Vin Chang, Author at Millions times

មិនសូវចូលចិត្តរបស់ប្រេន តែបើកាបូបដៃនីមួយៗរបស់សេដ្ឋិនី ទ្រី ដាណា តម្លៃមិនធម្មតាឡើយ!

Vin Chang — Fri, 08 May 2026 08:10:57 +0000

ម្ចាស់ផលិតផលថែរក្សាសម្រស់ NNP សេដ្ឋិនី ទ្រី ដាណា ជាអ្នកជំនួញជោគជ័យជាង ១០ ឆ្នាំមកហើយ នៅលើវិថីអនឡាញ។ អគ្គនាយិកាក្រុមហ៊ុន ដាណា ទ្រី ខេមបូឌា ត្រេនឌីង ខូអិលធីឌី ជាអ្នកជំនួញស្ត្រីដែលមិនសូវប្រើប្រាស់របស់ប្រេនៗឡើយ ដោយលោកស្រីធ្លាប់បានលើកឡើងថា មិនថាសម្លៀកបំពាក់ កាបូប ស្បែកជើងឲ្យតែស្អាត និងសមរម្យ គឺប្រើទាំងអស់។

តាមដានជាមួយយើង៖ Million Times

បើទោះជាមិនសូវនិយមប្រើរបស់ប្រេនពីក្បាលដល់ចុងជើងយ៉ាងណា ក៏សេដ្ឋិនី ទ្រី ដាណា នៅតែមានរបស់អស់នោះប្រើ ចៀសមិនផុតឡើយ។ ព្រោះតាមឋានៈ មុខមាត់តួនាទីក្នុងសង្គម ត្រូវប្រើក្នុងកាលៈទេសៈណាមួយជាក់ជាមិនខាន។

លើបណ្ដាញសង្គម លោកស្រីសម្រាប់សម្លៀកបំពាក់ អគ្គនាយិកាក្រុមហ៊ុន ដាណា ទ្រី ចូលចិត្តបែបប្រពៃណីខ្មែរ។ តែបើបើចូលរួមកម្មវិធីផ្សេងៗ រ៉ូបប្រេនៗ កាបូប ស្បែកជើង វិញក៏សុទ្ធតែជាម៉ាកយីហោល្បីៗ និងមានតម្លៃខ្ពស់ផងដែរ។

ជាក់ស្ដែងកាលថ្ងៃមង្គលការរបស់អ្នកជំនួញ ឡុង ម៉ានិច លោកស្រី ទ្រី ដាណា ដែលមានក្រុមហ៊ុនជាច្រើនក្នុងដៃ បានកាន់កាបូប Prada តម្លៃជិត ៣ ពាន់ដុល្លារ។ មិនមែនមានតែប្រេន Mini Lady Dior Bag Metallic Lambskin and Rose des Vents Satin Embroidered with Beads តម្លៃជាង ៨ ៧២០ ដុល្លារដែរ។

មិនតែប៉ុណ្ណោះកាបូប Prada Galleria satin micro-bag with decorations ដ៏កម្រតម្លៃជាង ៥ ២០០ ដុល្លារ ក៏ម្ចាស់ហាងលក់មាស ទ្រី ដាណា មានកាន់ដែរ។ ចំណែកគ្រឿងអលង្ការវិញមិនបាច់និយាយទេ ដោយសារលោកស្រីជាម្ចាស់ហាងមាសពេជ្រស្រាប់ ដូចនេះហើយឈុតពេជ្រជ្រែកខ្លួន៕

អត្ថបទ៖ ឆដា, រូបភាព៖ Dana Try

The post មិនសូវចូលចិត្តរបស់ប្រេន តែបើកាបូបដៃនីមួយៗរបស់សេដ្ឋិនី ទ្រី ដាណា តម្លៃមិនធម្មតាឡើយ! appeared first on Millions times.

អបអរសាទរ! អ្នកឧកញ៉ាវ័យក្មេង សំ សុខនឿន ត្រូវបានតែងតាំងជាទីប្រឹក្សាកិត្តិយសនៃសមាគមពាណិជ្ជកម្មកម្ពុជា-ម៉ាឡេស៊ី នៅប្រទេសម៉ាឡេស៊ី

Vin Chang — Fri, 08 May 2026 03:17:45 +0000

កាលពីពេលថ្មីៗនេះអ្នកឧកញ៉ាវ័យក្មេង សំ សុខនឿន ត្រូវបានតែងតាំងជាទីប្រឹក្សាកិត្តិយស នៃសមាគមពាណិជ្ជកម្មកម្ពុជា-ម៉ាឡេស៊ី នៅប្រទេសម៉ាឡេស៊ី ដែលកម្មវិធីធ្វើឡើងនៅប្រទេសម៉ាឡេស៊ី។

