីកសិកម្មឱ្យបានកាន់តែច្រើន និងមានគុណភាព ខណៈបញ្ហាជីកសិកម្មនេះ កំពុងជះផលអវិជ្ជមានជាច្រើនទៅលើគុណភាព បរិមាណ និងតម្លៃរបស់ផលិតផលកសិកម្មកម្ពុជា។

អគ្គនាយកក្រុមហ៊ុន វិរៈ ប៊ុនថាំ គ្រុប បានលើកឡើងដោយជឿជាក់ថា រោងចក្រជីកសិកម្មមួយនេះ នឹងជួយជំរុញលើការដាំដុះឱ្យទទួលបានទិន្នផលខ្ពស់ សម្រាប់ផ្គត់ផ្គង់ការប្រើប្រាស់ក្នុងស្រុក និងការនាំចេញកសិផលរបស់កម្ពុជាទៅកាន់ទីផ្សារពិភពលោក៕

អត្ថបទ៖ ឆដា, រូបភាព, ផ្ដល់ឲ្យ

The post រោងចក្រ វិរៈ ប៊ុនថាំ ជីកសិកម្ម មានសមត្ថភាពផលិតដល់ ២០០ តោនក្នុងមួយថ្ងៃ ត្រៀមវាយលុកទីផ្សារ និងជំនួសផលិតផលនាំចូល appeared first on Millions times.

ព័ត៌មាន Archives - Millions times

លោកស្រី សុភា បុត្រឈរ ត្រូវព្រះមហាក្សត្រ ចេញព្រះរាជក្រឹត្យ ត្រាស់បង្គាប់ផ្តល់គោរមងារ «ឧកញ៉ា»

មន្ត្រី ក.ប.ប សាខា​ខេត្ត​បាត់ដំបង ចុះ​ពិនិត្យទុរេននៅផ្សារភូពុយ ក្រោយលេចឮព័ត៌មានថា នាំចូលពីប្រទេសថៃ

អ្នកឧកញ៉ាវ័យក្មេង សំ សុខនឿន និងលោកជំទាវ សូ រមនា បរិច្ចាគ​ថវិកា ២ ៥០០ ដុល្លារ ជូនកាកបាទក្រហមកម្ពុជា

គម្រោងសាងសង់ស្ថានីយផលិតថាមពលអគ្គិសនីដើរដោយថាមពលខ្យល់ នៅក្រុងសែនមនោរម្យ សម្រេចវឌ្ឍនភាព ២០%

ឧកញ៉ា ស្រ៊ៀត មុំសុភា ទទួលបានការតែងតាំងជាកុងស៊ុលកិត្តិយសបង់ក្លាដេស ប្រចាំនៅកម្ពុជា

ថ្ងៃនេះកងទ័ពថៃផ្ទុះអាវុធ ៥ លើក ខណៈក្រុមអនុព័ន្ធយោធាបរទេស ចុះសង្កេតការណ៍នៅច្រកអូរស្មាច់

រដ្ឋាភិបាលកម្ពុជា សម្រេចលុបកម្រៃស្កេនកុងតឺន័រ ចាប់ពីខែឧសភានេះ

មន្ត្រី ក.ប.ប សាខាខេត្តបាត់ដំបង ចុះពិនិត្យទុរេននៅផ្សារភូពុយ ក្រោយលេចឮព័ត៌មានថា នាំចូលពីប្រទេសថៃ

អ្នកឧកញ៉ាវ័យក្មេង សំ សុខនឿន និងលោកជំទាវ សូ រមនា បរិច្ចាគថវិកា ២ ៥០០ ដុល្លារ ជូនកាកបាទក្រហមកម្ពុជា