របៀបរស់នៅ Archives - Millions times

លោកស្រី គឹម ចាន់ថា ភរិយាអ្នកឧកញ៉ា លាង ពៅ ទាំងស្អាត និងកាន់តួនាទីធំនៅ ជីប ម៉ុង

Vin Chang — Tue, 14 Jul 2026 10:04:13 +0000

អគ្គនាយិកា ក្រុមហ៊ុន ជីប ម៉ុង អ៉ីនដាស្ទ្រីស៍ លោកស្រី គឹម ចាន់ថា ហើយក៏ជាភរិយាដ៏បវររបស់អ្នកឧកញ៉ា លាង ពៅ (ភីធើ) មិនត្រឹមស្រស់ស្អាតឡើយ ហើយក្នុងក្រុមហ៊ុន ជីប ម៉ុង ក៏កាន់តួនាទីធំផងដែរ។

តាមដានជាមួយយើង៖ Million Times

លោកស្រី គឹម ចាន់ថា ជាស្ត្រីខ្លាំងមួយរូបក្នុងវិស័យជំនួញគ្រួសារ ជីប ម៉ុង។ ដោយមិនត្រឹមតែស្រស់ស្អាត និងសុភាពរាបសាប៉ុណ្ណោះទេ លោកស្រី ក៏មានជំនាញគ្រប់គ្រងបុគ្គលិកបានយ៉ាងល្អ ធ្វើឲ្យផ្នែកជីប ម៉ុង អ៉ីនដាស្ទ្រីស៍ រីកចម្រើន ថែមទាំងមានទំនុកចិត្តពីអតិថិជនផងដែរ។

ជាក់ស្ដែងកាលថ្ងៃជប់លៀងបុគ្គលិក ជីប ម៉ុង កាលពីពេលកន្លងទៅថ្មីៗនេះ លោកស្រី គឹម ចាន់ថា បានឡើងថ្លែងសន្ទរកថាយ៉ាងមានអត្ថន័យ ធ្វើឲ្យអ្នកនៅក្រោមបង្គាប់ទទួលបានទំនុកចិត្ត និងស្វែងរកភាពរីកចម្រើនទៅថ្ងៃអនាគតរួមគ្នា។

សម្រាប់ថ្ងៃកម្មវិធី “ជំនួបមហាគ្រួសារ ជីប ម៉ុង” អគ្គនាយិកា ក្រុមហ៊ុន ជីប ម៉ុង អ៉ីនដាស្ទ្រីស៍ បានរៀបចំខ្លួនយ៉ាងស្រស់ស្អាត បង្ហាញពីប្រណីតភាព និងស័ក្តិសមជាថ្នាក់ដឹកនាំសំខាន់របស់ ជីប ម៉ុង គ្រុប។

ងាកទៅមើលសម្លៀកបំពាក់វិញ លោកស្រី គឹម ចាន់ថា ផ្លាស់ប្ដូរឈុតសមនឹងកម្មវិធី ហើយឈុតនីមួយក៏សុទ្ធសឹងជាប្រេនល្បី និងមានតម្លៃថ្លៃ។ ក្នុងកម្មវិធីនោះលោកស្រី គឹម ចាន់ថា បង្ហាញភាពស្និទ្ធស្នាលជាមួយបុគ្គលិកក្រោមបង្គាប់។ អ្វីកាន់តែពិសេសគឺ បង្ហាញរូបភាពផ្អែមល្ហែមនៃក្រុមគ្រួសារទាំងមូលទៀតផង៕

អត្ថបទ៖ ឆដា, រូបភាព៖ Chip Mong Industries

The post លោកស្រី គឹម ចាន់ថា ភរិយាអ្នកឧកញ៉ា លាង ពៅ ទាំងស្អាត និងកាន់តួនាទីធំនៅ ជីប ម៉ុង appeared first on Millions times.

មួកក៏ជាគ្រឿងតុបតែងខ្លួនរបស់សេដ្ឋិនី សុភា បុត្រឈរ មិនអាចខ្វះបានដែរ

Vin Chang — Tue, 14 Jul 2026 08:59:33 +0000

អគ្គនាយិកាក្រុមហ៊ុន Bottcher AG ឧកញ៉ា ណូ សុភា មិនដែលកំណាញ់នឹងបង្ហាញឲ្យឃើញពីការរស់នៅប្រចាំថ្ងៃបែបអភិជន និងការងារផ្សេងៗ។ ពិសេសគឺការផ្ដល់ជំនួយទៅកាន់ទីផ្សេងៗរបស់ភរិយាម្ចាស់ក្រុមហ៊ុន Böttcher AG រូបនេះតែម្ដង។

តាមដានជាមួយយើង៖ Million Times

ការរស់នៅប្រចាំថ្ងៃរបស់របស់សេដ្ឋិនី សុភា បុត្រឈរ តែងតែត្រូវបានមហាជននៅខ្មែរចាប់អារម្មណ៍ និងសង្កេតមើលគ្រប់បែបយ៉ាង។ ក្នុងនោះអ្វីដែលធ្វើឲ្យគេឯងតាមដានអគ្គនាយិកាក្រុមហ៊ុន AG Bottcher គឺមានទាំងការងារសប្បុរសធម៌ និងការរៀបចំខ្លួនផ្សេង។

