ព័ត៌មាន Archives - Millions times

ថៅកែក្រុមហ៊ុន វិរៈ ប៊ុនថាំ ចូលរួមពិធីសម្ពោធផ្លូវបេតុងអ៊ុតកៅស៊ូនៅគិរីរម្យ តម្លៃជាង ១,២២ លានដុល្លារ

Vin Chang — Tue, 30 Jun 2026 04:00:47 +0000

អ្នកឧកញ៉ាបណ្ឌិត សួរ វីរៈ បានចូលរួមពិធីសម្ពោធផ្លូវបេតុងអ៊ុតកៅស៊ូនៅគិរីរម្យ ដែលជាសមិទ្ធផលថ្មីតម្លៃជាង ១,២២ លានដុល្លារ និងជាអំណោយរបស់ក្រុមហ៊ុន វិរៈ ប៊ុនថាំ គ្រុប ផ្ទាល់តែម្ដង។

តាមដានជាមួយយើង៖ Million Times

កាលពីចុងសប្ដាហ៍មុនអគ្គនាយកក្រុមហ៊ុន វិរៈ ប៊ុនថាំ អេសប្រេស ខូអិលធីឌី និងលោកស្រី ប៊ុន ចន្ធូ បានអញ្ជើញចូលរួមពិធីសម្ពោធផ្លូវបេតុងអ៊ុតកៅស៊ូ ប្រវែង ៧ ០០០ ម៉ែត្រ ចេញពីរង្វង់មូលនាគព័ន្ធ ឆ្ពោះទៅកាន់រមណីយដ្ឋានឋានសួគ៌គិរីរម្យ រីស៊ត នៅលើភ្នំគិរីរម្យ តម្លៃជាង ១,២២ លានដុល្លារ ដែលជាអំណោយក្រុមហ៊ុន វិរៈ ប៊ុនថាំ គ្រុបផ្ទាល់តែម្ដង។

កម្មវិធីសម្ពោធផ្លូវបេតុងអ៊ុតកៅស៊ូថ្មីនេះ ធ្វើឡើងក្រោមអធិបតីភាព រដ្ឋមន្ត្រីក្រសួងទេសចរណ៍ លោក ហួត ហាក់ និងមានការចូលរួមពីអភិបាលខេត្តកំពង់ស្ពឺ លោក ជាម ច័ន្ទសោភ័ណ។

ក្នុងឱកាសនោះអ្នកឧកញ៉ា បណ្ឌិត បានគូសបញ្ជាក់ថា ផ្លូវបេតុងអ៊ុតកៅស៊ូថ្មីនេះ ជាសមិទ្ធផលថ្មីមួយទៀត ដើម្បីជំរុញវិស័យទេសចរនៅតំបន់គិរីរម្យ នារដូវកាលបៃតង ហើយភ្ញៀវទេសចរលែងបារម្ភក្នុងការធ្វើដំណើរទៅកាន់ឧទ្យានបោះតង់ទៀតហើយ៕

អត្ថបទ៖ ឆដា, រូបភាព៖ Neak Oknha Dr. Vireak Suo

The post ថៅកែក្រុមហ៊ុន វិរៈ ប៊ុនថាំ ចូលរួមពិធីសម្ពោធផ្លូវបេតុងអ៊ុតកៅស៊ូនៅគិរីរម្យ តម្លៃជាង ១,២២ លានដុល្លារ appeared first on Millions times.

កូនចៅនៃសម្ព័ន្ធ ជីប ម៉ុង ជូនដំណើរអ្នកជិះកង់ដើម្បីកុមារកម្ពុជា ទីវ តារារិទ្ធិ ឆ្ពោះទៅកាន់ខេត្តសៀមរាប

Vin Chang — Mon, 29 Jun 2026 06:47:37 +0000

លោក ទីវ តារារិទ្ធិ ដែលមហាជនស្គាល់ថាជាអ្នកជិះកង់ឆ្លងទ្វីបរបស់កម្ពុជាដើម្បីរៃអង្គាសថវិកាជួយដល់មន្ទីរពេទ្យគន្ធបុប្ផា និងមន្ទីរពេទ្យកុមារអង្គរ បានបន្តបេសកកម្មជិះកង់ពីភ្នំពេញទៅសៀមរាបកាលពីម្សិលមិញ ហើយក៏មានក្រុមគ្រួសារនៃត្រកូល ជីប ម៉ុង ចូលរួមជូនដំណើរផងដែរ។