តាមដានជាមួយយើង៖ Million Times

ការប្រកាសតែងតាំងអ្នកឧកញ៉ាវ័យក្មេង សំ សុខនឿន ជាទីប្រឹក្សាកិត្តិយស នៃសមាគមពាណិជ្ជកម្មកម្ពុជា-ម៉ាឡេស៊ី បន្ទាប់ពីមានអនុស្សរណៈនៃការយោគយល់គ្នា (MoU) រវាងសមាគមពាណិជ្ជកម្មម៉ាឡេស៊ី-កម្ពុជា (MCBA) និងសហព័ន្ធសមាគមសហគ្រាសធុនតូច និងមធ្យមនៃកម្ពុជា (FASMEC)។ ក្រៅពីអ្នកឧកញ៉ាវ័យក្មេង សំ សុខនឿន ក៏មានឥស្សរជនជាន់ខ្ពស់របស់កម្ពុជា ៣ រូបផ្សេងរបស់ប្រទេសកម្ពុជា ត្រូវបានតែងតាំងក្នុងតួនាទីផ្សេងៗគ្នា។

ក្នុងនោះ ក៏មាន Dato’ (ឧកញ៉ា), Dato’ Sri (អ្នកឧកញ៉ា) និង Tan Sri (លោកអ្នកឧកញ៉ា) របស់ម៉ាឡេស៊ីជាង ១០ រូបបន្ថែមទៀត ត្រូវបានផ្ដល់កិត្តិយសផ្សេងៗគ្នានាឱកាសចុះ MOU កាលពីថ្ងៃ៥ ខែឧសភា ឆ្នាំ ២០២៦ កន្លងទៅ នៅទីក្រុងកូឡាឡាំពួរ ប្រទេសម៉ាឡេស៊ី។

លោក Datuk Seri Ricky Yaw ប្រធានស្ថាបនិក MCBA បានមានប្រសាសន៍ថា ភាពជាដៃគូនេះ មានគោលបំណងបង្កើតវេទិកាមួយ ផ្តល់នូវតម្លៃដែលអាចវាស់វែងបានដល់អាជីវកម្មនានានៅទូទាំងប្រទេសម៉ាឡេស៊ី កម្ពុជា និងតំបន់អាស៊ានទាំងមូល។

គួរបញ្ជាក់ថា បច្ចុប្បន្នប្រទេសម៉ាឡេស៊ី និងកម្ពុជា កំពុងបង្កើនកិច្ចសហប្រតិបត្តិការអាជីវកម្ម ពង្រីកឱកាសនៅទូទាំងអាស៊ាន និងជំរុញភាពជាដៃគូឆ្លងដែនពាណិជ្ជកម្ម និងការវិនិយោគ៕

អត្ថបទ៖ឆដា, រូបភាព៖ ផ្ដល់ឲ្យ

The post អបអរសាទរ! អ្នកឧកញ៉ាវ័យក្មេង សំ សុខនឿន ត្រូវបានតែងតាំងជាទីប្រឹក្សាកិត្តិយសនៃសមាគមពាណិជ្ជកម្មកម្ពុជា-ម៉ាឡេស៊ី នៅប្រទេសម៉ាឡេស៊ី appeared first on Millions times.

១ឈុតពណ៌ផ្កាឈូកពីចុងសក់ដល់ចុងជើងរបស់លោកស្រី តែ ស៊ូអេង ប្រេនៗទាំងអស់

Vin Chang — Thu, 07 May 2026 09:20:05 +0000

លោកស្រី តែ ស៊ូអេង អគ្គនាយិកាក្រុមហ៊ុន ធី អ អ៊ី នាំចូលគ្រឿងសំអាងពីបរទេស និងមានទទួលធ្វើប្រេនផងដែរនោះ ជាស្ត្រីជោគជ័យលើវិថីអនឡាញ និងមានជីវិតរស់នៅដ៏ប្រណីត។

តាមដានជាមួយយើង៖ Million Times

ថៅកែស្រី TRE ជាមនុស្សមានរសនិយមខ្ពស់ ចូលចិត្តសម្ភារៈប្រេនៗ មិនថាសម្លៀកបំពាក់ គ្រឿងអលង្ការ កាបូប ស្បែកជើង ឡានទំនើប និងសូម្បីតែរបស់របរប្រើប្រាស់ក្នុងផ្ទះ ក៏សុទ្ធសឹងតែមានតម្លៃរាប់ពាន់ដុល្លារឡើងដែរ។

បើនិយាយពីរូបសម្រស់វិញ ច្បាស់ណាស់ថាថៅកែផលិតផលថែរក្សាសម្រស់ TRE រូបនេះស្អាត សមជាម្ចាស់ជំនួញធំ។ ងាកទៅមើលសម្លៀកបំពាក់ កាបូប ស្បែកជើង ដែលលោកស្រីទើបគ្រងទៅចូលរួមកម្មវិធីជប់លៀងនាពេលថ្មីៗនេះវិញ ឃើញថាតម្លៃមហាសាល ដោយគ្រាន់តែកាបូប Dior ពណ៌ផ្កាឈូក១ ជាង៥ ពាន់ដុល្លារបាត់ទៅហើយ។