មួយវិញទៀតភរិយាលោក Udo Böttcher ដែលជាស្ថាបនិកក្រុមហ៊ុន Böttcher AG ត្រូវបានអ្នកតាមដានយកចិត្តទុកដាក់ក៏ព្រោះតែស្ត្រីខ្មែររូបនេះ ពូកែសព្វគ្រប់បែបយ៉ាង មិនថាការងារក្រុមហ៊ុន, ការងារផ្ទះ, ការរៀបចំខ្លួនដោយសម្លៀកបំពាក់ថ្លៃៗល្អ សម ជាមួយរូបសម្រស់។

មិនត្រឹមតែស្អាត ឆ្លាត ពូកែ និងហ៊ានចំណាយក្នុងការទិញសម្ភារៈនិយមមកតុបតែងលម្អខ្លួនឡើយ ស្ត្រីខ្មែរដែលមានដើមកំណើតពីខេត្តកំពង់ធំរូបនេះ ក៏មានស្ទីល៍ប្រចាំខ្លួនមួយ គឺទៅណាមកណាមិនដែលភ្លេចវ៉ែនតា និងមួកឡើយ។

មួករបស់ អគ្គនាយិកាក្រុមហ៊ុន Bottcher AG មានច្រើនប្រេន និងច្រើនម៉ូដ។ ខាងក្រោមជាយីហោល្បីៗលំដាប់ពិភពលោក ហើយជាមួកដែលសេដ្ឋិនី សុភា បុត្រឈរ មិនដែលខកខាន៖

១. Dior White Greek Fisherman Special Edition Cap តម្លៃជាង ៤២០ ដុល្លារ

២. Christian Dior 2022 Greek Fisherman Cap Black 56 តម្លៃ ៦០២ ដុល្លារ

៣. LV League Cap តម្លៃ ៥៨០ ដុល្លារ

៤. Prada denim newsboy cap តម្លៃជាង ៦០០ ដុល្លារ

អត្ថបទ៖ ឆដា, រូបភាព៖ Sophea MD

The post មួកក៏ជាគ្រឿងតុបតែងខ្លួនរបស់សេដ្ឋិនី សុភា បុត្រឈរ មិនអាចខ្វះបានដែរ appeared first on Millions times.

កូនចៅស្រីៗនៃសម្ពន្ធ ជីប ម៉ុង ម្នាក់ៗស្រស់ស្អាត និងពូកែរៀបចំខ្លួន

Vin Chang — Mon, 13 Jul 2026 10:04:55 +0000

នាថ្ងៃ ជីប ម៉ុង គ្រុប រៀបចំកម្មវិធីធំប្រចាំឆ្នាំ ២០២៦ កន្លងទៅថ្មីៗនេះ គ្រួសារលោកនៃអ្នកឧកញ៉ា លាង ឃុន, អ្នកឧកញ៉ា លាង ម៉េង, អ្នកឧកញ៉ា លាង ហួង និងឧកញ៉ា លាង ពៅ ព្រមទាំងកូនៗប្រុសស្រី បានមកជួបជុំគ្នា។

តាមដានជាមួយយើង៖ Million Times

ជីប ម៉ុង គ្រុប បានរៀបចំកម្មវិធីធំ និងតម្រូវឲ្យគ្រប់គ្នានៃអ្នកចូលរួមគ្រងឈុតពណ៌ខ្មៅ ក្នុងថ្ងៃតែមួយ។ ដូចគ្នានេះដែរគ្រួសារអ្នកឧកញ៉ា លាង ម៉េង ក៏ដូចបុគ្គលិក និងដៃគូសហការទូទៅដែរ បានជ្រើសរើសសម្លៀកបំពាក់ពណ៌ខ្មែរ និងជាយីហោល្បីល្បាញ។

ពិសេសកូនចៅស្រីៗតែម្ដងក្នុងមានកញ្ញា នីកូល, អ៊ឹង វត្តី ហៅ Marshell និងកញ្ញា អ៊ឹង វីនីកា ព្រមទាំងលោកស្រី គឹម ចាន់ណា តែម្ដង។ នាកម្មវិធីនេះដែរ សម្ពន្ធ ជីប ម៉ុង ក៏បានប្រកាសណែនាំដល់អ្នកបន្តវេនវ័យក្មេងដែលជាកូនចៅរបស់លោកអ្នកឧកញ៉ា, អ្នកឧកញ៉ា និងឧកញ៉ា ដែលជាកូនៗ។

អ្វីដែលអ្នកគាំទ្រ ដៃគូសហការឃើញ គឺកូនចៅស្រីៗនៃសម្ពន្ធ ជីប ម៉ុង ពិតជាស្រស់ស្អាតដូចតារា ហើយក៏បានរៀបចំតុបតែងខ្លួនយ៉ាងស្រស់ស្អាតជាមួយម៉ាកយីហោល្បីៗ។

គួរបញ្ជាក់ថា ជីប ម៉ុង គ្រុប បានរៀបចំកម្មវិធីដ៏ធំប្រចាំឆ្នាំនៅមជ្ឈមណ្ឌលសន្និបាត និងពិព័រណ៍អន្តរជាតិ អូស៊ីអាយស៊ី កាលពីពេលថ្មីៗ ដោយមានដៃគូសហការរាប់ពាន់នាក់៕

អត្ថបទ៖ ឆដា, រូបភាព៖ Khmer Beverages

The post កូនចៅស្រីៗនៃសម្ពន្ធ ជីប ម៉ុង ម្នាក់ៗស្រស់ស្អាត និងពូកែរៀបចំខ្លួន appeared first on Millions times.