តាមដានជាមួយយើង៖ Million Times

សប្បុរជន តារារិទ្ធិ បានជិះកង់ទៅកាន់ទ្វីបអឺរ៉ុប អាហ្វ្រិក អាស៊ីកណ្ដាល ដោយឆ្លងកាត់ ៤០ ប្រទេសមានចម្ងាយប្រមាណ ៥៧ ០០០ គីឡូម៉ែត្រ រៃអង្គាសថវិកាបានជាង ២១ ម៉ឺនដុល្លារ ជួយដល់មន្ទីរពេទ្យគន្ធបុប្ផា និងមន្ទីរពេទ្យកុមារអង្គរ ហើយខ្វះប្រមាណ ៣ ម៉ឺនដុល្លារ ហើយក្រុមហ៊ុន ជីប ម៉ុង គ្រុបបានប្រកាសឧបត្ថម្ភ ៣៥ ០០០ ដុល្លារដើម្បីបង្គ្រប់។

នៅក្នុងដំណើរឆ្ពោះទៅកាន់ខេត្តសៀមរាបកាលពីម្សិលមិញនេះ លោក ទីវ តារារិទ្ធិ បានទទួលបានការជូនដំណើរជាច្រើនពីសំណាក់អ្នកគាំទ្រ ពិសេសគឺអ្នកតំណាង ជីប ម៉ុង គ្រុប គឺកញ្ញា អ៊ឹង វត្តី ដែលកំពុងកាន់កាប់ការងារនៅក្នុង Khmer Beverages។

គួរបញ្ជាក់ថា កាលពីសប្ដាហ៍មុន លោក ទីវ តារារិទ្ធិ បានជួបជាមួយ CEO បន្តវេន អ៊ឹង វីរៈ ដើម្បីបង្ហាញពីការធ្វើដំណើររបស់លោក រាប់ម៉ឺនគីឡូម៉ែត្រនៅទ្វីបអឺរ៉ុប អាហ្វ្រិក និងអាស៊ីកណ្ដាល ដោយជួបបញ្ហាច្រើនរាប់មិនអស់៕

អត្ថបទ៖ ឆដា, រូបភាព៖ WURKZ

The post កូនចៅនៃសម្ព័ន្ធ ជីប ម៉ុង ជូនដំណើរអ្នកជិះកង់ដើម្បីកុមារកម្ពុជា ទីវ តារារិទ្ធិ ឆ្ពោះទៅកាន់ខេត្តសៀមរាប appeared first on Millions times.

CEO បន្តវេន អ៊ឹង វីរៈ ឧបត្ថម្ភថវិកា ៣៥ ០០០ ដុល្លារ បង្គ្រប់បេសកកម្មជិះកង់ ដើម្បីកុមារកម្ពជារបស់លោក ទីវ តារារិទ្ធិ

Vin Chang — Fri, 26 Jun 2026 09:53:00 +0000

CEO បន្តវេន អ៊ឹង វីរៈ បានដឹកនាំក្រុមការងារជួបជាមួយលោក ទីវ តារារិទ្ធិ ដែលជាសប្បុរសជនខ្មែរដែលតែងតែប្រមូលថវិកាជួយដល់កុមារកម្ពុជា តាមរយៈការជិះកង់ បានត្រឡប់មកដល់កម្ពុជាវិញហើយនាយប់ថ្ងៃ ២២ ខែមិថុនា ឆ្នាំ ២០២៦ ក្រោយចំណាយពេលជិត ២ ឆ្នាំ។

តាមដានជាមួយយើង៖ Million Times

ក្នុងដំណើរបេសកកម្មជិះកង់សប្បុរសធម៌ទៅកាន់ទ្វីបអឺរ៉ុប អាហ្វ្រិក អាស៊ីកណ្ដាល ដោយឆ្លងកាត់ ៤០ ប្រទេសមានចម្ងាយប្រមាណ ៥៧ ០០០ គីឡូម៉ែត្ររបស់លោក ទីវ តារារិទ្ធិ រៃអង្គាសថវិកាបានជាង ២១ ម៉ឺនដុល្លារ ជួយដល់មន្ទីរពេទ្យគន្ធបុប្ផា និងមន្ទីរពេទ្យកុមារអង្គរ។

តាមកម្មវត្ថុរបស់លោក ទីវ តារារិទ្ធិ គឺរៃអង្គាសថវិកាឲ្យបាន ២៥ ម៉ឺនដុល្លារ។ ដូច្នេះដើម្បីបង្គ្រប់ទឹកប្រាក់ដែលនៅខ្វះ ៣ ម៉ឺនដុល្លារ លោក ទីវ តារារិទ្ធ បានសម្រេចចិត្តបន្តបេសកកម្មជិះកង់រយៈពេល ៣ថ្ងៃ ទៅកាន់ខេត្តសៀមរាប។