នារាត្រីនោះ លោកស្រី ស៊ូអេង បានរៀបចំខ្លួនជាមួយឈុតរ៉ូបខ្លីពណ៌ផ្កាឈូក និងកាបូបដៃ Christian Dior Mini Lady Dior Lizard Pink Multicolour ស្បែកជើង AMINA MUADDI – Rosie Pump តម្លៃ ១ ១៧០ ដុល្លារ ព្រមទាំងគ្រឿងពេជ្រភ្លឺចិញ្ចាច៕

អត្ថបទ៖ ឆដា, រូបភាព៖ Te sou eng

The post ១ឈុតពណ៌ផ្កាឈូកពីចុងសក់ដល់ចុងជើងរបស់លោកស្រី តែ ស៊ូអេង ប្រេនៗទាំងអស់ appeared first on Millions times.

លោកស្រី សុភា បុត្រឈរ ត្រូវព្រះមហាក្សត្រ ចេញព្រះរាជក្រឹត្យ ត្រាស់បង្គាប់ផ្តល់គោរមងារ «ឧកញ៉ា»

Vin Chang — Wed, 06 May 2026 08:04:33 +0000

លោកស្រី សុភា បុត្រឈរ ដែលជាសប្បុរសជនខ្មែររស់នៅក្រៅប្រទេស ដែលតែងតែឈឺឆ្អាលនឹងសុខទុក្ខប្រជាជនខ្មែរ ហើយបានចូលរួមយ៉ាងសកម្មក្នុងការជួយដល់ជនក្រីក្រ និងជនរងគ្រោះដោយសារសង្គ្រាមកាលពីឆ្នាំមុន ត្រូវបាន ត្រូវព្រះមហាក្សត្រ ចេញព្រះរាជក្រឹត្យ ត្រាស់បង្គាប់ផ្តល់គោរមងារជា «ឧកញ៉ា»។

តាមដានជាមួយយើង៖ Million Times

ណូ សុភា ត្រូវបានព្រះករុណា ព្រះបាទ សម្ដេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់ផ្តល់គោរមងារជា«ឧកញ៉ា»។ យោងតាមសេចក្ដីក្រាបបង្គំទូលថ្វាយរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

មហាជនពិតជាពេញចិត្ត និងអបអរដល់លោកស្រី សុភា បុត្រឈរ និងសា្វមី ព្រមទាំងគ្រួសារ ជួបតែសុភមង្គល វិបុលសុខ និងប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

អត្ថបទ៖ ឆដា, រូបភាព៖ Sophea MD

The post លោកស្រី សុភា បុត្រឈរ ត្រូវព្រះមហាក្សត្រ ចេញព្រះរាជក្រឹត្យ ត្រាស់បង្គាប់ផ្តល់គោរមងារ «ឧកញ៉ា» appeared first on Millions times.

លោកស្រី លាង ធារ៉ា សម្រស់មិនប្រែក្នុងឈុតពណ៌ផ្កាឈូក

Vin Chang — Tue, 05 May 2026 06:49:51 +0000

ថ្មីៗនេះមង្គលការថៅកែអនឡាញដ៏ល្បី ឡុង ម៉ានិច ដែលបានរៀបចំយ៉ាងអធិកអធម និងអញ្ជើញអស់នូវបុគ្គលល្បីៗលើវិថី skincare។ ក្នុងនោះ ក៏មានវត្តមានលោកស្រី លាង ធារ៉ា ដែលជាថៅកែហាងគ្រឿងអលង្ការ និងផលិតផលថែរក្សាសម្រស់ចូលរួមកម្មវិធីសិរីមង្គលនោះដែរ។

តាមដានជាមួយយើង៖ Million Times

អ្នកម្ដាយកូន ៣ លោកស្រី ធារ៉ា មិនដែលរំលងរោងណា ដែលមិនរៀបចំខ្លួនយ៉ាងល្អស្អាតឥតខ្ចោះនោះឡើយ។ ដោយពេលបង្ហាញវត្តមាននៅកម្មវិធីណាមួយហើយ មិនថាសម្លៀកបំពាក់ សក់ ការផាត់មុខឡើយ គឺថាតែងតែលេចធ្លោ សមរូបសមរាងតូចស្រឡូន។

សម្លៀកបំពាក់យ៉ាងប្រណីតទាំងឈុតបុរាណ និងសម័យ លោកស្រី លាង ធារ៉ា បានបង្ហាញខ្លួនយ៉ាងច្បាស់ជាមួយកាបូបប្រេន Christian Dior តម្លៃរាប់ពាន់ដុល្លារ។ សម្រាប់កាបូប Dior Miss Caro Top Handle Pouch តម្លៃ ២ ៣៩០ ដុល្លារ របស់ភរិយាឧកញ៉ា ឌី ជោត ស៊ីគ្នាគ្រប់យ៉ាងជាមួយអ្នកជំនួញស្រីរូបនោះ។