មកមើលភាពទាន់សម័យរបស់ស្ថាបនិក ជីប ម៉ុង លោកអ្នកឧកញ៉ា ភាព ហៀក ថ្ងៃជប់លៀងក្រុមហ៊ុន

Vin Chang — Mon, 13 Jul 2026 07:36:47 +0000

រូបភាពជាច្រើនរបស់លោកអ្នកឧកញ៉ា ភាព ហៀក ក្នុងកម្មវិធីរបស់ក្រុមហ៊ុនប៉ុន្មានថ្ងៃមកនេះ ឃើញថាការស្ថាបនិក ជីប ម៉ុង ពិតជានៅតែរឹងមាំ និងស្វាហាប់ដដែល បើទោះជាមានវ័យជ្រេបន្តិចហើយក៏ដោយ។

តាមដានជាមួយយើង៖ Million Times

ក្នុងថ្ងៃវេទិកា «ដៃគូពាណិជ្ជកម្ម ជីប ម៉ុង» ដ៏ធំប្រចាំឆ្នាំ ២០២៦ ដែលរៀបចំឡើងនៅមជ្ឈមណ្ឌលសន្និបាត និងពិព័រណ៍អន្តរជាតិ អូស៊ីអាយស៊ី ដែលជាកម្មវិធីផ្សារភ្ជាប់ជាមួយដៃគូទូទាំងប្រទេសឲ្យកាន់តែមានភាពរឹងមាំ លោកអ្នកឧកញ៉ា ភាព ហៀក បានគ្រងឈុតពណ៌លឿង បង្ហាញភាពឆើតឆាយ។

ស្ថាបនិក ជីប ម៉ុង គ្រុប បានគ្រងឈុតប្រេន Jenny Packham Ilana crystal-embellished gown តម្លៃជាង ៣ ៧០០ ដុល្លារ។ រូបភាពដ៏លេចធ្លោរបស់លោកអ្នកឧកញ៉ា ភាព ហៀក ក្នុងឈុតដ៏ប្រណីតនោះ ធ្វើឲ្យគេឯងចាប់អារម្មណ៍ទាំងសម្លៀកបំពាក់ និងគ្រឿងអលង្ការភ្លឺ ផ្លេក ចែងចាំង ទាក់ចិត្តអ្នកចូលរួមគ្រប់គ្នា។

បើទោះជាមានវ័យចំណាស់ហើយក៏ដោយ លោកអ្នកឧកញ៉ា ភាព ហៀក មិនដែលគេចផុតពីការចាប់អារម្មណ៍។ ក្រៅពីឈុតប្រេន Jenny Packham លោកអ្នកឧកញ៉ា ភាព ហៀក ក៏មានឈុតច្រើនទៀតផ្លាស់ប្ដូរ ហើយចូលរួមក្នុងកម្មវិធីដោយទឹកមុខសប្បាយរីករាយ

នោះក៏ព្រោះតែ ស្ថាបនិក ជីប ម៉ុង រូបនេះមានសុខភាពល្អ ធ្វើឲ្យរាងកាយអាចចូលរួមសប្បាយជាមួយកូនចៅប្រុសស្រី ព្រមទាំងដៃគូសហការជាច្រើនពាន់នាក់ផងដែរ៕

អត្ថបទ៖ ឆដា, រូបភាព៖ Khmer Beverages

The post មកមើលភាពទាន់សម័យរបស់ស្ថាបនិក ជីប ម៉ុង លោកអ្នកឧកញ៉ា ភាព ហៀក ថ្ងៃជប់លៀងក្រុមហ៊ុន appeared first on Millions times.

កូនចៅប្រុសស្រីនៃសម្ព័ន្ធ ជីប ម៉ុង មកកម្មវិធី «ជួបជុំមហាគ្រួសារជីបម៉ុង» ដ៏ធំប្រចាំឆ្នាំទាំងអស់គ្នា

Vin Chang — Fri, 10 Jul 2026 09:48:04 +0000

នៅថ្ងៃនេះ ជីប ម៉ុង គ្រុប បានរៀបចំវេទិកា «ដៃគូពាណិជ្ជកម្ម ជីប ម៉ុង» ដ៏ធំប្រចាំឆ្នាំ ដោយមានទាំងមេធំរបស់ ជីប ម៉ុង គ្រុប គឺលោកអ្នកឧកញ៉ា ភាព ហៀក កូនចៅប្រុសស្រីទាំងអស់។