ក្រោយឃើញទឹកចិត្តមោះមុតរបស់អ្នកជិះកង់ដើម្បីកុមារកម្ពុជារូបនេះ ក្រុមហ៊ុន ជីប ម៉ុង គ្រុប ដែលដឹកនាំដោយ CEO បន្តវេន អ៊ឹង វីរៈ បានប្រកាសឧបត្ថម្ភ ៣៥ ០០០ ដុល្លារ ដល់លោក ទីវ តារារិទ្ធិ រួមគ្នាបញ្ចប់បេសកកម្មជិះកង់ពីភ្នំពេញទៅសៀមរាបក្នុងការរៃអង្គាសថវិកាជួយដល់មន្ទីរពេទ្យកុមារអង្គរ និងមន្ទីរពេទ្យគន្ធបុប្ផា៕

អត្ថបទ៖ ឆដា, រូបភាព៖ WURKZ

The post CEO បន្តវេន អ៊ឹង វីរៈ ឧបត្ថម្ភថវិកា ៣៥ ០០០ ដុល្លារ បង្គ្រប់បេសកកម្មជិះកង់ ដើម្បីកុមារកម្ពជារបស់លោក ទីវ តារារិទ្ធិ appeared first on Millions times.

អ្នកឧកញ៉ា ម៉ម វណ្ណឌី ទីប្រឹក្សាសម្តេចតេជោ ហ៊ុន សែន ចូលរោងការម្សិលមិញ

Vin Chang — Wed, 17 Jun 2026 04:43:49 +0000

កាលពីថ្ងៃ ១៥ និង១៦ ខែឧសភា ឆ្នាំ ២០២៦ កន្លងទៅ មង្គលការដ៏ធំមួយនៅរាជធានីភ្នំពេញ គឺកូនកំលោះជាអ្នកឧកញ៉ា ម៉ម វណ្ណឌី ទីប្រឹក្សាសម្ដេចតេជោ ហ៊ុន សែន និងកូនក្រមុំអ្នកឧកញ៉ា ទៀង ផល្លា។

តាមដានជាមួយយើង៖ Million Times

ការចាប់ដៃគ្នាចូលរោងការកក្រើកភ្នំពេញម្សិលមិញ រវាងអ្នកឧកញ៉ា ម៉ម វណ្ណឌី និងអ្នកឧកញ៉ា ទៀង ផល្លា មានការអញ្ជើញចូលរួមឲ្យពរជ័យរបស់សម្ដេច, ឯកឧត្តម អ្នកឧកញ៉ា ឧកញ៉ា,មន្ត្រីរាជការ និងអ្នកជំនួញតូចធំច្រើនរូប នៅមជ្ឈមណ្ឌល OCIC។

ចំណែកសម្ដេចតេជោ ហ៊ុន សែន មិនបានខកខានក្នុងការឲ្យពរជ័យ គូស្វាមីទាំង ២ ក្រោមស្នាមញញឹមជាប់ជានិច្ច។ មិនតែប៉ុណ្ណោះមង្គលការទីប្រឹក្សាសម្ដេចតេជោ ហ៊ុន សែន រូបនេះក៏មានអ្នកកំដរប្រុសស្រីសុទ្ធសឹងជាបុគ្គលល្បីៗក្នុងវិស័យផ្សេងៗគ្នា។

ក្នុងកម្មវិធីមង្គលការអភិជននេះ មានការអញ្ជើញចូលរួមពីឥស្សរជន ថ្នាក់ដឹកនាំ សម្តេច ឯកឧត្តម លោកជំទាវ ច្រើនរូប រួមមានសម្តេចតេជោ ហ៊ុន សែន ប្រធានព្រឹទ្ធសភា, សម្តេចកិត្តិសង្គហបណ្ឌិត ម៉ែន សំអន, ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី, ឧបនាយករដ្ឋមន្ត្រី កើត រិទ្ធ, ឯកឧត្តម ឌី វិជ្ជា និងលោកជំទាវ ហ៊ុន ម៉ាណា ព្រមទាំងឯកឧត្តម លោកជំទាវ អ្នកមុខអ្នកការ និងភ្ញៀវកិត្តិយសជាច្រើនរូបទៀត។

ងាកទៅមើលការរៀបចំកន្លែងកម្មវិធីមានទាំងបែបបុរាណ ដោយមានក្បូរក្បាច់ខ្មែរ និងផ្កាស្រស់ចម្រុះពណ៌ គំនូរ អំពូលគ្រីស្តាល់ចែងចាំងធ្វើឲ្យកន្លែងរៀបចំកម្មវិធីស្រស់បំព្រងតែម្ដង៕

អត្ថបទ៖ ឆដា, រូបភាព៖ The ring wedding cambodia

The post អ្នកឧកញ៉ា ម៉ម វណ្ណឌី ទីប្រឹក្សាសម្តេចតេជោ ហ៊ុន សែន ចូលរោងការម្សិលមិញ appeared first on Millions times.