ដ្បិតថាជាថៅកែស្រីនៃហាងគ្រឿងអលង្ការ ប៉ុន្តែលោកស្រី លាង ធារ៉ា មិនបានតុបតែងខ្លួនជាមួយគ្រឿងពេជ្រស្អេកស្កះឡើយ ដោយមានតែខ្សែកត្បូង ចិញ្ចៀន និងនាឡិកាពស់ប្រេន Bulgari ដ៨ទាន់សម័យ៕

អត្ថបទ៖ ឆដា, រូបភាព៖ T&L Jewelry

The post លោកស្រី លាង ធារ៉ា សម្រស់មិនប្រែក្នុងឈុតពណ៌ផ្កាឈូក appeared first on Millions times.

អ្នកជំនាញអចលនវត្ថុ អ្នកឧកញ៉ាវ័យក្មេង សំ សុខនឿន លើកឡើងពីក្បួនវិនិយោគដីធ្លីមានប្រសិទ្ធភាព

Vin Chang — Mon, 04 May 2026 06:39:35 +0000

វិស័យអចលនទ្រព្យដីធ្លី បានជួយដល់ប្រជាពលរដ្ឋខ្មែរជាច្រើននាពេលកន្លងមក ហើយក្នុងនោះវិនិយោគិនមានទាំងខ្មែរ និងបរទេស។ នេះបើយោងតាមការលើកឡើងរបស់អ្នកជំនាញអចលនវត្ថុ អ្នកឧកញ៉ាវ័យក្មេង សំ សុខនឿន នៅលើបណ្ដាញសង្គម។

តាមដានជាមួយយើង៖ Million Times

ជារឿយៗអ្នកឧកញ៉ាវ័យក្មេង សំ សុខនឿន តែងតែចែករំលែកពីការទិញលក់ដីធ្លី ដើម្បីចំណេញប្រាក់កម្រៃខ្លះ។ អ្នកឧកញ៉ាវ័យក្មេង សំ សុខនឿន បានឲ្យដឹងថា នៅកម្ពុជាមានអ្នកវិនិយោគដីធ្លីយ៉ាងច្រើន មិនថាអ្នកវិនិយោគខ្មែរ ឬអ្នកវិនិយោគពីក្រៅប្រទេសនោះទេ បានក្លាយជាអ្នកមានធូរធារ តាមរយៈដីធ្លីនេះឯង។

លោកបានបន្ថែមទៀតថា ស្របពេលជាមួយគ្នានេះ ក៏មានអ្នកខ្លះផុងខ្លួនខាតបង់ ជាប់គាំង ដោយសារតែដីធ្លីនោះដែរ នោះដោយសារការវិនិយោគ ឬទិញតាមគ្នា ទិញដោយគ្មានជំនាញ ជាពិសេស ទិញដីមិនបានដី ឬមិនទាន់បានដី ទិញផ្ទះមិនបានផ្ទះ ឬមិនទាន់បានផ្ទះ ដាក់លុយវិនិយោគយកការប្រាក់ខ្ពស់ដែលជារូបភាពបន្លំជាការវិនិយោគដីធ្លី-ល-។

ការវិនិយោគដីធ្លីជាការវិនិយោគរយៈពេលវែង ដោយមិនអាចត្រឹមរយៈពេល ២ ឬ ៣ឆ្នាំ ក្លាយជាអ្នកមានដោយសារដីធ្លីបាននោះទេ។ ក្បួនមួយក្នុងចំណោមក្បួនជាច្រើនដែលគេតែងប្រើ ហើយទទួលបានជោគជ័យ គឺត្រូវមានចំណូលនឹងធឹងពីជំនួញ ឬការងាររបស់អ្នក ហើយលុយសល់ពីផលចំណេញ ចាំយកទៅវិនិយោគ ឬទិញទុករយៈពេលវែង និងដីធ្លីដែលគួរទិញ គឺគួរទិញនៅក្រុងភ្នំពេញ ឬទិញនៅជាយក្រុងភ្នំពេញ។ នៅកម្ពុជាក្បួននេះត្រូវបានអនុវត្តដោយ អ្នកធ្វើការរាជការ និងអ្នកជំនួញធំៗ៕

អត្ថបទ៖ ឆដា, រូបភាព៖ ផ្ដល់ឲ្យ

The post អ្នកជំនាញអចលនវត្ថុ អ្នកឧកញ៉ាវ័យក្មេង សំ សុខនឿន លើកឡើងពីក្បួនវិនិយោគដីធ្លីមានប្រសិទ្ធភាព appeared first on Millions times.