តាមដានជាមួយយើង៖ Million Times

ជីប ម៉ុង គ្រុប តែងតែរៀបចំកម្មវិធីជួបជុំបុគ្គលិក និងដៃគូសហការជារៀងរាល់ឆ្នាំ ហើយតែងតែមានការសម្ដែងពិសេសៗពីសំណាក់កូនចៅរបស់លោកអ្នកឧកញ៉ា ភាព ហៀក ព្រមទាំងការថ្លែងសុន្ទរកថា។

ក្នុងការជួបជុំធំនេះ លោកអ្នកឧកញ៉ា ភាព ហៀក និងកូនចៅប្រុសស្រីទាំងអស់បានស្លៀកពាក់ខ្មៅ ដែលជានិមិត្តរបស់ក្រុមហ៊ុន។ ម្នាក់ៗពិតជាស្រស់ស្អាត និងមានទឹកមុខញញឹមញញែមគ្រប់គ្នា។

ទិដ្ឋភាពទាំងមូលនៃកម្មវិធី «ជួបជុំមហាគ្រួសារជីបម៉ុង» ដែលមានការចូលរួមពីថ្នាក់ដឹកនាំទាំងអស់ និង បុគ្គលិកគ្រប់ជាន់ថ្នាក់ ពិតជាអធិកអធម និងប្រកបទៅដោយភាពសប្បាយរីករាយ។ មិនតែប៉ុណ្ណោះ ការដែលបានធ្វើដំណើររួមគ្នាយ៉ាងយូរ៕

អត្ថបទ៖ ឆដា, រូបភាព៖ Chip Mong Group

The post កូនចៅប្រុសស្រីនៃសម្ព័ន្ធ ជីប ម៉ុង មកកម្មវិធី «ជួបជុំមហាគ្រួសារជីបម៉ុង» ដ៏ធំប្រចាំឆ្នាំទាំងអស់គ្នា appeared first on Millions times.

ហត់នឿយការងារច្រើន ពេលនេះលោកស្រី អ៊ឹមផាន វណ្ណឌី នាំគ្រួសារធ្វើដំណើរកម្សាន្តនៅបរទេស

Vin Chang — Wed, 08 Jul 2026 10:11:47 +0000

ក្រោយចំណាយពេលធ្វើការងាររកស៊ីហត់នឿយមួយរយៈ លោកស្រី លោកស្រី អ៊ឹមផាន វណ្ណឌី បាននាំគ្រួសារទៅដើរលេងកម្សាន្តនៅបរទេស ដោយរៀបចំតុបតែងខ្លួនយ៉ាងស្រស់ស្អាត ជាមួយសម្លៀកបំពាក់សុភាពរាបសា។

តាមដានជាមួយយើង៖ Million Times

នាយិកាក្រុមហ៊ុនគ្រឿងអលង្ការ «ជាង បាក់ វណ្ណហុង» បាននាំស្វាមី និងកូនប្រុសស្រីទៅប្រទេសសិង្ហបុរី។ ដោយដំណើរកម្សាន្តនេះ លោកស្រី អ៊ឹមផាន វណ្ណឌី នៅតែប្រើប្រាស់ឈុតសម្លៀកបំពាក់មើលទៅធម្មតា តែជាប្រេនដ៏អស្ចារ្យតាំងពីក្បាលដល់ចុងជើង។

លោកស្រី វណ្ណឌី បានប្រើប្រាស់ប្រេន Dior ទាំងសម្លៀកបំពាក់ ស្បែកជើង និងកាបូប ហើយបានផ្លាស់ប្ដូរ ២ ឈុតសុទ្ធតែជាម៉ូដស្រស់ស្អាត។ ដោយឈុតទី១ លោកស្រីកាន់កាបូបដៃ Dior Lady D-Joy crossbody bag តម្លៃជាង ៥ ១០០ ដុល្លារ ជាមួយសំពត់អាវពណ៌ខ្មៅ។

ចំណែកឈុតទី២ ក៏ជាប្រេន Dior ពណ៌ដី ផ្កាពណ៌ខ្មៅ ព្រមទាំងស្បែកជើង LORO PIANA តម្លៃជាង ២ ៧០០ ដុល្លារ។ មិនមែនតែលោកស្រី អ៊ឹមផាន វណ្ណឌី ប៉ុណ្ណោះទេ ទាំងស្វាមី និងកូនៗប្រុសស្រី រៀបចំតុបតែងខ្លួនដោយសុទ្ធតែជាសម្លៀកបំពាក់ប្រេនៗទាំងអស់គ្នា។

មិនត្រឹមតែពូកែរៀបចំខ្លួន ដោយខ្លួនឯងប៉ុណ្ណោះទេ លោកស្រី អ៊ឹមផាន វណ្ណឌី ក៏បានជួយរៀបចំឲ្យគ្រួសារបានយ៉ាងសមរម្យដូចខ្លួនដែរ៕

អត្ថបទ៖ ឆដា, រូបភាព៖ Vandy Imphan

The post ហត់នឿយការងារច្រើន ពេលនេះលោកស្រី អ៊ឹមផាន វណ្ណឌី នាំគ្រួសារធ្វើដំណើរកម្សាន្តនៅបរទេស appeared first on Millions times.