កម្ពុជារៀបចំ «មហាសន្និបាតកាយឫទ្ធិនារីពិភពលោក (WAGGGS) » លើកទី៣៩ និង «កិច្ចប្រជុំប្រចាំឆ្នាំរបស់សហគមន៍ OB-PS» លើកទី៤២

sovanmoly tep — Mon, 15 Jun 2026 10:11:27 +0000

ប្រទេសកម្ពុជាកំពុងតែទទួលគណៈប្រតិភូបរទេស ដែលបានមកចូលរួម «មហាសន្និបាតកាយឫទ្ធិនារីពិភពលោក (WAGGGS) » លើកទី៣៩ និង «កិច្ចប្រជុំប្រចាំឆ្នាំរបស់សហគមន៍ OB-PS» លើកទី ៤២ នៅលើទឹកដីអង្គរ ខេត្តសៀមរាប ចាប់ពីថ្ងៃ ១៤ ដល់ថ្ងៃ ១៩ ខែមិថុនា ឆ្នាំ២០២៦ នេះ។

តាមដានជាមួយយើង៖ Million Times

មហាសន្និបាត WAGGGS លើកទី៣៩ និងកិច្ចប្រជុំ OB-PS លើកទី៤២ កម្ពុជាបានបង្ហាញកិច្ចស្វាគមន៍យ៉ាងកក់ក្ដៅ ចំពោះវត្តមានគណៈប្រតិភូមកពីគ្រប់ទិសទីជុំវិញពិភពលោកដើម្បីចូលរួមព្រឹត្តិការណ៍ឆ្នាំនេះ នៅលើទឹកដីអង្គរខេត្តសៀមរាប។

ព្រឹត្តិការណ៍មហាសន្និបាត ពោលគឺកាលពីថ្ងៃ១៤ ខែមិថុនា ឆ្នាំ ២០២៦ សមាគមកាយឫទ្ធិនារីកម្ពុជា បានរៀបចំកម្មវិធី «បេសកកម្មស្វែងរកទីតាំង» នៅប្រាសាទអង្គរវត្ត ក៏ដូចជាការផ្សព្វផ្សាយពីតំបន់ទេសចរណ៍កម្ពុជាដែរ។

មហាសន្និបាត WAGGGS លើកទី៣៩ និងកិច្ចប្រជុំ OB-PS លើកទី៤២ មានការចូលរួមពីប្រតិភូពិភពលោក ៦០០ នាក់មកពីប្រទេសផ្សេងៗគ្នាជាច្រើន។ ជាមួយគ្នា ការរៀបចំក្នុងឆ្នាំនេះធ្វើឡើងក្នុងខេត្តសៀមរាប នៃទឹកដីប្រទេសកម្ពុជា ចាប់ពីថ្ងៃទី ១៤ ដល់ថ្ងៃទី ១៩ ខែ មិថុនា ឆ្នាំ ២០២៦។

គួរបញ្ជាក់ថា មុនព្រឹត្តិការណ៍មកដល់ កម្ពុជាបានត្រៀមខ្លួនក្រុមការងារ ដើម្បីទទួលស្វាគមន៍ភ្ញៀវក៏ដូចជាគណៈប្រតិភូជិត ១០០ ប្រទេសដែលមកចូលរួមកម្មវិធីនៅខេត្តសៀមរាប។ គណៈប្រតិភូទាំងអស់បានបង្ហាញអារម្មណ៍កក់ក្ដៅ និងស្នាមញញឹមតាំងពីមកដល់ដីខ្មែរភ្លាមៗតែម្ដង៕

អត្ថបទ៖ ឆដា, រូបភាព៖ Girl Guides Association of Cambodia

The post កម្ពុជារៀបចំ «មហាសន្និបាតកាយឫទ្ធិនារីពិភពលោក (WAGGGS) » លើកទី៣៩ និង «កិច្ចប្រជុំប្រចាំឆ្នាំរបស់សហគមន៍ OB-PS» លើកទី៤២ appeared first on Millions times.