មន្ត្រី ក.ប.ប សាខាខេត្តបាត់ដំបង ចុះពិនិត្យទុរេននៅផ្សារភូពុយ ក្រោយលេចឮព័ត៌មានថា នាំចូលពីប្រទេសថៃ

Vin Chang — Sun, 03 May 2026 07:14:30 +0000

នៅព្រឹកថ្ងៃ ៣ ខែឧសភា ឆ្នាំ ២០២៦ នេះ បន្ទាប់ពីលេចឮព័ត៌មានតាមបណ្ដាញសង្គមថា មានអាជីវករលួចនាំចូលផ្លែទុរេនពីប្រទេសថៃមកដាក់លក់នៅក្នុងផ្សារភូពុយ ខេត្តបាត់ដំបង មន្ត្រីនៃអគ្គនាយកដ្ឋានការពារអ្នកប្រើប្រាស់ និងកិច្ចការប្រកួតប្រជែង ខេត្តបាត់ដំបង បានចុះពិនិត្យទីតាំងលក់ផ្លែឈើ ៩ ទីតាំង។

តាមដានជាមួយយើង៖ Million Times

ជាលទ្ធផល ក្រោយពីការចុះពិនិត្យ និងសួរនាំ មន្ត្រីជំនាញសន្និដ្ឋានថាមិនមានករណីនាំទុរេន ពីប្រទេសថៃចូលមកលក់នោះឡើយ ដោយទុរេនទាំងនោះនាំមកពីខេត្តកំពង់ចាម និងតំបន់មួយចំនួនក្នុងស្រុកនោះទេ ។

មួយរយៈមកនេះ មានឃើញការលក់ផ្លែទុរេនជាច្រើនដោយមហាជនសង្ស័យថា អាជីវករបាននាំចូលមកពីប្រទេសថៃ ខណៈផ្លែទុរេននៅទីនោះជន់ជោរ ដោយសារមិនបាននាំចេញទៅក្រៅប្រទេស។

គួរបញ្ជាក់ផងដែរថា កម្ពុជាបានបិទការនាំចូលបន្លែ ផ្លែឈើ ប្រេងឥន្ធនៈ (សាំង, ម៉ាស៊ូត, ប្រេងខ្មៅ, សាំងយន្តហោះ) និង ឧស្ម័នរាវសម្រាប់ដុត។ ការហាមឃាត់នេះមិនមែនជាការបិទទាំងស្រុងទេ គឺសំដៅលើការទប់ស្កាត់ការនាំចូលតាមច្រកព្រំដែនគោកកម្ពុជា-ថៃ។ នេះបើយោងតាមសេចក្ដីជូនដំណឹងចុះថ្ងៃទី១៦ ខែកក្កដា ឆ្នាំ ២០២៥ របស់អគ្គនាយកដ្ឋានគយ និងរដ្ឋាករកម្ពុជា បញ្ជាក់បន្ថែមទៅកាន់អាជីវករ/ពាណិជ្ជករ ធុរជន៕

អត្ថបទ៖ ឆដា, រូបភាព៖ រូបភាពពីអគ្គនាយកដ្ឋាន ក.ប.ប

The post មន្ត្រី ក.ប.ប សាខាខេត្តបាត់ដំបង ចុះពិនិត្យទុរេននៅផ្សារភូពុយ ក្រោយលេចឮព័ត៌មានថា នាំចូលពីប្រទេសថៃ appeared first on Millions times.

អ្នកឧកញ៉ាវ័យក្មេង សំ សុខនឿន និងលោកជំទាវ សូ រមនា បរិច្ចាគថវិកា ២ ៥០០ ដុល្លារ ជូនកាកបាទក្រហមកម្ពុជា

Vin Chang — Sat, 02 May 2026 09:05:42 +0000

អ្នកឧកញ៉ាវ័យក្មេង សំ សុខនឿន និងលោកជំទាវ សូ រមនា បានបរិច្ចាគថវិកា ២ ៥០០ ដុល្លារជូនកាកបាទក្រហមកម្ពុជា ក្នុងឱកាសខួបទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

តាមដានជាមួយយើង៖ Million Times

អ្នកឧកញ៉ា សំ សុខនឿន សមាជិកក្រុមប្រឹក្សាភិបាល នៃសមាគមឧកញ៉ាកម្ពុជា តែងតែចូលរួមក្នុងការងារមនុស្សធម៌។ ក្នុងនាមជាអ្នកជំនួញម្នាក់ អ្នកឧកញ៉ាវ័យក្មេង និងជាស្ថាបនិក និងជាប្រធានក្រុមប្រឹក្សាភិបាល នៃក្រុមហ៊ុន KH Haitech រូបនេះធ្លាប់បានលើកឡើងថា ការចូលរួមក្នុងការងារមនុស្សធម៌ និងការងារសង្គម ជារឿងចាំបាច់ដែលត្រូវតែធ្វើ។