ឧកញ៉ា ណូ សុភា មិនទម្លាក់ដៃក្នុងការចូលរួមសង្គមជាតិ ពេលនេះកំពុងរៀបចំថវិកាជាង ១ សែនដុល្លារ កសាងសាលា

Ravy Try — Tue, 07 Jul 2026 10:11:04 +0000

មុននេះបន្តិចសេដ្ឋិនី សុភាព បុត្រឈរ បានឲ្យដឹងថាកំពុងរៀបចំថវិកាជាង ១សែនដុល្លារ ដើម្បីចូលរួមចំណែកក្នុងវិស័យអប់រំនៅស្រុកខ្មែរដោយកសាងសាលារៀនឲ្យក្មេងៗ ដើម្បីទទួលបានការសិក្សា។

តាមដានជាមួយយើង៖ Million Times

ជាការពិតណាស់អគ្គនាយិកាក្រុមហ៊ុន AG Bottcher និងជាសមាជិកសមាគមឧកញ៉ាកម្ពុជារូបនេះបានចូលរួមជួយដល់ប្រជាពលរដ្ឋខ្មែរជាច្រើន។ មិនតែប៉ុណ្ណោះឧកញ៉ា ណូ សុភា ក៏បានចូលរួមយ៉ាងសកម្មក្នុងវិស័យជាច្រើនមិនថាសុខាភិបាល និងវិស័យការពារជាតិនាពេលកន្លងមក គ្រាកន្លងមក។

ថ្មីៗនេះភរិយាលោក Udo Böttcher ដែលជាស្ថាបនិកក្រុមហ៊ុន Böttcher AG បានចូលរួមក្នុងវិស័យអប់រំបន្តទៀត ដោយមានគម្រោងក្នុងការសាងសង់សាលារៀនតាមតំបន់ផ្សេងៗ ដោយចំណាយទឹកប្រាក់ ១២០ ០០០ អឺរ៉ូ និងស្មើប្រមាណ១៣៧ ១០៧ ដុល្លារ។

អគ្គនាយិកា ក្រុមហ៊ុន AG Bottcher បានបញ្ជាក់ថា បច្ចុប្បន្ន ខ្លួន និងក្រុមគ្រួសារ កំពុងរៀបចំគម្រោងថវិកាប្រមាណ ១២០ ០០០ អឺរ៉ូ (មួយសែនពីរម៉ឺនអឺរ៉ូ) សម្រាប់ការសាងសង់ និងអភិវឌ្ឍន៍សាលារៀននៅតាមតំបន់ផ្សេងៗ។

តាមរយៈរូបភាពមួយចំនួនបានបង្ហាញឲ្យឃើញគម្រោងអាគារសិក្សារបស់សាលារៀនមួយស្ថិតនៅក្នុងខេត្តក្រចេះ ហើយកំពុងស្ថិតក្នុងដំណើរការសាងសង់។ គម្រោងមួយចំនួនបានចាប់ផ្ដើម ខណៈគម្រោងមួយចំនួនទៀតកំពុងស្ថិតក្នុងដំណាក់កាលរៀបចំ និងអនុវត្តជាបន្តបន្ទាប់។

ភរិយាលោក Udo Böttcherបន្ថែមជាចុងក្រោយថា នឹងបន្តជួយទៅតាមសមត្ថភាព ដើម្បីឲ្យកុមារកាន់តែច្រើនមានឱកាសទទួលបានការអប់រំល្អ និងមានអនាគតភ្លឺស្វាង៕

អត្ថបទ៖ ឆដា, រូបភាព៖ Sophea Böttcher

The post ឧកញ៉ា ណូ សុភា មិនទម្លាក់ដៃក្នុងការចូលរួមសង្គមជាតិ ពេលនេះកំពុងរៀបចំថវិកាជាង ១ សែនដុល្លារ កសាងសាលា appeared first on Millions times.

កូនស្រីទាំង ២ របស់លោកជំទាវអ្នកឧកញ៉ា ម៉ៅ ចំណាន ធំធាត់ទន្ទឹមខ្លួន

Vin Chang — Tue, 07 Jul 2026 09:20:21 +0000

លោកជំទាវអ្នកឧកញ៉ា ម៉ៅ ចំណាន និងអ្នកឧកញ៉ា គិត ម៉េង តែងតែមានមោទនភាពចំពោះកូនស្រីទាំង ២ របស់ខ្លួន គឺកញ្ញា គិត ស៊ូរៀរង្សី វ័យ ១៩ ឆ្នាំ និង គិត ស៊ូណាវីន វ័យ ១៨ ឆ្នាំ។

តាមដានជាមួយយើង៖ Million Times

កូនស្រីនៃសេដ្ឋី គិត ម៉េង និងសេដ្ឋិនី ម៉ៅ ចំណាន បានចំណាយកម្លាំងកាយចិត្ត ចិញ្ចឹមបីបាច់កូនៗមិនថាប្រុសស្រីឡើយ ដោយបង្រៀនសព្វគ្រប់បែបយ៉ាង។ ជាពិសេសកូនស្រីតែងតែមានការសម្រិតសម្រាំង និងថ្នាក់ថ្នម ព្រមជាមួយទន់ភ្លន់។