៥ ខែនៃឆ្នាំ ២០២៦ ការនាំចេញពីកម្ពុជាទៅអាមេរិក កើនជាង ៣១% ទោះប្រឈមការអនុវត្ត ពន្ធគយ១០%បន្ថែម

Vin Chang — Thu, 11 Jun 2026 09:53:03 +0000

យោងតាមទិន្នន័យរបស់អគ្គនាយកដ្ឋានគយ និងរដ្ឋាករកម្ពុជា បានបង្ហាញថា ការនាំចេញរបស់កម្ពុជា ទៅកាន់ទីផ្សារអាមេរិក ចាប់ពីខែមករា ដល់ខែ ឧសភា ឆ្នាំ ២០២៦ សម្រេចបានទំហំទឹកប្រាក់ប្រមាណ ៥,៧៣ ពាន់លានដុល្លារ ស្មើនឹងការកើនឡើង ៣១,៥% បើធៀបនឹងរយៈពេលដូចគ្នាកាលពីឆ្នាំមុន។

តាមដានជាមួយយើង៖ Million Times

ជាមួយគ្នានេះដែរការនាំចូលរបស់កម្ពុជា ពីអាមេរិកវិញ ក៏មានកំណើនផងដែរ ដោយមានទំហំទឹកប្រាក់ប្រមាណ ២៣១ លានដុល្លារ ស្មើនឹងកើនឡើង ៩២,៥% ធៀបនឹងរយៈពេលដូចគ្នាកាលពីឆ្នាំ ២០២៥។

ទំហំពាណិជ្ជកម្មទ្វេភាគីរវាងកម្ពុជា និងអាមេរិក ក្នុងរយៈពេល ៥ ខែដំបូង ឆ្នាំ ២០២៦ សម្រេចបានប្រមាណ ៥,៩៦ ពាន់លានដុល្លារ កើនឡើង ៣៣,២% បើធៀបនឹងរយៈពេលដូចគ្នាកាលពីឆ្នាំ ២០២៥។ កម្ពុជា នៅតែរក្សាបានអតិរេកពាណិជ្ជកម្មជាមួយអាមេរិកក្នុងទំហំជាង ៥,៥ ពាន់លានដុល្លារ។

ទំនិញនាំចេញសំខាន់ៗរបស់កម្ពុជា ទៅទីផ្សារអាមេរិករួមមាន សម្លៀកបំពាក់, ស្បែកជើង ផលិតផលធ្វើដំណើរ, គ្រឿងសង្ហារិម, កង់ និងផលិតផលកសិកម្មមួយចំនួន៕

អត្ថបទ៖ ឆដា, រូបភាព៖ អ៊ីនធឺណិត

The post ៥ ខែនៃឆ្នាំ ២០២៦ ការនាំចេញពីកម្ពុជាទៅអាមេរិក កើនជាង ៣១% ទោះប្រឈមការអនុវត្ត ពន្ធគយ១០%បន្ថែម appeared first on Millions times.

ឧកញ៉ា លឹម លីណា ត្រូវបានអញ្ជើញទៅចូលរួមកិច្ចប្រជុំកំពូលពាណិជ្ជកម្ម នាទីក្រុងប៉ារីស និងជួបពិភាក្សាជាមួយប្រធានាធិបតីបារាំង

Vin Chang — Wed, 03 Jun 2026 10:05:33 +0000

ឧកញ៉ា វេជ្ជបណ្ឌិត លឹម លីណា ត្រូវបានអញ្ជើញទៅចូលរួមកិច្ចប្រជុំកំពូល ពាណិជ្ជកម្ម «Choose France» ទីក្រុងប៉ារីស និងបានជួបជជែកពិភាក្សាផ្ទាល់ ព្រមទាំងថតរូបជាមួយប្រធានាធិបតីបារាំង លោក ម៉ាក្រុង។

តាមដានជាមួយយើង៖ Million Times

ឧកញ៉ា លឹម លីណាអនុប្រធានក្រុមប្រឹក្សាភិបាលក្រុមហ៊ុនកាណាឌីយ៉ា គ្រុប (Canadia Group) សហគ្រិន និងជាវេជ្ជបណ្ឌិត ត្រូវបានអញ្ជើញឲ្យចូលរួមក្នុងកិច្ចប្រជុំកំពូលពាណិជ្ជកម្មសកល «Choose France» ដែលបានប្រារព្ធឡើងនៅវិមាន Versailles កាលពីថ្ងៃ១ ខែមិថុនា ឆ្នាំ ២០២៦។ លោកស្រីត្រូវបានអមដំណើរដោយលោក Vincent Kou អនុប្រធានប្រតិបត្តិនៃក្រុមហ៊ុន អូស៊ីអាយស៊ី (OCIC)។

នាឱកាសនោះដែរ ឧកញ៉ាវេជ្ជបណ្ឌិត លឹម លីណា ក៏មានឱកាសជួបជាមួយប្រធានាធិបតីបារាំង Emmanuel Macron នៅវិមាន Élysée និងផ្លាស់ប្ដូរទស្សនៈជាមួយថ្នាក់ដឹកនាំអាជីវកម្ម និងស្ថាប័នអន្តរជាតិ។