កន្លងមកបើទោះជាមានភាពមមាញឹកក្នុងមុខជំនួញយ៉ាងណា អ្នកឧកញ៉ាដែលមានប្រភពមកពីក្រូចឆ្មាររូបនេះ មិនដែលខកខានឡើយក្នុងការបរិច្ចាគថវិកា ដើម្បីជួយដល់អង្គការ និងស្ថាប័នជាច្រើន។

កាកបាទក្រហមកម្ពុជា បានអំពាវនាវចំពោះ សម្ដេច ឯកឧត្ដម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជន មកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន សូមមេត្តាបន្តចូលរួមបរិច្ចាគថវិកា សម្ភារ ជូនកាកបាទក្រហមកម្ពុជា ដោយសទ្ធាជ្រះថ្លា និងតាមការស្ម័គ្រចិត្ត។

ការចូលរួមឧបត្ថម្ភគាំទ្រការងារមនុស្សធម៌តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

កាកបាទក្រហមកម្ពុជា នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ដើម្បីបម្រើសកម្មភាពមនុស្សធម៌ជួយដល់ ប្រជាពលរដ្ឋងាយរងគ្រោះបំផុត ជាពិសេសប្រជាជនភៀសសឹក និងគ្រួសារយុទ្ធជនរបួស និងពលីក្នុងសមរភូមិ៕

អត្ថបទ៖ ឆដា, រូបភាព៖ Dr. Sam Soknoeun

The post អ្នកឧកញ៉ាវ័យក្មេង សំ សុខនឿន និងលោកជំទាវ សូ រមនា បរិច្ចាគថវិកា ២ ៥០០ ដុល្លារ ជូនកាកបាទក្រហមកម្ពុជា appeared first on Millions times.

គម្រោងសាងសង់ស្ថានីយផលិតថាមពលអគ្គិសនីដើរដោយថាមពលខ្យល់ នៅក្រុងសែនមនោរម្យ សម្រេចវឌ្ឍនភាព ២០%

Vin Chang — Thu, 30 Apr 2026 09:34:27 +0000

គម្រោងសាងសង់ស្ថានីយផលិតថាមពលអគ្គិសនីដើរដោយថាមពលខ្យល់ នៅក្រុងសែនមនោរម្យ ខេត្តមណ្ឌលគិរី ដែលមានអានុភាព ១៥០ មេហ្គាវ៉ាត់ និងប្រើទុនវិនិយោគប្រមាណ ២០០ លានដុល្លារ កំពុងដំណើរការអភិវឌ្ឍយ៉ាងសកម្ម ដោយសម្រេចវឌ្ឍនភាពប្រហែល ២០% ហើយ គិតត្រឹមថ្ងៃ ៣០ ខែមេសា ឆ្នាំ ២០២៦ នេះ។

តាមដានជាមួយយើង៖ Million Times

បច្ចុប្បន្នមានតែក្រុមហ៊ុនមួយ (ក្រុមហ៊ុនឥណ្ឌូឆាយណា) ដែលកំពុងដំណើរការសាងសង់។ គម្រោងនេះស្ថិតនៅភូមិឡៅការ សង្កាត់សុខដុម ក្រុងសែនមនោរម្យ ហើយតាមផែនការ ក្រុមហ៊ុននីមួយៗអាចសាងសង់បង្គោលកង្ហាខ្យល់ចន្លោះពី ២០ ទៅ ៣០ បង្គោល។

ការអភិវឌ្ឍគម្រោងថាមពលខ្យល់នេះ ត្រូវបានចាត់ទុកថាជាជំហានសំខាន់ក្នុងការជំរុញការប្រើប្រាស់ថាមពលស្អាត និងថាមពលបៃតងនៅកម្ពុជា ជាពិសេសនៅតំបន់ភ្នំនៃខេត្តមណ្ឌលគិរី ដែលមានសក្ដានុពលខ្យល់ខ្លាំង និងអាចប្រើប្រាស់បានយូរអង្វែង។

កាលពីឆ្នាំ ២០២៥ រដ្ឋសភាកម្ពុជា បានអនុម័តគម្រោងថាមពលខ្យល់ ៦ គម្រោង នៅខេត្តមណ្ឌលគិរី ដែលមានអានុភាពសរុប ៩០០ មេហ្គាវ៉ាត់។ រាជរដ្ឋាភិបាលកំណត់គោលដៅថាមពលស្អាតមានចំណែកដល់ ៧០% នៅត្រឹមឆ្នាំ ២០៣០ ដើម្បីធានាការអភិវឌ្ឍមានចីរភាព និងទាក់ទាញវិនិយោគ។

គម្រោងទាំងនេះនឹងជួយដោះស្រាយបញ្ហាកង្វះអគ្គិសនី បំពេញតម្រូវការកំពុងកើនឡើង និងធានាការផ្គត់ផ្គង់អគ្គិសនីឱ្យមានស្ថិរភាព តម្លៃសមរម្យ និងទាន់ពេលវេលា៕

អត្ថបទ៖ ឆដា, រូបភាព៖ អ៊ីនធឺណិត

The post គម្រោងសាងសង់ស្ថានីយផលិតថាមពលអគ្គិសនីដើរដោយថាមពលខ្យល់ នៅក្រុងសែនមនោរម្យ សម្រេចវឌ្ឍនភាព ២០% appeared first on Millions times.

