នៅព្រឹកថ្ងៃ ១៦ ខែមិថុនា ឆ្នាំ ២០២៦ នេះមហាសន្និបាតកាយឫទ្ធិនារីពិភពលោក លើកទី៣៩ និងកិច្ចប្រជុំប្រចាំឆ្នាំលើកទី៤២ របស់សហគមន៍ The Olave Baden-Powell Society (OB-PS) ឆ្នាំ២០២៦ បានបើកជាផ្លូវការហើយ ដោយមានស្រ្តីទី១ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជាអគ្គស្នងការសមាគមកាយប្ញទ្ធិនារីកម្ពុជា។
Million Times 
លោកស្រី អ៊ឹមផាន វណ្ណឌី គឺជាស្នងការផ្សព្វផ្សាយ នៃសមាគមកាយឫទ្ធិនារីកម្ពុជា ក៏បានចូលរួមនាព្រឹត្តការណ៍នោះដែរ ហើយមុនកម្មវិធីដ៏ធំដែលទទួលគណៈប្រតិភូជាង ១០០ ប្រទេសចូលរួមលើទឹកដីខេត្តសៀមរាបនេះ នាយិកាក្រុមហ៊ុនគ្រឿងអលង្ការ «ជាង បាក់ វណ្ណហុង» សកម្មក្នុងការរៀបចំចាត់ចែងការងារជាច្រើន។
វត្តមានរបស់លោកស្រី វណ្ណឌី នាព្រឹកនេះ បញ្ជាក់យ៉ាងច្បាស់ថា ការងារសង្គមគឺមិនដែលរំលងពីដៃលោកស្រីឡើយ បើទោះជាក្រុមហ៊ុនលក់គ្រឿងអលង្ការ ជាង បាក់ វណ្ណ ហុង រវល់យ៉ាងណាក៏ដោយ។
ពិធីបើក «មហាសន្និបាតកាយឫទ្ធិនារីពិភពលោក (WAGGGS) » លើកទី៣៩ និង «កិច្ចប្រជុំប្រចាំឆ្នាំរបស់សហគមន៍ OB-PS» លើកទី៤២ ក្រោមអធិបតីភាពដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា។
សម្រាប់ប្រទេសកម្ពុជា នាឱកាសនេះ គឺជាវេលាចែករំលែកទៅកាន់មិត្តអន្តរជាតិនូវបដិសណ្ឋារកិច្ចដ៏កក់ក្ដៅពីប្រជាជនសោភ័ណភាពនៃសៀមរាប អង្គរ វប្បធម៌ បេតិកភណ្ឌខ្មែរ និងសមត្ថភាពរបស់កម្ពុជាក្នុងការទទួលរៀបចំព្រឹត្តិការណ៍អន្តរជាតិ ប្រកបដោយសេចក្តីថ្លៃថ្នូរ សុវត្ថិភាព និងវិជ្ជាជីវៈ ដោយមានការចូលរួមរៀបចំខ្នះខ្នែងរបស់ថ្នាក់ដឹកនាំ សមាជិកានៃ សមាគមកាយឫទ្ធិនារីកម្ពុជា (GGAC)៕
អត្ថបទ៖ ឆដា, រូបភាព៖ Girl Guides Association of Cambodia