កម្មវិធី «Choose France» ដែលបង្កើតឡើងដោយប្រធានាធិបតី Emmanuel Macron កាលពីឆ្នាំ ២០១៨ បានប្រមូលផ្តុំវិនិយោគិនអន្តរជាតិឈានមុខ នាយកប្រតិបត្តិអាជីវកម្ម និងដឹកនាំធុរកិច្ច ដើម្បីពិភាក្សាអំពីការវិនិយោគ នវានុវត្តន៍ និងកិច្ចសហប្រតិបត្តិការសកល។

កម្មវិធីប្រចាំឆ្នាំនេះបានប្រមូលផ្តុំបុគ្គលសំខាន់ៗជាច្រើនពីសហគមន៍ធុរកិច្ចអន្តរជាតិ រួមមាន Xavier Niel ស្ថាបនិក Iliad; Chia Song Hwee នាយកប្រតិបត្តិក្រុមហ៊ុន Temasek; និង Masayoshi Son នាយកប្រតិបត្តិក្រុមហ៊ុន SoftBank ដែលបានប្រកាសពីការវិនិយោគ ៧៥ ពាន់លានអឺរ៉ូនៅប្រទេសបារាំង រួមជាមួយថ្នាក់ដឹកនាំមកពីក្រុមហ៊ុនដែលមានទីតាំងនៅច្រើនប្រទេស មូលនិធិវិនិយោគរបស់រដ្ឋ និងក្រុមហ៊ុនធំៗទូទាំងពិភពលោក៕

អត្ថបទ៖ឆដា, រូបភាព៖ អ៊ីនធឺណេត

The post ឧកញ៉ា លឹម លីណា ត្រូវបានអញ្ជើញទៅចូលរួមកិច្ចប្រជុំកំពូលពាណិជ្ជកម្ម នាទីក្រុងប៉ារីស និងជួបពិភាក្សាជាមួយប្រធានាធិបតីបារាំង appeared first on Millions times.

ការនាំចេញតំបន់សេដ្ឋកិច្ចពិសេស រ៉ូយ៉ាល់គ្រុប កើនឡើង៣៩,៥% ត្រឹមរយៈពេល៤ខែនេះ

Vin Chang — Fri, 22 May 2026 06:52:23 +0000

ការនាំចេញទំនិញពីតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ (RGPPSEZ ) និង រ៉ូយ៉ាល់ គ្រុប កណ្តាល (RGKSEZ) មានការកើនឡើងប្រមាណជា ៣៩,៥% ឬស្មើទំហំទឹកប្រាក់ ៨០៩លានដុល្លារក្នុងរយៈពេលត្រឹមតែ ៤ ខែ ដើមឆ្នាំ ២០២៦ នេះ ប៉ុណ្ណោះ។

តាមដានជាមួយយើង៖ Million Times

អ្នកឧកញ្ញ៉ា គិត ម៉េង ប្រធានក្រុមប្រឹក្សាភិបាលនៃ ក្រុមហ៊ុន រ៉ូយ៉ាល់ គ្រុប ភ្នំពេញ បាននិយាយថា៖ «កំណើនជាបន្តបន្ទាប់នៃតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ និងរ៉ូយ៉ាល់ គ្រុប កណ្តាល ឆ្លុះបញ្ចាំងពីទំនុកចិត្តរបស់វិនិយោគិន ចំពោះអនាគតសេដ្ឋកិច្ចរបស់កម្ពុជា និងការប្តេជ្ញាចិត្តរបស់ភាគីពាក់ព័ន្ធទាំងអស់ ក្នុងការធ្វើការរួមគ្នា ដើម្បីពង្រឹងប្រព័ន្ធអេកូឡូស៊ីឧស្សាហកម្ម»។

ត្រឹមខែមេសា ឆ្នាំ២០២៦ ចំនួនបុគ្គលិកកម្មករសរុបដែលកំពុងបម្រើការងារនៅក្នុងតំបន់ទាំងពីរ RGPPSEZ និង RGKSEZ បានកើនឡើងដល់ ៥៨ ៥៣២ នាក់ ដែលតំណាងឱ្យការកើនឡើងប្រមាណ ១៥.៣% បើធៀបនឹងចំនួនបុគ្គលិកកម្មករ ៥០ ៧៤៦ នាក់ ដែលបានកត់ត្រាក្នុងខែមេសា ឆ្នាំ២០២៥ កន្លងទៅ។

ដោយឡែកការនាំចេញរបស់តំបន់សេដ្ឋកិច្ចពិសេសទាំងពីរ នៅតែបន្តបង្ហាញពីសន្ទុះកំណើន ដ៏ខ្លាំងក្លា ដោយបានរួមចំណែកដល់ការអភិវឌ្ឍវិស័យឧស្សាហកម្ម ការបង្កើតការងារ និងបង្កើនការនាំចេញរបស់ប្រទេសកម្ពុជា។