គិត ស៊ូរៀរង្សី និង គិត ស៊ូណាវីន ពេលនេះធំពេញវ័យ និងមានរូបសម្រស់ស្រស់ស្អាតមិនចាញ់គ្នាឡើយ ម្នាក់ម្នាក់បែបស្រទន់ ស្រគត់ស្រគំ រម្យទម ហើយម្នាក់ទៀតបែបនារីទាន់សម័យ រឹងមាំ និងនឹងធឹង។

អ្នកទាំង ២ ធំសឹងតែស្មើម្ដាយ គឺលោកជំទាវអ្នកឧកញ៉ា ម៉ៅ ចំណាន ទៅហើយ។ អ្នកទាំង ២ ក៏មានរសនិយមក្នុងការតុបតែងខ្លួនផ្សេងគ្នាដែរ តែក្រោមក្រសែភ្នែកម្ដាយ គឺអគ្គនាយកប្រតិបត្តិក្រុមហ៊ុន រ៉ូយ៉ាល់ គ្រុប និងក្រុមហ៊ុន រ៉ូយ៉ាល់ គ្រុប គិត ស៊ូរៀរង្សី វ័យ ១៩ ឆ្នាំ និង គិត ស៊ូណាវីន តែងតែស្លៀកពាក់សមសួនជានារីខ្មែរជានិច្ចដែរ។

ជាក់ស្ដែងកាលពីខែមុន គ្រួសារប្រធានក្រុមប្រឹក្សាភិបាល និងអគ្គនាយកប្រតិបត្តិក្រុមហ៊ុន រ៉ូយ៉ាល់ គ្រុប បានថតរូបជុំគ្នា ដើម្បីយកទៅដាក់តាំងនៅផ្ទះថ្មីនៅប្រទេសអូស្ត្រាលី។

ក្នុងនោះមានទាំងសម្លៀកបំពាក់ប្រពៃណីសំពត់បត់ហូលខ្មែរ និងសម្លៀកបំពាក់ប្រេនសម័យថ្មីផងដែរ។ សម្រាប់ឈុតប្រេនវិញគិត ស៊ូរៀរង្សី វ័យ ១៩ ឆ្នាំ និង គិត ស៊ូណាវីន វ័យ ១៨ ឆ្នាំ បានប្រើឈុតស្រដៀងគ្នា ១ស្លៀកពាក់ប្រេន Dior និងម្នាក់ទៀត Christian Dior។

១. គិត ស៊ូរៀរង្សី ជ្រើសអាវ Cropped Jaket តម្លៃ ៤ ៧០០ ដុល្លារ និងសំពត់ខ្លី Pleated Miniskirt តម្លៃ ៣ ៨០០ ដុល្លារ។

២. គិត ស៊ូណាវីន គ្រងឈុត Christian Dior

៣. លោកជំទាវអ្នកឧកញ៉ា ម៉ៅ ចំណាន បានផ្លាស់ប្ដូរ ២ ឈុត ទី១ ឈុត Dior ពណ៌ប្រផេះ និងឈុតទី ២ ក៏ជាប្រេន Dior ដែរ គ្រាន់តែជាពណ៌ខ្មៅ និងភ្លឺផ្លេក៕

អត្ថបទ៖ ឆដា, រូបភាព៖ The ring wedding cambodia

The post កូនស្រីទាំង ២ របស់លោកជំទាវអ្នកឧកញ៉ា ម៉ៅ ចំណាន ធំធាត់ទន្ទឹមខ្លួន appeared first on Millions times.

ប្រធានសមាគមសិល្បករខ្មែរ នៅតែទទួលបានទំនុកចិត្តពីសប្បុរសជន ថ្មីៗនេះធនាគារ ជេ ត្រាស់ រ៉ូយ៉ាល់ បរិច្ចាគ ១០ ម៉ឺនដុល្លារ

Vin Chang — Mon, 06 Jul 2026 09:30:47 +0000

កាលពីថ្ងៃ ២ ខែកក្កដា ឆ្នាំ ២០២៦កន្លងទៅ ប្រធានសមាគមសិល្បករខ្មែរ លោកជំទាវអ្នកឧកញ៉ា ម៉ៅ ចំណាន បានទទួលបានថវិកាឧបត្ថម្ភពីធនាគារ ជេ ត្រាស់ រ៉ូយ៉ាល់ ១០ ម៉ឺនដុល្លារ ដើម្បីបន្តគាំទ្របេសកកម្មអភិរក្ស អភិវឌ្ឍ និងលើកតម្កើងសិល្បៈ វប្បធម៌ និងអត្តសញ្ញាណជាតិខ្មែរ។

តាមដានជាមួយយើង៖ Million Times

តាំងពីឡើងធ្វើជាប្រធានជិត ៣ ឆ្នាំមកនេះ លោកជំទាវអ្នកឧកញ៉ា មិនដែលសម្រាក ឬទម្លាក់ដៃក្នុងការជ្រោមជ្រែងសមាគមសិល្បករខ្មែរ ក្នុងការបំពេញការងារគ្រប់សព្វបែបយ៉ាង ធ្វើយ៉ាងណាឲ្យសិល្បករខ្មែរ កាន់តែរីកចម្រើនទាំងអស់គ្នា។