ឧកញ៉ា ស្រ៊ៀត មុំសុភា ទទួលបានការតែងតាំងជាកុងស៊ុលកិត្តិយសបង់ក្លាដេស ប្រចាំនៅកម្ពុជា

Vin Chang — Thu, 30 Apr 2026 07:18:03 +0000

ជារឿងគួរឲ្យស្ញប់ស្ញែង និងចូលរួមអបអរសាទរជាមួយឧកញ៉ា ស្រ៊ៀត មុំសុភា នៅថ្ងៃ ២៨ ខែមេសា ឆ្នាំ ២០២៦ កន្លងទៅ ត្រូវបានប្រកាសតែងតាំងជា កុងស៊ុលកិត្តិយសបង់ក្លាដេស ប្រចាំនៅកម្ពុជា។ ពិធីនោះធ្វើឡើង ដើម្បីបង្ហាញពីការពង្រឹងទំនាក់ទំនងការទូត និងការប្តេជ្ញាចិត្តរួមក្នុងការអភិវឌ្ឍកិច្ចសហប្រតិបត្តិការរវាងប្រទេសទាំងពីរ។

តាមដានជាមួយយើង៖ Million Times

កម្មវិធីនេះបានធ្វើឡើងក្រោមអធិបតីភាពលោក ហួត ហាក់ រដ្ឋមន្ត្រីក្រសួងទេសចរណ៍ និងមានការចូលរួមពីលោក កាស៊ី ហ្វៃយ៉ាស មួរស៊ីដ ឯកអគ្គរដ្ឋទូតសាធារណរដ្ឋប្រជាមានិតបង់ក្លាដេស ព្រមទាំងថ្នាក់ដឹកនាំ និងតំណាងក្រសួង-ស្ថាប័នពាក់ព័ន្ធ តំណាងអង្គទូតនានា លោក-លោកស្រីពីសមាគមធុរកិច្ច និងសហគមន៍កម្ពុជា–បង់ក្លាដេស ក្រុមហ៊ុនឯកជនជាតិ និងអន្តរជាតិ សរុបជាង ២០០ នាក់។

ឧកញ៉ា ស្រ៊ៀត មុំសុភា បានលើកឡើងថា “ថ្ងៃនេះមិនត្រឹមតែជាការតែងតាំងជាផ្លូវការប៉ុណ្ណោះទេ ប៉ុន្តែជាការប្តេជ្ញាចិត្តរួមគ្នាក្នុងការពង្រឹងភាពជាដៃគូរវាងបង់ក្លាដែស និងកម្ពុជាផងដែរ ដែល ជាទំនាក់ទំនងដែលបង្កើតឡើងដោយផ្អែកលើការជឿទុកចិត្ត ការគោរពគ្នាទៅវិញទៅមក និងចក្ខុវិស័យរួមសម្រាប់ការរីកចម្រើន និងកិច្ចសហប្រតិបត្តិការ“។

ក្នុងនាមជាកុងស៊ុលកិត្តិយសបង់ក្លាដេស ប្រចាំនៅកម្ពុជា ឧកញ៉ា ស្រ៊ៀត មុំសុភា បញ្ជាក់ថា បេសកកម្មរបស់ខ្លួនគឺ ពង្រឹងកិច្ចសហប្រតិបត្តិការការទូត និងស្ថាប័ន, គាំទ្រ និងការពារសហគមន៍បង់ក្លាដេសយ៉ាងសកម្មនៅកម្ពុជា, លើកកម្ពស់ពាណិជ្ជកម្ម ការវិនិយោគ និងទេសចរណ៍, កសាងទំនាក់ទំនងរវាងប្រជាជន និងប្រជាជន និងវប្បធម៌ឲ្យកាន់តែរឹងមាំ។