សូមបញ្ជាក់ដែរថានៅឆ្នាំ ២០២៥ កន្លងទៅ តំបន់សេដ្ឋកិច្ចពិសេសទាំងពីររបស់រ៉ូយ៉ាល់គ្រុបសម្រេចបាននូវទំហំទឹកប្រាក់ ២,១៥ ពាន់លានដុល្លារ តំណាងឱ្យ ៧% នៃតម្លៃនាំចេញសរុបរបស់កម្ពជា៕

អត្ថបទ៖ ឆដា, រូបភាព៖ រ៉ូយ៉ាល់ គ្រុប

The post ការនាំចេញតំបន់សេដ្ឋកិច្ចពិសេស រ៉ូយ៉ាល់គ្រុប កើនឡើង៣៩,៥% ត្រឹមរយៈពេល៤ខែនេះ appeared first on Millions times.

ចិត្តធម៌មិនប្រែ! លោកស្រី សុភា បុត្រឈរ ប្រកាសជួយបុរសដឹកកូនដើរសំលៀងកាំបិត ១ ម៉ឺនដុល្លារ

Vin Chang — Thu, 21 May 2026 09:22:58 +0000

វីដេអូបុរសម្នាក់ព្រោះតែជីវភាពខ្វះខាតបានឌុបកូនតាមកង់ កាលពីប៉ុន្មានថ្ងៃមុន រ ដោយក្មេងៗងោកងុយធ្វើឲ្យមហាជនមានក្ដីអាណិតអាសូរខ្លាំង។

តាមដានជាមួយយើង៖ Million Times

លោកស្រី សុភា បុត្រឈរ ដែលជាសេដ្ឋិនីចិត្តធម៌មានស្វាមីម្ចាស់ក្រុមហ៊ុនសម្ភារៈការិយាល័យដ៏ធំនៅប្រទេសអាល្លឺម៉ង់ ក៏បានឃើញពីវីដេអូនោះដែរ ហើយក៏បានប្រកាសជួយដល់បុរស និងជាឪពុកកម្សត់ ដើម្បីមានដើមទុនរកស៊ី។

លោកស្រី ណូ សុភា បានជួយដល់បុរសរូបនោះ ដើម្បីជួយឲ្យគាត់មានដើមទុនតូចមួយ សម្រាប់រកស៊ី និងថែរក្សាកូនៗ។ វីដេអូដែលបង្ហាញពីរូបបុរសម្នាក់ដឹកកូន ហើយកូនតូចៗទាំង ២ កំពុងគេងលង់លក់យ៉ាងស្ងប់សុខ លើដៃកង់របស់ឪពុក ខណៈកំពុងជិះកង់ដើរសំលៀងកាំបិតឲ្យគេតាមផ្លូវ។

មហាជនឃើញរូបភាពនោះហើយ ពិតជាក្តុកក្តួលចិត្តខ្លាំងណាស់ ហើយភរិយាម្ចាស់ក្រុមហ៊ុន Böttcher Ag មិនអាចទប់ចិត្ត មិនឲ្យមិនអាណិតបានឡើយ ក៏ប្រកាសឲ្យអ្នកស្គាល់បុរសរូបនោះ ទាក់ទងទៅក្រុមការងារខ្លួន។

គួរបញ្ជាក់ថា ក្រោយ លោកស្រី សុភា បុត្រឈរ បង្ហោះលើបណ្ដាញសង្គម មានអ្នកបញ្ចេញមតិថា បុរសរូបនោះរស់នៅភូមិចក្រី ឃុំជប់វារី ស្រុកព្រះនេត្រព្រះ ខេត្តបន្ទាយមានជ័យ៕

អត្ថបទ៖ ឆដា, រូបភាព៖ អ៊ីនធឺណេត និង Sophea MD

The post ចិត្តធម៌មិនប្រែ! លោកស្រី សុភា បុត្រឈរ ប្រកាសជួយបុរសដឹកកូនដើរសំលៀងកាំបិត ១ ម៉ឺនដុល្លារ appeared first on Millions times.