ការដែលអនុប្រធានក្រុមប្រឹក្សាភិបាលក្រុមហ៊ុន រ៉ូយ៉ាល់ គ្រុប ទទួលបានទំនុកចិត្តខ្ពស់ ក៏ព្រោះតែកេរ្តិ៍ឈ្មោះ និងមុខមាត់ក្នុងសង្គម មានសមត្ថភាពការងារជោគជ័យជាច្រើន ព្រមទាំងមានទំនាក់ទំនងជាមួយដៃគូបរទេសជាច្រើន។ កាន់តែពិសេសលោកជំទាវអ្នកឧកញ៉ា មានឫកពាថ្លៃថ្នូរ និងមានទំនួលខុសត្រូវខ្ពស់ក្នុងនាមជាអ្នកដឹកនាំ។

ប្រធានសមាគមសិល្បករខ្មែរមិនត្រឹមតែកៀរគរមិនត្រឹមតែក្រុមហ៊ុនក្នុងស្រុកប៉ុណ្ណោះទេ ក្រុមហ៊ុនបរទេសដែលមកវិនិយោគនឲក្នុងស្រុកខ្មែរជាច្រើនក៏ចូលរួមបរិច្ចាគដល់សមាគមសិល្បករខ្មែរដែរ។ ដោយក្នុងនោះក៏មានក្រុមហ៊ុនខ្មែរ ដែលមានមេជាជនជាតិគេ ក៏ជ្រួតជ្រាប និងចូលរួមជួយដល់សិល្បករខ្មែរ តាមរយៈសមាគមសិល្ប្រដែលមានលោកជំទាវអ្នកឧកញ៉ា ម៉ៅ ចំណាន ជាប្រធាន។

ធនាគារ ជេ ត្រាស់ រ៉ូយ៉ាល់ បានរៀបចំពិធីប្រគល់-ទទួលថវិកាឧបត្ថម្ភ ១០០ ០០០ ដុល្លារ ដោយមានលោកជំទាវអ្នកឧកញ៉ា និងលោក Toru Myochin នាយកប្រតិបត្តិនៃធនាគារ ជេ ត្រាស់ រ៉ូយ៉ាល់ ជាតំណាង ហើយនេះក៏ជាឆ្នាំទី ៣ ដែលធនាគារ ជេ ត្រាស់ បានបរិច្ចាគ។

លោក Toru Myochin បានឲ្យដឹងថា “ក្នុងនាមជាជនជាតិជប៉ុនដែលរស់នៅ និងបំពេញការងារនៅកម្ពុជា លោកបានកោតសរសើរយ៉ាងជ្រាលជ្រៅចំពោះតម្លៃនៃអរិយធម៌ និងវប្បធម៌ដ៏សម្បូរបែបរបស់កម្ពុជា”។

នាយកប្រតិបត្តិនៃធនាគារ ជេ ត្រាស់ រ៉ូយ៉ាល់ បានបន្ថែមទៀតថាភាពរឹងមាំរបស់ប្រទេសមួយ មិនត្រូវបានវាស់ស្ទង់ត្រឹមកំណើនសេដ្ឋកិច្ចប៉ុណ្ណោះទេ ប៉ុន្តែជាការរួមបញ្ចូលភាពសម្បូរបែបនៃវប្បធម៌ អរិយធម៌ និងអត្តសញ្ញាណវប្បធម៌របស់ខ្លួនផងដែរ៕

អត្ថបទ៖ ឆដា, រូបភាព៖ សមាគមសិល្បករខ្មែរ

The post ប្រធានសមាគមសិល្បករខ្មែរ នៅតែទទួលបានទំនុកចិត្តពីសប្បុរសជន ថ្មីៗនេះធនាគារ ជេ ត្រាស់ រ៉ូយ៉ាល់ បរិច្ចាគ ១០ ម៉ឺនដុល្លារ appeared first on Millions times.

លោកអ្នកឧកញ៉ា ភាព ហៀក តែងតែផ្ដល់ភាពកក់ក្ដៅដល់កូន ហើយថ្មីៗនេះបង្ហាញរូបជុំកូនស្រីទាំង ២

Vin Chang — Mon, 06 Jul 2026 08:30:17 +0000

រូបភាពកម្ររបស់ស្ថាបនិក ជីប ម៉ុង គ្រុប គឺលោកអ្នកឧកញ៉ា ភាព ហៀកថតរូបជាលក្ខណៈជុំគ្នាគ្រួសារជាមួយកូនស្រីទាំង ២ ដែលជាត្រួយបណ្ដូលចិត្តរបស់លោកតែម្ដង។

តាមដានជាមួយយើង៖ Million Times

ស្ថាបនិក ជីប ម៉ុង គ្រុប គឺលោកអ្នកឧកញ៉ា ភាព ហៀក បានថតរូបជាអនុស្សាវរីយ៍ជាមួយលោកស្រី លី សុខឆេង នាយិកាក្រុមហ៊ុន ជីប ម៉ុង រីថែល និងកូនស្រីពៅ លី សុខចេង ជាអ្នកកាន់កាប់អាជីវកម្មក្នុងជីប ម៉ុង ឲ្យរឹងមាំ ព្រមទាំងកូនប្រសាប្រុស និងចៅប្រុសស្រីជាច្រើននាក់។

