អ្នកឧកញ៉ា គៀន ស្រីនាង ជាភរិយាអ្នកជំនួញធំលំដាប់ប្រទេស ដូចនេះហើយការរៀបចំខ្លួនពិតជាសំខាន់ ដើម្បីឲ្យស័ក្ដិសមជាមួយឋានៈ កិត្តិយស និងមុខមាត់ក្នុងសង្គម។
Million Times 
រូបសម្រស់ដ៏ល្អល្អះរបស់ភរិយាបណ្ដូលចិត្តអ្នកឧកញ៉ា ទ្រី ភាព បង្ហាញយ៉ាងច្បាស់ មិនថាស្ថិតនៅក្នុងបំពាក់បុរាណ ឬសម័យឡើយ។ តែជានិច្ចកាល អ្នកឧកញ៉ា គៀន ស្រីនាង ចូលចិត្តឈុតសម្លៀកបំពាក់ប្រពៃណីអាវប៉ាក់ សំពត់បត់ខ្មែរ ដែលច្នៃពីសូត្រដង្កូវនាងដ៏ប្រណីត នោះគឺសំពត់ហូល និងផាមួង។
សម្រាប់ភរិយាអ្នកឧកញ៉ា ទ្រី ភាព មិនសូវបង្ហាញខ្លួនជាសាធារណៈប៉ុន្មានឡើយ ភាគច្រើនអ្នកឧកញ៉ា គៀន ស្រីនាង ចូលរួមក្នុងវិធីមង្គលការរបស់អ្នកជំនួញដូចគ្នា និងមន្ត្រីរាជការជួរមុខនៃប្រទេសប៉ុណ្ណោះ។
ក្នុងសម្លៀកបំពាក់បុរាណខ្មែរ អ្នកឧកញ៉ា គៀន ស្រីនាង មិនសូវពាក់គ្រឿងពេជ្រឡើយ ដោយភាគច្រើនជាគ្រឿងពែក្យ។ ការតុបតែងខ្លួនបែបស្រគត់ស្រគំមិនឆើតឆាយខ្លាំងឡើយ ដោយការ make up បែបធម្មជាតិៗ និងសក់ទម្លាក់ពាក់កណ្ដាល។ តែអ្វីដែលស្ត្រីអភិជនរូបនេះមិនភ្លេចគឺនាឡិកាដៃមានតម្លៃ៕
អត្ថបទ៖ ឆដា, រូបភាព៖ The Pink Wedding