រដ្ឋមន្ត្រី ហួត ហាក់ បានថ្លែងអបអរសាទរជូនចំពោះឧកញ៉ា ស្រ៊ៀត មុំសុភា ដែលត្រូវបានតែងតាំងជាកុងស៊ុលកិត្តិយសថ្មី និងបានបញ្ជាក់ថា ការតែងតាំងនេះ មិនត្រឹមតែជាកិត្តិយសប៉ុណ្ណោះទេ ប៉ុន្តែជាកាតព្វកិច្ចដ៏សំខាន់ក្នុងការចូលរួមពង្រឹងទំនាក់ទំនងទ្វេភាគី និងជំរុញកិច្ចសហប្រតិបត្តិការលើវិស័យសំខាន់ៗ រួមទាំងទេសចរណ៍ ពាណិជ្ជកម្ម វិនិយោគ និងការតភ្ជាប់រវាងប្រជាជនទៅប្រជាជន ដោយនេះជាសញ្ញាបង្ហាញពីការជឿទុកចិត្ត និងការទទួលស្គាល់រវាងប្រទេសទាំងពីរ ដែលនឹងជួយបង្កើនការតភ្ជាប់ និងបង្កើតឱកាសសហប្រតិបត្តិការថ្មីៗ បន្ថែមទៀត។

កម្ពុជា និងបង់ក្លាដែស បានបង្កើតទំនាក់ទំនងការទូតជាផ្លូវការ ចាប់តាំងពីឆ្នាំ១៩៩៣មក ដោយគិតមកដល់ឆ្នាំ ២០២៦ មានរយៈពេលប្រមាណ ៣៣ ឆ្នាំ ដែលបានអភិវឌ្ឍទៅជាកិច្ចសហប្រតិបត្តិការយ៉ាងជិតស្និទ្ធលើវិស័យជាច្រើន រួមទាំងវិស័យទេសចរណ៍ផងដែរ។

គួរបញ្ជាក់ផងដែរថា ឧកញ៉ា ស្រ៊ៀត មុំសុភា គឺជាស្ថាបនិក និងជានាយកប្រតិបត្តិ Sophiya Cambodia Travel & Tours នៅប្រទេសកម្ពុជា៕

អត្ថបទ៖ ឆដា, រូបភាព៖ Oknha Sreat M. Sophear

The post ឧកញ៉ា ស្រ៊ៀត មុំសុភា ទទួលបានការតែងតាំងជាកុងស៊ុលកិត្តិយសបង់ក្លាដេស ប្រចាំនៅកម្ពុជា appeared first on Millions times.

Vin Chang, Author at Millions times

មិនសូវចូលចិត្តរបស់ប្រេន តែបើកាបូបដៃនីមួយៗរបស់សេដ្ឋិនី ទ្រី ដាណា តម្លៃមិនធម្មតាឡើយ!

១ឈុតពណ៌ផ្កាឈូកពីចុងសក់ដល់ចុងជើងរបស់លោកស្រី តែ ស៊ូអេង ប្រេនៗទាំងអស់

លោកស្រី សុភា បុត្រឈរ ត្រូវព្រះមហាក្សត្រ ចេញព្រះរាជក្រឹត្យ ត្រាស់បង្គាប់ផ្តល់គោរមងារ «ឧកញ៉ា»

លោកស្រី លាង ធារ៉ា សម្រស់មិនប្រែក្នុងឈុតពណ៌ផ្កាឈូក

អ្នកជំនាញអចលនវត្ថុ អ្នកឧកញ៉ាវ័យក្មេង សំ សុខនឿន លើកឡើងពីក្បួនវិនិយោគដីធ្លីមាន​ប្រសិទ្ធភាព

មន្ត្រី ក.ប.ប សាខា​ខេត្ត​បាត់ដំបង ចុះ​ពិនិត្យទុរេននៅផ្សារភូពុយ ក្រោយលេចឮព័ត៌មានថា នាំចូលពីប្រទេសថៃ

អ្នកឧកញ៉ាវ័យក្មេង សំ សុខនឿន និងលោកជំទាវ សូ រមនា បរិច្ចាគ​ថវិកា ២ ៥០០ ដុល្លារ ជូនកាកបាទក្រហមកម្ពុជា

គម្រោងសាងសង់ស្ថានីយផលិតថាមពលអគ្គិសនីដើរដោយថាមពលខ្យល់ នៅក្រុងសែនមនោរម្យ សម្រេចវឌ្ឍនភាព ២០%

ឧកញ៉ា ស្រ៊ៀត មុំសុភា ទទួលបានការតែងតាំងជាកុងស៊ុលកិត្តិយសបង់ក្លាដេស ប្រចាំនៅកម្ពុជា

អ្នកជំនាញអចលនវត្ថុ អ្នកឧកញ៉ាវ័យក្មេង សំ សុខនឿន លើកឡើងពីក្បួនវិនិយោគដីធ្លីមានប្រសិទ្ធភាព

មន្ត្រី ក.ប.ប សាខាខេត្តបាត់ដំបង ចុះពិនិត្យទុរេននៅផ្សារភូពុយ ក្រោយលេចឮព័ត៌មានថា នាំចូលពីប្រទេសថៃ

អ្នកឧកញ៉ាវ័យក្មេង សំ សុខនឿន និងលោកជំទាវ សូ រមនា បរិច្ចាគថវិកា ២ ៥០០ ដុល្លារ ជូនកាកបាទក្រហមកម្ពុជា