អ្នកឧកញ៉ា ភាព ហៀក បើទោះជាមមាញឹកនឹងការងារយ៉ាងណាក៏មិនភ្លេចឡើយ រូបភាពជុំគ្រួសារជាមួយកូនស្រីៗ។ ក្នុងពេលថតរូបជុំគ្រួសារ អ្នកឧកញ៉ា ភាព ហៀក បានជ្រើសរើស Hermès ដ៏សមសួន សមនឹងដងខ្លួនតែម្ដង។

ឈុត Hermès Palefroi Remix Print Dress ពណ៌សលាយ លឿង និងទឹកប្រាក់ តម្លៃជាង ៧ ០០០ ដុល្លារ។ បើទោះជាមានវ័យជិត ៨០ ឆ្នាំរូបនេះ ជាស្ត្រីទាន់សម័យ ហើយក៏ពូកែក្នុងការលេង Fashion មិនចាញ់កូនស្រីៗ និងកូនប្រសាស្រីឡើយ។

បើទោះជាមានវ័យច្រើនក៏ពិតមែន តែសុខភាព និងរូបរាងកាយមាំមួនរបស់លោកអ្នកឧកញ៉ា ភាព ហៀក ធ្វើឲ្យមើលទៅមិនសមវ័យ។ គួរបញ្ជាក់ថា ស្ថាបនិក ជីប ម៉ុង គ្រុប រូបនេះស្រលាញ់កូនចៅណាស់ នៅពេលជួបជុំកម្មវិធីគ្រួសារ និងកម្មវិធីក្រុមហ៊ុន តែងតែឱបថើបកូនចៅគ្រប់ៗគ្នា៕

អត្ថបទ៖ ឆដា, រូបភាព៖ One Memory

The post លោកអ្នកឧកញ៉ា ភាព ហៀក តែងតែផ្ដល់ភាពកក់ក្ដៅដល់កូន ហើយថ្មីៗនេះបង្ហាញរូបជុំកូនស្រីទាំង ២ appeared first on Millions times.

របៀបរស់នៅ Archives - Millions times

លោកស្រី គឹម ចាន់ថា ភរិយា​អ្នកឧកញ៉ា លាង ពៅ ទាំងស្អាត និងកាន់តួនាទីធំនៅ ជីប ម៉ុង

មួកក៏ជាគ្រឿងតុបតែងខ្លួនរបស់សេដ្ឋិនី សុភា បុត្រឈរ មិនអាចខ្វះបានដែរ

កូនចៅស្រីៗនៃសម្ពន្ធ ជីប ម៉ុង ម្នាក់ៗស្រស់ស្អាត និងពូកែរៀបចំខ្លួន

មកមើលភាពទាន់សម័យរបស់ស្ថាបនិក ជីប ម៉ុង លោកអ្នកឧកញ៉ា ភាព ហៀក ថ្ងៃជប់លៀងក្រុមហ៊ុន

កូនចៅប្រុសស្រីនៃ​សម្ព័ន្ធ ជីប ម៉ុង មកកម្មវិធី «ជួបជុំមហាគ្រួសារជីបម៉ុង» ដ៏ធំប្រចាំឆ្នាំទាំងអស់គ្នា

ហត់នឿយការងារច្រើន ពេលនេះលោកស្រី អ៊ឹមផាន វណ្ណឌី នាំគ្រួសារធ្វើដំណើរកម្សាន្តនៅបរទេស

ឧកញ៉ា ណូ សុភា មិនទម្លាក់ដៃក្នុងការចូលរួមសង្គមជាតិ ពេលនេះកំពុងរៀបចំថវិកាជាង ១ សែនដុល្លារ កសាងសាលា

កូនស្រីទាំង ២ របស់លោកជំទាវអ្នកឧកញ៉ា ម៉ៅ ចំណាន ធំធាត់​ទន្ទឹម​ខ្លួន

លោកអ្នកឧកញ៉ា ភាព ហៀក តែងតែផ្ដល់ភាពកក់ក្ដៅដល់កូន ហើយថ្មីៗនេះបង្ហាញរូបជុំកូនស្រីទាំង ២

លោកស្រី គឹម ចាន់ថា ភរិយាអ្នកឧកញ៉ា លាង ពៅ ទាំងស្អាត និងកាន់តួនាទីធំនៅ ជីប ម៉ុង

កូនចៅប្រុសស្រីនៃសម្ព័ន្ធ ជីប ម៉ុង មកកម្មវិធី «ជួបជុំមហាគ្រួសារជីបម៉ុង» ដ៏ធំប្រចាំឆ្នាំទាំងអស់គ្នា

កូនស្រីទាំង ២ របស់លោកជំទាវអ្នកឧកញ៉ា ម៉ៅ ចំណាន ធំធាត់ទន្ទឹមខ្លួន