៤ខែ ឆ្នាំ ២០២៦ កម្ពុជារកចំណូលប្រមាណ ១,៤៤ ពាន់ លានដុល្លារ ពីការនាំចេញគ្រាប់ស្វាយចន្ទីឆៅជាង ៨៣ ម៉ឺនតោន

Vin Chang — Wed, 20 May 2026 07:16:46 +0000

ប្រទេសកម្ពុជាបានរកចំណូលប្រមាណ ១,៤៤ ពាន់លានដុល្លារ ពីការនាំចេញគ្រាប់ស្វាយចន្ទីឆៅ ប្រមាណ ៨៣ ម៉ឺនតោន ក្នុងរយៈពេល ៤ ខែ នាឆ្នាំ ២០២៦ នេះ។

តាមដានជាមួយយើង៖ Million Times

ការនាំចេញគ្រាប់ស្វាយចន្ទីឆៅរបស់កម្ពុជា នៅ ៥ ខែដំបូងនាឆ្នាំ ២០២៦ បានបង្ហាញពីភាពរឹងមាំ ដោយកើនឡើង ២៤% បើធៀបនឹងរយៈពេលដូចគ្នា កាលពីឆ្នាំ ២០២៥ កន្លងទៅ។

បើទោះបីមានផលប៉ះពាល់ពីការប្រែប្រួលអាកាសធាតុក៏ដោយ នេះបើយោងតាមទិន្នន័យនាំចេញក្រៅផ្លូវការ កម្ពុជាបាននាំចេញគ្រាប់ស្វាយចន្ទីឆៅសរុប ៨៣១ ១៧៩ តោន ទៅកាន់ប្រទេសវៀតណាម ក្នុងរយៈពេល ៤ ខែដំបូងឆ្នាំ ២០២៦ ដោយបង្កើតចំណូលបានប្រមាណ ១,៤៤ ពាន់លានដុល្លារ។

ចំនួនខាងលើកើនឡើង ២៤.១៧% ធៀបនឹងឆ្នាំ ២០២៥ ដែលបានបង្ហាញពីកិច្ចសហការល្អរវាងរដ្ឋាភិបាល សមាគមឧស្សាហកម្ម និងកសិករ។ កំណើននេះ បានជួយបង្កើនចំណូលជាតិលើកកម្ពស់ជីវភាពរបស់កសិករកាន់តែប្រសើរឡើង ព្រមទាំងទាក់ទាញវិនិយោគ និងពង្រឹងសក្តានុពលវិស័យចន្ទីកម្ពុជាឲ្យមានភាពរឹងមាំបន្ថែម៕

អត្ថបទ៖ ឆដា, រូបភាព៖ អ៊ីនធឺណេត

The post ៤ខែ ឆ្នាំ ២០២៦ កម្ពុជារកចំណូលប្រមាណ ១,៤៤ ពាន់ លានដុល្លារ ពីការនាំចេញគ្រាប់ស្វាយចន្ទីឆៅជាង ៨៣ ម៉ឺនតោន appeared first on Millions times.

ព័ត៌មាន Archives - Millions times

ថៅកែក្រុមហ៊ុន វិរៈ ប៊ុនថាំ ចូលរួមពិធីសម្ពោធផ្លូវបេតុងអ៊ុតកៅស៊ូនៅគិរីរម្យ តម្លៃជាង ១,២២ លានដុល្លារ

កូនចៅនៃសម្ព័ន្ធ ជីប ម៉ុង ជូនដំណើរអ្នកជិះកង់ដើម្បីកុមារកម្ពុជា ទីវ តារារិទ្ធិ ឆ្ពោះទៅកាន់ខេត្តសៀមរាប

អ្នកឧកញ៉ា ម៉ម វណ្ណឌី ទីប្រឹក្សាសម្តេចតេជោ ហ៊ុន សែន ចូលរោងការម្សិលមិញ

៥ ខែនៃឆ្នាំ ២០២៦ ការនាំចេញពីកម្ពុជាទៅអាមេរិក កើនជាង ៣១% ទោះប្រឈមការអនុវត្ត ពន្ធគយ១០%បន្ថែម

ការ​នាំ​ចេញ​តំបន់​សេដ្ឋកិច្ច​ពិសេស រ៉ូយ៉ាល់​គ្រុប ​កើន​ឡើង​៣៩,៥% ​ត្រឹម​រយៈ​ពេល​៤​ខែ​នេះ​

ចិត្តធម៌មិនប្រែ! លោកស្រី សុភា បុត្រឈរ ប្រកាសជួយបុរសដឹកកូនដើរសំលៀងកាំបិត ១ ម៉ឺនដុល្លារ

៤ខែ ឆ្នាំ ២០២៦ កម្ពុជារកចំណូលប្រមាណ ១,៤៤ ពាន់ លានដុល្លារ ពីការនាំចេញគ្រាប់ស្វាយចន្ទីឆៅជាង ៨៣ ម៉ឺនតោន

ការនាំចេញតំបន់សេដ្ឋកិច្ចពិសេស រ៉ូយ៉ាល់គ្រុប កើនឡើង៣៩,៥% ត្រឹមរយៈពេល៤ខែនេះ