លោកស្រី គឹម ចាន់ណា ភរិយាអ្នកឧកញ៉ា លាង ម៉េង មិនដែលមានភាពច្រំដែលរឿងម៉ូដសម្លៀកបំពាក់ឡើយ ហើយចូលរួមកម្មវិធីម្ដងៗ ឈុតនីមួយៗពិតជាស្រស់ស្អាត មានតម្លៃខ្ពស់ព្រោះជាម៉ាកល្បី។
Million Times 
នៅថ្ងៃខួបកំណើតកូនស្រីពៅ អ៊ឹង វីនីកា គម្រប់វ័យ ១៩ ឆ្នាំកាលពីពេលថ្មីៗនេះសមាជិកក្រុមប្រឹក្សាភិបាលក្រុមហ៊ុន ជីប ម៉ុង រូបនេះ បានជ្រើសរើសរ៉ូបដ៏ស្រស់ស្អាតពណ៌ផ្កាឈូក និងជាម៉ាក Elie Saab ដែលជាប្រេនរ៉ូបកូនក្រមុំដ៏ល្បីលំដាប់ពិភពលោក។
ឈុត Elie Saab ដ៏ប្រណិត ស្រស់ស្អាត និងទាក់ទាញនោះមានតម្លៃប្រមាណ ១៨ ៤២០ ដុល្លារ ដែលជាទំនិញមានកាលកំណត់។ ស្ត្រីអភិជនរូបនេះពិតជាមិនធម្មតាបានឡើយ នៅថ្ងៃពិសេសរបស់កូនស្រីពៅបណ្ដូលចិត្ត ហើយឈុតដែលឌិនដោយអង្កាំយ៉ាងផ្ចិតផ្ចង់នោះ បានធ្វើឲ្យសម្រស់លោកស្រី គឹម ចាន់ណា មើលទៅនៅក្មេងជាងវ័យ។
គួរបញ្ជាក់បានថាភរិយាដ៏ស្រស់សោភារបស់អ្នកឧកញ៉ា លាង ម៉េង មិនត្រឹមតែមានសម្រស់ស្រស់ស្អាតឡើយ ការងារនៅក្នុងក្រុមហ៊ុន ជីប ម៉ុង ក៏ចាត់ចែង និងរៀបចំបានយ៉ាងល្អដែរ។ តែទោះរវល់ការងារយ៉ាងណាក៏មិនភ្លេចមើលថែគ្រួសារ និងថែសម្រស់សម្ផស្សឲ្យនៅតែក្មេង ស្រស់ស្អាត រាងស្រឡូនសមសួន៕
អត្ថបទ៖ ឆដា, រូបភាព៖ Bong Joy
